Maalmihii dambe waxaa kulamo ay ka socdeen magaalada Muqdisho kuwaasoo ay lahaayeen madaxda ugu sarreeysa Hirshabeelle sida madaxweyne Maxamed Cabdi Waare, ku xigeenkiisa Cali Xuseen Guudlaawe iyo afhayeenka baarlamaanka Cismaan Barre Maxamed. Kulamadani ayaa waxaa qabanqaabiyay xildhibaanno isxilqaamay oo ka tirsan golaha sharci dejinta ee Hirshabeelle, sida uu Masraxa Goobjoog FM u xaqiijiyay Xildhibaan Cabdirashiid Cabdixakiin. Wuxuu tilmaamay in sidoo kale madaxda ay si wadajir ah ula kulmeen wasiirka koowaad ee xukuumadda federaalka Xasan Cali, islamarkaana laga wada hadlay khilaafyada ka dhex aloosan Hirshabeelle iyo Dowladda dhexe. Warar saacadihii hore ee maanta oo Sabti ahayd soo baxayay ayaa sheegayay in xukuumadda Soomaaliya ay lahayd isu imaatinka madaxda Hirshabeelle. Haddaba, arrintaas ma waxay ka dhigan tahay in Madaxweyne Waare oo kamid ah saxiixayaasha warmurtiyadeedkii shirkii Kismaayo uu dibadda ka joogo haddii ay dowladda isla meel dhigeen tabashada ay ka maamul ahaan qabaan? Su’aashaas iyo kuwa ayaa Goobjoog News weydiisay Xildhibaan Cabdirashiid Cabdixakiin. Hoos Ka Dhageyso: https://goobjoog.com/wp-content/uploads/2018/09/WAREYSI-XILDHIBAAN-HIRSHABEELLE-15-09-2018-1.mp3 Goobjoog News Source: goobjoog.com

Hundreds of thousands of people have gathered in Ethiopia's capital to welcome leaders of the Oromo Liberation Front (OLF), the latest members of a formerly-banned rebel group to return home following a string of political reforms in the country. Source: Hiiraan Online

A new report says Ethiopia’s air force has killed about 70 al-Shabab extremists in an airstrike in neighboring Somalia. Source: Hiiraan Online

Xubnaha baarlamaanka Galmudug ee fadhiya Cadaado ayaa xilkii madaxweyne ee maamulka Galmudug ka xayuubiyy Axmed Ducaale Geele Xaaf. Dhacdan oo noqoneysa markii labaad ayey ku soo aadeysaa xilli si muran ku jiro isna xilkii looga tuuray gudoomiyaha barlamaanka Galmudug Cali Gacan Casir. Hase ahaatee, dhaq dhaqaaqan iyo xasaradahan siyaasadeed ee Galmudug maxaa ka dhalan kara? Hoos waxaan ku soo koobeynaa laba arrimood oo laga fili karo dhacdooyinkaas. 1 – Xaaf oo sidaas kugu daayey Axmed Ducaale Geele Xaaf tan iyo markii uu bedelay Cabdikariin Xuseen Guuleed, waxa uu ka dhammaan waayey muran iyo is jiid jiid siyaasadeed oo kala dhexeysa ku xigeenkiisa iyo gudoonka baarlamaanka. Mar waxaa sidan oo kale looga qaaday xilka balse ismarin waa siyaasadeed ayuu xilkiisii ku sii adkeystay. Hase ahaatee, maanta reer Galmudug waxaa u caddaatay in Xaaf xal u ahayn Gamudug mana filayaan in uu ka soo kaban doono xilka qaadista hadda lagu sameeyey, maadaama arrinta Galmudug gaartay meel aad u liidata, loona baahan yahay xal waara. 2 – Xubnaha baarlamaanka ugu jira DF oo ka raja dhigay hoggaamintiisa Xubnaha barlamaanka dowladda Federalka ugu jira Galmudug ayaa xoogooda isugu geeyey in ay Xaaf bad baadiyan khilaaf siyaasadeedkii kan ka horreeyey balse sida maanta ka muuqatay qoraallo ay soo dhigeen Facebook, xataa iyaga quus ayey ka joogaan hoggaan xumada Xaaf. Xaaf ayaa intii uu xilka hayey kusoo ururay oo kaliya khilaaf, safari joogto ah iyo loolan uu la galo dowladda dhexe, isaga oo raacsan Gaas iyo Axmed Madoobe, oo haysta maamullo aysan cidna uga daba-hadli karin ama kiisa ka horumursan, waxaana Xaaf garan waayey danta dadkiis iyo deegaankiisa. Caasimada Online Xafiiska Muqdisho caasimada@live.com

Jabuuti (Caasimada Online) – Madaxweynaha Jabuuti Ismaaciil Cumar ayaa isna la xaqiijiyey in lagu casuumay oo uu ka qeyb-gali doono shir madaxeedka magaalada Jeddah ee heshiiska taariikhiga ah ay ku saxiixan doonaan dalalka Ethiopia iyo Eritrea kadib labaatan sano oo colaad ah. Boqorka Sacuudi Careebiya Boqor Salman Bin Abdulaziz oo goobjoog ka ah munaasadda islamarkaana Axadda soo socota lagu qaban doono magaalada Jeddah ayay Ra’iisul Wasaaraha Itoobiya, Abiy Axmed Cali iyo Madaxweynaha Eretariya Isaisa Afwerki ku saxiixi doonaan heshiiska iyagoo matalaya labadooda dowladood. Ka sokow heshiiska Ethiopia iyo Eritrea, Jabuuti iyo Eritrea ayaa sidoo kale la filayaa in madaxda Sacuudiga ay ka dhex-shaqeeyaaan inay gaaraan heshiis buuxa, hase yeeshee taas wax faahfaahin ah lagama hayo weli. Ilo-wareedyo ka tirsan madaxtooyada Jabuuti ayaa Caasimada Online u sheegay in wafti horudhac ah oo ka socda Jabuuti ay xalay aadeen magaalada Jeddah, islamarkaana madaxweyne Geelle uu isna kusii jeedo halkaas saacadaha soo socda. Marka la eego dalalka Geeska Afrika, ee dadaallada nabadeed waday dhowaan, waxaa shirka ka maqan oo kaliya Soomaaliya, lamana shaacin sababta keentay in dowladda Federaalka ah ee Soomaaliya laga reebo ka qeyb galka xafladda ballaaran ee saxiixa Heshiiska Ethiopia iyo Eritrea. Hayeeshee, waxaa loo maleynayaa inay sabab u tahay xiriirka xun uu u dhaxeeya Sacuudiga iyo Villa Somalia, ee ka dhashay markii dowladda ay diiday inay xulufada Sacuudiga ku taageerto khilaafka kala dhaxeeya Qatar. Xukuumadda Riyadh ayaa la fahamsan yahay in aynaan ku faraxsaneyn mowqifka dowladda Federaalka ee xiisadda wadamada Khaliijka, waxayna u aragtaa in Madaxtooyada Soomaaliya ay u weecatay dhanka dowladda Qadar, oo ay ku riixayaan shaqsiyaad saameyn weyn ku leh maamulka Farmaajo. Caasimada Online Xafiiska Jabuuti Caasimada@live.com

Maxkamadda darajada Koowaad ee Ciidamada qalabka sida ayaa maanta xukuno kala duwan ku riday 5 qof oo lagu eedeeyay ka mid ahaanshaha Alshabaab. Abuukar Cabdi Abiikar, Cabdirisaaq Shaahid Aadan Kheyrdoon, Saleebaan Muxsin Sheekh Maxamed, Cabdi Cali Isaaq Cilmi iyo Ilyaas Ciise Sheekh Cali ayaa lagu eedeeyay in ay kawada tirsanyihiin Alshabaab iyada oo Maxkamadda ay ku kala riday xukunno kala duwan. Maxkamadda Ciidamada ayaa ku xukuntay Sideed (8)-sano oo xabsi Ciidan ah Seddaxda eedeysane ee kala ah Abuukar Cabdi Abiikar, Cabdirisaaq Shaahid Aadan Kheyrdoon, Saleebaan Muxsin Sheekh Maxamed, halka labada eedeysane ee kale ah Cabdi Cali Isaaq Cilmi iyo Ilyaas Ciise Sheekh Cali ay ku xukuntay min Shan (5)-sano oo xabsi Ciidan ah, Sida uu sheegay Guddoomiyaha Maxkamadda Darajada koowaad ee Ciidamada Qalabka Sida G/sare Xasan Cali Nuur Shuute. Goobjoog News Source: goobjoog.com

47 xildhibaan oo ka tirsan Baarlamanka Galmudug ayaa maanta kulan ay Cadaado ku yeesheen ka sheegay in ay xilkii ka qaadeen madaxweynaha Galmudug, Axmed Ducaale Geelle(Xaaf). Kulanka ayaa waxaa shir guddoominayay,Cali Gacal Casir oo isagana xildhibaanno ka tirsan Baarlamanka Galmudug ay maalin ka hor sheegeen in ay ka xayuubiyeen xilka guddoomiyaha Baarlamanka maamulkaas. Dhinaca kale in ka badan 97 xildhibaan oo ka tirsan Baarlamanka Galmudug ayaa kulan ay maanta ku yeesheen Dhuusa-mareeb,waxay mooshin kaga gudbiyeen madaxweyne ku xigeenka,Maxamed Xaashi Cabdi(Carrabeey). Xildhibaannada ayaa mooshinka u gudbiyay,guddoomiye ku xigeenka koowaad ee Baarlaamanka Galmudug,Xareed Cali Xareed. Khilaafka u dhexeeya madaxda sare ee Galmudug ayaa sii xoogaystay tan iyo markii madaxweyne Xaaf uu wax ka saxiixay qodobadii ka soo baxay shirkii madasha iskaashiga dowlad goboleedyada dalka Kismaayo. PUNTLAND POST The post Madaxweyne Xaaf oo xilka laga qaaday appeared first on Puntland Post.

KISMAYO (Caasimada Online)– Somalia’s Jubaland security forces have arrested man dressed as women in Kismayo town, some 500km south the capital of Mogadishu. The security operation was carried out in the coastal tonw, following a tip-off, according to Jubaland Intelligence Agency. The Agency says its security forces had detained a man, wearing female clothing, who named himself as Farhio in the town. “We arrested man dressed like a women after an operation in the coastal town of Kismayo”, the agency said. The suspected man was reportedly taken into police station for further investigation. Caasimada Online Kismayo News Desk Caasimada@live.com

MOGADISHU (Caasimada Online) — Somali Islamist group Al Shabaab has posed new photos what it says were recovered from US and Somali especial forces during joint raid last week in Mubarak town, some 37 miles west of Mogadishu capital. The goup says its fighters had seized weapons, ammunations and other military items during joint raid on militants’ camp in Mubarak town. In a statement aired by Radio Andulus, Al-Shabaab mouthpeice, said the group’s fighters repusled the attack launched by Somali forces, along with US forces. Last week, US military said two militants were killed and another wounded in drone strike in the town. US says the strike was carried out after its forces with Somali army troops came under attack by Al-Shabaab. The military said no US soldier was killed or injured in the attack, but, saying a Somali soldier had been killed in the attack. Somalia’s Intelligence Twitter feed, said its especial forces backed by US troops killed 3 militants in the raid. “We killed 3 terrorists in joint military offensive againts Al Qaeda linked Al-Shabaab group in southwest of Somalia”, it said. The Islamist group has been waging insuregency for more than 10 years in Somalia. The group, which once controlled much of Mogadishu capital in 2011, wants to topple the weak-western backed govenment of Somalia. Caasimada Online Mogadishu News Desk Caasimada@live.com

Muqdisho (Caasimada Online) – XIldhibaano lagu sheegay inay gaarayaan ilaa 47 Xildhibaan ayaa la sheegay inay xilkii ka qaadeyn madaxweyne Xaaf. Arrintaan ayaa kusoo aadeyso xilli dhawaan Magaalada Dhuusamareeb looga dhawaaqay in xilkii looga qaaday Guddoomiyaha Baarlamaanka Galmudug Casir kadib xildhibaano halkaas ku shiray. Galmudug ayaa noqotay meel ay caado u noqotay mooshino iyo xil ka qaadis kala duwan oo aan la ogeyn natiijada ka imaan doonto. Kulanka waxaa shir guddoominayey Cali Gacal Casir oo dorraad isna ay xildhibaanno ku shiray Dhuusamareeb ka qaadeen xilka afhayeenka baarlamaanka Galmudug. Dhanka kale Xildhibaano ka tirsan Baarlamaanka maamulka Galmudug ayaa soo gudbiyay Mooshin ka dhan ah Madaxweyne ku xigeenka maamulka Galmudug Maxamed Xaashi Cabdi Carabay. 97 Xildhibaan oo ka tirsan Baarlamaanka Galmudug ayaa Mooshin kalsooni kala noqosho ah ka keenay Madaxweyne ku xigeenka Galmudug oo ay ku eedeeyeen in uu burburinaayo maamulka Galmudug. Gudoomiye ku xigeenka Koowaad ee Baarlamaanka Galmudug Xareed Cali Xareed ayaa qabtay Mooshinka xilka looga qaadayo Madaxweyne ku xigeenka Galmudug. Xildhibaanada Galmudug ayaa horay u sheegay in ay xilka ka qaadeen Gudoomiyihii Baarlamaanka maamulka Galmudug Cali Gacal Casir. Caasimada Online Xafiiska Muqdisho Caasimada@live.com

Xildhibaanno 47 ah, oo maanta ka dooday mooshin ka dhan ah madaxweynaha Galmudug Axmed Geelle Xaaf ayaa ugu dambeyntii kalsoonida kala noqday madaxweyanaha. Kulanka waxaa shir guddoominayey Cali Gacal Casir oo dorraad isna ay xildhibaanno ku shiray Dhuusamareeb ka qaadeen xilka afhayeenka baarlamaanka Galmudug. Dhinaca kale, sida ay Goobjoog News warar ku heleyso Tiro ku dhaw 97 xildhibaan oo ka tirsan baarlamaanka Galmudug ayaa mooshin kalsooni kala noqosho ah ka keenay Madaxweyne ku-xigeenka Galmudug Maxamed Xaashi Cabdi Carabay, Xildhibaanada ayaa madaxweyne ku-xigeenka ku eedeeyeen in uu burburinaayo maamulka Galmudug. Goobjoog News Source: goobjoog.com

Guddoomiyaha gobolka Sanaag ee dhinaca Somaliland,Maxamed Axmed Caalin(Tiimbaro) oo maanta warbaahinta kula hadlay magaalada Ceerigaabo, ayaa ka jawaabay hadal ka soo yeeray sarkaal ka tirsan jabhadda Caarre oo lagu magacaabo Jamaal Ducaale Maxamed(Baaxad). Sarkaalkan oo xalay khadka talefonka ugu warramay qaar kamid ah warbaahinta, ayaa beeniyay warar ay faafisay saxaafadda Somaliland, oo lagu sheegay in Korneyl.Jamaal Baaxad uu heshiis nabadeed la gaaray maamulka Muuse Biixi,islamarkaana ka soo goostay jabhadda la baxday”Dib u-xoraynta Somaliland”. Korneylka oo sida uu sheegay haatan ku sugan buuraleyda{Hal-dhaadan} oo qiyaastii 30km dhinaca waqooyi kaga beegan degmada Ceerigaabo, ayaa sheegay in uusan marnaba heshiis iyo nabad qaadaneyn,inta buu yiri”la helayo Somaliland loo simanyahay”. Sidoo kale wuxuu ku janjabay in uu maamulka Muuse Biixi ka soo weerari doono dhanka buuraleyda gobolka Sanaag,isagoo fulinaya amarka hoggaamiyaha jabhadda oo lagu magacaabo Siciid Cawil Jaamac(Caarre). Haddaba guddoomiyaha gobolka Sanaag qeybta Somaliland, Maxamed Axmed Caalin(Tiimbaro) ayaa si jees-jees ah uga jawaabay hadalka ka soo yeeray sarkaalka,isagoo sheegay in uusan agtooda wax weyn ka ahayn oo ay si fudud u soo qaban karaan,balse ay isaga u tudhayaan,sida uu hadalka u dhigay. Dhinaca kale Tiimbaro ayaa ku gooddiyay in uu sharciga la tiigsan doono,qaar kamid ah warbaahinta Somaliland oo siidaysay codka laga duubay korneylka u soo hanjabay maamulka Muuse Biixi. Jabhadda la baxday”Dib u-xoraynta Somaliland” ee fadhiisimaha ku leh qeybo kamid ah gobolka Sanaag ayaa ka kooban saraakiil sare oo ka goostay militariga Somaliland iyo malayshiya-beeleedyo ku biiray,waxaana la sheegay in ay hadda ku sii fidayso degaanno cusub oo gobolkaas ah. Korneyl.Siciid Cawil Jaamac(Caarre) oo hoggaaminaya jabhadda ayaa todobaadkii tegay mar uu warbaahinta la hadlay wacad ku maray,in uu Somaliland ka xorayn doono maamulka Muuse Biixi Cabdi oo uu ku tilmaamay mid ay ku bahoobeen laba reer oo keliyah. PUNTLAND POST The post Tiimbaro oo si jees-jees ah ugu jawaabay sarkaal ka tirsan jabhadda Caarre appeared first on Puntland Post.

Jeddah (Caasimada Online) – Boqortooyada Sacuudiga ayaa martigelinaysa saxiixa heshiiska nabadda ee dowladaha Itoobiya iyo Eratariya kadib markii ay soo afjareen bishii July labada dhinac colaaddii u dhaxeysay mudada 20-ka sano. Boqorka Sacuudi Careebiya Boqor Salman Bin Abdulaziz oo goobjoog ka ah munaasadda islamarkaana Axadda soo socota lagu qaban doono magaalada caasimadda ah ee Riyadh ayay Ra’iisul Wasaaraha Itoobiya, Abiy Axmed Cali iyo Madaxweynaha Eretariya Isaisa Afwerki ku saxiixi doonaan heshiiska iyagoo matalaya labadooda dowladood. Illaa iminka lama shaacin sababta keentay in dowladda Federaalka ah ee Soomaaliya laga reebo ka qeyb galka xafladda ballaaran ee saxiixa Heshiiska Eithiopia iyo Eritea. Hayeeshee, waxaa loo maleynayaa inay sabab u tahay xiriirka xun uu u dhaxeeya Sacuudiga iyo Villa Somalia. Dhowaan Boqortooyada Sacuudiga ayaa dib u soo celisay xoolihii Udxiyadda ee Soomaaliya laga dhoofiyay, waxaana taas dhaawac weyn ay u geysatay gacancsatada Soomaaliyeed. Inta la qaddaray dhaqaale ka badan 30 million oo dollarka Maraykanka ayay khasaareen ganacsatadii xoolaha u dhoofisay Sacuudiga. Xukuumadda Riyadh ayaa la fahamsan yahay in aynaan ku faraxsaneyn mowqifka dowladda Federaalka ee xiisadda wadamada Khaliijka, waxayna u aragtaa in Madaxtooyada Soomaaliya ay u weecatay dhanka dowladda Qadar, oo ay ku riixayaan shaqsiyaad saameyn weyn ku leh maamulka Farmaajo. Sacuudiga oo galaangal ku leh caalamul Islaam ayaa hoos u dhigay xiriirkii kala dhaxeeyay dowladda Federaalka, sidoo kalena joojiyay taageeradii uu siin jiray, arrintaas waxaa loo sababaynayaa in Xukuumadda Muqdisho aysan dhab ka ahayn dhex-dhexaadnimadeedii xiisadda Khaliijka ay ka qaadatay sanadkii tegay ee 2017-ka. Madaxweyne Maxamed Cabdullaahi Maxamed (Farmaajo) oo labo jeer booqasho ku gaaray dalka Sacuudiga tan iyo markii la doortay Febuary, ee 2017, ayaa muddooyinkii dambe safaro ku kala bixiyay Eritrea iyo Eithiopia, oo min labo jeer uu booqday, isagoo qeyb ka ah hoggaamiyaasha heshiiska nabada gobolka ka shaqeynaya. Arrintaan ayaa ku soo beegmaysa iyadoo dhowaan xukuumadda federaalku ay shaacisay in ay heshiisiineyso dowladaha Eretariya iyo Jabuuti oo muddo 10 sano ah uu ka dhaxeeyo khilaaf suntan dhanka xuduudda. Jabuuti ayaa ku andacoonaysa in Eratariya ay xoog ku heysato jaziiradda Doumeira oo ah marrin ku yaalla badda cas muhiimna u ah ganacsiga dunida. Caasimada Online Xafiiska Muqdisho Caasimada@live.com

Xildhibaanno ka tirsan Hirshabelle ayaa ka digey fatahaad uu sameeyo Wabiga Shabelle. Xildhibaanadan ayaa sheegay in cabsida ugu weyn ay tahay in biyo badan kusoo rogmadaan magaalada Jowhar ee Shabellaha Dhexe. Xildhiban C/qaadir Karaani ayaa ugu baaqay Xildhibaannada Hirshabelle in ay iska kaashadaan sidii looga hortagi lahaa Fatahaad uu sameeyo Wabiga Shabelle . “Wabigii waa uu buuxaa mana jiro hal Xildhibaan oo dhahaya aan isku tashanno, waxaan ugu baaqayaan Xildhibaannada deegaanka ka soo jeeda in ay wax iska weydiiyaan dhibaatada haysata Shacabkooda”. Xildhibaan Mukhtaar Xasan Tuure ayaa isna dhankiisa waxaa uu sheegay in haddii aan laga hortagin Fataad uu sameeyo Wabiga Shabelle ay biyaha qaadi doonaan Magaalada Jowhar ee Cassimadda Maamulka Hirshabelle. “Waxaa ay taagantahay arrinta wax qabad wabiga waxaa uu marayaa meel xasaasi ah Caawa iyo habeen dambe haddii uu ku sii daro lama fadhin doono caasimadda Hirshabelle”. Hadalka Xildhibannadan ayaa waxaa uu imaanayaa iyada oo ay jirto cabsi la xiriirta in uu Fatahaad sameeyo wabiga Shabelle. Goobjoog News Source: goobjoog.com

Ciidamo ka kala tirsan booliiska iyo militariga Dowladda Federaalka Soomaaliya ayaa maanta ku dagaallamay degmada Kaxda ee gobolka Banaadir,sida ay xaqiijiyeen dadka degaankaas. Dagaalka labada dhinac oo khasaare dhimasho iyo dhaawac sababay ayaa sida wararku sheegayaan ka bilowday weerar ay booliiska gobolka Benaadir ku qaadeen,is-baaro ay ciidamo ka tirsan militariga Soomaaliya ay lacago baad ah kaga qaadan shacabka ku dhaqan degmada Kaxda. Ugu yaraan laba askar oo ka tirsan militariga ayaa la xaqiijiyay in ay ku dhinteen weerarka,halka ilaa saddex kale oo booliis ahna ku dhaawacmeen,waxaana la sheegaya in booliisku uu la wareegay is-baarada lagu dagaallamay. Ma jirto ilaa iyo haatan dhanka dowladda cid ka hadashay dagaalkan,hase yeeshee wararka qaar ayaa sheegaya in guddoomiyaha degmada Kaxda oo lagu magacaabo Maxamed Ismaaciil uu ka dalbaday booliiska in ay weerar ku qaadan ciidamadii halkaasi is-baaradu u taallay ee ka tirsan militariaga dowladda. Dagaallada noocan oo kale ah ayaa ku soo noq-noqda magaalada Muqdisho,iyadoo marar badan oo hore ay halkaasi ku dagaallameen ciidamo ka wada tirsan dowladda Federaalka Soomaaliya,qaarkoodna la sheegay in ay beelo-beelo isu waajahan. PUNTLAND POST The post Ciidamo ka tirsan dowladda oo ku dagaallamay Muqdisho appeared first on Puntland Post.

Bosaso[Puntland Post]-Xaflad Ay Ku Taageerarayaan Odayaasha iyo Waxgaradka Deegaanka Caluula Musharrax Xildhibaan Golaha Wakiillada Puntland 2019 Maxamed Cabdulqaadir Dhucle ayaa ka dhacday Magaalada Bosaso. Munaasbadaan ayaa waxaa ka soo qayb galay nabadoono, cuqaal, waxgarad, ganacsato, aqoonyahano, dhalinyaro iyo haween. Ugu horayn waxaa munaasabadda kahadlay musharrax xildhibaan golaha wakiillada Puntland 2019 Mudane Maxamed Cabdulqadir Dhucle isaga oo odayaasha iyo waxgaradka Caluula uga mahadceliyey taageerada ay siiyeen waxa uuna aad oga hadlay baahiyaha deegaanka iyo fursadaha uu haysto, sidoo kale musharrax Dhucle ayaa balan qaaday in hadii xilkaas uu ku guulaysto uu noqon doono adeege qabta shaqada wakiillada laga rabo oo ay ugu horayso in uu noqon doono adeego u adeega bulshada kana qeyb qaata xal u helida baahiyaha deegaanka qabo, kana shaqaynayo horumarinta arimaha bulshada. Musharraxa ayaa aad ugu nuuxnuuxsaday baahida loo qabo in deegaanka uu matalo qof fahmi kara baahiyaha jidha sida caafimaadka waxbarashada iyo adeegyada aasaasiga kartina u leh in uu ka raadiyo meel kata oo ay ka suura galayso sidoo kale musharraxa ayaa ku soo gabagabeeyey in codsi ay usoo jeediyeen odayaasha deegaanku uu aqbalay in xilkaas golaha wakiillada Puntland 2019 isu soo taago. Nabadoon Cali Jaamac Saalax ayaa isna ka hadlay meesha waxa uuna sheegay in uu soo dhawaynayo musharrax golaha wakiillada Pubtland 2019 Maxamed Cabdulqadir Dhucle uu yahay shaqsiga mudan howshaas waxa uuna ku guubaabiyey dhamaan dadka dega deegaanka Caluula in markaste ay garab istaagaan dadka cidii waxgabad latimaada Musharrax Dhuclena howshaas uu ku taageersanayahay. Nabadoon Warsame Maxamed maxamud Furgux ayaan isana soo dhaweeyey musharraxa waxa uuna dhankiisa balanqaaday in sannadkaan deegaan Caluula larabo in ay matasho cida xal u raadinkarta baahiya deegaanku uu qabo Musharrax Dhucle uuyahay shaqsiga ku haboon xal u helidda arrimahaas. Nabadoon Axmed Maxamed Maxamuud oo ka tirsan nabadoonada deegaanka Caluula ayaa isna sheegay muddadii ay Puntland jirtay deegaanku baahiyo badan qabay haatanse loo baahanyhay cidii baahiyahaas waxkaqaban lahayd muasharrax golaha wakiillada Puntland 2019 Maxamed Cabdulqadir Dhuclena uu yahay shaqsiga ku haboon arintaas. Ganacsade Maxamed Jamac Xaaji Cali ayaa isna ku taageeray musharraxa xildhibaan Maxamed Cabdulqadir Dhucle aadna u amaanay waxqabadkiisa dhanka waxbarashada uu muddo ka shaqaynayey waxa uu xusay sanadkaan in aqoonyahanka la gabar istaago tusaale fiican unoqonayo xildhibaanada Puntland 2019. Sidoo kale odayaasha iyo aqoonyahankii madasha kahadlay ee taageeray musharraxa waxaa ka mid ahaa Ciise Yusuf Gurdon, Sadaq Maxaxamud, Yusuf Maxamud Shire, Fowsiyo Maxamed Calula iyo Abshir Maxamed Axmed dhamaantood ayaa ku taageeray musharraxa xildhibaanimadda waxa ayna caddeeyeen in uu xilkaas ku garabtaaganyihiin musharraxa ay ka filayaan in uu noqdo wakiilkii sida saxda ahaa umatali lahaa deeganka Caluula. Guud ahaan odayaasha waxgaradka Caluula ayaa taageero la garab istaagay Musharrax Xildhibaan golaha wakiillada Puntland 2019 Maxamed Cabdulqadir Dhucle. Cabdiqani Boos Puntland Post The post Xaflad lagu taageerayay Musharrax Xildhibaan oo Bosaso ka dhacday appeared first on Puntland Post.

Suspected al-Shabab militants on Saturday launched an ambush at a checkpoint manned by government forces in Afgoye town about 30 km northwest of Mogadishu, police and witnesses said Saturday. Source: Hiiraan Online

Kismaayo-Ciidamada Nabad sugida Maamulka Jubaland ayaa howlgal ay ka sameeyeen Magalada Kismaayo ee Xarunta gobolka Jubbada Hoose waxa ay Gacanta ku dhigeen Nin xirnaa dharka dumarka. Ninkaas ayaa Saraakiisha ciidankada Nabadsugida Jubbaland waxa ay sheegeen in uu sidoo kale la baxay Magaca Farxiyo Ok,isla markaana Guri ku yaalla Magalada Kismaayo laba habeen uu la seexday laba dumar ah sida ay hadalka u dhigeen. “Ciidamada Nabad Sugida Jubbaland ayaa xaley Gacanta Kusoo dhigey Nin Iska Dhigey Haweeney Lana Baxay Magaca Farxiyo Okey. Ninkan Naagta Isku Ekeysiiyay ayaa Laba Habeen laseexday Guri ku yaala Xafadaha magalada kismaayo oo ay Daganayen Laba dumar ah kuwaas oo uu u sheegay In ay soo dhuntay ayna Garaneyn meel ay Tagto Baritaan kadibna waxa Gacanta ku soo dhigey Sirdonka NISA-Jubbaland ayaa lagu yiri war ka soo baxa taliska Nabadsugida Jubbaland. Xiriir aan la sameynay Saraakiisha NISA ee Jubbaland ayaa waxa ay sheegeen in haatan wadaan baaritaano ku aadan waxa ku kalifay inuu dumar isku ekeysiiyo,isla markaana uu xirto dharka dumarka Cabdiqani Boos Puntland Post The post Jubbaland oo gacanta u dhigtay nin xirnaa dharka dumarka appeared first on Puntland Post.

Sarkaal sare oo ka tirsan Jabhadda la baxday”Dib u-xoraynta Somaliland” ee ku sugan gobolka Sanaag ayaa gebi ahaanba beeniyay in uu ka baxay jabaddaas,islamarkaana la heshiiyay maamulka Muuse Biixi. Korneylkan oo lagu magacaabo,Jamaal Ducaale Maxamed(Jamaal Baaxad)ayaa horay u ahaa,abbaan-duulaha guutada saddexaad ee militariga Somaliland,waxaana uu ka goostay 11 bishii Agoosto ee sannadkaan,isagoo ku biiray jabhad uu gobolka Sanaag ka as’aasay Korneyl kale oo lagu magacaabo,Siciid Cawil Jaamac(Caarre). Hase yeeshee warbixin maalmo ka hor lagu daabacay wargees ka soo baxa magaalada Hargeysa ayaa lagu sheegay, in sarkaalkan lagu magacaabo Jamaal Baaxad uu heshiis la gaaray maamulka haatan ka dhisan Somaliland,islamarkaana dib uga soo goostay jabhadda Caarre. Korneyl.Jamaal Baaxad oo sida uu sheegay xilligaan ku sugan buuraleyda”Hal-dhaagan” ee qiyaastii 30km waqooyi kaga beegan magaalada ceerigaabo ee gobolka Sanaag,ayaa sheegay in si cad loogu been abuurta oo aysan waxba ka jirin wararka sheegaya in uu heshiis la gaaray xukuumadda Muuse Biixi. Baaxad ayaa dhinaca kale xaqiijiyay in uu diyaarinayo weerarro uu ciidamada Somaliland kaga soo qaado dhanka buuraleyda gobolka Sanaag,isagoo fulinaya amarka hoggaamiyaha jabhadda la baxday”Dib u-xoraynta Somaliland” Korneyl. Siciid Cawil Jaamac(Caarre). Jabhaddaas ayaa la sheegay in ay udub-dhexaad u yihiin saraakiil sare oo dhammaantood ka goostay ciidamada Somaliland,waxaaana kamid ah;Muuse Axmed Yuusuf{Dheereeye),Siciid Cawil jaamac(Caarre) iyo Gamaal Ducaale Maxamed(Baaxad). PUNTLAND POST The post Sarkaal ka tirsan jabhadda Caarre oo beeniyay in uu la heshiiyay Somaliland appeared first on Puntland Post.

Waxaa maanta xarunta golaha shacabka ee Muqdisho ka dhacay kulankooda 2aad, kalfadhiga 4aad. Goobjoog News, waxaa ay akhrisyaasheeda u soo gudbineysaa ajendayaasha kulanka xoogga lagu saaray. Ajendaha: 1-Hadal jeedinta Guddoomiyaha Golaha Shacabka Maxamed Mursal Sh. Cabdiraxmaan. 2-Dooda Xeer-hoosaadka golaha Shacabka oo qodob qodob ah. 3-Qeybinta Hindise sharciyeedyada yaala golaha shacabka oo kala ah: 4-Hindise sharciyeedka , Dhismaha Hay’adda dadka Naafada ah. 5-Hindise Sharciyeedka Dambiyada Jinsiga. 6-Hindise Sharciyeedka Wax ka bedelka Sharciga Hanti Dhowrka Guud ee Lr-kiisu yahay 34 ee soo baxay 14 bishii 4-aad ee sanadkii 1972. 7-Hindise Sharciyeedka Wax ka bedelka sharciga Lr 11 ee 5ta Dhish,2006 ee Shaqaalaha rayidka. 7-Warbixinta Xisaab xirka dowladda ee sanadka 2017. Goobjoog News Source: goobjoog.com

Gaarisa (Caasimadda Online) – Ciidamo ka tirsan Xarakada Al-shabab ayaa shalay jidka u galay Gaari waday Dadweyne ku safrayay waddo ka baxda Gaarisa,waxaana Gaariga la qabtay isaga oo maraya degaanka Handaro . Dadka Muslimiinta ah ee la socday Gaariga ayaa sheegay in todobo Nin oo aad u hubeysan kana tirsanaa Al-shabaab ay joojiyeen Gaariga, islamarkaana dadka ku amreen in ay u kala baxaan Muslimiin iyo Gaalo. Intaas kaddib saddex qof oo ka mid ah Dadkii Gaariga saarnaa ayaa noqday kuwo aan Muslim ahayn, dadkii Muslimiinta ahaa ayaa loo bixiyay gees halka saddexda kale la weydiiyay su’aalo ku saabsan waxa ay ka yaqaannaan Islaamka. Waxyaabaha la weydiiyay waxaa ka mid ahaa in ay aqriyaan Towxiidka iyo todobada Aayadood ee Suuratul Faatixa,waxaana kaliya ku guuleystay mid ka mid ah saddexdii qof ee aan Muslimka ahayn. Labada qof ee la dilay Midkood oo ahaa Karashbooy-ga Gaariga ayaa lagu magacaabayay Jowhn, waxaa uu ku fashilmay aqirnta Faatixada iyo Towxiidka sidaas ayeyna isaga iyo saaxiibkiis ku dhinteen. Dadka Gaariga saarnaa qaarkood oo la hadlay Warbaahinta ayaa sheegay in dhamaan todobada Nin ay si fiican ugu hadlayeen Afka Sawaaxiliga. Isu duwaha Amniga Gobolka Soomaalida ee Kenya Maxamed Biriq,ayaa xaqiijiyay weerarkaas oo dhacay Jimcihii shalay,waxaana uu sheegay in Ciidamada amaanka ay ku daba jiraan raggii weerarkaas ka dambeeya oo uu sheegay in ay baxsadeen. Dadka Gaariga la socday qaarkood ayaa Warbaahinta u sheegay in Raggaas mid ka mid ah uu Ajanabi Carab ahaa inta kalena ay ahaayeen Afrikaan si wanaagsan ugu hadlayay Afka Sawaaxiliga. Weerarkan waxaa uu ku soo aaday iyada oo dowladda Kenya ay sheegtay in ay qoraneyso Ciidamo Madani ah oo ka howlgala dhamaan lixdanka Xarun Boolis ama Baro amni ee Gobolka. Caasimada Online Xafiiska Nairobi Caasimada@live.com

Qoraal ka soo baxay aqalka sare ee Baarlamanka Soomaaliya ayaa lagu magacaabay ilaa shan guddi oo loo kala diray dowlad goboleedyada dalka,si ay ugu kuur galaan khilaafka iyo is-faham la’aanta u dhexaysa madaxda dowladda Federaalka iyo dowlad goboleedyada Guddiyadan oo mid kasta ka kooban yahay xubno ka tirsan aqalka sare oo ka soo jeeda degaanka loo diray ayaa loo igmaday in ay qiimeyn iyo xaqiiqo raadin dhab ah ka soo sameeyaan,waxyaabaha uu salka ku hayo khilaafka u dhexeeya madaxda dowlad goboleedyada iyo dowladda Federaalka Soomaaliya. Guddiga koowaad oo loo diray degaannada Puntland ayaa guddoomiye looga dhigay,Cabdiraxmaan Maxamed Maxamuud(Faroole),halka guddiga labaad ee loo diray dhinaca Galmudug uu hoggaaminayo Cabdi Xassan Cawaale(Qeyb-diid). Saddexda guddi ee kale oo loo diray Hirshabeelle,Koonfur Galbeed iyo Jubaland ayaa waxaa kala hoggaaminaya; Maxamed Xuseen Raage(Hirshabeelle),Cabdullaahi Cabdi Garuun(Koonfur Galbeed )iyo Axmed Xaashi Maxamuud(Jubaland). Halkaan ka akhriso guddiyada la magacaabay PUNTLAND POST The post Aqalka sare oo guddiyo u saaray khilaafka dowlad goboleedyada iyo Federaalka appeared first on Puntland Post.

Kadib weerar waabarigii saakay kooxda Al-shabaab ku soo qaadeen degmada Afgooye ee gobolka Sh/hoose ayey soo bandhigeen Agab ciidan oo ay sheegeen in ay ka furteen Dowladda Soomaaliya. Sawiro ay goordhow baahiyeen Al-shabaab ayey ku sheegeen in ay soo furteen hub iyo Agab malatari. Sidoo kale Al-shabaab ayaa baahiyay meydka Nlnin ay ku sheegeen in uu yahay Gaashaanle sare oo ka tirsan ciidamada Dowladda oo ay dagaalkii saakay Afgooye ka dhacay ay ku dileen. Dadweyne badan ayaa isugu soo baxay halka ay ku soo bandhigayeen Al-Shabaab saanadaasi Ciidan. Afgooye ayaa dhanka koonfur waxa ay Muqdisho ugu beegantahay 30-KM waxaana ku soo laab laabtay dagaalada iyo weerarada ay Al-Shabaab ku soo qaadaan. Hoos ka Daawo Sawirada Xasan Maxamed Samatar Cowke Puntland Post Muqdisho The post Al-Shabaab oo soo bandhigay saanad ay sheegeen in ay ka soo furteen DFS appeared first on Puntland Post.

Muqdisho (Caasimada Online)-Xildhibaan Cabdirashiid Xiddig oo kamid ah mudanayaasha baarlamaanka Somalia ayaa qoraal turxan bixin ah ka sameeyay muranka dhanka miisaaniyadeed ee kadhex aloosan dowlada Somalia iyo Maamul Goboleedyada ka jira dalka. Xildhibaan Xiddig oo in badan ka tirsan baarlamaanka horay uga soo shaqeeyay Wasaarada Arrimaha Gudaha ayaa xogagaal u ahaa sida ay dowlada Somalia ku bixiso dhaqaalaha loo qoondeyn jiray maamulada. Xildhibaanka waxa uu qoraalkiisan iminka ku xaqiijiyay in dhaqaalaha ay dowlada siiso maamulada ay ku tagrifaleen Hogaamiyayaasha maamulada taasina ay keentay inay beeniyaan dhaqaalaha lasiiyay. Waxa uu qoraalkiisa oo uu kusoo daabacay Bogga uu Facebook ku leeyahay ku muujiyay inay hubaal tahay in dhaqaalahaasi ay bixisay dowlada Somali hase yeeshee ay isdabamariyeen Hogaamiyayaasha. HOOS KA AKHRISO QORAALKA UU XILDHIBAANKA KA SAMEEYAY MURANKA DF IYO MAAMULADA Miisaaniyada Federaalka iyo Muranka Maamul Goboledyada: Markale waxan bulshada u iftiiminaya: Dhaqaale Dowladed heer Federal iyo mid Maamul Goboled intuu doono Hala ekaado waxaa lagama maarmaan ah inu ku baxo Qorshe Cad oo in la maalgeliyo u baahan haday tahay Mushaar, Guno, Dhismo/Dayactir waxbarasho , Caafimaad, Wadoyin, Gargaar, Dib u heshisin iwm: Madaxda Maamul Goboledyadu waxay Qirteen inay Wasaarada Maaliyada Federaalka ay siisay lacago AMA tiraday sheegteen ha shaato AMA haka badnaatee waxaa in lays waydiiyo u baahan: 1-Marki lacagahas la qaadayay maxaa loogu talo galay? 2-Kan La siiyay muxu ku Qaatay? 3-Kan siiyay muxuu ku siiyay ma (Sooryaa)? 4-Ma jirtay Mashruuc AMA Qorshe maamuladu keeneen oo Wasarada maaliyadu ku qanacday kadibna la maalgeliyay? 5-Wasaarada maaliyada federaalku masoo hubisay lacagtii ay bixisay in siday ahayd loogu fuliyay howshi loogu talo galay: hadiiba uu jiray wax masharic ah: 6-Lacagahaas ma la mariyay Bank transfer Mana lagu transfer gareyay Accountiga Official ka ee Maamul Goboledka?. 7-Mise inti Boorso lagu guray ayaa xili habeen ah meel madow laysugu dhiibay? Sida Xaqiiqada ah Madaxda Maamul Goboledyadu waxay Dowlada federaalka ka qaateen lacago farabadan, waxaana hubaal ah inan Madaxda maamul goboledyadu lacagtaas ku fulinin mashaariic Kuna bixinin Ciidamada Amniga ee furimaha ku jira waa sida ay iyaguba qireen inaanay mudo sanad ah wax mushaar ah Qadanin haba yaraatee: Waxaa hubaal ah hadii Madaxda Maamul Goboledyadu Si aan musuqmaasuq ku jirin u maamuli lahayeen dhaqalaha ay Qirteen inay Dowlada federaalku siisay iyo Dhaqaalaha kaso gala kaabayasha Dhaqaalaha ee deegaanadooda iyo taageerada dhaqaale ee ay ka helaan Heyadaha Caalamiga iyo Dowladaha qaarkood inay ku filaan lahayd Ciidamada iyo Siyaasiyinta la sheegay inaysan Sanad ku dhawaad wax mushaar ah Qaadanin: Waxaa cad in Madaxda Maamul Goboledyada lacagaha lagu siiyo sida ku qoran qodobka 7aad ee Qoralkeygan, Hadaba madaxda Maamul goboledyadu ma Waxay u qaateen in lacagtani tahay Baad ay dawladu iyaga shakhsiyan u siisay AMA Sooryo saaxibtinimo Ileen wax mashariic ah oo loogu talogalay oo lagula xisaabtamayo ma jirine ? Hadaba soo ma cada in lacagahas Madaxda Maamul goboleedyadu dano shakhsi ku fushadeen taasina keentay inaan mudo sanad ku dhaw wax mushaar ah lasiinin ciidamada iyo xildhibaanada iwm. Qoraalada xiga Waxan ku cabiri doonaa waxa khaldan iyo sida loo sixi karo: Waxan codsanayaa in 7 Qodob ee ah Suaalaha Qoraalkaygan loo helo jawabo qanciya Shacabka Maamul Gobaledyada ee waxa magacooda lagu soo qaaday hadana lala dhinac maray? Fiiro dheer u lahaada kuwa difaaci doona iyagoo marmarsiiyo u raadinaya? Waa muhiim inaan iftiimino wixi khaldan federal iyo Maamul goboled midkay doonto ha ahaatee ? W/Q. Xildhibaan Cabdirashiid Xiddig Caasimada Online Xafiiska Muqdisho Caasimada@live.com

DENVER — A big U.S. meatpacker has agreed to pay $1.5 million to 138 Somali-American Muslim workers who were fired from their jobs at a Colorado plant after they were refused prayer breaks, a federal anti-discrimination agency said Friday. Source: Hiiraan Online