Qaran News

Qaran News

Dowladda Qatar ayaa shalay ku dhowaaqday inay lacag dhan 73 milyan oo riyaalka Qatar ah, una dhiganta 20 milyan oo dollar oo ay ku taageereyso miisaaniyadda dowladda Soomaaliya ee sanadkan 2019. Warkan oo uu ku dhawaaqay amiirka Qatar Sheikh Tamim bin Hamad Al Thani ayaa yimid kadib markii uu magaalada Doha kula kulmay madaxweynaha Soomaaliya Maxamed Cabdullaahi Farmaajo. Taageeradan ayaa muhiim ah dowladda xilli ay jiraan warar sheegaya in lacag badan ay ka dhiman tahay miisaaniyadda dowladda ee sanadkan, ayada oo bilihii dhowaa dowladda ay wajahaysay dhaqaale xumo. Hase yeeshee, ballan-qaadka 20-ka milyan ee Qatar ma ahan wixii aan ka filaynay kadib laba sano oo ay Soomaaliya garab taagneyd, waxa uuna caddeyn kale u yahay in siyaasaddii dowladda Soomaaliya ay ugu xiratay Qatar, una colaadisay Sacuudiga iyo Imaaraadka Carabta ay ahayd mid qaldan. Adiga oo aan meel fog ka raadin, waxaa caddeynta koowaad ka heli kartaa in Sacuudiga ay sanadii 2018 ay miisaaniyadda dowladda Soomaaliya ku kabatay 50 milyan oo dollar, inkasta oo ay jirtay inay ka xumeyd in dowladda Soomaaliya ay kala safatay Qatar. Qatar oo shacabka Soomaaliyeed ay aad u taageereen ayaga oo rumeysan in gar-darro ay ku maageen Sacuudiga iyo Imaaraadka, ayaan ugu abaal-gudin sidii ay filayeen. Tusaale, bishii June ee sanaddii 2018 waxay Qatar miisaaniyadda dowladda Jordan ku kabtay 500 oo milyan oo dollar, inkasta oo ay jirto in Jordan tahay dal ka horumarsan aadna uga dhaqaale badan Soomaaliya. Su’aasha is-weydiinta mudan ayaa ah, haddii Qatar aysan Soomaaliya siin karin xitaa lacag u dhiganta midda Sacuudiga ay dhiibeeen, maxay tahay danta aan ku qabno ee aan darteed ula dagaalnay dalal sanado badan saaxiib la ahaa Soomaaliya. Ka sokow taageerada miisaaniyadeed, Sacuudiga iyo Imaaraadka waa laba dal oo muhiim u ah dhaqaalaha Soomaaliya. Sacuudiga waa suuq muhiim ah xoolaha Soomaaliya, halka Dubai ay tahay magaalo ganacsatada Soomaaliyeed ay aad uga soo dhoosadaan badeecadaha. Soomaaliya waa u ceeb in dal ay colaadisay uu siiyo 50 milyan oo dollar, halkii kii ay saaxiibka ka dhigatay uu 20 milyan kusoo tuuray kadib laba sano oo ay dowladda Soomaaliya garab taganeyd. Haddii aysan jirin dano shaqsiyeed oo ayna ogeyn oo ay madaxda dalkeena ku haystaan Qatar, waxay ila tahay in la joogo waqtigii aan dib u sixi lahayn qaladkii aan galnay, oo ana macsalaameyn lahayn Qatar. W/Q: Jabriil Cabdullaahi Calasow Minneapolis, Minnesota Afeef: Aragtida qoraalkan waxa ay ku gaar tahay qofka ku saxiixan, kamana tarjumeyso tan Caasimada Online. Caasimada Online, waa mareeg u furan qof kasta inuu ku gudbiyo ra’yigiisa saliimka ah. Kusoo dir qoraaladaada caasimada@live.com Mahadsanid

Haweeney 70 jir norwiji ah ayay maxkamadda magaalada Bergen ku xukuntay 24 beri oo xabsi ah iyo ganaax lacageed oo 10.000 oo kr gaaraya kadib markii ay qoraal cunsuriyad iyo caay ah oo ay ku aflagaadeyneyso Sumaya Cali ay ku qortay barta bulshada ee Facebook. Sumaya Jirde Ali ayaa ah gabar da`yar oo soomaaliyeed oo u dhaq-dhaqaaqda arrimaha bulshada, gaar ahaan kuwa soomaalida iyo ajaanibta kel, waxayna caan ka tahay guud ahaan dalka Norway. Haweeneydan la xukumay ayaa Facebook-ga ku qortay «Fandens svarte avkom reis tilbake til Somalia og bli der din korrupte kakerlakk», oo u dhiganta af-soomaali ahaan «Nacallaa iyo wixii madoobaa ee ku dhalay, ku laabo dalkaagii Soomaaliya, ee halkaas joog, baranbarayahay musuq-maasuqan». Waxay haweeneydan ku andocootay in Sumaya iyadaba ay horay ugu qortay baraha bulshada aflagaado ka dhan ah siyaasiyiinta iyo booliska dalka Norway, waxayna tusaale usoo qaadatay qoraallada «freak Sylvi Listhaug og freak politiet» oo u dhiganta af-soomaali ahaan «Was Sylvi Listhaug (haweeney wasiirad ah) iyo was booliska». Maxkamadda ayaa sheegtay in Sumaya ay horay raalligelin uga bixisay erayadaasi, islamarkaana iminka looga dhigi karin dambi. Waxa ay maxkamaddu kusoo gunaanaday in qoraalka haweeneydan uu ahaa mid xambaarsan cunsuriyad islamarkaana la doonayo in laga hortago noocyadiisa. ” – Sumaya waa qof u dhaq-dhaqaaqa soo galootiga laga tirada badan yahay, waana qof qaali u ah, sidaas daraadeed xukunkan waxa uu ka hortagayaa in uu sumcadeeda ilaaliyo islamarkaana aysan badan qoraallada cunsuriyadda ku dheehan tahay ee baraha bulshada lagu faafiyo”, ayaa lagu yiri qoraalka maxkamadda Qaran News

Nairobi (Caasimada Online) – Dowladda Soomaaliya ayaa dowladda Kenya kala hadashay inay joojiso beegsiga ay ku hayso shacabka iyo ganacsatada Soomaaliyeed ee magaalada Nairobi, sida ay ilo-wareedyo lagu kalsoon yahay u sheegeen Caasimada Online. Arrintan ayaa timid kadib markii dowladda Kenya ay billowday cadaadis iyo si xun ula dhaqan ka dhan ah Soomaalida, kadib weerarkii Nairobi ee dhacay 15-kii Janaayo, oo ay sheegatay kooxda Al-Shabaab. Soomaali badan oo aan wax xiriir ah la lahayn kooxda Al-Shabaab ayaa lagu warramayaa in sabab la’aan ama tuhunno aan lahayn wax caddeymo ah ay dowladda Kenya u xirtay. Wada-hadal qadka taleefonka ku dhex-maray wasiirka amniga Kenya Fred Matiangi iyo wasiirka arrimaha dibedda Soomaaliya Axmed Ciise Cawad, ayaa la sheegay in Matiangi uu ku sheegay in Kenya aysan marna dad u beegsan inay yihiin Soomaali, balse ay qaadeyso tallaabo amniga lagu sugayo. Matiangi ayaa u xaqiijiyey Cawad in wax sharciga ka baxsan aysan qaadi doonin xukuumadda Nairobi. Maalmihii dhowaa ayaa la sheegay in cadaadiska laga yeeray Soomaalida, hase yeeshe madaxweyne Farmaajo ayaa qorsheynayey inuu la hadlo madaxweyne Kenyatta haddii aysan wax is-beddelin. Caasimada Online Xafiiska Muqdisho caasimada@live.com

Muqdisho (Caasimada Online) – Taliska Ciidamada Mareykanka ee Qaarada Africa ayaa warbixin uu soo saaray ku soo bandhigay tirada Shabaab ee lagu dilay duqeymaha bilowga sanadkaan Shabaab ay ka fuliyeen gudaha Soomaaliya. Mareykanka ayaa kordhiyay beegsiga Shabaab ay ku hayaan ee Gobolada dalka Soomaaliya, iyadoo habeenadii la soo dhaafay Mareykanka uu duqeeyay goobo dhawr ah oo Shabaab ay ku sugnaayeen. Gregory Hadfield oo ah Afhayeenka Militariga Mareykanka ee Afrika ayaa sheegay in sanadkan 2019 ka ay in ka badan 200 oo Al-Shabaab ah ku dileen weeraro ka dhaca gobolo ka mid ah Soomaaliya. Wuxuu sheegay weeraradii ugu dambeeyay oo ka dhacay Gobolka Shabellaha hoose inay ku dileen xubno Shabaab ka tirsanaa oo gaaraya 60. Mareykanka ayaa todobaadkii la soo dhaafay hal habeen kaliya afar duqeyn ka fuliyay deegaano ka tirsan Shabellaha hoose gaar ahaan Kuunya Barrow, Awdheegle, Janaale iyo duleedka Qoryooley, dhamaan goobahaasi ayaa lagu duqeeyay Al Shabaab. Weerarada Mareykanka uu qaaday sanadkaan bilowga ah ayaa gaaraya illaa 20 weerar. Caasimada Online Xafiiska Muqdisho caasimada@live.com

Washington (Caasimada Online) – Khabiir Michael Rubin oo ah xeel-dheere Maraykan ah ayaa dawladda Dalkiisa ku guubaabiyey inay wax la qabato Jamhuuriyadda Somaliland oo uu ku tilmaamay mid ka mid ah meelaha ugu nabdoon Afrika isla markaana ay ka qabsoomeen doorashooyin lagu tartamay. Wakaallada Wararka Somaliland (SOLNA) ayaa soo xigatay warbixin dheer oo Michael Rubin kaga faallooday muhiimadda ay Somaliland u yeellan karto Maraykanka, taasi oo lagu daabacay Shabakadda American Enterprise Institute. Michael Rubin wuxuu qormadiisa ciwaan uga dhigay: “Siyaasadda Maraykanka ee ku wajahan Afrika Iskama Dhego-tiri karto Somaliland” waxaanu sheegay inay Somaliland si weyn uga duwan tahay Soomaaliya , islamarkaana ay qabsoomeen doorashooyin lagu tartamay, dawladnimo shaqeynaysa. Aqoonyahan Michael Rubin wuxuu tilmaamay inay la-dagaalanka Argagixisadda iyo dagaalka ka socda Yeman uu kor u qaadayo istaraatajiyadda iyo muhiimadda Somaliland. Waxa kaloo uu intaas ku daray in Somaliland ay Miisaaniyaddeeda saddex meeloodoow meel geliso dhinaca Ammaanka ay hubka fudud soo iibsadaan, si ay ilaaliyaan ammaanka xeebta Somaliland oo dhererkeedu yahay 460 Mayl, waxaanu xusay inay ka hortagaan hubka sida sharci darrada ah uga imanaya dalka Yeman, waxaanu isweydiiyey sababta Xafiiska Arrimaha Dibadda Maraykanku ay xafiis ugu yeelan weyday Somaliland. Michael Rubin wuxuu sidoo kale sheegay in Maraykanku uu lacag badan ku bixiyeo Soomaaliya, oo uu dhaqaale badan iyo cuddud millatari la garab istaagay, hase yeeshee dowladda Soomaaliya aanay gaarin masaafo aan fogeyn, marka la eego dhulka ay maamusho. Caasimada Online Xafiiska Hargeysa Caasimada@live.com

Muqdisho (Caasimada Online) – Wasiirka Wasaaradda Maaliyadda Xukuumadda Federaalka Soomaaliya Mudane C/raxmaan Ducaalle Beyle ayaa sheegay in Dadaalka dawladda ee horumarinta dhaqaallaha dalka uu miro dhalay, guulna laga gaaray dib u habeynta siyaasdeed ee hanaanka maamulka maaliyadeed. “Dadaal keenii wuu mira dhalayaa, guushuna way caddahay sida ku cad warbixinta ay soo saartay IMF” ayuu yiri Wasiir Beyle. Mudane C/raxmaan Ducaalle Beyle Wasiirka Maaliyadda XFS ayaa xusay in Soomaaliya ay cagta saartay dhabbaha Horumarka iyo guusha, islamarkaana godkii madoobaa ay kasoo baxday, waxaana Shacabka Soomaaliyeed uu ku ammaanay dadaalka ay ka geeysanayaan horumarka dhaqaallaha. “Godkii madoobaa waanu ka soo baxnay, waxaanu saaranahay dhabbihii caddaa ee guusha, Hadaan nahay ummadda Soomaaliyeed waa in aan dadaalkeena sii laba laabnaa” “Waxaan u mahadcelinayaa dhamaan shacabka soomaaliyeed oo masuul ka ah horumar walba oo aan sameyno, hadaysan canshuur bixin laheyn isla markaana aysan la shaqeyn laheyn Dowladdooda maanta ma gaari laheyn guul walba oo aanu gaarnay” ayuu mar kale yiri Wasiir Beyle. Hay’adda (IMF) ayaa War qoraal ah oo ay soo saartay waxay Dowladda Soomaaliya ku ammaantay guulaha muhiimka ah oo ay ka gaartay horumarinta hanaanka maamul maaliyadeed ee dalka iyo kobaca daqliga soo gala dowladda. Beyle ayaa sheegay in taasi ay ku timid dadaalkii wasaaradda Maaliyadda Soomaaliya ay u gashey siddii muwadiniintu loogu buraarujin lahaa ahmiyadda ay leedahay bixinta canshuuraha, waxaana hay’adda (IMF) ay xustay in sanadkan 2019 uu jiro horumaro ballaaran oo dowladdu ay ka gaartay xagga daqliga. Caasimada Online Xafiiska Muqdisho caasimada@live.com

Tan iyo intii uu xilka hayay madaxweynaha jamuuriyadda Somaliland mudane Muuse Biixi Cabdi waxaa uu jeediyay khudbaddo aad ubadan oo dhinacyo baddan taabanaya ha u badnaadaan kudbaddo uu ku dhaleecaynayo, ugu hanjabayo ama uu kula garnaqsanyo dawalada federalka Somalia ee aynu jaarka nahay. Markasta oo uu madaxweyne khudbadda jeedinayo waxaa meesha ka baxda inuu madaxweynuhu khudbadd qodobaysan ujeediyo bulshadda iyadoo qodobadaas uu soo diyaarinsanyo oo warqad ku soo qoranayo si aan khudbadii uga noqon kaftan,maddaalo ama waqti lumis. tusaale ahaan tariikhdu markaya ahayd 09/12/2018 Mar uu madxweynuhu booqday cisbitaalka guud ee magaalada hargiesa isagoo la hadlaya bulshadda haddalo uu goobtaa ka yidhi iska daa dadkii goobta jooge waxaa hadlkaa ku qoslay madxweynaha laftarkiisa oo hadlkaa yidhi taasina maaha haykala madaxweyne ama haykal dawladdnimo. Mar madaxweynuhu khudbad uu ka jeedinyay fagaare ay iskugu soo urureen dadweyne aad ubaddan oo ku soo dhaweeyay magaalada Boorama waxa uu ka jeediyay khudbad ay ka cadhoodeen dadweynaha goboladda bariga oo kuu amaanyo goboladda galbeedka Somaliland isagoo madaxweynuhu labadaba uu isagu madaxweyne uyahay oo labadaba waa bari iyo galbeed bee laga soo doortay. Hadaba markaynu usoo daadagno dulucda maqaalkeena waxaanu madxweynaha Somaliland mudane Muuse Biixi Cabdi ugu soo gudbinaynaa in marka uu khudbadd jeedinayo uu isticmaalo haykalaka madaxweynenimo isagoo soo qodobaysanya waxa uu bulshadda ujeedinayo si aan cidina udhibsan oo uu marka hore uga soo baaraan daggo. W/Q: Cabdiraxiim Cabdilaahi Shine

The Best Choice: Good Governance in Somaliland Good governance is a method to government that is committed to creating a system formed in justice, peace and harmony that protects individual’s human rights and civil liberties. According to United Nation, good governance is measured by the eight factors of participations, Rule of Law, Openness, Consensus Oriented, Equity and Inclusiveness, Effectiveness and Efficiency, and Accountability. For sake of the seeking the recognition, Somaliland leaders are must to instigate those traits, in order to have a good governance and recognition. Participation is an important part of democracy and good governance. Participation requires to all citizens not matter who they are. Particularly those most prefers the tribes, have direct or representative access to the systems of government. This reveals as a strong civil society and citizens with the freedom of association and expression. Participation is a significant part of democracy. The civil society role has been absented from since Kulmiye party took power in somaliland. Moreover, in order for citizens to know what they require from their representative they need to be educated and aware of somaliland politics and constitution. For a democracy to work smoothly in a country, citizens would need to vote on a leader that they believe will benefit them in many ways. That being said, citizens would need the proper knowledge to make that decision in the first place. It will show that although participation is the best choice because it provides the most benefits for its citizens. I am going to argue that it does not only allow the educated on the topic to make the best judgement for a leader when voting, but non-institutionalized participation does not have to exist, along with participatory planning in Somaliland thriving much more due to moderate participation. Rule of law is essential for good governance. It refers to a belief of governance in which all people of the country, institutions and entities, public and private that include the states itself are accountable to laws. It denotes legal systems must have protect the human rights and civil liberties of all citizens, predominantly minorities. This is charged by autonomous judicial branch and police force free from corruption. Conduct the election on time, tackle the corruption, respect the constitution, support the free speech, no one should be punished by the government, except for those who break of law. The law should apply to all citizens equally. Since the Kulimye party has been in power, all these aforementioned factors have taken no place. Transparency is outlines that all citizens recognize and have full access to participate and also take their own decisions without hindrance or any kind of intimations, specifically whenever they felt the government decisions would be affected direct or indirectly. Any government that includes somaliland has obligation to provide an information which is understandable and accessible format, at the same time, translates through the media. Consensus oriented is established when a program occurred for conduct a place, and this would be relating some type of decision making. Decisions collaboratives are inventible whenever societies share a common need. One of the main obstacles that community face is when they share a common agenda. For example, every somaliland tribes have different needs, perspectives and expectations of its own. Somaliland government has obligation to facilities a consensus environment. The decision needs to be made in manner that reflects a deep understanding of cultural and social context of the tribes. Equity and Inclusiveness is depending on safeguarding that all the members of the community feel authorized to improve or maintain their well-being, particularly the minorities and groups that are the most vulnerable. Somaliland has been marginalized the minorities groups, especially the minority tribes such as Gabooye. The main reason that Somaliland election has not conducted on time would be the unfairness of the seat allocation to the minority’s tribes. In Somaliland, the minorities tribes had 13 seats in parliament in 1960 which the number of seats was 33. But after withdrawal the unity of Somalia, in 1993, Somaliland had reached an agreement which creates a new formula that formula was to recognize the existed number of parliaments in 1960. Furthermore, the agreed the to increase the number of parliament seats and they were multiply 2.5 the existed numbers (2.5×33= 82) and total will become 82 members of parliamentary. In the current member of parliament, the minorities tribes have less far to their proportion. Effectiveness and Efficiency is recognized through the effective use the resources to meet the needs of a society. The resource of the nation must be sustainable to guaranteeing social investments take through and natural resources are upheld for future generations. The current Somaliland administration failed to prove the efficiency and effectiveness for best use of the nation’s resources. Somaliland has been governed by oligarchy not only the current administration but also committed the previous government. Accountability denotes the responsibility for what you do and able to give an appropriate reason. Every institution being eventually accountable to the people and one another that includes government institutions, civil societies as well as the private sectors, all being accountable to one another as well. Somaliland government must be accountable to its people and not other way around. The lack of the knowledge of accountability is wide spreader in Somaliland. The police commissioner, the supreme court, the auditor general, attorney general and more do not know to whom they accountable for. There is a relation between the good governance and public policy. The public policy is the main driver of its good governance “the diagnosing the quality of government through the ingredients of public policy arrangements is crucial to determining practical and sustainable strategies for approaching good government by John Ugaoni”. If any government fails or not able to deliver the services needs the vast majority of the citizens, it would be the resulted declination the standard of living of the people. The Somaliland current administration has a mandate in the hands of the political and administrative leadership through public policy refers broadly to exercise of power through the nation’s political institutions, economic and social. It is clear evidence that somaliland current administration failed public policy, as long as the botched the public policy, the good governance is disaster. Good example, for the last 20 years, Somaliland police forces brutality would become widespread. The assaulting the media is being common especially in Hargeisa. Carelessness and indiscipline at the policy whether the high officers or law ranks policy officer become unimaginable. The somaliland police forces has been beating the people and behaving like authoritarian regimes forces. The Police needs to educate and those who not fitting the police forces must have to transfer other government branches such as the farming, and fishing. Qaran News

Muqdisho (SMN) – Akhristayaasheena ku xiran website-ka waxaan halkaan idin kugu soo gudbineynaa Barnaamijka Qubanaha Wararka Shabelle. Hoos riix si aad u dhageysato http://radioshabelle.com/wp-content/uploads/2019/02/Bar___Qubanaha-27022019.mp3 View the full article

Boosaaso (SMN) – Xildhibaan ka tirsanaa Baarlamaanka maamul goboleedka Puntland ayaa ku dhintay shil gaari oo ka dhacay inta u dhaxeysa magaalada Boosaaso iyo degaanka Waaciye ee gobolka Bari. Shilka uu ku geeryooday Mudanaha oo lagu magacaabayey Maxamed Faarax Mire ayaa yimid markii gaariga uu saarnaa uu dul-maray mid kale oo nooca xamuulka ah, sida ay ku waramayaa goobjoogayaal. Marxmuum Maxamed Faarax Mire oo kursiga Xildhibaanimo ku metalayey gobolka Bari ayaa kasoo baxay xarunta ganacsiga Puntland ee Boosaaso, isaga oo kusoo wajahnaa degmada Waaciye. Waa Xildhibaankii ugu horeeyay oo ay geeri ku timaado ee kamid ah Gollaha Sharcidejinta cusub ee dowlad goboleedka Puntland, kuwaasi oo wadar ahaan ka kooban haatan 65 marka laga reebo Marxuum Mire. View the full article

Madaxweynaha dowladda Puntland Siciid Cabdullaahi Deni ayaa ka tacsiyeeyay geerida xildhibaan Maxamed Faarax Mire oo ku dhintay shil gaadhi oo caawo ka dhacay laamiga u dhexeeya magaalada Boosaaso ee xarunta gobolka Bari iyo degmada Waaciye ee gobolka Karkaar. Qoraal tacsi ah oo ka soo baxay xafiiska madaxweynaha ayaa lagu sheegay in madaxweynaha oo ku hadlaya afka gollayaasha dowladda uu si gaadha ugu tacsiyeynayo eheladii qaraabadii uu ka baxay marxuumka. Sidoo kale madaxweynaha ayaa marxuumka ugu duceeyay in Ilaahay ka waraabiyo janna Fardowsa uuna deriskiisa ka yeelo suubbanihii Rasuulka SCW. PUNTLAND POST The post Madaxweynaha Puntland oo ka tacsiyay geerida xildhibaan Mire appeared first on Puntland Post.

Allaha unaxariistee waxaa caawa shil gaari ku geeriyooda Xildhibaan Maxamed Mire Faarax oo katirsanaa Baarlamaanka Puntland. Xildhibaanka waxa uu shilkan ku galay deegaan 15kmtr ujira [...] Source

Madaxweynaha dowladda Puntland Siciid Cabdilaahi Deni ayaa maanta waxa uu kormeer shaqo uu ku tagay qaar kamid ah xarumaha dowladda. Madaxweynaha ayaa goobihii uu kormeeray [...] Source

Nairobi (Caasimada Online) – Wasaaradda arrimaha dibedda Kenya, ayaa warbixin ku saabsan “muranka badda” ee kala dhaxeeysa Soomaaliya, kuna xoojineyso dooddeeda u gudbisay qaar ka mid ah dalalka xubnaha QM iyo Golaha Ammaanka Midowga Afrika. Wasiirka Arrimaha Dibedda Kenya, Monica Juma ayaa maanta sheegtay in dowladdeeda ay safiirada dalalka xubnaha ka ah QM iyo Golaha Ammaanka Ururka Midowga Afrika ee Nairobi ay siisay warbixin ku saabsan arrintan si ay uga caddeyso waxyaabaha la isku hayo. “Waxaan u gudbinay xaqiiqda arrimaha la isku hayo” ayey tiri Monica Juma. Safiirada ay Monica sheegtay inay warbixin u gudbisay waxaa ka mid ah safiirka UK ee Nairobi Nic Hailey iyo kan Faransiiska Aline Kuster-Menager, kadib kulan ka dhacay xarunta wasaaradda arrimaha dibedda Kenya ee Nairobi. Ababu Namwamba, oo ah xoghayaha maamulka ee wasaaradda arrimaha dibedda Kenya ayaa sheegay in sharafta dhuleed ee Kenya ay tahay mid lama taabtaan ah, islamarkaana Kenya ay u xaqiijisay dalalkii ay la hadashay inay tahay dersi wanaagsan. Monica ayaa dhinaca kale maanta sheegtay in Kenya ay diyaar u tahay inay wada-xaajood la gasho dowladda Soomaaliya, si arrintan xal looga gaaro. “Waxaa naga go’an in xiisaddan lagu xaliyo wada-hadal, waxaana ku rajo weynahay in xal la heli doono oo walaalaheen derisk nala ah iyo annaga aan is-fahmi doonno” ayey tiri Monica. Monica Juma ayaa sheegtay in Kenya ay jawaab celin wanaagsan ka heshay dalalka ay arrintan kala hadashay. “Farriinta aan ka helnay dalalka dunida ayaa ah mid dhiir-gelin leh, oo ah in arrintan lagu xaliyo wada-hadal, sidaas darteed wada-hadalka waa waxa aan door-bideyno” ayey tiri Monica. Waxaa muuqata in Kenya ay dalalka caalamka kasbaneyso oo ay waddo dadaallo diblomaasiyadeed oo xooggan, hase yeeshee ma cadda waxa ay dowladda Soomaaliya ka sameyneyso arrintan. Kenya ayaa dadaal xooggan ugu jirta in laga laabto kiiska dacwada badda Soomaaliya ee yaalla maxkamadda caalamiga ah ee cadadaaladda ee magaalada Hague, laguna dhameeyo wada-hadal, hase yeeshee Soomaaliya ayaa waxaa ka go’an in maxkamad lagu kala baxo. Caasimada Online Xafiiska Nairobi caasimada@live.com

Wararka hadda soo gaaray Warbaahinta Puntland Post ayaa sheegaya in goor dhoweyd uu shil gaadhi ku dhintay mudane ka tirsan Golaha wakiilada dowladda Puntland. Xildhibaan Maxamed Faarax Mire oo laga soo doorto gobolka Bari ayaa ku dhintay shil uu ku galay inta u dhexaysa magaalada Boosaaso iyo degmada Waaciye ee gobolka Bari sida ay sheegeen goobjoogayal. Wararku waxay sheegayaan in Gaadhiga xildhibaanka uu dusha ka maray gaadhi xamuul ah oo u socday dhinaca magaalada Boosaaso xarunta ganacsiga Puntland. Faahfaahinta kala soco Puntland Post The post Xildhibaan ka tirsan Puntland oo shil ku dhintay appeared first on Puntland Post.

Muqdisho (SMN) – Ra’iisul Wasaaraha Soomaaliya, Xasan Cali Khayre ayaa maanta kulan la qaatay guddiga madaxa bannaan ee doorashooyinka qaranka. Khayre ayaa Guddiga kala hadlay dedejinta dhamaystirka sharciga doorashooyinka iyo dib-u-eegista sharciga xisbiyada. Xubnaha guddiga madaxa bannaan ee doorashooyinaka ayuu ugu horrayn Ra’iisul Wasaaruhu ka dhagaystay waxyaabihii u qabsoomay iyo qorshooyinkooda ku aadan hir-gelinta doorashooyinka 2020. Ra’iisul Wasaare Khayre ayaa guddiga u caddeeyay in dawladda ay ka go’antahay in ay kala shaqeeyaan waajibaadka ka saaran doorashooyinka dalka. Halbeegyada ku jira tubta siyaasadda loo dhanyahay ee la doonayo in lagu guulaysto sannadkaan 2019 ayaa waxaa kamid ah samaynta sharciga doorashooyinka oo saldhig u noqonaya in shacabka Soomaaliyeed ay go’aan ka gaaraan hoggaanka dalka. View the full article

Gedo (SMN) – Warar dheeraad ah ayaa laga helayaa dagaal culus oo maanta ka dhacay qaybo kamid ah gobolka Gedo. Iska hor-imaadka ayaa ka dhacay inta u dhaxeysa degaanada Garinley iyo Fax-faxdhuun ee gobolkaasi. Dagaalka ayaa la sheegay in uu yimid markii Al-Shabaab ay weerartay kolanyo ay la socdeen ciidamada dalka Kenya. Al-Shabaab ayaa shaacisay in dulaankaasi ay ku dishay 3 kamid ah askarta Kenya, sida ay ku baahisay baraheeda Internet-ka. Ma jiro wax war ah oo illaa iyo haatan kasoo baxay taliska ciidamada Kenya ama xukuumada Nairobi oo ay uga jawaabeyso sheegashada Shabaab. View the full article

بسم الله الرحمن الرحيم و الصلاة و السلام علي رسول الله و علي اله و صحبه و سلم و بعد: اللهم ولي أمورنا خيارنا و لا تولي أمورنا شرارنا. اللهم أجعل بلدنا هدا بلدا امنا مطمئنا رخاءا و سائر بلاد المسلمين أمين يا رب العالمين. SOMALIALND HA NOOLAATO. MUDANE MADAXWEYNE MUJAAHID MUSE OO MARAG FURAY. “BULSHADA GALBEED WAA KA WACANTAHAY BULSHADA BARI” ISAGA OO KU SALEEYAY MARKHAATIGIISA ARRIMAHAN: IN BULSHADA GALBEED KA DEGANTAHAY BULSHADA BARIGA IN BULSHADA GALBEED KA AMNI BADAN TAHAY BULSHADA GOBOLADA BARIGA IN BULSHADA GALBEED KA ILBAXSANTAHAY BULSHADA GOBOLADA BARIGA IN BULSHADA GALBEED KA AQOON BADANTAHAY BULSHADA GOBOLADA BARIGA IN BULSHADA GALBEED KA JAAMICADA BADANTAHAY BULSHADA GOBOLADA BARIGA. Khudbadaa madaxweynuhu waxay I xusuusisay laba dumar oo miidhiyaha dood isu faan ah isu mariyay: Gabadha hore: ( OO KUILMIYE AHAAHN U FAANAYSAY) oo Gebilaybay ka hadlaysay oo ku faantay inay ka sarreeyaan bulshada bariga waxaanay martay intaa madaxweynuhu maanta maray oo : Gabadha labaad: (OO WADDANI AHAAN U FAANAYSAY) Ayaa Hargeisa ka jawaabtay oo ayana ku faantay in hadday dood tahay , iyo hadday dagaal tahay iyo dhaqan tahayba ay ka sarrayso Galbeed . mid waliba labada dumara taariikhbay ku salasay una cuskatay faankeeda. KOL SE HADDII MADAXWYNIHII JSL GABADHII GALBEED U MARKHAATI FURAY WAA ARRIN KU CUSUB AF MADAXWEYNE. GABAY IYO CAANAAN MUWAAADIN U SOO JEEDIYO XUKUUMADDISA: Bulshada qaranka Somalilaand waa u xor u yihiin inay hadlaan marka ay toosinayaan dawladdii ay gacmahooda ku samaysteen. Bulshadu waxay xaq u leeyihiin inay canaantaan oo toosiyaan marka ay u muuqato wadeeco Makarfoonada xisbiyada qaranku iyo wergeysyaduba waa cudka bulshadu wax ku toosisaa. Waxaa ugu muhimsan khudbadaha masaajidada ee kala qeexaya xaqa iyo baadilaka iyo cidhib-xumaanta ka dhalankarta CADAALAD DARRADA HOGAAMIYE SI BADHEEDHA UGU KACO. Bulshaweynta ayaa ka sarraysa Xukuumaddii ay doorteen. Waa in xukuumaddu ka waantowdaa inay qof muwaadin ah hadal ku xidho. Bulshadu siday u dareentay markhaatigii madaxweynaha: in Bulshada Galbeed ka wacantahay Bulshada Beri : WAA HADALADII MAQYALKA MANA AHAYN HADAL MADAXWEYNE. BULSHADA SOOMAAALILAND OO KOL KEEDA HOREBA ULA BOOCA ISUGU TUKUBAYSAY AYAA MADAXWEYNIHINA DHAN RAACAY: waxay la mid tahay maahmaahdii carbeed : زت الطينه بله “oo la mid ah dhooqadiibaad sii dhooqaysay” Amniga qaranka sidee bulshadu u argtaa? AMNIGA IYO DIFAACA QARANKU WAA MASUULIYADDA MUWAADINKA.WAXAA SE XUKUUMADDA KU WA JIB AH IN AMNIGU SARE U SOCDO. OO XALINTA JAABHADAHA UNKAMAAYA IYO WASIIRADAN MARKA LA ERYO XAMAR U SHAQODOONTA XAALKOODA LA SUGO. Xidhiidhka caalamigu sidee bulshadu u aragtaa? ALBAAB KELIYA OO INOO FURANI MA JIRO. WAXAA KA FIICAN JSL OO GUDAHA ISKA ICTIRAAFTA OO WAX SOO SAARKEEDU SIDAN KA ROONAADO DHAQAALE AHAAN IYO SIYAASAD AHAANBA. Heshiiskii UAE ee saldhiga iyo maamulka dekadda iyo kala hadalka madaxda qaranka side bulshadu u aragtaa? WAA HESHIIS GOBLAMAY OON MUGDI KA BIXIN. MADAXWEYNAHA QARANKU WUXUU SHEEGAY IN SALDHIGA LA KIREEYAY HALKA WASIIRKA MAALIYADUNA SHEEGAY INAAN KIRO LAGA QAADIN SALDHIGA OO MADAAR IYO WADDO LA SAMEEYO HESHIISKU AHAA. XUKUUMADDA MAXAA U DIIDAY: INAY UAE WEDIISATO : INAY KA AMAAHATO AMA KIRADA LOO QADDIMO LACAG KU FILAN IN BIYAHA 6DA GOBOL JSL EE BADDA GALA LA FADHIISIYO SI XOOLIHII MADHAY U SOO NOQDAAN. INAY UAE BAANAN WADDANKA KA FURATAAN IAY KA CAAWISO DIB U HABAYNTA BANKIGA DHEXE EE IYO Komishanka doorashooyinka oo dhacaya 29.11.2019, doorashda golaha wakiilada oo u muddaysan 12.12.2019 iyo komishan cusub oo aan la magaacaabin sidee bulshadu u aragta. WAXAY U JOOGAANBA MA JIRTO. Wax soo saar laanata iyo sicir bararka aan circa ka soo degin sidee bulshadu u aragta. WAA CUDUR AAN DAWADIISA XUKUUMADANI U JEEDIN. Danaha baayacmushtari ee Somalailand iyo Ethiopia ka dhaxeeya siday bulshadu u aragtaa? SABABTA UGU WEYN EE SICIR BARARKA ABUURAA WAA QAADKA IYO KHUDRADAHA AYNNU DOLLAR KAGA IIBSANNO ETOOBIYA INAGA OO AYANAAN WAXBA KA IIBIN ETOOBIYA. WAXA WAJAALE ETOOBIYA KAGA IINBSATO BIRKA INAGA WUXUU INAGU HAYAA DHITA UGU WEYN EE SABABTA SICIR BARARKA. Maxa deyn lagu leeyahay qaranka? Ma deyn qarsoon baa jirta? HADDAY QARSOONTAHAY IYO HADDAY QEEXANTAHAYBA INAAN QARANKU DEYN LA’AYN AYAA CAD. Sinaanta iyo caddaaladda dawladda manta somlailand ka talisa sidee bulshaddu u aragtaa? SALUUGGII BULSHADU KA QABATAY SINAANTA IYO CADAALAD DARRADA MAANTA AYAY CADDAATAY IN DADKU INAAN BULSHADU SINNAYN MARKII UU YIDHI “ GALBEED IYO BARI WAA KALA WANAAGSANYIHIIN” Mudane Madaxweyne Mujaahid Muse ma wuxuu u jihaaday uu kursiga qaranka ugu fadhiistay inuu markhaatigan Galbeed u furo oo uu fulinteedana ku hawlgalo.??? Madaxweynuhu miyuu ilaabay amarka eebe: *و ادا قلتم فأعدلوا و لو كان دا قربي و بعهد الله أوفوا دالكم و صا كم به لعلكم تدكرون* *و هو الدي جعلكم خلائف ألأرض و رفع بعضكم فوق بعض درجات ليبلوكم فيما اتاكم ان ربك سريع العقاب و انه لغفور الرحيم* و بالله التوفيق (Xil)Hussein Ismail Yusuf Qaran News

Wasiirka Wasaaradda Caddaaladda, Arrinmaha Diinta iyo Dhaqancelinta Dowladda Puntland, Cawil Shiikh Xaamid Maxamed, ayaa Xafiiskiisa ku qaabilay Guy Griffin Madax ugu Saraysa UNSOM ee Puntland. [...] Source

Muqdisho (SMN) – Ra’iisul wasaaraha xukuummadda federaalka Soomaaliya, Xasan Cali Khayre, ayaa xafiiskiisa ku qaabilay safiirka Djibouti ee Soomaaliya, Aadan Xasan Aden. Khayre iyo Danjire Aadan ayaa ka wada hadlay xoojinta xariirka soo jireenka ah ee labada dal ee walaalaha ah, iskaashiga dhaqaalaha, ganacsiga iyo amniga. Ra’iisul wasaaraha xukuummadda federaalka ah ayaa uga mahadceliyay shacabka iyo madaxda Djibouti sidii ay u garab istaageen Soomaaliya oo ay uga qayb qaateen dib-u-dhiska hay’adaha dawladeed ee dalka. Danjire Aadan ayaa sheegay in shacabka iyo dawladda Djibouti ay waajib ku tahay is garab taagga iyo taageerada shacabka iyo dawladda Soomaaliyeed. Labada dawladood iyo labada shacab ee Soomaaliya iyo Djibouti ayaa waxaa ka dhexeeya xariir soo jireen ah oo ku salaysan walaaltinno, is qadarin iyo is-garab istaag. View the full article

(SLT-Wajaale)-Madaxweynaha Deegaanka Soomaalida Mustafe Muxumed Cumar iyo wafti ballaadhan oo uu hoggaaminayo ayaa goor-dhawayd soo gaadhay magaalo xuduudeeda Wajaale. Madaxweynaha Deegaanka Soomaalida Mustafe Muxumed Cumar ayaa hadda waxana loo soo galbiyay dhinaca magaalada Hargeysa oo uu caawa u hayo doono. Maalinta beri ah ayy Madaxweyne Mustafe Muxumed Cumar ka qayb-galaya dhagax dhigga Waddada isku xidha Berbera iyo Wajaale ” Berbera Corridor”, taasi oo la filayo in uu Madaxweynaha Somaliland Md. Muuse Biixi Cabdi dhagax dhigi doono. Dhan kale waxa magaalada Hargeysa ku sugan wafti kale oo ka socda dawladda Imaaraadka Carabta kuwaas oo u yimid inay ka dhagax dhigga Waddada isku xidha Berbera iyo Wajaale ” Berbera Corridor” Wasiirka Arrimaha gudaha Somaliland Maxamed Kaahin Axmed iyo wasiirka wasaaradda hawlaha guud Cabdirashiid Ducaale Qambi ayaa waftigan ku soo dhaweeyay magaalada Wajaale. Somalilandtoday/Hargeysa/Office Xamse Maxamed Iiman Hamzeiiman123@gmail.com Source

Muqdisho (SMN) – Akhristayaasheena ku xiran website-ka waxaan halkaan idin kugu soo gudbineynaa warka Habeen. Hoos riix si aad u dhageysato http://radioshabelle.com/wp-content/uploads/2019/02/Warka-Habeen-27022019.mp3 View the full article

(SLT-Doha)-Madaxweynaha Soomaaliya Maxamed Cabdullaahi Farmaajo oo safar dalka Qatar ayaa maanta wada hadallo la yeeshay Amiirka Dowladda Qatar Sheekh Tamiim Bin Xamad Al Thaani. Madaxweyne Farmaajo iyo Amiir Sheekh Tamiim ayaa kulankooda isla soo qaaday arrimo dhowr ah, Halkan hoose ka DAAWO arrimaha ay ka wada-hadleen Source