Taliyaha ciidamada howl-galka nabad ilaalinta Midowga Afrika ee AMISOM, General Diome Ndegeye oo ay wehliyaan saraakiil ciidan ayaa gaaray magaalada Baydhabo ee xarunta gobolka Baay Ndegeye ayaa doonaya inuu u kuur galo dhaq-dhaqaaqyada iyo howlaha ay ciidamada Itoobiya ee qeybta ka ah AMISOM ka wadaan Koonfur Galbeed. Taliyaha oo dhowaan xil ka la wareegaya ay dardar gelinaya howl-galka ay ciidamada Midowga Afrika ka wadaan koofurta iyo bartamaha Soomaaliya. Sidoo kal wuxuu dhowaan booqday magaalooyinka Muqdisho,Jowhar iyo Beledweyne oo saldhigyo waa-weyn ay ku leeyihiin ciidamada AMISOM. Taliyaha oo kulan gaar ah la qaatay saraakiil ka tirsan ciidamada Itoobiya ee ka howl-gala deegaanada Koofur Galbeed ayaa shaaca ka qaaday in dhowaan bilaabi doonaan howl-galka ka dhan ah Xarakada Al-Shabaab, Waxa kale oo uu intaasi ku daray in qorshahooda ugu weyn uu yahay sidii ay ku furi lahaayeen wadada dheer ee xiriirisa magaalooyinka Baydhabo iyo Muqdisho. Ugu dambeyn wuxuu xusay in muhiimadooda ugu weyn ay tahay sidii shacabka ku dhaqan deegaanadaasi ay u heli lahaayeen amni ku filan. View the full article

Liiska Wadamada Ugu awooda badan dhinaca Milatariga oo la shaaciyay Sanad walbo waxaa lasoo bandhigaa liiska Wadamada ugu awooda badan dhinaca milatariga, waxaana inta badan lagu qiimeeyaa awooda milatariga dhinaca hubka, tirada iyo sidoo kale dhaqaalaha lagu bixiyo ciidankaasi. Wargeyska Global Firepower, ayaa sanad kasta soo bandhiga qiimeynta 138-wadan ee ugu awooda badan ee dhinaca milatariga, waxaana inta badan isbadal ku imaan shanta wadan ee ugu horeeya dhanka milatariga. Dowladaha Mareykanka, Ruushka, Shiinaha iyo Hindiya ayaa safka hore kaga jira wadamada ugu awooda badan milatariga, wadamadan ayaana sanad kasta hogaamiya wadamada ugu awooda badan milatariga. Turkiga oo kamid ahaa sanadihii ugu dambeeyay 10-ka wadan ee ugu awooda badan dhinaca milatariga ayaa sanadkan hoos ugu dhacay kaalinta 11-aad, waxaana sanadkan 10-ka wadan ee ugu awooda badan milatariga soo gashay dowlada Masar. Milatariga Sacuudiga ayaa sidoo kale sanadkan ka sara maray milatariga Isra’il oo horey uga horeeyay, waxaana milatariga Sacuudiga sanadkan soo galay kaalinta 17-aad halka Israa’il gashay 18-aad. Soomaaliya oo dib u dhis ku wada ciidamada qalabka sida ee Soomaaliya ayaa qiimeynta sanadkan kasoo gashay kaalinta 136, waxa ayna Soomaaliya dhinaca milatariga uga saro martay wadamada Liberia iyo Bhutan. Halkan ka Akhriso 25-ka wadan ee ugu awooda badan dhinaca Milatariga Caalamka 1- Mareykanka 2- Ruushka 3- Shiinaha 4 Hindiya 5- Japan 6- Kuuriyada Koonfureed 7- Faransiiska 8- Ingiriiska 9- Masar 10- Brazil 11- Turkiga 12- Talyaaniga 13-Jarmalka 14-Iiraan 15- Pakistan 16- Indonesia 17- Sacuudi Carabiya 18-Israa’iil 19- Australia 20- Spain 21- Poland 22- Vietnam 23- Thailand 24- Canada 25- Kuuriyada Waqooyi Qaran News

Hoggaamiyaha Xisbiga Mucaaradka ah ee Wadajir, Cabdiraxmaan Cabdishakuur Warsame, oo kamid ah Siyaasiyiinta mucaaradsan Villa Somalia, ayaa Maanta la kulmay Ra’iisul wasaaraha cusub ee Xukuumadda Federaalka Maxamed Xuseen Rooble. Hoggaamiyaha Xisbiga Wadajir, ayaa Qoraal uu soo dhigay bartiisa Facebook, wuxuu ku sheegay in kadib marti-qaad uu ka helay Ra’iisul wasaaraha cusub uu kula kulmay Villa Somalia, islamarkaana ay iska wareysteen arrimaha mudnaanta leh oo u horrayso in Doorashadu wakhtigeeda ku dhacdo. “Kulan saacado qaatay ayaan maanta wada yeelannay Raysalwasaare Maxamad Xuseen Rooble. Kulanka oo uu Raysalwasaare Rooble igu martiqaaday ayaa iswaraysi iyo talo jeedin ahaa. Waxaan si gooni ah diiradda u wada saarnay arrimaha mudnaanta leh oo ay ugu horreyso doorashada oo xilligeeda ku dhacda si caddaalad iyo sinnaan lehna u dhacda.” Ayuu yiri Cabdiraxmaan Cabdishakuur. Sidoo kale, wuxu Ra’iisul wasaaraha cusub uga mahadceliyay kalsooni-gelintiisa ku aaddan in uusan doonayn mudda kordhin iyo dadaalkiisa la xiriira in doorashadu ku qabsoonto wakhtigeeda. “Waxaan uga mahadcelinaya Raysalwasaaraha kalsooni gelinta ku aaddan in uusan doonaynin wax muddo kordhin ah, dadaal walbana uu isugu gaynayo sidii doorshada xilligeeda ugu qabsoomi lahayd, iskuna deyi doono in uu dadka u sinnaado.” PUNTLAND POST The post Ra’iisul wasaaraha cusub oo la kulmay Cabdiraxmaan Cabdishakuur appeared first on Puntland Post.

Axmed Maxamed Islaam Axmed Madoobe ayaa kulan la yeeshay Ra’iisul Wasaaraha dalka Maxamed Xuseen Rooble, waxaana laba mas’uul ay ka wada hadleen arrimo la xariira marxaladda kala guurka ah ee dalku marayo. Madaxweynaha Dowlad Goboleedka Jubaland Axmed Maxamed Islaam ayaa kulanka uu la yeeshay Ra’iisul Wasaaraha Cusub ee Xukuumadda Federaalka Soomaaliya Maxamed Xuseen Rooble waxaa uu ahaa kulan ay si gaar ah iskula gorfeyeen waqtiga doorashada. Madaxweynaha iyo Ra’iisul Wasaaraha ayaa kawada hadley in si wadajir ah looga wada shaqeeyo sidii dalku uga gudbi lahaa waqtiga kala guurka doorashaduna ku qabsoonto sidii loo qorsheeyey. Ra’iisul Wasaaraha Cusub ee Soomaaliya Maxamed Xuseen Rooble waxaa uu kulamo gaar gar la yeeshay tan iyo markii ay Xildhibaanadu ansixiyeen qaar ka mdi ah madaxda mucaaaradka iyo sidoo kale qaar ka mid ah Madaxda dowlad Goboleedyada dalka ka jira. PUNTLAND POST The post Madaxweynaha Jubaland oo la kulmay Ra’iisul wasaaraha cusub appeared first on Puntland Post.

Wararka laga helayo gobolka Gedo ee koonfurta Soomaaliya ayaa sheegaya in nolol ama geeri lagu la’yahay dhalinyaro la sheegay in ciidamada dalka Kenya ay ka qafaasheen deegaanka Yado oo hoostaga degmada Ceelwaaq ee goblkaasi. Dadka deegaanka oo u badan reer Mii ayaa wal-wal xoogan iyo cabsi ka muujinaya arrintaasi, kadib markii la waayey illlaa saddex dhalinyaro ah oo ciidamada Kenya ee qeybta ka ah howlgalka AMISOM ee Soomaaliya la sheegay inay ka kaxeysteen halkaasi. Mid ka mid ah dadka deegaanka oo la hadlay Shabelle ayaa sheegay in qaar ka mid ah waxgradka ku dhaqan Ceelwaaq ay u tageen ciidamada Kenya, balse ay u sheegeen in aysan gacantaba ku heyinin dhalinyarada maqan, taas oo niyad jab ku abuurtay. Sidoo kale wuxuu tilmaamay in shaki iyo tuhun weyn ay ka qabaan in dhalinyaradaasi toogasho lagu laayey, sida uu hadalka u dhigay. Ciidamada dowladda Kenya ayaa muddooyinkii la soo dhaafay tacadiyo kala duwan ka iyo duqemo dhanka cirka ah ka geysanaey gobolka Gedo, gaar ahaan tuulooyin hoostaga magaalada Ceelwaaq oo ay ku nool yihiin dad rayid ah oo u badan xoolo dhaqato. View the full article

Madaxweynaha Jubaland Mudane Axmed Maxamed Islaam (Axmed Madoobe) ayaa kulan la qaatay Ra’iisul Wasaaraha cusub ee XFS Mudane Maxamed Xuseen Rooble. Axmed Madoobe iyo Ra’iisul Wasaaraha ayaa ka wada hadlay in si wadajir ah looga wada shaqeeyo sidii dalku uga gudbi lahaa waqtiga kala guurka doorashaduna ku qabsoonto sidii loo qorsheeyey. Sidoo kale labada mas’uul ayaa isla soo qaaday arrimo ku aadan xaaladda Jubbaland iyo sidii ay u wada shaqeyn lahaayeen labada dhinac. Rooble oo shalay codka kalsoonida ka helay golaha shacabka ayaa wada kulamo gaar-gaar ah, isaga oo saaka qaabilay hoggaamiya xisbigada Wadajir Cabdiraxmaan Cabdishakuur. Halkan hoose ka daawo sawirrada:- View the full article

Muqdisho (Caasimada Online) – Ra’iisul wasaaraha cusub ee xukuumadda federaalka ah ee Soomaliya, Mudane Maxamed Xuseen Rooble ayaa faah faahin ka bixiyey kulan gaar ah oo uu maanta xafiiskiisa kula qaatay Cabdiraxmaan Cabdishakuur. Rooble oo war qoraal ah soo saaray ayaa sheegay in isaga hoggaamiyaha xisbiga Wadajir ay wada falan-qeeyeen arrimo badan oo ay ugu horreyso doorashada 2020/2021. “Waxaan Maanta kulan Qiimo leh aan wada yeelanay Hugaamiyaha Xisbiga Wadajir Abdirahman Abdishakur Warsame oo aan wada Gorfeeynay Arimo badan oo ay ugu horeyso sidii lagu qaban lahaay Doorasho aan waqtigeeda dib uga dhicin,” ayuu yiri. Sidoo kale wuxuu hoosta ka xariiqay in markasta uu xafiiskiisa u furan yahay dhammaan saamileyda siyaasadeed ee dalka, si looga wada-tashado arrimaha doorashado. “Xaafiiskeygu waa mid 24 ka saac gacmo furan kusoo dhaweynaayo Saamileyda Siyaasadeed,” ayuu sii raaciyey, Maxamed Xuseen Rooble. Dhanka kale Ra’iisul wasaaraha cusub ee dalka ayaa maanta qaabilay Madaxweynaha dowlad goboleedka Soomaaliyeed ee Jubbaland oo maalmahan ku sugnaa magaalada Muqdisho. Ra’iisul wasaare Rooble iyo Madaxweyne Axmed Madoobe ayaa kulankooda diirada ku saaray in si wadajir ah looga wada shaqeeyo sidii dalku uga gudbi lahaa waqtiga kala guurka doorashaduna ku qabsoonto sidii loo qorsheeyey. Si kastaba ha’ahaatee Ra’iisul wasaaraha cusub oo shalay codka kalsoonida ay siiyeen xildhibaanada golaha shacabka ayaa wada dadaallo xoogan iyo kulamo wada-tashiyo ah, maadaama ay u taallo shaqo aad u adag oo ay ugu horreyso doorashada 2020/2021-ka. The post Ra'iisul Wasaare Rooble oo war soo saaray kadib markii uu la kulmay CC Shakuur first appeared on Caasimada Online.

Muqdisho (SMN)- Halkan ka dhageyso warka Duhur Idaacadda Shabelle. Hoos riix si aad u dhageysato. https://www.radioshabelle.com/wp-content/uploads/2020/09/Warka-Duhur-24092020.mp3 View the full article

Qaran News

Gabadh doonaysa in Soomaaliya uga qeybgasho tartanka feedhka ee adduunka Ramla Cali waxay doonaysaa in ay noqoto feeryahankii ugu horeeyey ee Soomaaliya uga qayb gala ciyaaraha Olombigga Ramla Cali oo ah gabadh ku guuleysatay tartanka feerka ee Ingiriiska sanadkii 2016-kii ayaa waxay haatan heshiis la gashay shirkad qaabilsan tartamada feerka oo la yiraahdo Matchroom Boxing. Ramla iyada oo ilmo yar ah ayaa qoyskooda ka qaxeen magaalada Muqdisho horaantii sagaashameeyadii markii dagaalka sokeeye socday. Qoyskooda ayaa dagaalladaa ku waayay walaalkeed oo 12 jir ahaa. Ramla oo 31 jir waxay sheegtay inay hadafkeedu uu yahay inay noqoto qofkii ugu horreeyay ee Soomaali ah ee ka qeybgala tartanka olimbikada ee feerka. Ramla Cali waxay barashada feerka billawday markay dhawr iyo tobon jirka ahayd, hooyadeedna waxay u sheegi jirtay in ujeedadeedu tahay jimicsi ee aanay tartan doonayn. Hadda Ramla waxay dooneysaa in Soomaaliya ay ku matasho tartanka caalamiga ah ee feerka marka la gaaro 23-da bisha Oktoobar ee sanadka 2021-ka, tartanka ayaa lagu waday in la qabto sanadkan balse feyraska Koroona dartii ayaa dib loogu dhigay. “Waxaan doonayaa in aan ku guuleysto tartanka feerka ee adduunka” “Waxaan ku rajo weynhay in dadka ay aragti wanaagsan ka heysan doonaan Soomaaliya” Waxaana gabadhan tababar siiyay seygeeda Richard Moore oo isagu ah tababare feerka ah. Ramla aabaheed wuxuu ahaan jiray Imaam, waxayna ka qalin jabisay jaamacad, marna waxay u shaqayn jirtay shirkad sharciyada ka shaqaysa laakiin waxay soo rawaxi jirtay goor dambe oo habeenimo ah. Lix bilood ka dib ayey ku noqotay ciyaartii oo nolosheda si aad ah saamayn ugu yeeshay. Waa haweenaydii ugu horaysay ee Muslimad ah ee ku guulaysatay tartanka feerka Ingiriiska. Muddo dheer ayay hamigeeda ka qarineysay qoyskeeda oo waxay ka baqaysay in aysan u ogolaan doonin. “Waxaa la joogaa xilligii aan sii xoojin lahaa mihnadeyda, waa mid weli taagan riyadeyda ku aadan ka qeybgalka tartanka olimbikada, waxaan ku faraxsanahay in aan bilaabo safarkaas” ayay tiri Ramla. Ramla waxay ku guuleysatay tartanka feerka ee Ingiriiska Eddie Hearn oo kamid ah dadka garabka u ah Ramla wuxuu yiri “Sheekada Ramla waa mid qeyrul caadi ah oo dhiirigelin leh, in heerkan ay soo gaarto waxay soo martay dhibaatooyin badan” “Ramla waxay ku biirtay shirkadda Matchroom, shirkaddaas oo taageereysa qaar kamid ah dumarka ugu wanaagsan ee u taagan xuquuqda dumarka dunida, waxay joogtaa goobtii ugu habooneyd ay ku gaari karto riyadeeda ah in Soomaaliya ay ku guuleysato tartanka caalamiga ah ee feerka” Soomaaliya weligeed kama ay qayb galin tartanka feerka ee ciyaaraha Olombigga, laakiin Ramla Cali waxay doonaysaa in ay labadaa arimood ba ka *****so. Haday guul ka soo hoyso iyo haddii kaleba, Ramla waxay rumaysantahay in isku dayga arintaasi uu guul u yahay. “Mar baa [qof dumar ah] fariin iigu soo dirtay baraha bulshada waxay tiri: Gabadheyda ayaa daawatay waraysi lagaa qaaday kaddib waxay bilowday in ay feerka barato, waana toban jir. War fiican buu ahaa oo waxaan is iri haddii aad sidaas dadka qof dhiiri geliya ugu noqoto waabad guulaysatay” ayay tiri Ramla Cali. Qaran News

Source

Qaran News

Siyaasiga Cabdiraxmaan Cabdishakuur Warsame oo hoggaamiyo xisbiga Wadajir ayaa maanta kulan gaar ah la qaatay Ra’iisul wasaaraha cusub, Maxamed Xuseen Rooble. Kulanka oo ka dhacay xarunta Madaxtooyada Soomaaliya ayaa waxaa looga hadlay xaaladda siyaasadeed ee dalka, gaar ahaan doorashada iyo marxalada kala guurka. “Kulanka oo uu Raysalwasaare Rooble igu martiqaaday ayaa iswaraysi iyo talo jeedin ahaa. Waxaan si gooni ah diirada u wada saarnay arrimaha mudnaanta leh oo ay ugu horayso doorashada oo xiligeeda ku dhacda si cadaalad iyo sinaan lehna u dhacda.” ayuu yiri Cabdiraxmaan Cabdishakuur kadib qoraal kooban oo uu soo dhigay Facebook-giisa. Sidoo kale wuxuu sii raaciyey “Waxaan uga mahadcelinaya Raysalwasaaraha kalsooni gelinta ku aaddan in uusan doonaynin wax muddo kordhin ah, daddaal walbana uu isugu gaynayo sidii doorshada xilligeeda ugu qabsoomi lahayd, iskuna deyi doono in uu dadka u sinaado. Waxaan kaloo u mahadcelinaya Xildhibaan Abtidoon yare oo fududeeyay qabsoomida kulanka.” Ra’iisul wasaaraha cusub ee Soomaaliya, Mudane Maxamed Xuseen Rooble oo shalay codka kalsoonida ka helay baarlamaanka federaalka ah ee Soomaaliya ayaa wada-tashiyo guud oo ku aadan xaaladda dalka, siiba doorashooyinka iyo ku dhawaaqista golihiisa wasiirada. Halkan hoose ka daawo sawirrada:- View the full article

MOGADISHU (HOL) - A court run by the militant group Al-Shabaab in Middle Jubba region has executed a man suspected to be a sorcerer. Source: Hiiraan Online

Muqdisho (Caasimada Online) – Siyaasiga Cabdiraxmaan Cabdishakuur Warsame oo si weyn u dhaliila dowladda federaalka ah ee uu hoggaamiyo Madaxweyne Maxamed Cabdullaahi Maxamed (Farmaajo) ayaa muddo kadib, maanta tegay dhismaha xarunta Villa Soomaaliya. Cabdiraxmaan Cabdishakuur ayaa kulan gaar ah oo saacado badan qaatay la yeeshay Ra’iisul wasaaraha cusub ee Soomaaliya, Mudane Maxamed Xuseen Rooble. Labada mas’uul ayaa ka wada-hadlay arrimo xasaasi ah, sida doorashooyinka, marxaladda kala guurka ah ee uu dalka ku jiro iyo arrimo kale. “Kulanka oo uu Raysalwasaare Rooble igu martiqaaday ayaa iswaraysi iyo talo jeedin ahaa. Waxaan si gooni ah diirada u wada saarnay arrimaha mudnaanta leh oo ay ugu horayso doorashada oo xiligeeda ku dhacda si cadaalad iyo sinaan lehna u dhacda.” ayuu yiri Cabdiraxmaan Cabdishakuur kadib qoraal uu soo dhigay Facebook-giisa. Sidoo kale wuxuu sii raaciyey “Waxaan uga mahadcelinaya Raysalwasaaraha kalsooni gelinta ku aaddan in uusan doonaynin wax muddo kordhin ah, daddaal walbana uu isugu gaynayo sidii doorshada xilligeeda ugu qabsoomi lahayd, iskuna deyi doono in uu dadka u sinaado. Waxaan kaloo u mahadcelinaya Xildhibaan Abtidoon yare oo fududeeyay qabsoomida kulanka.” Kulankan ka dhacay madaxtooyada ayaa si aad ah loo hadal hayaa, maadaama hoggaamiyaha xisbiga Wadajir 3 sano ee la soo dhaafay uusan tegin Villa Soomaaliya. Cabdiraxmaan Cabdishakuur Warsame ayaa inta badan fagaare-yaasha ka weerara Villa Soomaaliya, gaar ahaan Madaxweynaha, iyada oo ay arrintu ka sii dartay markii ay dowladdu weerar ku qaaday xarunta xisbigiisa oo lagu dilay qaar ka mid ah ilaaladiisa. Si kastaba ha’ahaatee kulankan ayaa ku soo aadaya, xilli haatan ay Soomaaliya isku diyaarineyso doorashada Baarlamaanka iyo tan Madaxweynaha oo ay dhowana heshiis rasmi ah ka gaareen dowladda dhexe, dowlad goboleedyada iyo gobolka Banaadir. The post Sawirro: CC Shakuur oo Villa Soomaaliya kula kulmay Ra'iisul wasaare Rooble first appeared on Caasimada Online.

(SLT-Hargeysa)-Wararkii ugu dambeeyey natiijada baadhitaannadii ku socday qaar ka mid ah xafiisyada hay’adaha dawladda ee ay Hanti-dhawrka qaranku ku baadhayeen ayaa waxa ay sheegayaa in saraakiil ka tirsan Golaha Deegaanka ee Degmada Gabilay xabsiga loo taxaabay, kuwaasi oo ku eedaysan xaalado wax is daba marin iyo musuq ah balse aan wali maxkamad loo gudbin. Maayarka Degmada Gabilay Maxamed-Amiin Cumar Cabdi ayaa xaqiijiyay in afar sarkaal oo ka mid ah masuuliyiinta dawladda Hoose ee Degmada Gabilay xabsiga la dhigay, kuwaasi oo ay soo xidheen Hantidhawrka GUud ee qaranka Somaliland oo muddooyinkii ugu dambeeyey baadhitaanno kala duwan ku waday qaar ka mid ah Golayaasha deegaammada dalka, kuwaasi oo ah masuuliyiin ku eedaysan wax is daba marin iyo Musuqmaasuq. Guddoomiyaha Golaha Deegaanka Degmada Gabilay, ahna Maayarka Magaalada Md. Maxamed Amiin Cumar Cabdi oo waraysi siinayay Telefishanka Somali Cable ayaa waxa uu sheegay in Hantidhawrka qaranku dhawaan baadhitaan ku sameeyey xafiiskiisa iyo guud ahaan xafiisyada kala duwan ee dawladda Hoose baadhitaankaasina ay ka soo baxday in xabsiga loo taxaabo Afar ka mid ah masuuliyiinta dawladda Hoose kuwaasi oo ah eedaysanayaal. Maayarka Degmada Gabilay oo faahfaahin ka bixinaya arrintaasi waxa uu yidhi: “Way Jirtaa Arrintaasi. Hantidhawrku sannadkiiba mar buu dawladaha hoose yimaaddaa. 2018 dabayaaqadiisii baa noogu dambaysay oo sidaa hay’adaha dawladda uunbay shaqadooda wataan. Shaqaale illaa afar qof ay ayay xidheen oo eedaysanayaal ah. Dambi laguma helin oo wali waa eedaysanayaal. Meel shaqo ka socoto la waayo mayo oo ma jirayso wax wada sax ahi (Perfection). Waxa ay la xidhiidhaa shaqadaa aanu hayno. Walina nimankaasi waa eedaysanayaal oo dambi lagu helay ma jirto. Waxa aan ogahay in dawladda Hoose ee Gabiley dadaal weyn oo horumarineed uu ka socdo oo aanu umadda ugu shaqaynayno” ayuu yidhi maayarku. Dhinaca kale Maayar Maxamed-Amiin oo wax laga waydiiyay xaaladda is baddal ee ka muuqata Bilicda Magaalada Gabilay iyo dadaallada Dawladda Hoose ku hawlanayd in muddo ah ayaa waxa uu ku jawaabay sidan: “Dadaallada horumarineed ee aannu muddoba ka wadnay Gobolka Gabiley ee Golaha Deegaanku ku hawlanaa waa dadaalo aannu ku horumarinayno bilicda Magaalada Gabilay. Waxa aanu samaynay waddooyin waaweyn oo aannu bilicda magaalada qayb kaga qaadanaynay. Waxa aanu samaynay in waddooyinkaa aanu laydh iftiimiya u hawl galno oo u samayno. Waxa aanu samaynay meelaha waddooyinka muhiimka ah in aanu sandaqadihii iyo cooshadihii foolxumada keenayay aanu ka baabi’ino. Dadaaladaas oo dhammi waa dadaalo aanu ugu talogalnay in aannu bilicda magaalada wax kaga qabano. Xoolaha aanu magaalada ka saarnay waxa ay qayb ka ahayd bilicda aanu kor u qaadnay”. Ayuu yidhi Maxamed Amiin Cumar Cabdi, Maayarka Golaha deegaanka Degmada Gabilay. Source

Sii hayaha Wasaaradda Maaliyadda Cabdiraxmaan Beyle ayaa September 2, 2020 waxa uu soo saaray Xeer Nidaamiye ku saabsan ajuurooyinka maxkamadaha kaas oo sumaddiisu tahay (Xeer Lr.0217092020), laguna nidaaminaya Ajuurooyinka iyo Cashuurta laga qaadi doono adeegyada ay Maxkamaduhu qabtaan. Arrintan ayaa waxaa ay dhilisay iney dhaliilo keenaan qareenno iyo mihnadleyaasha arrintan ka shaqeeya. Marka laga soo tago in maxkamadda sare qofka uu gal dacwadeed madani ah ku furanayo $200, dib u eegista $300, rukhsad qareen marka 1-aad $500, gal furis dawcad doorasho $1,000, gal furis dacwad dastuur $1,000 ama waxaa kale oo la sheegayaa tusaale ahaan in canshuurta laga qaadayo 5% ay tahay furashada gal dacwadeed madani ah, tusaale haddii dhul la isku heysto, waxaa canshuur u bixineysaa 5% qiimaha hantida, si gal dacwadeed loo furo, oo ay sii dheer tahay wakaalad qareen iyo arrimo kale. Goobjoog News, waxaa ay akhristeyaasheeda la wadaageysaa qaar ka mid ah qodobbada ay ku doodayaan qareennada iyo mihnadleyaasha. Masoo Marin Baarlamaanka: Qodobbada ay qareennada ku doodayaan waa in Xeer Nidaamiye Wasiir uu soo saaray aysan Muwaadinka ku waajibin karin bixin canshuur aanu jideynin sharci ay soo ansixiyeen labadii aqal ee Baarlamaanku, sidoo kalena dhamaysanin dhamaan habraaci sharci ku dhaqan geli jiray, iyadoo ay jirto in xeer nidaamiyaha wasiirku uu soo rogay cashuuro aan lahayn saldhig sharci, sidoo kalena aysan sheeginin xeerarkii ka horeeyay. Soo-saarista Xeerka: Qodobka kale ee doodad waa in cidda keliya ee xeer nidaamiye ajuuro maxkamadeed soo saari kartaa ay tahay Madaxweynaha Jamhuuriyadda kadib marka uu dhegaysto ra’yiga iyo soo jeedinta Xoghayaha Wasaaradda Garsoorka iyo Diinta. Mana jirto qodob sharci oo awood u siinaya Wasiir Maaliyadeed in uu soo saaro xeer nidaamiye ajuuro maxkamadeed. Duridda Sharciyadda Wasiirka Maaliyadda: wasiirka hadda jooga waa sii haye wasiir, xukuumaddii uu ka tirsanaa lagala noqday kalsoonida, shaqadiisuna waa xil gaadhsiin, Dastuurka ku meel gaadhka ahna waxa uu ku leeyahay qodobkiisa 103aad: “Inta u dhexaysa taariikhda doorashada guud iyo marka Raisul-Wasaare cusub la dhaarin doono, Raisul- Wasaarihii hore ee xilka hayey iyo Golihiisa Wasiirradu waxay sii haynayaan xilka, waxayna u fulinayaan waajibaadka caadiga ah ee Dawlada si xilgaarsiin ah”, sidaa awgeed wasiir xil gaadhsiin ah waxa uu socodsiiya shaqadii hore u socotay oo keliya ee awood umalahan in uu unko xeer nidaamiyayaal iyo shaqooyin hor leh. Qabashada lacagta: Qodobka 2aad ee Xeer Lr.109 waxa uu awood u siinaya qabashada iyo aruurinta Ajuurada maxkamadaha Kaaliyaha Maxkamadda, halka Xeer Nidaamiyahani uu awooddaas ka xayuubiyay oo qodobkiisa 2aad uu ku sheegay in Ajuuradaha Maxkamadaha ay aruurinayaan Shaqaalaha/Saraakiisha Wasaaradda Maaliyadda ee ku sugan Maxkamadaha. Meesha Lagu shubayo: Xeer Nidaamiyahani waxa uu ku xusan qodobkiisa 3aad in qoondada dakhliga aan canshuuraha ahayn lagu shubayo Ajuurada Maxkamadaha, waxaana is maandhaaf ah in isla xeer nidaamiyahani laftigiisu lacagaha uu waajibinayo qeyb ka mida uu ku magacaabayo in ay yihiin canshuuro, qeybta kalena ay tahay khidmad Dhaqangalka: Qodobka 5aad ee Xeer Nidaamiyahani waxa uu xusayaa in uu dhaqangalayo marka uu wasiirku saxiixo, taas oo ah mid baal marsan Qodobka 6aad ee Sharciga Maamulka Dakhliga Xeer Lr.13 ee soo baxay 27/10/2019, oo isla Xeer Nidaamiyahani gundhig ka dhigtay arartiisa hore, iyadoo faqradda 3aad ee qodobka 6aad ay leedahay: “ Xeer Nidaamiyayaasha waa in lagu soo saara Faafinta Rasmiga ah, waxa ayna dhaqan gelayaan taariikhda la faafiyo”. Sooyaalka Sharci ee Ajuurooyinka Maxkamadaha: Dalku waxa uu yeeshay dhawr xeer oo nidaaminayay Ajuurooyinka Maxkamaduhu ka qaadi doonan dadweynaha ay u adeegayaan waxaana ka mida xeerarkaas: Xeerka Cashuuraha Tigidhada “Sharci Lr.6 ee soo baxay 07/12/1966”, kaas oo qeyb kamida ay ku saabsanayd bixinta iyo aruurinta Ajuurooyinka Maxkamadaha (Xeerkan waxaa baabi’iyay xeerka hoos ku xusan). Xeerka Ajuurada Maxkamadaha “Xeer Lr.109 ee soo baxay 14/11/1975, kaas oo ka kooban 6 Qodob iyo laba warqadood oo lifaaq ah (Xeerkan wax ka bedel ayaa lagu sameeyay, laakinse weli waa dhaqan gal). Xeerka Wax Ka Bedelka Ujuuradaha Maxkamadaha Madaniga “Xeer Madaxweyne Lr.37 soona baxay 16/05/1981” kaas oo ka kooban 3 qodob oo keliya (Xeerkani waxa uu wax ka bedelay lifaaqa xeerka sare ku xusay, welina waa dhaqangal). Goobjoog News Source: goobjoog.com

(SLT-Hargeysa)-Iyadoo uu keebiga soo saaran yahay wakhtigii loo qoondeeyey inuu Magaalada Hargeysa uu ka furmo shir weynihii afraad ee Xisbiga KULMIYE,islamarkaana ay inta badan qateen kaadhadhkii ergooyinka ka qayb-gelayey shirweynaha Xisbi xaakimka KULMIYE,ayaa waxa muuqata inuu sii xoogeystay loollanka u dhaxeeya masuuliyiinta ku loollamaya kursiga keliya ee lagu tartamayo shirka ee Guddoomiye ku-xigeen afraad ee KULMIYE. Madaxweyne ku-xigeenka Somaliland Cabdiraxmaan Saylici iyo Wasiirka Ganacsiga Somaliland Wasiir Saajin ayaa si weyn ugu loollamaya jagadaas Guddoomiye ku-xigeenka afraad ee Xisbiga KULMIYE waxaanay labada dhinac diideen inay isu tanaasulaan,kuwaasi oo la filayo inuu tartan addag ku dhex maro shir weynaha dhawaan ka furmaya magaalada Hargeysa ee KULMIYE . Hase-yeeshee Warar Wargeyska Foore ka helay ilo rasmi ah, ayaa tibaaxay in siyaasiyiin xilalka kale duwan ka soo qaybtay Xukuumaddii kale dambeeyey ee Somaliland iyo qaar hadda xilal ka haya Qaranka oo ka soo jeeda Beesha Wasiir Saajin ay bilaabeen kullamo gooni gooni ah oo ay la qateen qaar kamid ah ergooyinka shirka KULMIYE ,kuwaas oo ay kaga dalbanayaan inay codka siiyaan Wasiir Saajin marka la gaadho shirweynaha afraad ee Xisbiga KULMIYE si uu ugu guulaysto kursigaas Guddoomiye xigeenka afraad ee Xisbiga oo uu hadda hayo muddane Saylici Dhanka kalene xoggo ayaa intaas ku darray in siyaasiyiin arrintaas ka qayb-qaadanaysa ee sida weyn ugu ololleynaysa Wasiir Saajin uu hormeed u yahay Mujaahid Cabdiraxmaan Aw Cali Faarax Madaxweyne ku-xigeenkii hore ee Somaliland iyo Guddoomiye ku-xigeenka saddexaad ee golaha Wakiilada Axmed Yaasiin iyo masuuliyiin kale oo xilal ka soo qaybtay Xukuumaddii hore ee KULMIYE , kuwaas oo ay isku beel-yihiin Wasiirka u tartamaya Jagada Guddoomiye ku-xigeenka Afraad ee Xisbiga KULMIYE,taas oo uu kula tartamayo Madaxweyne ku-xigeenka Somaliland oo hadda xilkaas haya. Ma jiro wax war ah amuurtan ku saabsan oo ka soo baxay dhinacyada kullamadan yeeshay,marka laga yimaado xoggees aanu helnay ee sheegaya inay ahayeen kullamo cod loogu weydiinayo Wasiir Saajin ergooyinka ardaayada ka qayb-galaya shir weynaha afraad ee Xisbiga KULMIYE. Wasiirka Ganacsiga Somaliland Maxamuud Xasan Sacad Saajin ayaa dhawaan sheegay in uu si weyn ugu han weyn yahay rajoba ka qabo in uu mansabkaasi ku xigeenka afraad ku guulaysto. Source

(SLT-Hargeysa)-Hogaamiyaha Xisbiga Mucaaridka ah ee WADDANI Md. Xirsi Cali Xaaji Xasan ayaa xukuumadda iyo xisbigeeda KULMIYE waxa uu ku eedeeyey sida ay ugu fashilantay wax u qabashada iyo daryeelka dadka naafada ah ee baahiyaha gaarka ha qaba isaga oo sheegay in tirada dadka nafada ah ee Somaliland oo fara badani aanay gabi ahaanba wax daryeel iyo wax u qabasho ah ka helin xukuumadda Xisbiga KULMIYE. Hogaamiye Xirsi ayaa soo faqay Buuggii cagaarnaa ee xukuumadda Xisbiga KULMIYE ololaha doorashada Madaxtooyada ku gashay oo hal qodob oo kali ah kaga xusnaa wax u qabshada dadka baahiyaha gaarka ah leh balse qodobkaasina aanu gabi ahaanba fulin. Hogaamiyaha xisbiga Mucaaridka ah ee WADDANI Md. Xirsi Cali Xaaji Xasan oo ka hadlayay xaflad loo qabtay ururka ay ku bahoobeen dadka dhagaha naafada ahi ayaa waxa uu yidhi: “Xukuumadda iyo xisbigeeda oo Madaxweynuhu gadh-wadeen ka yahay waxaan u tilmaamayaa oo xasuusinayaa Barnaamijkoodii KULMIYE hal eray baa kaga xusnaa Naafada. Mid Indhaha ka naafo ah, mid dhegaha ka naafo ah, mid lugaha ka naafo ah ama mid jidhka kale ka naafo ah wax alla wax kale oo lagu xusay oo KULMIYE u qabanayaa may sheegin kumana xusna waxa ku jira oo kali ah xabbad kali ah, xabaddiina lama fulin. Waxaan leeyahay waar u dhago nuglaada oo u soo jeedsada. Iskama lihi anigu ee xaggee ku qoran tahay. Ka eeg buuga barnaamijka KULMIYE bogga 16aad. Waxaanay u dhigan tahay sidan: “Waxa uu dugsiyada dalka u qaban doonaa in ay noqdaan goobo ku habboon ardayda naafada ahi in ay wax ku dhigan karaan” walina haddaba barnaamijkaasi ma fulin oo dawladda kama soo fulin. Waxaan leeyahay haddii aad qodobkaasi oo kali ah qorteen bal kii uun fuliya oo ogaada, illayn xilka oo dhammi idinka ayuu idin saaran yahaye. Waxa ay tahay ujeedadaydu in aynu kala doorano in aynu hawl galino oo ka fa’iidaysano dad tiro ahaan gaadhaya boqolkiiba labaatan sida ku qoran warbixintii aan soo sheegay kana noqonaya Bulshada tirada intaasi le’eg oo u dhiganta haddii tiro ahaan loo rogo illaa 800 oo kun oo qof marka loo eego tirada afarta Milyan ah ee aynu sheegano. Dadka tirada noocaas ah ayaynu kala dooranaynaa in aynu dadkaasi ka faa’iidaysano oo u faa’iidayno oo ay kaalinta ay Bulshada ku lahaayeen buuxiyaan oo ay waliba innoo dheer tahay waajibaadkii diiniga ahaa ee inna dul saarnaa ee masuuliyiinta ka saarnaa in ay fuliyaan dadka dhibaataysan” ayuu yidhi Hogaamiye Xirsi Cali Xaaji Xasan. Source

Iftin Express, categorically denies and denounces the false and completely fabricated allegations contained in a recent report by Global Initiative according to which one of IE’s financial transactions made in Somalia had not complied with relevant international rules. Iftin Express makes it known that allegations made in this report have been based on a single forged receipt on a pseudo-transaction which had purportedly taken place in March 2020. Internal investigations shared with the relevant Somali regulatory authorities demonstrated the evident manipulation made to construct and disseminate fake financial transaction attributed to Iftin Express. Reference is made to the Global Initiative report published in September 2020 in which it has been alleged that a number of Somali Money Transfer Organizations (MTOs) have facilitated the transfer of funds on behalf of individuals reportedly involved in illicit arms trafficking between Yemen and Somalia between 2014 and 2020. The same report purports that, among other MTOs, a Bosaso-based Iftin Express branch in Somalia, would have been used once by one of such a suspicious individual who was on a watch-list maintained by international law agencies. Iftin Express’s Chief Compliance Officer commenting on the said report confirmed that “based on the factual information at our disposal at the moment and the results of internal investigation carried out following the release of the report, Global Initiative has been grossly mislead presumably by third parties whose intent and sinister intents are not known to us at this point in time. Unfortunately, the would-be evidence alleging some sort of financial misconduct on the part of the Iftin Express is based on a fake and clearly forged receipt of a single financial transaction which would have purportedly taken place in March 2020. Iftin Express is licenced and regulated by Central Bank of Somalia (CBS) to which it reports on quarterly basis. In addition, Iftin Express, as per the national and international relevant rules, regularly reports all Suspicious Activities and Large Transactions to Financial Reporting Centre (FRC) which is the Somalia’s FIU. Iftin Express has an extraordinarily strong internal compliance system operated by well-trained staff and oversaw by experts. In addition, the company uses modern IT systems and software packages with built-in International sanctions and PEP lists such as OFAC, UK-HM Treasury, EU, etc. Therefore, our system does NOT allow individuals to use multiple names and numbers. In conclusion, Iftin Express, a renowned and reputed international money transfer company which serves millions of Somali citizens both in Somalia itself and in the Diaspora, categorically denies the above-mentioned false allegations. These misleading assertions (are seemingly intended to) cause serious negative repercussions for the good name and long-standing reputation of our company and the Somali financial sector in general. Considering this potentially harmful reputational risk, in collaboration with other relevant stakeholders, Iftin Express will weigh to take appropriate legal actions against those who might have conspired against our company and interests. At the same time, Iftin Express will continue to remain vigilant to comply with all relevant local, national, and international regulations. The post IFTIN EXPRESS – SOMALIA CATEGORICALLY DENIES AND DENOUNCES FALSE ALLEGATIONS appeared first on Puntland Post.

(SLT-Hargeysa)-Madax-dhaqameedka, Aqoonyahanka, Dhalinyarta iyo Wax-garadka Gobolka Awdal oo inta baddan si midaysan ugu doodi jiray ugana hadli jiray qaddiyadii saami-qaybsiga Xukuumadda iyo kuraasta Golaha wakiillada Somaliland, isla markaana mawqifyo adag ka taagnaa qaddiyadaas,kuna doodi jiray in dib loogu noqdo saami-qaybsiga beelaha ee dhismaha Xukuumadda iyo Golaha Wakiillada Somaliland . Haddaba Madax-dhaqameedka, Aqoonyahanka, Dhalinyarta iyo Wax-garadka Gobolka Awdal ayaa tan iyo markii lagu dhawaaqay qabashada shir weynaha afraad ee Xisbiga KULMIYE ayaa qaddiyadaas saami-qaybisga ee ay ku doodi jiraan gebi ahaanba aan ka haddal,balse taas baddelkeeda waxay u muuqdaan kuwo xoogga saaraya kale riixashada iyo loollanka dhexdooda ee hanashada kursiga Guddoomiye ku-xigeenka afraad ee Xisbiga KULMIYE , kaas oo uu hadda hayo Madaxweyne ku-xigeenka Somaliland Cabdiraxmaan Saylici. Dhanka kalena qaddiyadda kale riixashada kursiga guddoomiya kux-xigeenka afraad ee Xisbiga KULMIYE ayaa keentay in bulshada reer Awdal ay u kale safteen beelo, iyadoo ay dhalinyartii aqoonyahankii iyo madaxdhaqameedkii ay u kale baxeen laba daraf,kuwaas oo u kale baxay beelaha ay kasoo kale jeedaan Madaxweyne ku-xigeenka Cabdiraxmaan Saylici ahna guddoomiye ku-xigeenka afraad ee KULMIYE iyo Wasiir Saajin-ka kula loollamaya kursigaas guddoomiye ku-xigeenka afraad ee Xisbiga KULMIYE ,waxaanay beel waliba deddaal ugu jirtaa sidii uu siyaasiga beeshooda uu u hanan lahaa kursigaas Guddoomiyaha afraad ee Xisbiga KULMIYE. Geesta kalene Madax-dhaqameedka ,dhalinyaradda ka soo jeedda Beesha Saylici ayaa iyagu rucla orad ugu jira sidii aan kursiga Guddoomiye ku-xigeenka afraad looga qaadi lahayn Saylici, waxaanay sameeyey isku dayo baddan oo ku doonayeen in aan jagadaas lagula tartamin Saylici marka la gaadho shirweynaha uu toddobaadku ka hadhay ee Xisbiga KULMIYE uu ku qabsanayo Magaalada Hargeysa, iyagoo kulamo la xidhiidha arrintaas la yeeshay madax-da Xisbiga KULMIYE iyo Madaxweyne Biixi, balse may noqon isku dayadaas kuwa baajiya tartankaasi Sidoo kale, Beesha uu ka soo jeeddo Wasiir Saajin oo aad mooddo inay iyaddo kalsooni hoose ay ka haysato madax-da Xisbiga KULMIYE ayaa samaysay dedaalo ku lidiya kuwaas, waxaanay ku doodaysaa inuu Saajin xaq u leeyahay inuu ku tartamo jagadaas uu hadda hayo Saylici,isla markaana shir weynaha dhexdiisa lagu kale calaf qaado, iyadoo ay xusid muddan tahay in Wasiir Saajin qudhiisa oo aad mooddo inuu kalsooni addag haystu uu warbaahinta si qaawan uga aflagaadeeyey Madaxweyne ku-xigaanka Qaranka Somaliland Md Cabdiraxmaan Saylici,taas oo muujinaysa inuu kalsooni ka haysto meel sarre. Dhinacyada hirdanku ka dhexeeyo oo lagula teliyey inay isku soo tanaasulaan oo ay ku soo heshiin madaama uu kursiga afraad yahay ka keliya ee hoggaanka KULMIYE ay ku leeyihiin reer Awdal shaxda saami qaybsiga hoggaanka Xisbiga,balse kullamo ay yeeshaan ayaanay wax natiijo ahi oo is afgrad anay ka soo bixin,waxaanay ilaa hadda u muuqdaan labada dhinac kuwa ficiltan iyo mindi mindi ku taag wada, isla markaana uu ka dhaxeeyo loollan xooggan . Loollankan hadheeyey kursiga guddomiye ku-xigeenka arfraad ee Xisbiga oo hada uu eg mid soo gaadhay Final ama ciyaartii kama danbeysta ahayd,kaas oo aan wax-ba la iskula hadhin, ayaa sida lagu sheegay xoggo Wargeyska Foore ka helay qasriga laga hago,waxa ay xuseen in Madaxweyne Biixi iyo taageerayaasha Ardaagiisa in aanay ku niyad sammeyn inuu Cabdiraxmaan Saylici uu Gudoomiyaha afraad ee Xisbiga KULMIYE inuu kusoo baxo jagadaa mar kale, isla markana beddelkiisa ay u hanqal taagayaan ninka Jagada buuxin doonaa uu noqdo Wasiirka Ganacsiga Saajin, Gun iyo gebo-gebo marka arrimahaas iyo qaar kaloo badan la isu-geeyo waxay muujinayaan in reer Awdal ay kursigaas guddoomiye ku-xigaanka Afraad ee KULMIYE ay si weyn ugu loollamayaan, isla markaana ay u kale baxeen labada beelood ee ay ka soo kale jeedaan Saylici iyo Saajin,waxaanu mid waliba ka kale u arkaa inuu kaga haboon yahay hanashada jagadaas siyaasiga beeshiisu. Source

Muqdisho (Caasimada Online) – Madaxweynihii hore ee maamulka Puntland, marna Ra’iisul wasaare ka soo noqday dalka, Cabdiweli Maxamed Cali Gaas ayaa ka hadlay xaaladda siyaaasadda dalka, siiba ansixinta Ra’iisul wasaaraha cusub. Gaas oo wareysi gaar ah siiyey VOA ayaa sheegaya in Ra’iisul wasaare Rooble ay u taallo shaqo adag, islamarkaana uu heysto muddo aad u kooban. Sidoo kale wuxuu kula taliyey inuu daacad u ahaado Madaxweynihiisa iyo dalka, si looga wada shaqeeyo arrimaha doorashooyinka ee 2020/2021-ka. “Doorashadu waa shaqo adag oo siyaasadeed laakin ra’iisul wasaaraha waxaa u taalla shaqadii xukuumadda, sida arrimaha amniga, dhaqaalaha, doorashooyinka, waxaana ugu baaqayaa in uusan noqon nin damac kale leh ee waa in uu Madaxweynihiisa iyo dalkaba daacad u noqdaa.” ayuu yiri siyaasiga caanka ah ee Cabduweli Maxamed Gaas. Waxa kale oo uu ku booriyey in wasiiro cusub aanu soo magacaabin ee uu sii haysto wasiiradii horey u joogay oo uu tilmaamay inay qaban karaan shaqada hortaalla. Hadalkan ayaa ku soo aadayo, iyada oo haatan Ra’iisul wasaaraha cusub ee Soomaaliya, Mudane Maxamed Xuseen oo shalay codka kalsoonida ka helay Golaha Shacabkain isaga oo soo dhiso xukuumad ka shaqeyso fulinta heshiiska laga gaaray doorashooyinka Soomaaliya. The post GAAS oo farriin culus u diray Ra'iisul wasaaraha cusub first appeared on Caasimada Online.

Ciidamada Kenya ayaa la sheegayaa iney dad Soomaali ah ku dileen Ceelcadde oo taala koonfur galbeed ee gobolka Gedo. Wararka ka imaanaya deegaankaas ayaa sheegaa hal qof uu ku dhintay saddexna ay ku dhaawacmeen kadib xabado ay ciidan Kenya ku fureen rasaas dad shacab ah. Arrintan, weli kama hadlin maamulka Jubbanad iyo dowladda. Wixii faahfaahin ah, kala soco halkan. Goobjoog News Source: goobjoog.com

Madaxweynaha Galmudug mudane Axmed Cabdi Kaariye (Qoor Qoor) ayaa shir guddoomiyey kulan gaar ah oo aaladda Foggaan aragga ku dhaxmaray Galmudug iyo hay’adaha iyo safaaradaha caalamka. Madaxweynaha oo furitaank shirka ka jeediyay khudbad ayaa kaga hadlay arrimaha Amniga, Nabadeynta, Dhab-u-heshiisiinta, Dowlad wanaagga, Dhaqaalaha iyo Dhismaha Kaabayaasha dhaqaale. Waxaa Madaxweyanaha shirka ku wehliyay wasiiradda arrimaha Gudaha, Amniga, Maaliyadda, Haweenka iyo howlwadeeno ka tirsan Madaxtooyada Galmudug. Dhinaca beesha caalamka waxaa kaga qeyb galay hay’ado fara badan oo iskugu jiray Qaramada midoobay iyo kuwa caalami ah. Wasaaradihii Galmudug shirka ugu qeybgalay ayaa si faahfaahin ka bixiyay dhamaan arrimaha kor ku xusan. Shirkaan ayaa ahmiyad gaar ah siinayay qorshayaasha kala duwan ee dowlad goboleedka Soomaaliyeed ee Galmudug. Ugu dambeyn Qoor Qoor ayaa u mahadceliyay dhamaan kasoo qeybgalayaasha shirka ayadoona la isku afgartay in la isku soo laaban doono mudada dhaw. Halkan hoose ka daawo sawirrada:- View the full article

Wararka laga helayo gobolka Gedo ayaa sheegaya in xalay markale ciidamada Kenya ay duqeymo xoogan ka fuliyeen deegaano hoostaga degmada Ceelwaaq ee gobolkaasi. Duqeynta oo ka dhacday deegaano ay ku sugnaayeen dad reer Mii ah ayaa waxaa lagu soo warramayaa inay geysatay khasaare kala duwan oo soo gaaray dadka shacabka ah. Ugu yaraan labo qof ayaa ku dhintay duqeymahaasi iyo sidoo kale tiro dhowr neef oo Geel ah, sida uu Shabelle u xaqiijiyey, Nabadoon Cabdirashiid Macalin Gaas. Shalay ayey aheyd markii ciidamada Kenya ay dad shacab ah oo gaarayey illaa saddex ruux ay ka afduubteen duleedka degmada Ceelwaaq ee gobolka Gedo. View the full article