Muqdisho (Caasimada Online) – Ciidamada ammaanka ayaa gacanta ku dhigay nin hubeysan oo askari ka tirsanaa ciidanka xoogga dalka ku dilay Suuq Bacaad oo ka tirsan Degmada Yaaqshiid. Askariga la dilay oo magaciisa lagu soo koobay Qanjeey ayaa markii hore dhaawac culus uu soo gaaray inkastoo markii dambe uu ku geeriyooday Isbitaalka Keysaneey. Hay’adaha ammaanka ayaa qabtay ninkan oo watay Baskoolad, kadib markii ay u suuragashay inay dhaawacaan. Guddoomiye kuxigeenka ammaanka iyo siyaasadda Degmada Yaaqshiid C/fataax Axmed Cali ayaa sheegay in ninkan marka hore ay daweynayaan kadibna ay hor geynayaan sharciga. “Waxaan ku guuleysanay inaan gacanta ku dhigno nin hubeysan oo dilay askari, ninkan waxaan horgeyn doonaa sharciga, waxaan ciidanka ammaanka ku amaanayaa shaqada ay qabteen.” ayuu yiri Guddoomiye C/fataax. Dhinaca kale, ciidamo ka tirsan Booliiska Soomaaliya ayaa goor-dhaw toogasho ku dilay Wiil dhalinyaro ah oo ay sheegeyn inuu ku hubeesnaa Bastoolad, islamarkaana uu doonayay inuu dilo askari katirsan ciidamada Soomaaliya. Dilka ayaa ka dhacay agagaarka Taalada Daljirka Daahsoon ee degmada Boondheere. Marxuumka la dilay ayaa watay Bastoolad waxa uuna sidoo kale watay Mooto laba lugaaley sida ay sheegeyn dadka degaanka. Ma jirto wax war ah oo ka soo baxay Saraakiisha amaanka oo ku aadan dilka ka dhacay agagaarka Taalada Daljirka Daahsoon ee degmada Boondheere, Agga uu dilka ka dhacay ayaa ah meel aad loo ilaaliyo waxaana ku dhaw godka Jilacow, Xarumo wasaaradeed iyo Madaxtooyada Soomaaliya. Caasimada Online Xafiiska Muqdisho Caasimada@live.com

Madaxweynaha dowladda Fardaralaaka Soomaaliya Maxamed C/laahi Farmaajo ayaa Garoowe ka sheegay in khilaafkii udhexeyay dowladda iyo madaxda mamaul goboleedyada uu diyaar uyahay in xal laga [...] Source

Puntland way muteysatay maqaamka sare ee loogu mashxaraday. Waxaanse oran lahaa: sida ugu habboon ee loogu dabaal-dago horumarka Puntland waa in looga daydo dhaqanka siyaasadda. [...] Source

Xafladii xalay ee lagu caleemo saayaray madaxweynaha dowladda Puntland Siciid C/laahi Den iyo kuxigeenkiisa Axmed Karaash ayaa mas,uuliyiintii lagu casuumay waxaa kamid ahaa siyaasi C/raxmaan [...] Source

Wasiirka Caafimaadka Somaliland Xasan Ismail ayaa xalay la dhigay Cusbitaalka haldoor ka dib markii uu Lug & Gacan ka haleelay Xanuunka Stroke oo fudud,sidoo kale afkiisa ayaa laga dareemayaa, Taas la ajligeed ayaa Muuse biixi booqasho ugu tegay Cusbitaalka la dhigay ee Haldoor Qaran News

Dowladda federalka Soomaaliya iyo dowladdaha xubnaha ka ah dowladda federalka ayaa haatan shir albaabada ulaaban yahay uga socdaa xarunta madaxtooyada Garowe, Lama oga waxyaabaha shirkaan [...] Source

Maanta Waxaa lagusoo cunteynayaa banaanka Magaalada Garowe dhul miyiga, Madaxweynaha Dpwlada Puntland Saciid Cabdullaahi Dani ayaa laguwadaa inuu magaalada ka saaro Madaxda Soomaalida halkasoo lagusoo [...] Source

Click here Qaran News

Garoowe ( Sh. M. Network)-Saciid C/laahi Deni Madaxweynaha cusub ee Puntland oo xalay khudbad ka jeediyay munaasabad lagu caleema saarayay ayaa ka hadlay arrimo dhowr ah oo la xariira maamulkaasi. Ugu horreyn Madaxweyne Deni ayaa sheegay in uu ka shaqeyn doono horumarka Puntland, islamarkaana uu xoojin doono daadajinta maamul wanaaga. Sidoo kale waxa uu xusay in uu diirada saari doono xoojinta ammaanka iyo hirgalinta nidaamka federaalka. Dhanka kale madaxweynaha Puntland Saciid C/laahi Deni ayaa tilmaamay in ahmiyad gaar ah uu siin doono ilaalinta Puntland, waxaana uu hoosta ka xariiqay in maamulkiisu uu qaadi doono Guluf ka dhan ah Somaliland, islamarkaana ay soo ceshan doonaan dhulka ka maqan, sida uu hadalka u dhigay. Ugu dambeyn waxaa uu carabka ku dhuftay in sidoo kale uu la dagaalami doono Al Shabaab iyo Daacish oo ku sugan deegaano ka tirsan maamulkaasi. The post Madaxweyne Deni Oo ku dhawaaqay Guluf ka dhan ah S/land appeared first on Shabelle. View the full article

(SLT-Hargeysa)-Xukuumadda Somaliland ayaa waxa ay shaacisay in dalka laga saarayo dhammaan dhakhaatiirta ajaanibka ah, iyadoo la hubinayo shahaadooyinka ay haystaan. Guddoomiyaha mihnadlayaasha caafimaadka Somaliland Dr. Axmed Xaashi Oday ayaa waxa uu sheegay in 113 dhakhtar oo sharcigu uu ka dhacay ay dalka joogaan maant isla markaana laga saarayo dalka. Guddoomiyaha mihnadlayaasha caafimaadka Somaliland Axmed Xaashi Oday ayaa sidoo kale waxa uu shaqo ay qaban karaan dhakhaatiirta reer Somaliland aan loo ogolaan doonin inay qabtaan dhakhaatiir ajabani ah. Source

Garoowe ( Sh. M. Network)-Guddoomiyaha golaha wakiilada baarlamaanka Puntland ayaa magaalada Garoowe munaasibad soo dhoweyn ah ugu sameeyay golayaasha Baarlamaanada heer Fedraal iyo heer dowlad goboleed. Waxaa kulanka so dhaweynta diiradd alagu saaray arrimo ay kamidka yihiin muhiimadda ay leedahay wadashaqeyn dhex martay baarlamaanada Heer Federaal iyo heer dowlada goboleed,si loo horumariyo danaha umadda Soomaaliyeed. Ugu horeyn waxaa munaasibada ka hadlay guddoomiyaha golaha wakiilada baarlamaanka dowlad goboleedka Puntland C,xakiin Maxamed Axmed waxaana uu sheegay in uu soo dhawaynayo hay,adaha wafuuda baarlamaanada ka kala socotay Dowladda SOomaaliya iyo dowlad Goboleedyada. Xareed Cali Xareed guddoomiye ku xigeenka baarlamaanka Galmudug iyo guddoomiyaha baarlamaanka Dowlad goboleedka Hir.shabeele Sheekh Cusmaan Barre ayaa madaxda baarlamaanka Puntland iyo shacabka uga mahadceliyay soo dhoweyntii ay reer Puntland u sameeyeen wufuudii Garoowe soo gaartay. Mudane Mahad Cabdalla Cawad guddoomiye ku xigeenka 2aad Golaha Shacabka BFS ayaa sheegay in Garoowe ay Tahay meel nabad ah dalxiisyadii loo tagi jiray Nairobi iyo Yuganda lagu badalo. Munaasibada waxaa soo xeray Guddoomiyaha Golaha Aqalka sare BFS Cabdi Xaashi Cabdullaahi waxa uu Sheegay in munaasibadan ay tahay mid loo baahnaa uuna u mahadcelinayo madaxda baarlamaanka Puntland . The post Puntland Oo soo dhaweyn u sameysay wafuuda ku sugan magaalada Garoowe appeared first on Shabelle. View the full article

Nairobi ( Sh. M. Network )-Warar dheeraad ah ayaa ka soo baxaya qarax xoogan oo xalay ka dhacay gudaha magaalada Nairobi ee caasimadda dalka Kenya. Qaraxa oo ahaa nuuca Bambada gacanta laga tuuro ayaa ka dhacay goob Shaleemo ah oo aad u mashquul badan, taas oo ku taalla bartamaha magaaladaasi. Ugu yaraan illaa laba Qof oo Rayid ahaa ayaa ku dhaawacmay qaraxaasi, sida ay xaqiijiyeen saraakiisha Booliska dalkaasi. Ciidamada Kenya oo goor dambe gaaray goobta uu qaraxu ka dhacay ayaa baaritaano ay ku baadi goobayeen cida fulisay weerarkaasi ka sameeyay halkaasi. 15-kii bishan ayey aheyd markii xubno ka tirsan Al Shabaab ay weerar ku qaadeen hoteelka DusitD2 oo ku yaalla galbeedka M/Nairobi ee xarunta dalka Kenya. The post Faah faahinno ka soo baxaya qarax ka dhacay Nairobi appeared first on Shabelle. View the full article

Garoowe ( Sh. M. Network)-Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo oo ka qayb-galay munaasabad lagu caleema-saaray Madaxda Dowlad Goboleedka Puntland ayaa sheegay in Dowladda Federaalka ay ka go’an tahay adkeynta wadashaqeyn buuxda oo ka dhaxeysa Dowladda Federaalka iyo Dowlad Goboleedyada dalka. Madaxweyne Farmaajo ayaa tilmaamay muhiimadda midnimada, wadajirka iyo iscafinta si loo helo Dowlad ka shaqaysa xaqiijinta himilooyinka shacabka Soomaaliyeed iyo dib u soo celinta maqaamkii ay ku lahaayeen dunida. “Qarannimada waxa lagu gaari karaa iyada oo la helo Dowlad Goboleedyada iyo Dowladda Federaalka oo wadashaqayn iyo waxqabad leh. Wadashaqayntu waa iyada oo la wada tashado, la isu tanaasulo, wax la wada qorshaysto, loona turo shacabka Soomaaliyeed. Waanu ognahay meesha uu khilaafku ina gaarsiiyey dhowr iyo labaatankii sanno ee la soo dhaafay.” Madaxweyne Farmaajo ayaa sheegay in dadaalkii dowlad-dhiska Puntland ay qayb muhiim ah ka ciyaareen qaybaha kala duwan ee bulshada, gaar ahaan Odayaasha Dhaqanka, Culimada, Warbaahinta iyo Ganacsatada, ayna mudan yihiin in la aqoonsado doorkoodii miradhalka ahaa, laguna bogaadiyo. Waxa uu intaas raaciyay Madaxweynahu in argagaxisada Alshabaab ee caadeystay daadinta dhiigga shacabka Soomaaliyeed ay yihiin caqabadda ugu weyn ee ku hor gudban horumarka iyo barwaaqada, ayna tahay in loo midoobo dagaalka lagaga xoreynayo dalka. Madaxweyne Maxamed Cabdullaahi Farmaajo ayaa inta uu ku sugan yahay Garoowe waxa uu kulammo gaar ah la yeelan doonaa madax Puntland, wufuudda ka socota Dowlad Goboleedyada, odayaasha dhaqanka iyo qaybaha kala duwan ee bulshada Puntland. The post Madaxweynaha Oo adkeeyey xoojinta wadashaqeynta DFS iyo M/ Goboleedyada dalka appeared first on Shabelle. View the full article

Muqdisho ( Sh.M.Network):-Halkaan ka Dhageyso Warka Subax ee Idaacadda Shabelle. Hoos riix si aad u Dhageysato:- http://radioshabelle.com/wp-content/uploads/2019/01/Warka-Subax-270119.mp3 The post Dhageyso:-Warka Subax Ee Idaacadda Shabelle appeared first on Shabelle. View the full article

(SLT-Garoowe)-Madaxweynaha dawlad goboleedka Soomaaliya ee Puntland Siciid Cabdillaahi Deni ayaa xalay munaasibad balaadhan lagu caleemo saaray. Madaxda Soomaaliya iyo siyaasiyiin iyo dadweyne kale oo arlada Soomaalida isaga yimid ayaa munaasibadda ka qayb galay. Madaxweynaha dawlad goboleedka Soomaaliya ee Puntland Siciid Cabdillaahi Deni ayaa xalay munaasibad balaadhan lagu caleemo saaray. Madaxda Soomaaliya iyo siyaasiyiin iyo dadweyne kale oo arlada Soomaalida isaga yimid ayaa munaasibadda ka qayb galay. Madaxweyne Deni oo khudbad uu kaga hadlay qorsheyaashiisa ka jeediyay madasha ayaa soo qaaday gobollada Sool iyo Sanaag ee Somaliland oo sheegay in uu soo celinayo “Si loo xoojiyo soo celinta dawladnimo Soomaaliyeed waxaanu mudnaan gaar ah siin doona ilaalinta midnimada Puntland dad iyo dhulba iyada oo ahmiyad gaar ah la siin doono soo celinta dhulka maqan ee dastuurka Puntland uu qeexayo,” sidaas ayuu yidhi madaxweynaha Puntland. Abwaan Faarax Murtiile oo ah reer Somaliland ayaa madasha caleemo saarka ka soo jeediyay in madaxweyne Farmaajo tago Hargeysa si looga wada hadlo arrimaha la isku mari la yahay. Madaxweynihii hore ee Puntland Cabdiraxmaan Faroole ayaa isaga oo arrintaas tixraacaya yidhi “Halkan nin baa ka hadlay farriin baanu dibadda ka keenay waana gabyay taasi meesha way ka maqan tahay maxay tahayna? Ha la raadsho midnimadii Soomaaliya oo midnimadii Soomaaliya xaggee laga raadinaya? Ha la furo wada hadalkii Somaliland, diyaar bay u yihiin, way codsanayeen,” Sidaas ayuu yidhi Mudane Faroole. Waxa uu intaasi raaciyay “Xogaagan Tukaraq la isku tuurtuuray ayaa iyaduna xogaa caqabad ku noqotay (Wada hadalka) waxaan abiil u samaynaya dawladda Somaliland in ay arrinta ku celiso meeshii awal ay joogtay si wada hadalkii loo furo oo Tukaraq iskaga tagto oo halkeedii ku noqoto,” Sidaas ayuu yidhi Mr Faroole. Waxa kale oo uu sheegay in maaddaama siyaasiyiinta ugu badan Soomaalida oo madaxda hadda kuwo hore iyo kuwa soo socdaaba joogan ay tahay in arrintaas la weeleeyo. Waxa uu soo dhaweeyay dhexdhexaadinta Turkigu wado waxaanu tilmaamay in wixii laga fursan waayo lagu heshiin doono. Waxa uu intaasi raaciyay in dadku is dhexgalay oo Hargeysa iyo Garoowe isku furan yihiin laakiin, waxa kala xidhan tahay uun siyaasadda. Halkan hoose ka DAAWO Source

Hargeysa (Caasimada Online)-Maamulka Somaliland ayaa shaaciyay inay deegaanada maamulkaasi ka saari doonaan ajaaniibtii ugu badneyd oo ka shaqeysata deegaanada maamulka Somaliland. Dadka ajaaniibta ee la qorheynayo in laga saaro Somaliland ayaa gaaraya 113 ruux oo heysta dhalasho kala duwan, waxaana ay Somaliland kaga shaqeysanayeen xirfadda caafimaadka. Dhamaan dadkaasi ayaa la sheegay inuu ka dhacay sharciga ay ku joogaan deegaanada Somaliland gaar ahaan magaalooyinka Hargeysa ay kamid tahay, waxaana la sheegay in dib loo eegi doono sharciyadooda. “Dhammaan dhakhaatiirta ajaanibta ah waa laga saarayaa dalka waxana la hubinayaa shahaadooyinkooda intaanay dalka soo gelin wixii raba inay dalka ku soo laabtaan. ‘113 dhakhtar oo sharcigu ka dhacay ayaa dalka jooga maanta waana la saarayaa”ayaa lagu yiri qoraal laga baahiyay Radio Hargeysa. Qoraalka ayaa sidoo kale lagu sheegay in dib u eegis wanaagsan lagu sameyn doono xarumaha caafimaad ee ay ka howlgalaan dhamaan dhaqaatiirta dib looga saarayo deegaanada Somaliland. Sidoo kale waxaa qoraalka lagu sheegay in aad loo hubin doono dhamaan ajaaniibta kale ee dooneysa inay ka shaqeeyaan deegaanada Somaliland. Caasimada Online Xafiiska Hargeysa Caasimada@live.com

Madaxweynaha Soomaaliya Maxamed Cabdullahi Farmaajo ayaa xalay xafladdii caleemo saarka madaxweynaha Puntland Saciid Deni codsaday in la cafiyo, isaguna uu cafiyey, lana shaqeyn-doono dadka wax ka tabanaya. Mudane Farmaajo oo arrintaasi ka hadlayey waxaa uu yiri “Anigu waxaan leeyahay, in laga noqdo xalay dhalay wax walbo oo lasoo maray, anaa ugu horreeya oo waxaan leeyahay waan idin cafiyey, idinkana aad i cafisaan, waxaan ballanqaadayaa inaan idinla shaqeeyo haddii aad tihiin dowlad goboleedyo iyo hadaad tihiin baarlamaanka dhexdiisa, maadaama aan ahay odaygii u dhaxeeyey insha Allah aniga ayaa dhexgalaya oo howlahooda xalinaya, laakiin mid ogaada mucaarad waa loo baahan yahay, midka loo baahan yahay waxay tahay marka ay xaaladda kulushahay in mucaaradkaasi aanay dowlado shisheeye la jirin, waa iga ballan inaan wada shaqeynno”. Hadda, Goobjoog News ayaa dib u raacday sababta madaxweyne Farmaajo oo 2 sano ka hor lahaa waxaa ahay nabaddoon keentay inuu maanta dhaho hala ii cafiyo. Madaxweyne Farmaajo markii uu murashaxa ahaa waxaa uu xildhibaannada baarlamaanka federaalka ah hortooda ka ballanqaaday in haddii la doorto uu isku badali-doono nabaddoon Soomaaliyeed isaga oo yiri ““Dib u heshiisiin ayaan sameynaynaa, dad walaalo ah ayaan nahay, wax aan ku kala duwannahay maleh, waxaa laga yaabaa siyaasiyiin inay nakala fogeynayaan balse dadka Soomaaliyeed col maahan, waxaan xoogga saareynaa aniga haddaad i doorataan madaxweyne noqon maayo, nabaddoon ayaan noqonaa , waxaan ugu tagayaa cid walba meesha ay joogaan, waxaa xoojinayaa oday dhaqamedyada rasmiga ah ayaan xoojinayaa mushaar joogtana waan u qoreynaa hadduu ilaahay hiraahdo” Xaflad lagu caleemo saaray madaxweyne Farmaajo waxaa uu sheegay inuu yahay astaan u horseeday dadka inay isu soo dhowaadaan “Habeenkii la idoortay soohdintaas waa la iskala gooshay iyadoo aana cidna looga armar qaadan, dib ushehiisiintu ma ahan in la isa soo hor fariisto oo kaliya, mararka qaarkooda waxaa ka muhiimsan dhacdo iyo astaan horseeda in la isku soo dhawaado”. Markii ugu horeysay ee baarlamaanka iyo madaxda ay casho isugu yimaadaan waxaa uu yiri ‘Beryaha dambe waxaa badatay “High expectations”, xataa waxaa la ii sheegay reer miyiga inay leeyihiin Farmaajo “High expectations”, waxaan ku gaari karnaa markii aan wada shaqeyno, oo shacabka Soomaaliyeed arkaan dowladdan inaysan khilaaf laheyn, oo 4-ta sano ee soo socota aan ku wada dhameysanno si umadda Soomaaliyeed ku wada faraxsan yihiin, runtii aniga qeybteyda, caawa waa ujeedaan in aan koofi qabo, aabaddoon ayaan ahay, Inshaa-allah wax is qaban-doono ma leh”. Haddaba 2 sano kadib waa sidee xaaladda? 1. 2-badii sano ee la soo dhaafay ma jirin wada hadal dhex maray Soomaaliya iyo Somaliland, waxaa sidoo kale cusub inuu jiray muranka ka dhashay maareynta deeqaha Somaliland ay dunidu siiso: wasiirka qorsheynta xukuumadda Federaalka ee Soomaaliya ayaa soo saaray warqad deeq bixiyeyaasha looga codsanayey in aan dib loo cusboonaysiin macaamilka gaarka ah ee beesha caalamku siiso Somaliland sida ku xusan heshiiska “new deal”. 2. 6-dii bil ee ugu dambeysay waxaa istaagay xiriirkii dowladda federaalka ah iyo dowlad goboleedyada kadib shir ka dhacay Kismaayo September 8, 2018, kolkaas oo golaha iskaashiga dowlad goboleedyada ay xiriirka u jareen dowladda federaalka ah. 3. Muddo bil ah, waxaa hakad ku jira xiriirkii wada-shaqeyn ee ka dhaxeeya labada gole ee baarlamaanka federalka ah, aqalka sare iyo golaha shacabka. 3-daas qodob keliya haddii aan soo qaadanno, isqab-qabsigaas waxaa uu keenay in ay hakad galaan sharciyo badan ay sameyn lahaayeen goleyaasha sharci-dejinta federaalka ah, heshiisyo badan oo amniga, dhaqaalaha iyo siyaasadda ah ayaa u xayiran iskaashi la’aanta dowladda federaalka ah iyo dowlad goboleedyada iyo xataa wada hadalka Somaliland. Haddaba, Su’aasha waxaa ay tahay madaxweyne Farmaajo markan maka dhabeyn-doonaa cafiska, si loo dhameystiro howlo badan oo dalkan ku hormari lahaa, oo qabyo ah ama aan laba bilaabin, kuwaas oo u baahan in looga gudbo midnimo, wada shaqeyn, tanaasul iyo odaynimmo. Goobjoog News Source: goobjoog.com

Wasiirka wasaaradda maaliyadda Dr. Sacad Cali Shire ayaa waxa uu ka hadlay warar sheegaya in uu mas’uuliyiin beeshiisa ah u magacaabay kastamyada, Halkan hoose ka DAAWO Source

(SLT-Hargeysa)-Caaqil Maxamed Cabdirisaaq Askar ayaa ka waxa uu naqdiyay tallaabada ay xukuumaddu ku rarayso Madaxtooyadda iyo dhismo hudheel cusub oo laga dhisayay Madaarka Hargeysa oo lagu joojiyay amarka Madaxweyne Muuse Biixi Cabdi, Halkan hoose ka DAAWO Source

Qaran News

Muqdisho (Caasimada Online)-Guddoomiyaha baarlamaanka Soomaaliya Maxamed Mursal C/raxmaan ayaa soo saaray wareegto uu xil ugu magacaabayo lataliyaha sare ee dhanka warbaahinta ee xafiiska Guddoomiyaha. Lataliyaha sare ee dhinaca Warbahinta ee Gudoomiyaha Golaha Shacabka ayaa waxaa loo magacaabay in uu noqdo Liibaan Maxamed Xuseen. Xoghayaha Guud ee Golaha Shacabka ayaa waxaa la faray in uu dhameeystiro habraaca maamuuska Lataliyaha Meelmarinta Go’aanka sida ugu haboon ee Sharciga waafaqsan. Hoos ka aqriso wareegtada kaso baxday xafiiska Guddoomiyaha baarlamaanka Soomaaliya.

Qaran News

Waxa ay faah faahin dheeraad ah ay ka soo baxaysaa qarax khasaare gaystay oo xalay ka dhacay meel ku dhaw waddada Latema Road ee magaalada Nayroobi [...] Source

Kagaamiyeyn (Paul Kagame) mooyee kala gur ma fileynin =============================================================================== Qoraalkani waa dhaliil, Baraarujin & Talo ku socota: Ku sime Madaxweyne Mustafe Muxumed Cumar Dowlad Deegaanka Soomalida Itoobiya. Gabi ahaan Soomaalidu gaar ahaan Shacabka Deegaanku iyagoon u kala hadhin waxay si buuxda oon sakati iyo laalaabasho toona lahayn gacmo furan ku soo dhaweeyeen magacaabistii Ku Sime Madaxweyne Mustafe Muxumed Cumar. Waxaa la yidhi : Dad iyo Duurba wax aadan ka fileynin baa kaaga soo baxa. Aad bey ugu hanweynaayeen, waxaaney naawilayeen in KSM Mustafe uu yahay shakhsi waayo aragnimo ku filan u leh in uu hogaamiyo Deegaanka waqtigan kala guurka ah ee isbadalka cusubi ku yimid Taliska sare ee Dalkan Itoobiya oo uu Maamul ahaan hoos tago. Aniguna sidaas oo kale waxaan aaminsanaa in Deegaanka Soomaalidu aad u nasiib badanyahay oo mar hadii iktiyaarka iyo xulashada Cidda Hogaamineysaa aaney gacanta Soomaalida ku jirin, loo dooray Shakhsi u qalma kuna haboon Xilka loo magacaabay. Waxaan aaminsanaa in Mustafe oy u dhantahay Qiyamkii, Akhlaaqdii, Aqoontii iyo Khibradday u baahneyd Hogaaminta Caafimaadka qabta oo lagu daray Duruufihii qalafsanaa, Tiiraaanyadii iyo Xanuunkii la soo darsay isaga iyo Qoyskiisaba uu yahay Shakhsi dareemi kara dhabaatada xog ogaalna u ah baahida loo qabey in Deegaanku helo Hogaamiye Daacad ah, gurmad deg-deg ah iyo badbaado uu kaga gudbo waqtiga adag ee uu ku jiray. Waxaan aaminsanaa in waayo aragnimadiisa maamul iyo maareynta howlaha Bani aadanimada ee uu in badan ku soo shaqeeyey sida (Save the Children, WFP & OCHA) ay ka caawin doonto in uu noqdo Shakhsi leh Sifooyin Hogaamiye bisil oo ka sarreya heer Deegaan iyo heer Dal labadaba oo gaadhsiisan heer caalami sidaa daraadeed uu Deegaanka u horseedi karo horumar dhankastaba isagoo mudnaanta kowaad siinaya si deg-deg ahna wax uga qabanaya arrimaha ay ka midka yihiin: Isu soo dhaweynta Dowladda iyo Shacabkeeda (Taageerayaal & Mucaaradba) Sugidda amniga Nafta iyo Hantida Muwaadinka Hanashada iyo dhaadhicinta Dowladnimo si buuxda oo waafaqsan Dastuurka Soo celinta adeeg bixinta Dowladda Sugidda sareynta sharciga, Cadaaladda iyo Sinaanta Ka dibna ay toos (Automatic) u soo raacaan dib u soo celinta: Adeega Bulshada (Dhamaantii). Dib u heshiisiinta. Daryeelka Dhalaanka, Waayeelka, Agoonta iyo Naafada. Jaangownta Dhaqaalaha. Dib u dhiska iwm. Iyadoo Ballan oofinta iyo Go’aan adag qaadashadu ay ka mid yihiin sifooyinka ama calaamadaha ugu muhiimsan ee uu leedahay Hogaamiyaha wanaagsani, ayaan filayey in uu Mustafe ka dhabeeyo Ballamihiisii quruxda badnaa iyo Hadaladiisii macaanaa, noqdana #Kagaamiga Soomaali Galbeed Samatabixin kara. Ma fileynin in uu noqdo #Kala_Gure, #Guruub_gaar_leh Deegaanka ka lumiya waqti kale oo qaali ah. Ma fileynin in uu Shacabka qayb ka mid ah raarta gashado isagoon ku xulan Caqli, Aqoon, Waayo aragnimo, Karti iyo Xirfadkale toona oo uu #Masaasado Dhaqaale, Qandraasyo & Hantidii qaranka ah afka u galiyo, inta kalena uu dibadda kaga dhaqaaqo isagoo Horboodayaashooda aan bisleyn ku maaweelinaya oo afka u galinaya #Kaddaabado (Masaasadaha Carruurta lagu aamusiiyo ee beenta ah) iyo Ballamo aan jirin. Waxaa la yidhi : Aakhiro seeg mooyee, Aar walaal ma noqdo. Cafisku Diinteena Islaamku waxay ina bareysaa in uu yahay furaha aad ku gaadhi karto Guul aduunyo iyo mid aakhiro labadaba. Aargoosigana waxay Culimada Cilmaanigu ku macneeyeen sida Dhamac kuluul ood gacantaada ku qaadeyso si aad ugu tuurtid ama ugu dhufatid Cidda aad ka aargoosaneysid. Taana weynu garan karnaa dhibka Naftaada aad gaadhsiineysid inta aanad Dhamacda gaadhsiin halkaad ku waddey. Saxaabi Maalqabeen ahaa aadna u awood badnaa Ilaahey baa awood lehe oola odhan jirey #Qays ibnu Caasim (Ilaahey ha ka raali noqdee) ayaa isagoo Saaxiibadii iyo Tolkii dhex fadhiya loo keenay Meydka Wiil uu dhalay oo uu aad u jeclaa iyo Ninkii dilay oo la soo qabtay oo xidh-xidhan. Wuxuu yidhi Ninkan wiilkeyga dilay waad ka nixiseene xadhiga ka fura, iskana sii daaya waan cafiyey eh. Meydkana Janaasad lagu tukado iyo Aas u diyaariya. Hooyadiina Magtii wiilkeeda xoolahayga ka siiya. Anigana ii duceeya. Waxaan aaminsanaa in Mustafe mudnaanta Koowaad siin doono is Cafinta guud ee Shacabka Deegaanka isaguna uu sidii Hogaamiyaha Ruwaandha #Paul_Kagame noqn doono ka u horeeya ee Cid walba cafiya, Bulshadiisana ugu baaqa kuna dhiiri galiya in ay ku daydaan ooy is wada cafiyaan. Anigoo shakhsiyan aad uga xun Dilkii loo geystay Walaalkeen (AHUN) Marxuum Faysal M. Cumar hadana waxaan aad ugu hanweynaa in Mudane Mustafe uu walaalkii ka samri doono una samri doono Aakhiradiisa, danta guud ee Deegaanka iyo Dadkiisa una cafiyi doono Cid kasta oo uu aaminsanaa in ay ka dambeysay Falkaa Argagixisnimo ee walaakii iyo #Boqolaal kaleba lagu dilay, ama Dowladi (Mid Deegaan & Mid Federaal) ha disho ama ONLF ha disho ama cid kaleba ha dishee. Taariikhda waxaynu ka baranay in Hogaamiye kasta oo guul gaadhey uu ku gaadhey Lataliyeyaal Wanaagsan. Mid kasta oo guuldareystayna ay ugu wacnaayeen Lataliteyaashiisa oo karkaarka weydaariyey. KSM Mustafe wey u dhamaayeen (Sida aan filayo) sifooyinkii Hogaamiyaha Wanaagsan ee u suurogalin karey in uu qaato go’aan adag oo uu ku cafiyo Cid walba. Waxaanse eeda saarayaa oo Fursadaa Mustafe dhaafiyey isagoo u nuglaaday Talo Xumayaal aanuu marka horeba ku xulan Caqli, Aqoon, Waayo aragnimo iyo Karti toona oo hab kaloo guracan badankoodu ugu soo xoomeen isaguna uu iska garan waayey kana ilduufay. Waxay dhegta hoosteeda kaga turqeen Irbad Maskaxda qaybta Afkaarta wacan, Wadaninimada iyo Cadaaladda kabuubyeysa oo Jiffeysan ama Seediyeysan. Waxaan qabaa hadii Mustafe ku soo xulan lahaa Lataliyeyaashiisa #Soomaalinimo iyo sifooyinkii kale ee uu ku xulan jirey Shaqaalihiisii OCHA in aanuu ka gaabiyeen heerka ay Dadkiisu ka filayeen. Waxaan qabaa in aanuu marnaba si caam ah (Public) uga hadleen Bulshadana ula wadaageen Xuska Sanad Guurada Dilkii Walaakii ee uu badalkeeda Shacabka u horseedi lahaa is Cafis guud oo uu Hormuud ka yahay. Waxaa la yidhi : Dhidar Xabaalo qodaa qudhun buu uga dhaadhacaa. Waxaan aaminsanaa in KSM Mustafe uu la iman doono Dulqaad, Barnaamij Siyaasadeed oo hufan iyo Hadaf qorsheysan oo uu Shacabka isugu soo dhaweeyo, Xurguftii iyo Mad-madowgii soo kala dhex galayna uu meesha ka saari doono. Ma fileynin in aan arko Mustafe iyo Dowladiisii oo dhan, Qurbo joogtii Deegaanka timid iyo Maxaabiistii Jeel Ogaadeen ka soo baxday oo dhamaantood ku mashquulsan Siyaasadeynta, soo Faqidda lafaha, Daawashada, Dalxiiska iyo isku sawirka Qubuuro dad Muslim ahi ku aasanyihiin. Arrintaasi in ay boogo bogsanayey damaqdo oo qudhun looga dhaadhaco mooyee wax #Kigaameyn ah ama wanaag ah oo marka la eego halka aynu taaganahay iyo halka aynu hiigsaneyno laga faa’iidayo garan waayey anigu, waqti iyo dhaqaale lumis mooyee. Waxaanse ogahay in Talo xumada iyo waqtiga qaaliga ah ee lagu lumiyey Xabaalo Qodidda iyo Ceebo uruurintu uu yahay ka manta kaalintiisii uu Mustafe tabayo ee aadka u wiiqay Hogaan wanaagii aan ka filayey iyo Diirad weyn oon jeclaa in uu goor hore si deg-deg ah ugu eego Xubnihii uu ugu yimid Talada Xisbiga iyo Dowladda uu dhaxlay. Waxaa kaloo la yidhi : Gees Lo’aad kuleylkaa lagu gooyaa. Waxaan aaminsanaa in Mudane Mustafe uu ahmiyad weyn siin doono hirgalinta qodobada kor ku xusan kuwooda ugu muhiimsan sida in uu si buuxda u hanto Dowladnimada loo Xil saarey isagoo taageero buuxda ka haystay Dowladda dhexe laamaheeda kala duwan. Waxaan aaminsanaa (Inta Geesku kuluulyahay) isagoo aan Cidna waxba yeelin in uu deg-deg Cafis Guud (Oyna ku jirin Hantida la kala dhacay ee cadeymaha leh) u fidin doono Xubnihii Dowladii uu dhaxlay (Iyaguna aan hubo in ay sidaa Abaal ku qabeen) hadaanba wax loo raacayn sidaana uu ku unko Dowlad Badbaado Qaran ah oo ka kooban Soomaali Galbeed dhamaantood oy ka dhaxeyso wada shaqayn hadafkeedu yahay in si Daacad ah Dalka iyo Dadkiisa loogu adeego iyadoon Qalad – Qalad ku sixin. Waxaan aaminsanaa in uu la iman doono Qorshe iyo Siyaasad Dastuurka waafaqsan oo uu si deg-deg ah ugu wiiqi karo awooda Ninka ay maanta is qabteen iyo Xulufadiisa. Ma fileynin in uu arrinta maanta soo gaadhsiiyo oo uu halkiisa ku sugo Fursadna siiyo intay Xubnihii hore ee Xisbiga iyo Gudoomiyahoodu Koomada ka baxayaan dibna isu abaabulayaan. Waxaa la yidhi : Balaayo Daan la qabto ayey leedahay ee Dabo la qabto malaha. Ma fileynin in uu Mustafe waqtigiisa inta badan ku lumiyo waxyaabihii uu ku eedeynayey Nidaamkii ka horeeyey sida Dacaayadaha, Faanka iyo soo uruurinta iyo baahinta Ceebihii iyo Dhibaatooyinkii Deegaanku soo maray. Ma fileynin in Dhalinyaradii taageertay ee Ku faraxdey Magacaabistiisii sida diiranna u soo dhaweysay uu Meydkooda wadhi doono isagoon 3 biloodba dhameysan Magaaladda dhexdeeda isagoo adeegsanaya Xubnihii Dowladii hore iyo isla Ciidankii uu ku eedeynayey in ay ka dambeeyeen Dilka Walaalkii iyo inta badan Lafaha Walaalada kale ee uu ka soo qufay Qubuuraha Ma fileynin in Gacan ku dhiiglayaashii intuu Hogaanka Deegaanka hayey Maatada xasuuqay ay si xorriyad leh u difaacaan isaga iyo kuwuu ku soo uruursaday Madaxtooyadu, Dhibanayaashiina laga dhigo wax la xidho, wax la jidhdilo iyo wax Xilalkay hayeen si awood sheegasho ah looga qaado. Ma fileynin Dhibkii uu lahaa waa nalagu hayaa in uu isna markiisa Dadka ku hayn doono. Ma fileynin in Ehelada iyo Qaraabada Madaxdii Nidaamkii hore uu si gaar ah u beegsado, Xidh-xidho ama Jidhdilo iyagoo wax dambi ah oy galabsadeen aaney jirin. Ma filaynin in xubnihii Dowladii hore uu qaarkood iyagana si gaar ah u beegsado, Guryahooda iyo Maatadoodana gaba-gabeeyo, qaarkood kalena uu indhaha ka qarsado. Ma fileynin indhaha haba ka qarsadee in uu sii dalacsiin doono jagooyin Cusbna u magacaabi doono oo ah waxyaabaha maanta aadka u wiiqay Cumcaddiisa iyo awoodiisa, marka la tago tayo xumada Lataliyeyaashiisa. Ma filaynin haba sii dalacsiiyee in uu goor ay Xeedho iyo Fandhaal kala dhaceen soo baraarugi doono oo uu xidh-xidhi doono iyagoo aan maanta lagu tilmaami Karin in ay yihiin Wasiirro ka tirsanaa Xukuumaddii hore, waayo waxay ku dambeeyeen oy haatan ahaayeen Xubnaha ugu fir-fircoon ee uu Xukuumadiisa Mustafe u xushey Xilalkii u muhiimsanaana ku aaminey. Waxaa la yidhi : Nabsi bil ha jiro boqolse ha jiro, isha baalkeeda ka dhow. KSM Mustafe, waan ka xumahay in aadan helin Lataliyeyaal wanaagsan iyo Taageerayaal ku dhaliili kara, Sawiradaada oy kala badalaan iyo Viva Halyey Mustafe oy meelahaa ku xar-xariiqaan mooyee. Waan ka xumahay kuwii aad umadda ka soo dhaweysatey in ay noqdaan kuwo Sacabka kuu garaaca oo waqtigaagii qaaliga ahaa kaaga lumiyey Ammaan, Xabaalo Qod iyo Nidaamkii hore oo la caayo. Waan ka xumahay in kuwaad Raarta gashatay eed Malqaacadda dahabiga ah ku quudineysay dhiggoodii ka qiimo badnaana Cidlada kaga dhaqaaqday ay adigii maanta dib kuu raamsanayaan Dibindaabyadaaduna laabtooda ku dawaarsantahey. Waxaanse aad ugu faraxsanahay in aan arko kuwaad shalay si walba u gacan bidixeysay ee V8 kii aad qaybisay la dul marinayey, oo maanta Cadowgaaga kala duwan kaa difaacaya. Waxaan ku faraxsanahay in ay yihiin kuwa maanta Af iyo Adinba kula garab taagan ee kaa caabiyaya Cadowgaaga ka soo kallahaya ama usoo kallahaya Xafiiskaaga iyo Hoygaaga Madaxtooyada. Waxaan ku faraxsanahay in kuwaad kafankooda toleysay ay maanta kabtaada tolayaan, Hiil iyo Hoona aaney waxba kaala hadhin, ilaahay ka sokowna ay sabab u noqdeen in aad kaga badbaado Hogga Aakhiro wax yar ka sokeeya ee laguu qoolay. Waxaa kale oo la yidhi : Walaalkaa u hiili marka laga gardaranyahey, Marka uu gardaranyaheyna u hiili oo Qaladkiisa u sheeg kana qabo. KSM Mustafe, Waxaan aaminsanahay in aad faa’idey aqoon iyo waayo aragnimo kugu filan oy Suntii iyo Fikraddii dalabta lahayd ee qadaadka lagaaga turqey hadda dhiigaaga iyo maskaxdaada ka meydhantay oon War-xumo Tashiil dambe iyo Nin Yurub iyo Mareykan deyn kaga soo dhoofay ku fooftan habaabin doonin. Ha la tashan Nin aad Jiffo uun wadaagtaan aseydaan aqoon, mabda’ iyo waayo aragnimo kale toona aydaan wadaagin isku Darajona (Level) aydaan ahayn. Waxaan rajeynayaa in qoraalkeygan aad u qaadandoonto siduu yahay iyo baraarujin iyo dhanka wanaagsan oo aanuu ku baalmari doonin. Waxaa la yidhi : Talada wanaagsan adigaa ku nool ee iyadu kuguma noola Horaad u talo xumeysatee, intaad hogaan Deegaanka hayso (Ilaahay ha kugu asturee) Xasuusnow Rag Gogoshii waa Cadaalad iyo Sinnaan eegaba la kaalay oo Soomaali Galbeed oon kala gurneyn meel isugu keen. It is never too late for a new beginning. Mindida daabkeedii gacantaadey ku jirtaa, waarina meyside War wanaagsani ha kaa hadho. KSM Mustafe, Guul & Horumar dhankastaba ah ood Deegaanka gaadhsiiso ayaan kuu rajeynayaa. Mahadsanid; Ahmed Qadhabo ahmedqadhabo@gmail.com Dhamaan maqaalada ku soo baxa shabakadani ma aha kuwo matala aragtida shabakadani ee waa mid ku kooban akhristaha kor ku xusan. Qaran News

Click here Qaran News