Gelinsoor (Caasimada Online) – Ilo-wareedyo lagu kalsoon yahay ayaa Caasimada Online u sheegau inay baaqatay munaasabad uu wasiirka arrimaha gudaha ee Soomaaliya kula wareegi lahaa laba Askari oo Itoobiyaan ah oo lagu qabtay dagaal todobaadkii hore kadhacay deegaanka Kaxandhaale ee gobolka Galgaduud. Dagaalkan oo u dhexeeyey beelaha Habar-gidir iyo Mareexaan ee wada dega gobolka oo daaq iyo dhul isku hayey, ayaa qayb kamid ah ciidanka Itoobiya oo fadhiisinka ku leh meel u dhow Kaxandhaale waxa ay ka qayb galeen dagaalka. Labada Askari ee Itoobiyaanka ah midkood ayaa u sheegay dadkii la kulmay in xog been ah oo loo sheegay awgeed ay uga qaybgaleen dagaalka, waxa ay sheegeen in lagu wargeliyey in Al-Shabaab ay weerarayaan dalkooda oo dagaalka ay dhinac ka yihiin sidaas awgeedna ay u galeen dagaalka. Diyaarad kuwa qummaatiga u kaca ah (Helicopter) oo qaadi lahayd labada Askari ayaa dib u laabatay iyada oo aan qaadin labada Askari ee Maxbuuska ah kaddib buuq iyo ismariwaa kusaabsan wareejinta Askartan. Wasiirk Arrimaha gudaha Injineer Cabdi Maxamed Sebriye iyo Wafdi uu horkacayo ayaa ka baxay Gelinsoor isaga oo kuwajahan Cadaado. Wafdiga ayaa loo diiday in lagu wareejiyo laba askari oo ka mid ah kuwa Itoobiya oo ka qayb galay dagaalka Beelaha u dhexeeye ee ka dhacay Kaxandhaale Wararka aan kahelnay gobolka ayaa sheegaya in madaxweyne goboleedka Galmudug Axmed Ducaale Geelle Xaaf uu ka biyo diiday in xukuumadda Federaalka loo dhiibo askartan. Caasimada Online Xafiiska Muqdisho caasimada@live.com

Waxa la soo gaadhay xilligii aan u dabaal-degi jiray shaqadii sannadka oo dhan aan qabanayay ee aan rumaysnaa in horumarkaygu ku jiro, gu’ kasta labadiisa caano-maal ee ugu dambeeya ayaan dib u jalleecaa hawshii akhris ee sannadkaas oo dhan ii hirgashay fadliga Alle marka aan warbixintan qorayo waxa aan dareemaa farxad weyn. Sidii caadadu ahayd raali ahaanshaha Rabbi dartii waxa aan dhammaadka gu’ga akhyaarta aan baraha bulshada rafiiqa ka nahay kula wadaagaa qoraal sannad le ah dulucdiisu tahay “Dhiiri-gelinta Akhriska” qoraalkan waxa aan ku baraarujiyaa guud ahaan dadka Soomaaliyeed, gaar ahaanna inta aanu si uun isku gaadhi karno kobta ay doonaan ba carro-edeg ha kaga noolaadeene, kuwaas oo aan samo-helis iyo xog-ogaalnimo la jeclahay. Sida oo kale idil ahaan ba dheefaha kala geddisan ee akhriska haddii ay tayda ahaan lahayd waan u qaraabo-kiili lahaa ummaddayda.Wax lagu baratamo waxa ugu quman akhriska. Hasa yeeshee, waxa Iyana dhaygag leh in geeska jaantuska lagu hal-beegayo heerka akhris-qoraalka ee Soomaalidu weli uu meel aad u hoosaysa farta ku fiiqayo. Dunidan casriga ah ee horumarkeedu xawliga aad ka ah ku socdo badhaadhaha iyo sareedada ummaddeed waxa gadh-wadeen u ah cilmiga. Sidaa darteed, ayuu akhriskuna u yahay jidka ugu toobiyaysan ee lagu gaadho warta biyaha macaanka badan ee cilmiga. Akhriskaygu gu’gii tagay”2017” wuxu u badnaa culuumta Falsafadda wuxuu ahaa mawduuc aan aad ugu raaxaystay oo haddaan farta ku fiiqo dheeftii ugu weynayd ee aan ka helayna waxa aan ku koobi karaa ereygan MAANFUR. Gu’gan”2018” ee hadda jeestay walaw aan wax badan oo kala geddisan akhriyay haddana mawduuca aan xoogga saaray wuxuu ahaa ammaanka iyo qoraallada mukhaabaraadku qoraan. Dhab ahaantii mawduucani waa mid aad u xiiso badan waxa aanu ku dhex geynayaa “DUNIDA INDHEER GARADKA” The world of Intelligence. Akhriskii qoraallada ma-hadhooyinkii mukhaabaraadka Iyana isku-geyn BARAARUG baan ka faa’iiday. Halkii aan ”2017” ka akhriyay 84 buug iyo 18 warbixinood “2018” wax sannadkan igu dhacay hoos-u-dhac waxa aanan soo akhriyay 52 buug, 10 Warqad cilmi-baadhiseed iyo 6 warbixinood. Sannadkan waxa aan tijaabiyay labadan hababka akhris ee kala ah; SCANNING: Oo ah in aad meelo gaar ah qoraalka ama xogo gaar ah bartilmaameedsato oo aanad qoraalka si tartiib ah u wada akhrin isla markaa si degdeg ah aad Isha u mariso oo aanad wakhti badan siin oo aad kaga bogato, si kale haddii aan u dhigno waa akhriska kor-ka-xaadiska ah. CLOSE READING: Oo ah in aad si tartiib ah u akhrido isla markaa dhuuxdo xogta aad akhriyayso adiga oo ka baaraan-degaya oo kala shaandhaynaya runnimada iyo aragtiyaha qorahu mararka ay isku milmaan. Duuduub ahaan saacadahii aan wax akhriyay sannadkii 2018 waxa ay ahaayeen 1095 saacadood, wax la qabatimo waxa ugu hagaagsan akhriska oo inta ogaalkayga ah laga helo faa’iidooyin door ah aan se ugu horreysiin karo kuwan; I. Wuxuu keenaa xasilooni qalbi iyo degganaansho maskaxeed iyo warwar la’aan. II. Wuxuu dhisaa hanka iyo qofnimada dhawrsan. III. Wuxuu kobciyaa hab fekerka qofka. IV. Wuxuu soo dadejiyaa baaluqnimada maskaxeed. V. Wuxuu laf-dhabar u yahay koboca garaadka iyo garashada. VI. Wuxuu sare u qaadaa heerka xog-ogaalnimo ee qofka. VII. Wuxuu laylyaa awoodda dulqaad ee qofka. VIII. Wuxuu soofeeyaa garashada. IX. Wuxuu yareeyaa yaabka kala feker duwanaanshaha. X. Wuxuu ku baraa hilinnada dood wadaagga iyo qancinta dadka. XI. Wuxuu ku tusaa in cilmigu deeq Rabbaani ah yahay, wax kasta na akhris u baahan yahay maaha keliya wixii qorane in dhacdooyinka maalinle ee nololeed laga dhex akhriyo awoodaha Alle wax na laga barto iyo u kuur-gelista guud ahaan abuurriinka” Nature-ka” Waxba yaanan ku dheeraane aan sannadkan akhriskaygu sidii kal hore uma badnayn sababtuna waa in aan safarro badan galay, sida oo kale waxa I xagal-daaciyay Tab (4800) oo buug igaga gubteen buugtaas oo iskugu jiray kuwa aan hore u akhriyay iyo qaar sannadkan aan qorsheeyay in aan akhriyo, hadda ba halkan hoose ayaan idil kula wadaagi ciwaanadii buugtii, warqadihii cilmi-baadhiseed iyo warbixinihii aan soo akhriyay qaar ka mid ah si intiina xiisaynaysa ay u raadin karaan. Waa kuwan; 1. THE METAPHYSICS OF PHYSICS 2. PSYCHOLOGY OF INTELLEGENCE ANALAYSIS. 3. THE ROAD TO ZERO. 4. IAM THAT. 5. ORIENTALISM. 6. THE BODY OF SECTRET. 7. TERRORISM: ITS PAST, PRESENT AND FUTURE PROSPECTS 8. COUNTRY REPORTS ON TERRORISM 2017. 9. TRANSNATIONAL ORGANIZED CRIME. RERRORISM AND CRIMINALIZED STATES IN LATIN AMERICA: AN EMERGING TIER-ONE NATIONAL SECURITY PRIORITY. 10. THE CONCEPT OF SECURITY. 11. BETTER OFF STATELESS: SOMALIA BEFORE AND AFTER GOVERNMENT COLLAPSE. 12. POLITICAL ECONOMICS OF WAR AND PEACE IN SOMALIA. 13. CONFLICT IN SOMALIA: DRIVERS AND DYNAMICS. 14. DJIBOUTI INTRODUCTORY NOTE. 15. SOMALIA A GOVERNMENT AT WAR WITH ITS OWN PEOPLE. 16. THE DEFINITIVE BOOK OF BODY LANGUAGE. 17. INTERNAL AND EXTERNAL ASPECTS OF SECURITY. 18. THE SEARCH FOR PEACE. 19. REFLECTIONS ON THE SOMALI PEACE PROCESS. 20. FUNDAMENTALS OF CRPTOLOGY . 21. ENDLESS WAR. 22. TURKEY’S ASSISTANCE MODEL IN SOMALIA. 23. CLAN AND STATE POLITICS. 24. WARLORDS OF SOMALI CIVIL WAR (1988-1995) 25. REPORT OF SOMALILAND PROTECTORATE CONSTITIONAL CONFERENCE. 26. YOUTH MIGRATION IN SOMALIA. 27. TWENTY YEARS CRISIS 1919-1939. 28. THINKING CRITICAL. 29. THE SECRET WORLD GOVERNMENT Or the Hidden Hand 30. HOW TO CONTROL YOUR MIND? 31. BUDHISM AND DEEP ECOLOGY 32. IN THE EARLY HOURS. 33. ISLAMIC SPIRTUALITY 34. CULTURE OF POLITCS THE SOMALI EXPERIENCE 35. IN THE LINE OF THE FIRE 36. WAAR TOLOOW COLKA JOOJA: 37. HILIMADA MAANSADA SOOMAALIDA 1AAD: 38. HILIMADA MAANSADA SOOMAALIDA 2AAD: 39. MIYI ILAA MADAXTOONYO. 40. AF-DHAAB Gunaanadkii Mahad idilkeed Rabbi baa leh, anna waxa aan ahay addoonkiisii dhacdhaca badnaa ee caajiska badnaa. Cabdinaasir Axmed Abraham. Qaran News

(SLT-Hargeysa)-Shirweynaha Qaran ee Warbaahinta Somaliland oo lagu lafo-gurayo horumarinta Saxafadda dalka iyo sidii daneeyayaasha Warbaahintu ay iskaga xog waraysan lahaayeen duruufaha jira, ayaa maanta ka lagu soo gabagabeeyay Huteelka Maansoor ee caasimada Hargeysa, Halkan hoose ka DAAWO Source

Source

(SLT-Hargeysa)-Waxa aanu halkan idinku soo gudbinaynaa warbixin ka warramaysa Dumar Jacayl Dartii Loo Garaaco Si Loo Guursado ee daawasho wanaagsan Source

(SLT-Hargeysa)-Prof. Cabdi Cali Jaamac ayaa waxa uu sheegay in uu dacwad ka gudbiyay xisbi xaakimka KULMIYE oo dhawaan la sheegay in laga saaray saddex masuul oo uu ku jiro. Prof. Cabdi Cali Jaamac ayaa waxa uu sheegay in qareenadiisa u gudbiyay dacwadaasi, waxaanu sheegay in iyaguna ay u gudbin doonaan guddiga diiwaangelinta ururada siyaasadda iyo ansixinta xisbiyada Somaliland. Dhawaan ayay ahayd markii warqad ka soo baxday xafiiska guddoomiye ku-xigeenka xisbiga KULMIYE Axmed Cabdi Dheere lagu sheegay in xisbigaasi laga saaray mas’uuliyiin saddex ah oo ku jiro Prof. Cabdi Cali Jaamac. Prof. Cabdi Cali Jaamac ayaa waxa uu sheegay in uu rajo weyn ka qabo in uu ku guulaysan doono dacwadaasi. Source

Murashixiinta u tartamaya doorashada madaxtinimada puntland ee 2019 oo maanta kulan ku yeeshay magaalada Garoowe, ayaa soo saaray war-saxaafadeed ka kooban 4 qodob oo ku saabsan arrimaha doorashada. War-saxaafadeedka oo uu warbaahinta u akhriyay, Aadan Maxamed Ciise(Gaadaale) ayey murashixiintu ku sheegeen in lagu heshiiyay, amniga doorashada in looga dambeeyo taliyaha u xil-saaran,islamarkaana wixii soo kordha lagala xiriiro, guddiga joogtada ah ee isimada Puntland. Sidoo kale murashixiintu waxay sheegeen, in dadka Puntland iyo siyaasiyiintooduba xaq u leeyihiin shirarka siyaasadeed ee aan wax loogu dhimayn amniga guud,sida waafaqsan Dastuurka Puntland. Taliyaha amniga doorashada Sarreeye Gaas,Cabdirisaaq Siciid Diiriye ayaa dhinaca kale war-saxaafadeedka looga codsaday, in uu si joogto ah xiriir ula yeesho,ciidamada murashixiinta ilaaliya,si loo hagaajiyo amniga doorashada. Ugu dambeyntii, murashixiinta ayaa si adag uga digay, in fara-gelin lagu sameeyo doorashada madaxtinimada Puntland,waxaana ay ku baaqeen in laga feejignaado fara-gelinta ka imaanaysa dalka gudihiisa iyo debaddiisa labadaba. PUNTLAND POST Cabdiraxmaan Ciise Cumar The post Puntland: Murashixiinta oo si adag uga digay fara-gelinta gudaha dalka iyo debadda ee doorashada appeared first on Puntland Post.

Waxaa Goordhow magaalada Muqdisho ku geeriyooday Allaha u naxariistee Xildhibaan Axmed Mayoow Cabdulle uu ku magac dheeraa Korneel Ruush oo kamid ahaa xildhibaanada Baarlamaanka Soomaaliya. Xildhibaan Ruush ayaa geeriyooday kadib markii uu wadnaha istaagay sida ay sheegeen qaar kamid ah ehelkiisa. Xildhibaanka ayaa kamid ahaa xildhibaanada Baarlamaanka ee deegaan ahaan ka soo jeedo Deegaanada Koonfur Galbeed ee Soomaaliya. Gudoonka Baarlamaanka ayaa ka tacsiyeeyay geeridaasi ku timid xildhibaanka eebana uga baryay in uu geeyo janadiisa. Xasan Maxamed Samatar Cowke Puntland Post Muqdisho The post Xildhibaan katirsan Baarlamaanka oo Muqdisho ku Geeriyooday appeared first on Puntland Post.

(SLT-Muqdisho)-Waxaa maanta magaalada Muqdisho ku geeriyooday labo xildhibaan oo mid ka tirsan yahay baarlamaanka Soomaaliya, halka mid kale uu ka tirsanaa dowlad goboleedka koonfur galbeed. Xildhibaannada geeriyoodaya ayaa kala ahaa: Xildhibaan Axmed Mayow Cabdulle (Col. Ruush) iyo Xildhibaan Kheyre Maxamed Axmed. Source

Waxaa maanta magaalada Muqdisho ku geeriyooday labo xildhibaan oo mid ka tirsan yahay golaha shacabka ee baarlamaanka federaalka ah halka mid kale uu ka tirsanaa dowlad goboleedka koonfur galbeed. Xildhibaannada geeriyoodaya ayaa kala ahaa: Xildhibaan Axmed Mayow Cabdulle (Col. Ruush) iyo Xildhibaan Kheyre Maxamed Axmed. Goobjoog News Source: goobjoog.com

Muqdisho (Caasimada Online)-Xildhibaan ka mid ahaa baarlamaanka Soomaaliya ayaa la xaqiijiyay inuu ku geeriyooday magaalada Muqdisho. Xildhibaan Axmed Mayow Cabdulle, oo ku magac dheeraa Korneyl Ruush ayaa la xaqiijiyay inuu ku geeriyooday magaalada Muqdisho kadib markii wadnaha uu istaagay, sida xildhibaanada baarlamaanka ay xaqiijiyeen. Xildhibaan Ruush ayaa ka mid ahaa guddiga dastuurka ee baarlamaanka Soomaaliya, waxaana xanuunka uu kusoo booday maanta, sida ehelkiisa ay xaqiijiyeen. Axmed Mayoow Cabdulle ayaa waxaa laga soo doortay deegaanada Koonfur Galbeed, waxaana uu kamid ahaa Xildhibaanada Golaha Shacabka Baarlamaanka Jamhuuriyadda Federaalka Soomaaliya. Caasimada Online Xafiiska Muqdisho Caasimada@live.com

(SLT-Hargeysa)-Golaha Guurtida Somaliland Oo Iska Difaacay Eedaymo Loo Soo Jeediyay, Halkan hoose ka DAAWO Source

Garoowe (Caasimada Online) – Ilaa 15 musharax oo u taagan qabashada xilka madaxweyne ee Puntland ayaa shir ay ku yeesheen magaalada Garoowe waxa ay uga hadleen arimo la xiriira amaanka doorashada, go’aamadii kasoo baxay gudiga amniga. Musharaxiintan ayaa ka digay in la isku dayo in la hor-istaago shirarka iyo kulamada musharaxiinta iyo xuquuqda ay u leeyihiin in ay dadka la hadlaan. Waxa ay sheegeen in loo baahan yahay in layska kaashado amaanka inta ay socoto doorashada iyagoona gudiga amniga faray in ay xiriir la yeeshaan ilaalada musharixiinta xilka madaxweyne ee Puntland. Shirkooda jiraa’id ayay sidoo kale ku baaqeen in laga fogaado waxkasta oo carqaladeyn kara habsami u socodka doorashada iyagoona si gaar ah farta ugu goday faragelin ay ka digeen in lagu sameeyo doorashada Puntland. 8 january ayaa loo balansan yahay in Puntland ay ka dhacdo doorashada madaxweynaha waxaana marba marka ka dambeysa sii kordhaya loolanka ay musharixiintu ugu jiraan ku guuleysiga kursiga madaxweyne ee Puntland. Hoos ka daawo go’aanada lasoo saaray Caasimada Online Xafiiska Garoowe caasimada@live.com

Qaran News

Qaran News

Murashax Cali Ciise Cabdi 30.12.2018 Dr Cali Ciise Cabdi oo kamid ah siyaasiyiinta gobolka Sool, ayaa Axadda maanta ah Garoowe kaga dhawaaqay, in uu u sharraxanyahay xilka madaxweynaha dowladda Puntland ee doorashada 8-da Jennaayo 2019 oo haatan maalmo kooban ka harsan yihiin. Siyaasigan oo ka yimid magaalada Muqdisho ayaa maalin ka hor soo gaaray caasumadda Puntland ee Garoowe,waxaana uu kulamo la qaatay qaar kamid ah murashixiinta u taagan xilka madaxweyne ku xigeenka iyo madax-dhaqameed ka soo jeeda gobolada Sool iyo Cayn. Mas’uulkan ku dhawaaqay murashaxnimada madaxweynaha Puntland, ayaa hore uga tirsanaa madaxdii as’aastay maamulkii Khaatumo ee lagu dhisay degmada taariikhiga ah ee Taleex,waxaana uu dhaliilsana siyaasadda Puntland iyo Somaliland ee ku wajahan gobolka Sool oo ay ku muransan yihiin labada maamul. Dhinaca kale Dr Cali Ciise wuxuu ka tirsanyahay guddiga dhaqaalaha Qaranka ee uu magacaabay madaxweynaha Soomaaliya, Maxamed Cabdullaahi Farmaajo 12-kii July ee sannadkan 2018. PUNTLAND POST Cabdiraxmaan Ciise Cumar The post Dr Cali Ciise oo ku dhawaaqay murashax madaxweynaha Puntland appeared first on Puntland Post.

Muqdisho (Caasimada Online) – Degmada Yaaqshiid ee Gobolkaani Banaadir ayaa loo magacaabay Gudoomiye cusub kadib markii gudoomiyihii hore degmadaasi lagu sameeyay shaqo joojin. War qoraal ah oo kasoo baxay xafiiska gudoomiyaha gobolka Banaadir Cabdiraxmaan Cumar Yariisoow ayaa lagu magacaabay gudoomiyaha cusub ee Yaaqshiid yeelanayso. Gudoomiyaha cusuab ee Degmada Yaaqshiid maanta loo magacaabay ayaa ah Cabdiweli Cabdullaahi Maxamed, waxaana xusid mudan in gudoomiye Cabdiweli uu horaan u ahaa Gudoomiyaha degmada Xamar Jajab ee gobolka Banaadir. Gudoomiyihii hore ee Yaaqshiid Geedoow ayaa la sheegay in shaqo joojin loogu sameeyay sababa la xiriira musuq maasuq lagu soo eedayay. Caasimada Online Xafiiska Muqdisho caasimada@live.com

Cabdi Weli Gaas oo farta ku fiiqay musharaxa u qalma inuu ka beddalo Puntland Madaxweynaha Puntland, Dr Cabdiwali Maxamed Cali Gaas ayaa dareemaya culees badan oo kaga imaanaya musharaxiinta isbadal doonka ah ee ka qeyb galaya doorashada madaxtinimada Puntland. Madaxweyne Gaas oo dhowaan kusoo laabtay Garoowe ayaa la kulmay qaar ka mid isimada Puntland, kuwaa oo ay ka wada hadleen sidii ay u qabsoomi laheyd doorashada, looguna wada qancin lahaa natiijada. Gaas waxaa uu sheegay iney muhiim tahay iney Puntland horey usii socoto, wuxuu muujiyay inuu u baahan yahay in markale la doorto si uu uga guul gaaro arrimo badan oo meel dhexe u maraya. Arrinta uga xiisaha badan ayaa aheyd inuu Gaas u sheegay odayaasha in aan isbadal-doonku dhinac qaldan uleexin Puntland, wuxuu ku yiri odayaasha “Anigu waxaan doonaya in aan dib u shaqeeyo, laakiin hadii ay dhici weyso waxaan aaminsanahay inuusan jirin qof Cabdi Faarax Siciid Juxa ka mudan inuu hogaamiyo Puntand. Wuxuu sheegay inuu yahay Juxa nin mabda’a leh, oo aad u yaqaana qiimaha Puntland ,meesha ay maanta joogtana wax weyn ku kordhin kara. Hadalkaan ayaa odayaasha qaar ku fasireen in Cabdiweli yahay muwaadin wali laxaw badan kaga jiro deegaanka, sidoo kale waxey fariintaan isimada ku qasbi kartaa iney aad u eegaan musharaxa ay garab istaagi karaan, oo xiligaan adag samata bixin kara Puntland. Puntland ayaa doorasho aadi doonta 8da bisha soo aadan ee Janaayo, waxaana adag in lagu fududaado natiijada marka laga cabir qaato tirada iyo tayada musharaxiinta u taagan kursigaas. Qaran News

Qaran News

(SLT-Hargeysa)-Golaha Deegaanka Laasacanood Oo Ka Soo Hor-jeestay Go’aamo Uu Soo Saaray Guddoomiyaha Gobolka Sool, Halkan hoose ka DAAWO Source

(SLT-Hargeysa)-Guddoomiyihii rugta Ganacsiga Somaliland Maxamed Shukri, ayaa waxa uu shaaciyay in uu iska is-casilay xilkaasi, isaga oo sheegay in uu isku casilat sababo isaga gaar u ah, Halkan hoose ka DAAWO Source

Source

(SLT-Hargeysa)-Xisbiga mucaaridka ah ayaa waxa uu ku dhawaaqay inay golaha wakiillada u gudbin dacwad ka dhan Wasiirka wasaaradda shaqo gelinta, arrimaha bulshada iyo qoyska, marwo Hinda Jaamac Xirsi Gaanni, Halkan hoose ka DAAWO Source

Maqaaladani waa qurubyo ka mida 91 maqaal oo lagu magcaabo hoyga rooxaanta dhiiga jecel oo si balaadhan u iftiiminaaya dhibaatada haysata dadka Muqdisho iyo in cida Ku haysaa ay tahay hadba cidii u talinaysay 30 kaa sanno. Hurintii Maanafeesto ayaa u isbiday oo dooeatay Madaxweyne KMG ah Cali Mahdi, hase ahaatee waxaa doorashadii Cali Mahdi ka soo horjeestay Gen. Caydiid, isagoo sabab ugu dhigay dhismaha dowlad KMG in marka hore la qabto shirweyne lagana soo qeybgeliyo ururada hubeysan gaar ahaan SNM, SSDF iyo kuwo kale waxaana halkaasi ka dhashay khilaafka iyo qaran jabka maanta aan taaganahay. Qoryihii Qaranka ayaa u gacan galay shacab mudo 21 sano la af hayey, ciidamadii qalabka siday oo la kala diray dhamaan arimahaasi waxaa ka dhashay in la uur falo wixii aan Mogadishu Clan aheyn ee magaalada Muqdisho ku haray iyo dadkii kale ee awooda laheyn, godobtii xiligaasi la galay iyo wixii ka horeeyayba waa hadhacii ay inoo beereen maamulkii Siyaad Bare iyo Jabhadihii hubeysnaa oo shacabka ka filayey in ay keeni doonaan raxmad ka roon tii la riday. Kumuu ahaa Cali Mahdi? wuxuu ku dhashay tuulada Cadowuul oo ka tirsa shabeelada dhexe ee magaala madaxda Soomaaliya sanadku markuu ahaa 1938. Cali Mahdi wuxuu wax ku bartay iskoolaadkii Xamar ka jiray. Cali Mahdi 1959 ayaa Qaahira u aaday waxbarasho . Cali Mahdi wuxuu fursad u yeeshay in uu xubin ka noqdo baarlamaanka Somaaliya sanadkii 1969, asagoo noqday qofkii ugu dhalinyaraa ee xubin ka noqda baarlamaanka Soomaliyeed. Kadib markii uu dhacay inqilaabkii Dawladda shicibka aheyd ee wadanka la wareegay Xooga Dalka Somaliyeed, Cali Mahdi wuxuu dib ugu laabtay shaqadiisi wasaaradda Caafimaadka, halkaas u ku gaaray jago Agaasime Guud. Sanadku markuu ahaa 1977 Cali Mahdi wuxuu ka ruqseeystay shaqadii Dawladda wuxuuna u wareegay ganacsi. Cali Mahdi muddadii u dhaxeysey sanadihii 1977-1990 wuxuu noqday nin lagu tiriyo ganacsatada ugu waaweeyn ee wadanka soomaliyeed. Sanadahii 80’s Cali Mahdi iyo aqoonyahaano Soomaliyeed aya waxaa asaasay urur odoyaal ah “Manifesto” oo waraaq lagu codsanaayo in wax looga bedelo siyaasadda Soomaliyeed u diray madaxweeynihii wadanka ee markaas Maxamed Siyaad Barre. Kadib burburkii Dawladda Maxamed Siyaad Barre, sanadka markuu ahaa 1991, ayaa Cali Mahdi loo magacaabay Madaxweynaha Soomaaliya. Muddo gaaban kadib waxaa bilowday dagaal sokeeye oo ka dhacay magaalada Muqdishu oo eey isaga hor yimaadeen qeybo raacsan Maxamed Farax Caydiid kaasoo diidanaa Cali Mahdi iyo kuwo difaacay Cali Mahdi. Cali Mahdi wuxuu xilkii madaxweynenimada ku wareejiyey shirkii ka dhacay magaalada Carta ee wadanka Jabuuti sanadka markuu ahaa 2000. Cali Mahdi sanadkii 2007 wuxuu abaabulay shir nabadeed belaha Somaaliyeed la isugu keenaayo . waxaa jiro waxyaabo badan oo wanaagsan oo u qabtay shacabka Lasoco qaybaha dambe Qalinkii Cabdi Cawiye +252634115877 Source

(SLT-Hargaysa) Xisbiga WADDANI, wuxu ka jawaabay dhaliishii uga timi Wasiir Maxamed Kaahin, waxaana uu sheegay in ay imika bilaabi doonaan Mucaaradad adag oo gil-gisha Xukuumadda. Guddoomiye ku xigeenka 3aad ee WADDANI Mudane Kayse Cali Geedi oo u hadlay Xisbigaas, ayaa ugu horreyn Wasiir Maxamed Kaahin ku tilmaamay belaayo caashaq isaga carabka ku dhuftay in ay dalka ka dhigi doonaan Mudaharaado khal-khal-geliya Xukuumadda. Mudane Kayse, waxa uu Xukuumadda faray in aanay cabanin marka kuleylka Mucaaradnimo soo gaadho, Source