Qaar ka mid ah warbaahinta Mareykanka oo soo xiganaya saraakiil dowladeed ayaa sheegaya in hoggaamiyaha Korea-da Waqooyi Kim Jong Un uu ku ku sugan yahay “xaalad halis ah” kadib markii qalliin looga sameeyey wadnaha. Taleefishinka CNN ayaa sarkaal sare oo Mareykan ah oo arrintan xog-ogaal u ah kasoo xigtay in Washington “ay isha ku hayso xog sirdoon” oo sheegeysa in xaaladda Kim ay liidato. Warbaahinta Bloomberg ayaa iyana kasoo xigatay sarkaal aan la magacaabin in xaaladda Kim ay ka dartay markii qalliinka lagu sameeyey. Kim ayaa la sheegay inuu seegay dabaal-degga sanad-guurada dhalashada awoowgiisa oo ku beegneyd 15-kii April, taasi oo dhalisay xan ku saabsan xaaladdiisa caafimaad. Waxaa kulan dowladeed lagu arkay afar maalin ka hor xilligaas. Sarkaal kale oo la hadlay CNN ayaa sheegay in ay jiraan walaacyo ku saabsan xaaladda caafimaad ee Kim balse ay adag tahay in la qiimeeyo heerka ay le’eg tahay. Wargeyska Online ah oo lagu magacaabo Daily NK, oo fadhigiisu yahay Korea-da Koonfureed, ayna leeyihiin mucaaradka Pyongyang, ayaa weriyey in Kim lagu sameeyey qallin wadnaha 12-kii April. Kim ayaa qalliinka wadnaha loogu sameeyey sababo la xiriira “sigaar cabis xad dhaaf ah, cayil iyo shaqada oo ka tan badatay” sida uu weriyey wargeyska Daily NK, kaasi oo intaas ku daray in lagu daweynayo Villa ku taalla magaalada Hyangsan. Kadib markii la sheegay in xaaladdiisa ay horumar sameysay, ayaa inta badan shaqaalaha caafimaadka ee daweeyey ay kusoo laabteen Pyongyang 19-kii April. CNN ayaa intaas ku dartay in warbixinada Daily NK aan si madax-banaan loo xaqiijin karin. Si kastaba, saraakiisha China iyo Korea-da Koonfureed ayaa shaki geliyey warbixinada sheegaya in Kim uu xanuunsan yahay. Laba sarkaal oo ka tirsan dowladda Korea-da Koonfureed ayaa ku gacan seeray warbixinta CNN, ayaga oo aan sharxin in Kim uu qalliin maray iyo in kale. Madaxtooyada Korea-da Koonfureed ayaa sheegtay inaysan jirin wax astaamo qayrul caadi ah oo ka imanaya dalka Korea-da Waqooyi. Sidoo kale sarkaal ka tirsan xisbiga shuuciga ah ee maamula Shiinaha, gaar ahaan qeybta qaabilsan arrimaha Korea-da Waqooyi ayaa Reuters u sheegay inay rumeysan yihiin in Kim uusan xanuunsaneyn. China ayaa ah xulufada ugu weyn ee Korea-da Waqooyi. Xigasho: VOA Somali PUNTLAND POST The post Warar is-khilaafsan oo laga werinayo xaaladda caafimaad ee Kim Jong Un appeared first on Puntland Post.

Dhuusamareeb (Caasimada Online) – Wasiirka wasaaradda caafimaadka dowlad goboleedka Galmudug, Naciimo Maxamed Catoosh ayaa xaqiijisay in kiiskii ugu horreeeyey ee cudurka halista badan Covid-19 laga helay deegaanada maamulkaasi. Wasiirada ayaa sheegtay in qofka laga helay xanuunka haatan lagu hayo isbitaalka weyn ee koonfurta magaalada Gaalkacyo ee xarunta gobolka Mudug. Sidoo kale Naciimo Maxamed Catoosh ayaa carabka ku dhufatay inay jiraan dad kale oo looga shakiyey cudurka Coronavirus, kuwaas oo ay shaacisay nay ku kala sugan yihiin magaalooyinka Dhuusamareeb, Guriceel iyo Caabudwaaq oo hoostaga maamulkaasi. Wasiir Naciimo ayaa sidoo kale intaasi ku dartay in ka maamul ahaan ay diyaariyeen isbitaal haddii ay xaalado soo baxaan lagu daaweeyo. Ugu dambeyn waxa ay ugu baaqday dadka shacabka ee ku dhaqan deegaanada Galmudug inay muujiyaan taxadar, islamarkaana ay qaataan talooyinka caafimaadka. Hadalkaan ayaa ku soo aadaya, iyadoo uu marba marka ka dambeyso cudurka Covid-19 uu ku sii baahayo gudaha dalka, kaas oo kiisas ugu badan laga helay Muqdisho. Dowladda federaalka, gaar ahaan wasaaradda caafimaadka ayaa illaa iyo hadda shaacisay kiisas gaaraya illaa 237 qof, iyadoo dhimashaduna ay mareyso 8 ruux.

The U.S. has donated 350 hospital beds to Somalia to bolster the fight against COVID-19 as the number of cases in the country rise sharply. Source: Hiiraan Online

Midowga Yurub ayaa Soomaalida ugu deeqay 27 milyan oo Euro, oo loogu tallo galay la dagaalanka Covid_19. Ergayga Midowga Yurub danjire Nicolas Berlanga, ayaa kulan uu Hargeysa kula yeeshay ururada bulshada oo ahaa mid ay albaabadu u xidhnayeen, wuxuu ku sheegay in lacagtaas oo uu Midowga Yurub soo marin doono dawladda Soomaaliya ay Midow Yurub ahaan ugu tallo galeen inay Somaliland hesho 10 milyan oo Euro oo ka mid ah, waxaanu ururada ka codsaday inay dabo-gal ku sameeyaan qorshahan Midowga Yurub si ay lacagtaasi u soo gaadho Somaliland. Hase yeeshee waxa yaab noqday ka dib markii ay toddobaadkan Ururka Midowga Yurub iyo Ergayguba bartooda twitterka ku baahiyeen qorshe ka duwan oo ah in dhaqaalihii dhammaa 27 Milyan ee Euro laga saaray qaybtii Somaliland oo badankiisa la geliyay miisaaniyadda dawladda Soomaaliya iyo horumarinta imkaaniyaadka gobalka Banaadir. Sida ka muuqata Jaantuuska lagu baahiyay barta twitterka ee xafiiska Midowga Yurub ee Soomaalida qaabilsan 55.6% ka mid ah lacagtaas oo qiyaastii ah 15 million oo Euro, waxa toos loogu taageerayaa miisaaniyadda dawladda Soomaaliya, halka 20.4% milyan oo lacagtaas ka mid ah oo u dhiganta 5.5 milyan Euro loogu tallo galay horumarinta baahiyaha caafimaad ee gobalka Banaadir, iyadoo 24.1% oo u dhiganta 6.5 milyan loogu tallo galay wacyigelinta iyo kaabayaasha caafimaadka ee dhammaan dhulka oo dhan. Qaybtan dambe ee dhan 24.1% ayaa loogu tallo galay maamul goboleedyada ka tirsan dawladda Soomaaliya oo loo qaybin doono. Si rasmi ah looma garanayo sababta uu Midowga Yurub u bedelay qorshihii uu hore u dejistay, meeshana uga saaray qoondadii ay ugu tallo galeen Somaliland. Laakiin warar uu Geeska Afrika helay ayaa xaqiijiyay in dawladda Soomaaliya ay iyadu samaysay qorshahan oo ay ku laashay qorshihii uu Midowga Yurub hore u dejiyay ee uu qaybteeda ku siiyay Somaliland, ka dib markii ay shir dhinaca telefoonka ah yeesheen Madaxweynaha Soomaaliya Maxamed Farmaajo iyo xubno ka tirsan saraakiisha Midowga Yurub. Lama oga in dawladda Somaliland la socoto qorshahan lagu qadiyay Somaliland ee meesha lagaga saaray qaybtii ay Somaliland ka heli lahayd deeqdan. Laakiin xubno ka tirsan ururada bulshada rayidka ah ayaa Geeska Afrika u sheegay inay walaacooda arrintan la xidhiidha qoraal ahaan ku gaadhsiiyeen ergayga Midowga Yurub oo aanay weli jawaab ka helin. Wasaaradaha qorshaynta iyo arrimaha dibadda oo uu Geeska Afrika isku dayay inuu wax ka weydiiyo arrintan ayaanay noo suurtogelin. Xukuumadda Somaliland iyo ergayga Midowga Yurub ayaa muddooyinkan dambe aad isugu soo dhawaaday ka dib markii uu diblomaasigani dhexdhexaadiyay Madaxweyne Biixi iyo madaxda xisbiyada mucaaradka oo uu dhex dhigay heshiis dejiyay xiisadii siyaasadeed ee ka dhalatay guddiga doorashooyinka qaranka. Source

Source

Toronto (HOL) - The Toronto Development Association of Youth (TODAY) group has announced that the annual Somali Week tournament held in Toronto will be cancelled because of the COVID-19 pandemic. Source: Hiiraan Online

Qaran News

MOGADISHU (HOL) - Somalia recorded 73 cases of COVID-19 Monday, the highest ever noted since the first case last month amid concerns the country could be headed for a crisis as the pandemic spreads rapidly in the Horn of Africa nation. Source: Hiiraan Online

(SLT-Riyadh)-Sacuudiga ayaa ku dhawaaqay inay bilaabeen maraakiibtooda inay isticmaalaan khad cusub oo u dhaxeeya iyaga iyo dalalka Bariga Afrika, wakaalada wararka Sacuudiga (SPA) ayaa werisay sidaa. Ku dhawaaqistaan ayaa ku soo beegmaysa xilli Sacuudi Carabiya ay kor u qaadday maalgashiga dekeddeeda warshadaha King Fahd ee ku taalla xeebta Badda Cas si ay u buuxiso baahiyaha gobolka. Khadkan cusub ee maraakiibta ayaa gacan ka geysan doona kor u qaadista gaadiidka xeebaha ee u dhexeeya dekedaha Boqortooyada iyo dekedaha Bariga Afrika. Sacuudigu wuxuu sheegay inuu khadkan bixin doona adeeg toos ah oo toddobaadle ah oo cusub oo u dhaxeeya Boqortooyada, Kenya Somaliland iyo Soomaaliya iyada oo loo sii marinayo 4 markab oo heeggan ah. Source

(SLT-Muqdisho)-Raysal Wasaaraha Soomaaliya Xasan Cali Kheyre ayaa xalay wada-hadallo khadka taleefanka ah la yeeshay Wasiirka Arrimaha dibadda Ruushka Sergey Lavrov. Raysal Wasaaraha Soomaaliya ayaa qoraal kooban oo uu bartiisa Twitter-ka soo dhigay ku sheegay inuu ku faraxsan yahay wada hadal muhiim ah oo dhinaca qadka taleefanka inuu dhex-maro Wasiirka Arrimaha Dibadda Ruushka. Arrimaha labada dhinac ka wada hadleen ayaa waxaa ka mid ahaa xoojinta xidhiidhka diblomaasiyadeed, iyo iskaashiga ku aadan dadaalada lagaga hortagayo cudurka Coronavirus. Sidoo kale bogga Wasaaradda Arrimaha dibadda Ruushka ayaa lagu daabacay wada hadalada khadka taleefanka ee dhex maray Wasiirka Arrimaha Dibadda Ruushka iyo Raysal Wasaaraha Soomaaliya. Source

Garoowe (Caasimada Online) – Waxaa haatan soo shaac-baxay khilaaf xoogan oo u dhexeeyo labada maamul ee HirShabelle iyo Puntland, kaas oo ka dhashay xakameynta cudurka faafa ee Coronavirus ee dhowaan ka dilaacay Soomaaliya. Khilaafka ayaa yimid, kadib markii Madaxweynaha dowlad goboleedka Puntland, Siciid Cabdullaahi Maxamed (Deni) uu faray ganacsatada deegaanada maamulkiisa in aysan raashin u iib-geyn karin deegaanada kale, sida maamullada Galmudug iyo HirShabelle. Deni ayaa arrintaan oo saameyn ku yeelatay reer Hiiraan ku sheegay mid lagu xakameynayo cudurka Covid-19 oo haatan fara ba’an ku haya Soomaaliya. “Waxa aan halkaan ugu soo jeedinayaa Ganacsatada reer Puntland, inaga oo eegeyna go’aamadii xannibaadda aan soo saarnay in la joojiyaa Badeecadaha loo iibgeeyo meelaha ka baxsan Puntland si aan qiimo koror u imaan.” ayuu yiri Siciid Cabdullaahi Deni. Dhinaca kale guddoomiyaha maamulka gobolka Hiiraan ee HirShabelle, Cali Jeyte Cismaan oo ka jawaabay arrintaan ayaa shaaciyey in wax laga xumaado ay tahay hadalka ka soo yeeray Madaxweynaha Puntland, isaga oo sheegay in ganacsatada maamulkaas iyo kuwa gobollada dhexe uu ka dhexeeyo xiriir ganacsi oo aad u xoogan. Sidoo kale Jeyte oo warbaahinta ugu warramayey magaalada Beledweyne ayaa raalli-gelin ka dalbaday Madaxweyne Deni, wuxuuna wacad ku maray haddii uu bixin waayo inay qaadi doonaan tallaabo ka daran mida ay qaadeen, sida uu hadalka u dhigay “Haddii uusan Deni Raalli gelin iyo ka laabasho ka sameyn hadalkiisa, waxa aynu qaadi doonaa tallaabo ka daran tan uu qaado, Puntland waxaa dadka Hiiraan uga yimaado Raashinka kasoo dega Dekeda Boosaaso, balse halkaan waxaa laga qaadaa Khudaarta, Caanaha, Xoolaha iyo badeecado kale” ayuu yiri guddoomiyaha gobolka Hiiraan. Ugu dambeyn wuxuu hoosta ka xariiqay haddii ay sii socoto arrintaan inay kor u qaadi doonaan ka maamul ahaan lacagaha Canshuuraha ee xoolaha iyo Khudaarta laga qaado gobolka Hiraan ee la geeyo deegaanada maamul goboleedka Soomaaliyeed ee Puntland. “Ganacsatada waxa aan u ballan qaadeynaa in aan Canshuur dhaaf u sameyno badeecadaha ay ka keensadaan Puntland, taa badalkeed waxa aan kordhineynaa Canshuurta Xoolaha iyo Khudaarta laga qaado Gobolka Hiiraan.” ayuu markale yiri Jeyte. Khilaafkaan ayaa durbo saameyn ku yeeshay xiriirka ganacsi ee HirShabelle iyo Puntland, iyadoona dhibaatada ugu daran ay wajahayaan ganacsatada labada dhinac.

The National Union of Somali Journalists (NUSOJ) condemns in the strongest terms possible the arrest of a prominent journalist in Baidoa, Southwest State of Somalia, for a news report featuring rape case. Journalist Mukhtar Mohamed Atosh, a reporter for Voice of America (VOA) Somali Service and Secretary of Trainings of NUSOJ, was today arrested in Baidoa by Southwest State police and taken to Crimes Investigation Department (CID), where he will be spending the night. A dozen of Southwest Police officers, led by Divisional Commander for Bay region Mr. Amin Mohamed Osman, carried out the operation to arrest the journalist at Jeeri Tower in the centre of Baidoa at around 17hrs. Police officers indicated Atosh was arrested for reporting yesterday the death of 14 years old girl who was raped and taken to Baidoa hospital where she died due to injuries sustained in the rape attack. “It is very appalling that instead of targeting the suspected rapists, Southwest administration chose to arrest and persecute journalist Mukhtar Mohamed Atosh for informing the public about the rape case and serious bodily harm that caused the victim’s death. The journalist has a right to shed light on this crime and Mukhtar Mohamed Atosh must regain his freedom,” said Omar Faruk Osman, NUSOJ Secretary-General. Following the VOA news report about the rape case, Southwest Authorities ordered the administration of Bay regional hospital to not talk to journalists and deny that the rape victim died at the hospital. Consequently, local journalists who sought to conduct interviews today were denied any information. “Clearly the arrest and detention of Mukhtar Atosh is in an attempt to silence his reporting on a serious sexual assault and the ramification of his arrest is to stop local journalists spreading the truth. This must stop now, people must know the truth, the rape victim deserves justice and journalists must continue doing their journalistic work freely and without intimidations” added Osman. View the full article

Jowhar (Caasimada Online) – Madaxweynaha HirShabelle Maxamed Cabdi Waare ayaa shaqo joojin ku sameeyey wasiiru dowlihii wasaaradda dastuurka maamulkaasi, Xildhibaan Saadaq Mukhtaar Cabdulle, kadib warqad uu soo saaray. Qoraalkaan ayaa waxaa lagu sheegay in wasiirka uu si buuxda u jabiyey amarkii Madaxweynaha ee ahaa in aan la’isugu imaan karin kulamo dadweyne, isagoona lagu eedeeyey inuu shalay ka qeyb-galay munaasabad ka dhacday magaalada Jowhar. Amarka la sheegay inuu jabiyey Xildhibaan Saadaq Mukhtaar Cabdulle ayaa la xariira mid looga hortagayo cudurka Coronavirus, kadib markii dadka u geeriyooday uu ka mid noqday wasiiru dowlihii wasaaradda cadaaladda maamulkaasi, marxuum Khaliif Muumin. HirShabelle ayaa geerida mas’uulkaasi, kadib mas’uuliyiinteeda oo ugu horreeyo Madaxweyne Maxamed Cabdi Waare waxa ay is-galiyeen xaalad go’doon ah ama karantiil, si loo xakameeyo cudurka faafa ee Coronavirus oo ah mid saf-mar ah. Soomaaliya ayaa illaa iyo hadda xaqiijisay kiisas gaaraya illaa 237 qof, waxaana tirada ugu badan ay ku sugan yihiin gudaha magaalada Muqdisho.

Gudoomiyaha Gobolka Hiiraan ee hada lamagacaay Cali Jeyte Cismaan ayaa ku hanjabay in ay Puntland ka joojinayaan Xoolaha iyo Qudaarta haduudan Madaxweyne Deni uusan ka [...] Source

The Food and Agriculture Organization of the United Nations (FAO) said Monday it has enhanced its cooperation with Somalia to curb the spread of desert locust in the country. Source: Hiiraan Online

Ciidamada dowladda Soomaaliya ayaa saacadihii la soo dhaafay howlgallo ka sameeyey qeybo ka mid ah degmada Maxaas ee gobolka Hiiraan. Howlgallada oo ahaa kuwa qorsheysan ayaa waxaa lagu baadi goobayey rag hubeysan oo dil qorsheysan ka geystay gudaha degmadaasi. Saraakiisha horkaceysay baaritaanadaasi ayaa sheegay in kooxda dilka fulisay ay ka tirsan yihiin Al-Shabaab, islamarkaana ay ay ku raad-joogaan, sida ay hadalka u dhigeen. Al-Shabaab ayaa intra badan weeraro gaadmo ah ka fuliya gobollada Hiiraan iyo Shabeelaha Dhexe ee maamulka HirShabelle. View the full article

Somalia is deploying surveillance teams and specialized vehicles to prevent desert locust swarms ravaging crops and pastures, and destroying the livelihoods of hundreds of thousands of people, United Nations and government officials said on Monday. Source: Hiiraan Online

The signs for Dahabshiil, the Somali money transfer company, are a familiar sight in some London's streets. Source: Hiiraan Online

Muqdisho(Caasimada Online) – Ra’iisul wasaaraha Soomaaliya, Mudane Xasan Khayre oo qoraal soo dhigay bartiisa Twitter-ka ayaa faah faahin ka bixiyey wadahadal qadka taleefanka ah oo uu la yeeshay wasiirka arrimaha dibedda Ruushka Sergey Lavrov. Khaye ayaa sheegay in xukuumaddiisa ay Ruushka ka dalbatay inay ka gacan siiyo la dagaalanka cudurka saf-marka ah ee Coronavirus. Sidoo kale wuxuu tilmaamay inuu Sergey Lavrov kala hadlay xoojinta xiriirka labada iyo adkeynta iskaashiga u dhexeeya Soomaaliya iyo Ruushka. “Waxaan wada-hadal muhiim ah la yeeshay Wasiirka Arimaha Dibadda Ruushka H.E Sergey Lavrov. Waxyaabaha ugu muhiimsan ee laga wada hadlay waxaa ka mid ah xoojinta xiriirka diblomaasiyadeed iyo iskaashi ku aadan dadaallada lagu xakameynayo Covid19.” ayaa qoraalkiisa ku yiri R/wasaaraha xukuumadda federaalka Soomaaliya. Ruushka ayaa la filayaaa inuu ka jawaabo codsiga Khayre, islamarkaana uu Soomaaliya u soo diro qalab caafimaad iyo dhaqaatiir ka qeyb qaadata xakameynta Covid-19. Kiisaska Coronavirus ee Soomaaliya oo marba marka ka dambeysa sii kordhaya ayaa illaa hadda waxaa la diiwaan-geliyey illaa 237 qof oo haatan ku jira xaalad karantiil ah.

Waxaa isa soo taraya baaqyada nabadeed ee loo jedinayo beelo walaalo ah oo saacadihii la soo dhaafay ku dagaalamay qeybo kamid ah gobolka Sanaag ee waqooyiga Soomaaliya. Senator Nuuro Faarax Jaamac oo ka mid ah Golaha Aqalka Sare ee baarlamaanka federaalka Soomaaliya oo wareysi siisay Shabelle ayaa ugu baaqday maleeshiyaadka diriraya inay xabada joojiyaan, islamarkaana ay wax weliba ku dhameeyaan wadahadal. Sidoo kale waxay intaasi ku dartay in waqtiga haatan lagu jiro aysan habooneen in dagaalladu ay sii socdaan. Halkaan hoose ka dhageyso codka. https://www.radioshabelle.com/wp-content/uploads/2020/04/cc-1.mp3 View the full article

Guddoomiyaha gobolka Banaadir ahna duqa magaalada Muqdisho mudane Cumar Maxamud Maxamed (Cumar Filish) ayaa daahfuray ololihii ugu horeeyay ee lagu buufinaayo sunta ka hortaga faafinta cudurka Covid-19 oo si adag u saameeyay Caalamka. Booyada siday sunta looga hortago cudurka faafa ee Coronavirus ayaa lagu buufinayay qaar kamid degmooyinka gobolka Banaadir waxaana ololahaani daah-furkiisa goob joog ka ahaa guddoomiye ku-xigeenada maamulka gobolka Banaadir. Cumar Filish oo madasha ka hadlay ayaa sheegay in ololaha uu socon doono illaa laga adkaanayo kiisaska cudurka Coronavirus ee magaalada Muqdisho. Sidoo kale wuxuu tilmaamay in Muqdisho ay la mid tahay magaalooyinka kale ee caalamka ee uu ka socdo ololaha lagula dagaalamayo cudurka Covid-19. Muqdisho ayaa ah meesha ugu badan ee laga diiwaan-geliyey kiisaska Coronavirus, iyadoona haatan tirada guud ay mareyso illaa 237 ruux oo ku jira xaalad karantiil ah. Halkaan hoose ka daawo sawirrada:- View the full article

Faah faahinno dheeraad ah ayaa waxaa laga helayaa iska hor imaad khasaare geystay oo xalay ka dhacay gudaha magaalada Garoowe ee xarunta gobolka Nugaal. Is-rasaaseynta oo u dhexeysay ciidamo ka wada tirsan kuwa maamulka Puntland ayaa waxaa ku dhintay hal askari, sida ay Shabelle u xaqiijiyeen ilo deegaanka ah. Lama oga sababta rasmiga ah ee ka dambeysay is-rasaaseynta dhex-martay ciidamadaasi oo ku soo aadeysa, xilli bandow habeenkii ah uu ka dhaqan-galay magalaadaasi. Sidoo kale ma jiro weli war rasmi ah oo ka soo baxay Puntland oo ku aadan iska hor imaadkaasi. Xaaladda ayaa saaka degan, waxaana si caadi ah ku socda dhaq dhaqaaqa dadka iyo gaadiidka intaba. View the full article

Wasaaradda Caafimaadka XFS oo soo saartay warbixinteedii maalinlaha aheyd ee cudurka Covid 19 ayaa ku shaacisay tiradii ugu badneyd la diiwaan geliyo mudo 24-saac gudahood. Warbixinta waxaa lagu sheegay in 24-kii saac ee lasoo dhaafay gudaha Soomaaliya laga diiwaan geliyey 73 qof oo qaba cudurka COVID-19, kuwaas oo noqonaya tiradii ugu badneyd oo halmar ay shaaciso wasaaradda caafimaadka. 51 kamid ah 73-da qof ee laga helay cudurkaas waa lab halka 22-ka kalena ay dhadig, waxayna tirada guud ee dadka loo diiwaan geliyey in uu ku dhacay COVID-19 ay gaartay 237 xaaladood oo qaar ay ka bogsoodeen qaarna u dhintay. Wasaaradda Caafimaadka XFS ayaa horey u sheegtay in kiisaska cudurka ee laga helayo dalka ay sare u sii kaceyso maalinba maalinta ka dambeysa, loona baahan yahay shacabka iney ku dhaqmaan talooyinka ka hortaga ah si loo yareeyo faafida cudurkan. View the full article

Muqdisho (SMN) – Halkaan ka Dhageyso Warka Subax ee Idaacadda Shabelle. Hoos riix si aad u dhageysato. https://www.radioshabelle.com/wp-content/uploads/2020/04/Warka-Subax-21042020-SX.mp3 View the full article

Muqdisho (Caasimada Online) – Maamulka gobolka Banaadir ayaa xalay waddooyinka iyo suuqyada qaar ee magaalada Muqdisho ku buufiyey sunta looga hortago faafista cudurka halista badan ee Coronavirus, iyadoona uu ololahaan daah-furay Cumar Filish. Maamulka gobolka ayaa arrintaan u adeegsaday booyado gaar ah oo sunta laga soo buuxiyey, si looga hortago Feyruska sababa xannuunka Corona. Guddoomiye Filish oo madasha ka hadlay ayaa sheegay in ololaha uu socon doono illaa laga adkaanayo kiisaska cudurka Coronavirus ee magaalada Muqdisho. Sidoo kale wuxuu tilmaamay in la gaarsiin doono dhammaan xaafadaha kale ee caasimadda iyo goobaha kale ee muhiimka ee dadka isugu tagaan. Filisha ayaa sidoo kale intaasi ku daray in Muqdisho ay la mid tahay magaalooyinka kale ee caalamka ee uu ka socdo ololaha lagula dagaalamayo cudurka Covid-19. Ugu dambeyn wuxuu ka dalbaday shacabka Soomaaliyeed inay ka qeyb qaataan xakameynta cudurkaan, una hoggaansaman awaamiirta dowladda. Muqdisho ayaa ka mid ah meelaha uu sida daran u saameeyey Coronavirus, iyadoo laga diiwaan-geliyey illaa 237 kiis, waana tirada ugu badan ee guud ahaan Soomaaliya. .