Jowhar (Caasimada Online)-Dhacdo si weyn loo hadal hayo ayaa ka dhacday gobolka Shabeelaha Dhexe, kadib markii askari ka tirsan ciidamada dowladda la sheegay inuu isku dhex qariyay gaari dad shacab ah ay saarnaayeen. Askariga oo kusoo jeeday magaalada Muqdisho ayaa la sheegay inuu la kulmay Al Shabaab wadada ku jiray, kuwaasi oo doonayay inay baaritaan ku sameeyaan gaariga, taasi oo keentay in la arko. Al Shabaab ayaa askarigaasi dilay, balse inta uusan dhicin dilka askariga waxaa la sheegay inuu rasaas ku furay Al Shabaab-kii doonayay inay baaraan gaariga uu saarnaa, halkaasina uu ku dilay hal ruux oo Al Shabaab ka tirsanaa. Waxaana kadib Al Shabaab dhankooda la sheegay inay isla goobta ku toogteen askariga doonayay inuu isku dhex qariyo Shacabka adeegsada wadada isku xirta Muqdisho iyo Jowhar. Maamulka Hirshabeelle ayaa u muuqda mid ku fashilmay amaanka wadadaasi, waxaana horey loogu dilay xildhibaano baarlamaanka ka tirsanaa, kadib markii Al Shabaab ay wadada u galeen. Wadadaasi ayaa amaan aheyd, laakiin hadda dadka shacabka ah ayaa u muuqdo kuwa ka baqaya inay adeegsadaan. Qaar ka mid ah dadka wadadaasi isticmaala ayaa sheegay in mararka qaar ay Al-shabaab baaraan gaadiidka dadweynaha si ugala dagaan dadka ay iyagu u baahan yihiin. Al-Shabaab ayaa horay u kaxeystay gaarigii caasiga ahaa iyo darawalkii waday lama oga halka ay la aadeen. Caasimada Online Xafiiska Jowhar Caasimada@live.com

Muqdisho ( SMN) – Halkaan ka dhageyso Warka Subax ee Idaacadda Shabelle. Hoos riix si aad u Dhageysato:- https://www.radioshabelle.com/wp-content/uploads/2019/04/Warka-Subax-290419.mp3 View the full article

Aqoonyahan Cali Saciid Maxamuud oo ka mid ah aqoonyahannada Soomaaliyeed ayaa sheegay in dowladda looga baahan yahay in siyaasiyiinta u ogolaato iney shirar ku qabsadaan magaalada Muqdisho. Wuxuu sheegay in cid walba aragtideeda ay xor u tahay iney soo bandhigto waxa maankeeda ka guuxaya, loona baahneyn in la caburiyo. Sidoo kale, aqoonyahankan ayaa sheegay in siyaasiyiinta qudhooda laga doonayo iney ka shaqeeyaan aayaha dalka, islamarkaana iska ilaaliyaan wax walbo oo sharaf dhac keeni kara. Cali Saciid ayaa tilmaamay in siyaasiyiinta ay sheegaan hadallo xanaf leh, taas bedalkeedana looga baahan yahay iney eegaan dhanka wanaagga si nabad ahna kusoo bandhigaan aragtidooda. Halkaan hoose ka dhageyso: https://goobjoog.com/wp-content/uploads/2019/04/AQOONYAHAN-Cali-siciid-maxamuud-kulane-cali-foodare-.mp3 Goobjoog News Source: goobjoog.com

Muqdisho (Caasimada Online)-Taliska ciidamada xooga dalka ayaa shaaciyay in dowladda Turkey aysan wax saldhig ah ku laheyn gudaha dalka Soomaaliya, iyadoo sanadkii hore madaxweynaha Turkey uu xariga ka jaray saldhigaasi. Saldhigaasi ayaa la sheegaa inuu yahay saldhiga Turkey uu ka furto dalalka Africa midka ugu weyn, waxaana taliyaha ciidamada xooga dalka uu shaaciyay in saldhigaasi uusan laheyn Turkey. Taliyaha ciidamada xooga dalka Generaal Daahir Aadan Cilmi Indha Qarshe ayaa si cad u sheegay in xarunta ka furan deegaanka Jazeera ee duleedka magaalada Muqdisho inay tahay kuliyad Turkey uu u dhisay ciidamada xooga dalka, islamarkaana aysan aheyn saldhig Turkey leeyahay. Wuxuu sheegay in isaga uu ahaa dadkii saxiixay dhismaha Kuliyadaasi, looguna talo galay in lagu tababaro ciidamada xooga dalka halkii dalka dibadiisa loo qaadi lahaa. Muddo Shan sano ah ayuu sheegay inuu heshiiska qeyb ka ahaa in lagu diyaariyo ciidamo iyo saraakiil Soomaali ah oo halkaasi tababar ka bixisa, si looga maarmo tababarayaasha u dhashay dalka Turkey. “Saldhig Turki maaha, waa Kuliyad meletari oo ciidanka xooga dalka lagu tababarayo, dalka gudahiisa marka askariga lagu tababaro wuu ka dhaqaalo yar yahay marka dibadda loo qaadayo, anigaa saxiixay markii hore in kuliyad naloo dhiso, Turkey ayaa lagula heshiiyay inay diyaariyaan macalimiin ciidamada tababarta, waana dhawdahay inaan la wareegno, laakiin saldhig meletariga maaha”ayuu yiri Indha Qarshe. Dhinaca kale taliyaha ciidamada xooga dalka ayaa ka hadlay howlgaladii ugu dambeeyay ee ciidamada xooga dalka ka wadaan gudaha dalka Soomaaliya. “Al Shabaab waa lala dagaalamaa, wararka dagaalada la xiriira warbaahinta lagama sheego marka ciidamada maalin iyo saacad ay san dagaal galin ma lahan, labo meelood ayay kusoo urureen Al Shabaab waana Jilib iyo Bu’aalo”ayuu hadalkiisa raaciyay. Caasimada Online Xafiiska Muqdisho Caasimada@live.com

Ehlada dhallinyaro Soomaaliyeed oo ku xiran dalka Tanzania ayaa ka codsaday DFS in loo soo daayo dhallinyaradaasi. Dadkan oo soo booqday Goobjoog ayaa sheegay in dhallinyaradan ay aad u dhibban yihiin, ayna ka dalbanayaan DFS iney siideyntooda kaalin ka qaadato. Waxay sheegeen in siyaabo kala duwan loogu xiray dalkaasi, qaarkoodna la qabtay iyaga oo kallumeysanaya, kadibna lagu tilmaamay iney yihiin burcad badeed. Sidoo kale, dadkan ayaa inoo sheegay in dhallinyaradan badi ay aad u xanuunsan yihiin, laguna fasho beeraha, waa sidey hadalka u dhigeenne. Halkaan hoose ka dhageyso: Goobjoog News Source: goobjoog.com

Shacabka ku dhaqan magaalada Muqdisho ayaa haatan waxa ay wadaan diyaar garow ballaaran oo ku aaddan bisha barakeysan ee Ramadan oo maalmo qura inaga xigaan. Xarumaha ganacsiyada ee magaalada ayaa laga dareemayaa dadweyne badan oo ka adeeganaya, si ay isugu diyaariyaan bisha Soon Qaadka. Ganacsatada qaarkood ayaa inoo sheegay in bishan Ramadan ay tahay midda kaliya ay sida xowliga ah u shaqeeyaan, islamarkaana ka helaan faa’idooyin badan. Sidoo kale, waxay tilmaameen dadka ay aad u iibsadaan raahsiinka iyo sidoo kale waxyaabaha kale macmacaanka ah. Halkaan hoose ka dhageyso: https://goobjoog.com/wp-content/uploads/2019/04/CKARIIN-CALI-AADAN.mp3 Goobjoog News Source: goobjoog.com

Taliska ciidanka Booliiska Soomaaliyeed ayaa faah faahin ka bixiyey howlgallo ballaaran oo ay ka sameeyeen qaar ka mid ah degmooyinka magaalada Muqdisho iyo sidoo kale duleedyada magaalada. Zakiya Xuseen Axmed, taliye ku xigeenka ciidanka Booliiska Soomaaliyeed ayaa sheegtay iney gacanta ku dhigeen in ka badan 60 ruux oo looga shakisan yahay Al-shabaab iyo sidoo kale burcad dadka wax u dhimayey. Waxay sheegtay Zakiya in howlgallada ay sameeyeen ay kaalin mug leh shacabka ka qaataan kadib markii ay ciidanka soo wargeliyeen. Sidoo kale, shacabka ayeey ka dalbaday iney si xooggan ula shaqeeyaan ciidamada Booliiska si looga hortago falalka amni darri. Halkaan hoose ka dhageyso: https://goobjoog.com/wp-content/uploads/2019/04/Taliska-Booliiska-Soomaaliya-Ayaa-Sheegay-In-Ay-Gacanta-Ku-Hayaan-Ku-Dhawaad.mp3 Goobjoog News Source: goobjoog.com

Muqdisho (Caasimada Online) – Waxaa mudooyinkii ugu dambeeyay soo kordhayay qayla dhaanta iyo cabashada ka soo baxaysa ehelada Xubno ka tirsanaa Shaqaalaha Dowladda Soomaaliya ee ka diiwaangashan Guddiga Rayidka, taas oo ku saabsan in wasiiro ay si sharci darro ah dad u keensadeen boosas ay ka dhinteen ehelladooda. Sida caadiga ah, qofkii ka diiwaangashan Guddiga Shaqaalaha Rayidka iyo Guud ahaan Shaqaalaha Dowladda iyo Ciidamada, hadii uu Geeriyoodo booskiisa waxaa dhaxla oo hela carruurtiisa, hadii la waayana waxaa helo qoyskiisa, balse arintaas ayaa u muuqata mid meesha ka sii baxaysa. Dhowr wasaaradood oo ay kamid ah Arimaha Gudaha, Shaqada iyo Shaqaalaha, Cadaaladda, Warfaafinta iyo kuwa kale ayaa labadii sano ee la soo dhaafay Boosas ay ka dhinteen dad katirsanaa Wasaaradahaas lagu badalay kuwa kale oo aan Xiriir la lahayn kuwii dhintay. Dadkaan Geeriyooday ee Boosaskii ay ka dhinteen la musuq maasuqay ayaa isugu jira kuwa la dilay iyo qaar ku dhintay Qaraxyada iyo Weerarada Muqdisho. Haweeney Wiilkeeda oo ka tirsanaa Shaqaalaha Rayidka Islamarkaana lagu dilay Weerar ay Al-Shabaab ka fuliyeen magaalada Muqdisho ayaa Caasimada Online u sheegtay in Booskii Wiilkeeda lagu badalay qof kale halka markii hore ay aheyd dhaxal Booska uu Marxuumka ka baxay. “Muddo ayaa raadinay booskii Wiilkayga markii dambe waxaan ogaanay in booskiisa Wasiirka ku badalay qof kale” ayey u sheegtay Haweeneydaan oo la hadashay Caasimada Online. Waa ka gaabsatay in aan soo xigano magaceeda, Codkeeda iyo magaca wiilkeeda dhintay sababtoo ah waxay sheegtay in uu jiro dadaalo kale oo ay wado rajo wayna aysan ka qabin. Arinta Xaqiiqada ah ee jirta ayaa ah in Dowladda Soomaaliya aysan shaqaalaysiinin hal qof tan iyo markii ay Talada dalka la wareegtay, Wasiiradana ay ku xiran yihiin daruufo badan oo ah in ay shaqaalaysiiyaan dhalinyaro kamid ah dadka ay matalaan. Atintaan ayaa qayb ka Musuq Maasuqa Soomaaliya lamana oga sida ay saameen ugu yeelan karto shaqooyinka Dowladda. Caasimada Online Xafiiska Muqdisho caasimada@live.com

Guddiga arrimaha Bulshada aqalka sare ee Barlamaanka Jamhuuriyadada Federalka soomaliya ayaa maalimtii labaad ku sugan Wasaaradda Waxbaarashada iyo Tacliinta sare ee Dowlada Puntland. Guddiga arrimaha [...] Source

Garoowe (Caasimada Online) – Madaxweynaha dowlad Goboleedka Puntland, Siciid Cabdullahi Deni ayaa sheegay in dowladda Federaalka ah ay maamulkiisa ku sameysay sadbursi kadib markii ay magacowday guddoomiyaha cusub ee Bankiga Dhexe. Saciid Deni ayaa sheegay in Guddoomiyaha Bangiga Dhexe ay xaq u lahayd Puntland, maadaama guddoomiyihii xilka ka degan uu kasoo jeeday deegaanadaas, balse lagu beddelay guddoomiye cusub oo kasoo jeeda deegaanada Somaliland. Siciid Deni ayaa sheegay in iyada oo hanaanka loo maray magacaabista Guddoomiyaha Bangiga dhexe ee Soomaaliya ay khaldan tahay, haddana aan wax wadatashi ah lagala sameyn maamulkiisa. Deni ayaa intaas ku daray in dowladda Federaalka ah ay waddo ku tagri fal awoodeed marka loo eego habka magacaabista xilalka muhiimka ah ee talada ay ku leeyihiin dowlad Goboleedyada dalka ka jira, Ka sokow xilka guddoomiyaha cusub ee Bankiga Dhexe, Caasimada Online ayaa sidoo kale ogaatay in Puntland ay ka cabaneyso xilal kale oo ay xaq u lahayd oo ay ka mid yihiin safiiro oo weli dowladda federaalka aysan siin. Waxaa xilalkaas ka mid ah safiiradii Washington iyo Nairobi oo ay ku kala fadhiyeen Axmed Ciise Cawad oo ah wasiirka arrimaha dibedda iyo Jamaal Maxamed Xasan oo ah wasiirka qorsheynta, kuwaas oo midna aan weli la buuxin midna lagu beddelay qof aan kasoo jeedin Puntland. Caasimada Online Xafiiska Garoowe caasimada@live.com

Ciidamada dowladda federaalka Soomaaliya ayaa xalay waxay howlgal ammaanka lagu xaqiijinayey ka sameeyeen xaafado ka mid ah degmada Dharkeenley ee magaalada Muqdisho. Waxay ciidankan qabteen dhallinyaro badan oo ay isugu geeyeen goob fagaare ah oo ay ku kala saarayeen, iyadoo intooda badan lasii daayey, halka qaarna weli ay ciidamada baaritaan ku hayaan. Saraakiisha ammaanka ee howlgalkaasi hoggaamineysa wax faah faahin ah kama aanay bixin, hase ahaatee howlgallada sidan oo kale ah ayeey ciidanka DFS ka wadeen degmooyinka gobolka Banaadir. Howlgallada ay ciidamada dowladda ka sameeyaan degmooyinka magaalada Muqdisho ayeey kusoo qabtaan dhallinyaro badan, iyadoo saacado badan oo la hayo dhallinyaradan hadana lasii daayo. Goobjoog News Source: goobjoog.com

Photo-news:Sawirka Todobaadka Qaran News

Muqdisho (Caasimada Online) – Wasiirka Cusub ee Wasaaradda Shaqada iyo Arimaha Bulshada Soomaaliya Xildhibaan Sadiiq Xersi Warfaa ayaa Amray in bishaan laga jiro lacag dhamaan Shaqaalaha Wasaaradda. Sida ay ilo-wareedyo lagu kalsoon yahay u sheegeen Caasimada Online, wasiirka oo shalay afar saac la kulmay dhamaan Shaqaalaha ayaa u sheegay in ay Amar tahay in laga jarayo lacag qof kasta oo shaqaalaha katirsan, qofkii diidana shaqada laga joojin doono. Lacagaha ayaa loo kala qaadi doonaa Afar qayb oo kala ah Grade A, 100$ Grade B, 50$, Grade C, 30$ iyo qaybta Maamulka oo qofkiiba laga qaadi doono 300$. Lacagahaan ayuu sheegay in dib loogu dhisi doono Xarunta Wasaaradda oo ku bur burtay Weerarkii Al-Shabaab ee Sanadkaan. Dad badan oo aan qaadan lacag ku filan ayaa arintaan walaac ka muujiyay maadaama ay soo dhowdahay Bisha Barakaysan ee Ramadaan. Wasiirka oo maalmo magacaaban ayaa la sheegay in shaqaalaha uu ku haayo hanjabaad iyo caga juglayn isagoo maanta caddeeyay in Shaqada laga ceyrin doono qofkii bixin waayo lacagtaas. Caasimada Online Xafiiska Muqdisho caasimada@live.com

Washington (Caasimada Online) – Qaar ka mid ah askartii Mareykanka ee ka qeyb gashay dagaalkii Muqdisho ee October 3 ama “Black Hawk Down” ayaa weerar afka ku qaadey Ilhaan Cumar oo ka tirsan Congress-ka Mareykanka kadib markii la helay Tweet ay qortay October 2017-kii kaas oo ay ku sheegtay in dadka qaar ay iska indho tirayaan in ciidamada Mareykanka ay kumannaan ku dileen Soomaaliya. Marka laga soo tago askarta, waxaa jira dad badan oo difaacey Cumar, waxaa sidoo kale jiray buug lagu magacaabo “Black Hawk Down: A Story of Modern War” (1999) uu qoray Mark Bowden kaas oo dadka Soomaalida ah ee maalintaas dhintay ku qiyaasay ilaa 700 Qoraallada qaar ayaa qaba iney gaarayaan ilaa 1,000, laakin ma jirto warbixin rasmi ah oo arrintaas laga soo saarey. October 3, 1993: Ciidamada sida gaarka u tabobaran ee Maraykanka ee loo yaqaano Rangers iyo Delta Force ayaa isku dayey in ay qabtaan Jeneraal Maxamed Farax Caydiid kaasi oo la tuhunsanaa in uu ku sugnaa Hotel Olympic ee xaafadda Howl-wadaag, balse dagaal halkaas ku dhex maray ciidamada Mareykanka iyo kuwa Caydiid, Mareykanka waxaa laga dilay 18 askari iyo in ka badan 70 halkaas ayaa lagu dhaawacay, Soomaalida waxaa la qiyaasaa in 500 ku dhinteen, halka 1,000 ka badana ku dhaawacmeen. Caasimada Online Xafiiska Muqdisho caasimada@live.com

Hargeysa (Caasimada Online) ― Dowladda Ingiriiska ayaa ka biyo diidan dibu dhaca soo wajaha doorashooyinka wakiilada iyo Baarlamaanka Somaliland, kuwaasi oo mudo xileedkoodi marhore kasoo idlaaday. Wasiiru dowlaha Arrimaha dibeda UK Harriett Baldwin oo ka jawaabeysa su’aalo ay weydiiyen xildhibaano kamida Baarlamaanka Ingiriisku, ayaa sheegtay inay jiraan wada-hadal usocda dowlada ingiriiska iyo xukuumada Muuse Biixi oo ku saabsan sidii doorashooyinka wakiilada iyo deegaanka ku qabsoomi lahaayen waqtiga loo qorsheyay ee 12-bisha December ee sanadkan. Wasiir Harriett ayaa sidoo kale ka hadashay geedi-socodka dimuquraadiyadda Somaliland, waxayna tiri “Ingiriiska waxa ka go’an taageerada geedi socodka dimuqraadiyadeed ee Somaliland, si gaar ah inay doorashooyinku wakhtigooda ku qabsoomaan. Tani waxay qayb muhiim ah ka tahay wada hadalo u socda Xafiiska Ingiriiska ee Hargeysa iyo dawladda Somaliland”. Waxayna intaas kusii dartay “Horaantii bishan safiirka Ingiriiska ee Soomaaliya wuxuu la kulmay Madaxweyne Biixiga Somaliland si hoosta looga xariiqo sida loogu baahanyahay in doorashooyinka Baarlamaanka iyo deegaanku ku qabsoomaan wakhtigooda oo ah 12 December 2019”. “Ingiriisku wuxuu sidoo kale taageero dhinaca khibrada farasmada ah siiyaa guddiga doorashooyinka Somaliland, waxaanu kala shaqaynayaa horumarinta diiwaangelinta cod bixiyayaasha iyo kor u qaadista ka qayb galka haweenka”. Mrs Harriett ayaa sidoo kale waxay ka hadashay talaabooyin uu Ingiriisku qaadayo oo ku saabsan ilaalinta xuquuqal insaanka Somaliland, waxayna tiri “Ingiriisku wuxuu bixiyaa caawimo balaadhan oo lagu taageerayo xuquuqda bini-aadamka ee Somaliland, Waxaana qayb ka ah in lagala shaqeeyo garsoorka Somaliland in la aasaaso xeer nidaamiye iyo guddi kormeer iyo baadhiseed si loo siiyo tababar sharci oo ku saabsan ilaalinta xuquuqda”. “Weliba si loo hubiyo in Boolisku ku shaqeynayaan heerarka caalamiga ah ee xuquuqda bini-aadamka iyo in kor loo qaado xaaladaha xabsiyada. Sidoo kale Ingiriisku wuxuu dawladda Somaliland ka taageeraa in la aasaaso xeer nidaamiye saxaafadeed, waxaanay si joogto ah ugala shaqeeyaan ururada bulshada xorriyatul qawlka, xuquuqda haweenka iyo xuquuqda dadka laga tirada badanyahay”. Caasimada Online Xafiiska Hargeysa Caasimada@live.com

Hargeysa (Caasimada Online) ― Taliyaha Ciidammada Somaliland ee degmada Boocame ee bariga Gobolka Sool, Axmed Jaamac Cartan ayaa fariin adag oo hanjaabada u diray Ciidammada Puntland. Cartan ayaa sidoo kale wuxuu digniin u diray Odayaasha Puntland oo uu sheegay inay sheeganayaan qeybo kamida dhulka Somaliland, isagoo hoosna u dhigay jiritaanka Ciidan Awood leh oo xilligan ay leedahay dowladda Puntland, wuxuuna yiri “Imika Ciidan ma jiro ee waxaanu digniin siinaynaa Odayaasha Puntland, waxaanu u soo jeedinaynaa inay ka fogaadaan degmada Boocame iyo dhulkay qayd-qaydanayaan. Waxaanu balan-qaadaynaa in sidaad dhulkayaga u damaacideen inaanu kiina u damaacino, Garoowe-na ay meel inaga dhaxaysa ay noqoto”. Wuxuuna intaas kusii daray Taliyuhu “Waad aragtaan Ciidankayagu waa heegan, Ciidankii qarankuna heegan weeyaan, haddii aad ka bixi waydaan dhammaan xuduudka Somaliland, waxaanu qaadan doonaa waajibaadkayaga”. Si Kastaba, Hadalkan taliyaha ayaa kusoo beegmaya xili deeganka Tukaraq ee G/Sanaag ay isku hor fadhiyaan Ciidammada Miletariga ee Somaliland iyo Puntland, kuwaasi oo dhowr jeerna dagaal khasaare badan gestay uu ku dhex maray deegaankaas. Caasimada Online Xafiiska Hargeysa Caasimada@live.com

Ma Muusaha wax duudsinahayee degelka boobaaya Ee derisyadii kala raree dacarta beeraaya Ee suu isagu doonayuun diiradda u taaga Ee damalkii uu geli lahaa dogobka saaraaya Ee damaca qaawani hagiyo doonis keliyeedku Ee tii dorraatuun dhacduun weli dubaaqaaya Ma dalbuu xukumayaa haddaan dulucda kuu dhiibo Mise waabu kala diri intii dani walaalaysay? Duufaanta fooruhu wadee digaydu yeedhayso Ninka doonta aan haguhu wadin moolka dalaqsiiyey Ee aan dabaashana aqoon Diiriyena reebay Inkastuu is daaxuuriyoo duubcas kolanyaysto Oo dacafka uu taago oo dibinta uu ruugo Waa daahir yaa shamis inuu degayo saw maaha? By: Mohamoud Ibrahim (Xaaji). dalmarbilaal@gmail.com image.png Qaran News

Maxamkamada sare ee Somaliland Aadan Xaaji Cali ayaa dhex rafanaya sharci jabin uu baal maray xeerarkii u yaalay Dalka ka dib markii uu waraaq xil ka qaadis ah oo uu jeebkiisa kala soo baxay xilkii kaga qaaday Gudoomiyihii Maxkamada Gobolka Maroodi jeex garsoore Axmed Halac Dalmar oo ahaa gudoomiyihii loogu jeclaa ee waligeed xilkaas soo maray. Sharciga Dalka ayaa dhigaya in Cida magacaabi karta ama xilka ka qaadi karta Gudoomiyayaasha Maxkamaduhu ay yihiin Gudiga Cadaalada oo kaliya. Taasi oo Meesha ka saaraysa waraaqda uu gudoomiye Aadan soo saaray. Gudoomiyaha Maxkamada sare ee Somaliland oo markii horeba xilkaas ku yimi sifo khaldan oo xilkaas loo dhiibay isaga oo aan waligii Maxkamad ka shaqayn ayaa la filyay in isaga xilka laga qaado maadaama uu imika Madaxweyne yahay Muuse Biixi oo ay isku hayb yihiin Waxa kale oo Dadweynaha reer Somaliland yaab ku noqday ficilada uu ku kacay Aadan Xaaji Cali ee uu guryaha fooqyada ah kaga dhistay taasoo uu noqday mid ku milmay qabyaalada iyo Dawlada Muuse Biixi ee imika reerka qudha isugu biyo shubatay. Waxaa laga war sugayaa Gudiga Cadaalada ee Qaranku jawaabta ay ka bixiyaan Goaanka sharci darrada ah ee uu ku kacay Aadan Xaaji Cali. Qaran News

Madaxweyne Deni Madaxweynaha Puntland Siciid Cabdullaahi Deni ayaa habeen ka hor shaaciyay in Puntland ay marti galinayso shir wada-tashi ah oo ay iskugu iman doonaan madaxda dowladda Federaalka Soomaaliya iyo kuwa dowladaha xubnaha ka ah, kaas oo uu sheegay in 2-da bisha soo socota ee May uu ka bilaaban doono magaalada Garowe. Madaxweyne Deni ayaa sheegay in shirka Garowe la isla gartay, kadib markii dood dheer ay yeesheen dowladaha xubnaha ka ah dowladda Federaalka Soomaaliya, iyo wada tashi la la sameeyey madaxda sare ee dalka Madxaweynaha iyo Ra’iisul Wasaaraha. Muxuu yahay ajandaha shirka? Madaxweyne Deni yaa ka warbixiyey qaabka iyo qodobada looga wada hadli doono shirka Garowe, wuxuuna sheegay in uu noqon doono mid lagu jaangoon doono qaabka madaxda dowladda Federaalaka Soomaliya iyo madaxda dowladaha xubnaha ka ah ay u wada shaqayn lahaayeen, laguna xadido magaca uu qaadanayo habkaas oo uusan noqon kii hore oo la oran jiray “Golaha Amniga Qaranka” iyo sidii dib loogu eegi lahaa Dastuurka dalka oo uu sheegay in ay u arkaan in uu ku socdo wado khaldan. Eedeymo ka dhan ah Federaalka Madaxweynaha Puntland Siciid Deni ayaa dhaliilo kala duwan oo kulul u jeediyay dowladda ay hogaamiyaan Farmaajo iyo Kheyre, wuxuuna sheegay in la gacan bidixaynayo Dastuurka iyo nidaamkii lagu heshiiyey, taasina ay tahay arrin khatarteeda leh. Sidoo kale arrimaha Deni ku dhaliilay Federaalka waxaa kamid ah habkii loo magacaabay, guddoomiyaha Bankiga dhex ee Soomaaliya, oo uu sheegay in lagu xad-gudbay hannaanka awood-qeybsiga beehala. Madaxweyne Deni ayaa sheegay in hab aad u qaldan loo maray, magacaabista guddoomiyaha Bankiga dhexe ee dalka, maadaama sida uu tilmaamay kolkii hore loo ekaysiiyay tartan furan, balse markii uu liiska gaaban soo baxay, haddana la magaacabay ninkii imtixaanka saxayey. Madaxweynaha Puntland ayaa sidoo kale xukuumadda Federaalka Soomaaliya ku dhaliilay in ay gebi ahaanba ku fashilantay amniga dalka isagoo tusaale u soo qaatay in ay sugi la’dahay amniga wadada Makka Al-mukarrama oo keliya ha hor inta aan la gaarin qeybaha kale ee magaalada Muqdisho iyo gobolada ka baxsan. Eedaymaha Deni ayaa ku soo aaday iyadoo maalmo ka hor, Xildhibaanada aqalka sare ku matala Puntland ay Federaalka u jeediyeen kuwo mid lamid ah eedeymahan. Farmaajo iyo Kheyre Hadaba iyadoo Madaxweyne Deni uu sheegay in shirka Garowe ay kala tashadeen Madaxweyne Farmaajo iyo Ra’iisul Wasaare Kheyre, ayaa hadana dadka fallaanqeeya arrimaha siyaasada Soomaaliya waxay qabaan in marka la eego dhaqan siyaasadeedka Farmaajo iyo Kheyre aysan ka qeybgali doonin shirkaas. Sidoo kale fallaanqeeyaasha ayaa qaba in marka la eego eedeymaha uu Deni u jeediyay Farmaajo iyo Kheyre ay iyana muujinayso in Deni dareensan yahay in shirkaas aysan ka qeyb galayn, balse waxay sheegeen in hadii ay dhacdo ay muujinayaan tanaasul siyaasadeed. Farmaajo iyo madaweynayaasha DXDFS Caleemo-saarkii Madaxweyne Deni kadib ayay ahayd markii Deni iyo Farmaajo shaaciyeen shir bishii Maarso lagu qaban lahaa Garowe, balse aan la qaban, ilaa iyo hadana aan la garanayn sababta uu u qabsoomi waayay, sidoo kale waxaa horay u jiray shirar ay Muqdisho ku yeelan lahaayeen madaxda Federaalka iyo kuwa dowladaha xubnaha ka ah oo fashilmay. Dooorashadii Madaxweyne Deni kadib waxaa soo baxayay aragtiyo iska soo horjeeda oo ku aadan waxa uu noqon karo xiriirka u dhaxeeya dowladda Federaalka iyo Puntland, dadka qaar ayaa qabay in xiriir wanaagsan ay yeelan doonaan Federaalka iyo Puntland, balse rajadaas ayaa god dheer ku dhacday todobaadyo kadib markii uu soo ifbaxay khilaaf cusub oo hor leh, kaas oo xaaladda cirka ku sii shareeray. Khilaafka Federaalka iyo dowladaha xubnaha ah Khilaafka iyo isfaham darada mar kasta soo kala dhexgasha dowladda Federaalka iyo dowladaha xubnaha ka ah waa mid aad u qoto dheer oo soo jiitamaysay muddo ku dhow 10 sano, waxayna bilaamatay Farmoojo oo dalka Ra’iisul Wasaare ka ah, markii khilaaf soo kala dhexgalay dowladda Federaalka iyo Puntland oo ahayd dowladdii kaliya oo ka jirtay dowladaha xubnaha ka ah Federaalka, waxayna arrintaasi sababtay in Puntland xiriirka u jarto dowladdii uu hogaaminayay Shiikh Shariif Shiikh Axmed. Heshiiskii Garowe Two, 17 February, 2012 Khliaafka Puntland iyo dowladda dhexe ee hadba dhalata waxa uu salka ku hayaa aragtida laga qabo Federaaliisimka gaar ahaan awood qayb siga, madaxda dowladda dhexe marna kuma qanacsana nidaamkan, sidaas daraadeed waxa ay inta badan qaadaan tillaabooyin isku eg oo ay ugu horayso, shaki galinta iyo furfuritaanka Federaaliisimka, ayna labayso, faquuqidda iyo ciqaabista Puntland oo ay u arkaan dheeli-tiraha koobaad iyo dhardhaarka sharciyadda Federaaliisimka, saddexna ay tahay, marooqsiga iyo wiiqista awoodaha is dheeli-tira sida golayaasha xeer dajinta, garsoorka, dastuurka iyo dowladaha xubnaha ka ah dowladda dhexe. Dhamaan dowladihii dhexe ee dalka soo maray marka laga reebo dowladdii Cabdullaahi Yuusuf waxa ay ka midaysnaayeen la dagaalanka Federaalka, inkastoo dawladdii Xasan Shiikh ay dagaal toosa iyadu la gashay nidaamkaan, haddana aakhirkii waa ay ku guulaysan waydey isku daygeedii, laakiin dagaalka dowladda Farmaajo ayaa ah mid ka gadisan kana khatar badan dagaalkii dowladdii Xasan Shiikh, dowladda Farmaajo ayaa la sheegaa in ay tahay dowladaha nooca xamaas ku dhaladka loo yaqaan. Waxaa horey u jiray heshiisyo ay wada galeen Puntland iyo dowladda federaalka Soomaaliya, kuwaas oo ka fuli waayay dhanka dowladda dhexe, waxaana kamid ahaa kuwii Garowe lagu galay 2012 iyo 2016. Shirka Deni sheegay in Garowe lagu qabanayo, waxaa hadda ka harsan muddo saddex beri ah, waxaana laga war sugayaa cidda ka qeybgasha iyo wixii ka soo baxa. PUNTLAND POST The post Farmaajo iyo Kheyre maka qeybgali doonaan shirka Garowe? appeared first on Puntland Post.

Taliska ciidanka Booliska Soomaaliyeed ayaa faah faahin ka bixiyey hawlgallo dad ka tirsanaa Al-shabab lagu soo qabtay oo ay ciidamada amniga sadexdii maalin ee ugu dambaysay ka sameeyeen magaalada Muqdisho. Taliye ku-xigeenka ciidanka booliska Soomaaliyeed Sareeyo Guuto Zakiya Xuseen Axmed oo shir jaraa’id ku qabatay magaalada Muqdisho ayaa waxay sheegtay in howlgal ay ciidamada amniga ka sameeyeen 26-kii bishan ay ku soo qabteen afar ruux oo ku eedeysan Al-Shabaabnimo. Sidoo kale, Taliye ku-xigeenka Ciidanka Booliska Soomaaliyeed ayaa sheegtay in Hay’adaha amniga oo kaashanaya Shacabka ay gacanta ku soo dhigeen shabaab xogtiisa la hayay oo ka dambeeyay dil loo geystay Guddoomiye waaxeed ka tirsanaa Maamulka Gobolka Banaadir,kaas oo xilligii la qabanayay ku sugnaa degmada Xamarweyne. Isla degmada Xamarweyne,howlgal ay ciidamada amnigu ka sameeyeen waxay ku soo qabteen sadeed ruux oo ku eedeysan Al Shabaabnimo,waxayna soo qabashadooda ka dambeysay ka dib markii Shacabka ay Hay’adaha amniga ku soo wargeliyeen xogtooda. Sareeye Guuto Zakiye Xuseen Axmed ayaa tilmaantay in howlgal ay xalay saqdii dhexe ciidamada amniga ka sameeyeen deegaanka Weedow ee duleedka Muqdisho ku soo qabteen lixdan ruux oo ku eedeysan falal la xiriira Al-Shabaab. Ugu dambeyntii, Taliye ku-xigeenka Ciidanka Booliska Soomaaliyeed Sareeye Guuto Zakiya Xuseen Axmed ayaa mar labaad ka codsaday dadweynaha iney Hay’adaha amniga ku soo wargeliyaan wax kasta oo amniga wax dhimi kara oo ay ka shakiyaan. Puntland Post The post Booliska” Waxaan howlgal ku qabanay dad ka badan 70-Ruux appeared first on Puntland Post.

Muqdisho (Caasimada Online) – Shir degdeg ah oo lagu waday inay maanta yeeshaan golaha wasiirada Soomaaliya ayaa la baajiyey kadib faro-gelin ka timid madaxweyne Farmaajo, sida ay ilo-wareedyo lagu kalsoon yahay u sheegeen Caasimada Online. Wasiirada ayaa goor sii horeysay oo shalay ah, waxaa loo diray farriimo qoraaleed loogu sheegay inay isugu yimaadeen shir aan caadi aheyn oo maanta oo Axad dhici lahaa, islamarkaana uu ra’iisul wasaaraha guddoomin lahaa. Wararka ayaa sheegaya in Madaxweyne Farmaajo uu soo farageliyay in kulankaas la baajiyo, inkastoo aan si dhab ah loo ogeyn ujeedka. Qorshaha uu ahaa in shirka looga hadlo Sharciga iyo hanaanka doorashooyinka ka hor shirka Madaxda dowladda Federaalka iyo dowlad goboleedyada ee ka dhacaya Garowe 2-da bisha May. Ilo-wareedyo lagu kalsoon yahay ayaa Caasimada Online u sheegay in madaxweynaha iyo Ra’iisul Wasaaraha aysan isku fahamsaneyn qorshaha doorashada 2021, iyadoo dhowr jeer oo laga hadli lahaa dib loo dhigay, kadib markii qorshooyinka labada dhinac ay is-waafaqi waayeen. Shirkan ayaa waxaa uu hordhac u noqon lahaa ujeedkiisa ahaa ka hor shirka wadatashiga ee Madaxda dowladda Federaalka iyo dowlad goboleedyada ku yeelanayaan magaalada Garowe 2-da bisha May. Caasimada Online Xafiiska Muqdisho caasimada@live.com

Shirweynaha wada-tashiga, Jihaynta Qorshayaasha iyo Baahiyaha Haweenka Puntland ayaa maanta ka furmay magaalada Garoowe ee Caasimada Puntland waxaana madasha goob joog ah Wasiiradda iyo wasiirad ku xigeenka Wasaaradda Haweenka, xildhibaanada dowladda dhexe umatalaya Puntland, Wasiiraddii Hore ee Wasaaradda Haweenka iyo haween ka kala socdo ururada haweenka Puntland, haweenka dhakhaatiirta, Ganacsatada, Qareenada, Xoolo dhaqatada, Beeralayda. Shirweynahan oo socon doona mudda 4 maalmood ah ayaa waxaa soo qaban-qaabisay Wasaaradda horumarinta Haweenka iyo Arrimaha Qoysk Dowladda Puntland waxaan inta uu socdo looga hadli doona wada-tashiga , jihaynta Qorshayaasha iyo Baahiyaha Haweenka Puntland iyo waxqabadka u qorshaysan wasaaradda Haweenka ee 5 sano ee soo socota. Wasiirka horumarinta Haweenka iyo Arrimaha Qoyska Dowladda Puntland Aamina Cismaan Xaaji Jaamac oo shirka furtay ayaa sheegtay in looga tashan doono 3 qodob oo kala ah; Caqabadaha iyo Tacaddiyada haysata Haweenka Puntland, sidii loo midayn lahaa codka iyo cududda Haweenka iyo sidoo kale qorshayaasha wasaaradda ee 5 sano ee soo socota. “Waxaanu doonaynaa in aynu isku xirnaano dhanka Siyaasadda, Ganacsiga, waxaanu doonaynaa in aynu dagsano qorshe cad oo sanad la ah, kana wada qayb qaadano Fulintiisa, sidoo kale aan taageerno gabadheena aqoonyahanka dhanwaliba” ayay tiri wasiirka Haweenka marwo Aamina. Drs Maryan Qaasim oo hore xillal heer Qaran ah ka soo qabatay Soomaaliya haatana ah Madaxa hay’adda UNFPA ee degaannada Puntland ayaa iyana shirka ka sheegtay in loo baahanyahay sare u qaadidda Waxbarashada gabdhaha si loo horumariyo noloshooda iyadoo xustay in gabadha waxbaratay ay fahamsantahay horumarka iyo hiigsigeeda. Wasiirkii hore ee horumarinta Haweenka iyo Arrimaha Qoyska Puntland marwo Caasho Geelle Diiriye oo kamid ah dumarka u dhaqdhaqaaqa xuquuqda Haweenka ayaa ka qeyb-galayaasha shirka ku boorrisay in ay soo bandhigan talooyinka ka guuxaya maskaxdooda ee la xiriira horumarinta Haweenka si loogu beddelo qorshe waxqabad oo haweenka noloshooda lagu horumarinayo. Xaawo Yuusuf Aadan oo ah Madaxa Xarunta Waxbarashada Nabadda iyo Horumarinta magaalada Gaalkacyo iyo Farxiya Muumin Cali oo ka tirsan Aqalka hoose ee Baarlamanka Federaalka Soomaaliya ayaa dhankooda si weyn u bogaadiyay shirka iyagoo sheegay in uu muhiimad gaar ah leeyahay maadaama Haweenka Puntland danahooda iyo hiigsigooda kaga tashan doonaan. Halkaan ka eeg sawirada shirka PUNTLAND POST The post Shirweynaha wada-tashiga Haweenka Puntland oo Garoowe ka furmay appeared first on Puntland Post.

Maxaa Bahdilay Cabdicasiis Samaale, Ee Meeqaamkiisii Hoos U Celiyay, Ma Dano Dhaqaale, Dano Siyaasadeed Mise Dano Qabiil?. Sheekh Cabdicasiis Muxumed Samaale waxa uu Siyaasadda kasoo fantay oo uu ka mid ahaa raggii ku ababay Xisbiga Kulmiye wakhtiyaddii uu Mucaaridka weyn ahaa ee uu dalka ka talinayay Madaxweynihii hore ee Daahir Riyaale kaahin, waxaana lagu xasuustaa weedho aan laaqi ahayn oo uu si Jar-Iska-Xoornimo kujirto ugu miisi jiray Daahir Riyaale kaahin kuwaasi oo illaa imika ka dhex guuxa Dad weynaha ku dhaqan Gobolka Awdal oo uu Deegaan ahaa Kasoo jeeday Riyaale. Waxa uu soo noqday Gudoomiye Ku xigeenka Golaha Wakiiladda Isagoo ku matalayay Xisbiga Kulmiye, waxaanu si weyn uga dhex muuqan jiray Golaha isagoo ay caawisay Culimanimadda iyo goobaha diiniga ah ee uu kusoo hanaqaaday. Waxa uu door weyn ku lahaa duufsigii Mudanayaasha Golaha Wakiiladdu ay wakhtigaasi u shirabnaayeen Xisbiga Kulmiye waxaanu ahaa shaqsi uu Siilaanyo wakhtigaasi oo uu kursiga madaxtinimadda u ordayay oo uu mucaarid ahaa uu aad ugu kalsoonaa, Isna (Samaale) dhinaciisa waxa uu daacad u ahaa Kulmiye iyo inuu Siilaanyo Kursiga ku guulaysto. Markii Siilaanyo Talada Dalka ku guulaystay waxa uu Siilaanyo u magacaabay Xil Wasiir, waxaanu u dhiibay Wasaaraddii ugu miisaanka Cuslayd ee Maaliyadda isagoo markii uu shan sanno ku dhawaad hayay Xilkaasi iskii iskaga casilay, isalmarkaana banaanka uga Baxay Xukuumaddii Siilaanyo. Waxa Samaale ku abuurmay wakhtigaasi Han Musharax Madaxweyne waxaanu dagaal culus u galay sidii uu u banaysan lahaa Musharaxnimadda Xisbiga Kulmiye Siilaanyo dabadii, iyagoo Geesaha isgaliyay Muuse Biixi Cabdi oo isna hanka Madaxweynenimadu mar kuwad abuurantay. Iyadoo ay halkasi marayso ayaa waxa uu Muuse Hiil ka helay Qoyskii madaxweyne Siilaanyo sidaasi ayaanu ku hantay inuu noqdo Musharax aan lagula tartamin Booska kal dambe ee Musharaxnimadda Madaxweynenimada ee Xisbiga Kulmiye Gudihiisa Siilaanyo dabadii. Samaale waxa uu isku dayay inuu dibadda kala dagaalamo Muuse balse Waxa u laqimay oo cagta u dhigay Kooxo jibo Qabiil olole ugu jiray oo ka koobnayd ganacsato kuwaasi oo la sheego inay woxogaa lacag u duuduubeen Samaale. Wixii intaasi ka dambaysay waxa uu muxaafid u noqday Muuse balse dareen gaar ah ayay kuwada socdeen. Muddo ayuu Samaale saaxadda kabaxay markii uu Muuse Talada dalka ku guulaystay balse haddana dhawaan ayuu ku soo noqday Xayndaabka. Waxaana lagu dhex ararkayay Kulamada Xisbiga Kulmiye yeelanayo ama Xisbiyadda kale la yeelanayo. Arinta layaabka ku noqotay Taageerayaashii Sheekh Samaale iyo Taageerayaasha Xisbiga Kulmiye waxay tahay, waxa uu maalin dhawayd kasoo muuqday Shaashada isagoo uu barbar taagan yahay Ku xigeenka Xoghayaha Xisbiga UCID, Arintaasi oo ay saluugeen taageerayaashiisu islamarkaana la iswaydiiyay Xilka uu Samaale ka hayo Xisbiga Kulmiye ee aan muuqan iyo bahdilaada muuqaalkaasi iyo halka uu taagnaa oo aad loola yaabay?. Haddaba Waxay Iswadiintu Tahay Maxaa Bahdilay Cabdicasiis Samaale, Ee Meeqaamkiisii Hoos U Celiyay, Ma Dano Dhaqaale, Dano Siyaasadeed Mise Dano Qabiil?. Dad badan ayaa aaminsan inuu Samaale Lacag jecel yahay oo uu hoosta ugaga jiro Muuse islamarkaana waxa bahdilay ee meeqaamkiisii hoos u celiyay ay tahay Danno Dhaqaale, walaw warar hoose sheegayaan inuu bil walba masaariif ahaan u qoray shan kun oo dollar. Dad kale ayaa aaminsan inuu dano qabiil u gardadaduuban yahay balse arintani waxay ku tiirsanayd wakhtigii ololaha oo waa laga soo gudbay, waxaanay wax waliba iskugu aroorayaan Dano Dhaqaale. Sidoo kale danihii siyaasiga ahaa hadda ma shaqaynayo oo majoogto wax shax siyaasadeed ah oo la ciyaarayaa. Sheekh Samaale waxaa gardaduub u xidhay dano dhaqaale waxaanu ka mid yahay dadka lacagta jecel ee mar walba ka agdhawaada dhariga, sida hadda ka muuqata, waana dadka sharaftooda iyo kartidooda waydaarsada haddii ay meesha taalo lacagi waana tii uu Wasaaradda maalliyadda diiday in laga badelo ee uu iskaga casilay Wasaaradda Waxbarashada. Diblomaasi Khadar Muxumed Karaash. hantiile2000@gmail.com Qaran News

Despite a national image of support to peace and development worldwide, a central agenda of Norway in Somalia for over a decade has entailed methodical maneuvering to control petroleum resources. Norwegian aid and political engagement have often masked deeper interests in offshore oil in Somali waters and in the disputed triangle bordering Kenya’s coast. The current ongoing case between Somalia and Kenya at the International Court of Justice has illuminated one aspect of this history. The now infamous Memorandum of Understanding (MOU), concluded between the Kenyan Foreign Minister and Somali Planning Minister in April 2009, and subsequently rejected by the Somali Parliament, had been drafted by Norwegian Ambassador on Special Mission, Mr. Hans Wilhelm Longva. The signing ceremony in Nairobi was witnessed by him and Ms. Rina Kistmoen from the Embassy of Norway in Nairobi. The MOU favoured Kenya’s position on the boundary line and it committed the signatories to a negotiated settlement rather than a court judgment regarding the status of the triangle, where Kenya had licensed Norway’s state-funded Statoil company (block L26). The MOU had been signed as the newly formed Transitional Federal Government (TFG) faced the outbreak of hostilities when Islamist armed groups Al-Shabaab and Hizbul Islam launched a joint offensive in Mogadishu. There had been considerable political jockeying over composition of the Government for several months in the wake of the Djibouti peace process, which established the TFG at the beginning of 2009 and which had been largely funded by Norway through the United Nations. Support to a peace process and an oil interest were inherently linked. Exploitation of a resource required clear political and security arrangements. Throughout, Norway maintained relevant political alliances in the TFG, at the time notably with then Deputy Prime Minister and Minister of Fisheries and Marines, Abdirahman Aden Ibrahin Ibbi, who oversaw TFG negotiated agreements, including the MOU. Delimitation of Somali territorial waters and the sea boundary with Kenya—and therefore the fate of Statoil’s block L26—was wrapped up with the nature of Somalia’s declaration of an Exclusive Economic Zone (EEZ) pursuant to the Law of the Sea Convention. This issue had a complicated history in Somalia, extending back to before the collapse of the state. Under the guise of development assistance, Norway pursued an agenda to force the EEZ issue. On the surface seemingly out of context, and at Norway’s insistence, the Final Communiqué of the International Contact Group on Somalia in September 2011 in Copenhagen encouraged the TFG to declare an EEZ in a paragraph on piracy. In increasingly direct language, the EEZ became a feature of such final communiqués. At the February 2012 London Conference, the Communiqué called on the TFG to adopt an EEZ for the effective use of Somali coastal waters, again in a section on piracy. At the working level, Norway and the United Nations Political Office for Somalia (UNPOS) lobbied Somali politicians and parliamentarians to declare an EEZ, but without success. In its 2013 report, the UN’s Monitoring Group described Norway’s conflicts of interest surrounding the EEZ. With the end of the transitional period in Somalia in 2012 and the election of President Hassan Sheikh Mohamed, Norway needed to reconstitute an alignment with the new political dispensation. It did so through the establishment in December 2012 of a Special Financing Facility (SFF) with $30 million for a President in need of direct financing. Offered by then Minister for International Development, Heikki Eidsvol Holmås, who was related to Statoil’s Vice-President of Operations, the source of the funding was soon believed by diplomats to be originating in Statoil itself. Norway would deny this, but soon scrambled to find in its development finance streams $30 million that had not been earmarked. This ultimately caused delays in disbursement of the SFF funds. In a newly emerging set of relations with Somalia, Norwegian Development Minister Holmås collaborated with Norway’s Permanent Representative at the United Nations, Geir Pedersen—appointed this year by UN Secretary-General António Guterres as his Special Envoy for Syria—and Jens Mjaugedal, the Norwegian Special Envoy for Somalia. Mjaugedal had previously been Director of International Cooperation for the Norwegian Refugee Council (NRC) and his new appointment had been supported by Pederson. His protégé and Somalia Country Director for NRC was none other than Somalia’s current Prime Minister, Hassan Khaire, a Norwegian citizen. The design of the SFF and much of its later implementation was undertaken by a private entity, the Nordic International Support Foundation (NISF), formerly headed by Jens Mjaugedal. As the SFF was in its infancy in early 2013, Mjaugedal asked President Hassan Sheikh to request the UN Secretary-General to appoint him as the Special Representative for the new UN Mission for Somalia (UNSOM) that was replacing the older political office. Hassan Sheikh quickly learnt that Britain had already secured the position in anticipation of the signing of the Soma oil deal months later in August 2013. Meanwhile, Hassan Khaire was on track to becoming a shareholder in the Soma oil deal as well. The country representative in Somalia for NISF was Abdisaid Muse Ali, today’s National Security Adviser and close associate of Hassan Khaire. Ostensibly the third party monitor for the SSF expenditures—costing a dollar in monitoring for a dollar spent—consisted of individuals from PricewaterhouseCoopers in Oslo. Due to security risks in Mogadishu, the group was incorporated separately as the company Abyrint, which would have a disgraced exit from the public financial management sector in Somalia in the years that followed. As Khaire assumed his role as Prime Minister and the lead on national oil matters, he included a number of Norwegian-Somali advisers in his office and ministers in the Cabinet including the permanent secretary to the ministry of petroleum Karar Shukri Dhoomey who was close associate to Khaire Recently, he managed to appoint a Norwegian-Somali, formerly with the NRC, to the key position of Governor of the Central Bank of Somalia. Meanwhile, NISF and NRC networks now extend into UN agencies, including the UN Development Programme (UNDP) and the UN Mine Action Service (UNMAS) in Mogadishu. At present, competition for petroleum resources in Somalia is heating up and threatens regional security. Will Norway continue to use political and development levers to secure its oil interests in the country and contribute to destabilization? To maintain alignment with the Federal Government, will it seek to influence Somalia’s upcoming elections? A troubled track record has led Norway to undertake a review of its engagement in Somalia in the last decade. It is sure to find that Norway has been far from the impartial actor it pretends to be and it has not acted in the interest of the Somali people or their neighbours.

Hargeysa (Caasimada Online) ― Maalmihii u dambeeyay waxa baraha bulshada ku wada xiriiran aad u qabsaday Nin odey ah oo gacan iyo lug ka go’day, kaasi oo lagu eedeynayay inuu qarax u maleegayey Somaliland. Ninkan oo ah qof waayeela ayaa isagoo lagu daweynayo dhakhtarka weyn ee magaalada Hargeysa ayaa inta sawir laga soo qaaday lagu baahiyay baraha bulshada, iyadoona lagu eedaynayo inuu qarax uu ku xidh-xidhayey magaalada Wajaale uu ku qarxay. Hadaba Sida xogta ku helayso Caasimada Online, ninkan odeyga ah ee dhaawacu kasoo gaaray walxaha la isku daray, ayuu Magaciisa oo dhamaystiran yahay Xasan Cali Yuusuf Xasan oo ku magac dheer Xasan Carab, wuxuuna ahaa nin ganacsade ah oo muddo badan ku noolan jirey dalka Kuweyt, kaasi oo sanadahan dambena usoo wareegay Magaalada Muqdisho oo ah halkuu asal ahaan kasoo jeedo. Aabihiina waa Cali Yuusuf Xasan oo ahaa xildhibaan hore uga tirsanaan jirey Baarlamaanka Soomaaliya, waan qoys ah Ahlu-Sunna wal-jamaaca. Xasan Carab ayaa wuxuu ahaa ganacsade ka shaqeysta macdanta sida ay Caasimada Online, usheegen qaar kamida eheladiisa iyo dad ay isku dhow-yihiin, iyagoona ku sababeeyay tagitaankiisa Wajaale arrimo ganacsi. Waxa kale oo la xiran Xasan Carab, Wiil reer Boorama ah oo dilaal ahaa iyo gabadhii laheyd guriga hawshu ka dhacday ee magaalada Wajaale, sida ay Caasimada Online u xaqiijiyeen dad ka ag-dhawaa goobta falku ka dhacay, iyagoona ku tilmaamay inuusan falkaasi aheyn mid argagixiso. Ciidamada amaanka Somaliland ayaa maalintii Jimcihii gacanta kusoo dhigay laba nin oo uu kamid yahay ninkan waayeelka ah iyo gabar kale, kadib markii jugta dhawaaqa walxaha ku qarxay ee ay gacanta ku hayeen laga maqlay magaalada. Si Kastaba, Qaraxan ayaa la sheegaya inuu ka dhashay aalado macdan loo maleeyay oo la furfurayey oo sida la sheegay ganacsi ahaan loo isticmaalayey, Balse weli waxa socota baaris ay arrintan ku wadaan ciidamada amaanka Somaliland. Caasimada Online Xafiiska Hargeysa Caasimada@live.com