(SLT-Hargeysa)-Madaxxweynaha Somaliland, Mudane Muuse Biixi Cabdi, ayaa Xadhigga ka jaray dhismeyaal cusub oo muhiim ah oo dhawaan laga hirgeliyey gudaha Cusbitaalka Hargeysa, kuwaas oo wax weyn ka tari doona baahiyaha uu cusbitaalku qabo, Halkan hoose ka DAAWO Source

Muqdisho (Caasimada Online) – Xisbiga Wadajir ee uu hoggaamiyo Cabdiraxmaan Cabdishakuur, ayaa war kasoo saaray jawaabta xdowladda Soomaaliya ay ka bixisay go’aankii dowladda Kenya ka qaadatay Shirkii dhawaan ka dhacay magaalada London. Xisbiga ayaa qoraalkooda ku taageeray go’aanka dowladda Soomaaliya ay ka qaadatay hadalkii kasoo baxay Dowladda Kenya, waxaana xisbiga uu sheegay inay dowladda kagala shaqeyn doonaan difaacidda arrimaha masiiriga Soomaaliya. Xisbiga ayaa sheegay in dowladda Soomaaliya ay ugu baaqayaan arimahan oo kale inay talo badan geliyaan. Hoos ka aqri qoraalka xisbiga Wadajir.

Cayaar saaxiibtinimo oo lagu waday in ay magaalada Muqdisho ku dhex marto xulalka da’doodu ka yartahay 20-ka sano ee Soomaaliya iyo Eritrea ayaa muddo kooban dib loo dhigay, sida lagu sheegay war saxaafadeed kasoo baxay xiriirka Soomaaliyeed ee kubadda Cagta. “Cayaarta waxaa horay loogu qorsheeyay in ay ka dhacdo garoonka FIFA dib u dhiska kus ameysay ee Stadium Banaadir 16-17-ka bishan Febraayo, laakin waxaa la xaqiijiyaay in cayaartaas sida weyn loo sugaayay dib loo dhigay muddo aan badneyn”sidaasi laga soo xigtay agaasimaha warfaafinta xiriirka kubbadda cagta Soomaaliya Shaafici Islaw. “Waxaan ka war sugeynaa xiriirka kubbadda cagta Eritrea si ay noogusoo gudbiyaan taariikhda kale oo wafdigoodu magaalada muqdisho imaanayo”ayaa lagu yiri war saxaafadeedka kasoo baxay xiriirka kubbadda Cagta Soomaaliya”. “Guddoomiyaasha xiriirada kubbadda cagta Soomaaliya iyo Eritrea waxaa ka go’an in cayaartaasi saaxiibtinimo ay ka qabsoonto magaalada Muqdisho, waxaa socda diyaar garowgii ugu dambeeyay, dhawaana waxaan shaacin doonaa xiliga kama dambeysta ah ee cayaartu dhici doonto”. Waxaa ay ahayd 2016-kii markii xiriirka Kubbadda cagta Soomaaliya madaxdiisu ay sheegeen in ay doonayaan in mar kale ay Soomaaliya u furaan marti gelinta cayaaraha caalamiga ah, waxaana hada masuuliyiinta xiriirka Soomaaliyeed ay aaminsan yihiin in la gaaray waqtigii Soomaaliya ay cayaareheeda dalka gudihiisa ku qabsan lahayd. “Eritrea waxaa la filayaa in ay noqoto dalka ugu horeeya ee Soomaaliya soo gaara tan iyo 1988-kii oo iminka laga joogo 31-sano, balse qorshaha xiriirka kubbadda cagta waxaa ku jira in ay casuumaad ay u fidiyaan wadamo dariska iyo qaarada Afrika. Halkan Ka Daawo Warbixin Ku Saabsan Cayaartii Soomaaliya Iyo Eritrea Oo Dib Loo Dhigay Somali Football Federation Media Department Source: goobjoog.com

(SLT-Hargeysa)-Wasiirka wasaaradda arrimaha dibedda iyo iskaashiga caalamiga ah Prof: Yaasiin Maxamuud Xiir (Faratoon), ayaa ka war bixiyay tallaabooyin dublamaasiyadeed oo ay xukuumadda Somaliland qaaday iyo xidhiidho badan oo ay la samaysay dalal iyo ururro caalami ah oo laga midho dhalinayay qaddiyadda aqoonsi raadinta Somaliland. Waxa kale oo uu ka hadlay xafiis diblamaasiyadeed oo dalka Kiiniya uu ka furanayo Somaliland, taas oo ka dambaysay kulamo wasiirka iyo madaxda Dawladda Kiiniya ay wada yeesheen ka dib in Kiiniya ay ku qanacday in ay xafiis ka furato Somaliland isla markaana hawshiisu ay socoto oo ay meel wanaagsan marayso. Waxa kale oo uu wasiirku intaa raaciyay in aanay Somaliland u baahnayn hadal badan oo meel kasta laga yidhaahdo iyo wax kasta in laga jawaabo, isaga oo xisbiyada mucaaridka ah iyo siyaasiyiinta Xukuumadda dhaliilana u soo jeediyay in ay noqdaan kuwo u bisil siyaasadda Somaliland oo ay u kala calaamadsan tahay waxa hadalka u baahan iyo arrimaha qaran ee ay tahay in wada jir looga wada shaqeeyo. Waxa kale oo uu intaa raaciyay in xukuumadda uu gadhwadeenka ka yahay Madaxweyne Muuse Biixi in qorshohoodu uu yahay in ay Somaliland horumar dhan walba ah ay gaadhsiiso wax kastana ay ka hor mariso gudashada shaqada qaranka ay u hayso ee loo igmaday iyada oo wasaarad waliba waajibaadkeeda shaqo ay gudanaysona ay ku fooggan tahay horumarinta shaqadeeda. Waxaanu ka war bixiyay socdaallo kala duwan oo wasaaradda arrimaha dibedda Somaliland dalal badan ku martay iyo weftiyo caalami ah oo kala duwan oo ay dalka ku soo marti qaadeen oo xog ogaal u noqday qaddiyadda Somaliland. Wasiir Prof: Yaasiin Maxamuud Xiir waxaa uu sidaa ku sheegay waraysi gaar ah oo uu siiyay wargayska Dawan, ugu horrayn isaga oo ka hadlaya tallaabooyinka dublamaasiyadeed ee ay qaadday Xukuumadda Somaliland iyo guulaha wasaaraddu ku tallaabsatay waxaa uu yidhi. “Muddadii xukuumaddu xilka haysay ee ay talada dalka la wareegtay waxaanu qaadnay tallaabooyin dublamaasiyadeed oo dalal badan iyo hay’addo badan oo caalami ahba aanu ku gaadhsiinay qaddiyadda Somaliland, iyada oo wax badan ka taraysa ololaha Somaliland ugu jirto ictiraaf raadinta qaranka Somaliland, waxaan muddooyinkan u dambeeyay aanu maq maqlaynaa siyaasiyiin iyo xisbiyada mucaaridka oo dhaliilaya siyaasadda arrimaha dibedda oo leh waxbaa laga gaabiyay laakiin waxaa ka maqan oo aanay garawsanayn siyaasiyiinta mucaaridka ahi in Somaliland ay tahay qaran raadinaya aqoonsi caalami ah oo cadaw badan leh oo wax kasta oo u qabsoomaba ay cidi ka xun tahay. Taas oo loo baahan yahay in qaranku sir yeesho oo aan wax walba laga hadal ama aan la sheeg-sheegin waxana kala jira shirar iyo kulamo Somaliland markay ka qayb gasho u baahan in laga hadlo iyo kuwo aan laga hadlayn si aan cadawga Somaliland uga war helin. Shirkii ugu dambeeyay ee midawga Afrika ee Addis Ababa waanu ka qayb galnay oo madax wasaaradda ah iyo siyaasiyiin qarankan in badan u soo shaqanayay ayaa ka qayb galay, guulo wax ku ool ahna way ka soo hooyeen cidda leh Xukuumaddu Itoobiya may gaadhinna waa dad xaqiiqada ka fog oo hadalka suuqa laga leeyahay uun ka adag, Waxaanan bulshada u soo jeedinayaa in ay xukuumaddooda u shaqaynaysa ku kalsoonaadaan oo ay aaminaan, isla markaana ogaadaan in dalka Somaliland uu u bahan yahay shaqo iyo hawl la qabto, laakiin hadal meel laga yidhaahdo iyo muran iyo buuq in aanay midna u baahnayn. qorshaha xumuukadda uu gadhwadeenka ka yahay Madaxweyne Muuse Biixi iyo xisbiga KULMIYE wuxuu yahay hadal yar iyo hawl badan, taas ayaanan ku shaqaynaynaa, mucaardikuna waxay dadka ka iibinayaan ha u sheegaan intay muranka ka baxaan.” Wasiirka oo ka hadlayay xidhiidhka Somaliland iyo Kiiniya halka uu marayo, ayaa yidhi. “Xidhiidhka Kiiniya iyo Somaliland meel wanaagnsan ayuu marayaa waxaanay Kiiniya xafiis ka furanaysaa Somaliland, qorshiisuna wuu socdaa, waxaanay ahayd in sannadkan bilawgiisa ay furtaan, kulamo aanu madaxda dawladda Kiiniya wada yeelanay kadib waxay ku qanceen in ay xafiis dublamaasiyadeed ay ka furtaan Somaliland, dhakhsana way u furanayaan, Somaliland xafiiska ay Kiiniya ku leedahayna si wanaagsan ayuu u shaqeeyaa, xidhiidhka labada dalna aad ayuu u wanaagsan yahay.” Wasiirka oo wax laga waydiiyay wada hadalkii Somaliland iyo Soomaaliya iyo ergaygii Turkiga waxay ku kala tageen, ayaa ku jawaabay. “Xukuumadda Somaliland wada hadalladaa mawqifkeeda way caddaysay, waxaanay dalbatay in wada hadalada la ballaadhiyo oo dalal kale lagu soo daro, waxaana jawaab laga sugayaa dawladda Turkiga, markaa jawaabta ay soo celiyaan ayaan ka hadli doonnaa.” Waxaa kale oo wasiir Yaasiin wax laga waydiiyay siyaasadda dibedda, gaar ahaan Yurub iyo Maraykan iyo siday uga hawl galeen, waxaanu yidhi. “Waxaa jiray socdaal aad muhiim u ahaa oo aanu ku tagnay dalal badan oo Yurub iyo Maraykanka ah, waxaanan kulamo la qaadanay madax sare oo ka mid ah dawladda Maraykanka iyo waaxda sharci dejinta iyo hay’addo caalami ah, kuwaas oo aan muddo badan cidi u tegin qaarna aan looba tegin oo qaddiyadda Somaliland aanu gaadhsiinay, waxaan la kulanay warbaahin badan oo caalami ah. Waxa kale oo aanu kulamo waawayn la yeelanay maxadyo waawayn oo ah kuwa siyaasadda dalalkooda ee arrimha dibedda jaangooya oo ku qancay qaddiyada Somaliland, tallaabooyinkaas is xig xigay waxay dhaliyeen in wufuud badan oo caalamka ka socotaa in ay Somaliland timaaddo, xidhiidh dhaw oo wada shaqayneedna waanu wada yeelanay meel wanaagsanna wax way noo marayaan. Waxa kale oo aanu kulamo la yeelanay dhammaan dalalka aanu tagnay jaaliyadaha Somaliland oo aanu ku baraarujinay in ay isku duubni iyo midnimo wada yeeshaan oo ay u midoobaan qarannimada Somaliland.” ayuu yidhi Wasiirka wasaaradda arrimaha dibedda iyo iskaashiga caalamiga ah ee Somaliland Prof: Yaasiin Maxamuud Xiir (Faratoon). Source

Muqdisho (Caasimada Online) – Safiirka Dowladda Soomaaliya ee dalka Kenya Maxamuud Axmed Nuur Tarsan ayaa la kulmay madaxweynaha Soomaaliya Maxamed Cabdullaahi Farmaajo. Madaxweyne Farmaajo ayaa qaabilay Safiirka oo dib shalay ugu soo laabtay magaalada Muqdisho, kadib markii Kenya ay ku wargelisay inuu dib ugu soo laabto magaalada Muqdisho. Ambassador Tarsan ayaa warbixin ka siiyay madaxweyne Farmaajo xaaladda siyaasadeed ee kasoo cusboonaatay xiriirka diblumaasiyadeed ee kala dhaxeya Kenya oo xumaaday markii Kenya ay shaacisay inaysan la dhacsaneyn Shirkii ka dhacay magaalada London. Maalintii Shalay qoraal kasoo baxay wasaaradda arrimaha dibadda Soomaaliya ayaa lagu sheegay inaysan jirin Shidaal ku jira dhul Kenya leedahay oo lagu xaraashay magaalada London. Dowladda waxa ay nasiib daro ku tilmaamtay in ay Danjire Tarsan ku wargaliso in uu Kenya ka baxo iyada oo aysan jirin wadatashi ka horeeyay, waxaana qoraalkii Kenya uu sababay inuu Tarsan Muqdisho kusoo laabto. Dowladda Soomaaliya ayaa cadeysay in dhulka ay dooneyso Kenya inay xoogto inuu yahay dhul Soomaaliyeed islamarkaana marnaba aan gorgortan laga galeyn. Caasimada Online Xafiiska Muqdisho Caasimada@live.com

Jalalaqsi (SMN) – Faah faahinno dheeraad ah ayaa ka soo baxaya weerar xoogan oo saacadihii la soo dhaafay ka dhacay degmada Jalalaqsi ee gobolka Hiiraan. Weerarkan oo loo adeegsaday madaafiic ayaa la sheegay in lagu qaaday fariisin Ciidamada AMISOM, gaar ahaan kuwa Jabuuti ay ku leeyihiin galbeedka degmadaasi. Al Shabaab oo sheegtay masuuliyadda weerarkan waxa ay tilmaameen in ay ku dileen illaa 5 Askari, kuna dhaawaceen 12 kale, sida ay hadalka u dhigeen. Dhanka kale ma jiro weli wax war ah oo ka soo baxay saraakiisha ciidamada Jabuuti iyo kuwa dowladda oo ku aadan weerarkaasi. Xaaladda ayaa saaka dagan, iyadoona ciidamada milatariga Soomaaliya iyo kuwa AMISOM ay howlgallo ka sameeyeen agagaarka degmada Jalalaqsi ee G/Hiiraan. The post Al Shabaab Oo weerar culus ka fuliyay gobolka Hiiraan appeared first on Shabelle. View the full article

Muqdisho (Caasimadda Online) – Ra”iisal wasaaraha Xukuumadda Federaalka Soomaaliya Mudane Xasan Cali Kheyre ayaa maanta daah furay bilaabashada mashruuc lagu dhisayo waddooyinka xiriiriya Muqdisho,Afgooye iyo jowhar. Dowladad Federaalka Soomaaliya iyo shirkad laga leeyahay dalka Turkiga oo ku guuleysatay dhismaha waddooyinkan ayaa kala saxiixday heshiis ku aadan sidii loo dhisi lahaa wadooyinkan. Madaxweynaha Dowlad Goboleedka Hirshabeelle Maxamed Cabdi Waare,iyo Madaxweynaha Koonfur Galbeed Soomaaliya Cabdicasiis Xasan Maxamed Lafta-gareen ayaa goob joog ka ahaa madasha heshiiska lagu kala saxiixday. Dowladda Qadar ayaa maalgelineysa dhismaha waddooyinkan isku xira magaalooyinka Muqdisho,Afgooye iyo Jowhar oo ka kala tirsan Gobolada Banaadir iyo Labada Shabeelle. Dhismaha wadooyinkan ayaa waxay muhiim u yihiin isku socodka gaadiidka dadweynaha iyo kuwa xamuulka qaada,kuwaasi oo dhibaato weyn ku qabay bur burka wadada.

(SLT-Muqdisho)-Madaxweynaha Soomaaliya Maxamed Cabdullaahi Farmaajo ayaa qaabilay safiirka Soomaaliya ee Kenya Maxamed Axmed Nuur (Tarzan) kaas oo dhowaan dowladda Kenya ku wargalisay in uu dalkiisa ku laabto. Waxaa la fahamsanyahay in safiirka uu madaxweynaha warbixin ka siiyay xidhiidhka dublamaasiyadeed ee labada dal. Dowladda Soomaaliya ayaa ka jawaabtay cabashadii Kenya ee ahayd in dhul badeed lagu muransanyahay ay xaraashtay, waxayna sheegtay in aysan arrinkaas waxbo ka jirin. Dowladda waxa ay nasiib daro ku tilmaamtay in ay Danjire Tarzan ku wargaliso in uu Kenya ka boxo iyada oo aysan jirin wadatashi ka horeeyay. Source

Tensions are rising in East Africa over a maritime dispute between Kenya and Somalia. The Government of Kenya released a strongly worded statement alleging Somalia had auctioned off oil and gas blocks in Kenyan maritime territory on the 7th of February, 2019. Calling the auction “outrageous and provocative” and those involved, enemies of the state, Kenya vowed to act. Kenya has since “instructed the Ambassador of Somalia to Kenya to depart to Somalia for consultations”. The dispute over the area is not new; in 2009 the countries agreed that the United Nations commission in charge of mediating border disputes should determine the borderline without going to court. However, in 2014, Somalia sued Kenya at the International Court of Justice in the Hague. Timothy Walker, a maritime border conflict researcher at the Institute for Security Studies in South Africa’s view is, “The position of the boundary is a gray area.” Unwarranted Aggression Spectrum Geo website, however, seems to show that the blocks sparking the current tiff are not even in the disputed area. Only two blocks of fifteen are potentially close to the disputed triangular region. There is also no proof that the blocks were even auctioned and at best, Kenya’s protests are pre-emptive but unnecessary. The Somali government has confirmed that: “Somalia is not now offering, nor does it have any plans to offer, any blocks in the disputed maritime area until the Parties’ maritime boundary is decided by the ICJ.” In its response to the Kenyan statement, the Somali Ministry of Foreign Affairs and International Cooperation said it regretted the decision by Kenya to instruct the Somali envoy to depart Kenya without prior consultations. The Somali government also committed to working hard in close cooperation with Kenya to address the issues affecting both nations and the region. While a case can be made for both sides’ claims to the rich triangle, Kenya has gone about asserting its rights in an overly brutish manner. The government has disparaged its neighbor, throwing an unbecoming tantrum. It was not necessary for Kenya to conflate a border dispute with its benevolence to Somalia but it did. Kenya reminded Somalia that it has hosted hundreds of thousands of Somali refugees and today hosts over four hundred thousand of them. It is unclear why this was relevant. Kenya also said, “the Government of the Federal Republic of Somalia has once again demonstrated that it has yet to attain and embrace the political maturity and diplomatic stance of a normal, well adjusted, and properly functioning modern government”. This was a blow below the belt and the irony is that Somalia has exhibited the level-headedness of a modern state while Kenya has thrown an embarrassing fit. Source: African Exponent

Muqdisho (Caasimada Online) – Xildhibaan Ilyaas Cali Xasan oo ka tirsan aqalka sare ee baarlamanka federaalka Soomaaliya ayaa warbaahinta Kenya siiyey hadallo ka dhan ah dowladda Soomaaliya, isaga oo taageero u muujinaya Kenya, xilli xiisad diblomaasiyeed ay ka dhaxeyso labada dal. Xildhibaan Ilyaas ayaa u sheegay wargeyska The Standard in dowladda Soomaaliya aysan la tashan aqalka sare “ ka hor inta aysan iib-geyn xirmooyinka shidaalka” Ilyaas oo ah guddoomiyaha guddiga kheyraadka ee Aqalka Sare, ayaa sidoo kale warbaahinta kale ee Kenya ay kasoo xigatay bayaan oo ku sheegay in tallaabada dowladda Soomaaliya “ay ku iib-geysay xirmooyin shidaal oo dal kale uu leeyahay ay jebineyso sharciyada dalka.” Waxa uu sheegay in Kenya ay Soomaaliya u gashay abaal weyn. “Kenya waxa ay marti-gelisaa xerada qaootiga ee ugu weyn dunida, oo dadka ugu badan ee ku jira ay yihiin Soomaali. Sidoo kale bulshada ganacsatada ugu badan ee Soomaalida ah waxay ku sugan yihiin Nairobi” ayuu yiri Ilyaas. Sidaas darteed, buu yiri, xiriirka oo xumaada waa mid dhib ku ah labada dalba. Waxa uu hoos u dhigay saameynta xiisadda diblomasiyeed ee labada dal, wuxuuna rajo ka muujiytey in is-faham darrada labada dal la xalin doono. Caasimada Online Xafiiska Muqdisho caasimada@live.com

Baardheere (SMN) – Ciidamo ka tirsan kuwa milatariga Soomaaliya iyo maleeshiyaad hubeysan ayaa lagu soo warramayaa in saaka ay isku hor fadhiyaan qeybo ka mid ah degmada Baardheere ee gobolka Gedo. Xiisadan ayaa la sheegay in ay salka ku heyso muran ka dhashay lacagaha canshuuraha ee laga qaado degmadaasi. Ilo deegaanka ah oo la hadlay Shabelle ayaa sheegay in ay cabsi xoogan ka qabaan in dagaal uu ka qarxo halkaasi. Xaaladda magaalada Baardheere ayaa muddooyinkii dambe aheyd mid kacsan, iyadoona ay ka taagneyd xiisad dhinaca maamulka ah. The post Xiisad xoogan oo ka taagan degmada Baardheere appeared first on Shabelle. View the full article

Afgooye (SMN) – Wararka laga helayo gobolka Shabeelaha Hoose ayaa sheegaya in saaka kooxo hubeysan ay dil ka geysteen degmada Afgooye ee gobolkaasi. Dilkan ayaa lagu soo warramayaa in loo geystay guddoomiyihii xuquuqul insaanka degamadaasi oo lagu magacaabi jiray Cabdi Abuukar Islow. Marxuumka ayaa toogasho lagu dilay, xilli uu ku sugnaa suuqa magaalada Afgooye, sida ay Shabelle u xaqiijiyeen dad goobjoogayaal ah. Raggii ka dambeyay dilkan ayaa goobta isaga baxsaday, iyadoona markii dambe ay halkaasi gaareen ciidamo ka tirsan kuwa amniga magaaladaasi. Illaa iyo hadda ma jirto cid sheegatay dilkaasi, basle Al Shabaab ayaa inta badan weeraro iyo dilal qorsheysan ka fuliya gobolka Sh/ Hoose. The post Kooxo hubeysan Oo saaka dil ka geystay degmada Afgooye appeared first on Shabelle. View the full article

Muqdisho (SMN) – Afhayeenka golaha dhaqanka iyo midnimada beelaha Mogadishu Clan Nabadoon C/nuur Axmed Diiriye oo la hadlay Shabelle ayaa sheegay in soo dhaweynayaan jawaabta ay dowladdda Soomaaliyeed ka bixisay hadalkii Kenya. Ugu horreyn Nabadoonka ayaa tilmaamay in jawaab diplomaasiyadeed ay dowladdu ka bixisay hadalkaasi. Waxaana uu hoosta ka xariiqay in ka dhaqan ahaan ay garab taagan yihiin dowladda federaalka Soomaaliya. Halkan hoose ka codka. The post Waxgaradka Soomaaliyeed Oo soo dhaweeyay Jawaabta DFS appeared first on Shabelle. View the full article

(SLT-Nairobi)-Ganacsatada Qaadka ee Kenya ayaa sheegay inay diyaar u yihiin inay joojiyaan Qaadka ay u dhoofiyaan Soomaaliya, haddii ay dowladda Soomaaliya sii wado muranka dhinaca sohdinta badda iyo xiisadda diblomaasiyadeed ee labada dal u dhaxeeya. Ganacsatada Qaadka Kenya ayaa maalinta walba u soo dhoofiya Soomaaliya 50 tan , iyadoo dowladda Kenya ay ka hesho suuqa Qaadka ee Soomaaliya 100 milyan oo Kenya shilling ah. “Kuma iibsan karno Qaad madax bannaanida dalkeenna.. Soomaliya waxay mar walba ku gooddisaa inay joojinayso Qaadka Kenya , si ay usoo jeediso dareenka dowladda” sida waxaa yidhi afhayeenka ganacsatada Qaadka Kenya, Kimithi Munjuri. Waa markii ugu horeysay oo go’aan noocan oo kale ah ay gaaraan ganacsatada Qaadka ee Kenya, iyadoo la og yahay in Soomaaliya tahay lafbarka ugu weyn marka la eego dhaqaalaha Kenya ka soo gala ka ganacsiga caleenta Cagaaran ee ‘’Qaadka’’ Dowladda Soomaaliya ma ay soo hadal qaadin marnaba in ay jareyso xidhiidhka ganacsi ee kala dhaxeeya dowladda Kenya oo kan ugu weyn yahay Qaadka si joogta ah looga soo dajiyo guud ahaanba dalka. Source

Muqdisho (Caasimada Online) – Qaar kamid ah xildhibaanada baarlamaanka Soomaaliya ayaa kka hadlay jawaabta dowladda Soomaaliya ay ka bixisay go’aankii Kenya ay dalbeeda kaga soo saartay Safiir Maxamuud Axmed Nuur Tarsan oo shalay Muqdisho kusoo laabtay. Xildhibaanada ayaa qaarkood waxay go’aankaasi u ku amaaneen hal qodob oo ah inuu yahay mid muujiyay biseyl diblomaasiyadeed, halka qaarkoodna ay u arkeen inuu ahaa mid jilicsan Xildhibaan Sadiiq Xersi Warfaa oo kamid ah xildhibaanada baarlamaanka ee taageersan xukuumadda ayaa sheegay in go’aankaasi uu ahaa mid diblomaasiyadeed oo muujinaya biseyl siyaasadeed. Sidoo kale xildhibaan Warfaa ayaa sheegay inay socdaan wadahadalo labada dhinac u dhaxeeya, isaga oo sheegay in Soomaaliya aysan marnaba gogortan ka galeynin taako kamid ah dhulka Soomaaliya. Xildhibaan Sakariye Xaaji Maxamuud oo ka mid ah xubnaha dhaliilsan xukuumadda ayaa sheegay in aad u dhaliilayo go’aanka dowladda Soomaaliya ka qaadatay hadalkii dowladda Kenya, hal sabab darteed. Waxa uu sheegay in dowladda Kenya ay ku xad gudubtay dhulka Soomaaliya, sidoo kalena ay ku dhawaaqday hadal xanaf ah oo dadka Soomaaliyeed iyo dowladda intaba taabanayay, balse dowladda looga baahnaa in jawaab kulul ay siiso, taasi oo aan dhicin. Hoos ka dhageyso codadka labada xildhibaan Codka Xildhibaan Sadiiq Warfaa https://www.caasimada.net/wp-content/uploads/2019/02/Xildhibaan-sadiiq-warfaaa.mp3Codka Xildhibaan Sakariye https://www.caasimada.net/wp-content/uploads/2019/02/Xildhibaan-sakariye-.mp3Caasimada Online Xafiiska Muqdisho Caasimada@live.com

(SLT-Washington)-Madaxweynaha Mareykanka Donald Trump ayaa UK iyo waddamada kale ee Yurub ee xiriirka kala dhaxeeyo u sheegay in dib ay ugu soo laabtaan dagaalka lagula jiro kooxda isku magacaawday Khilaafada Islaamka. Trump ayaa waddamadaan ku booriyay in ay ka qeeyb qaataan dagaalkii ugu dambeeyay oo ay isku dayaan in ay meesha ka saaraan in kabadan 800 oo qof oo ka tirsan dagaalamyaasha ururka Daacish. Hadalkaan oo uu ku soo qoray bartiisa twitter-ka ayaa imanaya iyadoo xoogagga Kurdiyiinta ee uu taageero Mareykanka ay weerar culus ku qaadeen goobtii ugu dambeeysay ee ay IS ka arrimiso taas oo ku taallo soohdinta Suuriya ay Ciraaq la wadaagto. Waxaana jiro dagaalamayaal ka tirsan IS ay gacanta ku dhigeen ciidamada ay Kurdiyiinta hor kacayaan. Mr Trump ayaa maalmo ka hor sheegay in ururka Daacish ay haatan sii dhamaanayaan. Hadalkiisa twitter-ka ayuu ku sheegay in Mareykanka uusan eegan Karin dagaalamayaasha IS oo ku dhex milmaya Yurub. Waxa uuna sidoo kale sheegay in la joogo xilligii dalalka kale shaqadooda ay awoodaan qabsan lahaayeen. Saraakiisha Maamulka Trump ayaa maalintii Axadda ahayd u sheegay wargeeyska Telegraph in ay ka cabsi qabaan in qaar ka mid ah dagaalamayaasha Daacish ee maxaabiista ah ay dalalka Yurub khal-khal geliyaan waa haddii aan cadaaladda la hor keenin. Madaxweyne Trump ayaa jimcihii sheegay in 24-ka saac ee socota la soo sheegi doono in IS gabi ahaanba la baabi’iyay balse waxaa waqtigaasi ka soo wareegatay 24 saac ka badan ilaa haatanna waxa war ah oo ka soo yeeray ma jiro aqalka cad ee Mareeykanka looga arrimiyo. Jiya Furat waa hogaamiyaha dagaalka lagu qaaday Baghuz oo ah goobta kaliya ee ay haystaan Daacish waxa uuna sheegayaa in IS ay isugu soo uruurtay masaafo gaareeysa 700 oo mitir. Source

Wararka ka imaanaya degmada Jalalaqsi ee Gobolka Hiiraan ayaa sheegaya in weerar lagu qaaday Saldhig Ciidamada Jabuuti ee qeybta ka ah howl-galka AMISOM ay ku leeyihiin Galbeedka degmada Jalalaqsi ee dalka Soomaaliya. Dagaalyahano ka tirsan Al-Shabaab ayaa weerar Madaafiic ah ku qaaday Saldhigga Ciidamada Jabuuti, iyadoo Jabuutiyaankana ay dhankooda Madaafiic kale ku jawaabeen. Al-Shabaab ayaa sheegtay in duqeynta ay ku dileen shan askari Jabuutiyaan ah, halka 12 kalena ku dhaawaceen, inkastoo aanay jirin warar xaqiijinaya sheegashada Al-Shabaab. Ciidamada dowladda iyo kuwa AMISOM ayaa howlgalo ka sameeyay duleedka degmada Jalalaqsi oo la rumeysan yahay in madaafiicda laga soo tuuray. Dadka deegaanka Jalalaqsi ayaa sheegaya in madaafiicdii xalay ay cabsi ku abuurtay, balse ma jirto khasaare soo gaaray dadka deegaanka. Ciidamada Jabuuti ee qeybta ka ah howlgalka AMISOM ayaa saldhigyo ku leh degmooyinka Jalalaqsi, Buulo Burde iyo Beledweyne oo ka tirsan Gobolka Hiiraan. Source

Source

(SLT-Port Elizabethe)-Kooxo budhcad Koonfur Afrikan ah ayaa xalay Magaalada Port Elizabethe ee wadanka Koonfur Afrika waxa ay ku dileen Muwaadin Soomaali ah oo kamid ahaa dadka ganacsiga ku leh dalkaasi. Dilkan ayaa waxa uu ka dhacay Xaafadda lagu magacaabo New Brighton ee Magaalada Port Elizabeth ee Gobolka Eastern Cape, isla markaana rag budhcad oo hubeysan ay toogteen Muwaadinka Soomaaliyeed, xilli uu saarnaa gaadhi uu watay. Allaha u naxariistee Muwaadinka la dilay ayaa waxaa lagu magacaabi jiray Yuusuf Maxamed Ibraahim,waxaana uu kamid ahaa Ganacsatada Soomaaliyeed ee kunool dalka Koonfur Afrika,iyadoo ragii ka dambeeyay dilkiisa ay goobta ka baxsadeen. Inta badan Dalka Koonfur Afrika ayaa waxaa ka dhaca dilal kala duwan, kuwaasi oo loogu geysto Muwaadiniinta Soomaalida ah ee halkaasi ku ganacsata, waxaana Sanadkaan cusub ee 2019 gudihiisa lagu dilay dalkaasi dhowr qof oo Soomaali ah. Source

(SLT-Nairobi)-Sida ay baahiyeen qaar ka mid ah warbaahinta dalka Kenya, Kenya ayaa ku xidhay Soomaaliya shuruud saddex qodob ka kooban si xal looga gaadho muranka diblomaasiyadeed ee dhinaca badda ee labada wadan ka dhaxeeya. Qodobka koowaad ee ay Kenya dalbaneysa ayaa ah in Soomaaliya ay ka noqoto qaybaha ka mid ah soohdinta dalkeeda ee ay Soomaaliya ku suuqgeysay 7-dii bishan magaalada, London ee dalka Ingiriiska. Shuruudda labaad ee ay Kenya ka dalbaneyso Soomaaliya ayaa ah in Soomaaliya ay ogeysiiso dhamaan shirkaddihii baayacay xidhmooyinkii dhulka shidaalka ee ay ku soo bandhigtay shirkii London in aysan Soomaaliya dhulkaasi laheyn. Iyo shruudda sadexaad ee ugu dambeysa oo ah, in Kenya ay dooneyso in wada xaajood ay labada wadan ka galaan arrinta muranka badda oo ay xal walaalnimo ka gaaraan, iyadoo aan la marin Maxakamadda caalamiga ah ee Hague ee ay hadda dacwadooda taalo. Sida ay soo xigteen warbaahinta Kenya, Xoghayaha joogtada ee wasaaradda arrimaha dibadda ee Kenya Mr. Macharia Kamau, ayaa sheegay in Kenya ay dooneyso in Soomaaliya ay fuliso sadexdaasi shardi si Kenya ay u soo celiso xiriirkii diblomaasiyadeed ee labada wadan ka dhaxeeyay. Xalay ayey aheyd markii dawladda Soomaaliya ay sheegtay in khariiradaha ay sheegtay dawladda Kenya ay muujinayso badda Soomaaliya ayna waafaqsan tahay mowqifka weligeed ee dawladda Soomaaliya iyo dawcadda ku saabsan xadka badda ee hortaalla maxkamada caalamiga ah ee Hague. Waxay kale oo ay sheegtay dowladda Soomaaliya in mowqifkaasi uu ka turjumanayo mas’uuliyadda saaran dawladda Soomaaliya ee ay ku ilaalinayso midnimada iyo madaxbannaaniddeeda siyaaso iyo dhuleed. Somaliya ayaa intaasi ku dartay in aysan qandaraas ku bixin xidhmooyin dhuleed, qorshahana ugu jirin in ay ku bixiso wax xidhmooyin gaaska ah oo ku yaalla degaanka lagu muransan yahay ilaa inta maxkamadda caalamiga ah ee ICJ ay go’aan ka gaareyso. Sabtidii ayuu murankan soo baxay, markii Kenya ay go’aansatay inay xiriirka diploimaasiyadeed u jarto Soomaaliya. Safiirkii Kenya ee Somaliya Lucas Tumbo,ayaa shalay dib ugu noqday Nairobi , safiirkii Soomaaliya ee kenyana, Maxamed Nuur Tarsan ayaa isna Axaddii shalay ku noqday Xamar. Source

Port Elizabeth (SMN) – Kooxo burcad Afrikaan ah ayaa xalay Muwaadin Soomaali ah ku dilay magaalada Port Elizabeth ee dalkaasi. Marxuumka la dilay ayaa waxaa lagu magacaabi jiray Yuusuf Maxamed Ibraahim, iyadoona burcadii dishay ay goobta isaga baxsatay. Ciidamo ka tirsan kuwa Booliska iyo xubno ka mid ah Jaaliyadda Soomaaliyeed ayaa gaaray meesha uu dilku ka dhacay. Inta badan waxaa K/ Afrika ka dhaca dhibaatooyin xoogan oo loo geysto ganacsatada Soomaaliyeed ee ku dhaqan gudaha dakaasi. The post Muwaadin Soomaaliyeed Oo lagu dilay Koonfur Afrika appeared first on Shabelle. View the full article

(SLT-Poland)-Raysal wasaaraha Poland Mateusz Morawiecki ayaa baajiyay safar uu ku tagi lahaa Israa’iil ka dib markii uu qoonsaday hadal ka soo yeeray dhigiisa Israa’iil kaas oo ku saabsan xasuuqii dadka Yuhuudda ah loo gaystay ee Holocaust. Warbaahinta Israa’iil ayaa soo xigatay Netanyahu oo leh “Poland ayaa Jarmalka la shaqaysay” intii uu socday dagaalkii Holocaust. Markii dambe ayuuse soo saaray waraaq uu arrintaas ooga hadlayo wuxuuna sheegay in uusan ula jeedin qaranka Poland ama dadka reer Poland oo dhan. Poland ayaa u yeertay danjiriheedii Israa’iil, Axaddiina waxay sheegtay in ra’iisulwaaare Morawiecki uusan ka qayb galaynin shirka Talaadada dhacaya. Shirka oo ay Israa’iil martigalinayso waxaa ka qayb gali lahaa afar dal oo kala ah Czech Republic, Hungary, Poland iyo Slovakia. Joanna Kopcinska oo ah Afhayeenka dawladda Poland ayaa sheegay in ra’iisulwasaare Morawiecki uu la hadlay ra’iisulwasaare Netanyahu uuna sheegay in shirka uu Poland uga qaybgali doono Jacek Czaputowicz oo ah wasiirkooda arrimaha dibadda. Muxuu yidhi Netanyahu? Netanyahu oo booqasho rasmi ah ku jooga Poland ayay warbaahinta Israa’iil oo ay ka mid yihiin Haaretz iyo Jerusalem Post wax ka qoreen ra’iisulwasaaraha Khamiistii. The Jerusalem Post ayaa qoraalkeeda u adeegsatay “dalka Poland” waxaana la sheegay in ay durba wax ka badaleen. Xafiiska Netanyahu ayaa soo saaray war qoraal ah oo uu arrintaas ku kala caddaynayo “Ra’iisulwasaare Netanyahu wuxuu adeegsaday Poles mana aha dadka Poland iyo dalka Polanad.” Poland siday uga falcelisay? Morawiecki ayaa Twitterka ku soo qoray “Poland dawlad ma lahayn” markii uu Nazigu haystay Poland. Safiirka Israa’iil u fadhiya Warsaw ayay wasaaradda arrimaha dibaddu u yeertay Jimcihii. Madaxweyne Andrzej Duda ayaa sheegay in haddii uu Netanyahu yiri warkii markii hore la sheegay “in Israa’iil aysan ku haboonayn in lagu shiro”. Morawiecki ayaa Axaddii ku dhawaaqay in safarkiisii uu baaqday. Israa’iil ayaa dalbatay in ay martigaliso shirka dalalka ku midaysan Visegrad si ay u xoojiyaan calaaqaadka ay la leeyihiin Midawga Yurub. Maxay tahay taariikhda arrintan ku gadaaman? Markii uu socday dagaalkii Labaad ee Adduunka Poland waxaa qabsaday Nazi-gii iyo xulafadii Soviet-ka waxanaa la dilay in kabadan shan milyan oo Poland u dhashay, saddex milyan oo ka mid ahna waxay ahaayeen Yuhuud. Marka ay timaaddo Holocaust, dalkaas ayaa sannado badan ka soo horjeeday “in la dhoho kaamamkii geerida ee polish-ka” wuxuuna sheegay in arrintaasi ay tilmaamayso in ay gacan ku lahayd kaamamkii uu Naz-gu ka dhistay dalkooda intii uu haystay.” Bishii Feebaraayo ee sannadkii 2018 ayay Poland soo saartay sharci dambi ka dhigaya in dalka Poland ama xukuumaddiisa lagu eedeeyo in ay ku luglahaayeen dagaalkii Nazi-ga ee Holocaust. Israa’iil ayaa arrintaas ka soo horjeedsatay, madaxweyne Reuven Rivlin ayaana sannadkii hore sheegay in inkastoo dad badan oo reer Poland ah ay la dagaaleen Nazi-yiintii in haddana “Poland iyo dadka reer Poland ay gacan ku lahaayeen laynta” Yuhuuddii ku dhammaatay dagaalkii Holocaust. Poland ayaa ogolaatay in ay sharcigaas baddasho haddana ma fuliso xabsigii ilaa saddexda sano ahaa ee ay dadku arrintaas ku mutaysan lahaayeen. Source

Balidoogle (SMN) – War saxaafadeed ka soo baxay howgalka Mareykanka ee AFRICOM ayaa lagu beeniyay in saddex sarkaal oo ka tirsan milatariga dalkaasi lagu dilay madaafiic ay Al Shabaab ku weerareen saldhigga ay ku leeyihiin deegaanka Balidoogle ee gobolka Shabeelaha Hoose. Mareykanka ayaa tilmaamay in wax khasaare ah weerarkaasi aysan ka soo gaarin ciidamadiisa degan saldhigga Balidoogle oo qiyaastii 95 KM u jira magaalada Muqdisho. Int badan Mareykanka ayaa weeraro xaga cirka ah la beegsada Dagaalyahannada Xarakada Al Shabaab. Si kastaba ha’ahaatee Mareykanka ayaa sanadkan sare u qaaday weerarada iyo duqeymaha uu ka fuliyo koonfurta iyo bartamaha Soomaaliya. The post Mareykanka Oo beeniyay in Askar looga dilay Balidoogle appeared first on Shabelle. View the full article

(SLT-Pakistan)-Dalka Pakistan oo ay kusii yaraaneyso lacagaha qalaad, wajahayana lacag yari iyo la tacaalida dhibaatooyinka dhaqaale ee mustaqbalka, ayaa si weyn loogu soo dhaweeyay dhaxalsugaha Sucuudi Carabiya Mahammed bin Salman. Waxaana si fudud loo fahmi karaa sababta ra’iisal wasaahara Pakistan Imran Khan uu sida degdega ah ugu baahan yahay lacago. Dhaxalsuge Maxamed Bin Salman oo loo yaqaano MBS ayaa soo gaaray Pakistan isagoo balanqaadaya lacago balaayiin ah. Pakistan ayaa noqotay halkii ugu horreysay uu booqdo safarkiisa uu ku marayo shan dal oo Aasiya ah, balse socdaalka dhaxalsugaha ee dalalka Indonesiya iyo Maleysia ayaa dib loo dhigay. Siduu qaali u yahay socdaalka dhaxalsugaha? Markii ugu dambeeysay oo xubin ka tirsan boqortooyada Sucuudiga uu booqdo dalalkan oo si weyn loo soo dhaweeyay ayaa ahayd sanadkii 2006, xiligaasi oo boqorkii Sucuudiga boqor Cabdalah bin Cabdilcasiis uu booqday labada dal ee hubka nuklerka heysta waa Hindiya iyo Paskitan. Haatan ammniga ayaa aad loo adkeeyay, iyadoo ra’isal wasaare Imran Khan uu sheegay inuu isagu shaqsi ahaan ka taxadari doono qaabka loo soo dhaweynayo boqortooyada Sucuudiga. Booqashada dhaxalsugahan 33 sano jirka ah ayaa imaaneysa xilli ay cirka isku sii shareereyso xiisadda gobolka, kaddib markii Hindiya ay ku eedeysay Paskitan weerarkii ugu dhimashada badnaa tobanaan sano oo lala beegsado ciidamadeeda jooga Kashmir. Ddiyaaradaha aan duuliyaha lahayn ee Pakistan ayaa soo hawada sare kusoo dhaweeyay diyaaradii siday dhaxalsugaha Sucuudiga Maxamed bin Salam markii ay soo gashay hawada Pakistan. Dhaxalsugaha ayaa waxaa salaamay Mr Khan wuxuuna sidoo kale salaan sharaf ka qaatay madaxa milatariga ugu xoogga badan Pakistan iyadoo roog cas loogu fidiyay garoonka diyaaradaha milatariga loona riday 21 madfac. Ra’iisal wasaaraha Pakistan Imran Khan, ayaa u kaxeeyay dhaxalsugaha aqalka madaxtooyada halkaasi oo uusan deganeyn Mr Khan balse noqoneyso halka uu deganaanayo Maxamed Bin Salman labada maalin ee booqashada uu ku joogo dalkaasi. Boqolaal ah guryaha raaxada oo ku yaala Islamabad ayaa la rumeysan yahay in loo diyaariyay ergeyda culus ee gaareyso 1000 qof. Waxaa jiro xitaa warar sheegaya in kumanaan shimbiro ah la qabtay loona diyaariyay xaflada soo dhaweynta dhaxalsugaha Sucuudiga. Maxay Pakistan ugu baahan tahay lacagaha? Bankiga dhexe ee Pakistan ayaa waxaa ku jira $8 bilyan oo keliya oo ah lacagaha qalaad ee ku harsan waxaana waddanka dhibaato ka heystaa bixinta qarashaadka. Booqashada Dhaxalsugaha Sucuudiga ee Pakistan Tan iyo markii la dhaariyay ra’isal wasaare Imran Khan bishii Augosta wuxuu ku dadaalayay inuu kaalmo ka helo dalalka saaxiibka la ah si uu u yareeyo lacagaha Pakistan ay ka amaahaneyso Hay’adda Lacagta Aduunka IMFee shuruudaha adag ay la socdaa.. Booqashada Maxamed Bin Salmaan ayaa kusoo beegmeysa kadib markii boqorka Abu Dhabi Maxmed Bin Zayed al-Nahyan uu booqday Islamabad ayna boqortooyada Imaaraatka u yaboohday inay siinyeso 6$ bilyan si loogu taageerko kabka dhaqaalaha Pakistan. Balse maalgelinta Sucuudi Carabiya ayaa intaasi ka badan iyadoo warbaahinteed ay tebineyso in heshiisyo rasmi ah oo gaaraya $20 bilyan. Source

Muqdisho (SMN) – Halkaan ka Dhageyso Warka Subax ee Idaacadda Shabelle. Hoos riix si aad u Dhageysato:- The post Dhageyso:-Warka Subax Ee Idaacadda Shabelle appeared first on Shabelle. View the full article