Dhuusamareeb (Caasimada Online) – Kulan ay iskugu yimaadeen odayaasha dhaqanka beesha degta Gurceel iyo Dhuusamareeb ayaa hadda lagu soo gaba gabeeyey magaalada Dhuusamareeb. Kulan ayaa waxaa lagu qaadaa dhigay doorka ay odayaasha deegaanku ka qaada karaan xal ka gaarista xiisadda siyaasadeed ee kasoo dhex cusboonaatay Ahlu-Sunna iyo dowladda federaalka. Odayaasha dhaqanka ayaa carabka ku adkeeyay inaan la aqbali karin in dagaal ka dhaco magaalada Dhuusamareeb, iyagoo isku dhaarsaday inay dhex dhexaad ka noqdaan siyaasadda cakiran ee Ahlu-Sunna iyo dowladda. Ugu dambeyntii odayaasha ayaa iska xulay guddi ka kooban 11 xubnood, kuwaas oo waajibaadkoodu yahay inay soo ogaadaan qodobada heshiiskii ay horay u wada gaareen hoggaanka Ahlu-Sunna iyo Xukuumadda Soomaaliya, iyo waxa la isku fahmi waayey. Intaas kaddib ayey sheegeen odayaashu inay u kuur gali doonaan cidda uu dhankeeda ka fuli la’ayahay heshiiskaas, si loogu cadaadiyo garabkaas inuu dhaqan galiyo heshiiska. Caasimada Online Xaafiiska Dhuusamareeb Caasimada@live.com

Muqdisho (SMN) – Dhageystayaasha idaacada Shabelle ee ku taxan website-keena waxaan halkaan hoose idin kugu soo gudbineynaa warka Habeen. Hoos riix si aad udhageysato https://www.radioshabelle.com/wp-content/uploads/2019/08/Warka-Habeen-27082019.mp3 View the full article

(SLT-Hargeysa)-Magaalada Hargeysa qaybo ka mid ah waxa galabta ka da’ay roob xooggan oo wata dabayl culayskeeda leh, islamarkaana khasaare xoog leh gaysatay oo naf iyo maal ah sababay. Roobkan sida weyn magaalada Hargeysa looga dareemay ayaa ku xooggana qaybaha Waqooyi ilaa Galbeedka magaalada waxaanu da’ayay muddo ku siman nus saac. Saddex qof ayaa ku geeriyooday 11 kalena way ku dhaawacmeen roob galabta ka da’ay Hargeysa sida uu xaqiijiyay Guddoomiyaha Maroodi-jeex Jaamac Axmed, Halkan hoose ka DAAWO muuqaal laga duubay roobka. Source

(SLT-Hargeysa)-Wasiirkii wasaaradda ciyaaraha xukuumaddii Madaxweyne Daahir Rayaale ayaa naqdiyay hadalkii taliyaha ciidammada qaranka Somaliland Nuux Ismaaciil Taani, Halkan hoose ka DAAWO Source

Dhuusa-mareeb (PP) ─ Magaalada Dhuusa-mareeb ee xarunta Galmudug, ayaa waxaa ka taagan jahawareer ka dhashay muran soo dhex-galay ciidamada Dowladda Somalia iyo ururka Ahlusunna. Muranka ayaa wuxuu ka dhashay ciidammo ay dowladda Somalia halkaas ku daabulaysay labadii maalmood ee lasoo dhaafay, waxaana mas’uuliyiinta Ahlusunna ay ku dhawaaqeen inuu burburay heshiis ay la galeen Dowladda Somalia, iyagoo ku dhawaaqay dagaal. Jen. Maxamed Nuur Galaal oo ka mid ahaa saraakiishii hore ee ciidammada Dowladda Somalia ayaa isagoo la hadlayay BBC-da wuxuu sheegay in xiisad u dhaxeey ciidamada DF ay geysay Dhuusa-mareeb iyo kuwa Ahlusunna ay ka taagan tahay Dhuusa-mareeb. Sidoo kale, Galaal oo ku sugan Guriceel ayaa sheegay in Ahlusunna ay ka careysan tahay heshiiskii ay la galeen Dowladda oo Qodobbada qaar aan la fulin iyo ciidamada ay Dowladda Soomaaliya ku daad-gureyneyso halkaas. Isagoo sii hadlaya ayuu hadalkiisa ku daray inay soo gaartay war la xiriira in ciidamo iyo saraakiil ka tirsanaa Ahlusunna ee la doonayay in Muqdisho loo qaado saakay ay diideen, isla markaana ay xeryahooda dib ugu laabteen. Dhanka kale, Labada dhinac ayuu ugu baaqay inay xaaladda dajiyaan, si ay uga baaqsadaan dagaal, wuxuuna xusay in madaxda dowladda Somalia ay Dhuusa-mareeb u wajahayaan qorsho la xiriira sidii ay ku soo noqon lahaayeen doorashada soo socota. Ugu dambeyn, Weli ma cadda sababta Dowladda Somalia ay ciidanka faraha badan u geystay Dhuusa-mareeb, iyadoo hay’adaha DF aysan weli ka hadlin ciidamadaan iyo hawsha ay halkaas u joogaan, waxaana jirta cabsi xoog leh. PUNTLAND POST The post JEN. GALAAL: Xaalad Colaadeed ayaa xilligan ka taagan Magaalada Dhuusa-mareeb appeared first on Puntland Post.

Muqdisho (PP) ─ Iyadoo lagu waday in caawa xarunta gobolka Banaadir lagu qabto xaflad uu xilka kul wareegi lahaa guddoomiyaha cusub ee gobolka Banaadir ahna duqa Muqdisho, Cumar Maxamed Maxamuud [Filish] ayaa la sheegay in loo baajiyay sababo dhanka amniga ah. Saraakiil ka tirsan kuwa hay’adaha amniga Dowladda Somalia ayaa sheegay in sabab amni darteed loo joojiyay kulankaas, inkastoo aysan jirin faahfaahin intaas ka badan oo ay bixiyeen, sidoo kalena lama sheegin xilliga la xafladda la qaban doono. Madaxweyne Farmaajo ayaa Toddobaadkii hore xilka guddoomiyaha cusub ee gobolka Banaadir u magacaabay Cumar Filish, kaddib markii qarax lagu dilay guddoomiyihii hore ee gobolka Banaadir, C/raxmaan Cumar Cismaan [Yariisow]. Qaraxa lagu dliay Yariisow iyo xubno kale oo gobolka ka tirsan ayaa waxaa sheegatay Al-shabaab, inkastoo ha’yadaha amniga dowladda ay sheegeen in qaraxaas intiisa badan laga abaabulay gudaha xarunta gobollka Banaadir, isla markaana loo xirxiray dhawr qof. Taliyaha booliiska gobolka Banaadir, Saadaq Joon ayaa dhismaha gobolka Banaadir kala baxay shalay agaasime ku xigeen iyo laba xubnood oo kale oo ay midi haweeney tahay, kuwaasoo la sheegay in looga shakisan yahay inay ku lug lahaayeen qaraxii ka dhacay xarunga gobolka Banaadir. Warbaahinta ayaa lagu wargeliyay in kulankii caawa dhici lahaa la baajiyay, iyadoo la diiday in la sheego xilliga uu dhici doono, waxaana tani ay caddeyn u tahay inuu jiro shaki weyn oo ah in waxyeello laga geysan karo mar kale xarunta dowladda Hoose ee Xamar. Ugu dambeyn, Duqa cusub ee Muqdisho ayaa maalmahan waday kulammo gaar-gaar ah oo uu ugu kuur-galayo hawlaha ka socda gobolka Banaadir, iyadoo la sheegay inay jiraan muranno ku saabsan shaqada oo u dhexeeya isaga iyo ku xigeenadiisa. PUNTLAND POST The post Xaflad uu Caawa Xilka kula Wareegi lahaa Duqa cusub ee Muqdisho oo la baajiyay appeared first on Puntland Post.

(SLT-Muqdisho)-Caqabadda ugu weyn ee haysatay magaalada Muqdisho muddo sannado ah ayaa ah amni la’aanta. Waa mowduuca Barnaamijka Galka Baadhista idaacada VOA-da, waxaana soo jeedinaya Haaruun Macruuf ee halkan hoose kaga boggo Source

Maamulka Ahlu Sunna ee bartamaha Soomaaliya ayaa dowladda federaalka ah ku eedeeyey iney ka baxday dhammaan heshiisyada ay galeen, iyaga oo taa badalkeeda ciimado keenay gobolka. Qoraal kasoo baxay maamulka oo la soo gaarsiiyey Goobjoog News waxaa ku xusan in kooxda ay diyaar u tahay difaac iyo dagaal ka dhan duulaanka cad ee dowladda federaalka ah Haddaba. Halkan Ka Akhriso, Qoraalka Ahlu Sunna Goobjoog News Source: goobjoog.com

Guriceel (Caasimada Online) – Janeraal Maxamed Nuur Galaal oo ka mid ahaa Saraakiishii hore ee Ciidamada Dowladda Soomaaliya ayaa ka hadlay xaaladda magaalada Dhuusomareeb oo ay isku hayaan dowladda Soomaaliya iyo kooxda Ahlu-Sunna. Galaal oo wareysi siiyey BBC-da ayaa sheegay in xiisad aad u culus oo u dhaxey ciidamada dowladda ay geysay Dhuusamareeb iyo kuwa Ahlu-Sunna ay ka taagan tahay magaalada Dhuusamareeb. Galaal oo ku sugan degmada Guriceel oo uu waayadaan ku noolaa, ayaa sheegay in Ahlu-Sunna ay ka careysan tahay heshiiskii ay la galeen dowladda oo qodobada qaar aan la fulin iyo Ciidamada ay dowladda ku daad-gureyneyso degmada Dhuusamareeb. Waxa kale oo uu sheegay inay soo gaartay war la xiriira in cidamo iyo saraakiil ka tirsanaa Ahlu-Sunna ee saakay la doonayay in Muqdisho loo qaado ay diideen, isla markaana ay xiryahooda dib ugu laabteen. Galaal ayaa ugu baaqay labada dhinac inay xaalada ka dhigaan mid degan si looga baaqsado dagaal. Waxa uu sidoo kale sheeaca ka qaaday in madaxda dowladda Soomaaliya ay Dhuusamareeb ku wajahayaan qorshela xiriira sidii ay ku soo noqon lahaayeen doorashada soo socota ee 2020. Dowladda Soomaaliya ayaa horey awood ugula wareegtay maamulka Koonfur Galbeed, balse ku guul-darreysatay Jubaland, waxaana hadda muuqata inay awood kale ku dayeyso Galmudug. Caasimada Online Xafiiska Muqdisho caasimada@live.com

(SLT-Hargaysa) Siyaasi Jamaal Jaamac Xamuud oo kamid ah siyaasiyiinta ka soo jeeda bariga Sanaag ayaa ka dareen celiyay hadalkii xanafta keenay Taliyaha Ciidamadda Qaranka. Hoos ka daawo Source

Dhuusamareeb (SMN) – Maamulka Ahlu Sunna oo war-saxaafadeed soo saarey ayaa waxa uu digniin iyo eedeyn culus uu u jeediyay dowladda federaalka ah ee Soomaaliya. Hoos ka akhriso war-saxaafadeedka. View the full article

Cabdirashiid Riyo-raac magaciisaa inagu filan..W/Q Axmed Maxamed Haddii xil loo dhaartay oo laga tegay cidi ku noqonayso dembiile iyo Khaa’inul Waddan ninkan Riyo-raac la baxay baa koobka qaaday, sababtoo ah waa ninka Saddexda Xisbi ee meesha ka jira dhamaantood u dhaartay ee ka dukaamaystay mid kastana markii uu ka qubaystay macawistii iyo Kabihii dacaska ahaa ee casaa uu Caynaba kala yimi hortiisa ku bixiyay. Waa ninka markii uu Hargeysa la qabsaday ee ku ilbaxay diyaarad Xamar ku socota raacay ee Xil u doontay Xukuumaddii Xasan Sheekh ee laga xiiran waayay dabadeedna inaadeerkii Xayir Maareeye baabuurta u masmasixi jiray 8 bilood. Ugu dambayna ku laabtay Hargeysa ee ka qayb galay doorashadii qabyaaladeed ee Jeegaantu ku bahowday isagoo ka muusanaabi jiray Caynaba iyo meelahaa wakhtigii Ololaha. Ninka noocaa ah ayaa maanta Janaraal Caarre oo dhibi-lisanaya Malab saafi ahna ku jaqaya degaankiisa ugu quruxda badnaa Waqooyiga Somalia, ku sheegaya Khaa’inul. Calaa kuli xaal waxaan leeyahay Cabdirashiidow nin caano riyaad lagu can-qariyay oo shalay Buurdhaab ka soo degay uguma hadal xumid. Source

Muqdisho (Caasimada Online) – Xafladda xil wareejinta guddoomiyaha cusub ee Gobalka Banaadir Cumar Maxamuud Maxamed oo la qorsheenayey inay caawa dhacdo ayaa baaqatay, sida lagu war-geliyey Caasimada Online. Warbaahinta oo ay ka mid tahay Caasimada Online ayaa loo soo diray fariin qoraaleed loogu sheegayo in la baajiyay munaasaddii Caawa ka dhici laheyd Aqalka Dowladda Hoose. Caasimada Online oo goordhow la hadashay masuuliyiinta amniga ee Gobalka Banaadir ayaa xaqiijiyay in sababo amni loo baajiyay munaasabadda Xil Wareejinta ee Caawa ka dhici laheyd magaalada Muqdisho. Sidoo kale masuuliyiinta amniga ayaa noo sheegay in Booliiska ay ku taliyeen in guddi kale la magacaabo oo qaban qaabiya Munaasabadda Xil Wareejinta ee Guddoomiye Cumar Finish. Walaac xoog leh oo dhanka amaanka ah ayaa ka jira Aqalka Dowladda Hoose ee Gobalka Banaadir iyadoo dadkii shalay la qabtay ay abuureen cabsi xoog leh oo xagga amniga ah. Ciidamada booliska ayaa shalay Xarunta Gobalka kala baxay dad uu ka mid yahay ku xigeenka Agaasimaha Shaqada iyo Shaqaalaha ee maamulka Gobalka Banaadir Nuur Axmed Cali, oo sidoo kale ka mid ahaa guddiga qaban-qaabada xafladda xil wareejinta Ammaanka Xarunta Gobolka Banaadir ayaa la filayaa in Ciidamo gaar ah la wareegaan, iyadoo laga bedelayo Ciidamadii horay u joogay ee Booliska ahaa. Caasimada Online Xafiiska Muqdisho caasimada@live.com

Kulamadii ugu dambeeyey ee ay wada yeesheen Labadii garab ee Ehlu Suna ayay ku heshiiyeen, todobaadkii hore ayaa Ehlu Suna Waljameeca waxay unkala jabeen laba [...] Source

Qaran News

Qaran News

Qore: Axmed-Yaasiin Max’ed Sooyaan Golaha xukuumadda dowladda Federal-ka ah taliyeyaasha ay xilka ka qaadeen Gen. Indho-Qarshe, Gen. Bashiir Ameerika iyo Gen. Bashiir Goobe ma faal [...] Source

(SLT-Hargeysa)-Guddida dhaqaalaha ee golaha wasiirada Somaliland ayaa kormeer ku gaadhay magaalada Berbera waxa ay kormeer ku soo mareen goobo kala duwan oo ay ka mid yihiin Wadada isku xidha Berbera iyo Hargaysa (Berbera Corridor) ee ay maalgalinayso dawladda Isutaga Imaaraadka Carabta iyo dhismaha madaarka magaalada Berbera iyo qaybaha cusub ee lagu kardhinaayo dekedda magaalada Berbera. Markii ay weftigu gaadheen Degmada Laasgeel ee Magaaladda Dacar-budhuq oo uu ku yaal kaamka weyn ee shirikadda dhisaysa Wadadaasi CONSER Consulting Engineers E.A, halkaasi war bixin ku siiyey Eng Mohammad Yahia iyo Wasiirka Wasaaradda Gaadiidka iyo Horumarinta Jidadka C/laahi abokor Cismaan oo waftiga ka mid ahaa waxaana ay sheegeen in habsami u socodka dhismaha waddadu meel fiican marayo oo hadda gacanta lagu hayo Wadadii ay mari lahaayen Gaadiidku inta ta cusub la dhisaayo, halkaa waxa ay waftigu uga sii gudbeen dekadda magaaladda Berbera oo ay warbixin kaga dhagaysteeen maareeye ku xigeenka dekadda Cabdi Cabdilaahi Mataan iyo sidoo kale masuuliyiin ka socotay shirkadda DP World waxaanay sheegeen in horumarka dekaddu meel fiican marayso sidoo kalena ay socoto hawlaha dhismaha lagu kordhinayo dekadda ee 400 Mitir ah. Guddoomiyaha gobolka Saaxil oo hadal kooban ka jeediyey kormeerka ayaa waxa uu yidhi “Waxqabadka iyo horumarku waa mid aad indhihiina ku aragteen kuna arki doontaan kumanaynaan kala maqnayn oo mar walba xogogaal ayaad dhamaantiin u tihiin oo inta badan Wasiir Sacad ha noogu badnaado oo ha nala joogo mudooyinkii u dambeeyey, wasiiraduna dhamaantood waa rag aanu isku xidhanahay oo og shaqada halkan ka socota iyo horumarkeeda” Wasiirka wasaaradda maaliyadda Jamhuuriyadda Somaliland Dr. Sacad Cali Shire oo isna halkaasi ka hadlay ayaa waxa uu yidhi “Halkan waxaanu ku soconaa guddida dhaqaalaha ee golaha wasiirrada oo ka kooban sagaal xubnood, ujeedada socdaalkayagu waa kormeer oo ah inaanu soo kormeero mashaariicda khaasatan kuwa waaweyn ee ka socda gobolka Saaxil iyo Gobolka Togdheer”. Wasiirka xanaanada xoolaha iyo kaluumaysiga oo ka hadlay kormeerka kawaanka xoolaha ee Berbera ayaa waxa uu yidhi “Kawaankan iyo wixii la mid ah waa waxa aynu u baahanahay mustaqbalka inaynu u guurno oo neef qalan oo helay baraf ku filan oo ka soo baxay warshad haysata ictiraaf caalamiya oo aynu dhoofino neef qalan” Isuduwaha wasaaradda xanaanada xoolaha ee gobolka Saaxil Axmed Xaaji Cabdilaahi oo kormeerka kawaanka xoolaha ka hadlay ayaa waxa uu yidhi “Kawaankan gawraca xoolaha waa cusub yahay walina shaqo ma bilaabin se wuu cusub yahay qaadkiisuna waxa weeyi 250 ilaa 300 oo adhi ah in maalintii lagu qali karo, talaagadiisuna waxa ay qaadi kartaa 50 ilaa 70 adhi ah” Weftiga ayaa intii ay kormeerkooda ku gudo jireen waxa ay booqdeen warshad samayn doonta daqiiqda iyo calafka xoolaha, warshadaasi oo noqonaysa warshadii ugu weynayd ee soo saaraysa daqiiqda oo laga hirgaliyey Somaliland, waxaana warbxiin ka siiyey weftiga masuuliyiin uu ka mid ahaa Axmed Faarax Xarbi oo ka mid ah mulkiileyaasha warshadaasi, waxaana ay sheegeen in warshadani wax weyn ka tari doonto wax soo saarka dalka. Weftigu sidoo kale waxa ay booqdeen warshadii soo saari jirtay Sibidhka oo ay soo kormeereen qaybaha ay warshadaasi ka kooban tahay. Dhanka kale, Weftigan waxa mid ah Wasiirrada Beeraha, Ganacsiga, Maalgeshiga, Gaashaandhigga, Isgaadhsiinta, Guddoomiyaha Baanka dhexe, Guddoomiyaha Hay’adda Shaqaalaha Dawladda, Wasiir ku-xigeenka Qorshaynta iyo Masuuliyiin kale. Source

Qaran News

Hoggaanka sare ee Ahlu-sunna ayaa goor dhoweyd ku dhawaaqay in uu gebi ahaanba buray heshiiskii u dhexeeyay iyaga iyo xukuumadda Federaalka Soomaaliya waxaana ay iclaamiyeen daagal ka dhan ah dowladda. Af-hayeenka Ahlu-sunna Ibraahim Xaashi Cosoble oo warbaahinta u akhriyay bayaan ka soo baxay hoggaanka sare ee Ahlu-sunna ayaa sheegay in dowladda Federaalka Soomaaliya ay ka baxday heshiiskii ay al gashay Ahlu-sunna islamarkaana ay dagaal qaawan ku soo qaadday degaannada Galmudug iyadoo adeegsanaysa ciidamo ay hoggaaminayaan saraakiil ka tirsanaan jiray Al-shabaab. Sidoo kale Ahlu-sunna ayaa iclaamisay dagaal ka dhan ah dowladda Federaalka Soomaaliya waxaana ay Beesha Caalamka la socod-siisay in Cawaaqibka dagaalkaasi ka yimaaday ay mas’uuliyaddiisa qaadayso dowladda Soomaaliya. Hoos ka daawo hadalka Bayaanka PUNTLAND POST The post Ahlu-sunna oo iclaamisay dagaal ka dhan ah dowladda Federaalka Soomaaliya appeared first on Puntland Post.

Dhuusomareeb (Caasimada Online) – Ururka Ahlu-Sunna Waljamaac ayaa goordhow magaalada Dhuusomareeb uga dhowaaqay inuu buray heshiiskii u dhaxeeyey ayaga iyo dowladda federaalka ah ee Soomaaliya. Ahlu-Sunna ayaa ku eedeysay dowladda inay mas’uul ka tahay burburka ku yimid heshiiskii labada dhinac, kadib markii ay ciidamo kusoo daabushay magaalooyinka Galmudug. Sidoo kale Ahlu-Sunna ayaa dowladda dhexe ku eedeysay inay Dhuusamareeb kusoo daabuleyso saraakiil iyo ciidamo sida ay sheegeen Shabaab ah. Dhanka kale Ahlu-Sunna ayaa sheegtay inay AMISOM ka xaqiijisay inaysan ku lug yeelan doonin carqaladda ay sheegeen inay dowladdu ka wado gobolada dhexe gaar ahaan magaalada xarunta u ah Galmudug ee Dhuusamareeb. Ahlu-Sunna ayaa ugu baaqday ciidamadeeda iyo shacabka Galmudug inay u diyaar garoobaan inay difaacdaan naftooda, maalkooda iyo nabaddooda. Hoos ka aqriso qoraalka Alu-Sunna kasoo baxay

(SLT-Hargeysa)-Taliyaha Ciidammadii Ka Goostay Somaliland Oo Ka Warramay Sababta Ku Kaliftay Inay Ka Mid Noqdaan Maamulka Puntland, Halkan hoose ka DAAWO Source

Muqdisho (SMN) – Ra’iisul Wasaare Xasan Cali Khayre Oo kulan la qaatay wasiir ku-xigeenka maaliyadda, guddoonka Baniga Dhexe iyo xisaabiyaha guud Ra’iisul Wasaaraha xukuumadda federaalka Soomaaliya (XFS), mudane Xasan Cali Khayre ayaa maanta kormeeray xarunta Bangiga dhexe ee dalka. Ra’iisul wasaaraha ayaa intii uu kurmeerka ku jiray waxa uu kulan looga hadlay daddar-gelinta shaqooyinka hor tebinta leh ee bagiga la qaatay wasiir ku-xigeenka wasaaradda maaliyadda, guddoomiyaha, guddoomiye ku-xigeenka Bangiga dhexe ee dalka iyo xisaabiyaha guud. Bankiga dhexe oo qayb ka ah hay’adaha halbeegyada ku leh tubta horumarinta dhaqaalaha ayaa mas’uul ka ah samaynta iyo maaraynta lacagta dalka, ka shaqaysiinta hannaanka xisaabeed ee dalka, abuuridda hannaanka bixinta lacagta oo midaysan iyo Isku dubba rididda qorshaha dib-u-soo celina hantida qaranka. Kormeerka uu Ra’iisul Wasaaruhu uu ku tegay xarunta bangiga dhexe ayaa qayb ka ah hawlaha lagula soconayo hanaanka hir-gelinta qorshayaasha hor-tebinta leh ee wasaaraha xukuumadda iyo hay’adaha kale ee dawladda ay ku leeyihiin tubaha qaranka si sare loogu qaado isla xisaabtanka, hufnaanta iyo daah-furnaanta. Halkan hoose ka daawo Sawirrada: View the full article

Doorashadii ugu dambaysay ee golaha wakiillada waxaa la qabtay 25/09/2005, iyada oo wakhtiga golaha wakiillada la doortay oo ahaa shan sano uu ku ekaa October 2010, hase ahaatee shan jeer ayaa loo sameeyey muddo kordhin kala duwan. Golaha Deegaanka waxaa doorashadii ugu horraysay la qabtay 15/12/2002, Golahaas oo la doortay muddo shan sano ah ayaa xilka ka degey December 2012, iyada oo ay xilka la wareegeen golaha deegaanka ee haatan dalka ka jira, kuwaas oo la doortay November 2012, waxaana wakhtigoodu ku ekaa December 2017, hase ahaatee hal mar ayaa xilka loo kordhiyey iyada oo muddo kordhintaasi ay ku ekayd 28/04/2019. 7 June 2018, Xeerka Guud ee Doorashooyinka Qaranka iyo Diiwaangelinta oo isku dhafan oo ay tahay in lagu maamulo doorashooyinka Madaxweynaha iyo ku xigeenkiisa, Wakiillada iyo golayaasha deegaanka ee dalka iyo weliba diiwaangelinta codbixiyayaasha, ayaa la horgeeyey golaha wakiillada, waxaana xeerkaas qayb ka ah kuraasa kootada ah ee haweenka iyo dadka la haybsooco ay ka helayaan golaha wakiillada iyo saami-qaybsiga kuraasta baarlamaanka ee gobolladu kala helayaan, Xeerkaas ayaa golaha loo gudbiyey ka dib markii ay anixiyeen golaha Wasiirada ee Somaliland. Illaa haatan xeerkaas looma dhaqaaqin, golaha wakiilladuna weli kama doodin, iyaga oo sabab uga dhigaya, in marka hore ay tahay in go’aan laga gaadho arrinta saami-qaybsiga kuraasta baarlamaanka si xeerka loo ansixiyo. Xafiiska la socodka Arimaha Doorashada CPA Qaran News

Sarreeye Guuto Gubadle Taliyaha Qeybta 26-aad ee Ciidanka Daraawiishta Dowladda Puntland Sarreeye Guuto Maxamuud Maxamed Axmed (Gubadle) oo warbaahinta kula hadlay Garoowe ayaa sheegay in uu jiro wada-hadal u socda Taliyaha Ciidamada Somaliland Gen Nuux Ismaaciil Taani iyo Dowladda Federaalka Soomaaliya oo la xiriira in Gen Taani loo dhiibo Abbaan-duulaha Ciidamada Xoogga dalka Soomaaliyeed. Gen Gubadle ayaa soo dhoweeyay hadalkii ka soo yeeray Taliyaha Ciidamada Somaliland Nuux Ismaaciil Taani ee ahaa in aan loo baahneyn askarta iyo taliyaasha ka goostay Somaliland ee gobolka Sanaag waxaana uu xusay in Gen Taani uu kala diray ciidamadii Somaliland kadib markii isagu shaqa ka helay Dowladda Federaalka Soomaaliya. Gubadle ayaa ugu baaqay saraakiisha iyo askarta ka soo jeeda Sool iyo Cayn ee weli ku harsan ciidamada Somaliland in ay isaga soo baxaan oo ku soo biiraan dhanka Puntland maadaama sida uu sheegay lagu kala tegay ciidamadii Somaliland. Hoos ka daawo hadalkiisa oo dhan PUNTLAND POST The post Taliyaha Ciidamada Somaliland oo la sheegay in uu shaqa ka helay Dowladda Federaalka Soomaaliya appeared first on Puntland Post.