Qaran News

Kadib go’aanka ay maamul goboleedyada Galmudug, Hirshabelle iyo Rooble ka qaateen muddo kordhinta waxaa aad usoo dhoweeyey madax ka tirsan maamul goboleedyada iyo mas’uuliyiin hore oo federaalka ah. Dowlada Jubaland oo ka hadashay arrinkan ayaa tiri “waxay soo dhawaynaysa go’aanka ay qaateen Dowladaha Galmudug iyo Hirshabeele kaas oo ay ku diideen mudo kororsiga sharci darada ah, Waxaan aaminsanahay heshiiska 17 Sep inuu yahay waxa kaliyah ee laga amba qaadi karo doorashooyin loo dhan yahay oo dalka ka dhaca” Dhankeeda Puntland oo soo dhoweysay waxaa ay tiri “Dowladda Puntland ee Soomaaliyeed waxay soo dhaweynaysaa Warmurtiyeedyada ay soo saareen Ra’iisul Wasaaraha Xukuumadda Federaalka Soomaaliya iyo Dowladaha Galmudug iyo Hirshabelle ee xubnaha ka ah Dowladda Federaalka Soomaaliya. Sidoo kale, waxaan Dowladda Koonfur Galbeed u rajaynaynaa in ay qaataan mowqifkaas la mid ah. Dowladda Puntland waxay ka xuntahay dhacdooyinka amni darro ee ka dhacay Magaalada Mogadishu maalmihii la soo dhaafay, waxayna uga tacsiyeynaysaa cid kasta oo wax yeello ka soo gaartay, waxayna sidoo kale guud ahaan ciidamada amniga ugu baaqeysaa in ay illaaliyaan amniga iyo xasiloonida Dalka. Dowladda Puntland waxay ugu baaqeysaa dhammaan qaybaha ay quseyso in dib loogu soo laabto wada hadaladii si heshiis looga gaaro fulinta heshiiskii 17 September 2020, loona qabto doorasho ku dhacda si nabad ah, wadar oggolna ah. Madaxweynihii hore Xasan Sheekh ayaa qoray sidan “Waxaan bogaadinayaa go’aanka ay qaateen masuuliyiinta Xukuumadda, Hirshabeelle iyo Galmudug. Waxaan rajo weyn ka qabaa in ay dadka iyo dalka ka badbaadi karaan marxaladda uu ku jiro. Madaxweynihii hore Sheekh Shariif ayaa isna waxaa uu go’aankaas ka yiri “Waxaan si weyn usoo dhaweynayaa go’aanka iyo warka wadajirka ah ee ay soo saareen dowladaha Galmudug iyo Hirshabelle oo ay mowqif cad ka istaageen, kuna diideen muddo kordhintii sharci darrada ahayd. Waxaan uga mahad celinaynaa madaxda Dowladaha Galmudug iyo Hirshabelle inay nala qaateen talooyinkii iyo xaldoonkii aan in muddo ahba u jeedinaynay, waana go’aan taariikhiya oo loo qaaday dariiqa saxda ah ee dowlad dhiska Soomaaliya. Sheekh Shariif oo sii hadlaya “Waxaan markale ku celinaynaa xalka dalkan inuusan ku jirin muddo kororsi iyo xoog wax ku raadin, waxaana ugu baaqeynaa Madaxweynihii hore inuu ka laabto go’aankii khaldanaa oo miirka uu usoo noqdo, islamarkaana wadahadalkii teendhada ee uu ka baxay uu dib ugu soo laabto, si looga heshiiyo doorashada iyadoo la raacayo heshiiskii 17 september 2020. Ra’isul wasaarihii hore Cumar Cabdirashiid ayaa isna Qoorqoor iyo Guudlaawe ugu mahadceliyey go’aaka ay uga hor yimaadeen muddo kordhinta isaga oo tallaabaas ku tilmaamay mid badbaadisay xiilig, horayna u wadeysa dalka, waxaa uuna soo jeediyey in Rooble oo xukuumadda ah iyo maamul goboleedyada dalka ay hoggaamiyaan marxaladda lagu jiro. Goobjoog News Source: goobjoog.com

Komishanka Xuquuqul-insaanka S/land oo ku baaqay in la sii daayo Murashax Qaasim Saleeban Qaran News

(SLT-Hargeysa)-Madaxweynaha Jamhuuriyadda Somaliland, Mudane Muuse Biixi Cabdi, ayaa maanta xadhigga ka jaray mashaariic waaweyn oo ay dawladda Hoose ee degmada Berbera ka hirgelisay gudaha magaalada, kuwaas oo ay kamid yihiin dhismaha afar waddo oo hawlbawle ah oo kala ah Waddada Burco, waddada Dirir, waddada noobiyadda iyo istaanka basaska isaga goosha gobolada Dalka ee Berbera. Madaxweynaha Jamhuuriyadda Somaliland iyo wefti uu hoggaaminayo oo safar shaqo ku jooga gobolka Saaxil, ayaa xadhig-ka-jarista kaddib waxa ay ka qaybgaleen munaasibad lagu faah-faahinayey mashaariicda kala duwan ee ay dawladda Hoose ee Berbera magaalada ka hirgelisay, taas oo lagu qabtay gudaha hangar (Terminal) weyn oo laga dhisay duleedka istaanka basaska isaga goosha gobolada dalka ee magaalada Berbera, waxana halkaas laga jeediyey khudbado dhinacyo badan taabanaya oo salka ku haya waxqabadka dawladda Hoose ee Hargeysa. Ugu horrayn xoghayaha fulinta ee dawladda Hoose ee degmada Berbera, Mudane Cabdikariin Aadan-cadde, ayaa si qoto dheer uga warramay mashaariicda muhiimka ah ee ay dawladda Hoose hirgelisay, waxana uu hoosta ka xarriiqay inay si hagar la’aan ah ugu shaqeeyeen shacabka reer Berbera, islamarkaana hirgeliyeen mashaariic waaweyn oo la taaban karo. Duqa degmada Berbera, Mudane Cabdishakuur Maxamuud Xasan (Ciddin) oo isaguna halkaas hadal dheer ka jeediyey, ayaa ku dheeraaday waxqabaddadii ay magaalada ka hirgeliyeen, kuwaas oo ay ugu waaweyn yihiin waddooyin casri ah iyo dhismeyaal bulshada muhiim ah, islamarkaana ay kor u qaaday bilicda iyo quruxda magaalada oo muhiim u ah isu socodka dunida. Badhasaabka gobolka Saaxil, Mudane Axmed Maxamed Xaashi, ayaa isaguna dhankiisa bogaadiyey horumarka ay ku tallaabsatay dawladda Hoose ee Berbera, isagoo kula dardaarmay inay sii laban-laabaan dedaalkooda. Wasiirrada wasaaradaha Warfaafinta, dhaqanka iyo wacyigelinta, Mudane Saleebaan Yuusuf Cali koore, Qorshaynta iyo horumarinta qaranka, Mudane Xasan Maxamed Cali (Gaafaadhi), Xannaanada xoolaha iyo horumarinta kalluumaysiga, Mudane Siciid Sulub Maxamed iyo horumarinta maaliyadda, Mudane Sacad Cali Shire oo hadallada u kala dambeeyey, ayaa dawladda Hoose ee Berbera ku ammaanay mashaariicda horumarineed ee ay magaalada ka hirgeliyeen, waxana ay ku dhiirrigeliyeen inay dedaalkooda sii kordhiyaan. Madaxweynaha Jamhuuriyadda Somaliland, Mudane Muuse Biixi Cabdi oo madasha soo gunaanaday, ayaa bogaadiyey horumarka ballaadhan ee Berbera ka hirgalay, waxana uu masuuliyiinta dawladda Hoose ee Berbera iyo shacabkoodaba ku ammaanay sida ay ugu heellan yihiin horumarka gudaha iyo midka caalamiga ah ee Berbera ka socda, waxana isaga oo arrimahaas ka hadlaya uu yidhi,“ Horumarka Berbera ka socdaa waa laba, mid dawladda Hoosaa leh, midna waa maalgelinta caalamiga ah oo in Berbera la aamino ay keeneen dadka reer Berbera, haddii aanay dadka reer Berbera ahayn dad soo dhaweynaya dadka maalgaashanaya, nabad u haya, wax la qabsanaya oo ay wax ku aamin karaan, mashruuc kasta oo ay dawladdu keenta socon maayo, markaa horumarka labaad ee maanta adduunka oo dhammi Berbera ku majeeranayaa wuxuu ku yimi kalsoonida reer Berbera u muujiyeen ajaanibka maalgashanaya.” Madaxweynuhu waxa uu carrabka ku adkeeyey in horumarka Berbera ka socda ee wanaagsan ay mudan tahay in looga mahadnaqo oo loogu abaal hayo ciddii hindistay oo uu ugu horreeyo madaxweynihii hore ee Somaliland, Mudane Axmed Maxamed Maxamuud Siilaanyo,“Horumarka ka socda Berbera cid baa hindiseheeda lahayd oo ku tacabtay oo taariikhda in loo ogaado oo looga mahadnaqo ay tahay oo uu kow ka yahay madaxweyne Siilaanyo, ninka ku labeeyaana waa Sacad Cali Shire, waxana saddexaynaya shacabka ka guddoomay ee arrintaas ee la garab qabtay iyo maayarka magaalada iyo golihiisa oo iyaguna intii kaga beegnayd hawshaas ka qabtayna waan uga mahadnaqaynaa,” ayuu yidhi madaxweyne Muuse Biixi Cabdi. Madaxweynuhu waxa uu la dardaarmay bulshada ku dhaqan reer Berbera, waxana uu usoo jeediyey inay ka faa’iidaystaan bogcadda qaaliga ah ee Ilaahay ku abuuray, islamarkaana ay yeeshaan han durugsan oo gaadhsiisan heer ay kula tartamaan dunida kale ee dhiggooda ah. Ugu dambayntii, madaxweynaha Jamhuuriyadda Somaliland, Mudane Muuse Biixi Cabdi waxa uu u duceeyey dhammaanba murrashaxiinta u diyaarka ah doorashooyinka goleyaasha wakiillada iyo deegaanka ee soo socda, waxana uu usoo jeediyey in ciddii guulaysataa ku dedaasho waxqabadka dalka iyo dadka, cidii soo bixi weydaana ay dulqaad iyo aqbalaad xagga natiijada ah muujiso. Wa-Bilaahi Tawfiiq Source

Kominshanka Xuquuqul Insaanka Somaliland ayaa ku baaqay in si degdeg ah loo sii daayo musharax Qaasim Aadan Saleebaan, oo ku xidhan magaalada Hargeysa. Guddida ayaa sidoo kale ugu baaqay laamaha Dawladda in aan la xidhin Musharraxiinta ku soo baxay Liiska rasmiga ah ee guddida Doorashooyinka Somaliland. Musharax Qaasim ayaa ka sharaxan xisbiga Waddani gaar ahaan gobalka Sool Source

Cabdiraxmaan Cabdishakuur, ayaa ka digay qorshe uu sheegay inuu Madaxweyne Farmaajo la tegayo Barlamaanka Somalia, kaas oo uu xusay inuu yahay shirqool u eeg kii Saxaadda Dawladda lagaga saaray Raysal Wasaarihii hore ee Somalia Xasan Cali Khayre. Cabdiraxmaan Cabdishakuur oo ka hadlayey arrintan, ayaa yidhi “Farmaajo xalay fursad uu shacabka Soomaaliyeed ku macsalaameeyo ayaa dhaaftay. Hadalkiisu micno yari, aflagaaddo iyo ixtiraam la’aan ayuu isugu jiray. Waa nin shirqool horleh la soo maleegaya Mursal iyo 54-tii xildhibaan ee muddo kordhinta xaaraanta ah kala shaqeysay. Waa kala goyskii isaga iyo Mursal ay Kheyre ku shirqooleen. Xilliga iyo xaalkuba waa kala beddelan yahay, laakiin waallida kalitalisnimo ee Farmaajo mid dhaqanta maaha. Waxaan uga digaynaa 54ta xildhibaan ee Sabtiga la balamiyey in aysan fidno kale ka sii shaqaynin. Rooble waa in uu tillaabada la hormaraa oo uu hoggaanka qaataa, casuumadda shirka fidiyaa, oo uu saamileyda ballaariyaa, ciidanka kala qaybsanna isku soo celiyaa, amniga dalka iyo doorashooyinka la wareegaa, dawlad Goboleedyada garabka ku qabtaa, taageerada beesha caalamka kasbadaa. Go’aan sax oo aan xilligiisa laga daahin ayaa laga rabaa.” Source

Muqdisho (Caasimada Online) – Imaam Maxamed Yuusuf, oo sheegta inuu yahay Imaamka Mudulood, ayaa ka hadlay xaaladda siyaasadeed ee dalka iyo shaqaaqooyinkii u dambeeyay ee ka dhacay magaalada Muqdisho, kaasi oo u dhaxeeyay madaxda waqtigoodu dhamaaday iyo mucaaridka. Imaamka ayaa ugu horeyntii ka tacsiyadeeyay dadkii ku waxyeeloobay dagaaladii maalmihii u dambeeyay ka dhacay magaalada Muqdisho, isagoona ku baaqay in nabada la xoojiyo, ayada oo laga baaqsanayo in dalka uu galo dagaal hor leh. Waxa uu ku taliyey in la fuliyo heshiiskii 17-kii September, si dalka loo samata-bixiyo, wuxuuna soo dhaweeyay go’aankii madaxweynayaasha maamulada Galmudug, HirShabeelle iyo Koonfur Galbeed, oo ka horyimid muddo kororsigii uu meel-mariyey Golaha Shacabka. Sidoo kale waxa uu ku bogaadiyey ra’iisal wasaaraha xil-gaarsiinta in uu kaalin muhiim ah ka ciyaaray xaalada dalka, islamarkiina uu soo dhaweeyay isbedelka cusub ee ku yimid xaalada dalka, kaasi oo la filayo inuu u jiheeyo doorasho wadar ogol ah. “Madaxweyneyaashii iyo Ra’iisal wasaareyaashii hore si nabad ah ayey xilka ku wareejin jireen Madaxweynahaana kama caqli yara kamana cilmi yara waxa umadu rabtana waa yaqaanaa ee maalinta Sabtida marka uu Baarlamaanka hor tago waxsan oo umadaan anfaca afkiisa Allaha ka keeno,” ayuu yiri. “Ilaahay afkiisa waxa uu ka keenay madaxweynaha inuu hortagayo baarlamaanka, waxaan leenahay ilaahay waxsan afkiisa ha ka keeno oo doorashadaas ay waafaqaan, baarlamaanka uu ayido, oo talada Soomaaliyana ay sidaas ku toosto.” Ugu dambeyntiina waxa uu Imaamka ku baaqay in gacan laga geysto dib usoo celinta dadkii ku barakacay shaqaaqooyinkii ka dhacay magaalada Muqdisho, “Waxaan ku talinayaa dadkii xamar ka qaxay ee masaakiinta ahaa, waxaa umadda wax haysta ugu baaqayaa in dib-u-dajin loo sameeyo oo lasoo celiyo, waqtiga soon-qaadka ajar ayey leeyihiin, wey ka baxeen guryihii ijaarka ahaa ee ay ku jireen.” Hadalkaan ayaa imanaya xili uu madaxweynaha waqtigiisu dhamaaday uu xalay saqdii dhexe shaaciyey inuu ka qeyb qaadanayo in dalka uu aado doorasho, ayada oo la raacayo heshiiskii 17-kii September, islamarkaana uu go’aanka arrintaas kula laaban doono Golaha Shacabka. The post Daawo: Imaam Maxamed Yuusuf oo war kasoo saaray rabshadihii Muqdisho appeared first on Caasimada Online.

Wiil Soomaali ah oo ka mid ah Shaqaalaha Xawaalada TAAJ oo lagu dilay Dalka Maraykanka+Sababta Waxaa xalay lagu dilay xaafadda Cedar ee magaalada Minneapolis ee gobolka Minnesota wiil Soomaali ah oo ka mid ahaa shaqaalada xawaaladda TAAJ, kaddib markii koox hubeysan oo doonayay inay dhacaan xawaaladda ay toogteen. Wiilkan oo lagu magacaabi jiray Liibaan Cusman Baqarre ayaa isbitaalka loola cararay, iyadoo waxyar kaddibna lagu dhawaaqay geeridiisa. Booliska Magalaada Minneapolis ayaa sheegay inay ku raad joogaan dadkii ka dambeysay dilka Liibaan, waxaana afhayeenka booliska Minneapolis John Elder uu sheegay inay billaabeen baadhitaanka toogashadan, isagoo ka codsaday dadweynaha in haddii ay helaan macluumaad ku saabsan dadka looga shakisanyahay dilkan ay u soo gudbiyaan dambi-baadheyaasha Minneapolis. Soomaalida xaafadda Cedar oo ka xun dilkan ayaa iskugu soo baxay goobtii lagu dilay Liibaan Baqarre. Dhawaan ayay aheyd markii toogasho nunoocan oo kale ahayd lagu dilay Macallin Cabdinaasir oo mid ahaa macallimiinta dugsiga Qur’aanka ee Al-Jazari ee Masaajidka Dal-Alfaaruuq ee magaalada Bloomington gobolka Minnesota. Qaran News

Fanaanka Caanka ah ee Cawaale Aadan ayaa la sheegay In Lagu xidhay Magaaladda Djabouti, Ka dib Markii Uu Ka Hor Yimid In Marti Qaad Loo Fidiyo Fanaaniinta Sharma Boy oo si Weyn Uga Dhex Muuqday Ololaha Doorashadii Madaxtinimada Dalkaasi Ka Dhacday Dhawaan. Warkan Oo Lagu Baahiyay Telefishanka Somali American ayaa Intaas Ku Daraya In Cawaale Uu Ku Xidhan Yahay Xerada Ciidamada Jamhuurka ee Dalkaasi. Cawaale Aadan Waxa uu hore Uga soo Horjeeday Dawladda Djabouti, Hasayeeshee waxa ay U Muuqatay In La Iska Laab Xaadhay, Waxaanu Djabouti Joogay In Door ah. Halkan Hoose Ka Daawo Waraysigaas Source

Khasaaraha Dhimasho & Dhaawac ee uu koobsaday Qarax Gilgilay Muqdisho Faah faahino dheeraad ah ayaa waxaa laga helayaa khasaaraha ka dhashay qarax xoogan oo saaka aroortii hore ka dhacay agagaarka isgoyska Ex-Control Afgooye ee duleedka Muqidhsho, kaas oo geystay khasaare kala duwan. Wararka ayaa sheegaya in qaraxan loo adeegsaday gaadhi laga soo buuxiyey walxaha qarxa, kaas oo lagu dhuftay darbi ka mid ah dhismaha xerada ciidanka Asluubta Soomaaliyeed oo ku taalla halkaasi, waxaana jugta qaraxa si weyn looga maqlay qeybo ka mida caasimada. Ilo wareedyo lagu kasloon-yahay ayaa Warbaahinta u sheegay in qaraxa uu dhacay, xilli ay saf-dheer ku jireen ciidamada Asluubta ee ka howl-gala xeradaasi. Ujeedka gaadhiga sida qaraxa ayaa ahaa inuu gudaha u galo xerada ciidamada Asluubta, balse uu soo dhaafi waayay darbiga oo adkaa, sida uu sheegay sarkaal tirsan dowladda. Inta la xaqiijiyey waxaa qaraxan ku dhintay ugu yaraan sadex qof oo rayid ahaa, iyada oo ay ku dhaawacmeen todobo qof oo kale. Ma jiro weli wax hadal ah oo kasoo baxay saraakiisha laamaha ammaanka Soomaaliya oo ku aadan qaraxaasi, balse waxaa haatan socda baadhitaano dheeraad ah. Halkan ka Daawo Muqaalka Qaraxa:- Maalmihii lasoo dhaafay ayaa waxaa Muqdisho oo ay ka jireen dhaq-dhaqaaqyo ciidan ka dhacayey falal liddi ku ah amniga, sida qaraxyo iyo sidoo kale dilal qorsheysan. Qaran News

Madaxweynihii hore ee Soomaaliya Maxamed Cabdullahi Farmaajo ayaa u muuqdo inuu u hoggaansamay cadaadiska ka dhashay dagaalka ka dhanka ahaa muddo kordhinta isaga oo sheegay inuu ka laabanayo muddo kordhinta, diyaarna u yahay heshiiskii September 17. Farmaajo inuu sidasi sameeyey waxaa kusoo aaday xilli saacado kahor ay markabka uga boodeen maamul goboleedyada Galmudug iyo Hirshabelle iyada oo raacay ra’isul wasaaraha xil gaarsiinta, waxaa kale uu wajahay cabsida ah cunaqabateyn ay ugu hanjabay Mareykanka. Madaxweynaha hore oo hadlayey waxaa uu sheegay inuu sabtida hortagi doonno golaha shacablka, waana tallaabo kale uu golahaasi gacanta ugu jira uu uga ka dhaadhicin doono iney laalaan muddo kordhin uu 12-kii bishan ku qasbay. Marka laga soo tago, inuu Farmaajo eedeyn iyo ismoogeysiis khudbad ah jeediyey hadana waxaa uu ku celiyey in September 17 lagu noqdo shuruud la’aan. Waxaa xusid mudan in aaney wax dhibaato ah ka jirin September 17, ee waxa la isku heystay ay aheyd maamul goboleedyada oo lahaa hala furo heshiiskaas iyo Farmaajo oo ku adkeysaney in sidiisa lagu qaato. February, shirkii Dhuusamareeb 4, maamul goboleedyada Puntland iyo Jubbaland waxaa ay hor dhigeen ilaa 3 qodob oo kala ahaa: (1). Arrinta Somalinad (2). Guddiga doorashada lagu muransanyahay (3). Gedo. Farmaajo waxaa uu isku dhejiyey Gedo taasi oo keentay inuu shirka kasoo cararo. April, shirk a dhacay Teendhada Afrisyooni, waxaa ay maamul goboleedyada ku dareen shuruudo cusub oo ay ugu muhiimsanaayeen: (1). Awoodaha Farmaajo (2). Amniga doorashada (3). xil ka qaadista taiyeyaashii qaska wada (4). Ka qeybgalka musharaxiinta. Mar kale shuruudahaas dartood ayuu Farmaajo shirka uga baxay. Hadda, shirka May ka filayo, dagaallo ka dhacay Muqdisho, askar gadoodday, dhexdhexaadinta midowga Afrika iyo arrimaha cusub waxaa ay horseedi karaan shuruudo cusub, taasi oo haddii uu Farmaajo diido keeni karta burbur cusub oo wada haddalada la qorsheynayo ah. Goobjoog News Source: goobjoog.com

Muqdisho (Caasimada Online) – Ra’iisul wasaaraha xilka sii-haya Mudane Maxamed Xuseen Rooble oo soo saaray qoraal kooban ayaa markale kaga hadlay xaaladda adag ee magaalada Muqdisho, isaga oo farrin culus u diray shacabka iyo ciidamada ammaanka. Rooble ayaa ugu baaqay dadkii shacabka ahaa ee ka barakacay guryahooda inay dib ugu soo laabtaan caasimada, maadaama xiisadii taagneyd xal laga gaaray. “Waxaan ugu baaqayaa dadkii ku barakacay qalalaasihii maalmahan ka jiray Muqdisho in ay guryahooda ku soo laabtaan,” ayuu yiri Ra’iisul wasaare Maxamed Xuseen Rooble. Sidoo kale wuxuu amray ciidamada ammaanka inay shacabka u fududeeyaan in ay guryahooda iyo ganacsiyadooda ku soo noqdaan. Ra’iisul wasaaraha oo hadalkiis sii wata ayaa tilmaamay inay ka go’an tahay xukuumaddiisa in la helo nabad iyo xasilooni buuxda, si dalkan ay uga dhacdo doorasho wadar ogol ah “Ciidammada waxaan farayaa in ay shacabka u fududeeyaan in ay guryahooda iyo ganacsiyadooda ku soo noqdaan. Waxaa naga go’an in shacabkeennu helo nabad iyo xasillooni,” ayuu sii raaciyey ra’iisul wasaaruhu. Hadalkan ayaa ku soo aadayo, iyada oo haatan ay degan tahay xaaladda magaalada Muqdisho, kadib markii shalay ra’iisul wasaaraha uu shaaciyey in la aado doorashooyin xor iyo xalaala, si dalka loo bad-baadiyo, loogana hortego in la-galo qalalaase iyo fowdo horleh. The post ROOBLE oo farriin u diray ciidamada iyo shacabkii ka barakacay Muqdisho appeared first on Caasimada Online.

Xoghaye Cabdiqani Cabdiraxmaan Geesa-weyne Wasiirka Arrimaha gudaha Puntland, Maxamed Cabdiraxmaan Dhabancad, ayaa maanta xoghaye cusub u magacaabay degmada Gaalkacyo, sida ku cad dikreeto ka soo baxday Xafiiskiisa. Wasiir Dhabancad, ayaa xoghayaha cusub ee Gaalkacyo u magacaabay, Cabdiqani Cabdiraxmaan Faarax (Geesa-weyne), sida lagu sheegay dikreetad uu soo saaray Wasiirka. Mr Dhabancad, ayaa sidoo kale ku amray maamulka Gobolka Mudug iyo kan degmada Gaalkacyo, in ay fuliyaan dhaqan-gelinta magacaabidda xoghayaha cusub. PUNTLAND POST The post Wasiir Dhabancad oo xoghaye cusub u magacaabay degmada Gaalkacyo appeared first on Puntland Post.

MOGADISHU (HOL) - Popular Somali songstress and actress Haredo Ismail aka Duniyo whose voice ruled the airwaves on Radio Moqdisho has died. Source: Hiiraan Online

MOGADISHU (HOL) - Popular Somali songstress and actress Haredo Ismail aka Duniyo whose voice ruled the airwaves on Radio Moqdisho has died. Source: Hiiraan Online

Ra’isul wasaaraha xukuumadda xil gaarsiinta Maxamed Rooble ayaa ugu baaqay dadkii ku barakacay dagaalladii Muqdisho iney kusoo noqdaan guryahooda. Qoraal uu goordhow soo dhigay bartiisa Facboogga ayaa lagu yiri “Waxaan ugu baaqayaa dadkii ku barakacay qalalaasihii maalmahan ka jiray Muqdisho in ay guryahooda ku soo laabtaan”. Dhanka kale, waxaa uu Rooble ciidamada ku amray iney arrintaas fududeeyaan “Ciidammada waxaan farayaa in ay shacabka u fududeeyaan in ay guryahooda iyo ganacsiyadooda ku soo noqdaan. Waxaa naga go’an in shacabkeennu helo nabad iyo xasillooni”. Goobjoog News Source: goobjoog.com

Warar dheeraad ah ayaa ka soo baxaya qarax khasaaro geystay oo ka dhacay Afaafka hore ee Xarunta Taliska guud ee Ciidamada asluubka Soomaaliyeed. Illa iyo hadda inta la xaqiijiyay waxaa ku geeriyoodey 10 qof halka in ka badan 10 kale uu dhaawac ka soo gaaray qaraxa. Dad goobjoogeyaal ah oo la hadlay Goobjoog News ayaa sheegay in laga maqlay dhawaqiisa xaafadaha degmooyinka ka agdhaw Ex-control Afgooye. Dadka qaraxa ku wax yeelobay ayaa isugu jir Askar iyo dad shacab ah, dadka ku dhaawacmay ayaana la geeyay goobaha caafimaadka ee magaalada Muqdisho. Qaraxan ayaana ahaa mid gaari laga soo buuxiyay waxyaabaha Qarxa. Goobjoog News Source: goobjoog.com

Ra’iisul wasaaraha xukuumadda Federaalka Soomaaliya, Maxamed Xuseen Rooble ayaa ugu baaqay dadkii ku bara-kacay qalalaasihii magaalada Muqdisho, in ay dib ugu noqdaan guryahooda, kadib la xalliyay xiisaddii siyaasadeed. War kooban oo ka soo baxay xafiiska Ra’iisul wasaare Rooble, ayaa loogu baaqay shacabka bara-kacay in ay guryahooda ku laabtaan, maadaama xal nabadeed loo helay colaaddii jirtay ee ka dhalatay mudda kordhinta dowladda. “Waxaan ugu baaqayaa dadkii ku barakacay qalalaasihii maalmahan ka jiray Muqdisho in ay guryahooda ku soo laabtaan.” Ayuu yiri Rooble. Ra’iisul wasaaraha ayaa sidoo kale Ciidamada dowladda amar ku siiyay, in ay shacabkii bara-kacay u fududeeyaan sidii ay guryahooda iyo ganacsiyadooda ugu laaban lahaayeen, isagoo xusay in dowladda ay ka go’antahay in la helo nabad iyo xasilooni. “Ciidammada waxaan farayaa in ay shacabka u fududeeyaan in ay guryahooda iyo ganacsiyadooda ku soo noqdaan. Waxaa naga go’an in shacabkeennu helo nabad iyo xasillooni.” Ayuu sii raaciyay Ra’iisul wasaare Rooble. PUNTLAND POST The post Rooble: Shacabkii qalaasaha Muqdisho ku bara-kacay guryahooda haku laabtaan appeared first on Puntland Post.

Ismoogaysiis iyo ila meerayso ayay ahayd khudbadii Farmaajo xalay jeediyay. Kumana soo hadalqaadin dhibaatada ka taagan magaalada Muqdisho iyo qalalaasaha siyaasadeed iyo midka amni uu dalka geliyay. Tusaale: 1. Sooma hadalqaadin ku darsigii xaaraanta ahaa iyo xukun boobkii uu ku kacay 12-kii bishan Abriil 2021. 2. Kama garaabin, umana tacsiyeen shacabkii dhiigooda uu daadiyay, guryahoodana ka barakiciyay iyadoo bil Ramadaan lagu jiro. 3. Wuxuu iska indhotiray fidnada uu ka dhex abuuray ciidamada qalabka, isagoo kala qaybiyay kadibna qoryo isugu dhiibay. Mana jiro maanta askari askari kale aaminaya iyo sarkaal laga amar qaadanayo, qof walibana wuxuu miciin bidday qorigiisa iyo qabiilkiisa. 4. Sidoo kale ma sheegin sida xal loogu heli karo ismariwaaga siyaasadeed ee maanta taagan, kumana baaqin wadatashi iyo dib-u-heshiisiin siyaasadeed oo dalka lagu samatabixinayo. 5. Isku soo wada duuboo ujeedka Farmaajo wuxuu ahaa ii dheh siyaasadeed uu waqti ku iibsanayo si uu diyaar garoobo isla markaasna isaga yareeyo cadaadiska ciidan ee dulsaaran iyo goodiska beesha caalamka ku hayso. Ugu dambeyntii waxaan ku baaqayaa inaan heeganka laga bixin inta ninkaan jid iyo jiho diidka ah dalka iyo dadka laga badbaadinayo. Lagana hubiynayo in dalku doorasho aaday. Hon. Mahad Salad Source: goobjoog.com

(SLT-Hargeysa)-Booliiska Somaliland ayaa markii ugu horraysay ka hadlay murashaxiin maalmihii la xidhxidhay iyo kuwo la sheegay in lagu daba jiro oo la baacsanayo Warbixin lagu daabacay boga Facebook ee ciidanka booliiska ayaa lagu yidhi ***Bismilaahi Raxmaani Raxiim *** Ciidamadda Booliska Jamhuuriyada Somaliland Waxay Bulshadda u caddaynayaan arrimahan hoos ku qoran: Waxaa ka soo baxay Tartamayaasha Doorashada u taagan qaarkood fal-danbiyeedyo iyo Eedo Booliska soo gaadhay Afartankii maalmood ee u dambeeyay, waxaana Eedahaas ka mid ah; In Murashixiinta qaarkood ay sitaan Shahaadooyin Foojari ah oo ay u samaysteen sifo sharciga baal marsan iyo arrimo kale, Taasi oo markii uu Boolisku baadhis qoto-dheer ku sameeyay ay u cadaatay in Sharciga lagu gefay oo ay dembiyo dhaceen foojirina ay sameeyeen xubnaha eedaysanayaasha ahi sida ku cad qodobada sharciga ah ee kala ah 371,373,iyo 375 Ee Xeerka Ciqaabta Guud. Baadhis dheer ka dib waxa ay Boolisku Xeer Ilaalinta iyo Maxakamadaha Dalka hor geeyeen caddaymo ku filan in dambiyadaasi kor ku xusani dhaceen, taas oo qayb ka mida ah garnaqsighoogu uu dhamaad ku dhaw yahay oo uu Maxkamadaha Dalka ka socdo, dacwadaha qaybo ka mid ahina ay imika bilow yahiin, sida Eeda Dacwada loo haysto Murashaxa magaciisa la yidhaa Qaasim Cali Odowaa oo sedexdii cisho ee u dambeeyay ku xidhan saldhiga dhexe Ee Magaalada Hargeysa. Maxkamada iyo Xeer ilaalinta waxaanu hor gayn doonaa caddaymo ku filan fal-dambiyeedka loo haysto murashaxaas. Dhamaan muwaadiniinta xidhan waxa uu Boolisku Xadhigooda u maray sifo Sharci ah oo loo maray Waaran Maxkamadeed. Waxaa wanaagsanaan lahayd in dadka leh khalad ayaa cid lagu xidhay ay ka war-sugaan Natiijada Maxkamada, ama ay ka qayb galaan Dhagaysiga Garnaqsiga Maxkamada oo cid kasta u furan inay dhegaysato. Waxa kale oo aanu Shacbiga reer Somaliland u caddaynaynaa in Boolisku uu ku daba-jiro Eedaysanayaal kale oo ay ka mid yihiin; 1. Murashaxad Kubrra Xasan Maxamuud oo Xisbiga Waddani uga sharraxan Gobolka Togdheer. 2. Murashaxad Canab Cabdi Aw Xirsi oo Xisbiga UCID uga sharaxan Gobalka Sool, Labadaas Xubnood oo Boolisku u hayo Waaran Maxkamadeed waxaanu faraynaa kuna adkaynaynaa in ay Hay’addaha Amniga u tagaan oo ay iska difaacaan Eedaha loo haysto, haddiise ay u tagi wayaan sifo Sharciga Waafaqsan ayuu Boolisku usoo qaban doonaa si loogu oogo Eedaha Dembi ee loo haysto oo Maxkamada loo hor geeyo. Waxa kale oo aanu Bulshada reer Somaliland la socod siinaynaa in Boolisku uu ku daba-jiro baadhisna uu ku wado Eedaysanayaal kale oo marka baadhistooda la soo afjaro uu Boolisku u gudbin doono Xeer Ilaalinta Qaranka iyo Maxkamada Dalka. Boolisku waxa uu u marayaa Sifo Sharci ah cid kasta oo lagu soo eedeeyo inay Fal-dambiyeed ku kacdo Xilka uu doono ha hayo, ama Xisbiga uu doono haka tirsanaadee. Cidii Boolisku u helo caddayn buuxdana waxaanu u gudbin doonaa Xeer-ilaalinta iyo Maxkamadaha Awwooda u leh. Baadhista uu Boolisku imika gacanta ku hayaa waxay la xidhiidhaa Fal-dambiyeedyo Foojari ah oo ay ku kaceen qaar ka mid Tartamayaasha qaarkood ee u sharraxan Doorashada Golaha Wakiilada iyo Golayaasha Deegaanka ee Dalka ka dhici doonta 31 May 2021. ALLAA MAHAD LEH Xafiiska Warbaahinta Ciidanka Booliska Jamhuuriyada Somaliland. Source

MUQDISHO : MAYA MAYA KELI-TALISNIMO DAMBE MAYA Ma waxan idhaahdaa “ haddaan hooyaa mise Bacaluul Isqaaday?” Farmaajo miskiin! Waxa la yidhi NIN AAN KUU FURI DOONIN YAANU KUU RARIN. Farmaajo may jebin mucaaridku ee waxa jebiyay kuwii reer Muqdisho ama Mogadishu Clan ee laabta u garaacayay ee ku lahaa ku soco annaga ayaad dhabtayda ku hurudaaye. Muddo kordhinta uu keligii ku dhawaaqay way cadayd in ay ahayd keliya IS-DELDELAAD SIYAASADEED Waayo intii ka horaysay go’aankan kubadda isaga ayaa watay hadii doorasho uu qaban lahaana may jirin cid uga dhawayd in uu ku guulaysto. Hadda inteeduu ku sugay oo Vila Somalia ayuu go’doon ku yahay Muqdishona way ka badbaaday dagaal sokeeye laga bilaabo caawa. Markaa Bacaluul isqaaday aniguna haddaan hooyaa waayo Somalia way ka badbaaday in mar kale ay gacanta u gasho digtaytar oo reer Muqdisho ayaa cod dheer ku yidhi MAYA MAYA KELI-TALISNIMO DAMBE MAYA W/Q Cali Maxamed Yuusuf (Cali Guray) Source

(SLT-Hargeysa)-Booliiska Somaliland, ayaa sheegay in ay xidheen askari, uu muuqaalkiisu baraha bulshada ku baahay isagoo gabadh gacan u qaadaya. Warbixin lagu daabacay boga Facebook ee ciidanka booliiska, ayaa lagu sheegay in gabadha uu askarigu gacanta u qaaday ay ahayd gabadh Oromo ah. Booliiska ayaa sheegay in dhacdadani ay dhacday xili ay ciidanka booliisku ku guda jireen howlgal dadka bilaa sharciga ah lagu mastaafurinayay. Booliiska ayaa sheegay madama oo sida uu askarigu uga falceliyay arrinka gabadha anay wanaagsanayn askarigii la xidhay isla markaana sharciga la marin doono. Warbixinta ayaa lagu yidhi “Bismilaahi Raxmaani Raxiim Ciidanka Booliska Somaliland waxa uu Bulshadiisa Xariirta ah Ee wada shaqaynta Fiican ka dhaxayso u bayaaminayaa Arinta ilaa maanta social meida ku jirta ee askariga gabadha gacanta u qaaday in gabadhaasi ahayd gabadh Ethiopian (Oromo) Wakhtigan oramada dalka waa laga mastaafuriyaa askarigaas oo shaqadiisa ku jiraa waxa uu bilaabay in uu nin qaba gabadhan askarigu gacanta u qaaday ay qabtaan, intaa ka dib gabadha iyo koox kale oo wadato ayaa gacan ka hadal bilaabay faro saarayna askarigaasi dhibtuna taas ayaa ka timi. Askarigu hawshiisa siduu u wajahay oo khaldanayd awgeed wuu xidhanyahay Talaabada ku habaana waa laga qaadi. Ciidanku waxay dadwaynaha ka Codsanayaan in ay gacan ku siyaan qabashada dadka sharci darada ku jooga Dalka. ALLE MAHAD LEH” Source

(SLT-Hargeysa)-Guddoomiyaha xisbiga UCID Faysal Cali Waraabe, ayaa shacabka iyo ciidanka reer Muqdisho ku hambalyeeyay kacdoonka ay kaga soo horjeedeen muddo korodhsiga dowlada madaxweyne Farmaajo. Guddoomiyaha oo aad ugu riyaaqay in lasoo afjaro muddo kordhintii dowlada Farmaajo ayaa yidhi “waxan hambalyaynaynaa saraakiisha iyo ciidanka Muqdisho ee ka dhiidhiyay wixii laynagu hayn jiray”. “waxanu leenahay Muqdisho ma toostay heeryadiina ma tuurtay, Farmajana ma tuurtay baanu leenahay” Guddoomiyaha ayaa sheegay in shacabka reer Muqdisho ay hore ugu hiiliyeen shacabka Somaliland. “Waxanu leenahay hambalyo hambalyo, anaga reer Muqdisho waa kuwii noohiiliyay, kuwayaga kalkaase Farmaajo u hiiliyayna nooso dhiiba halkan ayaanu maxkamad ku saaraynaaye” ayuu yidhi Faysal. Guddoomiye Faysal, ayaa kamid ahaa dadka aadka uga soo horjeeday dowlada madaxweyne Maxamed Cabdillaahi Farmaajo. Source

Muqdisho (Caasimada Online) – Xildhibaan Mahad Salaad oo ka tirsan mudanayaasha golaha shacabka, gaar ahaan kuwa mucaaradka ayaa ka fal-celiyey khudbadii uu xalay jeediyey madaxweynaha waqtigiisu dhammaaday, isaga oo kusoo koobay illaa 5 qodob. Mahad Salaad ayaa shaaca ka qaaday in madaxweynaha uusan khudbaddiisa kusoo hadal qaadin dhibaatada ka taagan magaalada Muqdisho iyo qalalaasaha siyaasadeed ee dalka. Sidoo kale wuxuu intaasi kusii daray in ujeedka Farmaajo uu ahaa ii dheh siyaasadeed oo uu waqti ku iibsanayo, sida uu hadalka u dhigay. Xildhibaan Mahad Salaad ayaa sidoo kale ugu baaqay xubnaha mucaaradka inay heegan ku sii jiraan, inta laga hubinayo in dalku aaday doorashooyin madax banaan. Halkan hoose ka aqriso:- Ismoogaysiis iyo ila meerayso ayay ahayd khudbadii Farmaajo xalay jeediyay. Kumana soo hadalqaadin dhibaatada ka taagan magaalada Muqdisho iyo qalalaasaha siyaasadeed iyo midka amni uu dalka geliyay. Tusaale: Sooma hadalqaadin ku darsigii xaaraanta ahaa iyo xukun boobkii uu ku kacay 12-kii bishan Abriil 2021. Kama garaabin, umana tacsiyeen shacabkii dhiigooda uu daadiyay, guryahoodana ka barakiciyay iyadoo bil Ramadaan lagu jiro. Wuxuu iska indhotiray fidnada uu ka dhex abuuray ciidamada qalabka, isagoo kala qaybiyay kadibna qoryo isugu dhiibay. Mana jiro maanta askari askari kale aaminaya iyo sarkaal laga amar qaadanayo, qof walibana wuxuu miciin bidday qorigiisa iyo qabiilkiisa. Sidoo kale ma sheegin sida xal loogu heli karo ismariwaaga siyaasadeed ee maanta taagan, kumana baaqin wadatashi iyo dib-u-heshiisiin siyaasadeed oo dalka lagu samatabixinayo. Isku soo wada duuboo ujeedka Farmaajo wuxuu ahaa ii dheh siyaasadeed uu waqti ku iibsanayo si uu diyaar garoobo isla markaasna isaga yareeyo cadaadiska ciidan ee dulsaaran iyo goodiska beesha caalamka ku hayso. Ugu dambeyntii waxaan ku baaqayaa inaan heeganka laga bixin inta ninkaan jid iyo jiho diidka ah dalka iyo dadka laga badbaadinayo. Lagana hubiynayo in dalku doorasho aaday. Hon. Mahad Salad The post Mahad Salaad: Ujeedka Farmaajo wuxuu ahaa ii dheh siyaasadeed appeared first on Caasimada Online.

(SLT-Muqdisho)-Bishii february sannadkii 2011 oo hadda laga joogo 10 sanno ayuu hoggaamiyihii muddada dheer kasoo talinayey Masar, Maxamed Xusni Mubarak soo jeediyey khudbad si weyn loola yaabay xili kacdoonka looga soo horjeedo uu meel xun marayey isagoo ku go’adoonsan Madaxtooyadiisa. Mubarak oo la filayey inuu is-casili doono ayaa soo jeediyey khudbad muddo dheer la sugayey, balse halkii laga filayey inuu is-casilo ayuu sheegay inuu sameyn doono isbedalo oo dastuurka furi doono, wuxuuna ku dooday in “dalal Shisheeye” ay kasoo horjeedaan, xili Millatariga waddankaasi oo uu isku haleenayey inay xilka kusii hayaan ay qaateen go’aan ah inay awoodda kala wareegaan iyagoo difaacanaya dhaqaalihii ay ciidammadu ka heli jireen Maraykanka. Madaxweynaha wakhtigiisa Dhammaaday Maxamed Cabdullahi Farmaajo oo aan lahayn balaaqadii Muabaarak ayaa isaguna xalay khudbadiisii sida weyn loo sugayey la filayey inuu xilka iska casili doono, ama awoodiisa dastuureed dhimi lahaa maadaama xiligii dastuuriga ahayd ka dhacdey, mar haddii Raysal wasaarihiisa iyo maamuladii uu ku tashanayey ay kasoo horjeesteen Muddo korodhsigii sharci darrada ahaa oo ay ku dhawaaqeen koox ka tirsan Xildhibaanada golaha Shacabka. Qaxiye (Bara-kiciye) Farmaajo? Farmaajo ayaan khudbadiisa haba yaraatee aan kusoo qaadan khasaarihii xiisadihii ka dhashay muddo korodhsigii ay ku dhaqaaqeen isaga iyo kooxda taageersan oo keentay iska horimaadyo hubeysan oo uu dhiig ku daatay, una horseeday shacabka Muqdisho inay isaga qaxaan xaafadaha ku dhaw xarunta Villa Soomaaliya. Ma doonayo inaan noqdo Qaxiye (Barakiciye) ayuu yidhi, isagoo dareensan dhawaaqii kasoo yeedhayey shacabka degan xaafadaha Hodan iyo Hawl-Wadaag oo guryahooda isaga barakacay, kuwaasi oo ku eedeeyey Madaxweynaha xilkiisa dhammaaday inuu sababay in xaaladdu halkaasi gaadho. Collective punishment (Ciqaab wadareed) Waxaa usii dheer in Villa Soomaaliya korontadii iyo Biyihii ka jartay xaafadaha Hodan iyo Hawl-Wadaag tilbaadaasi oo u eeg mid lagu cunaqabateenayo shacabka xaafadahaasi ku nool ee taageerada u muujiyey xoogaga kasoo horjeeda Farmaajo oo hadda ku sugan meel aan ka fogeyn Madaxtooyada. Falkan oo loo yaqaan Collective punishment ayaa ah fal ka dhan ah Xaquuqul Insaanka, waxaana ka yaalla xeerar caalami ah. Maaha markii ugu horreysay oo uu Farmaajo biyaha iyo korontada ka jaro dhinacyada kasoo horjeeda, wuxuu sidan biyaha iyo Koronatada uga jartay Guddomiyaha Golaha Shacabka Maxamed Mursal sannadkii 2018, kadib markii xildhibaano mooshin ka keeneen Farmaajo. Maxamed Farmaajo oo Golaha Shacabka xilligaasi wixii ka dambeeyey ka dhigtay aalad uu si gaar ah danihiisa ugu isticmaalo ayaa sheegay inuu Sabtida soo socota markale hortagi doono Golahaasi wakhtigiisii dhamaaday. Farmaajo ma sidii Khayre u riday buu damacsan yahay inuu u rido Rooble oo isaguna ka horyimid qar iska tuurka Farmaajo ee xil korodhsiga? Fashilinta Wadahadalka iyo Dagaal hurinta! Farmaajo oo lagu sheego “Tanaasul-badanaha aan weligiis Tanaasulin” ayaa ka faa’iideysan waayey dhammaan fursadihii soomaray laga soo bilaabo wadahaladadii Dhuusamareeb illaa iyo Teendhadii Afisyoone, isagoo ka doorbiday inuu awood ciidan u adeegsado dhinacyada kasoo horjeeda gaar ahaan murashaxiinta ku sugan caasimada Soomaaliya. Tiro ciidamo ah oo uu shalay ka keenay magaalooyinka Baydhabo, Dhuusamareeb iyo Beledweyne ayuu ka rajo qabaa inay gacan kasiiyaan culeyska ciidan ee uga yimid ciidamada kasoo horjeeda xukunkiisa oo hada ku hareeraysan xaafada uu degan yahay. Madaxweynayaasha Puntland iyo Jubaland waxay Muqdisho fadhiyeen 40 maalmood, si loo aado doorasho loo dhan yahay la isla oggol yahay, haddii heshiiskii 17 Sept sidiisa lagu saxeexi lahaa ma intaas ayey u fadhin lahaayeen. Waxaas oo dhan waxaa isku fuuqsadey Farmaajo oo ciyaaray kaadhkiisi ugu dambeeyey ee ahaa muddo korodhsi, iyada oo weli shirkii teendhadu furan yahay, maxaa u diidey in uu muddo korodhsigiisa ku socdo haddii ay u meel mareyso. Maxamed Cabdullaahi Farmaajo ma waxaa laga sugaayey in uu yidhaahdo shir hala isugu yimaaado lagu saxeexi 17 Sept 2020, miyaanu ogeyn in heshiiskaasi saxiixan yahay ee waxa la isku hayaa yahay muddo xileedkiisa dhammaadey iyo awoodaha uu sida khaldan u isticmaalayo, mise waxaa laga sugaayey in uu ka hadlo Ka noqoshada 12 Abril In uu awoodiisa qeexo In awoodda doorashada iyo amniga ku wareejiyo Raysal wasaare Rooble ama in uu is-casilo Mudaaharaad lagu soo dhaweeyey khudbadii lagu hungoobey Xaafadaha magaalada Muqdisho ayey xalay markale ka dhaceen mudaharaadyo shacabka dhigeen oo looga soo horjeedo xukunka Farmaajo xili ay ciidamada kasoo horjeeda hogaamiyahaasi wakhtigiisa dhammaaday ay dhufeysyo cusub ka qoteen qeybo kamid ah waqooyiga magaalada Muqdisho. Gebagebo Ma mudna in Farmaajo lagu tilmaamo Madaxweynihii hore ee Masar oo ahaa nin ka talinayey dowlad heysata ciidammada ugu badan Afrika iyo waliba dhaqaale ku filan, hase yeeshee Macangagnimada Kalitaslinimadu waxay ku bidaa inaad damacdo si kasta oo aad xukunka ku joogi kartid inaad fasho xataa haddii uu dhiig badan ku daadanayo. Source