Kismaayo (Caasimada Online) -Warar soo baxaya ayaa sheegaya in maanta magaalada Kismaayo uu ku wajahan yahay wasiiirka gaadiidka iyo duulista hawada Soomaaliya Mudane Maxamed Cabdullaahi Salaad (Oomaar) oo ka mid ah Musharraxiinta u taagan hoggaanka dowlad goboleedka Jubbaland. Wasiir Oomaar ayaa waxaa galbin doono taliyaha guud ee ciidanka AMISOM Gen. Tigabu Yilma Wondimhunegn, kaas oo la sheegay inuu si qasab ah dib ugu celinayo magaallo Xeebeedka Kismaayo ee xarunta gobolka Jubbada Hoose. AMISOM ayaa ka hortagi doonto, haddii Jubbaland ay is hor istaag ku sameyso Musharraxaasi, sida ay xaqiijiyeen ilo lagu kalsoon yahay. Sidoo kale wararka aan heleyno ayaa ku warramaya in Oomaar marka uu tago halkaasi uu si rasmi ah ugu dhawaaqi doono Musharraxnimadiisa. Jubbaland ayaa horay uga mamnuucday deegaanadeeda inay tagaan mas’uuliyiinta dowladda Soomaaliya, inta ay ka dhaceyo doorashada. Dhanka kale xaalad kacsanaan ah ayaa haatan laga dareemayaa gudaha magaalada Kismaayo, iyadoo ay dhaq dhaqaaqyo ka wadaan ciidamada maamulka Jubbaland. Doorashada Jubbaland oo la filayo in la qabto bisha soo socoto Augusto ayaa waxaa weli jira caqabado u baahan in la xaliyo, sida arrinta Musharraxiinta oo tabasho ka qaba guddiga doorashooyinka ee maamulkaasi. Inta badan Musharraxiinta ayaanan is diiwaangelin, iyada oo waqtigii lagu daray uu sii dhammaanayo. Lama oga sida ay wax noqon doonaan, waxaana Axmed Madoobe oo doonaya in markii saddexaad loo doorto xilkan uu la kulamayaa sanadkan cadaadis xoogan. Caasimada Online Xafiiska Kismaayo caasimada@live.com

Somalis everywhere value education. Every parent wants a genius child who will be a triple PhD and the President of Somalia one day. This is very unlikely for the majority of us but for those who can do this, Source: Hiiraan Online

Muqdisho (Caasimada Online) – Danjiraha Soomaaliya u fadhiya dalka Qatar Amb. Cabdirisaaq Faarax Cali (Taano) ayaa ka warbixiyey xaaladda caafimaad ee guddoomiyaha gobolka Banaadir, ahna Duqa Muqdisho Injineer Cabdiraxmaan Cumar Cismaan (Yariisow). Amb. Taano ayaa sheegay in haatan ay soo hagaageyso xaaladda guddoomiyaha, islamarkaana ay ku filan tahay dowladda Qatar. Danjiraha ayaa sidoo kale xusay in lagu guuleystay in laga soo saaro saddex firir oo Caloosha ka galay. Sidoo kale wuxuu tilmaamay in dhammaan dhaawacyada kale ay soo fiicnaaneyso, xaaladdooda caafimaad. “Dowladda Qatar waxay sameysay dedaal kii ugu weynaa, waanan ugu mahad celineynaa, laga billaabo jawaabtii deg-degga ahayd ee ay bixisay, in 24 Saac wax ka yar ay noo soo dirtay Diyaarad iyo Dhaqaatiir 19 ka kooban, dhaawaciiyoo dhanna ay qaadday, iyo dhaawacyo ay kusoo dartay Dhaqaatiirtu dhaawacyo hore oo isugu jira kuwo laga keenay Boosaaso, Kismaayo iyo KM4, marka waa ugu mahad celineynaa in ay noqdeen Dowladdii ugu horreeysay ee Jawaab deg-deg ah bixisay”ayuu yiri Safiirku. Dhanka kale Amb. Cabdirisaaq Faarax Cali (Taano) ayaa meesha ka saaray wararka sheegaya inuu geeriyooday nin ka mid ahaa dadkii qaraxa ku dhaawacmay ee la geeyey dalka Qatar. Waxa uu carabka ku dhuftay inay xaaladdiisu aad u liidato, balse weli ay la tacaalayaan dhaqaatiirta isbitaalka. Dadka dhaawacyada ah ee la gaarsiiyey Qatar oo gaaraya 12 Qof ayaa lagu dabiibayaa isbitaalka weyn ee Hamad oo ku yaalla gudaha dalkaasi. Caasimada Online Xafiiska Muqdisho caasimada@live.com

Madaxweynaha Somaliland, Muuse Biixi Cabdi ayaa sheegay in dagaallada ka jira gobolka Sanaag ay si nabad ah ku dhammaan doonaan waqtiga dhow. Wuxuu sheegay in xallinta arrintan ay meel dhow mareyso, islamarkaana hadda ay wax walbo si wadajir ah u wadaan waxgaradka, maamulka Sanaag iyo sidoo kale culimada. Madaxweyne Biixi, ma aanu sheegin waqtiga rasmiga ah ee colaaddan lagu soo dhammeynayo, balse wuxuu ku cel-celiyey in wax walbo dhow yihiin. “Shaqaaqadan ka taagan Sanaag wey dhammaan doontaa, nabad bay ku dhammaaneysaa, wax walbana waqti ayeey leeyihiin…wax weyn oo halkaa ka jira ma jiro, waa lagu dhan yahay, waana laga mideysan yahay in arrintaasi ay nabad ku dhammaato” ayuu yiri Muuse Biixi. Dagaallo u dhaxeeya ciidanka Somaliland iyo Jabhadda Korneel Caarre ayaa ka dhacay deegaanno ka tirsan gobolka Sanaag, waxaana dagaalladaasi ka dhashay khasaare isugu jira dhimasho iyo dhaawac. Maanta oo Axad ah, waxaa deegaanno ka tirsan gobolka Sanaag ka jira xiisad u dhaxeysa ciidanka Somaliland iyo kuwa Korneel Caarre, welina ma muuqato xal lagu joojinayo dagaalladan. Goobjoog News Source: goobjoog.com

Taliska ciidanka gaarka ah ee maamulka K/galbeed ayaa u digay waxgaradka ku sugan magaalada Baydhabo ee soo xulay xildhibaannada golaha shacabka ee baarlamaanka federaalka Soomaaliya. Korneel Mahad C/raxmaan Aadan, taliyaha ciidankan oo warbaahinta la hadlay ayaa sheegay in go’aan dhanka amniga ah laga soo saaray waxgaradkii ay u yeereen Al-shabaab. Wuxuu sheegay in marnaba aan la aqbali doonin qof ka baxa Baydhabo islamarkaana u taga Al-shabaab isaga oo cafis raadinaya. Taliyaha ayaa sheegay in ciddii falkaasi sameysay u aqoonsan doonaan Al-shabaab, islamarkaana ciqaab ay muteysan karto. “Shabaab waxay u yeereen ergooyinkii oo ay leeyihiin imaada, waxay leeyihiin waa la idin cafinayaa, waxay rabaan iney dadka dhaqaale ka qaataan, ama ay ka qaadaan qori iyo rasaastiisa, dadna weydiideen, dadna wey ogolaadeen, kuwii ogolaaday waa shabaab, adiga oo jooga Baydhabo oo nabad qaba ayaa Baadiyo waxaa kaaga yeeray niman burcad ah oo aadday, Al-shabaab baad tahay, magaalada Baydhabana kuma soo noqoneysid” ayuu yiri taliyaha. Al-shabaab ayaa dhowaan muddo u qabtay waxgaradkii soo xulay xildhibaannada golaha shacabka, si ay u tagaan deegaannada ay iyaga maamulaan, islamarkaana cafis u dalbadaan. Goobjoog News Source: goobjoog.com

Wararka naga soo gaaraya gobolka Sanaag ayaa waxay sheegayaan in halkaasi ay ka taagan tahay xiisad dagaal oo u dhaxeysa ciidanka Somaliland iyo sidoo kale kuwa uu hoggaamiyo Korneel Caarre. Deegaanno duleedka ka ah magaalada Ceerigaabo ayaa lagu soo waramayaa in xiisaddan ay ka taagan tahay, iyadoo xilli walbo la filan karo isku dhac Labada dhinac ah. Shalay ayeey ahayd markii Jabhadda Korneel Caarre ay duulaan ku qaadday saldhiga ay ciidanka Somaliland ku lahaayeen deegaanka Karinka, waxaana ka dhashay khasaare kala duwan. Labada dhinac ayaa mid walba dhankiisa guul u sheegtay, balse saakay ayaa lagu waabariistay xiisaddan Labada dhinac. Warkaan wixii kusoo kordha kala soco wararkeena kale Goobjoog News Source: goobjoog.com

Wasiirka Gaadiidka iyo Duulista Hawada Xukuumadda Federaalka Soomaaliya Maxamed Cabdullaahi Salaad (Oomaar) ayaa maanta ku wajahan magaalada Kismaayo ee Jubaland halkaasi oo la filayo in uu kaga dhawaaqo musharrax u taagan madaxtinimada dowlad goboleedka Jubaland. Warar lagu kalsoonyahay ayaa sheegaya in dowladda Federaalka Soomaaliya ay dabada ka riixayso musharrixiin uu kmaid yahay Mr Oomaar si ay cadaadis u saarto madaxweynaha Jubaland Axmed Maxamed Islaan oo isna mar kale u sharraxan doorashada madaxtinimada Jubaland. Balse Safarka Wasiir Oomaar uu maanta ku tagayo magaalada Kismaayo ayaa ku soo beegmay xilli khamiistii la soo dhaafay ay Jubbaland ku dhawaaqday in ay hakisay safaradii Mas’uuliyiinta dowladda Federaalka ay ku tegi jireen degaannada Jubaland iyadoo Villa Somalia ku eedaysay in ay fara-gelin ku hayso arrimaha doorashadooda. Dowlad goboleed Jubaland ayaa u diyaar-garowbaysa doorashada madaxtinimada maamulka oo ah mid xasaasiya maadaama uu loollan adag ka dhexeeyo madaxweynaha talada haya Axmed Maxamed Islaan iyo musharrixiinta la baxay Isbeddel Doonka oo ku midaysan in ay meesha ka saaraan madaxweyne Axmed Madoobe. PUNTLAND POST The post Oomaar oo ku wajahan Kismaayo xilli Jubaland joojisay safarada mas’uuliyiinta Federaalka appeared first on Puntland Post.

Muqdisho (PP) ─ Dowladda Somalia ayaa markii u horreysay ka hadashay xaaladda caafimaad ee guddoomiyaha gobolka Banaadir, C/raxmaan Cumar Cismaan [Inj. Yariisoow] iyo dhaawacyada kale ee lagu daweynayo dalka Qatar. Danjiraha Somalia u fadhiya Doxa, C/risaaq Faarax Cali [Taano], oo hadal siiyay warbaahinta ayaa sheegay in xaaladda caafimaad ee bukaannada weerarradii xarunta dowladda Hoose ee Xamar iyo Qaraxii Is-goyska KM-4 ay soo hagaagayso, isla markaana kuwa daran lala tacaalayo. Sidoo kale, Safiirka ayaa xusay in qof ka mid ah dadkii ku dhaawacmay KM-4, isla markaana uu ku geeriyooday Isbitaalka Dooxa, kaasoo magaciisa lagu sheegay, Maxamed Cismaan Cali, waxaana uu ku gubtay goob shidaal oo uu ag-taagnaa markii qaraxu dhacayay. Taano ayaa hadalkiisa ku daray in dhmamaan dhaawacyada la keenay Qatar oo tiradoodu tahay 12-qof ay u badan yihiin kuwii ku dhaawacmay Qaraxii ka dhacay xaurnta maamulka gobolka Banaadir, balse wiilka dhintay uu ka mid ahaa dadkii ku dhaawacmay qaraxii KM-4 ka dhacay. “Dhaawacyada isbitaalka ku haray xaaladdooda waa lagu dadaalayaa, wayna kasoo raynaysaa xaaladdooda caafimaad,” ayuu yiri danjire Taano oo xusay in sidoo kale ay dhaawacyada soo booqdeen qaar ka mid ah ehelladooda. Guddoomiyaha gobolka Banaadir ayaa la sheegay inay isbitaalka uu ku jiro ay ku booqdeen xaaskiisa iyo caruur uu dhalay oo ka yimid dalka Ingiriiska oo ay daggan yihiin, waxaana la sheegay inay rajo ka muujiyeen xaaladdiisa caafimaad. Xukuumadda Qadar ayaa diyaarad gaar ah kaga qaadday garoonka Xamar dhaawacyadan oo intooda badan la sheegay inay culus yihiin waxaana lagu daweynayaan isbitaal caalami ah oo ku yaalla magaalada Dooxa. Ugu dambeyn, Waxaa isagana shalay Isbitaalka Digfeer ee Muqdisho ku naf-waayay agaasime ka tirsan maamulka gobolka Banaadir, kaasoo dhaawaca culus uu kasoo gaaray qaraxii ka dhacay Aqalka Dowladda Hoose ee Xamar. PUNTLAND POST The post Dowlada Somalia oo ka hadashay dhaawaca Duqa Muqdisho oo lagu daweynayo Qatar appeared first on Puntland Post.

Baydhabo (PP) ─ Ciidamada booliiska maamulka Koofur-Galbeed ayaa u tabaaxay xabsiga dhowr oday-dhaqameed oo ka mid ahaa ergadii horay u soo xulay xildhibaannada maamulkaas ku matala dowladda Federaalka Somalia, kuwaasoo la sheegay inay tageen goobaha ay Al-shabaab kaga sugan tahay gobollada maamulkaas. Taliyaha Booliiska KG Somalia, Mahad C/raxmaan Aadan ayaa sheegay inay hay’adaha amniga gacanta ku dhigeen odayaal kasoo laabtay Al-shabaab, kuwaasoo u muuqda inay fulinayeen amar dhawaan kasoo baxay Kooxda Al-shabaab oo ahaa inay is-diiwaan-geliyaan si loo cafiyo. Col. Mahad C/raxmaan ayaa kulan uu la qaatay odayaasha Baydhaba uga dalbaday inaysan tagin meelaha ay ka taliyaan Al-shabaab, isagoo xusay in odaygii lagu helo inuu goobahaas tagay uu mudan doono ciqaab sharci oo adag. Sidoo kale, Taliyaha ayaa sheegay in odayaasha ay uga digeen inay qaataan amarrada kooxda Al-shabaab oo uu sheegay inay cabsi gelinayaan oday-dhaqameedyadii soo xulay xildhibaannada, isagoo xusay in tallaabadaas ay ahayd mid waajib ah oo kaga shaqeynayeen horumarka dalkooda. “Al-shabaab waxay doonaysaa inay odayaasha cabsi-geliso, waxaana hubaa in odayaasha ay sameeyeen arrin dastuuri ah oo xaq loogu leeyahay, mana jirto sabab loo handado,” ayuu hadalkiisa ku daray taliye Mahad C/raxmaan oo xarigga kaddib la hadlay warbaahinta. Dhanka kale, Kooxda Al-shabaab ayaa 15-kii bishan lagu jiro waxaa amar ay soo saareen ay odayaasha soo xulay xildhibaannada baarlamaanka Somalia ugu qabteen 45-casho inay isaga diiwaan-geliyaan meelaha ay ka taliyaan si loo cafiyo dambi ay sheegeen inay galeen. Ugu dambeyn, Al-shabaab ayaa ku hanjabay in odaygii aan qaadan amarka ay soo saareen muddo toddobaadyo ku siman uu wajahayo sharciga sida ay sheegeen inuu ka mid noqon karo in toogasho ay ku dilaan, taasoo odayaasha gelisay cabsi weyn. PUNTLAND POST The post Magaalada Baydhabo oo lagu xiray odayaal tagay goobaha ay ka taliso Al-shabaab appeared first on Puntland Post.

Baydhabo (Caasimada Online) – Taliyaha ciidanka Booliska maamulka Koonfur Galbeed Mahad Cabdiraxmaan Aadan ayaa shaaciyey in qaar ka mid ah ergadii soo dooratay xildhibaanada baarlamaanka Soomaaliya ay fuliyeen amarkii ka soo baxay Al-Shabaab. Taliyaha ayaa sheegay in Odayaasha Dhaqanka qaarkood ay tageen deegaanada Al-Shabaab, kuwa kalena ay ka biyo diideen amarkaasi, sida uu hadalka u dhigay. Mahad Cabdiraxmaan Aadan oo hadalkiisa sii wata ayaa amar culus dul-dhigay Ergada, gaar ahaan kuwii qaatay amarka Al-Shabaab wuxuuna tilmaamay in ay ka qaadi doonaan tallaabo culus, islamarkaana ay dhigi doonaan xabsiga hadii ay ku soo laabtaan deegaanada maamulkaasi. “Ergada loo yeeray qaar waa ay diideen qaarna waa ay ogolaadeen, kuwii ogolaaday, waxaana leeyahay magalada Baydhabo ku soo noqon meysaan Shabaab baa tihiin, haddii aad soo laabataana Xabsiga ayaan idin dhigeynaa.” ayuu yiri taliyaha ciidamada Booliska maamulka Koonfur Galbeed Soomaaliya Sidoo kale waxa uu intaasi ku daray in amarkan Al-Shabaab ay ka leeyihiin labo u jeedo oo kala ah inay lacag ka qaadaan ergada ama in ay u iibiyaan Hub ay ku dagaalamaan. 15-kii bishan ayey aheyd markii xooggaga Al-Shabaab ay 45 cisho ah u qabteen Odayaashii soo xulay xildhibaanada baarlamaanka federaalka ah ee Soomaaliya iyo kuwa maamul goboleedyada ka jira dalka, kadib markii ay sheegeen inay ku dhaceen fal Gaalnimo ah. Caasimada Online Xafiiska Baydhabo caasimada@live.com

Hay’adda Qaxootiga Qaramada Midoobay ee UNHCR Xafiiskeeda Dhadhaab ayaa soo saartay warbixin ay uga hadlayso xaladaha Qaxootiga Dhadhaab iyo tirada dadka halkaas ku nool oo hoos u dhacday gaartayna meeshii ugu hoosaysay abid. Warbxin Billa ah oo ka soo baxday Xafiiska UNHCR Dhadhaab qeybtiisa Saxaafadda iyo arrimaha dibedda ayaa lagu sheegay in tirada Dadka ku sugan Xeryaha Qaxootiga ee Xarar dheer, Dhagaxleey iyo Ifo ay gaarayaan 2010,475 Qof, oo Boqolkiiba %57 ka mid ah waa Carruur gaartay heerka waxbarshada Iskuullada, 62,610 Carruur ah ayaa dhigata Dugsiyada 49% ka mid ah ayaa aadda xarumaha waxbarshada halka inta dhimanna sababa aan la cayimin darteed anay Iskuullada ku biirin. Hay’adda Qaxootiga Adduunka ayaa warbxinteeda ku sheegtay in laga soo billaabo Bishii Disembar Sanaddii 2014-kii ay Soomaaliya si iskood ah ugu laabteen Qaxooti gaaraya 80,368 Qof barnaamijkaas oo ay fuliyeen dowladaha Soomaaliya iyo Kenya hay’adda UNHCR. UNHCR ayaa sheegtay in ay hoos u dhacday dhaqaalihii ay Qaxootiga siin jireen deeq bixiyayaasha Caalamka isla markaana ay hadda helayaan oo keliya 30% qarashaadkii ay u baahnaayeen. Xerada Qaxootiga ee Kambi Cows ayaa la xiray 31-kii Maarso 2017 halka Xearada Ifo-2 la xiray 31-kii Maajo 2018 waxaana Labadooduba si rasmi ah loogu wareejiyay Dowladda Kenya 21-ka Juun 2019. Hay’adda ayaan warbixinteeda ku xusin Qaxootiga aan Diiwaan gashanayn ee ku nool Xeryaha Dhadhaab iyo waxyaabaha ugu qorsheysan iyadoo sheegtay in tirada Qaxootiga ay marba marka ka dambeysa sii yaraaneyso. PUNTLAND POST The post Qaxootiga Soomaaliyeed ee ku nool xerada Dhadhaab oo si aada hoos ugu dhacay appeared first on Puntland Post.

Muqdisho (Caasimada Online) – Taliye ku-xigeenkii hore ee hay’adda nabad sugidda iyo sirdoonka qaranka, Jeneral Cabdalla Cabdalla ayaa ka jawaabay hadalkii madaxweyne Farmaajo uu ku qirtay in xubno Al-Shabaab ay ku dhex jiraan dowladda. Cabdalla Cabdalla ayaa isaga oo tixraacaya qoraal ay arrintan ka sameysay Caasimada Online, waxa uu boggiisa twitter-ka soo dhigay inay la yaab tahay in madaxweynaha uu arrintan hadda un qirto, xilli uu caddeynteeda haystay laba sano ka hor. “Waa arrin lala yaabo, laba sano ka hor ayaa Farmaajo gacanta loo galiyay liiska Al-Shabaabka dowladda ku jira. Wixii maalintaas ka dambeeyay waxaa muuqatay in Farmaajo raali ka yahay maadama uusan tallabo qaadin.” Ayuu yiri Cabdalla Cabdalla. “Bal aan aragno mar kale madaxweynaha tallaabada uu qaado?! dacadnimo haday jirto.” Ayuu sii raaciyey. Cabdalla Cabdalla ayaa dhinaca kale sheegay in “Al-Shababka dowladda ku dhex jira ay muujiyeen sida ay ula wareegeen amniga magaalada Muqdisho.” “Waxay maraysaa maxaa nalaga qaadi karaa? Yaase wax ka qaadi kara?, Haddii madaxweyne lawaayay, dalku baarlaman maleh miyaa? Meeye Guddoomiyasaashii labada aqal?” ayuu yiri. Xafiiska Farmaajo oo arrintan wax ka weydiinay way diideen inay jawaab ka bixiyaan. Madaxweyne Farmaajo ayaa maalin kadib qaraxii xarunta gobolka yiri “Suurta gal maha in ay nagu dhex jiraan dadka gacanta siinaya argagixisada dadkeenna dhibaataynaya. Waxaa laga sugayaa Xukuumadda in ay la timaado qorshe lagula dagaallamayo dadkaas.” Caasimada Online Xafiiska Muqdisho caasimada@live.com

The Akasha drug gang's brutal and murderous methods, as well as their links with alShabaab have been laid bare in a court in the US. Source: Hiiraan Online

Source: Hiiraan Online

Muqdisho (Caasimada Online) – Illaa iyo hadda xogta la hayo waxay sheegeysaa in weerarkii xarunta gobolka Banaadir ay fulisay Basiira Cabdi Maxamed, oo aheyd agaasimaha dadka baahiyaha gaarka ah qaba ee gobolka Banaadir islamarkaana aragga naafo ka aheyd. Sarkaal ka tirsan Ciidanka Booliiska Soomaaliya ayaa Caasimada Online u sheegay in Gabadha weerarka fulisay ay gacan ku siisay gabar kale oo caawiye u aheyd qofka is qaxriyay. Basiiro, oo markii hore ku shaqeyn ku jirtay dhismaha Guri Hooyooyinka ayaa dhowaan ka shaqa bilaawday maamulka Gobalka Banaadir, waxa ayna aheyd qofka kaliya ee aan la baarin oo albaab gaar ah ka soo gala gobalka Banaadir. Dad badan ayaan muuqaal ahaan arkin gabadhan, waxaana helnay wareysi ay ku dhowaad sanad ka hor siisay idaacadda Mustaqbal ee magaalada Muqdisho markii loo magacaabay xilka agaasimaha dadka baahiyaha gaarka ah qaba ee gobolka Banaadir. Hoos ka daawo wareysiga Basiira Caasimada Online Xafiiska Muqdisho caasimada@live.com

The political battle pitting the Somalia federal government against Jubbaland state appeared to worsen this week after Jubbaland President Ahmed Islam Madobe announced he had “suspended” co-operation with Mogadishu. Source: Hiiraan Online

Turkey has drilled a total of 505 water wells in Africa to provide clean water to millions of people, according to the country’s Agriculture and Forestry Ministry. Source: Hiiraan Online

CAIRO, July 27 (Xinhua) -- Egypt condemned on Saturday the recent deadly terrorist attack that targeted the offices of the mayor of Somalia's capital Mogadishu, the Egyptian Foreign Ministry said in a statement. Source: Hiiraan Online

House Speaker Nancy Pelosi announced on Friday that she would lead a U.S. congressional delegation to Ghana and visit the U.S. Army Africa headquarters in Italy next week. Source: Hiiraan Online

In February 2011, following unrest in Tunisia and Egypt in the early days of the so-called Arab Spring, opposition demonstrators took to the streets of the Bahraini capital, Manama. Source: Hiiraan Online

The sight of Kenya's all-female motorbike gang, the Inked Sisterhood, often shocks people in the socially conservative East African nation. Source: Hiiraan Online

Traders in the local cattle market located in Sharjah have been advising early customers of sacrificial animals for Eid Al Adha to wait till next week as the shipment of livestock from India arriving soon. Source: Hiiraan Online

Muqdisho (Caasimada Online) – Dowladda Soomaaliya ayaa qorsheeneysa inay xabsiga ka saarto Mukhtaar Roobow Cali Abu Mansuur, una wareejiso xabsi guri, sida ay ilo-wareedyo ku dhow wadaadka u sheegeen Caasimada Online. Roobow ayaa ku jira xabsi ku dhex yaalla xarunta hay’adda nabad-sugidda ee Habar Khadiijo, oo lagu hayey tan iyo markii laga soo xiray magaalada Baydhaba bishii 13-kii December ee 2018. Sababta xabsiga guriga loogu wareejinayo Roobow ayaa lagu sheegay in dadka isaga ku dhow ay ka walaacsan yihiin inuu u baylahan yahay in Al-Shabaab ay ku dhex beegsato xabsiga, waxayna dalabanayaan in lasii dayao. Waxaa sidoo kale jirta in xaaladda caafimaad ee Roobow aysan wanaagsaneyn bilihii dhowaa, waxaana la rumeysan yahay in xabsiga guriga uu uga wanaagsan yahay xabsiga caadiga ah. Sheekh Mukhtaar Roobow ayaa 24-kii June laga soo saaray Isbitaalka Digfeer ee magaalada Muqdisho, halkaas oo uu ku qaatay muddo 5 habeen, sida ay Caasimada Online u xaqiijiyeen qaar ka mid ah shaqaalaha Isbitaalka iyo eheladiisa. Abuu Mansuur ayaa ka xanuunsanaya Kiliyaha waxaana la sheegay in uu aad u dhamaaday islamarkaana ay ka sii dareyso xaaladda Caafimaad. Dhaqaatiirta Isbitaalka Digfeer ayaa ku taliyay in Sheekh Mukhtaar loo qaado dibadda si loogu soo daweeyo. Waxay markaas ahayd waqtigii labaad oo muddo ka yar 40 cesho Isbitaal la dhigo Abuu Mansuur. Bartimihii ramadaanka ayaa sidoo kale Roobow la dhigay Isbitalka. Mukhtaar Roobow, waa adag tahay in dal walba loo qaado sida wadamada Caafimaadka ku wanaagsan sida Hindiya iyo Germany balse waxaa la filayaa in loo qaado Boqortooyada Sacuudi Carabiya iyo dalka Qatar oo aad u taageera Soomaaliya. Caasimada Online Xafiiska Muqdisho caasimada@live.com

Ankara (Caasimada Online) – Guddoomiyaha Golaha Shacabka ee Baarlamaanka Soomaaliya Ambassador Maxamed Mursal Sheekh Cabdiraxmaan ayaa guryo iyo dhul ka iibsaday magaalada Ankara ee Xarunta dalka Turkiga, sida ay noo xaqiijiyeen ilo xog ogaal ah. Caasimada Online ayaa ogaatay in dhowr bilood ka hor uu Maxamed Mursal Sheekh Cabdiraxmaaan Guri wayn uu ka iibsaday magaalada Ankara ee Xarunta dalka Turkiga waxaana la sheegay in uu yahay gurigii 2-aad ee uu ka iibsado Turkiga. Gurigaan oo ka kooban dhismo casri ah iyo dhulka uu ku yaalo ayaa sidoo kale leh beer lagu nasto iyo Baraag lagu qubeysto, waxaana lagu tirayaa guryaha dadka sar sare ay dagaan. Turkiga waxaa lagu tiriyaa dalalka ay aad u hooseyso qiimaha noolasha ama qarashka ku baxa, waxaana ku soo badanaya shaqsiyaadka Soomaalid ah ee halkaas degaanka ka dhiganaya islamarkaana ka iibsanayo Guryo. Guryahaan ayaa la sheegay in Guddoomiyaha Golaha Shacabka loo iibiyay bilo kadib markii laga soo laabtay buuq iyo guuxii siyaasadeed ee ka dhashay Warbixintii Guddiga Maaliyadda taas oo sababtay Khilaafka Madaxda Dowladda Markii dambane lagu xaliyay in uu tanaasulay Guddoomiye Mursal. Iskuday aan kula xiriirnay xafiiska Mursal, si ay jawaab uga bixiyaan nooma suurta-gelin inaan helno. Haddii ay nala soo xiriiraan si ay uga jawaabaan arrintan waan idinla soo socodsiin doonnaa Insha Allah. Caasimada Online Xafiiska Istanbul caasimada@live.com