MOGADISHU ( HOL) - A legislation seeking to anchor into law the war against corruption in Somalia came took effect Saturday following the President’s assent. Source: Hiiraan Online

Muqdisho (Caasimada Online) – Dowladda federaalka ah ee Soomaaliya ayaa soo dhoweysay kacdoonka shacab ee ka dhanka ah Al-Shabaab ee ka bilowday gobolka Bakool. War qoraal oo ka soo baxay dowladda federaalka ayaa lagu sheegay inay soo dhoweyneyso abaabul kasta oo ka dhanka ah Al-Shabaab Sidoo kale dowladda ayaa ugu baaqday guud ahaan shacabka Soomaaliyeed in ay ka qeyb qaataan dagaalka adag ee lagula jiro kooxdaasi. “Kacdoonka shacabka ee looga soo horjeedo kooxda Al-Shabaab, wuxuu horay uga socday gobollada Shabeellada Dhexe, Mudug iyo Hiiraan, taasoo lagu wiiqay itaalka kooxda Al-Shabaab ee maafiyada ah,,dowladdu waxay ugu baaqaysaa shacabka Soomaaliyeed in ay kala shaqeeyaan la dagaalanka kooxda Al-Shabaab oo duulaanka ku ah Diinta, Dadka, Hanitda iyo dowladnimada Soomaaliya.”ayaa lagu yiri waraxaafadeedka. Warkan ayaa ku soo aadaya, iyadoo shalay koox la magac baxday Cali Qaran oo ah maleeshiyaad deegaanka ah ay Al-Shabaab kula dagaalameen deegaanka Yab Yab hoos yimaada magaalada Xudur ee xarunta gobolka Bakool. Waa kooxdii labaad oo is abaabusha, islamarkaana la dagaalanta dhaq dhaqaaqa Al-Shabaab, waxaana kooxdan ka sii horreysay Macawiisley oo hadda ka dagaalanta gobollada Hiiraan iyo Shabeelaha Dhexe ee dowlad goboleedka HirShabelle. Caasimada Online Xafiiska Muqdisho caasimada@live.com

(SLT-Hargeysa)-Wasiirka Warfaafinta, Dhaqanka iyo Wacyigelinta Jamhuuriyadda Somaliland Md. Maxamed Muuse Diiriye ayaa Heshiis Is-afgarad oo la xidhiidha Iskaashiga Horumarinta Warbaahinta la saxeexday dawladda Federaalka Dimuqraadiga Federaalka ee Itoobiya. Dhinaca Jamhuuriyadda Somaliland waxa heshiiska u saxeexay Wasiirka Wasaaradda Warfaafinta, Dhaqanka iyo Wacyigelinta Mudane Maxamed Muuse Diiriye, halka dhanka Itoobiyana uu saxeexay dhigiisu Dr.Naguse Natuko, Maareeyaha Guud ee Wakaaladda Warbaahinta Itoobiya. Nuxurka heshiiska ayaa la xidhiidha sidii labada dal iskaga kaashan lahaayeen xidhiidhka warbaahineed ee labada dal, kor-u-qaadida aqoonta, xirfada iyo tiknoolajiyadda Raadyow Hargeysa iyo Telefishanka Qaranka, is-dhaafsiga wararka iyo macluumaadka labada dal iyo yagleelidda xidhiidh dhaqan oo labada dad iyo dal wada yeeshaan. Munaasibada saxeeexa heshiiska ayaa ka qabsoontay Xarunta dhexe ee Wakaaladda Warbaahinta Itoobiya. Taas oo ay goobjoog ka ahaayeen qaybaha kala duwan warbaahinta Dawladda Itoobiya. Source

(SLT-Addis Ababa)-Nin u dhashay Dalka Kanada oo Milyaneer ahaa ayaa ku Geeriyooday Dalka Itoobiya, sida uu sheegay Telefiishanka cbc. Michael Gebru oo da’diisu ahayd 41 Jir ayaa u Gurigiisa ugu geeriyooday Xaalad aan weli la Sharaxin, sida loo xaqiijiyey Telefiishanka CBC News Gebru ayaa sannadkii 2017-kii qorshaystay in haddii uu bakhtiyaa-nasiibka lottery-ga loo yaqaano ku guulaysto uu ka faa’iidi doono lacag dhan 14 Million dollar, Lacagtaana uu doonayey inuu ku taageero Dadka baahan, balse wuxuu warku sheegay in Filashadiisii waxaan ahayn soo baxday oo uu helay 10.7 Million, taasina ku keentay Xaalad Degannaansho la’aan ah. “Had iyo jeer waxaan idhaahdaan, haddii aan ku guulaystay lottery, waxaan caawin doonaa Dadka baahan..” ayuu Ninka dhintay u sheegay Scarborough oo la hadlay CBC. Ninkan oo Geeriyooday ayaa tan iyo intii uu ku guulaystay Lootarriga wuxuu isaga dab qaadayey Magaalooyinka Toronto iyo Addis Ababa oo uu markii dambe ku Geeriyooday. Source

Nairobi (Caasimada Online) – Dowladda Kenya ayaa shaacisay in ku dhowaad 10 diyaaradood oo nooca dagaalka ah ay ka soo iibsatay dalka Mareykanka. Wasaaradda difaaca Kenya ayaa xaqiijisay in diyaaradahaasi oo gaaraya lix oo Helicopters ah ay dhowaan tegayaan dalkaasi. Sidoo kale wasaaraddu waxa ay sheegtay in dowladda Mareykanka ay u tababari doonto duuliyeyaasha kaxeyn lahaa diyaaradahaasi. Warka ka soo baxay wasaaradda difaaca Kenya ayaa sidoo kale lagu sheegay in diyaaradahaas saldhig looga dhigayo garoonka ciidanka Cirka Moi ee Mombasa, islamarkaana ay ka qeyb qaadan doonaan dagaalka lagula jiro kooxda Al-Shabaab. Dowladda Kenya ayaa haatan dagaal culus kula jirta dagaalyahannada Al-Shabaab oo inta badan weeraro xoogan ka fuliya gudaha dalkeeda. Iibsashada diyaaradahan cusub ee Kenya ayaa ku soo aadaya, iyadoo dhowaan Al-Shabaab ay burburisay gawaari nooca gaashaman oo ay dowladda dalkaas ka soo gadatay Shiinaha. Caasimada Online Xafiiska Nairobi caasimada@live.com

Guddoomiyaha naadiga dowladda hoose ee Muqdisho City Club Abuukar Maxamed Sheekh ayaa kooxdiisa kusoo dhaweeyay xidigihii kooxaha L.L.P Jeenyo iyo Dekeddaha Feysal Xasan Xaashi,isagoo sheegay in maamul ahaan ay ku faraxsanyihiin soo qaadashada laacibkan. “Feysal Xaashi waa laacib aad u wanaagsan wuxuu ka mid yahay ciyaaryahanada dhan walba ka dhisan kusoo biiritaankiisa halkan waxaa aad ugu riyaaqsan dhamaan qoyska Muqdisho City Club ” ayuu guddoomiyaha kooxda dowladda hoose Abukar Maxamed Sheekh ugu waramay Goobjoog Sports. Feysal Xasan Xaashi ayaa kusoo baxay tartanka kubbadda cagta degmooyinka 2014,isagoo ka tirsanaa kooxda degmada Wart-Nabadda intaa ka dib waxaa u dheelay naadiga Jeenyo inta uu joogay L.L.P Jeenyo waxa uu ku guulaystay koobka Jeneraal Daa’uud iyo gool dhallinta horyaalka sanadii 2015-2016. “Waan ku faraxsanahay is badalka aan sameeyay iyo go’aankii aan ugu soo biiray kooxda dowladda hoose ee Muqdisho City Club waxaa la igu soo dhaweeyay si heer sare,balse waqtiga soo aadan ayaan u abaal gudi doonaan taageerayaasha,maamulka iyo saaxiibayada M.C.C” ayuu Goobjoog ugu waramay Feysal. Labadii sano lasoo dhaafay ciyaaryahan Feysal Xasan Xaashi waxaa kaalin wanaagsan kasoo qaatay kooxda Dekedaha oo kula guulaystay horyaalka Somalia Premier League iyo Somalia Super 2018,isagoo sidoo kale kaalama hore kasoo galay gool dhalinta horyaalka Soomaaliya. “Wax qabad wanaagsan ayuu soo bandhigay Feysal Xaashi labadii sano u danbeesay,sababta nagu dhalisay in aan soo qaadano ayaa ah in uu nala samaynayo tariikh iyo sooyaal cusub” ayuu hadalkiisa sii raaciyay guddoomiyaha kooxda Muqdisho City Club Abukar Maxamed Sheekh. W/D-Maxamed Xuseen Qalinle Source: goobjoog.com

BAIDOA (HOL) - Prosecutors from across the country are meeting today for a three days national conference in Baydhabo, the capital of South West State. Source: Hiiraan Online

(SLT-Nairobi)-Jamhuuriyadda Somaliland ayaa Bisha November ee sannadkan magaalada Nairobi ee dalka Kenya ku qabanaysa Shirk u wajahan Tamarta iyo Kaabeyaasha dhaqaalaha. Sidaasna waxa xaqiijiyey Safiirka Somaliland u fadhiya Nairobi Md. Baashe Cawil Xaaji Cumar oo u warramay Wargeyska ka soo baxa Uganda ee East African Business Week oo ay soo xigatay Wakaaladda Wararka Somaliland ee SOLNA. Wargeyska East African Business Week, wuxuu shirkaasi ku tilmaamay inuu qayb ka yahay qorshaha muddada dheer ee Somaliland ku doonayso inay maalgashadeyaasha Kenya ku guubaabiso sidii ay dhaqaale u gashan lahaayeen Tamarta Somaliland oo ah waddan qani ku ah macdanta oo u heellan maalgashiga caalamiga ah. Safiirka Somaliland u fadhiya Kenya Baashe Cawil Xaaji Cumar ayaa war-saxaafadeed uu soo saaray ku caddeeyey in ujeeddada shirka Somaliland ku qabanayso Nairobi la xidhiidho sidii xog ballaadhan looga bixin lahaa mashaariicda ku wajahan kaabeyaasha dhaqaalaha ee hadda ka socda dalka iyo sidii loo abuuri lahaa mashaariic kala duwan oo saameyn weyn oo dhinaca horumarka ah ku yeesha Somaliland. Shirkan ayaa ku soo beegmay maalmo ka dib, markii Wakiilka Somaliland uu la kulmay Wasiirka Macdanta iyo Baatroolka Kenya Mr. John Munyes oo kulankooda kaga wada hadlay sidii labada dal iskaga kaashan lahaayeen dhinaca Tamarta. Waxa kaloo dawladaha Somaliland iyo Kenya ay isla soo qaadeen sidii ay wadajir uga wada shaqeyn lahaayeen dhinaca dhaqaalaha gaar ahaan wax soo saarka Shiidaalka iyo dhoofintiisa. Sidoo kale waxay labada masuul ka wada hadleen arrimo ku saabsan ammaanka mandaqadda. “Waxaan ku faraxsan nahay in dhawaan Kenya ay ku tallaabsatay arrin taariikhi ah oo ay ku biirtay ururka dalalka shiidaalka soo saara, sidaas darteed, waxaan ku faraxsan nahay inaan xafiiskiisa kula kulmay Wasiirka Macdanta iyo Shiidaalka Kenya John Munyes oo hoggaaminayey guushaas weyn ee dalkiisu gaadhay,”ayuu yidhi Danjire Baashe Cawil. Baashe Cawil wuxuu sheegay inuu Wasiirka Macdanta iyo Shiidaalka Kenya tafaasiil ka siiyey in JSL ay dhowaan dhammaystirtay sahamintii dhinaca shiidaalka ee ugu ballaadhneyd Afrika, isla markaana ay danaynayaan in Somaliland iyo Kenya si dhow iskaga kaashadaan arrimaha dhaqaalaha iyo ammaanka. Somaliland waxay leedahay 24 aag oo shiidaal ku jiro, kuwaasi oo lix ka mid ah ay heshiisyo ula gashay saddex shirkadood oo caalamiya oo kala ah Genel Energy,Rak Gas iyo Ansen Gas. Source

Madaxweynaha JF ee Soomaaliya Maxamed Cabdullahi Farmaajo ayaa hadda saxiixaya dhismaha gudiga la Dagaalanka Musuqmaasuqa, kaas oo muddo 10 bil armaajada ugu jiray. Sharcigan ayuu golaha aqalka sare ee baarlamaanka federaalka ah ansixiyey December 5, 2018, waxaan ansixiyay dhammaan sanatarda soo xaadiray kulanka oo ahaa 31 [kow iyo sodon senator]. Sharcigan oo muhiim u ah dowladnimada Soomaaliya ayaan la ogeyn waxa uu madaxweynaha u heystay muddo 10 bil iyo sababta hadda uu ugu soo beegay isaga oo saacadaha soo socda u duulaya New York si uu halkaasi uga jeediyo khudbad uu uga hadlayo xaaladda Soomaaliya. Goobjoog News Source: goobjoog.com

(SLT-Hargeysa)-Xukumadda Biixi Oo Ka Baxday Heshiisyo Xukumaddii Siilaanyo La Gashay Dalalka Ingiriiska, Faransiiska Iyo Holand, Halkan hoose ka DAAWO Source

United Nations has called for sustainable peace in Somalia amid Somali government stepped up efforts to hold inclusive reconciliation in the country. In a statement issued to mark the International Day of Peace, Secretary-General’s Special Representative for Somalia, James Swan has commended efforts by Somalis to stabilize the country. “Somalis yearn for an end to conflict and to the senseless shootings and bombings they have endured for far too long. We commend continued Somali Government efforts, supported by international partners, to improve security and bring an end to the violence,” the envoy said. He said lasting peace will require inclusive governance, equitable justice, and sustained dialogue among Somalis of goodwill to achieve political consensus and national reconciliation. “On this day I encourage all Somalis to reaffirm their commitment to living in harmony with one another, so that Somalia may advance on its path to peace and stability,” he urged. The UN General Assembly established the International Day of Peace in 1981. Two decades later, in 2001, the General Assembly unanimously voted to designate the Day as a period of non-violence and cease-fire and to commemorate the Day through education and public awareness on issues related to peace. View the full article

Madaxweynaha dowladda Federaalka Soomaaliya Maxamed Cabdullaahi Farmaajo ayaa Sabtida maanta saxiixay sharciga dhismaha guddiga madaxa banaan ee la dagaalanka musuq-maasuqa ka dib munaasabad lagu qabtay xarunta madaxtooyadda Villa Somalia. Qoraal ka soo baxay xafiiska Villa Somalia ayaa lagu sheegay in madaxweynuhu u mahadceliyay cid kasta oo ka qayb qaadatay diyaarinta sharciga dhismaha guddiga madaxa banaan ee la dagaalanka musuq-maasuqa. Mudane Farmaajo ayaa sidoo kale sheegay in musuq-maasuqa uusan ahayn kaliya lacag la xado balse uu yaahy in qofku mas’uuliyadda uu hayo si qaldan oo sharciga iyo nidaamka baalmarsan u isticmaalo. Munaasabadda lagu saxiixay Sharciga waxaa ka qayb galay masuuliyiin badan oo ay ka mid yihiin wasiiro,xildhibaano,saraakiisha ciidanka, sharci yaqaano,culimada diinta iyo ganacsato sidoo kale ururada bulshada rayidka. PUNTLAND POST The post Madaxweyne Farmaajo oo saxiixay sharciga dhismaha guddiga madaxa banaan ee la dagaalanka musuq-maasuqa appeared first on Puntland Post.

(SLT-Yemen)-Sarkaal sare oo ka tirsan dhaqdhaqaaqa Maleeshiyada Xuutiyiinta Yemen ayaa sheegay inay joojinayaan weerarada gantaalada iyo diyaaradaha aan duuliyaha lahayn ee drone-ka ee ay ku bartilmaameedsan jireen dalka Sucuudi Carabiya, waxaanay ka digeen in sii socoshada dagaalku ay horseedi karto “khatar dhinaca horumarka ah”. Dhawaaqan ayaa soo baxay Jimcihii shalay oo uu ku dhawaaqay Mahdi al-Mashat oo ah madaxa golaha sare ee siyaasada Xuutiyiinta, oo maamula meelo badan oo Yemen ah. “Waxa aanu ku dhawaaqaynaa inaanu joojinay bartilmaameedsiga dhulka Sucuudi Carabiya ee weerarada diyaaradaha aan duuliyaha lahayn ee drone-ka, gantaalada ballistic ah iyo dhamaanba noocyada kale ee hubka ah, waxaananu suganaa talaabo taa aanu qaadnay la mid ah oo dhinaca kalena ka timaada,” ayuu yidhi al-Mashat oo ka hadlayey telefishanka Xuutiyiinta ee Masirah TV. “Waxaanu sii wadaynaa xaga aanu u leenahay inaanu ka jawaabno hadii dhinaca kale ay suuragal la noqon waydo dedaaladaasi,” ayuu intaasi ku daray Mr al-Mashat. Dhawaaqan xaadirkan ka soo yeedhay Xuutiyiinta dalka Yemen ayaa imanaya todobaad ka dib markii kooxdaasi ay sheegatay masuuliyada weerar weyn oo lagu qaaday xarumo shidaalka dalka Sucuudigu ay leeyihiin. Waxaana jirta in Xuutiyiintu ay sheegteen masuuliyada weerarkaasi 14-kii September lagu qaaday xarumaha shirkada shidaalka ee Aramco, taas oo saamayn ku yeelatay wax soo saarkii dhinaca shidaalka ee Boqortooyada Sucuudi Carabiya, isla markaana keentay in Dawlada Maraykanka iyo Sucuuedi Carabiya ay ku eedeeyaan weerarkaasi dalka Iran. Inkasta oo Iran ay gaashaanka u daruurtay inay lug u leedahay arintaasi, ugana digtay Maraykanka iyo Sucuudiga hadii ay talaabo ay qaadaan inay keeni doonto in dagaal buuxaa uu qarxayo. Source

(SLT-London)-Raysal wasaaraha UK Boris Johnson ayaa sheegay in uu sii xoogeysanayo xidhiidhka dalkiisa uu la leeyahay Qatar, intii lagu guda jiray soo dhaweyn uu ugu sameynayay aqalka Downing boqorka Dalkaasi. Sheikh Tamiim bin Xamad Al-Thani ayaa dhankiisa soo dhaweeyay kulanka uu Jimcihii shalay la qaatay mr Johnson, isaga oo rajo ka muujiyay in ay sii xoojin doonto xiriirka labada Dhinac. Mas,uuliyiinta Dooxa iyo London ayaa isla soo qaaday arimo badan oo quseeya labada dal walow warbaahinta ay dibad joog ka aheyd Kulankaan. Ra’isul wasaare Johnson ayaa tilmaamay in kulanka u xoojin doono xidhiidhka labada dhinac ka hor inta uu boqorka Qatar u soo safrin magaalada London. Source

(SLT-New York)-Maraykanka ayaa ku dhawaaqay in uu qorshaynayo in uu ciidamo u diro Sacuudi Carabiya kaddib weerarradii lagu qaaday warshadaha shidaalka ee dalkaas. Xoghayaha Difaaca Mark Esper ayaa saxafiyiinta u sheegay in ciidamada halkaas lagu daad guraynayo ay yihiin “kuwo wax iska caabbin ah”. Ilaa iyo haddana lama sheegin tirada ciidamada ee halkaas la gaynayo. Xuutiyiinta ay taageerto xukuumadda Iran ayaa sheegtay masuuliyadda weerarradii toddobaadkii hore lagu qaaday laba warshadood oo kuwa shidaalka ah. Hase ahaatee Maraykanka iyo Sucuudiga labaduba waxay masuuliyadda weerarkaas ku eedeeyeen xukuumadda Iran. Si kastaba ha ahaatee, madaxweyne Trump ayaa Jimcihii ku dhawaaqay in uu Iran ku soo rogi doono cunaqabatayn “heerkeedu sarreeyo” asagoo sheegay in uu ka dheeraanayo tallaabo militari. Mr Trump ayaa sheegay in cunaqabatayntan cusub diiradda lagu saarayo bangiga dhexe ee Iran iyo hantidiisa madaxa bannaan. Maxay tidhi Wasaaradda Gaashaandhigga Maraykanku? Mr Esper ayaa go’aankan ku dhawaaqay Jimcihii asagoo garab taagnaa madaxa saraakiisha ciiidamada Gen Joseph Dunford Jr. Mr Esper ayaa sheegay in kaalmadaan ay dal badeen dalalka Sacuudiga iyo Imaaraadka Carabta. Ciidamadan ayaa diiradda saaraya sidii ay u xoojin lahaayeen difaaca hawada ee dhanka gantaalaha, Maraykanku wuxuu “dardar gelin doonaa in uu geeyo qalab militari” labadaas dal. Maraykanku wali kama aanu hadal nooca ay yihiin ciidamada uu halkaas u dirayo. Sida laga soo xigtay the New York Times, markii warfidiyeennadu ay Mr Esper waydiiyeen in qorshe lagu duqaynayo Iran uu wali miiska saaran yahay iyo in kale, ayaa Xoghayaha difaacu wuxuu ku jawaabay: “Wali halkaas ma aanan gaarin”. Source

Muqdisho (Caasimada Online) – Sida uu daabacay wargayska TheNewArab, dalalka khaliijka ayaa sara u qaaday saamaynta ay ku leeyihiin Soomaaliya. Dowladda Qatar ayaa dhawaantan ku dhawaaqday in ay dhiseyso dakada magaalada Hobyo taa oo ay kasoo horjeedaan dalalka Imaaraatka iyo Sucuudiga oo sida wargaysku daabacay taageero siiyo dowlad gobolodyeeda kasoo horjeeda dowladda dhexe. Warbixinta wargayska ayaa sidoo kale lagu sheegay in Sucuudiga ay aqoonsatay baasaboorka Somalinad oo sheegtay in ay ka madaxbanaan tahay Soomaaliya, inkastoo aysan jirin war kasoo baxay boqortooyada Sucuudiga oo lagu shaaciyay in ay aqoonsadaeen baasaboorka somaliland. Xurgufta u dhaxeesa dalalka ugu quwada weyn khaliijka sida Qatar, Sucuudiga iyo Imaaraatka oo bilawday wixii ka danbeeyay cunaqabateentii ay Qatar saareen isbahaysiga uu sucuudigu hogaamiyo sanadkii 2017’dii ayaa wargaysku sheegay in saamayn xoogan uu ku yeeshay hanaanka siyaasadeed ee soomaaliya kadib markii dowladda Soomaaliya ay iska diiday in ay ku biirto isbahaysiga Sucuudiga. Sucuudiga iyo Imaaraatka ayaa geeska afrika u haysto goob muhiim ah oo ay ka taageeri karaan hawlgalka ay kawadaan gudaha dalka Yemen. Inkastoo dowladda Qatar aysan soomaaliya ku lahayn saamayn militari haddana Doha ayaa adeegsato awood dabacsan taas oo ah in maalgalin dhaqaale ay galiso si ay saamayn ugu yeelato siyaadda soomaaliya. Umer Karim, oo madax ka ah qaybta cilmi barista ee jaamacadda Birmingham ayaa wargayska The New Arab u sheegay in sucuudigu uu xooga saarayo siyaadda arimaha dibadda. Balse weerarka ugu wayn ayaa u dhaxeeya dowladdaha Turkiga iyo Imaaraatka iyadoona dowladaha Qatar iyo sucuudiga ay labadooda lakala safan yihiin. Qatar oo gaashaanbuur la’ah Turkiga ayaa dowladda dhexe ee fadhigeedu yahay Muqdisho taageero siiso halka Sucuudiga iyo Imaaraatkana ay taageeraan dowlad gobolodyeedyada dalka ka jiro sida Somaliland, Puntland iyo Jubaland oo dhamaantood raadinaya in ay ka madax banaanadaan dowladda dhexe. Warbixinta wargayska ayaa sidoo kale lagu sheegay in dalalka Gacanka ay Soomaaliya ka dhigteen meel ay ka eegtaan danahooda iyagoona iska indha tiraya saamaynta aanan wanaagsaneen ay ku yeelan karto dal sodonkii sano ee lasoo dhaafay ladaalaa dhacayay faqri iyo amni daro. Sidoo kale dadaalada beesha caalamka oo ay Qaramada Midoobe hogaaminayso ayaa ku fashilmay in horumar maco wanagasan leh ay Soomaaliya kasoo hooyaan sida ladagaalanka burcad badeeda iyo argagaxisada. Xigasho: Radio Kulmiye. Caasimada Online Xafiiska Muqdisho caasimada@live.com

(SLT-Pakistan)-Haweeney u dooda xuquuqda dadka Pashtun ka ayaa ka baxsatay dalka Pakistan waxaana magangalyo ay weydiisatay Mareykanka, sida ay xaqiijiyeen ehelkeeda iyo shaqsiyaad ay shaqo wadaag yihiin. Gulalai Ismaaciil, oo 33, jir ah ayaa muddo bilo ah si dhuumaaleysi ah ku joogtay gudaha Pakistan kadib markii ciidanka Amniga isku dayeen inay ka qabtaan gurigeeda oo ku yaalla magaalada caasimada ah ee Islamabad, sida uu warbaahinta u sheegay aabbaha dhalay oo lagu magacaabo Maxamed Ismaaciil. Cod maqal ah oo ay sii daysay hey’ad u dooda xuquuqda bani aadamka oo laga leeyahay Mareykanka ayaa dhankeeda xaqiijisay arrintaan. Waxaan ka dagay Mareykanka waxaa ku howlanahay in aan dalbado codsi magangalyo, bilo kadib nasiib ayaan leeyahay in aan wali noolahay. Aabbaha dhalay ayaa sidoo kale tilmaamay in gabadhiisa ay sii wadan doonto howlaheeda maadaama ay gaadhay magaalada New York. Mrs Gulalai Ismaaciil ayaa sannadkii 2016-kii aas aastay hey’ad ka warqabta xuquuqda gabdhaha, waxaana laba jeer sannadkii hore xidhay ciidanka amniga Pakistan. Source

(SLT-Qaahira)-Magaalada Qaahira ee caasimada Dalka Masar waxaa xalay ka bilaabmay dibad baxyo lagaga soo horjeedo madaxweynaha tallada Haya Cabdifataax Siisi, boqolaal qof ayaa iskugu soo baxay fagaaraha caanka ah ee Taxriir Square. Ciidamada Booliska Dalka Masar ayaa la sheegay inay sunta dadka ka ilmaysiisa adeegsadeen si ay u kala caydhiyaan dibad baxayaasha. Shacabka mudaharaadaya ayaa dalbanaya in uu si casilo Madaxweyne Siisi iyagoo ku eedaynaya musuqmaasuq iyo ku tagri fal awoodeed, dibad-baxyo kale ayaa laga soo sheegayaa Magaalooyin kale oo ku yaal Dalka Masar. 2011 ayaa sidaan oo kale Masar waxaa ka bilaabay dibad baxyo balaaran oo looga soo horjeeday madaxweynihii hore ee Dalka Masar Xusni Mubaarak taas oo aakhirkii keentay in xilka laga tuuro, 2013 ayaa sidoo kale af-gambi milateri waxaa xilka looga tuuray madaxweynihii ugu horeeyay oo hab dimuqraadi ah lagu soo doorto Maxamed Mursi kaas oo aakhirkii ku dhintay Xabsiga. Madaxweynaha talada Haya Cabdifataax Siisii ayaa isagu beeniyay eedaymaha musuqmaasuq ee loo haysto, waxa uuna ku tilmaameyn ” BEEN ”, xaalada dhaqaale ee Masar ayaan wanaagsanayn mudooyinkii danbe. Source

Tan iyo markii uu soo baxay war murtiyeedkii shirka dib u heshiisiinta Galmudug, laguna xusay in dowladda la kali noqotay sameynta habraacyo iyo shuruudo adag oo loo maro soo xulista xildhibaannada golaha wakiilada Galmudug iyo doorashooyinka guddoonka golaha wakiilada, madaxweynaha iyo ku-xigeenka, waxaa soo baxay cabashooyinka ka mid hey’ado iyo mas’uuliyiin kala duwan. Xisbiyada siyaasadda ee dalka ka jira ayaa walaac xoogan ka muujiyey qodobadaasi. Xisbiyada oo si wadajir ah u soo saaray war saxaafadeed ayaa si weyn u dhaliilay qodobada qaar ee ku jira war murtiyeedkii soo baxay shirkii ku soo idlaaday Dhuusamareeb, kaas oo dowladdu ku sheegtay in ayadu ay soo dhisayso guddiga farsamada ee maamul dhisidda Galmudug isla markaana dowladda federaalka ay sameyso shuruudo iyo habraacyada doorashada. Xisbiyada siyaasadda ayaa sheegay in qodobkaas iyo qodobo kale oo ku jira war murtiyeedkii soo baxay ay khilaafsan yihiin hanaanka federaalka, waxaa ayna ka digeen in doorashada dowlad gobaleedka Galmudug la afduubo. Xisbiyada ayaa soo-jeediyey in maamulka Galmudug loo daayo soo xulista guddiga doorashada, in guddiga lagu soo xulo karti iyo hufnaan iyo isla guddigaas loo madaxbaneeyo habraaca iyo shuruudaha soo xulista xildhibaannada, laakin sida muuqato dalabkaasi waxbo lagama qaban. Dhinaca kale, sababo arrinkaasi la xiriira, wasiir ku xigeenka xanaanada xoolaha iyo dhirta iyo daaqa xukuumadda federaalka ee Soomaaliya Cabdikarim Khaliif Dhalac ayaa xalay ku dhawaaqay inuu iska casilay xilkiisi uu ka haayay xukuumadda Xasan Cali Kheyre. Qoraal uu bartiisa Facebook ku soo qoray ayuu sababta uu isku casilay ku shheegay inuu ku qanci waayay faragelinta ay dowladda Federaalka ku heyso maamulka Galmudug, isla markaana habka maamul u saameynta ay u wado uu yahay mid baal marsan rabitaanka dadka reer Galmudug iyo dastuurka dalka u yaalla. Cabdikarim Khaliif Dhalac oo ka hadlayey sababta ayaa yiri “Waxaan ku qanci waayey faragelinta dowladda dowladdu ku heyso dowlad gobaleedyada dalka ka jira, gaar ahaan maamulka Galmudug oo hadda ay ka socoto qaban qaabo maamul u sameyn baal marsan rabitaanka dadka reer Galmudug iyo dastuurka dalka u yaalla, taas oo keeni karta dib u dhac siyaasadeed, dhaqaale amni iyo horumarineed, sidoo kale waxaa ay keeni kartaa kala fogaanshaha labadii gobal ee ku midoobey Galmudug.” Goobjoog News Source: goobjoog.com

Xariirka kubbadda cagta Soomaaliya ayaa is badal weyn ku sameeyay shaxda xulka qaranka,isagoo safka xulka kusoo biiray tiro badan oo ciyaartooy ah kuwaas oo ku nool qurbaha,iyagoo kaashanaya ciyaaryahanada gudaha waxayna arintaas keentay in xulkeena oo wacdaro ka dhigo is reeb reebka koobka aduunyada waxaana markii ugu horeesay wiilasha Ocean Stars ayaa guul taariikhi ah ay badiyeen is reeb reebka koobka aduunka kulan ciyaareed ay 1-0 kaga adkaadeen xidigaha wadanka Zimbawe.. Guddoomiyaha farsamada Xariirka kubbadda cagta Soomaaliya Cabdisamad Sheekh Qaasim ayaa madaxda dowladda iyo siyaasiinta ka dalbay in ay kaalin libaax ka qaataan dhiiri-gelinta iyo kor u qaadida xulka qaranka wuxuuna intaa ku daray in xariirka kubbadda cagta uusan galigii ku filneen guulaha uu xulka. Guddoomiyaha kooxda ciidanka xoogga dalka ee Horseed DR.Maxamed Axmed Maxamed ayaa Goobjoog y sheegay in lag soo gudbay waqtigii lagu xisaab tami jiray natiijooyinka xulka iminka la doonayo in si wadajir ah ay isku kaashadaan dowladda,ganacsatada iyo bahda ciyaaraha, si xulka qaranka Soomaaliya oo u gaaro guulo waaweyn oo dhinaca ka qeygalka tartamada caalamka. Xulka Qaranka Soomaaliya ayaa labo kulan la dheelay is reeb reebka koobka aduunka dhigiis Zimbabwe waxaana Soomaaliya lagu amaanay in garoomada la yimaadeen wax k badan wixii lagu bartay,Xariirka kubbadda cagta aduunka ee FIFA ayaa Soomaaliya ugu hambaleeyay is badalka muuqda ay ka sameeyeen tartamada dibadda,iyagoo ku dhiiri-geliyay in ay sii wadaan da’daalka iyo horomarinta kubbadda cagta. Cabdiqani Saciid Carab oo ah gudoomiyaha Xariirka Kubbbadda Cagta Soomaaliya ayaa sheegay wacdaraha ay soo bandhigeen dhallinyarada xulka ay keentay in uu is badalay dareenka iyo heerka taageernimo ee xulka,isagoo u mahad celiyay qof walb oo kaalin ka qaadanaya geedi socadka iyo ya’dadeelada guulaha,guddoomiye Cabdiqani Saciid Carab ayaa dowladda ka dalbaday in ay door wacan ka ciyaaraan horomarka iyo dhiiri-gelinta ciyaaryahanada xulka qaranka Soomaaliya. Halkan Ka Daawo Warbixin Ku Saabsan Fariiinta Xariirka Ay U Direyn Madaxda Dowladda W/D-Maxamed Xuseen Qalinle Source: goobjoog.com

Baydhabo (SMN) – Wafdigaan uu hogaaminaayo Guddoomiyaha Maxkamadda Sare Ee dalka ,ayaa soo gaarey Magaalada Baydhabo Ee xarunta gobolka Baay, waxaa qayb ka ahaa Xeer Ilaaliyah guud ee qaranka,Waxana Garoonka Diyaaradaha Baydhabo Kusoo dhaweyay Wasiiro,Xildhibaano,Iyo Guddomiyaha Maxkamada Sare Ee DGKGS. Waxaan Wafuuda Baydhabo Soo gaarey Ka Mid ah Xeer Ilaaliyaasha Dowlad Goboleedyada Xubnaha Ka ah Dowladda Fedaraalka Soomaaliya ,oo Maalinta Barita ah Shir Uga Furmi doona Baydhabo, Mohamed Sheekh Cusmaan Oo Ah Xeer Ilaaliyah Dowlad Goboleedka Soomaaliyeed Ee Jubbaland ayaa sheegay in uu aad ugu Farsanyahay Imaasha Baydhabo,uuna ka qeyb gali doono Shirka Xeer Ilaaliyaha Dalka oo halkan lagu qaban doono. Guddoomiyaha Maxkamadad Sare Ee Dowlad Goboleedka Koonfur Galbeed Soomaaliya Ahmed Ali Muuse ,oo ugu horeen halkaasi ka hadaley ayaa wafdiga uu hogaaminaayo Guddomiayaha Maxakadda sare Ee Dalka Baydhabo ku soo dhaweyay. Dr.Ahmed Ali Daahir ,Xeer ilaaliyah Guud Ee qaranka Ayaa ka warbixiyay Ujeedada Baydhabo usoo gaareen isagoona si rasmi ah ushaaciyay In Bari Shirka xeer Ilaaliyasha Dalka Baydhabo uga furi Doono. Guddomiyaha Maxkamadda Sare Ee Dalka Baashe Yuusuf Ahmed ,ayaa Mas’uulyiinta Dowlad Goboleedka Koonfur Galbeed Ugu Mahadceliyay Sida Wanaagsan Ay Baydhabo ugu soo dhaweyeen. Bari aya lagu wada in Baydhabo uu ka Furmo Shir ay isugu imaan doonan Xeer ilaaliyaasha Dowlad Goboleedyada Xubnaha ka ah Dowlada Fedaraalka Soomaaliyaa ,iyo Dowladda dhex Kaasi oo socon doona Muddo Seddax Maalin ah. Halkan hoose ka daawo Sawirrada: View the full article

Hargeysa (Caasimada Online) – Faah faahinno dheeri ayaa ka soo baxaya dagaal culus oo markale dib uga qarxay deegaano hoostaga degmada Ceel-Afweyn ee gobolka Sanaag. Dagaalka ayaa wuxuu u dhexeeyey labo maleeshiyo beeleed oo qada daga halkaasi. Wararka ayaa sheegay in dagaalkan uu yimid, kadib markii meelashiyaadkaasi ay isku qabteen arrimo la xariira dhul daaqsimeed. Guddoomiyaha gobolka Sanaag, Mudane Maxamed Axmed Caalin (Tiinbaro) oo la hadlay warbaahinta ayaa xaqiijiyey in dagaalkaasi 5 qof, kuna dhaawacmeen 9 kale. Sidoo kale wuxuu intaasi ku daray in xiisadaasi ay ku baxeen ciidamada Somaliland, islamarkaana haatan xaaladdu ay tahay mid degan. Xiisadan dib uga soo cusboonaatay gobolka Sanaag, ayaa ku soo aadeysa, iyadoo saacadihii la soo dhaafay colaadaha gobolkaasi uu si kulul uga hadlay Madaxweynaha Somaliland, Muuse Biixi Cabdi oo sheegay inay ka maamul ahaan ka hortagi doonaan. Caasimada Online Xafiiska Hargeysa caasimada@live.com

Magaalada Baydhabo ee gobolka Baay, waxaa maanta oo Sabti ah ka furmay shirweynaha qaran ee Xeer ilaaliyeyaasha qaranka. Shirkan oo socon doona illaa 23-ka bishan ayaa waxaa ka qeybgalaya, guddoomiyaha maxkamadda sare ee dalka Baashe Yusuf Axmed, xeer ilaaliyaha guud ee qaranka iyo sidoo kale xeer ilaaliyaal ka kala socda dowlad goboleedyada dalka. Inta shirkan uu socdo ayaa waxaa looga hadli doonaa arrimo ku aaddan xoojinta xiriirka xeer ilaaliyeyaasha Soomaaliyeed, wadashaqeyntooda iyo arrimo kale oo muhiim ah. Source: goobjoog.com

Michael Gebru, oo 41 jir Kanadain ah oo asal ahaan kasoo jeeda Itoobiya ayaa 2 sano ka hor wuxuu ku guulaystay Baqtiyaanasiibka loo yaqaan Lotery, [...] Source

Ergeyga Qaramada Midoobay u qaabilsan Soomaaliya James Swan ayaa ku dhiirri-geliyay shacabka Soomaaliyeed inay gacan ka geystaan xaqiijinta nabad waarta oo ka hirgasha dalkooda. James Swan oo war-saxaafadeed ka soo saaaray xuska maalinta nabada adduun oo maanta ku beegan ayaa Soomaalida ugu baaqay in ay soo afjaraan colaadda, toogashada macno darrada ah iyo qaraxyada muddada dheer socday, wuxuuna sidoo kale bogaadiyay dadaallada ay waddo dowladda Soomaaliya, “Dadka Soomaaliyeed waxay aad ugu baahan yihiin in la soo afjaro colaadda iyo toogashada macno darrada ah iyo qaraxyada ay muddada dheer usoo joogeen. Waxaan bogaadineynaa dadaallada joogtada ah ee ay waddo Dowladda Soomaaliya, oo ay taageerayaan saaxiibbada caalamka, si loo hagaajiyo amniga loona soo afjaro rabshadaha. Nabad waarta waxay sidoo kale u baahantahay hanaan dowladnimo oo loo wada dhan yahay, cadaalad loo siman yahay, iyo wada hadal joogto ah oo dhexmara dadka Soomaaliyeed ee wanaagga iyo samaha jecel si loo gaaro is-afgarad siyaasadeed iyo dib-u-heshiisiin qaran,” ayuu yiri Wakiilka Gaarka ah ee Xoghayaha-Guud u qaabilsan Soomaaliya, James Swan. Ambassador James Swan ayaa intaas raaciyay “Maalintan maanta ah, waxaan ku boorinayaa dhammaan dadka Soomaaliyeed inay sii xoojiyaan go’aankooda ah inay kuwada noolaadaan midnimo, si ay Soomaaliya ugu tallaabsato waddada nabadda iyo xasilloonida,” . Qaaramada Midoobay ayaa 1981 asaasay maalinta calamiga ah ee nabada (21 September), waxayna labaatan sano ka dib, 2001 u codeeyeee in loo asteeyo maalintaas inay noqoto xilli rabshad la’aan iyo xabbad-joojin lagu xuso. PUNTLAND POST The post James Swan oo baaq u diray shacabka Soomaaliyeed appeared first on Puntland Post.