Muqdisho (SMN) – Halkaan ka Dhageyso Warka Subax ee Idaacadda Shabelle. Hoos riix si aad u dhageysato. https://www.radioshabelle.com/wp-content/uploads/2020/04/Warka-Subax-190420-Okey.mp3 View the full article

Baydhabo (Caasimada Online) – Faah faahino dheeraad ayaa waxaa laga helayaa howlgallo ciidamada dowladda Soomaaliya iyo kuwa Koonfur Galbeed saacadihii la soo dhaafay ay ka sameeyeen deegaano hoos-yimaad degmada Diinsoor ee gobolka Baay. Howlgallada oo ahaa kuwa qorsheysan ayaa waxaa ciidamada huwanta ay kula wareegeen deegaanada Bandhuub iyo Biilane oo ay horay ugu sugnaayeen dagaalyahanada Al-Shabaab. Saraakiil ka tirsan milatariga oo la hadlay warbaahinta ayaa tilmaamay in u-jeedkooda uu yahay, sidii Al-Shabaab looga saari lahaa halkaasi oo uu tilmaamay inay ku dhibaateeyaan dadka dhacabka ah ee isaga kala gooshayada wadooyinka gobolka Baay. Dhankiisa guddoomiyaha Diinsoor Cabdi Salaan Xaaji Siidow ayaa sheegay in xilliyada ay soo dhow-dahay bisha Ramadaan ay kooxda Al-Shabaab culeys xoogan soo saarto degmada, balse wuxuu tilmaamay inay wax ka qaban doonaan dhibaatooyinkaasi. Xaaladda ayaa saaka ah mid kacsan, iyadoona dhaq dhaqaaqyo iska soo horjeedo laga dareemayo duleedka degmada Diinsoor ee gobolka Baay. Weli dagaalyahanada Al-Shabaab ayaa deegaano iyo degmooyin ka heysta gobollada Baay iyo Bakool oo dhaca koonfurta Soomaaliya.

Xukuumadda Puntland ayaa sheegtay in magaalo kasta oo ka tirsan Puntland laga samaynayo xarun caafimaad oo uu la xiriiro qof kasta oo isaga shakiya xanuunka COVID-19. Qoraal ka soo baxay guddiga Puntland u qaabilsan ka hortagga iyo wacyi-gelinta xanuunka Coronavirus ayaa lagu go’aamiyay in magaalo kasta oo Puntland ku taalla laga sameeyo xarun caafimaad oo uu xiriir la sameeyo qofkii isaga shakiya xanuunka si xaruntaas u hagto qofka tallaabooyinka uu qaadayo. Guddiga ayaa wada dadaallo kala duwan oo ku wajahan ka hortagga iyo xakamaynta xanuunka Coronavirus inkastoo aan weli degaannada Puntland laga soo sheegin kiisas la xiriira cudurkaas. Waxaase xusid mudan in ay jiraan dad looga shakiyay xanuunka oo qaarkood laga waayay halka kuwa kalena haatan la sugayo natiijada baaritaankooda oo maalmaha soo socda la shaacin doono. PUNTLAND POST The post Puntland oo kordhinaysa xarumaha la tacaalidda COVID-19 appeared first on Puntland Post.

Guddiga dowlad goboleedka Jubaland u qaabilsan ka hortagga xanuunka COVID-19 ayaa shaaciyay natiijada ka soo baxday baaritaan lagu sameeyay qof looga shakiyay xanuunkaas. Qofka laga shakiyey oo sida guddigu sheegay ku sugan degmada Dhoobleey ee gobolka Jubbada Hoose ayaa baaritaanka natiijadiisu noqotay in laga waayay cudurka Sidoo kale Guddiga ka hortaga Cudurka COVID19 ee Jubbaland waxaa ay sheegeen in markii hore qofkaas lagu arkey calaamaha xanuunka Coronavirus taasi oo keentay in baaritaan la mariyo Guddiga ayaa dhowaan markii u horraysay shaaciyey in laba qof oo ku sugan magaalada Kismaayo laga helay xanuunka kuwaasi oo labaduba rag ahaa. PUNTLAND POST The post Jubaland oo shaacisay natiijada dad laga baaray xanuunka COVID-19 appeared first on Puntland Post.

Muqdisho (Caasimada Online) – Safiirka Turkiga ee Soomaaliya Mehmet Yilmaz, oo wareysi siiyey VOA, ayaa ka hadlay halka uu ku dambeeyay mashruuca dhismaha wadada u dhaxeysa Muqdisho iyo Afgooye iyo khasaaraha kasoo gaaray weerarradii ay ku qaadeen Al-Shabaab. Mashruucaas ayaa dhowr jeer lala beegsaday qaraxyo, waxaana mid ka mid ah qaraxyadaas oo dhacay 28-kii December lagu dilay dad ka badan 90 qof, oo ay ku jiraan kuwa u dashay dalka Turkiga. Hase yeeshee Mehmet Yilmaz ayaa sheegay in weerarada Al-Shabaab aysan ku guuleysan hadafkooda ahaa inay joojiyaan dhismaha waddada. “Nasiib darro waxa ay aheyd dhacdo aad u xun oo aan u soo joognay, muwaadiniinteena waxaa la dhintay qaar badan oo ka mid ahaa walaaleheena Soomaaliyeed, kuwa la dilay waxay ka shaqeynayeen dhisidda kaabayaasha dhaqaalaha ee Soomaaliya, dhacdooyinkaas xanuunka badana wax caqabad ah kuma aysan keenin howshuna si wanaagsan ayey halkii uga socotaa,” ayuu yiri safiirka. Mehmet Yilmaz ayaa dhinaca kale sheegay in markii uu soo idlaado mashruucan ay mid la mid ah ka billaabi doonaan gobollada kale ee dalka. Mashruucan ayaa waxaa maal-gelinaya dowladda Qatar, hase yeeshee qandaraaska dhismaha ayaa waxaa ku guuleysatay shirkad Turkish ah. Weerarkii ugu dambeeyey ee 28-kii December ayaa waxaa dadkii ku dhintay ku jiray laba muwaadiin oo Turkish ah oo ka shaqeynayey dhismaha waddada.

Egypt’s top Sunni Muslim authority Al-Azhar said early April it is not permissible for Muslims to avoid fasting in the holy month of Ramadan amid the coronavirus pandemic. Source: Hiiraan Online

South African Airways plans to lay off its entire workforce after failing to persuade the government to provide more financial aid, a move that threatens to ground the 86-year-old carrier for good. Source: Hiiraan Online

In mid-March, Somalia’s council of ministers held a special meeting on Covid-19, as it became clear that the pandemic was soon to hit country. Source: Hiiraan Online

Italian military has locked down a nine-storey squat, where 18 people share one toilet, after residents tested positive. Source: Hiiraan Online

WASHINGTON - Somalia’s prime minister has classified media as an essential service during the COVID-19 pandemic, but at least four journalists have been briefly detained over their coverage. Source: Hiiraan Online

Muqdisho (Caasimada Online) – Ciidamada dowladda Soomaaliya ayaa shalay galab saddex qof ka kaxeestay maqaayad ku taala agagaarka madaxtooyada Soomaaliya, sida ay noo sheegeen goobjoogeyaal iyo saraakiil kuwa ammaanka ah. Saddexdaan qof oo laba kamid ah ay ahaayeen shaqaalaha maqaayadda iyo qofka sadexaad oo ah macmiilka maqaayadda lana sheegay inuu ahaa askari dharcad ah ayaa indhaha laga xiray waxaana lagu riday oo lagu kaxeystay gaari ay ciidanka wateen. Dadkaan ayaa laga qabtay maqaayadda oo ku taala Xaawo Taako, waxaana maqaayadaan sida la sheegay iska leh Xildhibaan ka tirsan Golaha Shacabka ee Baarlamaanka Soomaaliya lamana oga sababta ka dambeysa arrintaan. Dadka yaqaana labada qof ee maqaayadda ka tirsanaa oo kala ah wiil dhalinyaro ah iyo nin da’a ah ayaa sheegay in ay ahaayeen dad aad wanaagsan oo aan marna laga filan karin xumaan ama dhibaato amni, inkasta oo waxa u qarsan aysan cidna ogeyn. Sidoo kale macaamiisha maqaayadda ayaa waxaa la yaab ku noqotay xariga dadkaan oo ay yaqaanaan sanado badan balse ma jirto ilaa hada cid faah faahin ka bixisay xarigooda. Ciidamada dowladda weli kama aysan hadlin sababta loo xiray shaqaalahaan balse xog hoose ayaa sheegaysa in ay dalbadeen in laga war sugo ilaa maanta si ay ugu sameeyaan baaritaano.

Istanbul (Caasimada Online) – Mas’uuliyiin ka tirsan baarlamanka Soomaaliya ayaa Caasimada Online u sheegay in dalka Turkiga ay go’doon ku yihiin labada guddoomiye ee baarlamaanka Soomaaliya ee kala ah Cabdi Xaashi Cabdullaahi iyo Maxamed Mursal Sheekh Cabdiraxmaan. Mas’uuliyiintaan oo nasiino iyo shirar siyaasadeed u aaday dalka Turkiga ayaa ka hor inta aysan soo laaban waxaa dalkaas ka bilaawday Covid-19 iyadoo kadibna dowladaha Turkiga iyo Soomaaliya ay joojiyeen duulimaadyada caalamiga ah. Warar ay heshay Caasimada Online ayaa sheegaya in mas’uuliyiintaan ay dalbadeen in Xukuumadda Soomaaliya ay u dirto diyaarad soo qaada labada Guddoomiye iyo Xildhibaano badan oo dalkaas ku xayiran. Xukuumadda Soomaaliya oo kaashaneysa dalka Turkiga ayaa lagu wadaa in dhawaan fududeeyaan soo laabashada mas’uuliyiintaan oo muddo dheer halkaasi ku qaatay sida ay noo sheegeen Xildhibaano ka tirsan baarlamaanka Soomaaliya. Turkiga waxa uu kamid yahay dalalka uu saameynta weyn ku yeeshay cudurka faafa ee Covid-19, waxa uuna xirtay xuduudihiisa bad, berri iyo cirba waana sababta keentay in mas’uuliyiintaas ay soo laaban waayaan.

Mareykanka oo Digniin culus u jeediyey Shiinaha Mareykanka ayaa maanta oo Sabti ah dalka Shiinaha u diray digniin culus oo uu ku sheegay iney joojiso ‘daandaansiga’ ay ka waddo Badda Koonfurta Shiinaha, isaga oo sheegay Shiinaha inuu saliid iyo gaas uu ka baaro badda lagu muransan yahay. Ila wareedyo dhinaca ammaanka gobolka ka howlgala oo Reuters u warramay waxay Jimcihi sheegeen inuu Shiinaha badda lagu muransan yahay uu u diray markab saliid iyo gaas ka baaro oo ay leedahay shirkadda Petronas tallaabbadaasina ay Mareykanka ka careysiisay. Markabka Haiyang Dizhi 8 wuxuu horraantii toddobaadkan uu ku sugnaa Vietnam, halkaasi oo markabkaasi kal hore xilligan oo kalana uu saliid ka baarayey. “Mareykanka oo warbixin qoraal oo uu digniin ugu dirayo Shiinaha soo saaray wuxuu sheegay Shiinaha inuu in mudda ahba waday tallaabbooyin daandaansi ah.” “Shiinaha waa inuu joojiyaaa dabeecadaha noocani ah ee xiisad iyo xasilooni darro ka abuuri karo gobolka” ayuu yiri Mareykanka. Wuxuna Mreykanka intaa uu ku diray tallaabbooyinka noocani ah iney waxyeelleynayaan ammaanka ayna wiiqayaan suuqa tamarta ee Hindiya ilaa iyo baasafika.” Horraanti toddobaadkan xilli uu Markabka uu ku sugnaa dalka vietnam, afhayeen u hadlay wasaaradda arrimaha dibadda Shiinaha wuxuu sheegay Markabka inuu howlihiisa caadiga ah watay balse madaxda Mareykanka ay eed aan jirin dusha ka saarayaan Beijing. Shiinaha ayaa ku andaconaya Badda Koonfurta Shiinaha ee kheyraadka qaniga ku ah iney tahay tubta ugu wanaagsan ee ganacsiga loo maro. Dalalka Philippines, Brunei, Vietnam Malaysia iyo Taiwan waxay eed noocaasi u soo jeediyeen Shiinaha. Badda Koonfurta Shiinaha ee ay ku murmayaan Shiinaha iyo Mareykanka waxaa sida oo kale lahaanshaheeda sheegta oo mudda badanba isku hayey Vietnam, Malaysia iyo Shiinaha laftiisa. Laamaha ammaanka dalka Shiinaha waxay sheegeen Markabka Haiyang Dizhi 8 iney galbinayeen ugu yaraan 10 doomah ay ciidamada badda Shiinaha ay leeyihiin. Sida oo kale waxaa Markabka weyn ee Petronas la socday markab laga leeyahay dalka vietnam. Qaran News

Dowlad Goboleedka Hirshabeelle ayaa bilowday qorshe lagu xakamaynayo fatahaad uu xilli roobaadyada sameeyo Webiga Shabeelle. Wasiirka Beeraha iyo waraabka Hirshabeelle Xaaji Cabdulle oo warbaahinta la hadlay ayaa sheegay in ay bilaabeen qorshaha looga gaashaamanayo fatahaad laga cabsi qabo in uu sameeyo Webiga Shabeelle maadaama lagu jiro xilli roobaadkii gu’ga.. Sidoo kale Wuxuu xusay Wasiir Xaaji Cabdulle in qorshaha ugu horreeyay ee ka hortagga fataahada ay ka bilaabeen Xaafaddo ka tirsan Magaalada Jowhar. Wasiirka Beeraha iyo waraabka Hirshabeelle waxa uu shacabka ku dhaqan degaanada maamulkaas ka codsay in ay ka qeyb qaatan sidii looga hortegi lahaa fatahaada Webiga Shabeelle maadama la guda-galay xili roobka Gu’ga. PUNTLAND POST The post Hirshabeelle oo wadda qorshe lagu xakamaynayo Fatahaadda webiga Shabeelle appeared first on Puntland Post.

Dawlada Sacuudiga oo khaarajisey Nin Yemeniya oo Toori la dhex qaaday Fanaaniin Spanish oo Jaas & Qoob ka ciyaar ka tumeysay Masrax-Riyaad Fagaare bandhig faneed lagu dhigayo Nin toorri la dhacay ugu yaraan saddex qof oo Spanish ah oo ka mid ahaa koox qoob ka ciyaar ku soo bandhigayey xaflad lagu qabtay Sucuudiga ayaa la dilay. Weerarkaa kooxda lagu qaaday wuxu ka dhacay magaalo madaxda Riyadh bishii Noofember oo ay bandhig lagu qabtay. Warbaahinta dawladda ayaa sheegtay inuu Al-Qaacida xidhiidh la lahaa ninkaa weerarka qaaday oo magaciisa la yidhaa Cimaad Al-Mansuur oo ah 33 jir Yemeni ah. Dhacdadani waxay dhacday iyada oo Sucuudigu fudaydiyey xayiraaddii mudada dheer saarayd madadaalada ee ay soo rogeen wadaadada diinta ee muxaafidiinta ahi. Weerarku wuxuu dhacay 11 Noofember markaas oo ninku isku qaaday masrax ku yaal fagaraha Boqor Cabdallah oo uu halkaa ku tooriyeeyey xubnahaa ka tirsanaa kooxda. Maxkamad gaara oo qaada dacwadaha aragixisada ah ayaa Al-Mansuuri ku heshay inuu galay dembi badan oo lagu oogay oo uu ka mid yahay inuu falkaa ku geystay isaga oo fulinaya amar uu siiyey hogaamiyaha Al-Qaacida ee Yemen. Warbixin ay soo saartay wasaaradda arimaha guduhu ayaa lagu sheegay in Khamiistii lagu dilay magaalada Riyadh. Al-Qaacida may sheegin in ay iyadu weerarkaa fulisay. Lahaanshaha sawirkaGETTY IMAGESImage captionBandhig faneedyada in ay ragga iyo dumarku ka wada qayb galaan waa la fasaxay Nin labaad oo kale ayey maxkamadda gaarka ah ee dembiyadu ku xukuntay 12 sano iyo badh xabsi ah. Maamulka Sucuudigu waxay ku doodeen in Al-Mansuuri muuqaal iska duubay uu ugu hanjabayo wakaaladda madadaalada ee dhawaan dalkaa laga hirgeliyey, muuqaalkaasina uu ku faafay baraha bulshada. Dhaxal sugaha taajka boqortooyada Sucuudiga, Maxamed Bin Salmaan, ayaa waagii loo magacaabay 2017 kii ballan qaaday barnaamij casriyey iyo isbedel ah oo uu u bixiyey Aragtida 2030. Xayiraad saarrayd mudo todbanaan sano ah simimooyada, bandhigyada fanka iyo in labka iyo dheddigu is dhex geli karaan ayaa la laalay, haatanna waxa haweenka loo ogolaaday in ay u daawasho tagi karaan garoonnada kubadda cagta. Balaayiin doolar ayaa loo qoondeeyey horumarinta madadaalada hooballada caalamiga ah ee badhigyada ku qabtay dalkaana waxa ka mid ah K-Pop, Cirque du Soleil iyo Mariah Carey. Lahaanshaha sawirkaAFPImage caption. Laakiin furfurnaantaas waxa dhaawacay markii haween badan oo xuquuqda dumarka u dooda la xidhxidhay iyo dilkii saxafigii Jamaal Khaashoqji 2018 ee lagu khaarajiyey qusuliyadda Sucuudigu ku leeyahay magaalada Istanbul ee Turkiga. Sannadkii hore ayaa badhig ay ku qaban lahayd dalkaa fanaanadda Nikki Minaj ay baajiyey waxaanay ku sababaysay in ay arintaa ku taageerayso haweenka iyo dadka isku jinsiga ah ee wax iska daya. Bishii Feeberweri ayaa gabadh heesaa ah oo Sucuudiyad ah la xidhay ka dib markii ay soo saartay muuqaal hees ah oo ay u bixisay Gabadhii reer Makka. Maamulka Sucuudigu waxay sheegeen in weerarkaa dhacay bishii Noofember ahaa kii ugu horeeyey tan iyo markii qorshaha furfurnaanta ah la bilaabay. Mowduucyada la xiriira Qaran News

Jowhar (Caasimada Online) – Warar lagu kalsoon yahay oo ay heshay Caasimada Online ayaa sheegaya in madaxtooyada HirShabelle ay joojisay safar uu Muqdisho ku imaan lahaa guddoomiyaha baarlamaanka maamulkaasi, Sheekh Cusmaan Barre Maxamed. Warqad laba cesho ka hor ka soo baxday xafiiska Madaxweynaha oo lagu joojiyay duulimaadka degaanada HirShabelle ayaa la sheegay in ay aheyd mid lagu hor istaagayay diyaarad ku wajahneed Jowhar si ay usoo qaado guddoomiyaha iyo xildhibaano ka tirsan Baarlamaanka. Xog ay heshay Caasimada Online ayaa sheegaysa in khilaaf culus u dhaxeeyo madaxweynaha iyo madaxweyne ku-xigeenka oo dhinac ah iyo guddoomiyaha baarlamaanka, khilaafkaas oo sababay in guddoomiyaha laga joojiyay diyaaradii ka qaadi laheyd Jowhar ee geen laheyd Muqdisho. Ilo-wareedyo lagu kalsoon yahay ayaa Caasimada Online u sheegay in shalay cabsi ay ka taagneed dhismaha uu Jowhar ka dagan yahay guddoomiyaha baarlamaanka kadib markii ay tageen ciidamo dheeraad ah oo madaxtooyada ka amar qaata. Sheekh Cusmaan Barre, ayaa beeniyay in ciidamo la dul dajiyay iyo in laga jartay korantada iyo biyaha balse wararka qaar ayaa sheegaya in cadaadis badan la saaray guddoomiyaha. Si rasmi ah looma oga waxyaabaha ay isku khilaafeen masuuliyiintaan balse waa khilaaf soo jiitamayay dhowrkii todobaad ee la soo dhaafay kaas oo u muuqda mid ka sii daraya. Sheekh Cusmaan Barre ayaa dhowr maalmood ka hor xaqiijiyey warar sheegaya inuu xanuusan yahay oo uu karantiil ku jiro madaxweynaha HirShabelle, taasi oo suurta-gal tahay inay kasii dartay khilaafka.

Muqdisho (Caasimada Online) – Tala-bixiyaha caafimaad ee COVID-19, Dr Maxmed Cali Fuje, ayaa ka hadlay halista faafitaanka cudurka Coronavirus ee dalka Soomaaliya, oo kiisaskiisa ay kordheen maalmihii dhowaa. Dr Fuje ayaa bulshada Soomaaliyeed uga digay khatarta iyo saameynta xad dhaafka ah ee cudurkaan sida dhaqsaha ah ku faafa uu ku yeelan karo dalkeenna xilli dunida inteeda badan ay dadaal xooggan ugu jirto cirib tirkiisa. Waxa uu sheegay in dhaqanka Soomaaliyeed ee ku saleysan is-jaceylka iyo is-dhex-galka uu qayb ka qaadanayo faafitaanka COVID-19, maadaama cudurku uu yahay cudur si sahlan loo kala qaadi karo, waxuuna bulshada ka codsaday in dhaqankaas la bedelo intii lagu guuleysanayo xakameyntiisa. Dhakhtarka waxuu walaac ka muujiyay kororka xaaladaha COVID-19 oo tusaale u noqon kara in tira badan oo dadka Soomaaliyeed ah uu soo ridan karo, dalkeennuna uu xudun u noqon karo cudurka, hadii la iska indha tiro saameyntiisa. Dr Maxmed Cali Fuje ayaa dhamaan dadka Soomaaliyeed kula taliyay inay si wadajir ah u qaataan talooyinka caafimaad iyo ammarrada dowladda ee qaybta ka qaadanaya xakameynta faafitaanka COVID-19, si guul looga gaaro dadaallada naf-badbaadinta ah.

Muqdisho (SMN) – Akhristayaasheena ku xiran website-ka waxaan halkaan idin kugu soo gudbineynaa Barnaamijka Qubanaha Wararka Shabelle. Hoos riix si aad u dhageysato https://www.radioshabelle.com/wp-content/uploads/2020/04/Bar___Qubanaha-Shabelle-180420.mp3 View the full article

Muqdisho (Caasimada Online) – Safiirka Turkiga ee Soomaaliya Mehmet Yılmaz ayaa wareysi dheer oo uu siiyey laanta af-Soomaaliga ee VOA waxa uu qeybtan uga hadlay doorkooda dhex-dhexaadineed ee wadahadallada dowladda federaalka Soomaaliya iyo Somaliland. Waxa uu sheegay in doorka Turkiga ee wada-hadallada Soomaaliya iyo Somaliland uu yahay mid dhex dhexaad ah, balse Somaliland ay dalbatay oo kaliya in wada-hadallada loo dhigo qaab ka duwan sidii hore. “Somaliland waxay codsatay in arrinta loo dhigo qaab ka duwan sidii hore, waxaana cadeynayaa Somaliland in aysan anaga na diidaneyn sababta oo ah Somaliland waxaa naga dhaxeeya wada shaqeyn ku saabsan mowduucan, ka sokow kalsoonida aan isku qabno, waxay codsadeen in hab ballaaran lagu wado arrintan, oo dhinacyo kale laga qeyb geliyo.” “Anaga dhankeena mowduucan waan baarnay waxaana kala hadalnay dowladaha qaar,” ayuu yiri. Danjire Mehmet ayaa sheegay in Turkiga markii hore uu arrinta wadahadallada Soomaaliya iyo Somaliland u qaabilsanaa jiray safiirkii isaga ka horeeyay, isla markaana uu horay labada dhinac ugala kulmay arintan. “Dabcan halka ay haatan mareyso waa marxalad aad muhiim u ah, kaliya waxa ay u baahantahay in la isku duba rido oo la dhameystiro, maxaa yeelay wadahadalka Soomaaliya iyo Somaliland, waxa uu leeyahay dhinacyo kala duwan sida siyaasadda iyo warbaahinta iyadoo ay jiri karaan heerar aqoon-yahanno,” ayuu hadalkiisa sii raaciyey Mehmet Yılmaz safiirka Turkiga ee Soomaaliya. Sidoo kale waxa uu sheegay in doorka arrintan ay ku leedahay dowladda Turkiga uu yahay mid dhex dhexaadineed, sidaas darteedna dadka howshan qaban doona oo hagi doona ay yihiin dhinacyada uu wada hadalku u dhaxeeyo. “Anaga kaliya waxaan joognaa booska dhex dhexaadinta ah, waxaana u aragnaa arrintan mushkiladaha Afrika xalkeeda waxaa leh Afrika, anaga oo taas ka duuleyna ayaan dhinacyada ka rabnaa in ay anaga na hagaan, dabcan talooyin iyo soojeedinba waan ku lahaan karnaa” ayaa yiri Mehmet. Isaga oo sii hadlayey ayuu yiri, “Waxaan rabaa in aan intaas ku daro in anagoo fiirineyna horumarada wadahadaladan uu safiirkii hore ee Turkiga u joogay Soomaaliya uu inta yimid uu mar kale la kulmay dhinacyada, anaga oo eegeyna hor marka kasoo baxay kulamadii dhacay ayaan waxaan tix gelinaynaa in aan qiimeyno jawaab celinta naga soo gaartay dhinacyada, waxaama qaadi doonaa tallaabooyin kale oo arintan ku aadan”.

Muqdisho (Caasimada Online) – Guddoomiyaha gobolka Banaadir ahna Duqa magaalada Muqdisho, Cumar Maxamud Maxamed (Filish) ayaa caawa shaaciyey qaab loo aasi doono dadka gudaha Soomaaliya ugu dhinta cudurka Coronavirus oo si weyn ugu sii faafaya dalka Soomaaliya, xili ay dhimashaduna ay maanta gudaha dalka gaartay 7-qof. Guddoomiyey Filish ayaa sheegay inay diyaariyeen koox loo tobabaray dadka u dhinta cudurka Coronavirus, kuwaasi oo aasi doona qofka u dhinta cudurkaasi, maadama uu Coronavirus uu yahay cudur khatar ah oo si fudud ugu dhex faafi kara bulshada. Filish ayaa ka dhawaajiyey in Kooxdaasi ay u diyaariyeen inay aasan dadka u geeriyooda Covid-19 ay ka qeyb yihiin Culimo Soomaaliyeed oo bulshada loogu tala-galay inay ka wacyi-geliyaan in dadku ku soo ururin Meydka qofka u dhinta cudurkaasi. Guddoomiyaha ayaa sidoo kale ka dalbay bulshadu inay qaataan talooyinka wasaarada Caafimaadka, iyaga oo ka fogaanaya goobaha dadku iskugu yimaadan, kuna dadaalaya faro dhaqashada iyo u dhago nuglaanta talooyinkaasi caafimaad. Ugu dambeyntiina Guddoomiyuhu waxa uu uga digay Dadka inay soo booqdan qofka uu cudurka Coronavirus ku dhaco, sidii ay hore ugu booqan jireen dadka xanuunsan ee ku jira Isbitaalada, isla markaana aysan soo buuxin aaska qofka u dhinta cudurkaasi. Xaalada Coroanaha ee gudaha Soomaaliya, gaar ahaan magaalada Muqdisho ayaa u muuqata mid walaac badan leh oo kasii dareysa, xili maanta la xaqiijiyey 2-qof oo u dhintay cudurkaasi, iyada oo 19-qof oo hor lehna laga helay cudurkaasi, midaasi oo tirada guud ee Kiisaska dalka ka dhigeysa 135-kiis.

Qodobka 17-aad ee Dastuurka Jamhuuriyadda Somaliland, waxa si cad loogu qeexay inay waajib ku tahay dowladda sidii dalka looga haqab-tiri lahaa qalabka lagaga hortago cudurrada faafa, si dadka muwaadiniinta ah looga ilaaliyo cudurrada iyo xannuunada keeni kara dhibaatooyinka caafimaad-darro ama sababi kara in nolosha dadka muwaadiniinta ah halis gasho. Waxa kaloo uu qodobkaasi dowladda ku waajibinayaa in la helo daawayn lacag la’aan ah iyo daryeelka fayo-dhawrka guud, qodobkaas dastuuriga ahna waxa uu u qoran yahay sidan; QODOBKA 17-AAD CAFIMAADKA 1) Dawladdu iyadoo fulinaysa siyaasadda daryeelka caafimaadka guud, waxa waajib ka saaran yahay ka-haqab-tirka dalka qalabka ka-hortagga cudurrada faafa, helitaanka daaweyn lacag Ia’aan ah iyo daryeelka fayo-dhawrka guud. 2) Dawladda waxa xil ka saaran yahay horumarinta iyo baahinta adeegyada caafimaadka iyo xarumaha daryeelka caafimaadka ee gaarka ah. Haddaba, muwaadin maxaa kuu baxay? Waa suurtogal ama waaba xaqiiq in marka aad qodobkaas insha mariso ama aad wada akhrido in aad isweydiiso su’aasha ah; ‘dowladdu ma fulisay qodobkaas dastuuriga ah? Haddii aanay ilaa hadda fulin qodobkaas, maxaa ka hortaagan inay fuliso? Haddii aad hayso dood kale oo arrintaas ka duwan oo ah inay qodobkaas Dowladdu fulisay, waxa ku hortaagan su’aasha ah ilaa intee ama heerkee ayaa la fuliyey waxyaabaha lagu waajibiyey qodobka 17-aad ee dastuurka Somaliland? Qofka muwaadinka ah, haddii uu ku doodo dowladda waxba kamay fulin qodobkaas ama qayb yar oo aan heerkii loo baahnaa gaadhsiisnayn ayey ka fulisay, arrintu intaas oo qudha kuma dhammaanayso, lagumana go’aan qaadanayo, balse waxa iman kara dood kale oo ay dowladda laftigeedu qabto ama ugu jawaabayso qofkaas muwaadinka ah, iyadoo dawladuna soo xiganayso isla qodob kale oo dastuuri ah. Dowladdu waxa ay doodeeda ku fadhiisin kartaa qodobka 34-aad ee dastuurka Somaliland, kaasoo isna lagu qeexay waajibaadka laga doonayo qofka muwaadinka ah, waxaannu qodobkaas dastuuriga ahi u dhigan yahay sidan; QODOBKA 34AAD WAAJIBMDKA MUWAADINKA IYO CIQAABTA GUDASHO LA’AANTA WAAJIBAADKA 1) Muwaadin kasta waxa waajib ku ah adkaynta midnimada ummadda, ilaalinta jiritaanka Qaranimada iyo difaaca dalka iyo diinta si waafaqsan xeerka. 2) Qof kasta waxa ku waajib ah inuu xaq-dhawro Dastuurka iyo xeerarka dalka. 3) Qof kasta waxa ku waajib ah inuu si hagar la’aan ah u bixiyo cashuurta iyo takaaliifta kale ee xeerku waajibiyey. 4) Qof kasta waxa waajib ka saaran yahay daryeelka, ilaalinta iyo badbaadada deegaanka. 5) Xeerka ayaa caddeynaya ciqaabta ka dhalan karta gudasha la’aanta waajibaadka ku xusan faqradda l-aad, 2-aad, 3-aad iyo 4-aad. Marka ay hadlayaan madaxda qaranka Somaliland ama dowladdu doodayso, waxay inta badan sheegaan in aanay dadka muwaadiniinta ah ka soo bixin waajibaadka saaran oo ay ugu muhiimsan yihiin adkaynta midnimada ummadda, ilaalinta jiritaanka qarannimada, difaaca dalka iyo diinta, sidoo kalena aanay muwaadiniintu si fiican ama sidii loogu talogalay u wada bixin cashuuraha ku waajibay, taasina waxay sababaysaa in aanay dowladdu awood dhaqaale u helin xakammaynta cudurrada faafa oo uu ka mid yahay xannuunkan Coronavirus ee albaabada u wada xidhay caalamkii oo dhan. Xalku waxa uu yahay in dowladda iyo dadweynaha uu mid walba dhankiisa ka soo baxo, isla markaana sida ugu habboon u fuliso waajibaadka saaran, cid walbana si fiican u gudato shaqada loo xilsaaray. Dadweynaha ama muwaadiniinta waxa ku waajib ah inay cashuuraha si fiican u wada bixiyaan, una hoggaansamaan awaamiirta iyo nidaamka dowliga ah, halka dowladdana laga doonayo inay si caddaalad iyo sinnaan ah ugu adeegto bulshada, cashuuraha ay muwaadiniintu bixiyaana si loo maamulo si u adeegaysa horumarinta adeegyada bulshada iyo kaabayaasha dhaqaalaha. Dowladdu waa inay kasbato aaminaadda dadka muwaadiniinta ah, la dagaalantu musuqmaasuqa, eexda iyo qaraabo-kiilka. Dowladnimada ama nidaamka dowliga ah waa shay ay wada leeyihiin dhammaanba qaybaha kala duwan ee bulshada ku nool dalku, mucaarid iyo muxaafidkana si siman oo caddaalad ah ugu wada adeegta. W/Q: Maxamed Cumar Cabdi (Cirro), Hargeysa, Somaliland. Source

Wasiirka Caafimaadka iyo Daryeelka Bulshada Soomaaliya Fowsiya Abiikar Nuur, ayaa xaqiijisay in laba ruux oo kamid ah dadkii uu ku dhacay COVID-19 ay geeriyoodeen, 19 xaalada cusubna ay soo kordheen. Wasiirka ayaa sheegtay in guud ahaan tirada uu soo ritay cudurkaani ay noqdeen 135 ruux. Dadka gudaha dalka ugu geeriyooday cudurkaan guud ahaan ay tahay todoba ruux. Marwo Fowsiya Abiikar Nuur waxay warbixinteeda ku sheegtay inay socdaan qorshayaal iyo dadaallo wadajir ah oo lagu doonayo in sida ugu habboon looga hor tago khatarta cudurkaan, waxayna bulshada mar kale ugu baaqday inay qaataan talooyinka caafimaad. Guddoomiyaha gobalka Banaadir ahna duqa magaalada Muqdisho, Cumar Maxamed Maxamuud (Cumar Filish), oo isna ka hadlay qorshaha xakameynta COVID-19 ayaa caddeeyay in dowladdu ay bedeshay qaabkii loo aasi jiray dadka u geeriyooda COVID-19, lana diyaariyay kooxo gaar ah oo ka shaqeeya aasidda meydadka. PUNTLAND POST The post DFS oo xaqiijisay inay kordheen xaaladaha COVID-19 iyo tirada dadka u geeriyooday appeared first on Puntland Post.

Muqdisho (SMN) – Gudoomiyaha gobolka Banaadir ahna duqa Muqdisho, Cumar Maxamuud Maxamed [Cumar Filish] ayaa sheegay in la diyaariyey koox loo tababaray sida loo aaso dadka u geeriyooda Coronavirus. Cumar Filish ayaa hadalkaas ka sheegay shir jaraa’id oo guddiga heer qaran ee ka hortagga fayruskaas kaasoo lagu qabtay Muqdisho. Duqa caasimadda ayaa tilmaamay in kooxdaas ay isugu jiraan dhakhaatiir iyo culimo, kuwaas oo qaabilsan duugta bukaanadda. Aaska ayuu daaha ka rogay in ay ka qeybgeli doonan dad aad u kooban, wallow uusan cayimin tirro gaar ah. Inta illaa iyo haatan la xaqiijiyey tiradda geerida Covid-19 ee gudaha waddanka ayaa waxay mareysaa todoba, sidda ay warbixinteeda maalinlaha ku sheegtay Wasaaradda Caafimaadka Dowladda Federaalka ah. View the full article

Muqdisho (Caasimada Online) – Dowladda Soomaaliya ayaa Dr. Maxamed Maxamuud Cali Fuje u magacowday Talo-Bixiyaha Caafiimaad ee COVID-19 ee dalka. Dhakhtay Maxamed Maxamuud Fuje ayaa hadda kadib hoggaamin doona ololaha ka hortagga xanuunka Coronavirus, waxaana la sheegay in madaxda dowladdu ay ka dalbatay in uu soo dhiso shabakad ay ku mideysanyihiin dadka aqoonta u leh cudurrada faafa, si loola tacaalo khatarka cudurka Coronavirus uu ku hayo Soomaaliya. Dr Fuje waxa uu wax ku bartay Kulliyadda Daawada ee Jaamacadda Soomaaliya, Jaamacadda Sixada iyo Cudurrada Kulaalaha ee London, iyo shahaadada sare oo uu ka qaatay jaamacadda Royal Postgraduate Medical School, Hammersmith Hospital. Magacaabista Fuje ayaa imaneysa ayada oo faafitaanka cudurka ee gudaha Soomaaliya, gaar ahaan magaalada Muqdisho uu yahay mid u socda si xowli ah, oo u muuqata in uu si weyn ugu dhex faafay cudurka bulshada ku nool gudaha magaalada. Wasiirka caafimaadka Soomaaliya ayaa caawasheegtay inay kordheen Kiisaska cudurkaasi ee gudaha dalka, oo ay gaaareen 135-qof, kadib markii maanta ay wasaaradu cudurkaasi ka heshay 19-qof oo cusub. Wasiirka caafimaadka ayaa sidoo kale sheegtay in maanta ay soo korodhay 2-qof oo dhimasho ah, midaasi oo tirada guud ee dhimashada dalka ee cudurkaasi ka dhigaysa 7-qof.

Guddomiyaha Baarlamaanka dowlad goboleedka Hirshabeelle Sheeikh Cismaan Barre Maxamed ayaa beeniyey warar saacadihii la soo dhaafay la isla dhex marayey, kaas oo ahaa in guddoomiyaha ay go’doon geliyeen ciidamo ka amar qaata madaxwe Maxamed Cabdi Waare. War qoraal ah uu soo saaray guddoomiyaha Baarlamaanka Hirshabeelle ayaa lagu sheegay in aysan wax ka jirin arrintaas wararka sheegayey in madaxweyne Maxamed Cabdi Waare in go’doomiyeen Guddoomiyaha, waxaa lagu sheegay qoraalka in Xarunta Baarlamaanka Hirshabeelle ay gacanta ku haayan Ciidanka amniga oo awalba lagu ogaa Ilaalinta Xarunta oo aysan jirin Ciidamo la geeyay halkaas kuwaas oo ka amar qaata Madaxweye Waare. Halkaan Ka Akhriso Goobjoog News Source: goobjoog.com