DCI George Kinoti has taken over investigations into the attempted murder of former Garissa Finance executive Idriss Muktar who was shot in the head two weeks ago. Source: Hiiraan Online

At least 33 African migrants drowned off the eastern coast of Yemen after smugglers operating the boat forced the passengers into sea, the spokesman of International Organization for Migration (IOM) in Yemen told Xinhua Sunday. Source: Hiiraan Online

At least six people were killed, including two children, after a suicide bomber detonated an explosives-laden vehicle outside a district headquarters in Somalia's capital, authorities said on Sunday. Source: Hiiraan Online

Gearing up for the biggest sporting extravaganza in the country, the Supreme Committee for Delivery & Legacy (SC) has opened registration for volunteers from Qatar, the region and the world to prepare for the 2022 FIFA World Cup. Source: Hiiraan Online

Miraa farmers are shocked President Uhuru did not even ask UK Prime Minister Theresa May to lift the ban on miraa. Source: Hiiraan Online

During the Cold War, Sweden developed a multitude of advanced aircraft. Swedish aircraft served not only in the Swedish Air Force, but also in the Austrian, Danish, and Finnish Air Forces. One of the most advanced designs in its time was the AJ 37 and AJS 37 “ Viggen” strike aircraft. Source: Hiiraan Online

Maanta oo Isniin ah ayaa lagu wadaa in magaalada Kismaayo ee gobolka Jubbada Hoose uu shir uga furmo madaxda dowlad goboleedyada oo intooda badan shalay gaaray magaaladaasi. Kismaayo waxaa ku sugan madaxweynayaasha Puntland, Galmudug, Hirshabelle iyo Jubbaland oo martigelineysa shirkan, waxaana sidoo kale maanta halkaasi tagi doona madaxweynaha K/galbeed. Inkastoo aan weli la shaacin ajendaha shirkan ayaa hadana guddoomiyaha golaha iskaashiga dowlad goboleedyada C/weli Gaas wuxuu sheegay in looga hadli doono guud ahaan xaaladda dalka. Shirkan maanta ka furmaya Kismaayo ayaa imaanaya xilli uu jiro khilaaf xooggan uu ka dhaxeeyo Jubbaland iyo dowladda federaalka Soomaaliya. Ammaanka magaalada Kismaayo aad ayaa loo adkeeyey, iyadoo ay jiraan waddooyin badan oo shirkan awgiis loo xiray. Warkaan wixii kusoo kordha kala soco wararkeena kale Goobjoog News Source: goobjoog.com

Jabuuti (Caasimada Online) – Wargeyska The Indian Ocean, ayaa sheegay in Sirdoonka Maraykanku eedo culus ku soo oogeen ganacsade Maxamed Aw Siciid Geeddi oo ah guddoomiyaha shirkadda Somcable, islamarkaana hadda madaxweyne Ismaaciil Cumar Geelle cadaadis culus lagu saarayo in uu arrintaasi wax ka qabto. Cadadka Wargeyska ee soo baxay 31-August, waxa lagu sheegay in Maxamed Aw-Siciid badhtanka u fadhiyo eedaymo ku saabsan ka ganacsiga hub sharci darro ah. “.Sida la sheegay Sirdoonka Maraykanku waxay dawladda Jabuuti uga digeen dhaq-dhaqaaqyada sharci darrada ah ee ganacsadahan reer Somaliland ee Shirkaddiisa ay saamiga ku leeyihiin Marwada koowaad ee Jabuuti Marwo Khadra Maxamuud Xayd iyo marwada Madaxweynahii hore ee Somaliland Marwo Aamina Maxamuud Jirde. Madaxweyne Ismaaciil Cumar Geelle waxa si qayaxan loo waydiistay in uu si aan habsan lahayn wax uga qabto dhibaatadan,”. Sidaas ayaa lagu yidhi warbixinta Wargeyska The Indian Ocean. Wargeysku wuxuu intaas ku daray in arrintani dhaawacday sawirka ama sumcadda ganacsade Maxamed Siciid Geeddi ku leeyahay Jabuuti iyo sida oo kale xidhiidhka uu la leeyahay Marwada koowaad Khadra Maxamuuud Xayd. Waxaanay warbixintu sheegtay in Ameerikaanku sheegeen in ay caddayn u hayaan eedaha ay ku soo ooggeen ganacsade Ina Aw-Siciid. Warbixintu, waxay intaas ku dartay in ganacsade Maxamed Aw Siciid meesha uu gabaad ka dhiganayaa noqon doonto Somaliland si la mid ah sidii uu yeelay Axmed Cismaan Geelle, madaxa shirkadda SBI oo sanadkii 2017 dawladda Jabuuti u jartay waaran lagu soo qabanayo markii khilaaf soo kala dhex galay Jabuuti. Wargeysku wuxuu sheegay in haddii eedahan cusub rumooban uu ganacsiga Ina Aw Siciid halis galayo. Waxa uu sheegay in ganacsadahan oo bahwadaag la ah Dahabshiil hadana uu dhammaystirayo xadhigga Febric Optic ee Jabuuti iyo Somaliland, islamarkaana Berbera ka dhisayo xarun weyn oo dhanka isgaadhsiinta ah siiba xadhigga isgaadhsiinta ee badda hoosteeda mara. Warbixintu waxa kale oo ay tilmaantay in Ganacsadahani sii haysan doono khadka isgaadhsiinta Febric Optic oo kooto ugu xidhan maaddaama uu si weyn u soo taageeray Madaxweyne Biixi xilligii ololaha, islamarkaana ay yihiin isku beel iyo isku degaan. Warbixinta Wargeyska Indian Ocean waxay imanaysa iyada oo todobaadadii la soo dhaafay warbixin ay soo saartay xarunta falanqaysa mushkiladaha ee EXX Africa lagu sheegay in Jabuuti xarun u noqotay ka ganacsiga hubka sharci darrada ah ee Yemen oo la sii dhex-mariyo Somaliland laga na soo galiyo gobolka Awdal. Eedahaas oo salka ku hayay in hubkaasi la gaadhsiiyo maleeshiyaadka ka dagaalama Geeska Afrika, kuwaasi oo uu markii dambe na uu si weyn u beeniyay wasiirka arrimaha dibadda Jabuuti Maxamuud Cali Yuusuf oo boggiisa Twitter soo dhigay qoraalo dhawr ah oo uu ku baahiyey. Geesta kale, Wargeyska Indian Ocean, waxa kale oo uu daabacay in dawladaha Somaliya iyo Kenya ay isku haystaan soo qabashada Fahad Yaasiin oo ah ku xigeenka Sirdoonka Somaliya oo dawladda Kenya u haysato arrimo khuseeya in uu dhowr baasaboor oo kala duwan uu ka qaatey dalka Kenya, waxaana arrintaas illaa hadda ku muransan oo isku af garan la’ wasiiradda arrimaha dibadda ee Somaliya iyo Kenya. Caasimada Online Xafiiska Jabuuti Caasimada@live.com

Muqdisho (Caasimada Online)-Warar dheeraad ah ayaa kasoo baxaaya weerar ismiidaamin ah oo lagu qaaday Xarunta Degmada Howl-wadaag ee Gobolka Banaadir. Wararku waxa ay sheegayaan in gaariga loo adeegsaday weerar noociisa uu ahaa gaariga loo yaqaan (Leela Calaawi), kaas oo lagu dhex diyaariyay gudaha magaalada, sida aan kasoo xiganay illo wareedyo ka tirsan maamulka Degmada. Illo wareedka degmada ee qeybta ka ahaa baaritaanka ayaa sheegaya in Gaariga maalin un ka hor laga keenay duleedka magaalada Muqdisho isla markaana lagu hayay guri ku dhow Masjidka Sheekh Cali Suufi oo ay ku badan yihiin maleeshiyaadka Alshabaab qeybahooda aan ishu qaban. Gaariga ayaa waxaa qaraxa ka hor la xaqiijiyay inay la socdeen laba maleeshiyo oo uga soo dagay meel aan ka fogeyn xarunta degmada Howl-wadaag kuwaa oo markii danbe kamid ahaa dadkii ku xoomay Xarunta qaraxa kadib, sida aan xigta ku helnay. Degmada Howl-wadaag ayaa kamid ah degmooyinka ahmiyada u leh Alshabaab waxaana xusid mudan in kaalmaha koowaad ay uga jirto goobaha ay ka dhacaan dilalka. Degmada ayaa sidoo kale saaran qeybo kamid ah wadada Makka Al-mukarama waxaana inta badan lasoo mariyaa gaadiidka ismiidaaminta ka geysta wadada Makka Al-mukarama. Sidoo kale, xarunta degmada Howl-wadaag ayaa noqoneysa degmada keliya ee lagu fuliyay weerar ismiidaamin ah, marka laga soo tago degmada Wadajir oo gudaha loo galshay gaari ay wadada ka qabteen ciidamada ilaalada wadooyinka. Si kastaba ha ahaatee, weerarkan ayaa kusoo beegmaya xili waayadan ay soo baxayeen digniino ku aadan dhanka amaanka. Caasimada Online Xafiiska Muqdisho Caasimada@live.com

Waa maxay sababta ay reer galbeedku u doonayaan in ay burburiyaan Turkiga ka hor inta aan la gaarin sanadka 2023?! Waa maxay sababta uu ordogan inta badan uga hadlo sanadka 2023?! Waa maxay sababta ay reer yurub guud ahaan gaar ahaan jarmalka ay cabsi iyo welwel uga qabaan sanadka 2023?! Kamaal Ataturki oo ahaa madaxwaynihi ugu horreeyey ee turkiga ka dib dhicitaanki khilaafadi cusmaaniyada oo ay reer yurub asaga u adeegsadeen burburinteeda ayaa waxaa laga saxeexay heshiis loogu magac daray lusan 1923 (Treaty of Lausanne) heshiiska wuxuu soconaayay boqol sano, waxa ayna ku beegantahay dhicitaanka heshiiskaas sanadka 2023. Ingiriiska oo wakiil ka ahaa xulufadiisi ku guuleysatay dagaalki koowaad ee dunida ayaa dajiyey heshiiskaan oo lala galay kamaal ataturki. Qodobada heshiiska waxaa ka mid ahaa: In meesha laga saaro khilaafada Cusmaaniyada, suldhaanka iyo qoyskiisana Turkiga laga musaafuriyo. In la soo wareejiyo guud ahaan hantida khilaafada iyo suldhaanka. In lagu dhawaaqo in ay dowladdu tahay dowlad cilmaaniyad ah oo aan diin shaqo ku lahayn. In ay mamnuuc tahay in uu Turkiga shidaal la soo baxo. in uu soo degsado kaliya ayaa loo ogolyahay. In gacanka bosfoor (Bosporus) noqdo marin caalami ah oo uu san turkigu wax lacag ah ka qaadan doomaha maro (gacanka boosfor wuxuu isku xiraa badda madow iyo badda Marmara ilaa iyo badda dhexe), waa gacan u dhigmo gacanka suweys, waxaa kale oo loo yaqaannaa gacanka Istanbul, wuxuuna magaalada istanbuul u qaybiyaa laba dacal, dacalka yurub iyo dacalka eeshiya. Heshiiskaan wuxuu ku egyahay sanadka 2023 markaas oo uu boqol sano jirsan doono. Hadda ayaad fahmi kartaa sababta uu ordogon ugu celceliyo in 2023 uu dhalan doono turki cusub, oo uu turkiga la soo bixi doono shidaalkiisa, oo la samayn doono gacan biyood cusub oo isku xiri doono badda madow iyo badda Marmara ayada oo la billaabi doono in lacag laga qaado doomaha mari doono marin biyoodkaan aadka muhiimka u ah. Sax, hadda waxa aad fahamtay sababta ay reer galbeedka dagaalka xun ugu hayaan Turkiga. WT: Mohamed H. Biikole

Muqdisho (Caasimada Online) – Madaxweynihii hore ee Soomaaliya Xasan Sheekh Maxamuud ayaa lagu wadaa in saacadaha soo socda uu magaalada Muqdisho kula kulmo Hogaamiyayaasha Xisbiyada mucaaradka dalka. Xasan Sheekh Maxamuud oo qorshihiisa ugu weyn ee imaatinka magaalada Muqdisho uu yahay arrimaha axsaabta mucaaradka ayaa la filayaa in Hogaamiyayaasha xisbiyada uu kala hadlo arrimo ay kamid tahay mideynta Xisbiyada iyo in lagu biiro Xisbi siyaasadeed uu isaga hogaamin doono. Xisbiyada uu Xasan Sheekh sida gaarka ah u daneynayo ayaa waxaa kamid ah Daljir, Wadajir, Kulan iyo Madasha Horusocod, halka xisbiyada kale uu ku buuxsan doono kuraasta loolanka Siyaasadeed. Xasan Sheekh, ayaa waxaa arrintaan la daadihinaya Xildhibaano iyo Siyaasiyiin garab u ah, waxaana sidoo kale aad u adag sida uu ku kasban lahaa Siyaasiga mucaaradka Cabdiraxmaan Cabdishakuur oo ah madaxa xisbiga Wadajir. Sidoo kale, Xasan Sheekh Maxamuud ayaa geed dheer iyo mid gaabanba u koraaya sida uu ku hantin lahaa Xisbiyada Siyaasadeed ee mucaaradka ku ah dowlada Somalia, waxa uuna qorshihiisa cad yahay in mar kale uu u adeegsado helida xilka ugu sareeya dalka. Si kastaba ha ahaatee, Imaanshaha Muqdisho ee Xasan Sheekh oo ah xildhibaan sharafeed ayaa waxa uu ku soo aaday xilli 10-ka bishan September lagu wado inuu dib u furmo kalfadhiga Baarlamanka Golaha Shacabka. Caasimada Online Xafiiska Muqdisho Caasimada@live.com

Nairobi (Caasimadda Online) – Waxaa dhammaan la gubay 30kii gawaarida qalifnaa ee uu madaxweynha Kenya Uhuru Kenyatta u soo iibiyey ciidamada dagaalka kula jira Al-Shabaab, sanadii 2016-kii, sida lagu sheegay warbixin. Gawaarida qalifan ee uu Uhuru Kenyatta u soo ibiyey ciidamada gaarka ee GSU-ga waxa ay tiradooda gareysay 30, waxaana la xaqiijiyey inuusan hadda midna ka harin. Sida laga soo xiganayo mid ka mida askarta ka tirsan GSU-yada, dhammaan gawaarida qafilan meesha wey ka bexeen sababo la xiriira qaraxyada iyo weerarada ay Shabaab ka geysato gudaha dalka Kenya, gaar ahaan meelaha u dhow xuduudda Soomaaliya. Arintan ayaa loo aaneeynayaa in markii hore baaburta qalifan ay Kenya ka soo iibsatay China kuwaas oo ahaa kuwa faalso ah. Hadda waxa ay ciidama ilaalada ka ah xadka Kenya ay adeegsadaan baaburta loo yaqaan Land Cruisers, Izuzu iyo kuwo kale. Hase ahaatee, waxa ay noqdee kuwa si fudud lagu ugaarsan karo waxaana u dambeeysay 29kii bishii hore iyaga oo kormeer wada laga dilay sideed. Waxaa ciidama Kenya laga dilay sanadkan 32 askari oo isugu jiro boolis iyo ciidamadda xoogga waxa ay dhammaantood ku le’deen inta u dhexesa Libooye iyo wadada Lamu. Dhammaan ciidamada la laayey waxaa lala eegtay mino dhulka lagu aasay oo ay Shabab ka dambeeysay. Caasimada Online Xafiiska Nairobi Caasimada@live.com

Muqdisho (Caasimada Online) – Dowladaha Sacuudiga iyo Imaaraadka Carabta ayaa qaab cusubn ula dagaalamaya dowladda Soomaaliya, ayaga oo taageeraya maamullada siyaasad ahaan ay is-diidan yihiin dowladda, sida Somaliland iyo Puntland. Dowladahani oo Siyaasad ahaan aad isugu dhow isla markaana ka mideysan ka faa’iideysiga qaarada Africa ayaa sheegay inay diyaarinayaan qorshooyin ay dhaqaale ugu abuurayan dowladaha Africa qaarkood oo ay ku jirto Somaliland. Waxa ay dowladahaani sheegen in Somalia ay ka xulan doonaan Somaliland oo iyadu u nugul la dhaqmida dowladahaasi. Somaliland oo qeyb ka ah maamulada hoostaga dowlada Somalia, balse qaadashada madaxbanaanida ku raadisa soo dhaweysiga dowladaha shisheeye ayaa lagu wadaa in xiriir dheeri ah ay la sameyso dowladaha Sacuudiga iyo Imaaraadka carabta. Qoraal kusoo baxay Wargeyska NRL ee kasoo baxa dalka Lubnaan ayaa waxaa lagu sheegay in dowladaha Sacuudiga iyo Imaaraadka carabta qaab dadban ay u rogayaan dagaalka ay kula jiran dowladda Somalia , waxaana lagu xusay in Somalia ay ka xusheen Somaliland waxaana soo labeysa Puntland oo iyadu u taagan maslaxadeeda. Wargeyska ayaa sheegay in Puntland ay iminkaba saaxiib dhow la tahay imaaraadka, hase yeeshee ay Heshiisyada qabyada ah ay ka qeyb noqon doonto dowlada Sacuudiga. Sacuudiga iyo Imaaraadka carabta ayaa Dowladaha kale ee dhaca qaarada Madow (Africa) ku kala sheegay Kenya, Ethiopia, Eriterea iyo Ugandha. Labadaani dowladood ee saameynta ku leh Africa ayaa la sheegay inay xooga saarayaan qeybaha Shidaalka, Ganacsiga, Dekadaha iyo Dhoofka xoolaha nool. Sidoo kale, marka si gaara loo turxan bixiyo Somaliland iyo Puntland ayey kala shaqeyn doonaan dhinacyada wax soo saarka sida beeraha, Xoolaha iyo Dekadaha oo ah goobaha ugu wanaagsan. Caasimada Online Xafiiska Muqdisho Caasimada@live.com

Hargeysa (Caasimada Online) – Wasiirka arrimaha dibadda Somaliland Dr. Sacad Cali Shire, ayaa is barbar dhigay khataraha iyo faa’iidooyinka Somaliland ugu jira saldhiga milatari ee ay siisay dawladda Imaaraadka Carabta. Wasiir Sacad Cali Shire, oo qayb ka ahaa warbixin dheer oo ay jariirada The Telegraph ka diyaarisay khilaafka wadamada gacanka iyo awoodaha ku loolamaya Kanaalka Suweys iyo halka ay Somaliland kaga jirto, wuxuu sheegay in Somaliland dareensantahay khataraha uga iman kara haddii dalkeed laga weeraro wadamo kale, iyadoo laga aargoosan karo, laakiin haddana uu aaminsanyahay in faa’iidadu ka badantahay khataraha jira, “Heshiiskan waxaanu ku helaynaa waddo, maalgashi shisheeye iyo shaqooyin, dal 75% aanay dadksiisu si toos ah u shaqayn.” Ayuu yidhi Wasiir Sacad Cali Shire. Wasiirka oo ka hadlaya khataraha iyo faa’iidooyinka is barbar socda ee heshiiskaas wuxuu yidhi “Waanu ognahay in annaan bilaash wax ku helayn. Waxaa jira walaacyo laga qabo qarannimada. dhulkayaga waxaa loo isticmaali karaa in uu xarun weerarrarada laga qaado u noqdo dagaal dad kale leeyihiin, taas oo na geyeysiinaysa khatarta ah in lanaga aargoosto. Laakiin waxa aanu aaminsannahay in faa’iidooyinka ku jiraa ay ka culus yihiin khasaaraha ka dhalan kara.” Wargeyska waxa kale oo u waramay Siciid Xasan Cabdillaahi oo ah maareeyaha dekeda Berbera ee faraca badda, waxaanu sheegay in imaanshaha ay DP world timid Somaliland uu kalsooni ku abuurayo cid kasta oo kale oo doonaysa inay dalka maalgashato, “Imaanshiyaha DP world wuxuu keenay faa’iidooyin oo dhan.” Ayuu yidhi Siciid oo intaas raaciyay “Wuxuu kalsooni siinayaa maalgashadayaasha kale ee shisheeye.” Waxaanu intaas ku daray in Berbera albaab u noqon doonto ganacsiga Bariga Afrika iyo bariga dhexe. Caasimada Online Xafiiska Hargeysa Caasimada@live.com

Muqdisho (Caasimada Online) – Ergayga gaarka ah ee Qaramada Midoobay u qaabilsan arrimaha Somalia Amb. Michael Keating, ayaa sheegay in Somalia ay xiligan u baahan tahay Xisbiyo Siyaasadeed oo xadidan. Amb. Michael Keating, waxa uu tilmaamay in Somalia ay kasoo kabaneyso dhibaatooyin sanado badan qaatay oo laga dhexlay dhicitaanka dowladii Dhexe, sidaa aawgeedna ay muhiim tahay in la sameeyo axsaab Siyaasadeed xadidan. Keating, waxa uu sheegay in Xisbiyada ay aad u wanaagsan yihiin hase yeeshee aan la joogin xili Somalia laga sameeyo Sodomeeyo Xisbi oo qaarkood aan laheyn miisaan. “Waa arrin wanaagsan in Somalia hanaanka qabiilka uga gudubto hanaan axsaabeed, waxaa muhiim ah in la xadido axsaabta Siyaasada si ay khiimo u yeeshan tirada jirta” “Somalia xiligaan uma baahna Sodomeeyo xisbi waayo waxaa adkaaneysa loolanka iyo ahmiyada loo aasaaso xisbiyada, waxaa muhiim ah in la helo xisbiyo xadidan oo tayo leh” Amb. Michael Keating, ayaa Xasan Sheekh ku dhiiri galiyay in laga shaqeeyo sida lagu xadidi lahaa xisbiyada badan ee mucaaradka iyo kuwa muxaafidka ah, waxa uuna ku taliyay in la sameeyo ilaa Seddex xisbi oo awood leh, si ay u sahlanaato in lagu tartamo xisbiyo. Haddalka Amb. Michael Keating, ayaa u muuqda mid lagu dhiiri galinaayo Hoggaamiyayaasha Xisbiyada Siyaasada dalka oo iyagu gaaraya ilaa Sodon Xisbi Siyasadeed, waxaana harsan tirro kale oo aan wali la diiwaan galin. Caasimada Online Xafiiska Muqdisho Caasimada@live.com

Madaxweynaha cusub ee gobolka Soomaalida Itoobiya, mudane Mustafa Maxamed Cumar ayaa ku dhawaaqay golaha wasiirrada cusub ee xukuumaddiisa. Xubnaha uu magacaabay madaxweynaha Dowlad degaanka Soomaalida Itoobiya Musfata Cumar ayaa gaaraya 27 xubin. Gollaha sharci dejinta ee DDSI ayaa kulan ugu qabsoomay xarunta maamulkaasi ee magaalada Jigjiga codka kalsoonida ah ku siiyay wasiirrada cusub, iyadoo goobjoog uu ahaa madaxweyne Mustafa. Sidoo kale Xildhibaannada DDSI ayaa meelmariyay Hanti-dhowraha cusub oo loo magacaabay Ismaaciil Axmed iyo masuul kale oo loo magacaabay arrimaha bartool iyo macdanta gobolka. Kulankii maanta baarlamaanku ku yeesheen Jigjiga ayaa la soo sheegayaa inuu ka duwanaa kulamadsii hore ay u yeelan jireen waxaana xubnaha baarlamaanka xalay loogu diray fariimo Taleefoonnadooda, oo lagu wargeliyay inay kasoo qeyb-galaan kulanka ansixinta wasiirrada cusub. Xaaladda magaalada Jigjiga ayaa ka yara deggan sidii hore tan iyo markii la soo magacaabay madaxweynaha cusub oo beddalay Axmed Ilkacase oo si KMG ah xilka loogu magacaabay markii Cabdi Maxamuud Cumar laga xayuubiyay. Lama hubo in xukuumadda cusub ee Jigjiga ay kamid yihiin xubno ka tirsan ONLF, oo dhowaan shaaciyay inay taageersan tahay isbedelka dhacay, iyadoo ogolaatay inay wadahadal la gasho xukuumadda magaalada Addisababab ee uu hormuudka u yahay Raysal wasaare Abiy Axmed Cali. Magacyada xubnaha wasiirrada ee Soomaali Galbeed oo maanta la ansixiyey ayaa kala ah: 1 Madaxweynaha DDS Mustafe Muxumed Cumar 2 Madaxweyne Ku xigeen Aadan Faarax Ibrahim 3 Wasiirka Biyaha Bashiir Shaafi 4 Wasiirka Maaliyadda Bashiir Dubbad 5 Wasiirka Madaxtooyada Xasan Dhaadhi 6 Wasiirka Waxbarashada C/laahi Maxamed Muuse 7 Wasiirka Caafimaadka Dr Yusuf Maxamed 8 Wasiirka Beeraha C/qaadir iimaan 9 Wasiirka Howlaha Guud C/fataax Sheekh Biixi 10 Wasiirka Ganacsiga C/raxmaan Axmed Xasan 11 Wasiirka Ka hortagga Masiibooyinka Maxamed Cabdi 12 Wasiirka Qurbajoogta Xabiib Xaaji 13 Wasiirka Xeer-ilaalinta C/wali Jaamac Ibrahim 14 Wasiirka Xoolo Dhaqatada Eng Maxamed Shaale Isaaq 15 Wasiirka Cadaaladda Mubaarak Sheekh Cumar 16 Wasiirka Shaqada Iyo Shaqaalaha Xasan Aadan 17 Wasiirka Haweenka Ayaan Cabdi Shukri 18 Wasiirka Warfaafinta Guuled Aw Cali 19 Wasiirka Dhalinyarada Xasan Faarax Cali 20 Wasiirka Dooxooyinka Axmed Deeq Maxamed 21 Wasiirka Sayniska Axmed Naaji 22 Wasiirka Dhaqanka, Dalxiiska Ilyaas Abiib 23 Maareeyaha Xafiiska xirfadaha iyo tababarrada 24 Maareeyaha Macdanta, Tamarta Mudane Lade C/wali 25 Maareeyaha Wakaaladda Jidadka Sacaada Giire 26 Maareeyaha Wakaaladda Dakhliga Mudane C/laahi Cabdi Goobjoog News Source: goobjoog.com

Magaalada Kismaayo ee xarunta gobolka Jubbada Hoose waxaa caawa ku sugan madaxda dowlad goboleedyada halkaasoo uu maalinka berri ah uga furmayo shirka gollaha Iskaashiga dowlad goboleedyada. Shirkani oo horay uu u iclaamiyay guddoomiyaha gollahani ahna madaxweynaha Puntland Cabdiwali Maxamed Cali Gaas ayaa lagu wadaa in looga hadlo arrimo kale duwan sida xaaladaha ku geedaaman maamullada shanta ah iyo sidoo kale arrimaha Soomaaliya. Kismaayo caawa waxaa ku hoyanaya madaxweynayaasha Galmudug, Puntland iyo Hirshabeelle Axmed Ducaalle Xaaf, Cabdiwali Cali Gaas iyo Maxamed Cabdi Waare marka laga soo tago madaxweynaha martida loo yahay ee Axmed Madoobe. Goobjoog News ayaa ogaatay in shirka lagu soo hadal qaadi doono wada shaqeynta dowladda dhexe iyo dowladaha xubnaha ka ah ee Jubbland, Koonfur Galbeed, Hirshabeelle, Galmudug iyo Puntland. Madaxweynaha Koonfur Galbeed Shariif Xasan ayaa lagu wadaa in maalinta berri gallinka hore uu gaaro magaalada Kismaayo. Shirkani oo noqonaya kii seddexaad oo gollahani ay yeeshaan ayaa ku soo beegmaya iyadoo cilaaqaadka ka dhaxeeya dowladda iyo Jubbaland muddooyinkii dambe uu gaaray meeshii u hooseysay, sidoo kale madaxweyne Xaaf ayaa kal hor magaalada Dhuusamareeb ee caasimadda maamulkiisa ka sheegay in dowladdu ay gacan bidixeyneyso. Goobjoog News Source: goobjoog.com

Muqdisho (Caasimada Online) – Kulan ay Muqdisho ku yeesheen golaha wasiirrada xukuummadda federaalka Soomaaliya ayaa lagu ansixiyay xeerka xayiraadda lacagaha oo ay soo gudbisay wasaaradda maaliyadda, kaas oo qayb ka qaadanaya barnaamijka xukuummadda ee hufnaanta iyo daah-furnaanta. Shirka maanta oo uu shir guddoominayay ra’iisul wasaare Xasan Cali Khayre ayaa dood iyo falanqayn kadib waxa ay wasiirradu cod aqlabiyad leh ku meel mariyeen xeerkan oo dawladda u oggolaanaya in xayirto lacagaha la xaqiijiyo in waddo qaldan ay ku socdeen ama hab sharci darro ah loo isticmaalayay. Wasiiru dawlaha Xafiiska Ra’iisul Wasaaraha Cabdullaahi Xaamud Maxamed ayaa sheegay in xeerkan, oo qayb wayn ka qaadanayaa sugidda amniga, qorshaha ilaalinta hantida dadwaynaha iyo dagaalka ka dhanka ah musuqmaasuqa, loo gudbinayo baarlamaanka federaalka Soomaaliya si ay u meel mariyaan kadibna uu u noqdo sharci rasmi ah.

Kulan ay Muqdisho ku yeesheen golaha wasiirrada xukuummadda federaalka Soomaaliya ayaa lagu ansixiyay xeerka xayiraadda lacagaha oo ay soo gudbisay wasaaradda maaliyadda, kaas oo qayb ka qaadanaya barnaamijka xukuummadda ee hufnaanta iyo daah-furnaanta. Shirka maanta oo uu shir guddoominayay ra’iisul wasaare Xasan Cali Khayre ayaa dood iyo falanqayn kadib waxa ay wasiirradu cod aqlabiyad leh ku meel mariyeen xeerkan oo dawladda u oggolaanaya in xayirto lacagaha la xaqiijiyo in waddo qaldan ay ku socdeen ama hab sharci darro ah loo isticmaalayay. Wasiiru dawlaha Xafiiska Ra’iisul Wasaaraha Cabdullaahi Xaamud Maxamed ayaa sheegay in xeerkan, oo qayb wayn ka qaadanayaa sugidda amniga, qorshaha ilaalinta hantida dadwaynaha iyo dagaalka ka dhanka ah musuqmaasuqa, loo gudbinayo baarlamaanka federaalka Soomaaliya si ay u meel mariyaan kadibna uu u noqdo sharci rasmi ah. PUNTLAND POST The post Golaha wasiirrada DFS oo ansixiyay Xeerka Xayiraadda Lacagaha appeared first on Puntland Post.

Muqdisho (Caasimada Online) – Waxaa maanta si wada jira magaalada Muqdisho ee caasimada Somalia ugu kulmay Madaxweynihii hore ee Somalia Xasan Sheekh Maxamuud iyo Ergayga gaarka ah ee QM u qaabilsan arrimaha Somalia Michael Keating. Kulanka labada mas’uul oo ahaa mid saacado qaatay ayaa waxa uu ka dambeeyay kadib markii Keating uu booqday hooyga uu magaalada Muqdisho ka degnaa Ex Madaxweyne Xasan Sheekh Maxamuud. Xasan Sheekh Maxamuud iyo Michael Keating ayaa si guud uga wadahadlay xaalada Somalia, Isbedelada dhacay, Siyaasada, Amniga, dhaqaalaha iyo sida loola shaqeyn lahaa dowlada Somalia ee uu Hoggaaminayo Maxamed Cabdulahi Farmaajo inta uu ka dhameysanaayo wakhtiga. Kulanka labada mas’uul kadib madaxweynihii hore ee Somalia Xasan Sheekh ayaa bartiisa Facebooka ku soo qoray nuqulo kamid ah kulanka waxaana kamid ahaa “Waxaan maanta kulan layeeshay wakiilka QM ee Soomaaliya Amb. Michael Keating kaas oo aan ka wada hadalnay xaaladaha dalka gaar ahaan dhinacayada siyaasada, amniga iyo dhaqaalaha, waxaan sidoo kale isla soo hadal qaadnay isbedelada mandiqada Geeska Africa”. Xasan Sheekh Maxamuud, waxa uu sheegay in kulankooda uu ahaa mid kusoo dhamaaday guul, waxa uuna arrin muhiima ku sheegay in la fuliyo dhamaan waxyaabaha ay kawada hadleen. Xasan Sheekh, ayaa horay u sheegay inay jiri doonaan kulamo uu la yeelan doono xubno kala duwan oo bulshada rayidka ay qeyb ka tahay, waxaana iminka socda kulamada uu sheegay Xasan. Sidoo kale, Xasan Sheekh Maxamuud ayaa lagu wadaa in maalmaha soo socda uu Muqdisho kula kulmi doono dhammaan madaxda Xisbiyada Mucaaradka ee ka dhanka ah DFS. Xasan Sheekh, ayaa doonaaya inuu sameeyo isbedelo dhanka Xisbiyada ah, waxa uuna wadaa qorshe ku aadan inay isbaheysi hoose sameystaan. Si kastaba ha ahaatee, Xasan Sheekh ayaa ku taamaya in mar kale uu dib ugu soo laabto maamulka dalka, waxa uuna usii diyaar garoobayaa sida lagu dooran lahaa. Caasimada Online Xafiiska Muqdisho Caasimada@live.com

Kismaayo (Caasimada online) – Maalinta berri ah ayaa lagu wadaa in uu shir uga furmo magaalada Kismaayo maamul gobolleedyada Soomaaliya. Kismaayo oo ah xarunta Jubbaland oo ahayd halkii lagu unkay golaha ay ugu magic dareen iskaashaatada maamul gobolleedyada ayaa hadda ku soo beegmaya xilli xasaasi ah oo ay doorasho galayaan saddex ka mid ah xubnohooda. Fallanqeeyeyaasha siyaasadda Soomaaliya ayaa odorosaya in qodobada ugu muhiimsan ee lagu gorfeyn doonaa shirkaas ay ugu muhiim sanaan dooto laba; doorashooyinka iyo xiriirka dowladda dhexe ay la leeyihiin. Doorashooyinka Maamulada Puntland, Jubbaland iyo Koonfur Galbeed waxaa hadda si xoog leh uga socda qaban qaabada doorashooyin ay maamulladaas galaan. Taas oo ay jirto, madaxda hadda uu waqtigooda dhamaanayo waxa ay walaac ka qabaan in dowladda dhexe ay kaalin ku yeelato habraaca doorashooyinka oo ay u arkaan in ay caqabad ku noqon doonto soo laabashadooda. Waxaa la filayaa in ay uga doodaan qaabka ugu wanaagsan ee ay isaga cabin karaan arintaas. Xiriirka oo la jaro dowladda dhexe Mid ka mid ah qodobada xasaasiga ah ee ay uga doodi karaan ayaa noqonaya in ay xiriirka u jaraan dowladda iyaga oo mideysan. Arrintan waxa ay uga gol leeyihiin in ay dowladda ku cadaadiyaan in aysan soo faro galin doorashooyinka ka dhacaya maamulada. Haddii ay taasi dhacdo, waxa ay noqoneysaa markii ugu horreeysay ee ay xiriirka u jaraan maamul gobolleedyada iyaga oo mideysan dowladda dhexe.

Jigjiga (PP) ─ Golaha Baarlamaanka Dowlad-deegaanka Soomaalida Itoobiya ayaa cod aqlabiyad ah ku ansixiyay Maanta Golaha Wasiirrada maamulkaas ee uu soo magacaabay madaxweynaha cusub Mustafe Cag-jar, iyadoo xildhibaannadu ay dood yeesheen ka hor ansixintooda. Wasiirrada maanta la ansixiyay ayaa waxay ka kooban yihiin in ka badan 25 xubood oo ay ku jiraan laba dumar ah oo keliya, waxaana la sheegay in xubnahan ay intooda badan yihiin aqoon-yahanno khibrad u leh jagooyinka loo magacaabay. Ansixinta golaha Wasiirrada DDSI ayaa waxaa goobjoogayaal ka ahaa; Madaxweyne Musafe Maxamed Cumar [Cag-jar] iyo guddoomiyaha xisbiga dimuqraadiga shacabka Soomaalida Itoobiya, Axmed Shidde, waxaana shirka lagu ansixiyay golahan guddoominayay afhayeenka baarlamaanka DDSI, Maxamed Rashiid. Sidoo kale, Xildhibaannada baarlamaanka DDSI, ayaa waxay isla maanta cod aqlabiyd ah ku ansixiyeen Hanti-dhawrka Guud ee Maamulkan oo loo magacaabay, Ismaaciil Axmed oo horay uga soo shaqeeyay maamulkan. Xildhibaannada Baarlamaanka ayaa waxaa kaloo ay ansixiyeen isla maanta madaxa xafiiska macdanta iyo tamarta, kaasoo shaqadiisu ay noqon doonto sidii uu uga shaqeyn lahaa qoondada ay Dowlad-deegaanka Soomaalidu ku yeelan doonto shidaalka dhawaan laga helay deegaannada maamulkan oo lagu muransan yahay qoondada ay Soomaalidu ku yeelan doonaan. Mas’uulkan xafiiskan oo aan magaciisa la sheegin ayaa wuxuu shirarka la geli doonaa golaha wasiirrada, waxaana uu ka shaqeyn doonaan arrimaha xasaasiga ah ee ku aaddan shidaalka oo dhawaan laga helay deegaannada maamulka Soomaalida Itoobiya. Golaha Wasiirrada DDSI ee la Ansixiyay ayaa waxay kala yihiin; Madaxweynaha DDSI Mustafe Muxumed Cumar Madaxweyne Ku xigeen Aadan Faarax Ibrahim Wasiirka Biyaha Bashiir Shaafi Wasiirka Maaliyadda Bashiir Dubbad Wasiirka Madaxtooyada Xasan Dhaadhi Wasiirka Waxbarashada C/laahi Maxamed Muuse Wasiirka Caafimaadka Dr Yusuf Maxamed Wasiirka Beeraha C/qaadir Iimaan Wasiirka Howlaha Guud C/fataax Sheekh Biixi Wasiirka Ganacsiga C/raxmaan Axmed Xasan Wasiirka Ka hortagga Masiibooyinka Maxamed Cabdi Wasiirka Qurbajoogta Xabiib Xaaji Wasiirka Xeer-ilaalinta C/wali Jaamac Ibrahim Wasiirka Xoolo Dhaqatada Eng Maxamed Shaale Isaaq Wasiirka Cadaaladda Mubaarak Sheekh Cumar Wasiirka Shaqada Iyo Shaqaalaha Xasan Aadan Wasiirka Haweenka Ayaan Cabdi Shukri Wasiirka Warfaafinta Guuled Aw Cali Wasiirka Dhalinyarada Xasan Faarax Cali Wasiirka Dooxooyinka Axmed Deeq Maxamed Wasiirka Sayniska Axmed Naaji Wasiirka Dhaqanka, Dalxiiska Ilyaas Abiib Maareeyaha Xafiiska Xirfadaha iyo Tababarrada Maareeyaha Macdanta, Tamarta Mudane Lade C/wali Maareeyaha Wakaaladda Jidadka Sacaada Giirre Maareeyaha Wakaaladda Dakhliga Mudane C/laahi Cabdi Ugu dambeyn, Xukuumaddan ayaa waxay bedeli doontaa xukuumaddii ka horreysay ee uu hoggaaminayay madaxweynihii hore ee maamulka DDSI, Maxamed Cabdi Cumar oo dhawaan xabsiga la dhigay, iyadoo la sheegayo in xukuumaddan ay wax badan kaga duwan tahay middii ka horreysay. PUNTLAND POST

Nairobi (Caasimada Online) – KARANJA KABAGE oo ah Qareen ka tirsan maxkamadda sare ee Kenya ayaa maanta waxaa uu ku qoray jariidadda afka dheer Daily Nation inay haboontahay inay midoobaan dalalka Soomaaliya iyo Kenya, isaga oo is-weydiiyey inkasta oo Soomaalida ku xirantahay bariga dhexe haddana maxaa ku jaban inay la midoobaan dalka Kenya? Dhul ahaan waxaa uu leeyahay Kenya waa 582,000 iyo Soomaaliya oo ah 637,000 square kilometers, halka xeebta Kenya ay tahay (490) iyo Soomaaliya (3,333km), tirada dadka Kenyaanka waxaa ay ku dhowyihiin 49 million halka Soomaalidana ay tahay ilaa 20 million. Waxyaabaha soo dedejin kara midowga waxaa uu ku sheegay in Kenya ay heysto qaxooti badan oo Soomaali ah, sidoo kalana ay jiraan Soomaali deggan gobolka waqooyi bari oo jagooyin muhiim ah ka haayo dowladda Kenya, isaga oo Soomaalida ku sifeeyay dad howl-kar ah oo shaqo badan. Qoraalka oo dheeraa waxaa ku jiray, haddii labada dal ay ka midoobaan xagga difaaca, maamulka iyo xeerarka, arrimaha dibadda, beeraha, waxbarashada, caafimaadka, dhulka iyo xeebaha, waxaa ay noqon-doonaan awood weyn oo dadka iyo deegaanka ah, taasi oo midowga bariga Afrika ka dhigeysa meel loo soo raadsado maal-geshiga. Sidoo kale, haddii labada dal midoobaan waxaa ay dadka tiradoodu noqon-doonaan 70 milyan, waxaana la heli-doonnaa suuq fiican, waxaa sidoo kale aan ka faa’ideysneynaa ayuu leeyahay xeebta dherarkeedu yahay 3,800km. Dhanka maamulka, waxaa uu soo-jeediyey in Kenya ay madaxweynaha qaadato halka Soomaaliya ay lahaato ku-xigeenka, taasina ay jirto muddo KMG ah, kadibna uu muwaadin kasta oo Kenyaan ah ama Soomaali ah uu doorto qofka uu rabo. Waxaa kale oo haboon in laga wada hadlo sidii loo saari lahaa dastuur cusub, oo la isku waafaqsanyahay. Midowga waa in ujeedkiisa ahaa in muwaadiniinta labada dal ay badda ka wada faa’ideystaan. Caasimada Online Xafiiska Nairobi Caasimada@live.com

Kismaayo (PP) ─ Waxaa magaalada Kismaayo maanta gaaray saddex ka mid ah madaxda maamul-goboleedyada dalka, iyadoo garoonka diyaaradaha Kismaayo ay kusoo dhaweeyeen mas’uuliyiin kala duwan oo uu hor-kacayo Madaxweynaha Jubbaland, Axmed Maxamed Islaam [Axmed Madoobe]. Madaxweynayaasha Maaalada Kismaayo gaaray maanta ayaa waxay kala yihiin, Madaxweynaha Dowladda Puntland, C/weli Maxamed Cali [Gaas], Madaxweynaha Galmudug, Axmed Ducaalle Geelle [Xaaf] iyo madaxweynaha HirShabelle, Maxamed Cabdi Waare. Shir jaraa’id oo ay qabtene madaxdan ayaa waxay ku sheegeen inay ku faraxsan yihiin imaanshahooda Kismaayo, isla markaana ay rajeynayaan in shirkooda ay kasoo bixi doonaan qodobbo dan u ah bulshada Soomaaliyeed oo dhan. Dhanka kale, Mas’uuliyiinta maamulka Jubbaland ayaa sheegay inuu berri imaan doono Kismaayo madaxweynaha Maamulka Koonfur-galbeed, Shariif Xasan Sheekh Aadan oo la filayay inuu maanta yimaado, balse ay sheegeen in arrimo kale uu u baaqday. Madaxweynaha Jubbaland, Axmed Madoobe oo isagana warbaahinta hadal kooban siiyay ayaa sheegay in madaxda maamullada dalka ka jira ay kaga qayb-geli doonaan magaalada Kismaayo shirka golaha iskaashiga maamul-goboleedyada, kaasoo saddexdii biloodba mar la qabto. Sidoo kale, Shirkaan ayaan la sheegin qodobbada looga hadli doono, balse shirarkii midkan ka horreeyay ayay madaxda golahan kaga hadleen xaaladaha siyaasadeed ee dalka iyo iskaashiga kala dhexeeya Dowladda Federaalka Soomaaliya. Ugu dambeyn, Golaha Iskaashiga maamul-goboleedyada dalka ayaa waxay inta badan ku dhaliilaan kulammadooda Dowladda Dhexe ee dalka, iyadoo la filayo in shirkan ay kasoo baxaan qodobbo xasaasi ah. PUNTLAND POST The post Madaxda Maamul-goboleedyada Qaarkood oo Maanta Gaaray Magaalada Kismaayo appeared first on Puntland Post.

NAIROBI, Kenya (Caasimada Online) – United Nations has condemned suicide attack at local government office in Somali capital Mogadishu, killing at least six people, including two children. UN envoy to Somalia, Micheal Keating condemned in the strongest terms Sunday’s attack claimed by Al Shabaab, calling it as ‘heinous and cowardly terrorist bombing’ in Somali capital. The blast detonated after suicide bomber blew himself up near Howlwadag district headquarters. The explosion also left 14 people, mostly civilians and school children injured, according to police. “I’m very alarmed by Sunday’s attack in Mogadishu. The children should never be victims of such violence”, he said. Keating expressed his deepest sympathy and condolences to the families of the victims and to Somalia. He wished a speedy and full recovery to those who were injured in the suicide attack in Somali capital. Keating has underlined the need to hold perpetrators, organizers, financiers and sponsors of these reprehensible acts of terrorism accountable and bring them to justice The United Nations remains committed to supporting the Somalia’s efforts to achieve peace, security, and democracy in its nation. Caasimada Online Nairobi, Kenya News Desk Caasimada@live.com