Hargeysa (Caasimada Online) ― Xildhibaan Maxamed Cismaan Bulqaas oo kamida xildhibaanada Golaha Wakiiladda Somaliland, ayaa xukuumada Muuse Biixi ku eedeyay inay iska indho tirayso xaaladaha ka taagan deegaanka Badhan, oo ay ka dhago adeygtay baaqyadii loo jeediyey. Xildhibaan Bulqaas oo deegaan ahaan kasoo jeeda gobolka Sanaag, ayaa waxa kale oo uu xukuumada ku eedeyay inay sharcigii ku tumatay, isagoona xusay in ciidamada dowladu ay guryaha ugu daatan xildhibaano xasanaad leh oo ay xiraan. Xildhibaanka ayaa waxa uu arrimahaasi kaga hadlay wareysi gaar ah oo uu siiyey telefishanka Saab, wuxuuna yiri “Wax badan ayaan ka hadlay xaaladaha Badhan ka taagan, oo xukuumadu ka dhago adayg-tay oo waliba waxba ka qaban wayday, runtiina maanta waan ku hambalyaynayaa xukuumadu horumarka ay ka gaadhay gobolka sanaag wax kale oo aan maanta yiraahdo majirto”. Wuxuuna intaas kusii daray “Mid kale hadli maayo waayo waa Ramadaane, lakiin waxa la yiri xildhibaanadii guryaha ayaa loogu daadanayaa oo sharcigiiba waa layska laabay oo dastuurkii iyo xasaanadii xildhibaanadu shaqayn mayaan, lakiin wax kale odhan maynee inta sharciga la soo celinayo waanu aamusnaaneyna”. Caasimada Online Xafiiska Hargeysa Caasimada@live.com

Kooxda laga leeyahay Ingiriiska ee kubadda cagta ee Liverpool ayaa xalay markii 6aad ku guuleysatay koobka horyaallada Yurub ee loo yaqaan UEFA Champions League. Cayaar aad u xiiso badan oo ka dhacday Wanda Metropolitano stadium ee magaalada Madrid, waxaana 2-0 ku badiyey naadiga Liverpool oo ay goolasha u kala dhaliyeen Maxamed Salaax iyo Divock Origi . Waa koobkii 6aad oo noocan oo ay hesho Liverpool, horay waxaa ay ugu guuleysatay Istanbul, 2005, sidoo kale Rome, 1977 iyo 1984, aan raacinno Wembley, 1978, iyo Paris, 1981. Marka koobkan laga hadlayo waxaa ka horeeya kooxda Real Madrid oo heysata 13 iyo Milan oo 7 ah. Goobjoog News Source: goobjoog.com

(SLT-Makka) Ra’isal Wasaraha ugu Saamaynta Baddan Dunidda Islaamka iyo Qaaradda Asia ee Dr’ Mahathir Bin Mohamad oo Dalkiisa Malaysia Ka Dhigay Waddan hodan ah oo ku jira kaalmaha ugu horeeya waddamada horumaray , 32 Million oo Shacabkiisa Ahna Sannadkii ugu Yaraan 32 Kun oo Dollar Per capita Soo Gasho Calaa Qof Waddamada Dunidda iyo Asia ugu Dhaqaalaha Baddan uguna Horrumarsan Ka Dhigay Dalkiisa oo Laba Xili Loo Kala Doortay in uu Dalkiisa Hogaamiyo oo 50 Sanno Dalkiisa ushaqeenayey Ahna Hogaamiyihii ugu Mudadda Dheeraa ee Dalkiisa Soo Maray Caalamul Carbna Miisaan Culus Ku Dhex Leh, Ayaa isaga iyo Xaajiyadiisa Siti Hasmah Kaligood Baytkii Barakaysnaa iyaga oo Bilaa ilaalo ah Dhex Dawaafay.. Halka Meel Dhawr Talaabo ujirta uu Soo Galay Madaxweynaha Dalkaasi Soomaaliya Maxamed Cabdillaahi Farmaajo oo aanay Xukuumaddiisu Magaaladda Muqdisho gacanta ku wada haynin dhaqaale ahaana ku tiirsan bulshada adduunka caawimadooda, waxa galbinaayay cutubyo ka tirsan Ciidamadda habmaamuska Dalka Sacuudiga oo ammaankiisa sugaayay, iyagoo isku xeeray intii uu dawaafka cimrada ku jiray. Labadan Sawir Oo siwayn ugu faafay baraha bulshada ayay dadka kaga doodayeen kala duwanaanshaha madaxda Soomaalida iyo kuwa caalamka. Source

(SLT-Qatar) Ciyaartoygii caanka aha ee Maxamuud Soofe Yaasin (Jamaal Gadari ) ayaa Caawa geeriyooday. Jamaal Gadari ayaa kamid aha Xidigihii Xulka kubadda Cagta Togdheer ee sideetamaadki, kadib wuxuu u wareegay Dalka Qatar oo Xulka Dalkaas uu laacib wayn ka noqday. Alle hawnaxariiso Jamaal Gadari wuxuu koobab caalamiya kula guulaystay Xulka kubadda cagata Qatar, muddo kooban ayuu xanuun u jiifay siday warka ku heshay shabakadda Somalilandtoday.com kadibna tii alle ayaa u timi. Dhammaan bahada Somalilandtoday Media Group waxay tacsi u dirayaan bahada Ciyaaraha Somaliland, Gobolka Togdheer iyo eheladii uu ka baxay Jamaal Gadari, marxuumkana alle waxaanu uga baryaynaa Inuu u naxariisto. Source

(SLT-Madrid) Liverpool ayaa markii lixaad ee taariikhda kooxdeeda ku guulaysatay koobka UEFA Champions League kadib markii ay guul ka gaadhay kooxda ay Premier league ka wada ciyaaraan ee Tottenham. Mohamed Salah ayaa daqiiqadii labaad ee ciyaarta goolka furitaanka rekoodhe ku dhaliyay laakiin Origi ayaa noqday xidigii Tottenham kaga oohiyay goolka labaad iyada oo ciyaarta saddex daqiiqo ka hadhsan tahay. Liverpool ayaa ka soo kabsatay guuldaradii xili ciyaareedkii hore ee finalkii Champions league wuxuuna ugu danbayn Klopp awooday in uu dhinac iskaga dhigay habaarkii ka haystay finalkada kulamadii uu Liverpool soo maamulay. Goolhaye Alisson ayaa door layaableh ka qaatay in Liverpool ay koobkan ku guulaysatay isaga oo jamaahiirta Reds iyo Klopp ilaawsiiyay ceebtii Loris Karius ee xili ciyaareedkii hore. SHIXIHII LABADA KOOXOOD EE KULANKAN: LIVERPOOL (4-3-3): Alisson, Trent Alexander-Arnold, Joel Matip, Virgil van Dijk, Andrew Robertson; Jordan Henderson, Fabinho, Georginio Wijnaldum; Mohamed Salah, Roberto Firmino, Sadio Mane. Kaydka: Dejan Lovren, James Milner, Joe Gomez, Daniel Sturridge, Alberto Moreno, Adam Lallana, Alex Oxlade-Chamberlain, Simon Mignolet, Xherdan Shaqiri, Rhian Brewster, Divock Origi, Caoimhin Kelleher. TOTTENHAM (4-2-3-1): Hugo Lloris; Kieran Trippier, Toby Alderweireld, Jan Vertonghen, Danny Rose; Moussa Sissoko, Harry Winks; Dele Alli, Christian Eriksen, Son Heung-min; Harry Kane. Kaydka: Davinson Sanchez, Erik Lamela, Victor Wanyama, Michel Vorm, Eric Dier, Kyle Walker-Peters, Fernando Llorente, Juan Foyth, Paulo Gazzaniga, Serge Aurier, Lucas Moura, Ben Davies. Daqiiqadii 1 aad REKOODHE!! Tottenham ayaa qaab qalbi jab ah ciyaarta ugu bilaabtay kadib markii uu Sadio Mane kubbad ku helay cidhifka xerada ganaaxa isla markaana uu isku dayay in uu kubbada bixiyo laakiin Sissoko ayaa gacanta si cadaan ah ugu dajiyay taas oo keentay in uu garsooruhu markiiba rekoodhe tilmaamay. Daqiiqadii 2 aad Mohamed Salah ayaa kubbada hor dhigtay goolhaye Hogo Lloris kaas oo darbo xoogan ugu garaacay rekoodhaha kooxdiisa lagu abaal mariyay wuxuuna Salah ciyaarta ka dhigay 1-0 ay Liverpool markiiba hogaanka kula wareegtay. Tottenham ayaa naxdin iyo murugo ciyaarta ugu bilaabtay laakiin waxay kaga jawaabtay in ay kubbada inta badan cabta ku qabtay isla markaana ay ahayd kooxda inta ugu badan raadinaysay qaabkii ay ciyaarta ugu soo laaban lahayd. Waxaa labada kooxoodba laga dareemayay naxdin iyo deganaansho la’aan waxaana qayb wayn ka ahaa maalmaha badan ee ayna kulan ciyaarin iyo saamaynta finalka Champions League. Liverpool ayay ku adkaatay in ay ciyaarto kubbadii quruxda badnayd ee looga bartay halka Tottenham ay ku dhibtoonaysay in ay hal mar tijaabiso goolhaye Alisson qaybtii hore ee ciyaarta. Daqiiqadii 17 aad Alexander-Arnold ayaa ku dhawaaday in uu gool lama filaan ah u keeno Liverpool kadib markii uu meel fog ka beegsaday goolka Tottenham laakiin kubbada halista ku noqon lahayd Lloris ayaa wax yar birta u martay. Ciyaarta ayaa noqotay mid tatiko ahaan u adag in fursad la abuuri karo waxayna Tottenham ahayd kooxda inta ugu badan kubbada maamulaysay balse marka ay ula dhaqaaqdo dhinaca goolka Liverpool ay kubbada qaldayeen ama laga difaacayay. Daqiiqadii 38 aad Andy Robertson ayaa ku dhawaaday in uu indhaha caalamka ku xado gool layaableh kadib markii uu darbo darbo xoogan ka soo tuuray meel xerada ganaaxa Spurs aad uga baxsan laakiin goolhaye Lloris ayaa hal gacan kubbada iskaga saaray. Liverpool ayaa heshay koornayaal badan laakiin waxay awoodi kari waayeen in ay ku dhaliyaan wax goolal ah, waxaana qaybtii hore lagu kala nastay Tottenham oo aan Alisson tijaabin iyo Reds oo natiijada ilaashatay balse aan wax badan oo kale weerarka ka samayn. Markii layskugu soo laabtay qaybtii labaad ee ciyaarta ayay Tottenham soo laabtay iyada oo doonaysay in ay xal u hesho qaabkii ay ciyaarta ugu soo laaban lahayd balse Reds ayaa muhiimada kowaad ka dhigatay in ay hogaanka ciyaarta ilaashato. Sidii qaybtii hore ee ciyaarta waxay wali labada kooxood ku ciyaarayeen tatiko taxadar badan leh waxaana jiray kubbado badan oo la qaldayay gaar ahaan Tottenham oo marka ay weerar gasho kubbada si qalad ah u bixinaysay. Daqiiqadii 58 aad Klopp ayaa go’aan ku gaadhay in uu ciyaarta wax ka badalo wuxuuna saaray Roberto Firmino oo ciyaarta saamayn ku yeelan kari waayay wuxuuna soo galiyay Origi si uu weerarka ugu xoojiyo. Daqiiqadii 62 aad Klopp ayaa badalkiisa labaad ku sameeyay Wijnaldum oo uu khadka dhexe ka saaray wuxuuna soo galiyay James Milner waxayna ciyaartu wali sii ahayd mid adag oo laysku mari laayahay. Daqiiqadii 66 aad Pochettino ayaa u adkaysan kari waayay xaalada ay kooxdiisa Tottenham ku jirtay wuxuuna kaydka ka soo kiciyay xidigii saddexleyda finalka ugu soo saaray Lucas Moura isaga oo ciyaarta ka saray Harry Winks. Mohamed Salah iyo James Milner ayaa Liverpool ciyaarta ka dili karay laakiin waxay lumiyeen fursado fiican waxayna Tottenham wali ka dagaalamaysay sidii ay ciyaarta ugu soo laaban lahayd. Badalka ayaa sii socday wuxuuna Pochettino ciyaarta ka saaray Sissoko oo ahaa xidigii rekoodhaha galay daqiiqadii kowaad waxaana la soo galiyay Eric Dier. Daqiiqadii 82 aad iyo 84 goolhaye Allison ayaa si layaableh kooxdiisa Liverpool koobka ugu badbadiyay isaga oo fursado cajiib ah ka beeniyay Son iyo Christian Erikson si uu kooxdiisa u siiyo fursada ay hogaanka ku sii haysay. Daqiiqadii 87 aad Alla Maxay Waali Ahayd!! Xidiga habeen dhaladka u noqday Liverpool ee Divock Origi ayaa Tottenham ku qalbi jabiyay goolka labaad ee ay Reds baahida wayn u qabtay si ay kalsooni u hesho. Origi ayaa goolkan ku dhaliyay kubbad caawin uu ka helay Matip oo siiyay kubbad uu xerada ganaaxa ku helay wuxuuna noqday gool ka oohiyay kooxda Tottenham iyo jamaahiirta kooxdeeda. Haddii uu Origi hore uga soo oohiyay Barcelona isla markaana uu ku abuuray xusuus ay ka seexan waayeen muddo dheer, waxa uu markan Tottenham ka dilay rajada ay ku soo laabayeen. Daqiiqadii 90 aad Klopp ayaa ciyaarta soo galiyay Joe Gomez si uu waqtiga ugu dhamaysto wuxuuna saaray Sdaio Mane. Alisson ayaa gool badbaadino fiican ka sameeyay dhamaadkii ciyaarta si uu Tottenham ugu diido in ay wax rajo ahi gasho waxayna ugu danbayn ciyaartu ku dhamaatay 2-0 ay Reds ku dishay rajadii Spurs. Liverpool ayaa markii lixaad ku guulaysato koobka UEFA Champions league waxayna Reds koobka kooxaha Yurub dib ugu soo celisay Anfield oo shan jeer oo hore la keenay. Source

Qaran News

Guddoomiyaha PHA Eng Cabdirisaaq Yuusuf Cilmi Daadad ka dhashay roobab mahiiggaana oo todobaadyadii u dambeeyay ka da’ayay degaannada Puntland, ayaa burbur xooggan u geystay, wadada laamiga ee xiriirisa magaalooyinka waaweyn ee Puntland. Wadadan oo halbowle u ah isku-xirka gobollada Puntland iyo guud ahaan Soomaaliya, ayaa meelo kala duwan ka go’day, kadib markii ay maasheeyeen hirar daadad ah oo ka abuurmay roobabka gu’ga. Laga soo bilaabo degaanka Yalho oo ka tirssan gobolka Bari ilaa tuulada Sinujiif ee gobolka Nugaal, waxaa laamigu ka go’ay lix meelood, waxaana gebi haanba joogsaday isu-socodka gaadiidka isaga goosha Boosaaso iyo Gaalkacyo oo ku xaniban labada dhinac. Laamiga ayaa ka go’ay degaannada; Yalho, Sanjilbo,jurile, Carta, Xaajikhayr iyo Sinujiif oo ka kala tirsan gobollada Bari, karkaar iyo Nugaal,iyadoo meelaha qaar laamiga dhan xaaqmay, halka qeyba kalena godad iyo boholo ka samaysmeen. 1 June 2019 Laamiga dheer ee Garoowe iyo Boosaaso oo daadad gooyeen Sidoo kale, waxa saddex meelood ka burburray wadada laamiga ah ee isku xirta magaalooyinka Garoowe iyo Laascaanood oo daadad xooggan ay bohol iyo godad ka sameeyeen, islamarkaana gaadiidku si dhib ah isaga gudbayaan. Waxaa la sheegaya in shilal badan oo khasaare naf iyo maalba geystay ay ka dhasheen, burburka laamiga oo maalmihii la soo dhaafay ay ka dhaceen ilaa 10 shil oo kala duwan, sida ay xaqiijiyeen saraakiil ka tirsan ilaalada waddooyinka Puntland. Maaha wax shalay iyo maanta oo keliya dhacay, ee waxaa jira qeyba kamid ah laamiga oo todobaad ka hor go’ay, gaadiidkiina ku xanniban yihiin, waxaana xusid mudan in xataa mas’uuiyiin ka tirsan golayaasha dowladda oo ka yimid gobolka Sanaag, kuna socday Garoowe ay u xayiran yihiin wadada go’an. Sidaan oo kale markii ay dhacdo, waxaa doorkeedu muuqan jiray, hay’adda waddooyinka Puntland ee PHA oo kaalinteeda la mahadiyay November 2013, xilligaasi oo ay go’day buundada weyn ee Middigar, islamarkaana ay laamiga xaaqeen fatahaado uu sameeyay roob dabaylo watay oo ka da’ay gobolla kamid ah Puntland. Hay’adda ayaa wakhtigaasi dadaal badan gelisay dib u dayac-tirka meelaha uu laamiga ka go’ay iyo dhismaha buundada weyn ee Middigar oo markiiba loo hawlgalay dib u-dhiskeeda laguna guulaystay. Buunada Midigar oo go’day 11 Nov 2013 ayaa xillgaasi dib loo dhisay Balse, xilligan oo mudda todobaad ka badan ay go’an yihiin qeyba kamid ah laamiga, halka qeyba kalena ay tan iyo shalay go’een, ayaysan xataa ka hadlin hay’adda waddooyinka Puntland ee PHA, iska daa in ay wax ka qabatee. Haddaba, maxaa ku dhacay hay’addii PHA? Warbaahinta Puntland Post ayaa ogaatay, in hay’adda waddooyinka Puntland ee PHA ay sii duukhaysay tan iyo sannadkii 2018, kadib markii ay ku fashilantay mashruucii weynaa ee dib u-dhiska wadada laamiga ah ee Garoowe iyo Gaalkacyo. 8-dii September 2018, dowladda Jarmalka ayaa ku dhawaaqday, in ay joojisay mashruucii dhismaha wadada Garoowe_Gaalkacyo, kadib markii jarmalku uu musuq maasuq iyo wax isdaba-marin ku eedeeyay maamulka sare ee hay’adda PHA oo Puntland u qaabilsaneyd fulinta iyo hirgelinta mashruuca. 8 Sep 2018 Jarmalka oo joojiyay Mashruucii wadada Garowe_Gaalkacyo Wixii wakhtigaasi ka dambeeyay, waxaa sida la xaqiijiyay meesha ka baxay kalsoonidii lagu qabay hufnaanta maamulka sare ee hay’adda PHA, waxaana ka dareeray dhammaan hay’adihii mashaariicda la fulin jiray. Waxaa ka sii horraysay, dagaal ka dhacay xarunta hay’adda, kadib markii ilaalada xarunta ay weerar ku qaadeen guddoomiyaha PHA, Eng Cabdirisaaq Yuusuf Cilmi oo ay ku eedeeyeen in uu musuq maasuqay mushar iyo xuquuq ay ku lahaayeen. Eng Cabdirisaaq ayaa ka badbaaday weerarkaasi, balse waxaa ku dhaawacmay mid kamid ah ilaalada hay’adda oo isu dhigay rasaasta,si uu u difaaco guddoomiyaha. Arrimahaasi is-biirsaday, ayaa sida la sheegayo sabab u noqdeen in shaqadii hay’adda uu hoos u dhac ballaaran ku yimaado, ayna haatan ku soo ururtay uun magac u-yaal, taasoo ay dheertahay xasarado u dhexeeya maamulka iyo shaqaalaha oo ka aloosan gudaheeda. PUNTLAND POST The post Xog: Hay’adda waddooyinka Puntland ee PHA oo fashilantay appeared first on Puntland Post.

Xanuun Maskaxeed-ka Dahsoon ee Faysal Ali Waraabe Qabo (Post traumatic stress syndrome disorder) Faysal Cali Waraabe horta muu ahayn nin khibrad siyaasadeed oo hore leh, Waxa uu ahaa nin qaab basaasnimo ugu shaqayn jiray dowladii Siyaad Bare ee Somalia ka talin jirtay. Soo galitaankiisii siyaasaduna runtii waxa ay ahayd arin si kedis ah ku timid oo aan soo jiitamin. Xisbiyadii laga sameeyay Somaliland ayuu ahaa xisbiga sadexaad , taas oo dadka qaar runtii ku tilmaamaan in aanu si cadaaladi ku jirto aanu xisbugu ku soo bixin oo waxoogaa musuq maasuq xaga doorashadii jirtay {cadayn hadii aad rabto eeg warbixintii Cabdilaahi Jawaan uu ku war bixiyay}. Faysal waa shakhsi aad u fuddud oo si fuddud go’aan ku qaata , isla markaana si fudud isu bedela, dhibaatada kale ee Faysal lagu arkay mudadii uu ku jiray siyaasada waxa uu u muuqday shakhsi aan siinayn ihtimaam wayn wadanka baahiyaha ka jirta oo mar walba dowlada jirta gacan saar la leh oo mar marka qaarkood aad si cad u arkayso in xisbigiisu aanu ahay xisbi mucaarid ee uu yahay xisbi magac u yaal ah oo lagu qarafaysto ama lagu dawarsado. Waxa kale oo jirta in uu Faysal noqon karo nin wadanka Somaliland dagaal gelin kara oo runtii waxbaan xasuuqayaa ama waxbaanu dilaynaa inta badan afkiisa laga maqlo, waxa kale oo jirta in la odhan karo meeliba meesha ay bari ka xigoto wuu ka sii neceb yahay, oo aanay beelaha Hartiga Somaliland aanay isku halayn karayn ama la odhan karaba qaar ka mid ah beesha dhexe is kuma halayn karaan. Faysal Ali waraabe ma jecela in wadanka Somaliland is bedel xaqiiqi ahi ka dhaco , sabatuna waxa weeye waxa uu maalin caayaa siyaasada Xukuumada markaa joogta, waa hadii ay canka u buuxin-weydo. Maanta Muse Biixi ayuu U niikinayaa berina marka dibnuhu qalaan uu ka soo horjeesanayaa. Dhakhaatiir ku takhasustay Xanuunada dahson ee maskaxda oo daraasad ku samaysay Faysal iyo hab dhaqankiisa ayaa si cad u sheegay in Faysal uu yahay dhibane la daalaa dhacaaya Xanuun maskaxeedka afka qalaad lagu yidhaahdo (Post traumatic stress syndrome disorder) dhinaca kale Oday Reer Hargaysa ah ayaa maalin la weydiiyey…… Adeer Faysal ma waalanyey mise waa miyir Qabaa? Odaygii ayaa ku jawaabay Waalida-ba Udaa. By: Osman Abdillahi Sool….. Freelance Journalist. Qaran News

Qaran News

Click here Qaran News

Puntland iyo Somaliland ayaa Isniinta berriya si rasmiya isu dhaafsanaya maxaabiistii labada dhinac ku kala qabsadeen dagaalladii ka dhacay degaanka Tukaraq ee gobolka Sool. Labada maamul ayaa hore u saxeexay Heshiis maxaabiis is-weydaarsiya oo ay fududaysay hay’adda Laanqeyrta Cas ee caalamiga inkastoo aan warbaahinta laga shaacin heshiiskaasi. Puntland ayaa dagaalladii Tukaraq ku qabatay 18 maxbuus balse 16 kamid ah oo u dhashay gobollada SSC ayaa la sii daayay kadib markii la dhaqan-celiyay waxaana hadda gacanta Puntland ku haray saddex maxbuus oo u dhashay gobollada Waqooyi galbeed. Saddexda maxbuus mid kamid ah waa taliye ka tirsanaa saraakiisha ciidamada Somaliland halka labada kale ay yihiin askar. Somaliland ayaa dhankeeda dagaalka ku qabatay 14 maxbuus oo ka tirsanaa ciidamada Puntland kuwaasi oo dhammaantood ay gacanta ku hayso mana jirin cid ay ka siidaysay Somaliland. PUNTLAND POST The post Puntland iyo Somaliland oo maalinta berriya is-dhaafsanaya maxaabiistii Tukaraq appeared first on Puntland Post.

Wasaaradda arrimaha gudaha dowladda Puntland ayaa ku amartay dhammaan guddoomiyaasha gobollada iyo degmooyinka Puntland in meelaha godan iyo dooxooyinka laga saaro dadka reer miyiga si looga badbaadiyo daadadka. Wasiir ku xigeenka wasaaradda arrimaha gudaha Puntland Cabdiweli Mire Xirsi oo gelinkii dambe ee shalay booqday degaanno u dhexeeya Garoowe iyo Sinujiif oo daadad ku rogmadeen ayaa guddoomiyaasha gobollada iyo degmooyinka Puntland ku amray in ay dadka reer miyiga ka saaraan meelaha godan ee daadadka u nugul ay wacyi-gelin buuxda ka sameeyaan halista daadadka si ay bulshada ugu baraarugto. Isagoo xiganayaa saadaasha roobabka waxa uu sii raaciyay in ilaa 5-ta bishaan la filayo in roobab badan ay ka da’aan degaannada Puntland sidaasi darteedna loo baahanyahay bulshada in laga wacyi-geliyo halista daadadka. PUNTLAND POST The post Dowladda Puntland oo amartay in dadka reer miyiga laga saaro meelaha godan iyo dooxooyinka appeared first on Puntland Post.

Liverpool oo markii 6-aad qaaday UEFA Champions League Kooxda Liverpool ayaa markii lixaad ku guuleysatay koobka kooxaha Yurub ee UEFA Champions League-ga. Ciyaarta kama dambeysta (final) tartankan oo sanadkan 2019 ka dhacday gagida Metropolitano magaalada Madrid ee dalka Spain, ayaa Liverpool 2-0 awood sheegatay kooxda ay isku wadanka yihiin ee Tottenham, oo markii ugu horreystay taariikh timid kama dambeysta tartankan. M. Salah Liverpool oo aad loogu saadaalinayay tartankan ayaa bilowgii ciyaarta dhashatay goolka furitaanka waxaana qadiiqadii 2-aad u dhaliyay gool ku laad Mahamed Sallah, halka daqiiqadii 87-aad ee dhamaadkii ciyaarta uu goolka labaad u dhaliyay Divock Origi. D. Origi Cayaarta ayaa ugu dambeyn ku soo gaba-gabowday 2-0, oo Liverpool ku hanatay koobkii dhagaha waaweynaa ee UEFA Champions League, halka Tottenham oo sanadkan sameysay taariikh aysan waligeed sameyn guuldaro ka soo gaartay kama dambeystii. Liverpool ayaa lix jeer ku guuleysatay tartankan UEFA Champions League, kuwaas oo kala ah 1977, 1978, 1981,1984, 2005 iyo 2019. Liverpool waa kooxda saddexaad ee ugu guuleysiga badan tartankan, waxaa kaga horreeya kooxaha AC Milan iyo Real Madrid. Dalka Ingiriiska ayaa sanadkan 2019, kuwada guuleystay tartamada kooxaha Yurub ee UEFA Champions League iyo Europa league. PUNTLAND POST The post Liverpool oo ku guuleysatay koobka kooxaha Yurub 2019 appeared first on Puntland Post.

By the end, it was difficult to think any of the Liverpool supporters would care too greatly that the kaleidoscope of nostalgic banners they had brought to Madrid were already looking a little out of date. Source: Hiiraan Online

Qaran News

Duqa Muqdisho ahna Guddoomiyaha Gobolka Banaadir Md. C/raxmaan Cumar Cismaan (Eng. Yariisow) ayaa Maanta kormeer shaqo ku tagay Degmada Kaxda, Halkaasi oo uu ugu kuur galaayay Mashaariicda Horumarineed ee ka socota Degmada. Waxa uu sidoo kale xariga ka jaray Xafiiska Ururka Haweenka, dhismaha taalada laga dhex sameeyay gudaha Degmada, iyo weliba gaari gar-gaar (Ambulance) oo ay yeelatay Degmada. Duqa Muqdisho ayaa waxaa uu kormeer kusoo sameeyay wadooyin jid-cadayaal ah oo laga hergeliyay gudaha degmada iyo kuwo hada ku socda habeyn. Shacabka Degmada Kaxda ayuu ku amaanay Eng. Yariisow, sida ay isugu tashteen, isla markaana ay horumarka degmadooda gacan weyn ugu geysteen. Goobjoog News Source: goobjoog.com

Madaxweynaha Jamhuuriyadda federalka Soomaaliya Maxamed Cabdullaahi Farmaajo ayaa qasriga uu ka dagganyahay magaalada Makkah waxa uu wada hadallo kula yeeshay Haweeneyda R/Wasaare Ku Xigeenka ka ah wadanka Malaysia Marwo Wan Azizah Wan Ismaaciil. Mudane Maxamed Abdullaahi Farmaajo iyo Marwo Wan Azizah Wan Ismaaciil ayaa ka wada hadlay xoojinta iskaashiga labada dal ee dhinacyada dhaqaalaha, horumarinta iyo waxbarashada farsamada gacanta. Madaxweynaha ayaa sidoo kale horay kulamo doceedyo la yeeshay qaar kamid ah Madaxda, Boqorrada iyo Amiirrada dalalka Islaamka, isagoona la wadaagay dadaalka Dowladda iyo shacabka Soomaaliyeed ay ku bixinayaan horumarka iyo dowladnimada, waxuuna ka codsaday dhankooda in ay sii kordhiyaan tageerada iyo garab istaagga walaalahooda Soomaaliyeed. Goobjoog News Source: goobjoog.com

Deegaano badan oo hoos yimaada degmada Badhan ee gobolka Sanaag ayaa kamid ah meelaha ay roobakii Guga ay ka da,een maanta. Roobkan ayaa waxa uu [...] Source

Source

Gaalkacyo (Caasimada Online) – Ururka Al-Shabaab ayaa sheegtay masuuliyadda Weerar lagu dilay sarkaal ka tirsanaa Qaramada Midoobay, kaasi oo lagu dilay magaalada Gaalkacyo ee gobolka Mudug. Al-Shabaab ayaa sheegay in Maxamed Cabdi Kheyre ay ku dileen magaalada Gaalkacyo, maadaama uu Qaramada Midoobay u qaabilsanaa Amniga iyo Nabad galyada gobolka Mudug, sida ay ku sheegeen qoraal kasoo baxay. Qoraalka ayaa lagu sheegay in Maxamed Kheyre uu masuul ka ahaa amaanka dhamaan Shaqaalahada Qaramada Midoobay ee ka shaqeeya deegaanada gobolka Mudug, waxaana dilkiisa ka dambeeyay xubno ka tirsan Al-Shabaab. “Mujaahidiinta ayaa Gaalkacyo ku dilay madaxii amniga iyo Nabad gelyada hay’adaha Qaramada Midowday ee Gobolka Mudug” ayaa lagu yiri warka kasoo baxay Ururka Al-Shabaab. Al-Shabaab ayaa inta badan sheegta dilalka iyo weerarada qorsheysan ee ka dhaca koofurta iyo bartamaha Soomaaliya, waxaana ay dagaal adag kula jiraan dowladda Soomaaliya iyo AMISOM. Ciidamada amaanka ayaa wali ku raad jooga dadka ka dambeeyay dilka ka dhacay magaalada Gaalkacyo ee loo geystay Maxamed Kheyre, iyadoo aysan jirin cid ilaa iyo hadda loosoo qabtay weerarkaasi. Caasimada Online Xafiiska Muqdisho Caasimada@live.com

(SLT-Hargeysa)-Raysal Wasaare Abiy Axmed Oo Ka Hadlay Xiisadda kenya Iyo Soomaaliya, Halkan hoose ka DAAWO Source

(SLT-Hargeysa)-Xisbiga UCID Oo Xukuumadda Somaliland Ugu Baaqay In La Xidho Xarunta Dhaqanka Ee Hargeysa, Halkan hoose ka DAAWO Source

Madaxweyne ku xigeenka dowladda Puntland, Ahna kusimaha Madaxweynaha Mudane Axmed Cilmi Cismaan Karaash ayaa Kormeeray Waddada Laamiga ee xiriirisa gobolada Puntland, gaar ahaan inta u dhaxaysa Buundada Midigar iyo degaanka Sin-ujiif, taas oo bur-bur uu kasoo gaaray Roobab xoog leh oo ka da’ay Puntland. laamiga go’ay iyo bururka soo gaadhay wadada waxa ay xanibtey isu socodka dalka. Kormeerka Madaxweynaha waxaa ku wehelinayey xubno ka tirsan Goleyaasha dawladda, Guddoomiyaha gobolka Nugaal, Saraakiil ka tirsan Madaxtooyada iyo Masuuliyiin kale. Madaxweyne Ku-xigeenka ayaa markuu kormeerkiisa dhammaystay waxa uu ka hadlay waxyeelada Waddooyinka soo gaaray, ugu horayn Allah ayuu uga mahadnaqay nimcada uu ku manaystay shacabkiisa. Sidoo kale Kusimaha Madaxweynaha waxaa uu sheegay in daadadka roobku keeneen bur-bur xoogleh uu ka soo gaaray waddooyinka hal bowlaha ah, kuwaas oo dowladdu u xilsaartay guddi qiimayn ku samayn doona waxyeelada guud ee ka soo gaartay dadka, Xoolaha, Deegaanka iyo Waddooyinka goladada Puntland. Ugu dambayn, Madaxweyne ku-xigeenka dowladda Puntland, ahna kusimaha Madaxweynaha Mudane Axmed Cilmi Cismaan Karaash ayaa sheegay in shacabka Puntland looga baahan yahay inay ka qayb qaataan dhismaha iyo dayactirka Waddooyinka bur-buray, waxaana uu tilmaamay in goobaha hadda waxyeelada xoogga leh ay soo gaartay 5 Sano kahor ku dhisteen iskutashi tisqaaday, iminkana si lamida taasi in la joogo wakhtigii ay kaalin tooda ka qaadan-lahaayeen. PUNTLAND POST The post Kusimaha Madaxweynaha Puntland Oo Kormeeray Waddooyin ku Bur-buray Roobabkii Da’ay. appeared first on Puntland Post.

Muqdisho (Caasimada Online) – Taliska ciidamada Booliska Soomaaliyeed ayaa muddo labo bil ah kadib soo bandhigay xiriiradii kala duwanaa ee dadweynaha magaalada Muqdisho la sameeyeen Nambarka gaaban ee 991 oo dhawaan laga hergeliyay magaalada. Nambarkaasi gaaban ayaa ciidamada booliska waxay ugu talo galeen inay dadweynaha kala xiriiraan, si ay ula wadaagaan qataraha dhanka amaanka ah, xaalada deg dega iyo marka ay u baahdaan inay boolis deg deg usoo gaaraan. Taliska ciidamada Booliska ayaa sheegay in muddo 56 maalin oo uu dhisan Nambarkaasi gaaban inay la xiriireen 3339 ruux oo ku sugan magaalada Muqdisho, kuwaasi oo macluumaad kala duwan la wadaagayay laamaha amaanka. Wicitaanadaasi ayaa 340 kamid ah waxaa la sheegay inay noqdeen Cabasho iyo xogo sirdoon oo muhiim ah, taasi oo laamaha amaanka u suurogalisay inay soo qabtaan dadka shacabka tuhmeen ee lala wadaagay laamaha amaanka. 10 kamid ah wicitaanada shacabka ay sameeyeen ayaa la sheegay in lagu soo qabtay maleeshiyaad iyo horjoogayaal ka tirsan Al Shabaab, sida lagu sheegay warbixin booliska ay soo bandhigeen oo u muuqday kuwo xayeysiis ah. Hay’adaha amaanka ayaa sidoo kale ku howlan ka jawaabista xogaha dhanka amaanka iyo sirdoonka ah ee loosoo gudbiyay, sida warbixinta lagu sheegay. Waxaa jirta Kalsooni yaraan dhanka Shacabka iyo ciidamada Booliska ah, taasi oo wali laga yaabo inay saameyn ku yeelatay xiriir wanaagsan oo dhex mara Shacabka iyo Laamaha Booliska. Shacabka ayaanan heysan damaanad qaad buuxda marka ay xogo dhanka sirdoonka iyo amaanka la wadaagaan laamaha amaanka dowladda Soomaaliya. Caasimada Online Xafiiska Muqdisho Caasimada@live.com

Burco:SL-T)Wasaarada Shaqo Galinta Arimaha Bulshada Iyo Qoyska Oo Dharkii Ciidka U Qaybisay Caruurta Agoomaha Ah Ee Ku Nool Magaalada Burco. Source