Deeq A. Posted March 3, 2020 Jigjiga (Caasimada Onlinbe) – Faah faahinno dheeraad ah ayaa ka soo baxaya weerar loo adeegsaday Toorey mana Mindi oo xalay lagu qaaday nin la dhashay madaxweynaha dowlad deegaanka Soomaalida dalka Itioobiya, Mudane Mustafa Muxumed Cumar (Cagjar). Weerarka ayaa lagu soo warramaya inuu ka dhacay gudaha magaalada Dhagaxbuur, iyadoona lagu qaaday Cabdiraxman Muxumed Cumar oo ay walaalo yihiin Cagjar. Sidoo kale wararka ayaa sheegaya inuu Cabdiraxmaan weerarkaasi ka soo gaaray dhaawac, islamarkaana lagu dabiibayo xarun uu isagu maamule ka yahay oo ku taalla Dhagaxbuur. Lama oga sababta rasmiga ah ee ka dambeysa weerarkaasi, iyadoona ninkii fuliyey oo isku dayey inuu baxsado gacanta ay ku dhigeen ciidamada ammaanka. Wararka ayaa sidoo kale intaasi ku daraya in haatan baaritaaano dheeraad ah laamaha amnigu ay ku hayaan ninkaasi, si loo ogaado qorshaha uu ka lahaa weerarkaasi. Dhacdadaan ayaa ah mid ku cusub deegaanadaasi, iyadoona si aad ah saaka looga hadal hayo magaalada Dhagaxbuur ee dowlad deegaanka Soomaalida Itoobiya. Share this post Link to post Share on other sites