Muqdisho (Caasimada Online)-Senetor C/risaaq Cusmaan Jurille oo ka mid ah xubnaha aqalka sare ee baarlamaanka ayaa ka hadlay muddada u hartay dowladda Soomaaliya iyo culeesaadka ka jira doorasho dalka ka dhacda 2020/2021. Isaga oo saxaafadda kula hadlayay magaalada Garowe ayuu sheegay inay u tageen Puntland inay kulamo la qaataan madaxda maamulkaasi, iyaga oo kala hadlaya arimo badan oo ay kamid yihiin siyaasadda dalka labada sano ee u hartay dowladda. Wuxuu sheegay in xildhibaanada labada aqal iyo madaxtooyada kaliya labo sano ay kaga hartay muddo xileedkooda, islamarkaana ilaa iyo hadda aan la iska wareysan hanaanka doorashada xigta ee dalka ka dhaceyso iyo qaabka ay noqoneyso. Wuxuu walaac badan ka muujiyay in doorasho ka dhici weyso dalka, maadaama aan ilaa iyo hadda go’aan cad laga gaarin qaabka ay noqoneyso doorasho ka dhacdo dalka. Wuxuu sheegay in magaalada Garowe ay u tageen sidii arimahaasi ay kagala hadli lahaayeen madaxda Puntland, islamarkaana xubnaha Puntland ku matala dowladda ay go’aano u qaadan lahaayeen. “Labo sano ayaa naga dhamaatay labadaasi sano wax isku yimid ilaa maanta ma jirto oo ka wada hadlay arimaha doorashada, ma waxaan ku noqoneynaa qaabkii hore, ma qaab cusub ayay noqoneynaa doorashada, waa inaa isku nimaadaa oo arimahaan ka wada hadalnaa”ayuu yiri Senetor Jurille. “Khilaaf xoog leh oo dastuurka dalka ah ayaa jira, waxaa todobaadkaan Meel ka baxsan Somalia ku shiray xubno badan oo dhaliilsan dowladda iyaga oo ka walaacsan Soomaaliya iyo halkay ku socoto, dalkoodana culees ayay kaga shiri waayeen.”ayuu hadalkiisa kusii daray. Dowladda Soomaaliya ayaa wajahday mucaaradkii ugu badnaa, waxaana xubnaha Puntland matala ay qabaan dhaiilo badan. Caasimada Online Xafiiska Muqdisho Caasimada@live.com

Afgooye (Caasimada Online)-Faahfaahino dheeraad ah ayaa laga helaya weerar xubno ka tirsan Ururka Al Shabaab ku qaadeen saldhiga deegaanka Sabiib ee gobolka Shabeelaha Hoose ku leeyihiin ciidamada dowladda Soomaaliya. Dagaalka ayaa ka dambeeyay kadib markii ciidamada Al Shabaab ay weerar xoogan ku qaadeen deegaanka oo dhawaan ciidamada dowladda Soomaaliya ay la wareegeen, islamarkaana uu tagay madaxweyne Farmaajo. Dadka deegaanka Sabiid ayaa sheegay in dagaalka u dhaxeeya Ururka Al Shabaab iyo ciidamada dowladda uu muddo halkaasi ka socday, waxaana jira khasaaro soo gaaray dhinacyada dagaalamay. Saraakiil u hadashay ciidamada xooga dalka oo ku sugan Sabiib ayaa warbaahinta u sheegay in dagaalka Al Shabaab ay iska difaaceen, islamarkaana Al Shabaab ay ka dileen xubno badan. Dhinaca kale Al-Shabaab ayaa warar ay ku qoreen Baraha internet-ka waxa ay ku sheegeen in weerarkaas ay ku qabsadeen mid ka mid ah Saldhigyada Ciidamada Dowladda ee deegaanka Sabiib,isla markaana askar ay ku dileen. Deegaanada Sabiib iyo Caanoole ee duleedka degmada afgooye ee Gobolka Shabeellaha Hoose ayaa dhowr todobaad ka hor waxaa Ciidamada Dowladda ay kala wareegeen Ururka Al-Shabaab. Al Shabaab ayaa waxay sido kale sheegay in markii hore weerarka uu ku bilowday madaafiic, kadibna ciidamadooda ay weerar ku qaadeen saldhig ciidamada Mareykanka tababaray ku lahaayeen deegaanka Sabiib. Caasimada Online Xafiiska Sh/Hoose Caasimada@live.com

Magaalada London ee caasumada wadanka Britain ayaa waxaa lagu shaaaciyey xisbi siyaasadeed loogu magac daray “Xisbiga Wadaniga Soomaaliyeed”. Xisbigan waxaa dhisay siyaasiyiin caan ka ah [...] Source

Sawir hore: Burcad-badeed la qabtay Hawlgalka Midowga Yurub ee ka hortagga iyo la’dagaallanka burcad-beedda xeebaha Soomaaliya ayaa shaaciyay in ay qabteen 5 ka tirsan burcad-beedda Soomaalida oo weerarro geystay maalmihii la soo dhaafay. War qoraal ah oo ka soo baxay hawlgal Midowga Yurub ee loo yaqaan EU NAVFOR ayaaa lagu sheegay in kooxda la qabtay ay jimcihii hore ee ku began 19-kii bishan April ay xeebaha Soomaaliya ka af-duubteen doonni kalluumeysi oo laga leeyahay waddanka Yemen kadibna ay doontaasi ku weerar tageen. Sida qoraalka lagu sheegay kooxda burcad-badeedda ah oo adeegsanaya doontii ay af-duubteen ayaa maalintii talaadada ee 23 bishan April weerar ku qaaday doonni kalluumeysi oo laga leeyahay dalka Koonfur Kuuriya xilli ay maraysay badweynta Hindiya gaar ahaanna meel 280 nautical miles u jirta xeebaha Soomaaliya. Doonnida Kuuriyaanka oo magaceeda lagu sheegay Adria ayaa si xawli ah ku socotay kadib markii ay soo weerareen kooxda burcad-badeedda waxaana ay u tagtay doonni kale oo kallluumeysi taasi oo iyadana laga leeyahay dalka Spain sida ay sheegtay EU NAVFOR. Doonnida Spanish-kaa oo magaceedu yahay Txori Argi iyo doonta Kuuriyaanka ee Adria oo iskaashanayaa ayaa sida qoraalka lagu sheegay iska difaacay kooxda burcad-badeedka ee weerarka qaaday. Isla maalintaasi doonni kale oo magaceedu yahay FV shin Shuen Far ayaa sheegtay in ay u soo dhowaadeen laba doonyood oo nooca yar yar ah balse ay dib u laabteen kadib markii ilaalo hubaysan oo doonta saarnaa ay rasaas huwiyeen. Hawlgalka Midowga Yurub ayaa sheegay in kadib dhacdooyinkaa isxigay ay direen diyaarad nooca sahanka ah oo soo heshay halka lagu haysto doontii Yemen ee la af-duubtay jimcihii hore dabadeedna hawlgal ay ku qaadeen halkaasi lagu qabtay 5 burcad-beeda oo af-duub u haystay doonnida islamarkaana laga sii daayay doontii iyo 23 qof oo saarnaa. Hawlgalka EU NAVFOR ayaa sidoo kale doonyaha iyo maraakiibta maraya xeebaha Soomaaliya ku boorriyay in ay xoojiyaan ilaaladooda gaarka ah si ay isaga difaacaan haddii weerar uga yimaado kooxaha burcad-badeedda Soomaalida. Af-duubta marakiibta iyo doonyaha ay u gaystaan burcad-badeedda Soomaalida ayaa si weyn hoos ugu dhacay tan iyo sannadkii 2012 kadib markii la wiiqay awoodooda balse waxaa jiray dhacdooyin af-duub oo ay geysteen sannadihii tegay. PUNTLAND POST The post Koox ka tirsan burcad-badeeda Soomaalida oo 3 weerar qaaday kadibna la qabtay appeared first on Puntland Post.

Nairobi (Caasimada Online) – Hay’adda Qaramada Midoobey u qaabilsan Qaxootiga ee UNHCR ayaa sheegtay in saddex Gabdhood oo Soomaali ah lagu la’yahay Dalka Cyprus. Xafiiska UNHCR ee Cyprus, ayaa baahiyay xogtan waxaana xafiisku uu sheegay in Gabdhahaas la waayay hal Todobaad ka hor. UNHCR ma sheegin magacyada iyo xogta Gabdhaha Soomaalida ah ee lagu la’yahay dalkaasi kuwaas oo xeradii ay ku jireen laga waayay. Hay’addu waxaa ay sheegtay in ay u baahantahay baadgoob dhameystiran,waxaa kale oo ay soo jeedisay in wax laga qabto baahiyaha dadka qaxootiga ah eek u jira Xeryaha Dalka Cyprus, kuwaas oo aan heli Karin shaqo iyo dhaq dhaqaaq kale. Dadka aan qaan gaarin eek u jira xeryaha ku yaalla Dalka Cyprus ayaa loo oggolyahay in ay halkaas degganaadaan inta ay ka gaarayaan da’da 18 jir,waxaana kaddib qofkasta laga doonayaa in uu banneeyo halka uu ku noolyahay noloshiisana maareeyo. Caasimada Online Xafiiska Muqdisho caasimada@live.com

Qaran News

Qaran News

Allaah ayey mahad oo idili usugnaatay, nabadgalyo iyo naxariisina Nabigeena Muxammad ah korkiisa Allaha yeelo. Intaa kabacdi; Aqristoow waxaa maalintii Isniinta, taariikhduna kubeegneyd 22-kii bishan Abriil ee 2019-ka, shir lagu qabtay caasimada Nairobi, ee dalka xurgufta arinta badda inaga dhaxeeysee Kenya. Shirkaa oo ay isugu yimadeen qeyb ka mid ah, siyaasiyiinta mucaaradka ku ah, dowladda dhexee loowada dhanyahee Soomaaliyeed. Shirkaa waxaa laga soosaaray war-Murtiyeed ka koobnaa dhowr qodob, oo eey ka mid aheyd, ineey xukuumad cusuboo tan hada jirta garab-yaacda, soodhisi doonaan bisha Juune 2019-ka (Bil kabacdi), hadaan sideey rabaan looyeelin. Marka aad eegto sawirka guude siyaasadeed (The bigger political picture), iyo xurgufta dhanka baddeena ah, ee qarankeena Soomaaliyeed kala dhaxeeysa dalka Kenya, waxaa kuu muuqaneeysa, in Kenya oo hore uga mamnuucday siyaasiyiinta mucaaradka sheegta, ineey dalkeeda kuqabtaan shirar lagu duminayo dowlada Soomaaliya, ay hada iskadaa ineey ufasaxdo’e, eeyba wax ka abaabuleeyso shirarkii dowlada Soomaaliya horeyba loogu foowdeeyn jiraye dalkeeda lagu qaban jiray, si eey cabur siyaasadeed (Political pressure) uga dhigto doowlada Soomaaliya. Nasiibdarrada! Ugu weyn ayaase ah, ineey isticmaaleeyso siyaasi-isku sheegyo, duubka sare Soomaali ka ah, balse aan garan karin, ama aanba kala jecleyn, meesha Kenya ka dabaaqtameeyso ee ah, ineey dowlada Soomaaliya cadaadis siyaasadeed saarto, buuq iyo foowdana ku furto, maadaama dowlada maanta jirta, ee matasha qaranka ummadeena Soomaaliyeed iska diiday, ineey la laabato kiista badda, ee yaalla maxkamada caalamiga ah, si loogu wada hadlo maxkamada bannaankeeda, xeer jajabna loogu xalliyo, maadaama Kenya sidaa dalbatey, una aragto ineey danta qarankeeda sidaa ugu jirto, ogtahayna in laga guuleeysanayo, mar hadii lagu kala baxayo maxkamada aduunka. Waa su’aale, maxaa damiirka, iyo dadnimada kaqaaday, kuwan laga dhiganayo, dubbihii dalkooda lagu garaacan lahaa, si dalkaa shisheeyee Kenya ugaaro danaha qarankiisa? Waxaa jirta xikmad aduunkoo dhan caan ka ah, oo uu yiri nin la dhoho Mark Twain, ninkaa oo noolaa intii u dhaxeeysey (30-kii Nofeembar 18350-kii–Illaa- 21-kii Abriil, 1910-kii). Ninkaa wuxuu ahaa qoraa, macallin, daabacaa, iyo garacsade intaba. Wuxuu af-qalaad ku yiri sidatan: “Patriotism is supporting your country all the time, and your government when it deserves it”, taasoo micnaheedu yahay: “Wadaniyadu waa in aad taageero, ama garab-istaagto dalkaada markasta, doowladaadana marka eey u qalanto, ama istaahisho”. Waa yaabka yaabkiise! Siyaasiyiintaa eey Kenya kushirisey Nairobi, ma intaa ayey garan waayeen subxaanallaahiye! Bal hadana aan iftiiminno kooxdan Kenya inoo isticmaaleeysee, xerada eey kusoo xareeysatay. Siyaasiyiinta meesha isugu yimid waxeey ahaayeen illaa shan (5) qeeybood: 1-Qeeybta koobaad; Waa kuwii in mudo ahba qeeylada, sawaxanka, iyo buuqa kawaday caasimada qarankee Muqdisho. Kuwan waxaa ugu caansan “Afarta Isku Jufada ah”, iyo “Qeeyla-Quutayaasha” aan kaxishoone, meelaha la taagan ereyada ah: 91-kiibaa loo noqonayaa, iyo RW Xasan Cali Kheyre sidee raysalwasaare looga dhigay, Sida: C/Raxmaan C/Shakuur Warsame (Mr. Farmaajo ayaa xamar marti ku ah), Axmed Macalin Fiqi (Mr. 91 ayaa loo noqonayaa), Kamaal Daahir Gutaale, & C/Qaadir Cosoble, …. Iyo kuwa la midka ah. Raysalwasaaraha hala eryo, oo midkeen halagu badaladii eey bilaabeen isla maalintii raysalwasaaraha lamagacaabay, ayey maantana ku sooceliyeen. Wax cusub masoo kordhin, illeen hadafkoodu waa intaase. Nasiibwanaag! Illaa maanta weey ushaqeyn la’dahay, beriba yeelkeede. 2-Qeybna labaad; Waa kuwo xilal looga qaaday sababo kala duwan, kana caareeysan xil ka qaadistaa, oo dowlada uga aargoosanaya shirkan, iyo fowdada laga soosaaray, Sida: Cabdi Faarax Juxa (kaasoo xilka looga qaaaday qabyaaladeyntii ba’neyd, ee Wasaarada Arimaha Gudaha), iyo Cabdullaahi Maxamed Cali Sanbaloolshe (kaasoo xilka looga qaaday, iskudaygii gudaha ka fashilinta doowladada maanta jirta, waa siduu u abaabulay kiiskii Qalbi-Dhagax’e ), …. Iyo kuwa la midka ah. 3-Qeybta sadexaad; Waa koox in mudo ahba doowlada ka taageereeysey/difaaceeysey dhanka warbaahinta, maadaama qaarkood madaxda dowlada saaxiibo dhow la yihiin, halka qaar kalana saaxiibtinimadaa ku darsadeen, ineey isku xisbiba (Tayo) ahaayeen madaxweyne Farmaajo, balse markii eey ku hungoobeen, rajadii aheyd in arimahaa dartood xil culus loogu magacaabidoono, ayey furka ku tuureen doowlada, si eey umuujiyaan caradooda xargaha goosatay, isuguna diyaariyaan sidii eey ulasii qabsan lahaayeen, madaxda imaandoonta mutaqbalka, waa hadii madaxda maanta joogta aaneey soonoqone, maadaama dowlada maanta jirta, waqtiga kasii dhamaanayo. Dadkaa waxaa ka mid ah: Dr. Cabdi Nuur Sheekh Maxamed, …. Iyo kuwa la midka ah. 4-Qeybta afaraad; Waa kuwo dagaal qabyaaladeedoo fac weyn kujira, oo mabda’a qabyaaladeed shalayna madaxweyne Xasan Sheekh Maxamuud ku weerarayey, in mudo ahna madaxweyne Farmaajana ku taageerayey. Waxeey rajeeynayeen ineey arkaan madaxweyne Farmaajo oo dhankasta ugu sad-buriya maamullada qaarkood (Sida Jubbaland iyo Puntland), kuwa kalana u geysta, burburin eeysan abidkood kasoo kaban (Sida Gal-Mudug iyo Hir-Shabeelle). Waxeey sidoo kale filayeen, inuu madaxweeynuhu isku darsandoono awoodaha qarankoo dhan, sidii hore u dhici jirtayba.Waxeey aad uga careeysan yihiin, madaxweynahan awoodiisii sharciga aheyd udaayey raysalwasaaraha, kuna ekaaday tiisa dastuuriga ah. Ragaa waxaa horboodaya: Feeysal Cabdi Rooble (Mr. No diin Islaam!). Waxaana ka mid ah Prof. Maxamed Cabdi Maxamed (Gaandi), …. Iyo kuwa la midka ah 5-Qeybta ugu dambeeyseysee shanaad, Waa qeyb tirade lagu badsado, iskana ah “Sumeeynu Dhaan Raacday”, iyo halagaa dhex arko wixiiba doowlada ushiraya. Mahadsanidiin Qoraa: C/Qaadir Maxamed Cismaan (Cabdiboqor) Dhaqaaleyahan, qoraa, iyo falanqeeye siyaasadeed. abdulkadirphd@hotmail.com. Minnesota-USA Afeef: Aragtida qoraalkan waxa ay ku gaar tahay qofka ku saxiixan, kamana tarjumeyso tan Caasimada Online. Caasimada Online, waa mareeg u furan qof kasta inuu ku gudbiyo ra’yigiisa saliimka ah. Kusoo dir qoraaladaada caasimada@live.com Mahadsanid

Muqdisho (PP) ─ Dagaal culus ayaa xalay ku dhexmaray ciidamada DF iyo xoogag ka tirsan kuwa Al-shabaab deegaannada Sabiid iyo Caanoole oo ku dhaw degmada Afgooye ee gobolka Shabeellada Hoose, inkastoo aan weli la ogeyn khasaarha ka dhashay inta ay le’eg tahay. Iska-hor-imadkan ayaa billowday kaddib markii xoogagga Al-shabaab ay weerareen saldhig ay ciidammada dowladda Spmalia ku leeyihiin labadaan deegaan, deegaannadaas oo dhawaan ay la wareegeen ciidamada DF uuna booqday madaxweyne Farmaajo. Wararrka ayaa sheegaya in dagaalkan uu socday muddo saacado ah, balse illaa hadda lama oga khasaaraha ka dhashay, inkastoo dadka deegaankaas ku nool ay sheegayaan inay khasaarooyin kala duwan jiraan. Saraakiil ka tirsan ciidanka millateriga Soomaaliya ayaa sheegay inay iska difaaceen weerarkii kaga yimid Al-shabaab, isla markaana khasaaro ay ku gaarsiiyeen sida ay hadalka u dhigeen. Dhinaca kale, Kooxdas Al-Shabaab ayaa warar ku qoreen baraha internet-ka ay ku leeyihiin waxay ku sheegeen in weerarkaas ay ku qabsadeen mid ka mid ah saldhigyada ciidamada Dowladda ee deegaanadaas, isla markaana ay ku dileen tiro askar ah. Ugu dambeyn, Deegaanada Sabiib iyo Caanoole ee duleedka Afgooye ayaa waxaa dhowr todobaad ka hor la wareegay ciidamada DF, iyadoo saraakiisha ciidamada hoggaamineysa ay sheegeen inay sii wadi doonaan hawl-galka ka dhan ah Al-shabaab. PUNTLAND POST The post Al-shabaab oo xalay weerartay Saldhigyo ay Ciidamada DF ku leeyihiin Shabeellada Hoose appeared first on Puntland Post.

Muqdisho (Caasimada Online) – Sheekh Maxamuud Ow-Cabdulle Cariif oo kamid ah Culumaa’udiinka Soomaaliyeed kuwooda ugu caansan islamarkaana wareysi siiyay Idaacadda Kulmiye ee magaalada Muqdisho ayaa ka hadlay xaaladda qoyskii Marxuum Caasho Ilyaas oo dil iyo kufsi loogu geestay Gaalkacyo. Sheekh Maxamuud ayaa sheegay in falkii ka dhacay Gaalkacyo hadii aan loo helin Ciqaab la marsiiyo dadkii ka dambeeyay ay ka dhalan doonto Ciqaab iyo Aafo xun oo saamayso dhamaan umadda Soomaaliyeed. Sheekha ayaa sidoo kale fal aad u xun ku micneeyay in qoyskii dhibka gaaray hadana ay la sii kulmaan jir xumeen iyo faquuq bulshada dhaxdeeda ah. Sheekh Maxamuu ayaa dhamaan dadka Soomaaliyeed gaar ahaan reer Gaalkacyo ka dalbaday in ay ka dhiidhiyaan cadaalad darrada dadkii falkaasi fuliyay iyo faquuqa lagu sameeyay qoyska oo Ciqaab laga dhaxli karo aduun iyo Aakhiro. Halkan ka dhageyso Codka https://www.caasimada.net/wp-content/uploads/2019/04/Sheekh-Maxamuud-Aw-Cabdulle-Cariif-1.mp3Caasimada Online Xafiiska Muqdisho caasimada@live.com

Qaran News

Soomaaliya oo kasoo dhex muuqatay liis halis ah oo uu soo saaray Mareykanku Dowladda Mareykanka ayaa soo saartay warbixin dheer oo ay kaga hadashay waddamada ugu halista badan Caalamka ee ay tahay in ay ka fogaadaan muwaaddiniinteeda. Waddamadan oo guud ahaan ka kooban 35 dal, ayaa loo kala sameeyay heerarka 4aad, 3aad, 2aad iyo 1aad. Heerka ugu halista badan waxaa uu yahay midka 4aad,waddamada kujira waxaa ka mid ah Soomaaliya,waxaana loo aqoonsaday in ay ka mid tahay meelaha ugu badan ee lagu afduubto dadka Mareykanka ah. Wasaaradda arrimaha dibadda Mareykanka ayaa uga digtay muwaaddiniinteeda in guud ahaan heerka 4aad waddamada ku jira ay u safraan halka heerarka kale la faray in ay feejignaadaan. Haiti Iran Iraq Libya Mali Somalia South Sudan Syria Venezuela Yemen. Qaran News

Hargeysa (Caasimada Online) ― Wasiirkii hore ee wasaarada qorsheynta Somaliland Cawaale Ibraahim Shirwac oo dhawaan uu xilkii ka qaaday Madaxweyne Muuse Biixi ayaa maanta ka hadlay xil ka qaadistiisa. Wasiirka ayaa beeniyey in sababta uu Madaxweynuhu xilka uga qaaday ay tahay inuu ka qayb-galay dood lagu marti-qaaday Prof. Axmed Ismaaciil Samatar oo xiligan ay siyaasiyan is hayaan Madaxweyne Biixi. Wasiirkii hore ee wasaarada qorsheynta oo arrimaha ka hadlaya ayaa waxa uu yiri “Dadku waxay leeyihiin anigu jawaab uma hayo, Bani-aadamkuna boqol sababood ayay sameyn karaan, laakiin anigu taan qirayaa waxa weeyaan Madaxweynuhu aniga ayuu xilka ii dhiibay oo shuruud kale igala muu gelin, oo shaqada ayaa noo ahayd shuruud oo aan shaqadeyda kasoo baxo oo dadkuna ii sinaadaan, oo aan noqdo Wasiir tusaale ah, sidaan qabo Madaxweynuhu markuu xilka iga qaaday kulamadii ka dambeeyay ee aanu yeelanay, wax shaqadayda khuseysa oo dhaliil ah maan arag, jewi wanaagsan ayaanu Madaxweynaha ku kala tagnay”. Wuxuu intaas kusii daray “Anigu shaqsiyan ma qabo hadaad i waydiiso, mana qabo in Madaxweynuhu uu qaabkaa u dhaqmo, Sannad iyo badh baanu soo wada shaqaynay, Madaxweynuhu waa qof arrimahaa ka sareeya, aragtidiisuna wax kale ayay ku mashquulsan tahay, markaa waxaan qabaa in Madaxweynuhu jeclaystay inuu Qof kale xilka u dhiibo”. Wasiirkii hore ee wasaarada qorsheynta Somaliland Cawaale Shirwac ayaa maanta si rasmi ah u wareejiyey xilkii Wasaaradda qorsheynta oo uu hayey muddo sannad iyo badh ku dhow. Caasimada Online Xafiiska Hargeysa Caasimada@live.com

Hargeysa (Caasimada Online) ― Xukuumada Muuse Biixi ayaa soo jeedisay in caqabadaha siyaasadeed iyo kuwa dhaqaale ee ku gudban doorashooyinka Somaliland looga gudbo hab sharciya. Shirkii Golaha Wasiirrada ee khamiistii qabsoomay oo uu Shir-gudominayey Madaxweynaha Somaliland Md. Muuse Biix Cabdi, ayaa waxa Golaha Wasiirradu ku go’aamiyeen in caqabadaha siyaasadeed ee doorashooyinka looga gudbo hab waafaqsan sharciga. Qoraal kasoo baxay Shirkaas ayaa waxa lagu yiri “Goluhu isaga oo ka duulaya dareensana ahmiyadda ay doorashooyinku u leeyihiin Somaliland iyo inay ku qabsoomaan wakhtigoodii, waxay go’aamiyeen in hab sharciga waafaqsan looga gudbo caqabadaha siyaasadeed iyo dhaqaale ee ku gudban arrimaha doorashooyinka la filayo inay dalka ka qabsoomaan sannadkan” Caqabadaha siyaasadeed ee ku gudban Doorashooyinka Somaliland ayaa waxa kamid ah isla markaana ugu muhiimsan muranka ka taagan Saami-qeybsiga kuraasta Golaha Wakiillada, kaasi oo ilaa hadda aan wax xal ah laga gaarin. Caasimada Online Xafiiska Hargeysa Caasimada@live.com

Korneyl Gelle Guhaad oo ka mid ahaa saraakiishii Ciidanka ee dawladii kacaanka ee uu hogaamin jiray Maxamed Siyaad ayaa ku taliyey in dagaal sokeeye laga [...] Source

Jabuuti (Caasimada Online) – Madaxweynaha dalka Jabuuti, Ismaaciil Cumar Geelle ayaa ka casbi in qaba kacdoon shacab kursiga uu muddada dheer ku fadhiyey lagaga tuuro, waxaanu sheegay in isaga illaahay ka bad-baadiyey waxa ku dhacay Madaxweynayaashi dalal ka mid ah Qaaradan Afrika muddo dheer ka talinayey keligood. Waxa uu xusay in la doonayo in la mariyo dhabihii ay mareen saaxiibadiisa Al-bashiir, Qadaafi, Xusni, Mubaarik iyo kuwa kale, waxaanu ugu baaqay shacbiga reer Jabuuti in haddii ay arrintaas ka feejignaan waayaan uu dalku halis gelayo. Madaxweyne Geelle ayaa sheegay in kooxo aan dalka joogin iyo dalal shisheeye ay ku hawlan yihiin dhaq-dhaqaayo la mid ah kuwii galaaftay saaxiibkiisa Sudan Al-bashiir oo ay ka wadaan Jabuuti, isla markaana la rabo in dalka Jabuuti uu ka istaadhmo dagaal sokeeye iyo qalaasi siyaasadeed Ismaaciil Cumar Geelle ayaa hadalkiisu u dhignaa “ Nebigeenii wuxuu yidhi “CSW” fidna wey hurudaa nacladii illaahay ayaa ku degta ninkii kiciya , fidnad ayaa wadankeena lasoo gelinayaa kolba si ayaa lagu dayayaa waxa loo jeedaana waa in wadanka qas la geliyo, waxa loo jeedaa in aan galno meel dad kale galeen oo annagana illaahay naga bad-baadiyey xoogbay ku dayayaan dilbay doonayaa mashaakil noqonaya dagaal sokeeye ayey doonayaan , haddii dadkeenu uu ka feejignaan waayana halis ayuu wadanka oo dhani geli doonaa .” Isagoo hadalkiisa sii wata Madaxweyne Geelle waxa uu intaasi ku daray “Annagu waxaanu leenahay Dowladu dadka oo dhan ayey Dowlad u tahay ay ilaalin u tahay, ay wax siin u tahay, ay is barbar joog u tahay , cid ay cid kale uga dhaafi kartaayi ma jirto , haddii qabiil la dayona qabiil qudhaata ayaanu nahay calan midaata ayaan wadaagnaa diin mid ah ayaanu wadaagnaa , walaal-nimadu waa in la abuuro oo la dhaqo weeye.” Geesta kale Madaxweyne Ismaaciil Cumar Geelle ayaa sheegay in aanu dalka iyo dadka wax u tarayn nin siyaasi ah oo doonaya inuu kursiga ku gaadho dhiig “Nin Siyaasi ah oo dhiiga dadka inta uu dul socdo leh waxaan ku gaadhayaa madax-nimada wuxuu ummada u tarayaa majiro dalkana wax-ba uma tarayo qasmooyaane .” Dhanka kalena Madaxweyne Geelle ayaa si dadban u sheegay in dad reer Jabuuti ah oo aan dalka joogin iyo wadamo kale ay wadaan qorshahan, kuwaas oo uu sheegay inuu diiday amaradoodii ay farayeen, isla markaana ay duulaan ku soo qaadeen. “Waxa aan annigu afkaygaasi aan ka dhawrayo dadka fidnada soo abaabulayaa halkan lanama joogaan , meel kale ayey joogaan , kuwaasina kuwa kale ayaa ka dambeeya , waxa ay doonayaan waxa weeyaan in aan horumarkeena joojino, dadka aan xidhiidh wanaagsan oo walaal-nimo ah aan la leenahay iyo wax-qabad inay na garab mariyaan ayey doonayaan, halkaa maxaad u maraysaan ayaa nala leeyahay, maxaad Dowlada ula shiraysaan ayaa nala leehay, maxaad taa usoo dhaweynaysaan ayaan nala leeyahay, xor ayaanu nahay ayaan leenahay.” Madaxweynaha Jabuuti ayaa ka sakow duufaannada ah kacdoono shacab oo saameeyay dalalka dariska la ah ee Itoobiya iyo Suudaan waxa dul hoganaya danaha is diidan ee reer Galbeedka, Shiinaha iyo xulufada Carabta ee Imaaraadku ka mid yahay kuwo ugu firfircoon. Reer Galbeedka oo Maraykanku ugu horeeyo ayaa si weyn uga soo horjeeda galaangalka Geelle la samaystay Shiinaha, Imaaraadka iyo xulufadiisa ayaa ka soo horjeeda Geelle kadib eryiddii Dp World waxaana jira dad mucaarad ku ah oo reer Jabuuti waana arrimaha u muuqda in ay tushuush ku fureen madaxweyne Ismaaciil Cumar Geelle oo wakhti dheer ka talinayay Jabuuti. Caasimada Online Xafiiska Jabuuti caasimada@live.com

Guddida Doorashooyinka Qaranka Somaliland iyo xisbiyada UCID iyo KULMIYE ayaa shalay shir doceed ay albaabadu u xidhanayeen oo saddex-geesood ah ku wada yeeshay xarunta guud ee komishanka Doorashooyinka ee magaalada Hargeysa, kaasi oo ka yimid kadib markii ay dorraad labadan xisbi soo bandhigeen nuxurka heshiis-yo dhex maray iyo go’aamo la xidhiidha qaddiyadda doorashada. Kulankan saddex geesoodka ahaa ee ay wada yeesheen labada xisbi ee KULMIYE,UCID & Guddida doorashooyinka Qaranka Somaliland oo ahaa mid ay saxaafaddu debad joog ka ahayd, waxa uga qayb-galay xisbiga KULMIYE Wasiir Maxamed Kaahin Axmed, Axmed Cabdi dheere Guddoomiye xigeenka 2-aad ,Xasan Siciid Xoghayaha Guud, Cabdicasiis Samaale iyo xubno kale, halka ay dhinaca xisbiga UCID ku matelayeen, Musharax ku-xigeenkii xisbigaasi Axmed Cabdi Abyan, Prof Qaasin Tubeec, Axmed Xirsi Ducaale iyo afar xubnood oo kale. Dhinaca kale maaddaama oo uu kulan-kaasi ahaa mid ay al-baabadu u xidhnayeen, isla markaana aanay labada dhinac markii uu soo idlaaday wax tafaasiil ah ka bixin ayaa xoggaha aanu ka hellayno illo wareed-yo mihiim ah ay tibaaxeen inuu ahaa mid ay kaga wada hadleen saddex-da dhinac caqabadaha ku gadaaman doorashada golaha wakiillada ee mudaysan inay dalka ka qabsoonto dabayaaqada gu’gan, taasi oo ay dood dheer ka yeesheen, isla markaana ay isla lafa gureen . Waxa kale oo ay Xogguhu sheegeen inay Komishankan u sheegeen labadan xisbi in arrimo la xidhiidha qabashada doorashadaasi inay dhanka Xukuumadda Madaxweyne Biixi laga sugayo oo qabyo ka yihiin iyo arrimo kale oo ay sheegeen inay ku xidhan yihiin qaadhaan bixiyayaasha Somaliland ka taageera dhanka doorashooyinka iyo geedi socodka dimuqraadiyadda. Arrimaha dhiman ayaa ah kuwo dhaqaale. Xisbiga UCID ayaa qoraal kooban oo uu soo saaray ku sheegay in kulankaasi ay labada xisbi ee KULMIYE iyo UCID ay sidoo kale kaga wada hadleen Komishanka heshiis-yaddii dhexmaray labadaasi xisbi iyo go’aamadii ay soo wada saareen dorraad ee ku tacaluqay dhanka doorashada Sidoo kale Xisbiga UCID ayaa qoraalkaasi kooban ee ay bahiyeen ku sheegay in kulankaas saddex-da dhinac dhexmaray uu kusoo dhammaaday is afgarad iyo jawi degen Geesta kalene kulan-ka ay wada yeesheen guddida doorashooyinka iyo xisbiyadda UCID KULMIYE ayaa la sheegay in aanay Komishanka doorashooyinku ku casuumin xisbiga WADDANI inuu kasoo qayb-gale , kaasi oo ahaa mid ay si gaar ah ugu cusuumeen labadaas Xisbi. Qoraal Kooban oo Komishanka doorashooyinku soo saaray ayaa lagu sheegay in loo ballamay kulamo dambe oo noocan ah laakiin, xisbiga WADDANI oo hore kalsoonida ugala laabtay Komishanka ayaa sidoo kale si xooggan u diiday qodobada ay ku heshiiyeen Kulmiye iyo UCID. Qaran News

Masuuliyiin ka tirsan Wasaaradda Maaliyadda ee Gobolka Gardafuu ayaa kormeer shaqo ku maray qaybo ka mid ah Degmooyin ka tirsan Gobolkaasi. Waftigan kormeerka shaqo ku tagay [...] Source

(SLT-Hargeysa)-Marwo Faadumo Siciid Oo Ka Warbixisay Nuxurka Kulamo Ay Maanta La Qaadatay Madaxda Ugu Sarraysa Wasaaradda Arrimaha Dibadda Dalka Sweden, Halkan hoose ka DAAWO Source

Somaliland: Are The Police Force Losing Control & Becoming Oppressors? We will never accuse all the members of the Somaliland Police Force of being ill-trained, out of control brutes, because for every few bad apples, there are countless others doing their work diligently and serving the public. But, there is no smoke without fire. The recent actions by some members of the Somaliland Police Force, as the pictures below indicate, have tainted the image of the force. From dire conditions in many of the police divisions and stations in the country with regard to people in custody, corruption, physical abuse and other malfeasance, and all of this despite extensive training from both public and private organisations. So, what ails the Somaliland Police Force? It all starts at the top. If the chain of command is unable to make changes to or discipline the officers walking the beat and manning the stations, then it is time for a change at the top. Major General Abdillahi Fadal Iman has been commissioner for more than a decade. The commissioner is a dedicated servant of the republic, but has he been too long in place? Has he become complacent and out of touch? Does he have what it takes to improve the conduct of his officers? His deputy, Abdirahman Liban Fohle, another dedicated public servant, has also been in place just as long. Is he also out of touch? A new generation of younger and more active officers are now in the force, is it time for them to take charge? The actions of certain officers in contravention of police guidelines need to be addressed and remedied. Police Officers are public servants. They are there to help and protect the population, they are not there to harass women and children, or beat up journalists. It is time to root out those unfit to be law enforcement officers and make changes at the top. The Somaliland Police Force needs an inspector general to investigate police conduct and monitor their training and education. Somaliland prides itself on being a democratic and stable country, but if our law enforcement officers consider themselves to be above the law, then that pride is hollow. Wa Bilaahi Towfiq. Ahmed Kheyre Qaran News

Shirkii Golaha Wasiirada ee dowladda Puntland oo uu Shir Goddoominayey Madaxweyne Ku-xigeenka Puntland, Ahna Ku-simaha Madaxweynaha Mudane Axmed Cilmi Cismaan Karaash ayaa maanta waxaa looga [...] Source

Source

Magaalada Bosaaso ayaa maanta waxaa laga xusay maalinta malaaliyada 25-4-219, waxaana halkudhiga sanadkan uu ahaa kabilow ciribtirka duumada naftaada. Halkan kadaawo. Source

Muqdisho ( SMN). Shirkadda Isgarsiinta ee Hormuud Telecom ayaa soo bandhigtay Deeq waxbarasho oo ay ka faa’iideyan doonaan ardayada Soomaaliyeed ee dhammeysa dugsiyada sare ee dalka. Ujeedka Barnaamijkan deeqda waxbarasho ee Hormuud Telecom ayaa ah in Hormuud telecom kaqaybqaadato kor u qaadidda iyo kobcinta aqoonta ardaya Soomaaliyeed ee dhammeysta dugsiyada sare, deeqda waxbarasho ee ay soo bandhigay Hormuud ayaa ah heer jaamacadeed iyada oo guud ahaan ardayda dhammeysa dugsiyada sare ay kaqaybgeli karaan islamarkaana heli karaan deeqadan waxbarasho, ardayada buuxisa shuruudaha ku xiran helidda deeqadan ayaa ah kuwa sida buuxda uga faa’iideysan doona deeqda waxbarasho Habka loo qaadanayo ardayda ka faa’iideysaneysa deeqada waxbarahso ee Hormuud ayaa ah imtixaan lagu gelayo 11 maaddo kaas oo ay ka qaybgelayaan labada boqol ee arday ee ugu sarreysa imtixaanka shahaadiga ee dugsiga sare iyada oo soddonka arday ee ugu sareysa tiradaas labada boqol ah ay heli doonaan deeqdan waxbarasho ee Hormuud. Soo bandhigga Barnaamijkan deeqda waxbarasho ee Hormuud waxaa kaqaybgalay Wasiiro, Xildhibano, agaasimayaal, gobolka Banaadir, culimo, ganacsato, ururada bulshada iyo marti badan oo kaladuwan Basma Caamir guddoomiye ku xigeenka arrimaha bulshada ee gobolka Banaadir oo ka hadashay munaasabadda ayaa sheegtay in ay Barnaamijka deeqada waxbarasho ee Hormuud uu yahay mid muhiimad gaar ahaaneed u leh dadka Soomaaliyeed ayna gobol ahaan dhiirrigelinayaan shaqada iyo howlgalka Hormuud, waxa ay sheegtay u soo jeedisay Hormuud in ardayada aan helin waxbarashada heerka jaamacadda ee kaqalin jebisay dugsiyada sare xilli hore ay muhiimad gaar ahaaneed siiso ardaydaas. Jawaahir Baarqab oo kuhadashay magaca haweenka gobolka Banaadir ayaa sheegtay in ay haween ahaan aad ugu faraxsan tahay kaalinta horumarinta waxbarashada iyo soo bandhigidda Barnaamijka deeqada waxbarasho oo ay sheegtay in ay door muhiim ah ka qaadan doonto dhiirrigelinta waxbarashada dugsiga illaa jaamacadda. Cabdullaahi Maxamed Shirwac oo ku hadlay magaca bulshada rayidka ayaa kasheegay munaasabadda in lacagtu aanay ahayn oo keli ah qaadasho balse ay soo celinna ay jirto sidaas awgeedna ay tahay in canshuuraha iyo lacagaha ay qaataan shirkadaha ganacsiguna ay tahay in bulshada dib loogu celiyo sida Hormuudba ay sameysay. Guddoomiye kuxigeenka Rugta ganacsiga Soomaaliyeed Cabdiraxmaan Galaanbe oo kahadlay munaasabadda ayaa sheegay in soo bandhigidda Barnaamijkani uu kadhigan yahay rajo weyn oo ay helayaan ardayada Soomaaliyeed sidaas awgeedna ay ardayda ka faa’iideysn doonta barnaamijkan ay iyagana waajib ku tahay in sida loogu tabcay ay tahay in iyaguna ay ugu tabcaan dalka Soomaaliyeed. Guddoomiyaha guddiga ganacsiga ee Baarlamaanka Soomaaliya Cabdiraxmaan Beene-beene ayaa sheegay in Barnaamijka deeqada waxbarasho uu muujinayo rejo iyo yididiilo weyn oo kaalin fiican ka qaadan karta waxbarashada Sarreeye Guud Bashiir Maxamed Jaamac taliyaha ciidanka Usluubta ayaa sheegay in marka ay dareemaan culeys soo wajahaya tusaale ahaan Usluubta oo kale ay la xiriiraan Hormuud Foundation, waxa uu codsaday in waxbaridda dhallinyarada xoog badan la geliyo si looga baaqsado dhibaato ay sameeyaan dhallinyaradu. Waxa uu si gaar ah u codsaday in dhallinyarada kujirta laamaha kaladuwan ee ciidanka qalabka sida ay hesho waxbarasho isaga oo sheegay in waxbaradda dhallinyaradaasi ay kaalin weyn ka qaadan doonto hagaajinta nabadgelyada iyo in jidadka si fiican loogu shaqeysto. Guddoomiyaha shirkadda Hormuud Cabdikariin Kaariye ayaa sheegay in barnaamijkan deeqda waxabrasho uu qayb ka yahay barnaamijyada lagu taakuleynayo laguna taageeryo dadka iyo dalka Soomaaliyeed, isaga oo kahadlayey dhinaca dumarka ayuu sheegay in dhammaan xarumaha waaweyn ee Hormuud ay dumarku ka shaqeeyaan isaga oo xusay in 158 qof oo ah shaqaale ka geeriyooday ama ka duqoobay Hormuud kuwaas oo lagu beddelay dad ay keensadeed qoyskoodu ay 42 kamid ah ay yihiin dumar. Cabdikariin Kaariye Guddoomiyaha shirkadda Hormuud ayaa kasheegay munaasabadda in tayeynta iyo hagaajinta jaamacaduhu ay dabooli karto baahida guud ee dhinaca waxbarashada kahaysata guud ahaan dalka Faysal Cumar Guuleed wasiir kuxigeenka wasaaradda Waxbarashada oo Hormuud uga mahadceliyey soo bandhiggidda barnaamijka deeqaha waxbarashada ayaa sheegay in waxaasarradda waxbarashadu ay kujirto dadaal ballaaran oo dib loogu hagaajinayo waxbarashada, waxa uu sheegay in wasaaraddu diyaarineyso dhismaha guddiga tacliinta sare, taasina ay fududeyn doonto hagaajinta tacliinta sare iyo guud ahaan waxbarashada. Eng: Cabdi Cashuur Xasan wasiirka Wasaaradda Boostada, Isgaarsiinta iyo teknoolajiyadda ayaa sheegay in Hormuud Telecom ay kadhabeysay magaca ay sidato ee Isgaarsiineed isaga oo weydiistay Hormuud in dhallinyaro badan oo halabuur iyo waxbarasho fiican leh ay la’yihiin meel ay kusoo bandhigaan hal-abuurkooda sidaas awgeedna ay u baahan yihiin dhismaha meel ay kusoo bandhigaan hal-abuurkeeda, isaga oo kudhiirrigeliyo shirkadaha kale in Hormuud tusaale u noqoto si iyaguna ay kaalintooda u qaataan. Soo bandhigidda iyo hirgelinta ololayaal nuucaan ah ayaa kaalin libaax ka qaadan kara sidii ay kumanaan arday oo Soomaali ah oo dhammeeyey dugsiga sare balse awoodi waayey qarashka jaamacadda ay ku heli lahaayeen fursad ay ugu biiraan Jaamacadaha. View the full article

Muqdisho (PP) ─ Taliyaha Ciidanka Badda ee waddanka Yemen, Jen. Khaalid Al-qamli ayaa sheegay in tahriibayaasha geeska Afrika ka yimaada ay khatar weyn ku yihiin dalkiisa, isagoo xusay inay ku biiraan xuuthiyiinta ama ay tahriib ahaan ugu sii gudbaan Sacuudiga, Sudan iyo Liibiya. Sidoo kale, taliyaha ayaa hadalkan ku sheegay wareysi uu siiyey shabakada khaaska ee wasaaradda arrimaha gudaha Yemen, isgaoo xusay inay dadka tahriibayaasha Itoobiya ay si joogta ah u soo gaaraan xeebaha gobollada kala ah; Shabwa, Laxaj iyo Abyan oo dhammaantood ka tirsan Yemen. Wuxuu kaloo taliyuhu xusay inay qaarkood ku biiraan kooxaha Xuuthiyiinta oo ay u dhisaan dhufaysyadda ama ay ka bar-bar dagaalamaan, halka kuwo kale ay u gudbaan Sacuudiga ama Sudan oo ay uga sii gudbaan Liibiya illaa ay ka gaaraan Qaaradda Yurub. Dhinaca kale, Taliyaha Ciidanka Badda Yemen, Jen, Khaalid Al-qamli wuxuu ku sheegay wareysigiisa inay tahriibayaasha hub iyo daroogo ka keenaan geeska Afrika, si ay ugu gudbiyaan waddamada gobalka, sida ay xaqiijiyeen isbahaysiga dowliga ee saldhigiisu yahay dalka Baxrayn iyo Isbahaysiga uu Sacuudigu horkacayo. Dhanka kale, Jen. Khaalid Al-qamli ma uusan soo hadal qaadin haddii in muhaajiriinta Soomaalida ah ay ku lug leeyihiin falalkaas, iyadoo ay ka mid yihiin muhaajiriinta gaara dalka Yemen dhallinyaro Soomaaliyeed oo rag iyo hablo isugu jira. Ugu dambeyn, Billowgii bishan Abriil ee 2019-ka ayay shabakadda wararka u faafisa millateriga Yemen waxay qortay inay milliteriga Yemen dileen 30-qof oo Soomaali ah oo ka bar-bar dagaallamaysay kooxda xuuthiyiinta ah ee ka dagalaamaya yemen. PUNTLAND POST The post Xukuumadda Yemen oo walaac ka muujinaysa Tahriibayaasha uga imaanaya dhanka Afrika appeared first on Puntland Post.