Madaxweynaha Soomaaliya Mudane Maxamed Cabdullaahi Farmaajo ayaa xalay ku hoyday Xarunta Wasaarada Gaashaandhiga oo ku taala Degmada Deyniile Nawaaxiga Washaradaha. Madaxweyne Farmaajo ayaa si KMG ah uga soo guuray xarunta madaxtooyada Villa Soomaaliya ee magaalada Muqdisho oo uu madaxweynaha ku shaqeeynayay. Madaxweyne Farmaajo ayaa xalay kulamo saacado badan qaatay la yeeshay Saraakiisha ciidamada xooga dalka Soomaaliya. Madaxweynaha ayaa dhiiragalin u sameeynaya Ciidamada xooga dalka si ay u qaadaan weeraro cuslus iyo hoowlgalo dalka Al-Shabaab looga saarayo. Madaxweynaha Soomaaliya Maxamed Cabdullaahi Farmaajo ahna Taliyaha guud ee ciidamada Qalabka sida ee Soomaaliya ayaa hoogaamin doono howlgal culus oo lagu qaado Al-Shabaab. Dalka Soomaaliya waxaa laga dareemayaa abaabul xoogan oo ka dhan ah kooxda Al-Shabaab. Xasan Maxamed Samatar Cowke Puntland Post Muqdisho The post Madaxweyne Farmaajo oo Xalay ku hoyday Wasaarada Gaashaandhiga appeared first on Puntland Post.

Muqdisho (Caasimada Online) – Hoggaamiyaha maamulka Somaliland Muuse Biixi Cabdi ayaa kulan degdeg ah Xafiiskiisa kula qaatay dhammaan Hoggaamiyayaasha Xisbiyada mucaaradka maamulka Somaliland. Hoggaamiye Muuse Biixi, ayaa Mucaaradka usoo bandhigay latashiyo ku aadan heshiiska dekadda Berbera ee u dhexeeyay maamulka, Shirkada DP World iyo dowlada Ethiopia. Hoggaamiyayaasha uu la kulmay Muuse Biixi ayaa waxaa kamid ahaa Feysal Cali waraabe iyo C/raxmaan Maxamed Cirro waxaana uu kala hadlay sidii ay meel uga soo wada jeesan lahaayeen go’aan mideysana uga qaadan lahaayeen diidmada dowladda Soomaaliya ee heshiiska dekadda Berbera. Biixi, ayaa Hoggaamiyayaasha u sheegay inay muhiim tahay inay qaatan mowqif Mideysan oo lid ku ah dowlada Somalia, waxa uuna soo jeediyay in go’aanka la qaadanaayo uu yahay kan maamulka uu gaaray. Biixi, waxa uu Hoggaamiyayaasha u sheegay in Somaliland ay ka madaxbanaan tahay Somalia inteeda kale, sidaa aawgeed la doonaayo in la kala qaado Mucaaradnimada iyo qadiyada Qaranka. Biixi, waxa uu sidoo kale sheegay in xiisadaha ka soo cusboonaaday heshiiska dekadda Berbera ay tahay mid ay dowlada Somalia ku dooneyso inay kuwiiqdo awooda Somaliland. Sidoo kale, kulanka uu Muuse Biixi la qaatay madaxda xisbiyada ayaa imaanaya kadib markii 5-tii bishan aan ku jirno gudoomiyaha xisbiga wadani Cabdiraxmaan Cirro uu dhaliilay heshiiska Seddex geesoodka ah ee dekadda Berbara . Si kastaba ha ahaatee, Golaha shacabka baarlamaanka Somalia ayaa shalay xaarantimeeyay heshiiskasta oo gudaha dalka quseeya ee lala galay shirkadda DP world ee Imaaraadka laga leeyahay. Caasimada Online Xafiiska Muqdisho Caasimada@live.com The post Muuse Biixi oo go’aanka BF kadib shir degdeg ah la qaatay hogaamiyayasha xisbiyada mucaaradka appeared first on Caasimada Online.

Kathmandu (Caasimadda Online)– Ugu yaraan 49 qof ayaa ku dhintay diyaarad ku dhacday agagaarka garoonka diyaaraddaha caasimada Nepal ee Kathmandu, diyaarayadaasi oo ay saarnaayeen 67 qof. Burburka diyaaradda ayaa ka danbeeyay kadib markii sarkaalka duuliyaha diyaaradda uu warbixin qaldan ka helay kooxda kontoroolka oo warbixin qaldan siiyay duuliyaha diyaaradda sida uu eedeyntaan shaaciyay madaxa fulinta ee US-Bangla Airlines, Imran Asif oo ah diyaaradda burburtay. Wakaaladda wararka Reuters ayaa baahisay in agaasimaha guud ee garoonka diyaaradaha ee Raj Kumar Chettri oo sheegay in duuliyuhu uu diidday farriintiisa ugu timid jihada khaldan. Dadka diyaaradda saarnaa ayaa ahaa 33 rakaab ah oo u dhashay Nepali, 32 ka yimid Bangladesh, mid ka mid ah Shiinaha iyo mid u dhashay Maldives. Mas’uuliyiinta Napel ayaa aaminsan in shilka diyaaraddda shirkadda Us-Bangla Airlines ay tahay mid iyada ka dhalatay, iyadoo ay bilowdeen baaritaano arrintaasi la xiriira. The post Sawirro: Diyaarad shacab oo ku burburtay Nepal oo mas’uuliyadeeda lagu eedeeyay duuliyaha appeared first on Caasimada Online.

Muqdisho (Caasimada Online) – Waa Qaybta ugu dambeysa ee Taxanaha Maxaabbiistii 77. Waxaan ku soo bandhigayaa tirkoob guud iyo macluumaad kooban. Ka dib markii 1988 ay labada Dowladood ee Soomaaliya iyo Ethiopia ku heshiiyeen in maxaabbiista la isu celiyo, waxay labaduba ay ka aqbaleen ICRC in ay fuliso howsha kala beddelaadda maxaabbiista. Talaado 23ka Agoosto 1988 ilaa iyo Kamiis 1da Sebtember 1988 ayay 10 dullimaad u kala gooshtay Muqdisho iyo Dire Dawa dayaarad ay soo kireysay ICRC. Tobankaas maalmood ayaa 3,543 maxbuus oo Ethiopian ah oo isugu jira ciidan iyo rayid oo 530 ka mid ahi ay yihiin carruur aan qaan gaar ahayn iyo hal duuliye oo Cuban ah waxaa laga qaaday Muqdisho waxaana la geeyay dalka Ethiopia. 246 askari oo Somali ah ayaa lagu soo celiyay dalkooda. Maxaabbiista badankood waxay xabsi ku jireen ku dhowaad 11 sano. Mid ka mid ah saraakiishii xabsiga Ethiopia laga soo daayay wuxuu ii sheegay in waraaqaha ICRC ee ka yimid qoysaska Maxaabbiista la keeni jiray xabsiga qiyaastii afrtii biloodba mar. Marka waraaqaha la qeybiyana uu xabsigu noqon jiray shanqar la’aan inta maxbuus waliba uu akhrisanayo xogta qoyskiisa kuna mashquulayo xusuustooda iyo malihiisa. Bilaha xigana ay maxaabbiistu iska wareysan jirtay qof walba warka loo soo sheegay. Inkasta oo aanan anigu xusuusan, sarkaalkaasi wuxuu ii sheegay in gabar Soomaaliyeed oo sarkaal ahi ay ka mid ahayd maxaabbiista la xirnayd ee dagaalka lagu qabtay, dalkana ay dib ugu soo wada laabteen. Ka dib dagaalkii 1977 labada Dowladood ee Soomaaliya iyo Ethiopia ma oggoleyn in ay dayaaradi isaga tallaabto hawadooda. Dayaaraddii ICRC ee 1988 maxaabbiista sidday, waxaan u maleynayaa in ay ahayd markii ugu horreysay ee dayaaradi ay u kala gooshto labada dal tan iyo dagaalkii 1977. Maxaabbiista labada dhinac intii ay socotay, waa sannadkii 1988 waxay wadashaqeyn dhow oo weliba xasaasi ahi ay na dhex martay Wasiir ku Xigeenka Arrimaha Gudaha, Cabdullaahi Maxamed Maax. Waxaan u aqaan mas’uul aan isla weyni aqoon, garyaqaan ah, isla markaana dareen u leh xuquuqda aadanaha. Maxaabbiis Ajnebi ah Maxaabbiista Ethiopian-ka ah intii laga daad gureynayay xabsiga dhexe ee Muqdisho, waxaa soo baxday in maxaabbiis ajnebi ah oo dhowr ahi ay ku xiran yihiin xabsiga. Maxaabiistan ajnebiga ah, waxaa lagu haystay eedeymo aan wax xiriir ah la lahayn dagaalka marka laga reebo nin u dhashay Senegal. Kiisaskooda markii dib loo eegay waxay isugu jireen arrimo u badan xadgudub xeerarka socdaalka oo ah in ay dalka visa la’aan soo galeen. Maxaabbiista qaarkood waxay ku doodayeen in markab laga soo tuuray iyo waxyaabo la mid ah. Waxaan ka xusuustaa nin u dhashay dalka Jamhuriyadda Dimuqraaddiga ah ee Congo oo markaas loo yiqiin Zaire, nin Morocco u dhashay iyo nin dhalashadiisa la garan waayay oo marba dal sheegtay Safaaradaha dalalkaasina ay sheegeen in aanuu u dhalan dalkooda. Dalalka uu sheegtay waxaa ka mid ahaa Indonesia iyo Singapore. Waxaa kale oo jiray nin u dhashay Senegal oo sheegay in uu yahay weriye oo Ciidanka Xooggu ay ka soo qabteen aagga Jigjiga. Wuxuu sheegay in uu yahay weriye aan doonaya in uu labada dhinac ee dagaalka ka warrmo laakiin lagu eedeeyay in uu ahaa basaas. Maxaabbiistaas waxay qaarkood xirnaayeen sannado badan. Waxaan u amleynayaa in uu ugu wakhti dheeraa weriyaha reer Senegal oo xirnaa in ka badan 10 sano. Dowladda Soomaaliya waxay ICRC ka codsatay in maxaabbiistaas ay ku celiso dalalkoodii. Midba mar ayaan ka dhoofinnay maxaabbiistaas marka laga reebo ninka dalkiisa la aqoon waayay kaas oo dib u dejin loo weydiiyay dal saddexaad. Weriyaha Senegal u dhashay waxaan xusuustaa in khadka duullimaadkiisu uu ahaa mid sii maraya Paris. Ma ahayn keliya in aanuu visa Faransiis ah haysan oo ma haysan, ee xataa waxaa dhacsanaa Baasabboorkiisa. Waxaan xusuustaa in aan Safaaradda Faransiiska ee Muqdisho ka helnay oggolaasho ah in uu sii mari karo Paris si uu u qaato dayaarad geysa Dakar. Mxaabbuus kasta inta aan dalka laga dhoofin waxaa la diyaarinayay waraaqo looga baahan yahay hey’ado kala duwan sida Isbitaal, booliiska, Laanta Socdaalka, Wasaaradda Arrimaha Dibadda iyo qaar kale. Hey’adaha qaar waxay ahayd in la horgeeyo maxbuuska taas oo kalliftay in aan xabsiga ka soo saarno oo aan ku hayno Saldhigga Booliiska ee Wardhiigleey. Marka aan u tago Saldhigga aniga oo doonaya in aan Maxbuus geeyo hey’ad ama laba, mararka qaar waxay igu dari jireen askari booliis ah. Maxaabbiis Ajnebi ah waa qormo aan daabacay 2016 oo aan ku yara faahfaahiyay howlgalkaas kooban. Qaybtan 25aad ayaa ugu dambeysa Taxanaha maxaabbiistii 77 oo soo billowday Isniin 5ta Febraayo 2018. Mahadcelin Waxaan u mahadcelinayaa akhrisatayaasha bloggan siiba inta akhrisatay Taxanahan. Waxaan aad ugu mahad celinayaa inta akhrisay, la wadaagtay saaxiibbadood isla markaasna ka dhiibtay ra’yigooda, ii kordhisay macluumaad, maskaxdeyda ku dhaliyay su’aalo, ama weydiimo ii soo bandhigay aan uga jawaabay. Waan ku cudur daaranayaa inta aan ka jawaabi kari waayay, aan ka ilduufay ama aan ka gaabsaday. Waxay ii bidhaamisay fahamka, dareenka, rabitaanka iyo weliba xiiseynta akhrisataha. Waxaan si gooniya ugu mahadcelinayaa saaxiibbada ii duceyay. Waxaan oo aan leeyahay ducada aammiin, intaas oo kale iyo ka bandanna Allah ha idiin kaso. Waxaan akhristayaasha ka raalli-gelinayaa maalmaha qaar aan ka mashquulay, ka nastay ama xaaladda magaalada Muqdisho ee aan deggan ahay ay iila muuqan weyday munaasab in aan Taxanaha si joogta ah u daabaco. Rabbi ka sokow waxaan mahadda ugu ballaaran u jeedinayaa ragga ka tirsanaa Maxaabbiista ee gacanta igu siiyay macluumaadka qaarkiis. DH A M M A A D W/Q. Yuusuf Garaad The post Gunaanad – Taxanaha Maxaabbiistii 77 – Qaybta Shan iyo Labaatanaad appeared first on Caasimada Online.

When Iman arrived in New York, in the fall of 1975, the photographer Peter Beard hosted a press conference introducing her at his friend’s apartment. Source: Hiiraan Online

Jaaliyada Soomaaliyeed ee Seattle Washington iyo Minnesota ayaa tacsi u diraya dhamaan Caruurtii iyo Ehelkii ay ka geeriyootay Alla ha u naxariistee Marxuumad Khadiijo Xasan Bare oo ku geeriyootay MagaaladaMuqdisho. Marxuumada waxaa Illaahay looga abaryayaa jano waarta iyo dambi dhaaf iyo ainuu illaahay samir ka siiyo caruurtii ay ka tagtay iyo guud ahaan Ehelka. Aaaamiiiin Aaaaamiiinw Jaaliyada Soomaaliyeed ee Seattle iyo Minnesota ayaa si gaara ugu tacsiyeynaya caruurtii Marxuumadu ka baxday.

Muqdisho (Caasimadda Online) – Ilaa 11 Xildhibaan oo ka tirsan Golaha Shacabka ayaa codsaday dib-u-dhigista arrinta DP World iyo in xukuumadda looga dambeeyo. Xildhibaan Cabdiraxmaan Ibbi oo ka hor hadlay Golaha Shacabka ayaa sheegay in warbaahinta caalamka, tan gudaha iyo baraha bulshada intaba qabsadeen heshiiska DP World ee la xiriira heshiiska ay la galayaan dekadaha Soomaalida. Xildhibaannadan mooshinka saxiixay waxaa ay codsadeen in dib-u- dhig lagu sameeyo, lagana saaro ajendaha Golaha Shacabka si loo helo war sugan oo ku saabsan arrintan oo laga wareysanayo xukuumadda iyo ra’isulwasaaraha kadib marka ay keenaan kana doodaan natiijada wixii ka soo baxa. Magacyada Xildhibaannada Saxiixay Mooshinka Dib Loogu Dhigayo Arrinta DP World: Maxamed Cumar Carte Qaalib Cabdi raxmaan Ibbi Axmed Maxamud Sheekh(Dhagaweyne) Maxamed Ibraahi Cabdi (Diyeeshe) Cali Maxamed Muuse Aamino Cumar Jaamac Huda Axmed Cali Axmed Maxamed Jaamac Faadumo Ismaaciil Xuseen Aamino Sheekh Cusmaan’ Faadumo Xasan Cali Caasimada Online Xafiiska Muqdisho Caasimada@live.com The post Akhriso: Magacyada 11 Xildhibaan Oo Codsaday Dib-u-dhigista Arrinta DP World appeared first on Caasimada Online.

Muqdisho (Caasimadda Online) – Madaxweynaha Soomaaliya Maxamed Cabdullaahi Farmaajo ayaa ku hoyday caawa xarunta Wasaaradda Gaashaandhigga Soomaaliya, waana markii ugu horreysay burburkii kaddib uu Madaxweyne Soomaaliyeed ku hoydo xaruntaas. Sababta uu Madaxweynuhu ugu hoyday Wasaaradda Gaashaandhigga ayaa wararku sheegayaan inuu kulamo joogto ah la yeesho Saraakiisha iyo Hoggaamada Ciidanka Xoogga si la iskugu dubba rido Ciidanka Qaranka oo u diyaar garoobay inay Alshabaab dalka ka xoreeyaan. Wasiirka Gaashaandhigga, Taliyayaasha Booliska iyo Nabadsugidda, Abaanduulaha Ciidamada Xoogga iyo Hoggaamida Ciidanka Xoogga ayuu Madaxweyne Farmaajo kulamo guud iyo kuwa gaar gaar ah la lahaa maanta ilaa caawa, si loo dhammeystiro abaabulka dagaalka ay ciidamada Qaranku kaga sifeyn doonaan Alshabaab. Waa markii shanaad uu Madaxweyne Farmaajo ku shaqeeyo Wasaaradda Gaashaandhigga, waana markii u horreysay uu u hoydo, taasina waxay tilmaamaysaa in ay Madaxweynaha ka go’antahay inuu dalka ka xoreeyo aragagaxisada Alshabaab iyo in Soomaaliya laga dhaliyo nabad iyo xasillooni. Caasimada Online Xafiiska Muqdisho Caasimada@live.com The post Maxay tahay sababta Madaxweyne Farmaajo ugu hoyday Wasaaradda Gaashaandhigga? appeared first on Caasimada Online.

Madaxweynaha dowladda Fadaraalka soomaaliya mudane Maxamed C/laahi farmaajo ayaa maanta shaqo maal meedkiisa waxa uu u wareejiyay Wasaaradda Gaashaandhigga ee Xukuumada Fadaraalka Soomaaliya . Waxaa warkan lagu sheegay sidookale in Madaxweynaha Todobaadkiiba mar uu tagi doono Wasaarada Gaashaan dhiga Soomaaliya si uu ugu kuur galo Madaxweynaha ,howlaha Wasaaradda iyo arrimaha ciidamada oo dib u habeyn ay ku wado dowladda Soomaaliya. Madaxweynaha ayaa inta uu ku sugan yahay maalmahaasi Wasaaradda Gaashaandhigga waxa uu Madaxda ugu saraysa Wasaarada uu la meel dhigi doonaa dib u habaynta Ciidamada Qaranka si loo wajaho dagaalka Al-shabaab lagula jiro helista Xuquuqda Ciidamada sida Mushaharaad kooda iyo sidii ay Ciidamada Xooga dalka Soomaaliya ay Awooda dalka ugala wareegi lahaayeen Ciidamada Amisom . Puntlandi.com

When Djibouti makes international headlines, it is usually in connection with the many superpowers that have built military bases on its shore. France, the United States, China, Italy and Japan all have a major military presence in the tiny East African nation. Source: Hiiraan Online

Muqdisho (Caasimada Online)-Qoraal kasoo baxay Wasaaradda Boostada, Isgaarsiinta iyo Teknoolajiyadda Xukuumadda Federaalka Soomaaliya ayaa waxaa looga jawaabay hadal kasoo yeeray maamulka Somaliland. Qoraalka ayaa waxaa looga jawaabay haddal shalay kasoo baxay maamulka oo salka ku hayay in dhammaan deegaanada maamulka laga mamnuucay isticmaalka furaha Astaanta Qaran ee Internetka (dotSO). HOOS KA AKHRISO QORAALKA WASAARADA Guul weyn oo taariikhi ah ayay inoo tahay in maamulka astaanta internetka ee Soomaaliya ay la wareegto Hay’adda Isgaarsiinta Qaranka, oo sidoo kale maamuli doonta isticmaalka furaha taleefoonka (252), oo labaduba ah hanti qaran. Soomaali kasta oo ku nool Jamhuuriyadda wuxuu xaq u leeyahay inuu adeegsado furaha taleefoonka (252) iyo kan internet-ka (.so). Waxaa sidoo kale xaq u leh qof, shirkad, ama hay’ad kasta oo dalka ka hawl gasha. Waa calaamad muujineysa juquraafi ahaan iyo aqoonsi ahaanba halka aad ku nooshahay, ka diiwaan gashan tahay ama ka shaqeyso. Astaanta interntka waxaa si gaar ah ugu baahan shirkadaha, jaamacadaha iyo ururrada waddaniga ah, si ay u muujiyaan inay ka dhisan yihiin Soomaaliya iyo xaaladda diiwaangelin ee ay dalkaasi ka haystaan haddii ay tahay .edu.so, org.so, iwm. DotSO waxaa maanta laga isticmaalaa adduunka oo dhan, in laga hor istaago qeybo ka mid ah dadkii Soomaaliyeed ee xaqa u lahaana waa go’aan aan u adeegeynin danaha dadka, shirkadaha, hay’adaha iyo jaamacadaha Soomaaliyeed, waayo waxay halkaas ku weynayaan in la aamino iyo in ay wax la qabsan karaan shirkadaha, hay’adaha iyo jaamacadaha kale ee dhiggooda ah. DotSO waa hanti qaran oo uu wax ku leeyahay Soomaali kasta, inuu fa’iideystana waa mid ka mid ah xuquuqaha muwaadinka. Wasaaradda Boostada, Isgaarsiinta iyo Teknoolojiyada waxaan diyaar u nahay inaan fududeyso sidii dhammaan shacabka Soomaaliyeed meel kastoo ay joogaan ay uga faa’ideysan lahaayeen adeeggan, waxaana dhowaan soo bandhigi doonna qorshe ballaaran oo la xiriira ka faa’iideysiga Astaanta dotSO. WABILAAHI TOWFIIQ Caasimada Online Xafiiska Muqdisho Caasimada@live.com The post Akhriso: DFS oo jawaab adag ka bixisay haddal kasoo yeeray maamulka Somaliland appeared first on Caasimada Online.

Cracks in the National Super Alliance widened on Sunday following revelations that opposition leader Raila Odinga will not attend a meeting of co-principals on Monday. The turn of events tests the strength of a coalition battered by head winds and storms since Mr Odinga took a controversial ‘oath’ at the end of January, and there are fears that the ODM leader’s sudden about-turn to parley with President Uhuru Kenyatta on Friday, without the knowledge or approval of other principals, could have dealt the death blow on Nasa. Monday’s meeting’s schedule was finalised last week, and now questions are being raised on why Mr Odinga played along if he did not plan to attend. It will be in Athi River, on the outskirts of Nairobi. MEETING Ford-Kenya Party leader Moses Wetang’ula on Sunday said the meeting, which they hope will shed light on what transpired before and on Friday, is still on. During the burial of Ms Wavinya Ndeti’s father-in-law on Saturday, Wiper party leader Kalonzo Musyoka also said the meeting is on. “We have agreed to meet on Monday to know what happened on Friday…but my heart is at peace. I feel vindicated,” Mr Musyoka said, without giving details. “What I have been preaching will happen.” But as Mr Musyoka and Mr Wetang’ula rolled up their sleeves for the meeting, Mr Odinga’s spokesman Dennis Onyango was telling the Nation that he was not aware of any plans for Nasa to meet. JUSTICE A source close to the opposition leaders, who sought anonymity because of the sensitivity of the matter, said Mr Musyoka, Mr Wetang’ula and Amani National Congress leader Musalia Mudavadi had formed a penchant for taking sides and opposing every opinion that Mr Odinga presented during meetings, much to the chagrin of the ODM leader. “A man can only take blackmail for so long,” the source said. “They opposed the People’s Assemblies and went for the quest for electoral justice, then asked Mr Odinga to help them focus on the 2022 elections. “It is as if only they know where the door to Jubilee house is. All the three care about is 2022 just because of an agreement that bars Mr Odinga from contesting the presidency.” ELECTION These comments have cast a dark cloud over Monday’s meeting. Most importantly, they point to the heavy matter of contention within Nasa that the four leaders keep brushing aside; a coalition agreement that bars Mr Odinga from vying for president again. Exasperated by Mr Odinga’s lone ranger antics, the co-principals met for the first time late on Sunday to review the events of the week and plot a response. ANC Secretary-General Barrack Muluka said the decision by Mr Odinga to close ranks with Mr Kenyatta was not a surprise “as that has been his style of politics, and Nasa must now come to terms with the fact that it has lost one of its kingpins to Jubilee”. “Odinga’s unilateral flight into the Jubilee Party corner is true to his surprise-and-attack style of politics,” Mr Muluka said, adding that even though Monday’s meeting had been prearranged, only three of the principals would attend, suggesting that Mr Odinga was not welcome. “It is the three principals who will have to sit and decide whether to incorporate Mr Odinga,” he said. “Even if they incorporate him, they will be stretching it because he is already an outsider.” BETRAYED The fall of Nasa is a culmination of a series of events that have rocked the coalition since January 30, when Mr Odinga was “sworn in” as the people’s president in a ceremony skipped by the other principals. During an ODM national governing council meeting early this month, the party told its allies in the coalition that it was ready to go it alone if pushed. The threat came days after Mr Odinga said he had been betrayed. “I will not be surprised if some people abandoned the journey. Even Jesus was betrayed by one of his closest disciple, Judas. Some people may want to betray us,” he said during the burial of Siaya Senator James Orengo’s uncle but did not elaborate. But Mr Odinga’s economy with words did little to hide the source of his agony, for just days earlier Wiper had employed the support of Jubilee to force through Borabu MP Ben Momanyi as member of the Parliamentary Service Commission. Source: – Daily Nation The post Kenya: Fall of Nasa looms as Raila ‘snubs’ meeting appeared first on Caasimada Online.

iyadoo maanta Xildhibaanada Baarlamaanka Soomaaliya ay Ansaxiyeen xeer mamnuucaya heshiisyadii lala galay Shirkada DP World ayaa Xildhibaan C/laahi Goodax Bare oo kamid ah Xildhibanaada Baarlamaanka Soomaaliya waxa uu Golaha wakiilada maanta ka hor jeediyay in Xeerkan lagu daro qodob dhigaya in Mas,uulkii ku kaca fal laxiriira heshis noocan oo kale ah in uu la galo Shirkad shi sheeye lagu xukumo xabsi 30 sano ah iyo Ciqaab. Halkan ka dhagayso hadalka Xildhibaanka godax

Somali parliament on Monday banned the DP World from Somalia barely two weeks after Emirati ports operator unveiled its agreement with Ethiopia and Somaliland. In a hotly debated session, Somali lawmakers jointly declared the company a threat to the country’s sovereignty, independence and unity. “DP World had deliberately infringed on the country’s sovereignty there for it has been banned from operating in the country,” reads resolution issued after the session. The resolution said the agreement between Ethiopia, Somaliland and DP World was against the country’s Provisional Constitution . “Any agreement engaged in a country or organization which is not based on the provisional constitution of Somalia is null and void, therefore all the deals signed with Dubai Port World are invalid as they are against the country’s constitution, foreign investment regulations and other regulations of the country,” the resolution ruled. The move comes barely a day after Somali president warned the foreign countries and companies against breaching the country’s sovereignty. “Whoever wishes to engage investment in Somalia should seek the permission from the legal institutions of the government. Somalia’s foreign policy is based on neutralism and mutual respect,” he told the opening session of parliament. The ban will also affect the agreement between Puntland state and DP World’s P&O ports which was granting the company to manage the port for 30 years. “I am warning companies and countries not to cross the line and put to question the sovereignty of Somalia”. Early this month, Dubai announced a tripartite agreement dividing the Berbera port between DP World (51%), the Ethiopian government (19%), and Somaliland (30%). The Somali government‘s ministry ports had previous termed the deal as null and void. The post Somali parliament bans DP World world from Somalia appeared first on Caasimada Online.

Muqdisho (Caasimada Online)-Sida aan wararkeena hore ku sheegnay ciidamada Booliska ee ku sugan meel ku dhaw Koontaroolka Sayidka ee Magaalada Muqdisho, ayaa rasaaseeyay gaari noociisa uu yahay kuwa aan xabada Karin. Gaarigaan oo madow ahaa ayaa waxaa loo yaqaanaa Proof, waxaana la sheegay inuu lahaa Hanti dhowraha Qaranka. Gaariga ayaa la sheegay inuu waday darawalka oo kaliya kaa oo ka dhaga adeegay inuu joojiyo, xili goobta lagu rasaaseeyay ay u xirneyd ilaalada Madaxtooyada Somalia. Gaariga ayaa rasaasta looga dhuftay taagerada sida aan wararkeena hore ku sheegnay, waxaana halkaa ka dhaqaaqi waayay gaariga, iyadoo wadaha gaariga markii la rasaaseeyay xittaa uu ka biyo diiday inuu soo dago. The post Sawirro: Nooca gaariga Hanti dhowraha qaranka ee maanta la rasaaseeyay oo lasoo bandhigay appeared first on Caasimada Online.

Somali parliament on Monday banned the DP World from Somalia barely two weeks after Emirati ports operator unveiled its agreement with Ethiopia and Somaliland. Source: Hiiraan Online

Muqdisho (Caasimadda Online) – Madaxweynaha Soomaaliya Maxamed C/llaahi Farmaajo ayaa la sheegay in shaqo maalmeedkiisa u wareejiyay Xarunta Wasaaradda Gaashaandhigga, sida ay soo warisay Wakaaladda Wararka Soomaaliyeed ee SONNA. Mudane Maxamed C/llaahi Farmaajo oo maanta ku sugan xarunta Wasaaradda Gaashaandhigga ayaa halkaasi kulamo kula leh saraakiisha Ciidanka Xoogga Dalka oo halkaasi ku soo dhaweeyey. Ujeedada ayaa ah sidii madaxweynaha Jamhuuriyadda Soomaaliya Mudane Maxamed C/llaahi Farmaajo uu u dhiiro gelin lahaa dardargelinta howlgalada military ee ka dhanka ah maleeshiyada Alshabaab. Madaxweynaha ayaa horey xafiis uga furtay xarunta Wasaaradda Difaaca Dalka,halkaasi oo dhowr jeer uu ku gutay shaqo maalmeedkiisa,waxaana tani ay qeyb ka tahay dadaalo lagu dhiiro gelinayo Ciidanka Xoogga Dalka,si ay u dareemaan in ay haystaan taageerada madaxda Dowladda. Wararka ayaa sheegaya in Madaxweynaha Farmaajo uu maalmo ka hor la kulmay xaalad ka dhex jirtay Wasaaradda Gaashaandhigga, Taliska Ciidamada iyo Saraakiisha Ciidamada oo ka dhex jiray buuq ku saabsan dhanka Mushaaraadka, kaddib markii dood ka dhalatay darajada ciidan ee Saraakiisha qaar. Balanqaadka Madaxweynaha ee doorashadiisa ayaa ka mid aheyd dhismaha iyo tayeynta Ciidamada qalabka sida, inkastoo xilligan ay ciidamada wajahayaan xaalado adag oo ay ka mid tahay in aanay muddo qaadan mushaar, sidoo kalena kaalmada uu siin jiray Mareykanka uu goostay. Caasimada Online Xafiiska Muqdisho Caasimada@live.com The post Madaxweyne Farmaajo oo shaqo maalmeedkiisa u wareejiyay xarunta Wasaaradda Gaashaandhigga appeared first on Caasimada Online.

Dhaxal sugaha boqortooyada Maxamed Bin Salmaan iyo Raysal wasaaraha ingiriiskaTheresa May waa laba ilmaadeer ah iyana waji ingiriis ayay ku joogtaa london isaguna waji carabeed ayuu ku jooga sucuudiga. ilmahii nabiyullaahi ibraahim caleeyhi salaam,waa fariicii labadii wiil ee uu dhalay oo kala ahaa Isxaaq iyo Ismaaciil nabadgalyo iyo naxariis korkooda ha ahaatee.labadaa wiil faracoodii ayaa hantiyay jaziiratul carab ilaa maanta.carabta waxaa dhex galay oo boqortooyada ku milmay hogaankana u haya kuwii aqoonta lahaa oo ahaa qabiilooyin kamid ah yuhuuda. maxaayeelay waligoodba waa wada daganaayeen jaziirada carabta oo isku dhex jireen, Taariikha fog waa ka gaabsanayaa intaas ayaan ku ekaynayaa.Laakiin reerkan labaxay ala sucuud iyagu waa qoyska loo gartay in ay boqortooyo ahaadaan dalkana loogu magacdaray.iyagaana xukuma inta suldaan iyo boqor ka jirta jaziirada carabta oo dhan.ala sucuud waxaa garab siiyay oo ka adkaysiiyay qabiilooyinkii daganaa maka iyo madiina niman ay isku hayb yihiin oo wata reer galbeed gaar ahaan ingiriis oo xili fog katagay dhulkaan. laakiin ragii ku haray dhulkan hada loo yaqaan sucuudiga,ayay kaalmeeyeen oo u dhiibeen boqortooyada. Dadkan ala sucuud iyo beeshooduba waxay noqdeen dad carbeed oo kamid ah beelaha degaanka,dhan guur dhan dhaqan iyo dhan diineedba.Laakiin way is ogyihiin ciday yihiin marwalba.Hadaba dadka loo taliyaa waa carab dadka taliyaana waa ragii awalba talin jiray uun. waxay soo saareen xili aan fogayn shidaalkii carbeed iyagaana gacanta ku haya.reer galbeed isagoo qaawan ninkaana maryo u xiray,isagaana soo hogaamiyay oo keenay afrika iyo carabtaba,waayo waanin leh garasho iyo aqoon durugsan oo maamul waana khabiir waayo usoo joogay. Aqoontiisa iyo dadaalkiisu waxa uu dhaliyay in uu dunida reer galbeed kanoqdo hogaamiye sare iyo dhaqaal yahan tan carabeedna qabsado wax iska yimid maha waa xikmad iyo caqli iyo dadaal uu leeyahay oo illaah siiyay sixunba ha u adeegsadee badanaa. Dalka soomaaliya isagaa hada ka abuuray qaskaa jira ee aad aragtaan ee socda 30 sanadood,isagaana abuuray argagixisada isagaana faraya in lala dagaalamo sucuudigu.waa nin meel fog wax ka arka.carabtu waad aragtaan sida loo karbaashay ciraaq,suuriya,yeman.haday isu naxayso oo ay jirto carabnimo sidaa daraadeed maha in dadka soomaaliyeed wax ka sugaan carab iyadii baa basan ee aan waxba ahayn. soomaaliya oo labaa bi inayo oo la duleeynayo miyay ka naxayaan hadii iyagii wada dhashay isu naxayn? Manaha waxaan u jeedaa in dadkeenu ku baraarugaan in carabi tahay adoon lahaysto oo kaalmo u baahan,waxan shuluga dheer idiin soo xirtayna eed carab moodaysaan dhabtu waa maha.carabtii dhaladka ahayd mar horaa laga adkaaday oo waa shaqaale biilkiisa ilaashanaya. Nimankaa ilma ibraahiim isku qabo,midna waa ninka haya hogaanka iyo saldanada nina waa carab oo waakan ah ciidanka iyo shaqaalaha labaduba maanta waxay rabaan in soomaaliya ay khayraadkeeda hantaan.hadee nimankan cadaanka ah ee reer galbeedna iyagaa wata oo saamigooday leeyihiin.hada waxaa larabaa dhulkan dihin ee hore loo sahamiyay shiidaalkiisa iyo dahabkiisa aan inagu ka baahanahay. Dhanka kale in aynu shakino oo baqno meesha mataal,waayo aduunkaan illaahay ayaa maamulkiisa wada,inagu soomaali baynu nahay dad qiimo leh oo caalamkoo dhami ka haybaysto ayaynu nahay,inagoo intan ka dhaqaalo yar kana hub yar kana dad yar ayaa awoow yaalkeen carab iyo yuhuud u diidan dhulkeena oo iska diideen gumaysi iyo duli nimo.shisheeye iyo cadaw dalkeena soo damaaciyay waa iska celinay. awoow yaasheen way ka diideen carab iyo yuhuud iyo saaxiibkood reer galbeed in ay dhulkeena inaga siistaan lacag iyo maal farabadan,waxay ka doorteen gaajo gobonimo leh oo xor ah. Soomaaliya lamid maha afrikadan kale waa dad garankara damaca shisheeye.kolkaa dalkaan inagaa leh cid inaga fara maroojinkartaa majirto,xaqna maha in dhulkeena laynagu qabsado oo dulmiyo illaahay baa inoo hiilin marwalba.Laakiin waxaa ina jilcinaya qabyaalada dhexdeena ah ee aynu beelo iyo jifooyin isu haysano taasoo cadawgeenu ogaaday kana faa iidaysanayo in uu inagu kala qaybiyo had iyo jeer.Laakiin soomaalidu waa dad garasho leh way arkeen oo dareemeen in laysku dirayo oo hada carabtu keentay lacag farabadan oo qabiilada iyo shaqsiyaad loo qaybinayo siyaasiyiin ah oo kala dila dadka soomaaliyeed. Tani waxay keentay in laga digtoonaado oo soomaalidu isku duubni muujisay oo ay difaacanayaan dalkooda iyo diintooda iyo dawladnimadooda.carab waxay kudoodaysaa oo lacag malaayiin ah kubixinaysaa dawlad soomaaliyeed majirtee waxaa jira boqortooyada ama dalka Ethiopia,soomaaliduna waa qabiilooyin kamid ah ethiopia.carab waxay kasoo horjeedaa in dawlada turkigu dhisto dib usoo noolaansho dawlad soomaaliyeed.waxay rabaan in xeebahan iyo dalkaan intii turki qabsan lahaa lasiiyo ethiopia oo ay heshiis layihiin. dadka soomaaliyeed oo ogyihiin in carabi ay kasoo horjeedo in dawlad soomaaliyeed dhalato. waxaan shaki ku jirin in dawlada soomaaliyeed hana qaadayso,dalka soomaaliyeedna Turki dhisayo,dakado caalami ah,hormarinta beeraha iyo xoolaha,wadooyin isku xira dalka oo dhan,goobo dalxiis soomaaliyana ay noqonayso wadanka aduunka uugu qanisan uuguna nolasha fiican.dadka soomaaliyeedna way u kaceen dhismaha iyo difaaca dalkooda hooyo.waxaa soomaaliya ay xukumi doontaa carab iyo afrika mudo aan dheerayn.waa in aan ismaqalaa oo madaxdeena adeecnaa si cadawgu u jabo. waa inaan xoo jinaa xiriirka turkiga soona celinaa xiriirkii ruushka si xulafada duulaanka ingu ah aan uuga guulaysano.kadibna waa in aan kabaxnaa jamaacada carabta taasoo keenaysa in soomaaliya aysan yeelan cadawdanbe.dhibka waxaa galiyay soomaaliya waa kubiiridii jaamacada carabta oo aan anigu u aqaan waxa ay yihiin oo dhabta ah oo ah gole argagixiso lagu laayo dawladaha ka tirsan qaarkood sida soomaaliya.suaashaa waxay tahay maxaa argagixiso kuraacinaya adoo soomaali ah? maxaa diintaada muslimka aad uuga tagaysaa adoo ah soomaali oo aad gole shaydaan ugu biirtay? WAA GABANKII INA BOQOR SALMAAN OO EEDADII OO BOQORAD KA AH UK. SALAAMAYA Waxaa xusid mudan ilma yacquub in ay aduunka korkiisa kusoo mareen dhib farabadan waxbadana ay usoo joogeen,arintaa oo dhaxal siisay in ay dadaalaan ku dadaalaan shaqo iyo aqoon,waxay iska diideen jiif sida basharka intiisa kale ubadan yahay. Arimahaas waxay sababeen in ay caqligooda iyo aqoontooda ku gaareen sifahan aad u jeedaan oo ah in ay aayar xukumaan caalamkan.kama saarayno meesha in illaahay siiyay cilmi isxaaq oo ah adoogii dhalay yacquub. laakiin mid ha iloobin waligaa inagaba illaahay wax wayn buu ina siiyay ee waa seexanay oo dayacnay wixii layna siiyay halkaa ayaa laysku dhaafay,ilma yacquub adeer jiif waa kala tageen dadaalana waa gaara.balhada heer ay gaareen arag riwaayada laynoo dhigayo iyagoo maaskaraati ah ayay ina xukumayaan,intaan waxkalaba la gaareen waxaan isku dilaynaa war waa iyagii iyo maha!!!!

Hay’adda Socdaalka iyo jinsiyadda dowladda Soomaaliya ayaa ayaa qoraal ay soo saartay ku beenisay in ay joojisay Baasaboorka ay ka bixin jirtay Xafiiska magaalada Garowe ee caasumadda dowladda Puntland. Qoraalka ayaa lagu sheegay in hay’adda oo markii hore ku jirtay guri Kiro ah ay haatan xarun weyn ka dhisatay magaalada Garowe,islamarkaana ay xafiiska cusub ka bilaaban doonto shaqadii bixinta baasaboorrada. “Hay’addu waxay mar kale ku wargalineysaa bulshada ku xiran adeegga xaruntaan in ay adeegga bixinta baasaboorku dib uga bilaaban doonto xarunta cusub maalinta beri ah oo ay tariikhdu tahay 13/03/2018”,ayaa lagu yiri qoraalka. Sidoo kale hay’adda ayaa beenisay in wax khilaaf ah uu ka dhex jiro madaxdeeda ku sugan magaalada Muqdisho iyo xafiiska Garoowe,waxayna caddaysay in aysan mas’uuliyad hay’adda ka hayn dadkii warkaasi sheegay. “dhinaca kale Hay’addu waxay cadeyneysaa in aysan matalin isla markaana wax mas”uuliyad ah u haynin dad shaley sheegtey magaca hay’adda socdaalka iyo Jinsiyadda Soomaaliya”,ayaa qoraalku raaciyay Qoraalka ay soo saartay hay’adda Socdaalka iyo jinsiyadda dowladda Soomaaliya ayaa ugu dambyan loogu mahadceliyay guud ahaan madaxda dowladda Puntland,gaar ahaanna maamulka gobolka Nugaal . “Ugu danbeyn, Agaasinka Guud ee Hay’adda Socdaalka iyo Jinsiyadda Soomaaliya ayaa uga mahad celiyay madaxda Dowlad Goboleedka Puntland, gaar ahaan maamulka gobolka Nugaal wadashaqeynta hagaagsan, islamarkaana ku saleysan sharciyada dalka”. The post Hay’adda socdaalka Soomaaliya oo beenisay in ay joojisay baasaboorkii laga bixin jiray magaalada Garoowe. appeared first on Puntland Post.

Kuntuwaarey (Caasimadda Online)_ – Ciidamada xoogga dalka Soomaaliya ayaa shaaciyey in wiil uu dhalay amiirka Alshabaab lagu dilay howlgal ay ciidamada kumaandooska Soomaaliya ka fuliyeen Gobolka SH/Hoose. Idaacadda Ciidamada Xoogga dalka ee magaalada Muqdisho ayaa sheegtay in howlgalka ay fuliyeen Ciidamada Kumaandooska iyo Ciidamo Mareykan ah oo wehiyay, iyadoo xalay laga fuliyey degmada Kuntuwaarey ee Gobolka Shabeellaha. Xubnaha lagu dilay howlgalka waxaa ka mid ahaa Wiil uu dhalay Hoggaamiyaha Al-Shabaab Axmed Diiriye Abuu Cubeyda oo magaciisa lagu sheegay Xasan Axmed Diiriye iyo horjoogayaal ay ka mid yihiin Yuusuf Macalin Cabdalla iyo Maxamuud Maxamed Nuur (Faruur). Ma jiro wax war ah oo kasoo baxay saraakiisha ciidamada dowladda iyo dhinaca kooxda Alsahbaab iyadoo aanay jirin cid xaqiijisay arrintan. Ciidamada Kumaandooska Soomaaliya ayaa la howlgala Mareykanka oo tababarray, waxaana saldhigoodu yahay Garoonka Ballidoogle ee Gobolka Sh/Hoose. Caasimada Online Xafiiska Muqdisho Caasimada@live.com The post Wiil uu dhalay Amiirka Alshabaab & Horjoogayaal lagu dilay Howlgal ay qaadeen Ciidamada Kumaandooska Somalia appeared first on Caasimada Online.

Mudanayaal iyo Marwooyin si walba oo aad ku timaadeen hadey ahaan laheyd Muruq, Maskax iyo Maal waxaad tihiin Xildhibaanadii Qaranka Soomaliyeed, waxaan si buuxda maqsuud idiinkaga noqonay markii aad doorateen Madaxweyne Maxamed Cabdilaahi farmaajo oo aan nagu cusbeyn. Dhibaatooyinku Mudanayaal iyo Marwooyin waa is dabayaal maalinba maalinta ka dambeysa, dadkii aad wakiilka ka aheydeen nolol ma haystaan oo nabad ma haystaan, caafimaadna ma heystaan, su’aashu waxay tahay sidee lagu noolaanayaa oo aad nagu meteleysaan haddii aydaan noo qareemin?. Amaanka:- Mudanayaal iyo Marwooyin waxaad la socotaan hadalkii uu jeediyey Gudoomiyaha Baarlamaanka Hirshabeelle oo yiri. “Waxaan ku jirna go’doon ee halanaka soo gaaro”. waxaad kaloo ogtihiin in gudiga doorashooyinka Qaranku ay Balcad ku tageen diyaarad si ay dadka halkaas ku nool u soo wacyigeliyaan. Sidoo kale jowhar diyaarad ayaa lagu tagaa, waxayna wararka qaar sheegayaan ineyba soo xirantahay wadada xiriirisa Xamar iyo Jowhar kadib markii ay shabaab Todobadkii hore sacado kooban la wareegeen inta badan gacan ku heynta Magaalada Balcad. Mudanayaal iyo Marwooyin iyadoo ay caadi tahay dilka ka dhaca Magalada Muqdisho oo loo geysto dadka rayidka ah iyo ciidamada ayaa hadana wadada xiriirisa Xamar iyo Afgooye xaalkeedu aanu fiicneyn oo waxaa khadyaan laga taagan yahay Miinooyin ay Shababku dhigeen, iyadoo la ogyahay Geeridii Masuuliyiintii Hirshabeelle iyo Koofur Galabeed ee ka dhacday nawaaxiga Wanlaweyn ayaa hadana waxaa doraad galab miino lamiga lagu aasay ku geeriyoodey ku dhowaad 10 askari oo katirsan Ciidanka Milatarga gaar ahaan kuwa ay tababareen Imaaraadka Carabta waxaana intaas dheer in habeen madow lagu aasay qabuuraha Iskuul buluusiya, marka Mudanayaal iyo Marwooyin Amaan ma jiro. Nolosha:- Mudanayaal iyo Marwooyin si loo noolaado waxaa muhiim ah in wax cuno, waa sidee xaalku hadda? Maciishaddii waa ay adkaatay oo waxaa lasoo qaban la’yahay nolol maalmeedkii caadaiga ahaa, shaxaad ma jiro, sababtoo ah waxaa batay shaqo la’antii ka jirtey Magaaladda. Iyadoo sidaasi jirto oo ay dalkan dhibaato ku hayaan Ganacsato gowracato ah ayaa Wasaradda Maaliyaddu waxay soo rogtaa maalin kasta Canshuur hor leh oo aan weligeed Soomaaliya lagu arag, taasoo dhibaato ku noqneysa hadii la meel mariyo dadweynihii hore u dhibanaa gaar ahaan kuwa ku nool Xamar iyo Gobolda la ologga ah, sidaa darteed Mudanayaal iyo Marwooyin nololi ma jirto. Caafimaad:- Mudanayaal iyo Marwooyin, dalka Soomaliya oo ay Caasimadu ugu weyn tahay waxaa laga la’yahay daawo tayo leh si loogu dabiibo dadka xanuunsan. Tusaale, Shalay waxaa Magaalada Muqdisho laga soo weriyey geeriga sedax qof oo hal qoys ka soo jeeda iyo dhaaawca intii kale ee qoyska ka hartay marka Hooyaddii laga reebo. Maxay aheyd sababtu? Sababtu waxay aheyd qoyskaas waxaa ku batay cudurka Duumada ama Malaariyadda, waa ay ku soo noqnoqtay, waxay waayeen daawo ay isaga dabar gooyaan, waxay la daalaadhacyeen dhowr sano oo is xigxigey . Qoyskaas markii dambe waxaa helay Turufatoor (dhakhtar u eke) waxa uu u sheegay in Malariyada lagula tacaalo Geed Talaalka Caleentiisa. Reerkii waxay goosteen iney Geed Talaalka ama Geed Hindiga tuntaan oo ay cabaan si ay meel isaga saaraan Maleeriyada wareerisey, taasuna waxay keentay iney ku sumoobaan oo ay sedax ka mid ahi u geeriyoodan geedkii ay cuneen kuwii kalena weli ay la il daran yihiin. waxaa intaas dheer Mudanayaal iyo Marwooyin daawo la’aanta Soomaaliya ka jirta waxay sababtay in Haweenkii infection-ka qabay hadda daawo ahaan loo siiyo oo ay cunaan Geedka Diisiga, markii ay waayeen daawooyin ay kula tacaalaan infaction-ka wareeriyey marka Mudanayaal iyo Marwooyin Caafimaad ma jiro. Gebagebadii Mudanayaal iyo Marwooyin Mar haddii aanu jirin Amaan oo aaney Nabadi jirin oo hadana Caafimaad jirin maxaad ku meteshaan shacabka Soomaliyeed ee dhibaateysan? Dhinaca kale Mudanayaal iyo Marwooyin sow lama garin waqtigii aad dib u eegi laheydeen waxqabadka Kheyre iyo Xukuumaddiisa. WQ. Cabdinaasir Xersi Iidle. Mail. naasirx1@gmail.com Tel. 00252-615503978. The post Seddex waxyaabood oo keenayo in dib u eegis lagu sameeyo Kheyre iyo Xukuumadiisa appeared first on Caasimada Online.

Hargeysa (PP) ─ Madaxweynaha Somaliland, Muuse Biixi Cabdi oo wareysi gaar ah siinayay mid ka mid ah Telefishinka Horn-cable, ayaa sheegay in xiligaan munaasab ahayn wadahadal ay la galaan Dowladda Federaalka Soomaaliya. Muuse Biixi ayaa xoojiyay hadalkii Wasiirkiisa Arrimaha Dibadda, Sacad Cali Shire oo sheegay inay dib u dhigeen si KMG wadahadaladii ay Soomaaliya kula yeelan lahaayeen dalka Jabuuti. “Wada-hadalladu mar walba way wanaagsan yihiin, balse xilligan munaasab kuma aha, waayo yaan la hadalnaa, ma cid aan jirintaankeenna aqoosanayn. Annaga waxaan doonayno waa inaan isku soo hor-fariisano sidii labo Dal oo kale, iyaguna taas ma ogola, marka Dowladda Somalia iyo gobol Soomaaliya ka tirsan oo kale miyaan u wada-hadalnaa – Maya,” ayuu yiri Muuse Biixi. Sidoo kale, Muuse Biixi ayaa kasoo horjeestay in dowladda Turkiga ay dhex-dhexaadiso iyaga iyo Dowladda Somalia, isaga sheegay inay ku fashilmeen wada-hadalladii horay labada dhinac u dhex-maray. Dhinaca kale, Madaxweynaha Somaliland ayaa wuxuu si adag uga jawaabay go’aankii ay Dowladda Soomaaliya ka qaadatay Heshiiskii saddex-geesoodka ahaa ee Dekedda Berbera. “Marka hore waxaa is weydiin leh Berbera yaa maamula… kuwa leh heshiiska ayaan kasoo horjeednaa ma imaan karaan Berbera… marka deegaan aanu ku jirin gacantaas oo aadan tagi karin inaad ka hadasho maamulkeeda waa ayaan-darro. Annaga kama hadalno waxa ka socda Dekedda Kismaayo iyo tan Boosaaso, waayo waan ix-tiraameynaa go’aankooda,” ayuu hadalkiisa ku daray madaxweynaha Somaliland. Hadalka Muuse Biixi ayaa wuxuu kusoo beegmayaa iyadoo Madaxweynaha Somalia, Maxamed C/llaahi Farmaajo oo khudbad ka jeedinayay xafladdii furitaanka kal-fadhigii saddexaad ee baarlamaanka Smalia uu sheegay inuu si dhaqso ah u billaabmi doonaan wada-hadaladii ay Dowladda Somalia kula jirtay maamulka Somaliland. Ugu dambeyn, Xubno ka tirsan baarlamaanka iyo Wakiilada Somaliland ayaa kasoo horjeestay heshiiska Dekedda Berbera, iyagoo ku tilmaamay mid aan waafaqsaneyn heshiisyadii horey u dhaxmaray Xukuumadda Somaliland iyo shirkadda DP World, gaar ahaan waxaa ay xubnaha golaha Wakiiladu diideen Saamiga ay Itoobiya ku yeelanayso dekedda Berbera. PUNTLAND POST The post Madaxweynaha Somaliland oo ka hadlay Wadahadallada u dhexeeya DF Somalia iyo Somaliland appeared first on Puntland Post.

Musharax Gudomiyaha Golaha Deegaanka Degamada Bosaso Maxamed Faarax Xaaji Mire Ayaa maanta si weyn loogu soo dhaweyey Magaalada Bosaso ee xarunta gobalka Bari,. Soo Dhaweynta Musharax ayaa Waxaa Ka Qayb Galay Bulshada Qaybaheeda Kala Duwan Sida Haweenka Dhalinyarada Odayaasha Dhaqanka Waxgaradka Iyo Aqoonyahanada Ku Sugan Bosaso. Maxamed Faarax Xaaji Mire Waa Nin Dhalinyaro Ah Aqoonyahana Waxbadana Kala Socda Siyaasada Magaladan Bosaso Isagoona Sheegay Hadii Uu Ku Gulaysto Inuu Hormar Wacan Gaarsinayo Magaladan. Musharax Maxamed Faarax Xaaji Mire Oo Qaybta Nasashashada Garoonka Diyaaradaha Kula Hadlay Warbaahinta Ayaa Sharaxay Sababta Ku Kaliftay Inuu Isasoo Sharaxo. “…Bosaso waxay ii leedahay muhimad gaar ah waant ii maalin farxadeed, Bosaso waa meeshii muddadii dhalinyaranimadeyda aan ku qaatey wax badana aan ka qabtey, waxay astaan u tahay Qaranimada Soomaaliya in aan maanta joogno Bosaso oo ku taala cirifka Waqooyi ee xeebaha Soomaaliya…. waxana sida oo kale ku faraxsanahay in aan u tartamo xilka gudoomiyaha Degmada Bosaso hadii aan ku guuleysto waxabadan ayaan ka qabanayaa baahiyo badan oo ka taagan Bosaso ” sidaas waxa yiri Musharax Gudoomiye golaha Deegaanka Bosaso Maxamed Faarax Xaaji Mire. Waxaa Magalada Bosaso Hada Laga Daremaya Soo Xulista Xildhibanada Golaha Degaanka Bosaso Kuwaasi Oo Dooran Doona Gudomiyaha Ay Degamadan Yeelan Doonto. The post Musharax Gudoomiye Maxamed Faarax Xaaji Mire oo Bosaso lagu soo dhaweeyey appeared first on Puntland Post.