Road-map to End Transitional Government is on Track

[xiinfaniin]

Wasiirka Arrimaha Afrika ee Dalka Britain, Henry Bellingham oo Axaddii booqday Magaalada Muqdisho

 

Talaado, Maarso 27, 2012 (HOL) — Wasiirka arrimaha afrika ee dalka Britain, Henry Bellingham ayaa Axaddii booqdey Muqdisho, kaddib markii ay hal bil kasoo wareegtay shirkii Soomaalida loo qabtay ee ka dhacay magaalada London.

 

Mr. Bellingham ayaa sheegay inuu aad ugu faraxsan yahay inuu booqdo Muqdisho kaddib markii ay hal bil kasoo wareegatay shirkii London loogu qabtay Soomaalida, kaasoo uu soo qabanqaabiyay ra'iisul wasaaraha Britain, David Cameron.

 

"Dowladda Ingiriisku waxaa weli ka go’an inay dadka Soomaaliyeed gacan ka siiso dhisidda nabadda iyo deggenaanshaha dalkooda. Sidaa daraaddeed aad bay muhiim u tahay inaan aragno inuu horumar sameynayo geeddi-socodka dastuurka, gaar ahaan golaha ta’siisiga ah ee Qaranka (The National Constituent Assembly), si markaa ay ku-meel-gaarnimadu u dhammaan karto bisha Agoosto" ayuu Bellingham yiri.

 

Wasiirka oo sii hadlaya ayaa wuxuu yiri: "Waxaan dhammaan saxiixayaasha Roadmap-ka ku dhiirri-gelinayaa inay gacmaha is-qabsadaan oo la shaqeeyaan bulshada rayidka ah iyo hoggaamiye-dhaqameedyada si loo hubiyo in goluhu uu noqdo mid intii suuragal ah matalaya dadka oo dhan."

 

Mr. Bellingham ayaa la kulmay wakiilka gaarka ah ee xoghayaha guud ee Qaramada Midoobey, danjire Augustine Mahiga, taliyaha ciidanka AMISOM Jen. Fred Mugisha, duqa Muqdisho, Maxamed Axmed Nuur, wakiir-ku-xigeenka arrimaha dibadda DKMG, Cabdinuur Sheekh Ibraahim Rooble iyo wakiillo ka socda ururrada haweenka. Waa Wasiirkii British (Ingiriis) ah ee ugu horreeyey ee booqda Muqdisho tan iyo markii la qabtay shirkii London.

 

Kulankii uu Bellingham la qaatay wakiilka xoghayaha guud ee Qaramada Midoobay, Mahiga ayaa waxay uga hadleen baahida deg-degga ah ee loo qabo in horumar laga sameeyo geeddi-socodka siyaasadda si loo hubiyo in lagu socdo heshiiska KMG-da looga baxayo bisha Ogoosto ee sannadkan, isagoo ballanqaaday in dowladda UK ay arrintaa gacan ka geysan doono.

 

Waxaa ay sidoo kale labada mas'uul kawada hadleen muhiimadda weyn ee ay leedahay in golaha ta’siisiga ee Qaranka (The National Constituent Assembly) uu sida ugu weyn ee suurogalka ah uu u ahaado mid ay u dhan yihiin oo matalayaan dhammaan dadka Soomaaliyeed. Kaddib markii ay kulan la qaateen Mr. Bellingham goor hore oo Axaddii ah wakiillo ka socdey ururrada haweenka Soomaaliyeed iyagoo wixii ay kawada hadleen ku sheegay inay yihiin arrimo fududeyn kara in la xalliyo in maamulka siyaasadeed dowladda soo socota ee xigta midda hadda jirta.

 

Mr. Bellingham wuxuu duqa Muqdisho ka dhegeystay horumarka laga sameynayo xasilinta magaalada iyo sida bulshada caalamku ay gacan uga geysan karto dadaallada socda. Wuxuu sidoo kale ku dhawaaqay in Ingiriiska ay ku bixinayso £1.5 milyan oo giniga Ingiriiska ah 12-ka bilood ee soo socota mashaariicda natiijooyinka deg0degga ah si loogu horumariyo nabadda Muqdisho.

 

Taliyaha AMISOM ayaa Mr. Bellingham warbixin kooban ka siiyay fasaxii uu qaraarkii golaha ammaanka ee Qaramada Midoobey siiyay AMISOM iyo qorshayaashooda ku aaddan inay dibadda uga baxaan Muqdisho.

 

"Waxaa sidoo kale doonayaa inaan fursaddan uga faa’iideysto in ammaan u jeediyo ciidamada AMISOM ee weli naftooda ku bixinaya sidii loo heli lahaa Soomaaliya oo nabad ah. Waxaan ku faraxsanahay inaan la kulmay Jen. Mugisha si aan ugala hadlo muhiimadda uu leeyahay qaraarka cusub golaha ammaanka kaasoo waajibinaya taageero dheeri ah oo la siiyo ciidamada AMISOM ee tiradooda la kordhiyay," ayuu yiri wasiirka arrimaha Afrika ee Britain.

 

Mr. Bellingham wuxuu sidoo kale dadka Soomaaliyeed uga tacsiyeeyay geeridii ku timid madaxweynihii hore, Cabdullaahi Yuusuf Axmed oo dalka Imaraadka ku dhintay 23-kii bishii Maarso.

 

Maxamed Xaaji Xuseen, Hiiraan Online

maxuseen@hiiraan.com

Muqdisho, Soomaaliya

[xiinfaniin]

Warmurtiyeed kasoo baxay Shir ka dhacay Gaalkacyo oo looga hadlay Meel-Marinta Heshiiska Roadmap-ka

 

Talaado, Maarso 27, 2012 (HOL) — Shirkii wadatashiga saxiixayaasha Soomaaliyeed ee barnaamijka dhameystirka xiliga kala guurka ah ayaa shalay oo bishu ay ahayd 26-ka Maarso, 2012 lagu qabtay magaalada Galkacayo ee xarunta gobolka Mudug.

 

Shirka waxaa marti-galiyey dowlada Puntland waxaana fududeeyay xafiiska ergeyga gaarka ah ee Qaramada Midoobey u qaabislan arimaha Soomaaliya.

 

Kulanka ayaa waxaa ka qaybgalay saxiixayaashii geeddi-socodka dhameystirka xilliga kala-guurka ah ee Soomaaliya oo ka kala socday: dowladda KMG, Puntland, Galmudug iyo Ahlusunna Waljamaaca iyo danjire Augustine Mahiga.

 

Qodobbadii shirkaas kasoo baxay ayaa waxay kala ahaayeen:

 

1. In la dardar-galiyo dhameystirka barnaamijka xiliga kala guurka ah, heshiiyadii geedi-socodka iyo mabaa'diida Garoowe kow iyo Garoowe laba .

2. In la dedejiyo xulushada xubnaha ka mid noqonaya golaha ansaxinta dastuurka oo shuruudahoodu ku cad yihiin go'aamada Garoowe kow iyo laba, waxaana la isla gartay in loosoo xulayo xubnaha shirweynaha la yareeyo si ay ugu sahlanaato wax qaybsiga 4.5 ee lagu heshiiyay.

3. Tirada golaha ansaxinta dastuurka oo lagu go'aamiyay shirkii Garoowe laba oo ahayd 1000 qof, waxaa la isla gartay in laga dhigo 8,25-qof oo lagu qaybinayo habka 4.5 oo loo arkay wax qaybsi raad-raac hore leh.

4. Waxaa la isku raacay in madax-dhaqameedyada Soomaaliyeed ay noqdaan dadka soo xulaya xubnaha golaha ansaxinta dastuurka iyagoo kaashanaya qaybaha kala duwan ee bulshada sida culu'maa'uddiinka, aqoonyahannada, dhallinyarada, haweenka, ganacsatada iyo qaybaha kale ee bulshada.

5. Waxaa la isla gartay in 135-xubnood oo ka imaanaya madax-dhaqameedka afar beelood oo min 30 xubnood ah iyo beesha shanaad oo 15-xubnood ah iyagoo la tashanaya beelahooda waxay soo xuli doonaan xubnaha golaha ansaxinta dastuurka iyo xubnaha baarlamaanka cusub iyagoo ay gacan siinayaan guddi farsamo oo ka kooban 17-xubnood oo lix xubnood ay ka imaanayaan hay'adaha dowladda federaalka Soomaaliya, saddex xubnood Puntland, saddex xubnood Galmudug, saddex xubnood Ahlu-sunna, lix xubnood oo federaal ah iyo laba xubnood oo ah xafiiska siyaasada Qaramada Midoobey ee Soomaaliya UNPOS iyo lix xubnood oo ka socda beesha caalamka oo goobjoogayaal ah, wixii caqabad noqda waxaa loola soo noqonayaa saxiixayaasha Raodmap-ka iyo mabaa'diida shirarkii Garoowe kow iyo laba.

6. Waxaa lagu heshiiyay in shirka ugu horreeya ee madax-dhaqameedyada soo xulaya ergada ansaxinta dastuurka uu ka dhaco magaalada Muqdisho 25-ka Abriil ee sannadkan 2012.

7. Waxaa la isku raacay in masuu'liyadda iyo dhameystirka barnaamijka xilliga kala guurka ah iyo mabaadii'da Garowe kow iyo laba ay si gaar ah u saaran tahay saxiixayaasha barnaamijka "Roadmap-ka" oo ah cidda loola noqonayo wixii caqabad ah.

8. Waxaa la isku raacay fududeynta iyo tageerada maaliyadeed ee barnaamijka dhameystirka xilliga KMG ah in si deg-deg ah looga sugayo beesha caalamka.

9. Wixii aan halkaan ku caddeyn waxaa loola noqanayaa "Roadmap-ka" iyo mabaadii'da Garowe kow iyo laba.

 

Qodobbadan oo dhan waxaa saxiixay dhammaan xubnihii kasoo qayb-galey kulanka looga hadlayay meel-marinta xilliga kala guurka ah.

[NGONGE]

^^ Is Hiiraan online a qoutable source today? Only yesterday you were telling me.....

[xiinfaniin]

Madaxda Somalia oo qodobo kasoo saarey Galkacayo

26 Mar 26, 2012 - 11:58:39 AM

 

Shirka wada tashiga saxiixayaasha Somalida ee barnaamijka dhmeystirka geedi u socodka xiliga kala guurka ah.

 

Warmurtiyeed

 

Galkacayo 26 March,2012

 

Shirkii wadatashagiga saxiixayaasha somaliyeed ee Barnaamijka dhameystirka xiliga kala guurka ah ayaa maanta oo bishu tahay 26 March,2012 lagu qabtey magaalada Galkacayo.

 

Shirka waxaa marti galiyey dowlada Puntland waxaana fududeeyey xafiiska ergeyga gaarka ah ee qaramada midoobey u qaabislan Somalia.

 

Shirka waxaa kasoo qayb galey saxiixayaashii geedi socodka barnaamijka dhameystirka xiliga kala guurka ah oo ay kamid yihiin mudane sheekh Shariif Sheekh Axmad Madaxweynaha dowlada federaalka KMG ah ee Somalia, mudane Shariif Xasan Sheekh Aadan Gudoomiyaha Barlamanka Federaalka KMG ah, mudane Cabdiweli Maxamad Cali Ra'isal wasaaraha xukumada dowlada Federaalka ah KMG ah, Mudane Cabdiraxman Sheekh Maxamad Maxamud "Farole" Madaxweynaha Puntland, Mudane Cabdisamad Cali Shire Madaxweynaha ku-xigeenka Puntland, Mudane Cabdisamad Nuur Guuleed Madaxweyne ku-xgeenka ahna ku-simaha Madaxweynaha Galmudug, Sheekh Maxamad Maxamud Yusuf "Libaax" oo matalaya Ahlu-Sunaha Waljamaca iyo danjire Augistin Mahiga ergeyga gaarka ah ee qaramada midoobey u qaabislan arimaha Somalia.

 

Iyadoo laga ambaqaadayo xaalada siyaasadeed ee Somalia iyo baahida loo qabo in si deg-deg ah loo dhaqangaliyo barnamaijka dhameystirka ee xiliga kala guurka ah "Roadmap-ka" iyo mabaadiida lagu heshiiyey Garowe1,2, waxaa hogaamiye-yaashii shirka kasoo qayb galey ka doodeen qaab loo fulin lahaa heshiisyadaasi waxeyna isku raaceen qodobada hoos ku xusan;

 

1- In la dardar galiyo dhameystirka barnaamijka xiliga kala guurka ah, heshiiyadii geedi socodka iyo mabaa'diida Garowe 1,2.

 

2- In la dedajiyo xulushada xubnaha kamid noqonaya golaha ansaxinta Dastuurka oo shuruudahoodu ku cad yihiin go'aamada Garowe1,2 waxaana la isla gartey in loo soo xulayo xubnaha shirweynaha la yareeyo si ay ugu sahlanaato wax qaybsiga 4.5 ee lagu heshiiyey.

 

3- Tirada golaha ansaxinta Dastuurka oo lagu go'aamiyey Garowe2 oo aheyd 100 qif waxaa la isla gartey in laga dhigo 825 oo lagu qaybinayo habka 4.5, oo loo arkey wax qaybsi raad-raac hore leh.

 

4- Waxaa la isku raacey in madax dhaqameedyada Somaliyeed ay noqdaan dadka soo xulaya xubnaha golaha ansaxinta Dastuurka iyagoo kaashanaya qaybaha kala duwan ee bulshada sida culu'maudiinka, aqoonyanahada, dhalinyarada, haweenka, Ganacsatada iyo qaybaha kale ee bulshada.

 

5- Waxaa la isla gartey 135 xubnood oo ka imaanaya madax dhaqameedka afar beelood oo min 30 xubnood ah iyo beesha 5aad oo 15 xubnood ah iyagoo la tashanaya beelahooda waxay soo xuli doonan xubnaha golaha ansaxinta Dastuurka iyo xubnaha Barlamanka cusub iyagoo ay gacan siinayaan guddi farsamo oo ka kooban 17 xubnood oo lix xubnood ka imaanayaan hay'adaha dowlada Federaalka Somaliyeed, 3 Xubnood Puntland, 3 Xubnood Galmudug, 3 xubnood Ahlu Sunah, 6 Xubnood oo Federaal ah iyo 2 xubnood oo ah xafiiska siyaasada qaramada midoobey ee Somalia UNPOS. Iyo 6 Xubnood oo ka socda beesha caalamka oo goobjoogayaal ah, wixii caqabad noqda waxaa loola soo noqonayaa saxiixayaasha Raodmap-ka iyo mabaa'diida Garowe1,2.

 

6 Waxaa lagu heshiiyey in shirka ugu horeeya ee madaxdhaqameedyada soo xulaya ergada ansaxinta Dastuurka ay kulankooda ugu horeeya ku yeeshaan magaalada Muqdisho 25 April 2012.

 

7- Waxaa la isku raacey in masuu'liyada iyo dhameystirka barnaamijka xilaga kala guurka ah iyo mabaadiida Garowe1,2 ay si gaar ah u saaran tahay saxiixayaasha barnaamijka "Roadmap-ka" oo ah cida loola noqonayo wixii caqabad ah.

 

8-waxaa la isku raacey fududeynta iyo takeerada maaliyadeed ee barnaamijka dhameystirka xiliga KMG ah in si deg-deg ah looga sugayo beesha caalamka.

 

9- Wixii aan halkaan ku cadeyn waxaa loola noqanayaa "Roadmap-ka" iyo mabaadiida Garowe1,2.

 

Waxaa saxiixey dhamaan xubnihii aksoo qayb galey kulankaan.

[xiinfaniin]

NGONGE;810571 wrote:

^^ Is Hiiraan online a qoutable source today? Only yesterday you were telling me.....

Hiiraanonline is not always quotable. Yesterday it ran a bogus story regarding the naming of Galkacyo airport to the late president Abdullahi Yusuf. It was a classless news item , and a false one at that.

 

However, Hiiraanonline is not always bad

[xiinfaniin]

[Saalax]

NGONGE;810571 wrote:

^^ Is Hiiraan online a qoutable source today? Only yesterday you were telling me.....

 

[xiinfaniin]

Madaxweynaha Somalia iyo Wafdi uu ka mid ahaa Afhyeenka Baarlamaanka oo booqday Degmada Cadaado

 

Talaado, Maarso 27, 2012 (HOL) — Madaxweynaha Soomaaliya, Sheekh Shariif Sheekh Axmed iyo wafdi uu hoggaaminayo oo afhayeenka baarlamaanka Somalia uu ka mid ahaa ayaa maanta booqasho ku tagay degmada Cadaado ee gobolka Galguduud oo ah xarunta maamulka Ximan iyo Xeeb.

 

Wafdigan ayaa waxaa garoonak diyaaradaha ee Cadaado geysay diyaarad qaas ah oo kasoo qaadday degmada Gaalkacyo oo labadii casho ee lasoo dhaafay ay ku sugnaayeen, waxaana soo dhaweeyay xubno ka tirsan maamulka Ximan iyo Xeeb.

 

Sheekh Shariif, Shariif Xasan iyo mas'uuliyiinta maamulka ay booqeen oo uu ku jiro madaxweynaha maamulkaas ayaa kulan albaabbadu u xiran yihiin yeeshay, iyagoo madaxweynaha Soomaaliya ayaa u mahadceliyay mas'uuliyiintii uu la kulmay markii uu kulanku soo xirmay.

 

Madaxweynaha Soomaaliya ayaa muujiyay sida uu ugu faraxsan yahay booqashada uu ku tagay degmada Cadaado, iyadoo amaanka degmadaas ay aad u adkeynayeen ciidammo ka tirsan maamulka Ximan iyo Xeeb oo gaadiid dagaal wata.

 

Lama oga qodobbadii ay labada dhinac uga hadleen kulankooda, balse waxaa la sheegay inay ahaayeen kuwo salka ku haya ammaanka, iyadoo la xusuusto in dhawaanahan ay hadallo hanjabaad ah saxaafadda isku mariyeen.

 

Booqashadan ayaa waxay noqonaysaa tii ugu horreysay ee uu madaxweyaha iyo guddomiyaha baarlamaanka Soomaaliya ku tagaan degmada Cadaado, sidoo kale waa booqashadii ugu horreysay oo madaxda DKMG ah ay ku tagaan deegaanno ay ka taliyaan maamullada Soomaaliya ka jira marka laga reebo Puntland iyo Galmudug.

[Abwaan]

NGONGE;810571 wrote:

^^ Is Hiiraan online a qoutable source today? Only yesterday you were telling me.....

lol...Warkii shalay ka bax, kan maanta la qabso ma maqashay?

[Somalina]

NGONGE;810571 wrote:

^^ Is Hiiraan online a qoutable source today? Only yesterday you were telling me.....

[The Zack]

NGONGE, la jiifiyaanna banaan.

[Xaaji Xunjuf]

XiinfanIin wuxu jecelyahay na wu ka qaata wuxu diidana wuxu ku sheega war aan jirin oo been ah LOL

[xiinfaniin]

I note the trolling ...

[Qandalawi]

Another milestone achievement, well done to the leaders of Somalia. Stey-by-step and little-by-little we are getting there, also the wave is turning against Alshabaab as they lost cities and their momentum in the last few weeks.

 

Hope for a lasting peace and prosperity in our motherland, Viva the republic of Somalia.

[xiinfaniin]

Aamiin bro,

 

Allow dawlad san