Qaran News

(SLT-Denmar)-Xildhibaanad reer Denmark ah ayaa ka hadashay in loo sheegay in ay baarlamaanka ka saarto canug ay wadatay. Mette Abildgaard ayaa sheegtay in ay ahayd markii u horraysay ee ay xildhibaannada dhex gaysto gabadheeda shanta bilood jirta, maadaama oo aabeheed ay u suuragali wayday in uu ka sii hayo. Pia Kjaersgaard oo ah gudoomiyaha xildhibaannada iyo hoggaamiyihii hore ee xisbiga Danish People’s Party ayaa la sheegay in ay xildhibaanadda u sheegtay in aan “carruurta laga ogolayn” kulamada baarlamaanka. Kjaersgaard ayaa sheegtay in loo baahan yahay in xildhibaannada warcad laga siiyo arrimaha carruurta la xiriira. Abildgaard oo Facebook soo dhigtay in ay aragtay xildhibaanad hore oo ilmaheeda la gashay gudaha xarunta baarlamaanka taas oo aan wax dhibaato ah kala kulmin. Waxay sheegtay in ay xog haynta kula heshiisay “in haddii gabadheedu ay sawaxan yar samayso ay bixin doonto” maadaama oo gabadheedu ay jawi dagan ku jirtayna ay go’aansatay in ay gudaha la gasho. Kjaersgaard ayaa markaas fariin dirtay si xildhibaanadda loogu sheego in ay canuga saarto, intaas ka dibna Kjaersgaard ayaa warbaahinta Ritzau u sheegtay “in xarunta xildhibaannada loogu talo galay mudaneyaasha balse aan loogu talo galin carruurr”. Afhayeen u hadlay ayaa warbaahinta BT ee Denmark ka soo baxday u sheegay in gudoomiyuhu ay raacaysay xeerka, canuguna uu carqaladaynayay kulanka. Denmark ayaa ka mid ah dalalka ugu wanaagsan fasax yada la siiyo waalidka si ay carruurta wakhti ula qaataan dumarka dhalay ayaa loo ogol yahay 18 toddobaad oo fasax ah, labada waalidna waxaa loo sii ogol yahay 32 bilood oo labada waalid ay siday rabaan ay u qaybsan karaan. Abildgaard ayaa sheegtay in ay go’aansatay in ay shaqada ku laabato si ay dimuqraadiyadda ugu adeegto. Qof ayaa Facebook ku soo qoray haddii xildhibaannadu ay matalaan hooyooyinka, aabeyaasha iyo carruurta waa in loo fasaxaa hooyooyinka iyo carruurta. Ma aha markii koobaad ee ay ciwaannada qabsato war ku saabsan siyaasi canugiisa la yimaada. Ra’iisulwasaaraha New Zealand Jacinda Ardern ayaa canugeeda la tagtay markii ay ka qayb gashay shirkeedii u horreeyay ee Qaramada Midoobay, waxayna noqotay hoggaamiyihii u horreeyay ee canug la taga kulanka Golaha Loo dhan yahay Qaramada Midoobay. Source

Caabudwaaq (SMN) – Madaxda sare ee maamulka Galmudug ayaa maanta wafdi dhex dhexaadin ah u diray deegaanka Xeraale ee waqooyiga goboka Galgaduud oo maalmihii la soo dhaafay ay ku dagaalamayeen labo maleeshiyo beeleed oo wada daga halkaasi. Wafdigan oo isugu jira xildhibaano iyo wasiiro ka tirsan Galmudug ayaa waxa ay kulamo ka bilaabi doonaan deegaanka Xeraale six al looga gaaro colaadaasi. Sidoo kale waxaa la filayaa in xabad joojin rasmi ah ay kala dhex dhigaan beelaha haatan ku dagaalamaya deegaankaasi. Wasiirka dib u heshiisiinta dowlad goboleedka Galmudug Saalax Maxamed oo wareysi siiyay Shabelle ayaa ka warbixiyay dadaallada nabadeed ee ay wadaan. Halkan hoose ka dhageyso Wareysiga. https://www.radioshabelle.com/wp-content/uploads/2019/03/cod-mahad-.mp3 View the full article

Leaders in Somalia are questioning the recent abandonment of a military base in the country by Kenya Defence Forces (KDF) soldiers, saying the move will expose the country to Al-Shabaab threats. The leaders say Kenyan troops started withdrawing from Somalia after moving out of Busar, KDF’s command center in the northern sector of Jubaland, a town that was liberated in the first 100 days of their entry into Somalia. On Tuesday morning, a contingent of troops made the final withdrawal from Busar. “Our people spotted the troops heading towards the Somali border. They destroyed their military base before leaving,” a senior politician from Gedo, who requested not to be named for fear of reprisals by both KDF and Somali security forces, told the Nation. Busar is in Gedo region, where KDF recorded their greatest loss in history during the El Adde attack, in which about 200 soldiers died. Aw Hirsi, the Minister for Planning and International Cooperation in Jubaland, told the Nation that the withdrawal had left the people uncertain as to whether the departure of the Kenyans could secure the region lasting peace and tranquillity, or whether it could further land their weary souls into the hands of Al-Shabaab militants. The KDF operated bases in Bardera, Busar and El Adde, all of which it has since abandoned. It also had forward operating bases FOBs in Taraka and Fafadun, from which it also withdrew. The Kenyan troops withdrew from Bardera in September 2017, and it fell back into the hands of Al-Shabaab. The departure came just five days after it abandoned its base in Bardera. On Tuesday, Department of Defence Spokesperson Bogita Ongeri and KDF spokesperson Paul Njoroge declined to respond to the Nation’s queries on what necessitated the movement of KDF troops towards the border. A senior official in the Department of Defence, who cannot be named because he is not authorized to speak to the press, said that the move is classified and that they are awaiting a brief from the military intelligence before making any public statements. The withdrawal comes after top Amisom commanders met in Mogadishu on February 16 and agreed on how to execute the mission’s new Concept of Operations (Conops), a document that provides a framework for implementing the AU troops’ gradual transition and final exit from Somalia. The meeting was attended by Lieut-Gen Tigabu Yilma Wondimhunegn, the Amisom Force Commander, and his deputy Maj-Gen Charles Tai Gituai, a Kenyan in charge of Amisom’s operations and plans. According to Mr Simon Mulongo, the Deputy Special Representative of the Chairperson of the African Union Commission, the Somalia Transition Plan will include the phased and conditions-based troops’ withdrawal and handing over of priority locations in Mogadishu to the Somali Security Forces, the degrading of Al-Shabaab, and supporting the Somali National Security Forces to take full charge of the country’s national security. Hirsi blamed the Somali government for not being keen on following the Conops strategy. Experts in military and diplomatic circles advanced various reasons for the withdrawal of the troops from Gedo. The first, they said, was logistical since it had become impossible to move troops and supplies in the vast area due to dwindling funding for Amisom operations. “The decision for the drawdown in terms of Amisom troop numbers was supposed to be in 2017, but the Somali government has been asking for extensions due to fears that it might not be able to hold back the militants. The funding for the operations has also been dwindling,” Mr Edward Wanyonyi, a graduate of war studies from King’s College, London, said. The second reason the experts advanced was political, and they cited the recent diplomatic spat between Kenya and Somalia over their maritime border and the oil blocks in the disputed area. “By Kenya withdrawing from their positions, Al Shabaab could fill up the void and in turn upset Somalia as a way of getting back at them,” said Mr John Kariuki, a geopolitics expert. View the full article

Qaran News

Kooxaha kubadda cagta Jeenyo iyo Gaadiidka wada dheelindoon kulan ka tirsan hoyaalka Somalia Premier League fasal ciyaareedka 2018-2019. L.L.P Jeenyo kulankii u danbeeyay horyaalka Somalia Premier League waxa ay guul daro 2-0 kasoo gaartay kooxda ciidan booliska Soomaaliyeed ee Heegan kulan labada dhinac aya wada dheeleyn 12/03/2019. Xidigaha Gaadiidka ciyaartii u danbeesay horyaalka iyagana waxa ay guul daro 2-1 kala kulmeyn kooxda dowladda hoose ee Muqdisho City Club wuxuuna kulankaas dhacay 13/03/2019 Halkan Ka Aqriso Is Aragii U Danbeeyay Labada Koox 06/02/2018 Gaadiidka FC 0:1 Jeenyo FC 07/04/2018 Jeenyo FC 3:2 Gaadiidka FC 20/03/2017 Jeenyo FC 1:1 Gaadiidka FC 20/11/2016 Gaadiidka FC 2:2 Jeenyo FC 15/01/2016 Jeenyo FC 1:1 Gaadiidka FC 23/03/2016 Gaadiidka FC 1:2 Jeenyo FC 29/03/2015 Gaadiidka FC 4:2 Jeenyo FC 30/12/2014 Jeenyo FC 4:2 Gaadiidka FC Ogeysiiska Kulanka Tartanka-Horyaalka Somali Premier League Kooxaha-L.L.P Jeenyo VS Gaadiidka Tariikhda-20-03-2019 Maalinta-Arbaco Saacada:-3:30pm Garoonka-Banaadir Stadium Source: goobjoog.com

Maxkamad Hargeysa Ku Taala Oo Nin Ku Xukuntay In Dhagax Lagu Dilo, Haweenay Curyaan Ahna Boqol Jeedal Oo Garaacis Ah Iyo Sharciye Yaqaano Ka Falceliyay. Maxkamad Hargeysa kutaala ayaa xukun layaableh soo saartay kaasi oo nin ku xukuntay in dhagax lagu dilo, haweenay Curyaan ahna ku xukuntay Boqol jeedal oo Karbaashid ah, arintaasi oo aad uga yaqaabisay Garyaqaano caan ah oo aad u daadafeeyay Xukunkaasi, iyadoo aan baryahan looga baran Maxkamaddaha Dalka Somaliland Xukuno noocan oo kale ah. Garyaqaan Guuleed Dafac Oo ka mid ah Looyaradda aadka looga yaqaan Dalka Somaliland islamarkaana ah xubin firfircoon oo u ololeeya arimaha Xuquuqul Iinsaanka ayaa ka hadlay arintan. Qoraal uu arintani kaga hadlay oo uu soo dhigay Bartiisa Facebookga ayaa waxa uu ku yidhi sidan “Garsoore ka tirsan Maxkamadda Degmada oo aan dacwad ciqaabi hor ool, eed xeer-ilaalin soo gudbisay hayn, dhegaysi dacwad ciqaab ah qaadin ayaa magaalada Hargeysa ku xukumay nin in dhagax lagu dilo, gabadh kufsi ka cabanaysayna in 100 jeedal lagu dhufto. Garsooruhu isagaa isku xeer-ilaaliye iyo garsoore ba noqday. Mana uu eegin in maxkamadiisu awood u leedahay iyo in kale in qof dil lagu xukumo. Umana daynin hay’adaha sharci baadhista, iyo xeer-ilaalintu inay shaqadooda qabsadaan oo ogaadaan wixii dhacay iyo in gabadha curyaanta ah ee soo cabatay ay dulman tahay iyo in kale. Maragna muu qaadin”. Gabadh curyaan ah ayaa sheegtay in nin kufsaday. Baadhistii dacwadda ayaa adkaaatay. Ninkii wuxuu ku dooday inaanu arag oo aan waxba dhex marin noocay doontee ha noqotee. Inantii uur ayay qaaday. Qareenkeedii waxaay ka codsatay maxkamadda degmada inay qaado DNA da ilmaha si loo oogaado cidda dhashay. Waxaay rabtay inay caddaynta u gudbiso xeer-ilaalinta si ay u yeesho ama u diido (mar haday iyadu awoodda sharci ee caynkaas ah leedahay). Garsoorihi DNA qudha qaaday xukun ayuu ku xejiyay isaga oo aan dacwad ba qaadin, xeer ilaalina sugin, baadhisna aan arag. Awood sharcina u lahayn. Inantii curyaanta ahayd ee sugaysay in hay’adaha baadhistu go’aan gaadhaan, waxa lagu yidhi 100 jeedal ayaa ku sugaya. Qaran News

(SLT-Hargeysa)-Madaxweynaha dalka Kazakhstan Nursultan Nazarbayev, ninka keliya ee dalkaasi ka talinayay tan iyo intii uu ka baxay burburkii Midowgii Soviet horraantii 1990-meeyadii, ayaa iscasilay. Khudbad uu jeediyay, ayuu ku sheegay in go`aanku “uusan fududeyn” balse uu doonayo inuu caawiyo “Hoggaamiyeyaasha jiilka cusub”. Mr Nazarbayev, oo 78 jir ah, ayaan caqabado badan la kulmin tan iyo intii uu qabtay xukunka dalkaas saliidda qaniga ku ah, sanadkii 1989. Mr Nazarbayev ayaa sheegay in guddoomiyaha aqalka sare ee baarlamaanka dalkaas, Kassym-Jomart Tokayev, uu sii heyn doono xilka madxatinnimada inta muddadiisa uga hartay ilaa bisha April, sanadka 2020. Waxay dad badan ka filayeen inuu mar kale isku soo taago xilka madxatinnimada. Iscasilaaddiisa ayaa imaaneysa toddobaadyo uun kaddib markii uu riday dowladda, isagoo sheegay inay ku guul-darreysatay horumarinta dhaqaalaha. Mr Nazarbayev wuxuu ahaa madaxweynaha keliya ee ay Kazakhstan yeelatay. Dad badan ayaa u haystay inuu weligii xilka hayn doono. Waa kuma Nazarbayev? Wuxuu dhashay sanadkii 1940, Mr Nazarbayev wuxuu markii hore noqday xoghayaha Xisbigii Hantiwadaagga Kazakhstan sanadkii 1989 markii dalkaasi uu ka tirsanaa Midowgii Soviet. Kaddib markii uu Kazakhstan xornimada qaatay, wuxuu soo noqday madaxweynihii dalkaasi, sanadihii 1999, 2005, 2011 iyo – kii ugu dambeeyay – sanadkii 2015. Muddadii dheereyd ee uu xilka hayay Mr Nazarbayev wuxuu xoogga saaray isbeddelka dhaqaalaha. Dalal badan ayaa ku eedeeyay musuqmaasuq iyo tacaddiyo baahsan oo xuquuqda aadanaha ah. Hase yeeshee, taageerayaashiisa ayaa abaal uga haya xasiloonida iyo nabadda uu dalkaasi ku soo dabbaalay, iyo horumarka dhaqaale ee uu dalkiisa gaarsiyay. Kazakhstan waxay baaxad ahaan la ektahay Galbeedka Yurub, waxayna leedahay kheyraad macdan oo badan. Tan iyo intii uu dalkaasi xornimada qaatay burburkii midowgii Soviet, sanadkii 1991-dii, maalgashi badan oo dhanka saliidda ah ayaa sababay inuu dalkaasi koboc badan sameeyo. Waxaa Kazakhstan ku nool qowmiyado kala duwan. Qowmiyadda Kazakhs ayaa ugu badan qowmiyadaha dega dalkaas, waxaana soo raaca dad Ruushka ka soo jeeda, iyo qowmiyado kale oo laga tiro badan yahay. Diinta ay dadka ugu badan haystaanna waa Islaamka. Source

Jowhar (Caasimada Online) – Ciidamadii ugu badnaa meletariga Soomaaliya ayaa isaga baxay saldhigyo ku yaala gobolka Shabeellaha Dhexe, waxaana ciidamada la sheegay inay iskugu yimaadeen degmada Balcad ee gobolka Shabeelaha Dhexe. Ciidamada oo wata gaadiidka dagaalka ayaa gaaray degmada Balcad, waxaana saaka dhaqdhaqaaqooda laga dareemayaa degmada iyo naxaaxigeeda, sida dadka deegaanka ay sheegeen. Ciidamada ugu badan ayaa isaga soo baxay saldhigyo ay ku lahaayeen deegaanada Qalimow iyo deegaanka Garsaale oo ku yaala inta u dhaxeysa degmooyinka Balcad iyo Jowhar. Deegaanada qaar oo ciidamada ay kasoo baxeen ayaa wararka aan ka heleyno waxay sheegayaan in ciidamo kale oo meletariga dowladda ka tirsan iyo ciidamada AMISOM ay ku sugan yihiin. Sidoo kale wararka aan heleyno ayaa sheegaya in ciidamadii ugu badnaa ay isaga soo baxeen deegaano ka tirsan degmooyinka Mahadaay iyo Jowhar, waxaana ay ku sugan yihiin degmada Balcad ee gobolka Shabeelaha Dhexe. Saraakiisha qaar ee hogaaminaya ciidamada ayaa sheegay inay heysato mushaar la’aan islamarkaana ay ku wajahan yihiin magaalada Muqdisho, si ay u muujiyaan gadoodkooda, maadaama ciidamada ay yihiin kuwo diiwaan gashan. Ciidamada isaga baxay saldhigyo badan oo gobolada Shabeelooyinka ka tirsan ayaa horey kaga cabanayay inay heysato mushaar la’aan, waxaana dowladda ay horey u shaacisay inaysan jirin ciidamo diiwaan gashan oo waayay mushaaraadkooda. Ra’iisul wasaaraha Soomaaliya Xasan Cali Kheyre ayaa habeen hore sheegay in Ciidamada ka cabanaya mushaar la’aanta ee isaga baxaya saldhigyada aysan u diiwaangashaneyn dowladda Soomaaliya, waxaana uu amar ku bixiyay in la diiwaangeliyo. Caasimada Online Xafiiska Jowhar Caasimada@live.com

The United States military said Tuesday its special forces conducted an airstrike against al-Shabab terrorists in southern Somalia on Monday, killing three terrorists. The U.S. Africa Command (Africom) which oversees American troops on the African continent said the latest strike was conducted in cooperation with Somali government in the vicinity of Awdheegle, Lower Shabelle region. “This airstrike is one element of a larger strategy to support the Somali National Army as it increases pressure on the terrorist network and its recruiting efforts in the region,” Africom said in a statement. The U.S. army also said it was aware of reports alleging civilian casualties resulting from this airstrike, promising to investigate any information on civilian casualties. “As with any allegation of civilian casualties we receive, U.S. Africa Command will review any information it has about the incident, including any relevant information provided by third parties,” it said. The Monday airstrike is the latest in a series of similar missions by the U.S. forces in Somalia in collaboration with Somali and African Union forces in the Horn of Africa country. The strikes have largely targeted al-Shabab figureheads and based in southern Somalia where the group still maintains a strong grip in some regions. View the full article

Wasaaradda arrimaha gudaha ee xukuumadda federaalka Soomaaliya ayaa shaacisay mowqifkeeda ku aaddan doorashooyinka Galmudug. Cabdi Maxamed Sabriye, wasiirka wasaaraddan oo la hadlay Idaacadda VOA-da ayaa sheegay in doorashadaasi ku dhici doonto waqtigii loogu talagalay ee ah bisha July ee sanadkan. Wuxuu wasiirka sheegay wixii intaa ka horreeya ay ku dedaalayaan sidii loo heshiin lahaa, islamarkaana iyadoo meel laga soo wadajeedo ay doorashada dhici doonto. Wasiir Sabriye ayaa dhanka kale sheegay in DFS aanay wax farogelin ah ku sameyn doonin arrimaha doorashooyinka, balse ku dedaali doonaan sidii ay doorashada waqtigeeda ugu dhici lahayd. Madaxweynaha Galmudug Axmed Ducaalle Geelle (Xaaf) iyo madax xukuumadda Galmudug Sheekh Maxamed Shaakir ayaa dhowaan Dhuusamareeb ka sheegay in waqtigooda ku egyahay sanadka 2021. Goobjoog News Source: goobjoog.com

Hay’adda Amnesty International ayaa saaka Magaalooyinka Nairobi, London iyo New York ku soo bandhigeysa warbixin ay ka soo ururisay Gobolka Shabeelaha Hoose ee Soomaaliya. Warbixintan oo ururinteeda ay qaadatay ku dhowaad 8 bilood (April – December 2018) ayaa ka hadleysa duqeymaha Mareykanka uu ka fuliyo gobolkaasi, kuwaasoo qaarkood dadka rayidka lagu dilo, laguna dhaawaco. Warbixinta oo cinwaan looga dhigay Dagaalka Qarsoon ee uu Maraykanka ka wado Soomaaliya ayaa faahfaahin ka bixinaysa sida 14 qof oo rayid ah ay ugu dhinteen, siddeed kalena ay ugu dhaawacmeen shan duqeyn oo ka mid ah duqeymaha boqolka ka badan ee Soomaaliya ka dhacay labadii sano ee la soo dhaafay. Shantan duqeyn ayaa waxaa fuliyay diyaarada bilaa duuliyaha ah ee loo yaqaan Reaper iyo kuwa dagaalka, waxaana ay ka dhaceen gobolka Shabeellaha hoose ee uu inta badan ka taliyo ururka Al-Shabaab isla markaana ku dhaw caasimadda Soomaaliya ee Muqdisho. Weerarrada ayaa u muuqda kuwa ku xadgudbay sharciga caalamiga ah ee bani’aadannimada, qaarkoodna ayba noqon karaan dembiyo dagaal. Markii ay Amnesty International u soo bandhigtay caddeymaha ay hayso, ayaa Taliska Maraykanka ee Afrika (AFRICOM) waxa uu ku celiyay inkiraadiisa ah in wax rayid ah aanay ku dhiman hawgalladiisa Soomaaliya. “Tirada dhimashada dadka rayidka ah ee aan ogaanay inay sababeen weerarro fara kutiris ah ayaa muujinaysa in sirta ku xeeran dowrka Maraykanka ee dagaalka Soomaaliya ay dhab ahaantii tahay boor isku qarin uu kaga gabanayo isla xisaabtan,” ayuu yiri Brian Castner oo ah lataliye sare oo Amnesty International u qaabilsan Hubka iyo Hawlgallada Milateri. “Waxyaabaha aan ogaanay ayaa si toos ah u khilaafsan sheegashada milateriga Maraykanka ee ah inaanay cid rayid ah ku dilin Soomaaliya. Sheegashadaasi ayaa u muuqata mid khiyaali ah marka aad eegto in Maraykanka uu saddex laab kordhiyay duqeymaha uu dalkaasi ka fuliyo tan iyo 2016, kuwaasoo ka batay wadarta duqeymaha uu ka fuliyo Liibiya iyo Yaman.” Cilmi-baarayaasha Amnesty International ee warbixintan diyaariyay ayaa u safray Soomaaliya, waxaana ay waraysi la yeesheen in ka badan 150 goobjoogayaal ah, qaraabada dadkii waxyeelloobay, dad ka barakacay dagaalka iyo khubaro ay ka mid yihiin kuwa milateriga Maraykanka, waxaana ay si weyn u darseen caddeymaha ay heleen oo ay ka mid yihiin muuqaallo dayax gacmeedka lagu qaaday, haraadiga rasaasta iyo sawirro laga qaaday goobaha ay duqeymaha ka dhaceen. Goob colaadi ka taagantahay! Tirada duqeymaha Maraykanka uu ka fuliyo Soomaaliya ayaa aad sare ugu kacday kadib 30-kii Maarso 2017, markaas oo uu madaxweyne Trump saxiixay amar madaxweyne oo u aqoonsaday qaybo ka tirsan Koonfurta Soomaaliya “goob colaaddi ka taagan tahay”. Ciidamada Maraykanka ayaa 34 duqeyn ka fuliyay Soomaaliya sagaalkii bilood ee ugu dambeeyay 2017, tiradaasi oo ka badan guud ahaan duqeymaha uu dalkaasi ka geystay shantii sano ee u dhexeysay 2012 ilaa 2016. Weerarrada ayaa sii kordhay 2018 waxaana ay gaareen 47 duqeyn, halka labadii bilood ee sanadkan 2019 ugu horreeyay ay dhaceen 24 duqeyn. Sida uu Amnesty International u sheegay Sarreeye Guuto hawlgab ka noqday ciidamada Maraykanka, waxaa yaraaday culayska ay milateriga Maraykanka ku xaqiijinayeen in dadka rayidka ah aanay ku dhiman duqeymaha cirka. Waxaa kale oo walaac leh in jananka uu rumaysan yahay in amarka madaxweynaha uu ballaariyay noocyada dadka lagu bartilmaameedsan karo duqeymaha oo uu ku daray dhammaan ragga qaangaarka ah ee ku nool deegaannada laga taageersan yahay Al-Shabaab isla markaana loo arko inay u dhaw yihiin dagaalyahannada. Awoodda beegsi ee noocaasi ah ayaa meel ka dhac ku noqon karta sharciga caalamiga ah ee bani’aadannimada, waxaana ay horseedi kartaa in si sharci darro ah lagu laayo dadka rayidka ah. Tuusaale ahaan, duqeyn ka dhacday tuuladda Faarax Wacays ayaa AFRICOM waxa ay ku sheegtay in “dhammaan dadka ku dhintay ama ku dhaawacmay ay ahaayeen xubnaha ama dad taabacsan Al-Shabaab,” halka Amnesty International ay diiwaangelisay in laba nin oo rayid ah ay halkaa ku dhinteen, shan dumar iyo carruur ahna ay ku dhaawacmeen. Sidoo kale waxaa jiray khasaaro soo gaaray Al-Shabaab. Caddeymo xooggan oo muujinaya khasaaraha soo gaara dadka rayidka ah Amnesty International ayaa ogaatay caddeymo xooggan oo muujinaya in shan duqeyn oo uu geystay Maraykanka ay dileen 14 qof oo rayid ah isla markaana ay dhaawaceen siddeed kale, waxaana weerarradaasi ay noqon karaan kuwo xadgudub ku ah sharciga caalamiga ah ee bani’aadannimada, qaarkoodna ay suuragal tahay inay u dhigmaan dembiyo dagaal. Warar kale oo sheegaya in dad rayid ah ay ku waxyeeloobeen duqeymo kale ayaan si buuxda loo xaqiijin si loogu daro warbixintan. Mid ka mid ah duqeymaha milateriga Maraykanka uu fuliyay ayaa saddex nin oo ka mid ah beeraleyda maxalliga ah ku dishay beer u dhaw deegaanka Daarusalaam saacadihii hore ee 12-kii Noofeembar 2017. Waxa ay ku nasanayeen meel bannaan ah kadib markii ay saacado badan oo habeenkii ah qodayeen kanaal beereed. Abaare 3-dii saqda dhexe ayaa digniin la’aan waxaa goobta ka dhacay duqeyn. Qaraxa ayaa ku qasbay beeraleyda kale inay gabbaad raadsaday, halka uu hurdada ka kaciyay dadka ku nool laba tuulo oo goobta u dhawaa. Dadka deegaanka ee ugu hor arkay meydka raggaasi ayaa qeexay dhaawacyada argagaxa leh ee ka muuqday jirkooda. Amnesty International ayaa markii dambe daristay sawirro caddeyn ah oo laga soo qaaday meydadka, waxaana ka muuqday waxa ay sheegeen dadkii goobjooga ahaa. Laba ka mid ah raggaasi ayaa jirkoodu si xun u go go’ay. Ninka hore waxa uu firir weyn ka galay wejiga, waxaana uu burburiyay lafta wejiga. Gacmihiisa gadaal ayay u go’een, waxaana uu harag yar ku hayay jirkiisa. Wejiga, dhuunta iyo xabadka ninka labaad ayaa waxaa duleeliyay dhowr firir. Ninka saddexaadna waxa uu dhaawac weyn kaga yaallay dhinaca, duleel yarna waxa uu ka muuqday madaxiisa, meel ka yara sarraysa isha midig. Beeraley ka soo jeeda deegaanka Daarusalaam ayaa u sheegay Amnesty International in “Guuxa diyaaradda uu ka xoogganaa sidii hore habeenkaasi uu weerarka dhacayay. Todobaadyadii hore, way iman jirtay, kadibna laaban jirtay, habeenkaase ma aanay tegin. Meesha uun bay dul wareegaysay. Marka ay dhacday jugta qaraxa, waxkasta way joogsadeen….Aad ayaan u cabsaday. Ma waardiyeyn karin beerta. Waxaan galay oo isku qariyay geed hoostii…Ma aanay fileyn saddexda nin ee dhalinyarada ah inay dili doonto diyaarad, anaguna ma aanan fileyn in caalamka uu ka aamusi doono dhacdadaasi.” Kiisaska kale ee ay baartay Amnesty International ayaa qaar ka mid ah dadka deegaanka waxa ay u aqoonsadeen shakhsiyaadka ku waxyeeloobay weerarrada kuwo rayid ah oo aan ahayn dagaalyahannada Al-Shabaab. Sawirrada laga soo qaaday saddexda beeraley ee ku dhintay duqeynta iyo meesha ay meydadkooda yaaleen ayaa u fududeeyay Kooxda Xaqiijinta Dijitaalka ee Amnesty International inay helaan goobta ay ka dhacday duqeynta. Waxa ay sidoo kale bixiyeen tilmaamo muhiim ah, sida godka uu qoday qaraxa tanka weyn iyo weliba firirka gantaalka oo si aan muran ku jirin ahaa nooca GBU-69/B Small Glide Munition. Hubka noocaasi ah waxaa ridi kara oo keliya diyaaradaha AC-130 ee ciidamada cirka ee Maraykanka, waana mid inta badan hawada looga taageero ciidamada lugta ee aan ahayn mid u gaar ah duqeynta cirka. Diyaaradda noocaasi ah oo aan Soomaaliya lagu arag muddo toban sano ka badan, ayaa isticmaalkeeda waxa uu sii ballaarinayaa colaadda. Taliska AFRICOM ma aanu shaacin adeegsiga diyaaradaha AC-130, balse waxa uu xaqiijiyay in diyaaraddaasi ay duqeyn ka fulisay gobolka Shabeellaha hoose qiyaastii 3-dii saqda dhexe taariikhdu marka ay ahayd 12-kii Noofeembar 2017, waxaana uu taliska sheegay inay dishay mintidiin “dhowr” ah. Duqeyn kale ayaa waxaa ku dhintay shan qof oo rayid ah oo ay ka mid yihiin laba carruur ah, kadib markii gaari ay Al-Shabaab wateen uu qarxay xilli uu marayay tuulada Illimey 6-dii Disembar 2017. Muuqaallo lagu qaaday dayax gacmeedka ayaa muujinaya in ilaa 10 dhismo ay qeyb ahaan ku burbureen qaraxa iyo dabka uu dhaliyay. Qof saaxiib la ahaa mid ka mid ah dadka ku dhintay halkaasi ayaa jugta qaraxa ka maqlay tuulada Farsooley oo 14 kilo mitir u jirta Illimey: “Waxa uu ahaa qarax weyn…Shan daqiiqo gudahood waxaa ii muuqday qiiq madow oo meesha ka kacay. Waxaan isu sheegnay in wax xun ay meeshaasi ka dhaceen. Waxaan u orday goobta uu qaraxa ka dhacay …[gaarigana] waxa uu ahaa mid gebi ahaanba burburay. Tuulada oo dhan way gubatay. Dhammaan geedaha meesha ka agdhawaa iyaguna way gubteen. God weyn ayaa ka qodmay meesha uu gantaalka ku haleelay gaariga.” Inkastoo taliska AFRICOM uu si adag u beeniyay inuu weerar ka fuliyay Illimey, ayaa haddana waxaa jirta caddeyn xooggan uu muujinaysa in duqeyn ay halkaa ka dhacday, iyo in ay suuragal tahay in xooggaga ammaanka ee Maraykanka ay ku lug lahaayeen. Warbaahinta iyo dhowr goobjoogayaal ah ayaa sheegay in qaraxa uu dhacay markii hawada rasaas looga soo riday gaariga. Goobjoogayaal ayaa xusuusta in ay arkeen ama maqleen diyaarad ka hor ama kadib marka uu weerarka dhacay, Amnesty International-na waxa ay dib u eegis ku samaysay muuqaallo uu duubay dayax gacmeedka oo tilmaamaya in duqeyn ay sababtay qaraxa. Suuragalnimada in tirada dhimashada ay intaa ka badantahay Waxaa la ogyahay in ciidamada Maraykanka ay Soomaaliya ka fuliyeen 76 duqeymo dheeraad ah mudada ay Amnesty International baaritaanka waday, iyo weliba 24 duqeyn labadii bilood ee ugu horreeyay sanadkan 2019, marka waxaa suuragal ah inay intaa aad uga badan tahay tirada dhimashada ee dadka rayidka ah. Soomaalida ay saameeyeen duqeymaha Maraykanka ayaan helin fursad cadaallad lagu siinayo. Waxaaba aad u adag in xitaa uu qof sheego in qaraabadiisa ama xubnaha beeshiisa ay ku dhinteen ama ku dhaawacmeen duqeymaha marka la eego goobaha ay ka dhacaan weerarradaasi iyo khatarta ammaan ee ku xeeran. “Dowladda Maraykanka waa inay xaqiijiso baaritaan ku aaddan dhammaan eedeymaha lagu kalsoonaan karo ee sheegaya in dad rayid ah ay ku dhinteen weerarradeeda, iyadoo lala xisaabtamayo kuwa masuulka ka ah tacaddiyadaasi, isla markaana magdhaw la siinayo dhibannayaasha,” ayay tiri Ella Knight oo ah cilmi-baare Amnesty International u qaabilsan Milateriga, Ammaanka iyo Booliska. “Dowladaha Maraykanka iyo Soomaaliya waxaa looga baahan yahay inay soo afjaraan hufnaan la’aanta, isla markaana ay waxbadan ka qabtaan si loogu fududeeyo bulshada ay duqeymaha saameeyeen inay ka warbixiyaan khasaaraha soo gaaray dadka rayidka ah, haddii ay taa dhici weydana waxaa adkaanaysa in la helo cadaalad.” ayay intaa ku dartay Ella. WQ: Cabdalle Axmed Mu’min The post Dagaalka Qarsoon ee Maraykanku ka wado Soomaaliya appeared first on Puntland Post.

(SLT-Muqdisho)-Hey’adda xuquuqda aadanah u dooddo ee Amnesty International ayaa sheegtay in tirada duqeynmaha dhinaca cirka ah ee uu Mareykanka ka fuliyay Soomaaliya ay aad u korortay. Warbixin ay maanta oo Arbaca ah soo saartay Amnesty oo aan kasoo xigannay wakaaladda wararka AFP ayaa lagu sheegay in weeraradani oo loo adeegsado madaafiic xoog leh ay ku dhinteen dad rayid ah. Amnesty waxay sheegtay in labadi sano ee lasoo dhaafay ay diyaaradaha aanan duuliyaha laheyn ee Mareykanka ay Soomaaliya ka geysteen in ka badan 100 weerar oo cirka ah. Tiradan ayaa ka badan bay tiri hey’addani duqeymaha uu Mareykanka ka fuliyay dalalka Yemen iyo Libya labadi sano ee lasoo dhaafay. Warbixinta ayaa sheegaysa in baariitaanno lagu sameeyay kaliyah shank a mid ah weeraradaasi lagu ogaaday in dadka lagu dilay ay ka mid ahaayeen 14 ruux oo rayid ah. Tani ayaa dhalisay cabsi laga qabo in ay dhici karto in tiro badan oo dad rayid ah ay ku dhintaan weerarada cirka ah ee diyaaradaha dagaalka ee Mareykanka ka fuliyaan Soomaaliya. Millatariga Mareykanka ayaa ku adkeystay in weerarada ay ka fuliyaan Soomaaliya aysan khasaaro kasoo gaarin rayidka. Duqeymaha dhinaca cirka ah ee uu Mareykanka ka fuliyo Soomaaliya ayaa bartilmaameedkoodu yahay kooxda Al Shabab ee xiriirka la leh ururka Al Qacida. Source

Taliska ciidanka Maraykanka ee AFRICOM ayaa waxbo kama jiraan ku sheegay warbixin dhowaan ay soo saartay hay’adda Amnesty International, taasi oo ay ku sheegtay in duqeymaha Maraykanka ka fuliyey Soomaaliya lagu laayay dad shacab ah. AFRICOM ayaa sheegay in ay sameeyaan qiimeyn gaar ah marka ay duqeynta fuliyaan, iyaga oo adeegsanaya hab sirdoon ah, kuna ogaanayaan haddii ay jirto waxyeello soo gaartay dadka shacabka ah. “Qiimeynteenna waxaan ku ogaannay in duqeymaha AFRICOM ka fuliso Soomaaliya aanay waxyeello kasoo gaarin dadka shacabka ah, qiimeynteennu waa baaris kadib aan sameynno markii ay duqeyn dhacdo, waa hab sirdoon oo aanay ogaan karin hay’adaha aan milatariga ahayn” ayaa lagu yiri qoraal kasoo baxay AFRICOM. Amnesty ayaa sheegtay in 14 qof oo shacab ah ay ku dhinteen 5 duqeyn oo diyaaradaha Maraykanka ka geysteen Soomaaliya, taasi oo ka dhigan in ay intaasi ka badan tahay shacabka waxyeellada kasoo gaarto duqeymaha Maraykanka iney aad u badan yihiin. Dowladda Maraykanka ayaa Soomaaliya ka caawisa howlgallada ka dhanka ah Al-shabaab, waxaana dalka ay ka geystaan diyaaradahooda duqeymo la sheegay in Al-shabaab lala eeganayo. Goobjoog News Source: goobjoog.com

Sida lagu baahiyey warbaahinta dowladda, ciidamada ammaanka ayaa howlgal ay ka fuliyeen magaalada Muqdisho waxa ay kusoo qabteen sarkaal la sheegay inuu ka mid ahaa Al-shabaab. Waxaa la sheegay in sarkaalkan uu ahaa madaxii maxkamadda Al-shabaab ee deegaanka Bariire, gobolka Shabellaha Hoose. Inkastoo aan magaciisa la shaacin ayaa hadana waxaa sidoo kale la sheegay in shaqsigaan uu Al-shabaab howlo kalena u qaabilsanaa. Ciidanka DFS ayaa maalmahan dambe waxa ay magaalada Muqdisho iyo qaar ka mid ah gobollada dalka ka wadeen howlgallo ammaanka lagu xaqiijinayo. Warkaan wixii kusoo kordha kala soco wararkeena kale Goobjoog News Source: goobjoog.com

Saraakiisha ciidanka dowladda federaalka Soomaaliya ee ku sugan degmada Ceel-waaq ee gobolka Gedo ayaa faah faahin ka bixiyey sababta ay ciidanka Kenya uga baxeen deegaanka Busaar ee gobolkaasi. Korneel Warfaa Sheekh Aadan Faroole oo ah taliyaha ciidanka DFS ee aagga degmada Ceel-waaq ayaa sheegay in sababo ciidan ay u baxeen ciidanka Kenya, sidoo kalena ay halkaasi isaga baxeen ciidanka DFS. Wuxuu sheegay in halkaasi ay ciidankan gabi ahaanba isaga guureen, ayna yimaadeen ciidanka dhanka degmada Ceel-waaq. Ciidanka Kenya ayaa deegaankaasi la wareegay sanadkii 2012-kii, sanad kadib markii ay gudaha usoo galeen Soomaaliya. 2-dii bishan ayeey ahayd markii ay ciidamada Kenya isaga baxeen deegaanka Fafax-dhuun ee gobolka Gedo. Halkaan hoose ka dhageyso: https://goobjoog.com/wp-content/uploads/2019/03/warfaa-shekh-aadan-taliyaha-ciidanka-dawlada-ee-aaga-ceel-waaq-sax-sax.mp3 Goobjoog News Source: goobjoog.com

Kuwait (SMN) – Soomaaliya iyo Kuwait ayaa ka arrinsaday Ajandayaasha Shiweyne Caalami ah oo ku saabsan Taageerada Waxbarashada Soomaaliya. Wasiir ku xigeenka Wasaaradda Arrimaha Dibadda Kuwait Khalid Al Jaru Allah ayaa qaabilay wafdi uu hoggaaminayo Wasiirka Wasaaradda Waxbarashada , Hidaha iyo Tacliinta sare Somalia Mudane Cabdullaahi Goodax Barre. Kulanka Masuuliyiintaan ayaa hourudhac u ah u diyaar garowga shir weyne Caalami ah oo looga hadlayo Taageerada Waxbarashada Somalia. Kuwait ayaa dhexda u xiratay Marti Galinta shirkaan oo Muhiimad gaar ah ugu fadhiyo Somalia. Wasiirka Waxbarashada , Hidaha iyo Tacliinta Sare ee Soomaaliya iyo wafdigiisa ayaa booqasho rasmi ah ku jooga dalka Kuwait. View the full article

Muqdisho (SMN) – Ra’iisul Wasaaraha xukuumadda federaalka Soomaaliya (XFS) mudane Xasan Cali Khayre oo ay wehliyaan wasiirrada arrimaha dibadda iyo qorshaynta maal-gashiga iyo horumarinta dhaqaalaha, Axmed Ciise Cawad iyo Jamaal Maxamed Xasan ayaa maanta kulan la qaatay safiirrada Muqdisho u fadhiya dalka xubnaha ka ah midowga Yurub. Ra’iisul Wasaaraha iyo safiirrada ayaa ka wada hadlay joogtaynta taageerada midowga Yurub ee Soomaaliya , waxaana kulanka sidoo kale safiirradu ku boggaadiyeen horumarrada ay ku tallaabsatay dawladda Soomaaliya. Kulanka dhex maray ra’iisul Wasaare Khayre iyo safiirrada dalalka Midawga Yurub ee Soomaaliya ayaa waxaa kamid ahaa safiirradii goob joogga ka ahaa danjirayaasha Austria, Belgium, Denmark, France, Finland, Germany, Ireland, Italy, Spain, Sweden, Netherlands iyo boqortooyada Ingiriiska. Halkan hoose ka daawo Sawirrada:- View the full article

Waxa jirey dad BEERELEY ah oo tuulo yar kunoolaa , iyaga iyo beerahooda waxa u dhexeysey KAYN jiq ah , oo habar dugaag badani kunoolaa, kuwaas oo hilibka dadka ka khashaafi jirey , dadka dhexmaraayana waxba yeeli jirin , iyo shimbiro badan oo heesaaya . Hadaba waxa dhacdey maalin maalmaha ka mid ah , in shabeel gaboobey ay ku adkaatey inuu wax ugaadhsan karo , isagoo gaboobey awgeed , xanuunna u weheliyo , markaasaa wuxuu go aansadey inuu dadkii beeraleyda ahaa ee kaynta sii dhex mari jirey , markey beerahooda ku socdaan iyo markey ka soo caraabaanba inuu ugaadhsado . Waxa tuuladii beeraleyda aheyd lasoo deristey dhibaato wayn , oo joogto ah , maalin kasta iyo habeen kastaba dhiilo ayaa u taalla , guri aan laga ooyey ama barooranayni ma jiro. Beeralwydii waxay u ashtako tageen , ninkii magaalada u madaxda ahaa , in uu dhibaatadan wax kala qabto , laakiin umay suurto gelin in ay wax ka qaban karaan , waxaana u sabab ahaa , jileecooda iyo karti daradooda iyo isku duubno la aantooda . Waxay go aansadeen in boqorkii (madaxweynihii) jirey ay u gudbiyaan , wafdi ayey u direen xaggaa iyo caasimaddii dalka . Wafdigii boqorkii (madaxweynihii) ayey u sharxeen dhibaatada heysata , waxaanay doonayaan in boqorku wax uga qabto , mar haddii uu yahey sharcigii dalka ugu sareeyey . Boqorkii intuu aad iyo aad u cadhoodey oo isa sara taagan ayuu yidhi : maaniga oo nool ayaa waxaas oo kale dhulkeyga ka dhacayaan ? sidey suurto gal ku tahay in waxan oo kale dhacaan? wuxuu u yeedhey wasiirkiisii boqortooyada (madaxtooyada) wuxuu ku yidhi : qor : waxqadani waxay ka timi boqorkii waynaa ee dalkan maamulaayey waxaanay ku socotaa shabeelkan dad cunka noqdey , ee amaanka laga waayey ee raciyadeydii soo weerarey , waxan ku leeyahey aniga oo ah boqorkii sharciga gacanta ku hayey , : shabeel yahaw joojin weerarka aad beeraleyda ku hayso , iyo dad cun nimada aad sameynayso , haddii kale talaabo adag baanu kaa qaadi doonaa , waanan ku ciqaaabi doonaa . Boqorkii warqadii buu saxeexay , kabacdina wasiirkiisii boqortooyada ayuu u dhiibey , wuxuu ku yidhi : u gee shabeelkaa , oo gacanta ka saar , dadkii beeraleyda ahaa arinkii aad iyo aad bay ugu riyaaqeen . Wasiirkii shabeelkii meeshii loogu sheegey buu tegey , kayntii markuu dhexmaraayo , ayaa shabeelkii mudh soo yidhi oo hortiisa isasoo taagey , wasiirkii gacanta ayuu u taagey oo warqadii u dhiibey boqorku soo saxeexay shabeelkii warqadii iyo wasiiskiiba wuu cunay . Boqorkii wuxuu dhibaatadii beeraleyda ku xaliyey hadal iyo weedho aan ficil la socon . Hadaba weedhaha iyo hadalka aduunkoo dhan iyo qawaaniintoo dhami , waxba ma taraan , waxna kaama celiyaan , Haddii aanu jirin ficil ama awood wax fulisaa . Sidaa awgeed ma jiro hadal ama weedho kaa celinaya ( shabeel dadcuna ) , waxa kaa celin karaa waa awood iyo ficil . CALI MAXAMED BIIXI caliwwelli@hotmail.co.uk Qaran News

Hay’adda Amnesty International ayaa saaka Magaalooyinka Nairobi, London iyo New York ku soo bandhigeysa warbixin ay ka soo ururisay Gobolka Shabeelaha Hoose ee Soomaaliya. Warbixintan oo ururinteeda ay qaadatay ku dhowaad 8 bilood ayaa ka hadleysa duqeymaha Mareykanka uu ka fuliyo gobolkaasi oo qaarkood dadka rayidka lagu dilo, laguna dhaawaco. Warbixinta oo cinwaan looga dhigay Dagaalka Qarsoon ee uu Maraykanka ka wado Soomaaliya ayaa faahfaahin ka bixinaysa khasaaraha dadka rayidka ah ee gobolka Shabeellaha Hoose ka soo gaara duqeymaha Maraykanku ka fuliyo halkaas ee lagu beegsado Al-shabaab. PUNTLAND POST The post Hay’adda Amnesty International oo warbixin ka diyaarisay duqeymaha Maraykanka ee Soomaaliya appeared first on Puntland Post.

Muqdisho (SMN) – Halkaan ka Dhageyso Warka Subax ee Idaacadda Shabelle. Hoos riix si aad u Dhageysato:- https://www.radioshabelle.com/wp-content/uploads/2019/03/Warka-Subax-20032019.mp3 View the full article

Muqdisho (Caasimada Online)-Dowladda Soomaaliya ayaa ka hadashay Khilaafka xoogan ee ka dhex taagan madaxda maamulka Galmudug iyo doorashada la filayo inay ka dhacdo deegaanada maamulka Galmudug. Wasiirka Arrimaha gudaha xukuumadda Soomaaliya Cabdi Maxamed Sabriye ayaa iclaamiyay in doorashada madaxtinimada Galmudug ay dhaceyso Bisha July ee sanadkaan 2019. Wasiirka ayaa sheegay in Galmudug ay soo martay marxalado kala duwan oo khilaafaad ah, islamarkaana wuxuu sheegay in doorasada ay ku rajo weyn yihiin inay ku dhacdo waqtiga rasmiga ah ee loo qorsheeyay. Wasiirka ayaa waxaa uu sheegay in Galmudug dhismaheedii hore dhibaato farabadan laga soo maray, isla markaana horay u jirtay khilaaf ka dhaxeeyey Maamulkii Galmudug ee ku sugnaa Cadaado iyo Ahlusuna oo gacanta ku heysay Dhuusamareeb, hayeeshee xal laga gaaray. Cabdi Maxamed Sabriye, ayaa sheegay in Khilaafka Galmudug xalinteeda ay tahay mid u wada yaala madaxda Dowladda Soomaaliya iyo kuwa Galmudug, isaga oo sheegay inay dadaal badan sameyn doonaan ka hor doorashada Galmudug. Hadalkaan kasoo yeeray Wasiirka Arrimaha Gudaha Soomaaliya ayaa kusoo aadaya xilli la wada sugayay mowqifka dowladda ee doorashada Galmudug, isla markaana Wasiirka Arrimaha Gudaha Soomaaliya uu cadeeyey mowqifka dowladda iyo waqtiga ay dhaceyso doorashada Galmudug. Hoos ka dhageyso Codka Wasiirka arrimaha gudaha. https://www.caasimada.net/wp-content/uploads/2019/03/Wasiir-Sabriye-2.mp3Caasimada Online Xafiiska Muqdisho Caasimada@live.com

Istanbul (Caasimada Online) – Madaxweynaha Turkiga Reccep Tayyip Erdogan ayaa ka jawaabay damaca kooxaha xagjirka caddaanka ah uga jira in magaalada Istanbul ay dib ugu noqoto gacanta Kirishtanka. Erdogan ayaa sheegay in weerarkii dhimashada lahaa ee lagu qaaday laba masjid oo ku yaalla dalka New Zealand uu qeyb ka ahaa howl-gal ballaaran oo lagu bartilmaameedsanayey Turkey. Erdogan, oo u ololeynayey doorashada dowladaha hoose ee Turkey ee dhacaysa bishan, ayaa sheegay, in weerarka uu qeyb ka ahaa weerar ballaaran oo lagu soo qaaday Islaamka. Weerarkaas oo lagu dilay 50 qof oo muslimiin ah, ayaa waxaa fuliyey nin Australian ah oo aaminsan in dadka caddaanku sarreeyaan, kaasi oo muslimiinta ugu yeeray “duullaan” “Tani ma ahan hal dhacdo oo kaliya, waa wax abaabulan” ayuu yiri Erdogan oo ka hadlayey magaalada Canakkale ee galbeedka Turkiga, isaga oo aan bixin wax faah-faahin ah. “Waxa ay nagu tijaabinayaan farriin ay kasoo dirayaan dalka New Zealand, meel 16,500km u jirta halkan” ayuu yiri. Erdogan iyo saraakiisha Turkiga ayaa cambaareeyey weerarka oo ay ku sheegeen inuu astaan u yahay Islaam naceybka ay Reer Galbeedka iska indho-tireen. Ninka weerarka fuliyey ayaa baahiyey qoraal uu ku muujiyey damaciisa ah inuu arko in magaalada Istanbul ay dib u noqoto gacantii Kirishtanka iyo magacii Constantinople ee loo yaqiin ka hor inta aysan qabsan Cusmaaniyiinta. Fikradda uu qabo waa sidoo kale tan ay aaminsan yihiin caddaanka xagjirka ah ee aamnisan in caddaanka ka sarreeyaan dadka kale, islamarkaana doonaya in Istanbul ay dib ugu soo laabato gacanta Kirishtanka. “Waxaan halkan joognay sanado badan, Insha Allah, waxaan halkan sii joogi doonnaa illaa qiyaamaha, marnaba Istanbul kama dhigi doontid Constantinople” ayuu yiri. Caasimada Online Xafiiska Istanbul Caasimada@live.com

Hargeysa (Caasimada Online) ― Wefdigii uu hogaaminayey Wasiirka Arrimaha Dibeda dalka Eritrea ee booqashada ku joogey Somaliland ayaa shalay waxay kulamo la qaateen Shir gudoonka labada aqal ee Baarlamaanka Somaliland, Guurtida iyo Wakiilada, kulamadaas oo ahaa kuwa gooni-gooniya. Markay soo idlaaden kulamadaasi ayaa waxa ugu horeyn ka warbixiyey oo la hadlay warbaahinta Guddoomiyaha Golaha Wakiilada Somaliland Baashe Maxamed Faarax. Baashe ayaa yidhi: “Waxa aanu ka wada hadalnay waxa weeyi dhibaatooyinka aanu soo wada marnay, iyagu wey kala baxeen oo Itoobiya iyo Eritrea ilaahay baa kala saaray oo wey kala baxeen, labo dowladood ayey noqdeen, waxaynu soo wada marnay dagaal oo inagu Soomaaliya ayaa la dagaalanay iyaguna Itoobiya ayey dagaalameen, hadana markii ay xorooben ee iyagu kala baxeen, balse inagu aan weli iska laad-laadno, khibradaa wey leeyihiin waxa aana ka codsanay inay nagala shaqeeyan sidii aynu walaalahen ukala bixi lahayn oo aynu unoqon laheyn labo dowladood oo walaala oo derisa oo is caawiya waxna is tara, Geeska afrikana kamid beynu nahay ee isbadalkaa ka jirana qeyb beynu ku leenahay, hadaan qeybteena nagala siina wax ka hagaagaya majiraan, cidina indhaha inagama lalin karto”. Guddoomiye Baashe waxa uu intaas kusii darey: “Codsigayaga markii aan u gudbinay waxa ay yidhaahden waanu idin kala shaqeynaynaa, waana markii inoogu horeysay waan indho-indheynaynaa, taariikhdena iyo waxeenana wey yaqaanin, markaa waxkasta oo idinla qaban karno waan idinla qabaneyna, waxay qaateen wixii dukumutis ah ee aanu hayney ee ku saabsanaa gooni isku taaga Somaliland, wey qaaten oo wey soo darsayaan.” Geesta kale Guddoomiyaha Golaha Guurtida Saleebaan Maxamuud Aadan ayaa isagna waxa uu ka warbixiyey waxyaabaha ay ka wada-hadleen wefdigan waxa uuna sheegay inay u xog warameen, waxkasta oo ay u sheegena inay darsi doonan, waxa kale oo uu rajo weyn ka muujiyey in marka ay si fiican u darsaan inay ka soo bixi doonaan wax anfaca Somaliland. Caasimada Online Xafiiska Hargeysa Caasimada@live.com

Hargeysa (Caasimadda Online) – Telefishanka Aljazeera ayaa soo diyaariyey warbixin muddo badan laga soo shaqeenayey oo ku saabsan dagaalka Dekadaha ee ka socdo Geeska Africa. Warbixintaan oo ka baxday Telefishanka Aljazeera ayaa lagu soo bandhigay waxyaabo badan oo qarsoonaa kuna saabsan dagaalka dhanka Dekadaha Geeska Africa ee u dhaxeeyo dalalka Imaaraadka, Shiinaha, Turkiga iyo Dowlado kale oo waaweyn. Al-Jazeera ayaa Barnaamijkaan ugu magac dartay ”Almasaafa Sifir”, wuxuuna barnaamijkaan si gaar ah uga hadlay Loolanka DP Word iyo Dowladda Jabuuti kaasoo keenay in ugu dambeyn DP Word laga eryo dalkaas. Sidoo kale barnaamijkaan ayaa ka hadlay sida ay Imaaraadka Carabta ugu suurta gashay inay heshiis kula wareegto Dekadda Berbera oo lagu bixiyey lacago Malaayiin Dollar ah. Warbixinta Al-Jazeera ayaa qoyska Silaanyo ku eedeysay inay Musuq maasuqeyn lacagihii laga qaaday Imaaraadka ee heshiiskii Debadda Berbera. Waxaa warbixinta lagu sheegay inay musuq maasuqaas qeyb ka ahaayeen Silaanyo, Xaaskiisa iyo Ninka uu sodogga u yahay. Xaaska Siilaanyo ayaa lagu magacaabaa Aamina Waris halka ninka uu Silaanyo Soddogga u yahay isna lagu magacaabo Baashe Moorgan . Waxaa lagu xusay warbixinta inuu Heshiiska Dekadda Berbera ahaa mid qarsoodi ah isla markaasna laga qariyey Baarlamaanka Maamulkaas. Baarlamaanka Somaliland ayaa loo qeybiyey qoraal Af-Soomaali ku turjuman iyadoo lagu heshiiyey inaan cidna la tusin heshiiska asalka ah, waxayna arrintaas keentay inay gacanta iskula tagaan guddoomiyihii golaha wakiilada ee xilligaasi iyo ku xigeenkiisii xilligii xukuumadii Siilaanyo. Al-Jazeera ayaa sheegtay in Baaritaanka Musuq maasuqa lagu hayo Qoyska Siilaanyo loo gudbiyey guddiga dabagalka Soomaaliya iyo Eretariya ee Qaramada Midoobay. Heshiiska Dekadda Berbera ayaa muran badan ka dhex dhaliyey Soomaalida dhexdeeda, wuxuuna keenay in Soomaaliya laga mamnuuco Shirkadd DP World kadib kulan xasaasi ahaa oo ay yeesheen Baarlamaanka Golaha Shacabka inkastoo aysan arrintaas hergelin maadaama shirkadaas ay weli dhaq dhaqaaq ka wado Gudaha Soomaaliya. Caasimada Online Xafiiska Hargeysa Caasimada@live.com