Muqdisho (Caasimada Online) – Waxaa maanta dib loo furay ganacsiga suuqa weyn ee Bakaaraha, kadib markii xal hordhac ah laga gaaray xiisaddii ka taagneyd suuqaas oo ka dhalatay canshuuraha dheeraadka ah ee ay dowladdu kusoo rogtay ganacsatada Muqdisho. Dib u furidda suuqa Bakaaraha ayaa timid kadib markii uu xalay arrintan soo farogeliyay guddoomiyaha Golaha Shacabka Soomaaliya, ahna usimaha Madaxweynaha, Sheekh Aadan Maxamed Aadan Nuur (Aadan Madoobe), kaas oo qaabilay guddiga ay ku mideysan yihiin ganacsatada Gobolka Banaadir oo horay ugu dhowaaqay shaqo joojinta ay sameeyeen. Kulanka oo ahaa mid xasaasi ah ayaa waxaa sidoo kale ka qeyb galay guddoomiyaha guddiga dhaqaalaha, ganacsiga, warshadaha, iyo maalgashiga ee Golaha Shacabka Xildhibaan Garaad Maxamed Sheekh iyo guddoomiyaha guddiga difaaca ee golaha shacabka Xildhibaan Yuusuf Geelle Ugaas oo welinayay ku simaha Madaxweynaha. Guddiga ganacsatada ayaa Aadan Madoobe la wadaagay cabasho ay qabeen, maadaama dhowrkii maalmood ee lasoo dhaafay ay xirnaayeen suuqyada ganacsi ee Muqdisho. Intaasi kadib ku simaha madaxweynaha ayaa u sheegay ganacsatada in dowladda aysan marnaba raali ka ahayn in culeys la saaro ayna diyaar u tahay xalinta tabashooyinka ay ganacsatada qabaan, waxaana ugu dambeyn lagu balamay in la furo suuqyada ganacsiga ee xiran. Xiisadda suuqa Bakaaraha ayaa soo noq-noqotay waxana ganacsatadu ay sheegeen inay qaati ka taagan yihiin canshuuraadka lasoo rogay, iyaga oo tilmaamay inay kasii wadi waayeen ganacsigooda. Sidoo kale waxa ay intaasi kusii dareen in maalin kasta la handado, isla-markaana loogu tego goobahooda ganacsi, iyada oo la waydiinayo inay soo daabacaan akoonadooda. Si kastaba, xirnaashaha suuqa ayaa saameyn xooggan ku yeelatay dad badan oo Soomaaliyeed iyo xittaa ganacsatada qudhooda, maadaama ay istaagtay shaqada, walow haatan xal laga gaaray, laguna heshiiyay in dib loo furo goobaha ganacsiga ee suuqaasi.

Muuqyada waaweyn ee magaalada Muqdisho, gaar ahaan suuqa bakaaraha ayaa maanta la filayaa in dib loo furo, ka dib markii afartii maalmood ee la soo dhaafay ay xirnaayeen. Qaar kamida ah ganacsatada oo la kulmay guddoomiyaha golaha shacabka Shiikh Aadan Maxamed Nuur (Madoobe) ayaa ku baaqay in dib loo furo suuqyada, ka dib markii uu guddoomiyuhu u ballanqaaday in cabashadooda wax laga qabanayo. Ganacsada suuqyadaas wax ku iibiya ayaa dhowaan qaatay go’aan ay ku xirayaan goobaha ganacsi ka dib markii ay cadaadis dhinaca canshuuraha ah kala kulmeen Wasaaradda Maaliyadda Xukumadda Federalka Soomaaliya iyo maamulka gobolka Benaadir. Source: goobjoog.com

Wakaaladda wararka ee Reuters oo soo xiganaysa sarkaal ka tirsan dowladda isku tagga Imaaraadka ayaa sheegtay in Abu Dhabi ay ugu baaqay dhammaan dhinacyada ku sugan Suudaan in ay ixtiraamaan bisha Ramadaan oo xabbad-joojin bini’aadantinimo ay hirgeliyaan. Sidoo kale Imaaraadku wuxuu sheegay in ay qorsheynayaan in ay qabtaan shir madaxeed ay la kaashanayaan Midowga Afrika si loo aruuriyo dhaqaale bini’aadantinimo oo la siiyo Suudaan, si wax looga qabto xaaladaha cakiran ee ka dhashay colaadda sanadkii labaad ka socata dalkaas. Dhinaca kale ilo ka tirsan ciidamada Suudaan ayaa sheegtay in ay diideen xabad joojintaas, ilaa fallaagada RSF laga saaro dhammaan magaalooyinka iyo deegaanada ay ku suganyihiin. Militariga Suudaan ayaa horay Imaaraadka Carabta ugu eedeeyay inay taageerto kooxda RSF, islamarkaana ay fara-gelin gudaha ah ku hayso dalkan ay colaaddu ka holcayso ee ku yaalla bariga Afrika. Source: goobjoog.com

Dubai (Caasimada Online) – Dowladda Soomaaliya iyo Sanduuqa Horumarinta Abu Dhabi ayaa shalay gaaray heshiis xal looga gaarayo dayn dhan $257 milyan oo doolar. Dayntaas oo ay dowladii dhexe ee Soomaaliya qaadatay kuna maal-galisay mashruucii Warshadii Sokorta Jubba, ayaa wada-xaajood muddo dheer socday kadib maanta si rasmi ah heshiis looga gaaray. Heshiiskaan oo ay si wadajir ah u saxiixeen Wasiirka Maaliyadda XFS Biixi Imaan Cige iyo Agaasimaha Guud ee Sanduuqa Horumarinta Abdu Dubai Mr. Mohamed Saif Al-Suwaidi ayaa albaabada u furaya in Sanduuqu uu dib ula fal-galo ka qeyb qaadashada mashaariicda horumarineed ee Soomaaliya. Sidoo kale wuxuu dhabaha u xaaraya helista maal-galin cusub oo dib loogu maal-gelin karo kaabayasha dhaqaalaha ee dalka, kuwaas oo baahi wayn loo qabo. Dowladda Soomaaliya ayaa muddooyinkii la soo dhaafay waxa ay dadaal xoogan ugu jirtay sidii Soomaaliya ay u heli laheyd maal-galin iyo horumarin ilaha dhaqaalaha dalka kadib markii laga cafiyay deymhii adduunku kulahaa. Daba-yaaqadda sanadkii 2023-kii ayey aheyd markii Soomaaliya si rasmi ah looga cafiyay guud ahaan deyntii uu caalamka ku lahaa, taasi oo dhabaha u xaareysa inay hesho maalgashi horleh.

Warbixin ay soo saartay howlgalka Midowga Yurub ee badaha Bariga Dhexe (EUNAVFOR Atalanta) ayaa lagu sheegay in koox burcad-badeed Soomaali ah la tuhunsan yahay inay qafaasheen doon kalluumeysi oo Yemeni ah meel u dhow Xeebaha Geeska Afrika. Sida ay sheegtay shirkadda Amniga Badaha ee Ambrey, weerarkan ayaa ka dhacay meel u dhow magaalada Eyl ee Soomaaliya, halkaas oo burcad-badeedku ay la wareegeen saddex doon yar oo ay ku rakibnaayeen matooro awoodoodu tahay 60 horsepower. Burcad-badeednimada Soomaaliya ayaa gaartay heerkeedii ugu sarreeyay sanadkii 2011, markaas oo la diiwaangeliyay 237 weerar oo ka dhacay biyaha Soomaaliya. Qiyaasta khasaaraha dhaqaale ee caalamka ka soo gaaray burcad-badeednimada sannadkaas waxay gaartay $7 bilyan, halka lacago madax furasho ah oo gaaraya $160 milyan la bixiyay, sida lagu sheegay warbixin ay soo saartay hay’adda Oceans Beyond Piracy. Dadaallo ay sameeyeen ciidamada caalamiga ah ee ilaaliya badaha, xoojinta dowladda dhexe ee Soomaaliya, iyo tallaabooyin kale ayaa sababay in la xakameeyo burcad-badeednimada. Si kastaba ha ahaatee, sanadihii dambe burcad-badeednimadu waxay dib u soo laabatay, gaar ahaan sanadkii hore oo la diiwaangeliyay toddobo dhacdo oo ka dhacay xeebaha Soomaaliya, sida ay sheegtay hay’adda International Maritime Bureau. Waxaa la rumeysan yahay in xasillooni-darrada ay abuureen weerarrada kooxda Xuutiyiinta ee ka socda marinka Badda Cas ay sabab u noqdeen in burcad-badeednimadu dib u soo xoogaysato. Source: goobjoog.com

Taliska Ciidamada Mareykanka ee Afrika ee loo soo gaabiyo (Africom) Shaaciyay khaasaraha ka dhashay duqeymo ka dhan ah Daacish oo gobolka Bari, gaar ahaan meel qiyaastii 50 mayl u jirta magaalada Boosaaso. Afrikom oo xustay in duqeyntan ay iskaashadaan dowladda Soomaaliya ayaa sheegtay in ku dhawaad ​​14 ka tirsan Daacish-Soomaaliya lagu dilay weerarkaas, iyadoo aysan jirin wax dhibaato ah oo soo gaartay dadka rayidka ah. Dadka la dilay waxaa ka mid ah Ahmed Maeleninine, oo askaraynta , maalgelinta u qaabilsanaa kooxda Daacish, iyo sidoo kalena ahaa hogaamiyihii howlgallada dibadda ee ISIS, sida lagu sheegey warka uu soo saaray taliska Mareykanka ee Afrika. Africom ayaa intaas ku dartay in ay ku dadaalayaan bedqabka dadka rayidka ah, islamarkaana duqeymahaas aan wax khasaare ahi ka soo gaarin cid ka baxsan xubnihii Daacish ee bartilmaameedku ahaa. Source: goobjoog.com

https://qarannews.com/wp-content/uploads/2025/02/AQM49XNtWM7IkfogC5JJ3fOSTLWyQPINF95egFyS2ZWxkVHKfh_zNm6CC5GjfHzIODbGxY1xOCffiqljc1wyDgDK.mp4 Qaran News

Warsheekh (Caasimada Online) – Maamulka HirShabeelle ayaa maanta dhagax-dhigay soohdin kala qeybineysa gobolka Banaadir iyo gobolka Shabeellaha Dhexe, xuduudda labada gobol ayaa laga dhigay deegaanka Ceelcadde oo waqooyi ka xiga magaalada Muqdisho. HirShabeelle ayaa go’aan ku gaartay in aysan aqbali doonin in Muqdisho ku fido deegaano ka tirsan Sh/Dhexe, sidoo kale maamulkaas ayaa mamnuucay in iyadoo lasoo war-gelin aan soohdintaas lasoo dhaafi karin ajaanibta maalgashi doonka iyo injineerada dhulka cabira isugu jirta. Masuuliyiin uu soo diray Cali Guudlaawe oo guddoomiyaha gobolka Shabeellaha Dhexe uu hoggaaminayo, qeybna uu ka yahay guddoomiyaha degmada Balcad ayaa maanta Ceelcadde ka dhagax-dhigay aargo muujineysa in laga baxay Muqdisho oo gudaha loo galay Sh/Dhexe. Tallaabada uu qaaday maamulka HirShabeelle ayaa ka dhalatay markii lagu dhawaaqay in Muqdisho cusub laga dhisayo inta u dhaxaysa degmada Warsheekh iyo degmada Gubadley ee gobolka Banaadir, sidoo kale la dhisayo garoon weyn iyo dekad ay magaaladaasi yeelaneyso. Wax dood ah kama taagna socdaalka bulshada, balse HirShabeelle ayaa si cad u sheegtay inay diidan yihiin in masuuliyiinta dowladda federaalka ay deegaano ka tirsan Sh/Dhexe geeyaan xubno ajaanib ah, iyagoo qorsheynaya in halkaas ay ku balaariyaan Muqdisho, iyagoo sameynaya maalgashi. Ma jiraan wax khilaaf ah, sida ay Caasimada Online u sheegeen masuuliyiinta HirShabeelle, balse waxay cadeeyeen in wax tixgelin ah aan la siin oo iyadoo HirShabeelle aysan ka war heynin la doonayo in Muqdisho lagu balaariyo dhul ka tirsan Sh/Dhexe oo HirShabeelle ay maamusho. “Maanta waxaan dhagax-dhignay xadeyn cusub oo kala qeybineysa Muqdisho iyo gobolka Sh/Dhexe, waxaan soo dhaweyneynaa hormarka laga sameyn doono aagga degmada Warsheekh, dalku wuxuu leeyahay hal dowlad, laakiin waxaan rabnaa in qof kasta Meesha uu masuul ka yahay lagu tix-geliyo,” ayuu yiri guddoomiyaha gobolka Sh/Dhexe korneyl Masdile. Sidoo kale waxaa xusid mudan in dowladda Soomaaliya ay qorsheyneyso in halkaas laga hirgeliyo saldhig Dayaxgacmeed oo dowladda Turkiga ay dhiseyso, balse HirShabeelle ayaa wax aan suurtagal ah aheyn ku tilmaantay in aan lala socodsiin waxa ka socda dhulka ay maamusho.

Foiled: A heavily-welded pick-up truck full of explosives used by ISIS terrorists. Boosaaso (PP News Desk) — Puntland Defence Forces today foiled an explosives-laden pickup truck used by ISIS in a remote part of the Calmiskaad mountain range. ISIS terrorists launched attacks from a craggy part of the Calmiskaad in an attempt to break the siege before sending a heavily welded pickup truck carrying two men, one of them the driver. Puntland forces pre-empted the attack, which was aimed at causing maximum death and destruction. An intense firefight ensued, in which more than 90 ISIS terrorists were killed. Puntland Defence Forces managed to capture new ISIS hideouts in Calmiskaad. “Successive attempts to resort to suicide attacks by ISIS point to desperate but unsuccessful attempts to slow down the advancing Puntland Defence Forces” an officer said. ISIS has mined parts of the Calmiskaad mountain range, particularly flat areas near villages. “ISIS has laid mines in civilian areas. Several soldiers lost their lives while defusing landmines” said an expert on explosives. © Puntland Post, 2025 The post Puntland Forces Foil ISIS Suicide Attack in Calmiskaad appeared first on Puntland Post.

Wakaaladda wararka Sacuudiga ayaa sheegtay in Golaha Wasiirada Sacuudiga ay si cad u diideen hadalada xagjirka ah ee Israel ee ku aaddan barakicinta shacabka Falastiin oo la doonayo in dhulkooda laga raro. Golaha wasiirradu waxay intaas ku dareen in qadiyada Falastiin ay lama taabtaan u tahay Sacuudiga, waxayna carrabka ku adkeynayeen in nabad waarta aan la gaari doonin marka laga reebo in la aqbalo mabda’a nabad ku wada noolaanshaha iyadoo loo marayo xalka labada dal. Dhanka kale boqor Cabdallaha Labaad ee Urdun ayaa sheegay inuu ka soo dhooweynayo in dalkiisa la keeno in ka badan 2000 kun oo Falastiiniyiin ah, sidoo kale uu eegi doono mowqifka Masar ee ku aaddan qorshaha Trump ee barakicinta dadka reer Qasa. Boqorka oo aqalka cad kula kulmay Trump ayaa u muuqda in uu ka soo dabcay go’aankiisii ahaa inaan dadka reer Qasa la bakicin karin. Source: goobjoog.com

MINNEAPOLIS , Minnesota (HOL) — The high-profile trial of Aimee Bock, the alleged mastermind behind the largest pandemic-era fraud scheme in U.S. history, continued Tuesday with intense courtroom exchanges over the vetting process for food sites involved in the $250 million scandal. Source: Hiiraan Online

Madaxweynaha dalka Mareykanka Donald Trump ayaa sheegay in dadka reer Falastiin ee marinka Qasa ay wax ku yeelan doonaan dhulka dalal kale, taas oo muujinaysa in qorshaha barakicintu uu dhab ka yahay. ” Falastiiniyiintu waxay yeelan doonaan dhul ku yaal Jordan iyo mid kale oo Masar ah” ayuu yiri Trump. Donald Trump ayaa maalmihii la soo dhaafay warbaahinta marsiinayay hadallo la yaab leh oo ku saabsan Qasa, kuwaas oo ay qeyb ka ahaayeen inuu iibsan doona marinka oo dhan, iyo in haddii Xamaas ay 5 maalmood la-haysteyaasha ku sii deyn weyso xabbad-joojintu ay burburayso. Source: goobjoog.com

Muqdisho (Caasimada Online) – Wasiir ku-xigeenka Arrimaha Dibadda Turkiga, Burhanettin Duran, ayaa Isniintii si rasmi ah loogu soo dhoweeyay Muqdisho isagoo booqasho shaqo ku jooga, sida ay xaqiijiyeen ilo ka tirsan Wasaaradda Arrimaha Dibadda Talaadada maanta ah. Duran waxa uu kulammo la yeeshay Wasiirka Arrimaha Dibadda Soomaaliya, Axmed Macallin Fiqi, iyo Wasiirka Batroolka iyo Kheyraadka Dabiiciga, Daahir Shire Maxamed, ka hor inta aanu si rasmi ah u qaabilin Madaxweynaha Soomaaliya, Xasan Sheekh Maxamuud. Dhinacyadu waxay ka wadahadleen xoojinta xiriirka labada dal iyo diyaarinta wadahadallada farsamo ee Soomaaliya iyo Itoobiya, kuwaas oo qayb ka ah Heshiiskii Ankara ee labada dal ay ku kala saxiixdeen Turkiga, si loo soo afjaro xiisadda u dhaxeysay. Duran waxa uu sidoo kale Khamiistii booqasho gaar ah ku tagay caasimadda Itoobiya ee Addis Ababa si uu ula kulmo dhiggiisa Itoobiya, oo uu sidoo kale kala hadlay Heshiiska Ankara. Xisbiga talada haya ee Turkiga, Justice and Development Party (AK Party), ayaa bishii hore laba heshiis istiraatiiji ah la saxiixday xisbiyada maamula Itoobiya iyo Soomaaliya si loo xoojiyo xiriirka labada dhinac ee dowlad-dowladeed iyo xisbiyada. Khilaafka Somaliland Xiriirka u dhexeeya Turkiga iyo Soomaaliya ayaa gaaray heer iskaashi istiraatiiji ah, iyadoo socdaallada heerka sare ah ay sii xoojiyeen xiriirka labada dal sanadihii la soo dhaafay, sida ay sheegeen ilo-wareedyada. Dowladda Madaxweyne Recep Tayyip Erdoğan waxay dadaal xooggan ku bixisay kordhinta hawlaheeda diblomaasiyadeed iyo horumarinta dhaqaalaha Afrika, iyadoo dhexdhexaad ka ah khilaafka u dhexeeya Itoobiya iyo Soomaaliya. Ankara waxay door muhiim ah ka qaadatay xalinta khilaaf socday muddo sanad ah oo halis gelinayay xasilloonida Geeska Afrika, iyadoo dhex-dhexaadin ka sameysay khilaafka la xiriiray Somaliland ee u dhexeeya Itoobiya iyo Soomaaliya sanadkii hore. Khilaafkan ayaa billowday bishii Janaayo markii Itoobiya oo aan bad lahayn ay heshiis la gashay gobolka gooni isu taagga ah ee Somaliland si looga kireeyo dhul xeeb oo loogu talagalay deked iyo saldhig ciidan. Bedelkeeda, Somaliland oo ku dhawaaqday inay ka go’day Soomaaliya sanadkii 1991-kii, taasi oo Muqdisho ay ku gacan sayrtay, ayaa sheegtay in Itoobiya ay si rasmi ah u aqoonsan doonto, inkastoo Addis Ababa aysan si cad u xaqiijin arrintaas. Soomaaliya ayaa heshiiskaas ku tilmaantay mid xadgudub ku ah madax-bannaanideeda, taasoo keentay walaac caalami ah oo ku saabsan khatarta dagaal cusub oo ka qarxa gobolka xasillooni darrada ay ka jirto ee Geeska Afrika. Turkiga ayaa dhexdhexaadinta bilaabay bishii Luulyo, isagoo qabtay saddex wareeg oo wadahadallo ah – laba ka dhacay Ankara iyo mid kale oo ka dhacay New York – ka hor guushii la gaaray bishii Diseembar, taas oo ay amaaneen Midowga Afrika, Washington, iyo Brussels. Bishii December, Itoobiya iyo Soomaaliya ayaa saxiixay heshiis is-afgarad ah oo ka dhacay Ankara kadib wadahadallo adag oo saacado qaatay, kaas oo lagu xaqiijiyay midnimada dhuleed ee Soomaaliya, isla markaana lagu bilaabay wadahadallo ku saabsan siinta Itoobiya marin badeed oo Soomaaliya ah.

MOGADISHU, Somalia -- In a desolate makeshift camp on the fringes of Somalia's capital, tens of thousands of internally displaced people sit under the baking sun not sure if they can have access to food rations and medication following U.S. President Donald Trump's decree to freeze most of his country's foreign aid. Source: Hiiraan Online

Nearly 100 people were killed and up to 60 others wounded when members of the Islamic State terror group launched a deadly attack on a military base belonging to security forces from Somalia’s Puntland region, officials said Tuesday. Source: Hiiraan Online

BALIDHIDIN, Somalia — The dead Islamic State fighter was sprawled out on the ridge, bloodstains darkening in the sun, as a line of heavily armed Somali soldiers snaked down the mountainside to a fortified cave — their camouflage uniforms marking a new front line in the fight against the global terrorist group. Source: Hiiraan Online

Mogadishu (HOL) — Somali lawmaker Abdirahman Abdishakur Warsame has pledged his monthly salary to support Puntland’s security forces in their fight against ISIS militants, urging both citizens and fellow lawmakers to contribute to the effort. Source: Hiiraan Online

Mogadishu (HOL) — Somalia's federal government dispatched elite units of the National Intelligence and Security Agency (NISA) on Tuesday to reinforce nationwide military operations aimed at eliminating Al-Shabaab and ISIS militants. Source: Hiiraan Online

Edward Wadie Said, a renowned Palestinian-American academic, literary critic, and political activist, stated that it is challenging to define an identity for everyone, including people and nations because identity is a complex and contradictory issue for both individuals and nations, shaped by history, culture, and power dynamics. Source: Hiiraan Online

Qaran News

Muqdisho (Caasimada Online) – Cutubyo ka tirsan ciidamada hubeysan ee hay’adda nabad-sugidda iyo sirdoonka qaranka (NISA), kuwaas oo si gaar ah loogu tababaray dagaalka ka dhanka ah argagixisada, ayaa si rasmi ah ugu biiray howlgalada lagula dagaallamayo kooxda Al-Shabaab. Ciidamadan oo maanta uu sagootiyay madaxweynaha Soomaaliya, Xasan Sheekh Maxamuud, ayaa la siiyay tababaro khaas ah oo ku saabsan weerarrada qorsheysan, waxaana tababarka bixiyay khuburo ka socotay dowladda Turkiga. Ciidamadan ayaa door muhiim ah ka qaadan doona howlgalada dalka ka socda ee lagu cirib-tirayo kooxaha argagixisada ah, iyadoo la doonayo in lagu xaqiijiyo amniga, kala dambeynta, iyo xasilloonida guud ee dalka. Madaxweynaha Soomaaliya oo la hadlayay ciidamada ayaa tilmaamay inay wax weyn ka tari doonaan burburinta godadka ay ku dhuumaaleysanayaan horjoogeyaasha iyo maleeshiyaadka argagixisada, maadaama ay heleen tababarro adag oo xirfado sare leh. Sidoo kale, madaxweynaha ayaa ugu baaqay shacabka Soomaaliyeed inay garab istaagaan ciidamada qaranka ee dagaalka kula jira kooxda Khawaarijta. Madaxweyne Xasan Sheekh Maxamuud ayaa si gaar ah uga mahadceliyay dowladda Turkiga taageerada joogtada ah ee ay la garab taagan tahay Soomaaliya, gaar ahaan dhismaha iyo tayeynta ciidamada amniga. Ugu dambeyn, wuxuu ku dhiirrigeliyay ciidamada tababarka dhammeystay inay ka dhabeeyaan dhaartii ay mareen iyo go’aanka ay qaateen ee difaaca dalkooda. Gulufka dagaal ee ka dhanka ah kooxda Al-Shabaab, oo hoos u dhacay bilihii lasoo dhaafay, ayaa haatan dowladda Soomaaliya ku waddaa dardar-gelin xooggan si markale dagaal culus loogu qaado kooxdaas, iyadoo howlgaladu ka socdaan jihooyin dhowr ah.

Source

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa booqasho rasmi ku yimid magaalada Baku ee caasimadda Azerbaijan, taas oo la xiriirta hirgelinta heshiiska iskaashiga dibulamaasiyadeed ee Labada dal ay dhawaan wada gaareen. Madaxweynaha ayaa uga mahadceliyey dhiggiisa dalkan Ilham Aliyev iyo Xukuumaddiisa soo dhaweynta diirran ee ay ku qaabileen wafdigiisa iyo muhiimadda sare ee ay siinayaan kobcinta xiriirka Labada dal, iyadoo ay tahay booqashadii ugu horreysay ee Madaxweyne Soomaaliyeed uu ku yimaado Azerbaijan. Inta lagu guda jiro booqashada Madaxweynaha, Soomaaliya iyo Azerbaijan waxay kala saxiixi doonaan heshiisyo muhiim ah oo lagu guntayo xiriirka Labada dal, waxayna wafdiga Madaxweynuhu ay kulammo la qaadan doonaan dhiggooda dalkan. Booqashada Madaxweyne Xasan Sheekh waxay muujinaysaa ahmiyadda ay dowadda Soomaaliya siinayso ballaarinta iskaashiga caalamiga ah iyo horumarinta dhaqaalaha iyo amniga, si ay uga faa’iidaystaan labada dal iyo shacab ee Soomaaliya iyo Azerbaijani. Source: goobjoog.com

Muqdisho (Caasimada Online) – Faahfaahin dheeraad ah ayaa kasoo baxaysa dagaal goor dhow ka dhacay magaalada Muqdisho, gaar ahaan degmada Cabdicasiis ee gobolka Banaadir. Dagaalka ayaa la sheegay inuu u dhexeeyay ciidamada amniga ee dowladda iyo rag hubaysan oo uu hoggaaminayay nin ka tirsan ciidanka booliska. Iska horimaadka ayaa ka bilowday guri ku yaalla waaxda Neero ee degmada Cabdicasiis, dhanka xigta Mirinaayo. Wararka ayaa sheegaya in la isku haystay lahaanshaha guriga, kaas oo maxkamaddu hore u amartay in aan la dhisi karin, balse dhisme lagu bilaabay amarka maxkamadda kaddib. Ciidamo boolis ah ayaa tagay guriga si ay u joojiyaan dhismaha, taasoo sababtay inuu dagaalku bilowdo. Wararka ayaa intaas ku daraya in dhaawacyo soo gaareen taliyeyaasha saldhigyada booliska ee degmooyinka Cabdicasiis iyo Kaaraan. Saraakiil ka tirsan hay’adaha amniga ee dowladda ayaa gaaray goobta iska horimaadka, waxaana ugu dambeyn ciidanku ku guuleysteen inay soo afjaraan shaqaaqadan. Wararka ayaa sidoo kale sheegaya in laamaha amniga ay gacanta ku dhigeen laba ruux oo ka mid ah raggii hubaysnaa, inkastoo uu baxsaday ninka la sheegay inuu booliska ka tirsan yahay ee ciidanka la dagaallamay. Si kastaba ha ahaatee, xaaladda goobtii lagu dagaallamay ayaa haatan deggan, waxaana gacan ku haynta guriga la wareegay ciidamada amniga ee dowladda.

Madaxweynihii Hore Muxuu Leeyahay Maamuus? Arrintan aan ciwaanka ka dhigtay waxaa ka jawaabaya Dastuurka iyo Xeerarka ka dheegmay: Qodobka 93-aad ee Dastuurka wuxuu u dhiganyahay sidan: Hab-Maamuuska Madaxda Sare ee Qaran: 1- Madaxweynaha iyo Ku-Xigeenka ayaa leh maamuuska kowaad ee Qaranka 2- Guddoomiyaha Golaha Guurtida ayaa leh hab maamuuska ku xiga 3- Guddoomiyaha Golaha Wakiilada ayaa leh hab maamuuska saddexaad Dastuurka aynu ku dhaqano ee ay waajibka tahay in la ilaaliyo qodobadiisu sidaas ayuu uu yaqaab madaxda Qaranka iyo hab maamuuskooda. Xeerarka ka dheegmay Dastuurka, waa xeerka loogu yeedhay Xeerka Maamuuska Madaxweynihii hore, Madaxweyne-ku-xigeenadii hore, Guddoomiyihii hore ee Golaha Guurtida, iyo Guddoomiyihii hore ee Golaha Wakiilada iyo mudanayaasha Barlaamanka Xeer Lr 62/2020. Xeerkani wuxuu ka koobanyahay 15-qodob; Qodobkiisa saddexaad(Dhowrsanaanta) waxa uu u dhiganyahay sidan: 1- Madaxweynaha, Madaxweyne-ku-xigeenka, Guddoomiyaha Golaha Guurtida iyo Guddoomiyaha Golaha Wakiilada ee hore, waxa ay lee yihiin dhowrsanaan sharci, oo la mid ah dhowrsanaanta mudanayaasha Baarlamaanka. Sida qodobkani sheegayo madaxda hore ee xilka ka degtay waxa ay leeyihiin maamuus mudane, sababtoo ah intuba waxa ay ku biirayaan Baarlamaanka, mana laha maamuuskii iyo dhowrsanaantii uu sheegay Qodobka 93-aad ee Dastuurka, taas oo micnaheedu tahay dhowrsanaantooda madaxda hore waxa ka qaadi kara Golayaasha ay ka tirsanyihiin, halka Madaxweynaha Qaranka dhowrsanaanta ay ka qaadi karaan labada Gole iyo Maxkamadda Sare. Akhriste marka intaas uu sharciga iyo Dastuurku uu qoray aad fahantay, waxa aan rabaa inaan ku caddeeyo kelmada ah Madaxweyne Hore, muxuu sharcigu uu yaqaan? Si aad uu fahanto aan ku sameeyo tusaale: Madaxweyne hore wuxuu la mid yahay xaaskaagii hore ee aad furtay, oo nin kale guursaday ka warran haddaad albaabkeeda cayaar ka hor tumato, iyadoo marwo ah, oo ninkii qabay ka masuul yahay nolosheeda; sharci ahaan, dhaqan ahaan, islaam ahaan midna ku fasaxi maayo guri aanad lahayn in aad ku hor ciyaarto. Waxa aan kusoo gebogebaynayaa dumarka la kala dumaalay xaqooda hala ilaaliyo sidii kuwii kaa horeeyeey uu ilaaliyeen. Fiiro gaar ah: Waxaa aan halkan kugu soo gudbinayaa Xeerka Hab-maamuuska Madaxdii hore; si aad uu fahanto sharcigi inoo yaal; ku darso xeerkan waxa saxeexay, oo dhaqangeliyey Madaxweynihii Hore Muuse Biixi Cabdi, Barlamaanka waxa uu saxeexay Guddoomiye Hore Baashe Maxamed Faarax iyo Xoghayaha Golaha Wakiilada Garyaqaan Cabdirisaaq Siciid Ayaanle. || Xoghayaha Guud ee Golaha Wakiilada Garyaqaan Cabdirisaaq Siciid Ayaanle Lifaaqa kala deg xeerka WQ-Xoghayaha guud ee Golaha Wakiilada Somaliland Cabdirisaaq Siciid Ayaanle. Qaran News