Sideynu la socono 31 May, waxaa dalka ka qabsoomey markii koowaad doorashooyin isku sidkan ee Goleyaasha wakiillada iyo deegaanka, taas oo guud ahaan jewiga nabad galyo ku dhacdey, dalka oo dhan si qurux badan murrashaxiin iyo bulshaba looga qeyb qaatey. Doorashadii ka dib casharro ayaa laga bartay dhinac walba ah, kuwaas oo u baahan in dhamaantood la dul istaagto, balse waxaan qalinka u qaatey maanta in aan aragtideyda ka dhiibto ka dib casharrada laga bartay doorashada, maxaa la gudboon xukuumadda Madaxweyne Muuse Biixi iyo Xisbul xaakimka KULMIYE. Waxaa marag ma doon ah in guul darro aan looga baran Xisbiga Kulmiye ka soo gaadhey labadii doorashaba, oo shacabka aqlabiyadiisu u codeeyeen in isbedel ay rabaan, farriinta shacabka ka timidna waxay uffo u aheyd waxaa la filan karo doorashada madaxweynaha ee innagu soo aadan. Madaxweyne Muuse Biixi Cabdi, waa Guddoomiyaha Xisbiga KULMIYE, haddii la guuleystana guusha Xisbiga, isagaa ku suntan oo taariikhda ku galaya, sidoo kale guuldaraddana isaga ayey ugu jirtaa diwaanka Xisbiga, sidaas oo ay tahey waxaa ii muuqatay illaa bilowgii xukuumadda Madaxweyne Muuse in ay jireen fursado badan oo uu Madaxweynuhu u lumiyey, siyaabo kala duwan iyo wakhtiyo kala duwan, kuwaas oo is biirsadeyna ay maanta banaanka soo dhigeen guuldarada ku habsatey Xisbigii aan guuldarada aqoonin ee KULMIYE. Fursadda koowaad ee Madaxweynuhu lumiyey waxay aheyd in aanu soo dhisin xukuumad tayo leh oo la jaan-qaadi karta waaqica shacabka ka filanayey, taas oo markiiba abuurtay kala xidhiidh furan bulshadda iyo Xukuumadda ah, taas waxaa u raacday in damalkii hadhka weynee ee KULMIYE noqday ka culayska ugu weyni ku dhaco oo maalinba ciddi ka tageysa ama laga saarayey. Haddaba, Maxaa la gudboon Madaxweynaha, isagoo Guddoomiye xisbi ah iyo isagoo ah Madaxweynihii qaranka? 1: Marka koowaad waa in Madaxweynuhu si degan oo bilaa Turxaan ah u qiimeeyaa Muddo xileedkii uu Madaxweynaha ahaa xukuumaddiisa iyo Xisbigiisa waxaa u qabsoomay, waxaa ka qaloocmay iyo sababaha keenay dhamaantood, isagoo ka duulaya taariikhdii Xisbiga KULMIYE iyo waayo aragnimadiisa siyaasadeed. 2: Qiimeyn ka dib, Madaxweynuhu waa in uu yeesho dhiiranaan iyo kalsooni cad oo uu ku wajihi karo sidii xukuumad ahaa iyo xisbi ahaanba loo dhisi lahaa ama loo kasban lahaa Shacabka, taas oo aragtideyda ku imaneysa in isbeddel la taaban karo ku sameeyo gun iyo baarba golaha xukuumadda ee hadda joogta, dhiig cusubna ugu shubi lahaa xukuumadiisa inta u hadhey muddo xileedkiisa, iyadoo ay fududahey in isbeddel la sameeyo hadana waa in uu noqdaa isbedelkaasi mid daboolaya galdaloolooyinka muuqda ee doorashooyinku daaha ka feydeen. 3: Waxaa muuqatey in guuldarada Xisbiga soo gaadhay ay qeyb weyn ku lahaayeen kaadiriin xisbiga ka tirsan oo madaxweynaha isa seegeen, inta ay taasi jirtana waa la sii kala fogaanayaa, Madaxweynaha waxaa la gudboon in uu noqdo odayga Xisbiga, arrinkaas xal kama danbeys ah u helo, macal hadey dacarta ka qadhaadhahey. 4: Sida la wada socono toddoba sanno oo Madaxweyne Siilaanyo talada dalka hayey Madaxweyne Muuse Biixi wuxuu ahaa Guddoomiyaha xisbiga KULMIYE, Taasi waxay siisey fursad uu xisbiga ku dhiso isna uu hankiisa ku gaadho, Madaxweynuhu waxaan kula talin lahaa waa in uu abuuro jewi uu fursad siyaasaddeed iyo mid awooddeedba ku muuqan karo qofka isaga ka beddeli doona jagada Guddoomiyaha Xisbiga KULMIYE, 5:Bulshadu waxay ka kooban tahay qeybo kala duwan, waxaa muuqata in uu madaxweynuhu lumiyey xidhiidhkii iyo wada shaqeyntii uu lahaa Madax dhaqameedka bulshada, inkastoo wanaagsan tahay in madax dhaqameedku saameyn ku yeelan siyaasadda, haddana waa furayaasha bulshada iyo albaabada laga galo, madaama ay Bulshada metelaan, Madaxweyne Muuse Biixi iyo Xukuumaddiisa waxaa la gudboon in ay xidhiidh wanagsan la yeeshaan madax dhaqameedka oo maalinba maalinta ka danbeysa ka sii fogaanaya. 6: Waxaa muuqatey tan iyo intii Madaxweyne Muuse Biixi noqday Madaxweynaha in isha kaliya ee xukuumadda laga gaadho ay isaga aheyd, taasi waxay yareysey fursadihii ay bulshaddu u wada gaadhi laheyd ama dareenkooda ay ugu gudbin lahaayeen, waxaa madaxweynaha la gudboon in uu sameeyo hawl daadejin sahli karta in dhamaan hawlaha qaranka oo dhan kaligii lala sugin go’aan qaadashadeeda, Ugu yaraan uu soo celiyo Wasaaraddii Madaxtooyadda oo aheyd biriish ku xidha bulshada iyo madaxweynaha maanta ay si cad u muuqato baahida loo qabo. Gebogabadii, Guusha ay Xisbiyadda Mucaaridku ka gaadheen doorashooyinkii isku sidkanaa iyo hanshadda shir gudoonka wakiiladdu waxay fariin digniin ah u tahay xisbi KULMIYE, tallaabo kasta oo madaxweynuhu qaadana waa in ay noqotaa mid dhalin karta in xisbiga KULMIYE darajo u kordhineysa una gogol xaadheysa sidii mar labaad Madaxweyne Muuse Biixi Cabdi talada dalka ugu guuleysan lahaa, Waxaana haboon in niyad jab laga qaadin natiijooyinkii doorashooyinkii dhacay balse cashar ayaa laga baranaya dib laysku qiimeeyo Waxa qoray: Hussein Hassan Yusuf Cadde Birmingham UK Source

Muqdisho (Caasimada Online)-Sida ay baahisay warbaahinta dowladda Soomaaliya waxaa la burburiyey gawaari lagu soo raray waxyaabaha qarxa, kuwaas oo lagu beegsaday deegaano ka tirsan gobolka Jubbada Dhexe oo kooxda Al-Shabaab ay ku xoogan tahay. Qoraal kooban oo lagu baahiyey bogagga baraha bulshada ee warbaahinta Qaranka ayaa lagu sheegay in howlgalkaas ay iska kaashadeen dowladda Soomaaliya iyo saaxiibadeeda caalamka, isla markaana la burburiyey dhammaan gaadiidkii ay qaraxyada ku diyaarisay kooxdu. “Dowladda Soomaaliya iyo saaxiibada caalamka ayaa ka hortagay baabuur qaraxyo ah oo loo soo waday in lagu dhibaateeyo shacabka Soomaaliyeed. Baabuurtaas waxa lagu beegsaday meelo u dhow degmooyinka Jilib, Kunya-Barow iyo Xaramka, dhammaantoodna waa la baabi’iyey,” ayaa lagu yiri qoraalkan ka soo baxay dowladda Soomaaliya. Dowladda Soomaaliya iyo saaxiibada caalamka ayaa ka hortagay baabuur qaraxyo ah oo loo soo waday in lagu dhibaateeyo shacabka Soomaaliyeed. Baabuurtaas waxa lagu beegsaday meelo u dhow degmooyinka Jilib, Kunya-Barow iyo Xaramka, dhammaantoodna waa la baabi’iyey. — Radio Muqdisho (@RadioMuqdisho) August 9, 2021 Faahfaahin intaas ka dheeri ah lagama bixin howlgalkaas qaabka loo fuliyey, tirada gaadiidka laga burburiyey Al-Shabaab, hadii uu jiro khasaare ka dhashay iyo halka loo waday ama lagu beegsa rabay qaraxyada laga hor-tegay. Kooxda Al-Shabaab ayaa awood badan ku leh gobolka uu howlgalkaan ka dhacay ee Jubbada Dhexe, kaas oo gabi-ahaantiis ay maamulaan. Inta badan diyaaradaha wax duqeeya ee dowladda Mareykanka ayaa beegsada saldhigyada ay Al-Shabaab ku leeyihiin deegaanada ay ka joogaan gobollada dalka, waxaana loo maleynayaa in howlgalkaan lagu fuliyey duqeyn dhanka cirka ah. Waxaa aad u yar xogta laga heli karo dadka deegaanka, sidoo kale dhanka Al-Shabaab weli wax war ah kama soo saarin howlgalkaan ay dowladda Soomaaliya shaacisay in lagu beegsaday gaadiid ay qaraxyo ku diyaariyeen. The post DF oo shaacisay in laga hor-tegay qatar ay soo maleegeen Al-Shabaab appeared first on Caasimada Online.

Ciidanka Caasimada Hargeysa ayaa ilaa xalay ilaa caawa ka hawlgalayay khasaarayaal kala duwan oo ay keeneen Roob weyn oo ka da’ay magaalada hadaba, warbixinta samata bixinta khasaarihii ka dhashey iyo badbaadooyinkii ciidanku sameeyeen raxmaadkii Eebe ee caawa ku hoorey caasimada Hargeysa oo faahfaahsan waxay kala tahay :- 1-Dooxa weyn ee magaalada Hargeysa waxaa laga soo badbaadiyay laba Wiil oo dhalinyaro ah oo daadku la tagey, waxaana la gaadhsiiyay cisbitaalka weyn ee Hargeysa, iyadoo ay soo gaadheen dhaawacyo fudud. 2-Dooxa weyn gaar ahaan aaga Hotel Maamuus waxaa daadku la tagey laba gaadhi oo kala ahaa Vitz iyo Iskarogo, hasayeeshee waxaa ciidanku ka samatabixiyay dadkii saarnaa Gaadiidkaas. 3-Dagmada Gacan_Libaax gaar ahaan Iskuulka Imaaraadka laag u dhaw waxaa laga soo badbaadiyay gaadhi Lancruiser ah. Dab ka kacay guri buul ah oo ku yaala barakacayaasha Malawle ee degmada Ibraahim Koodbuur, ciidanka ayaa ku guuleystay daminta dabkaas. 5.Laba gaadhi oo laago laga saaray degmooyinka Axmed dhagax iyo Maxamuud Haybe. Isgoyska Total Shoodh laydh ka kacay biraha xayaysiisyada ayaa isagana ciidamadu damiyeen. Guud ahaan hawlgalada ciidanka Dab-demisku u gurmadeen ilaa hadda ayaan jirin dhimasho iyo dhaawac la soo sheegay, waxaana ilaa hadda ciidanka Dab-demisku ku gudajiraan gurmadkaas. Hawlgaladan waxaa iyaguna dhankooda gurmadka ku jiray ciidanka Booliska, cisbitaalka weyn iyo dawlada hoose Hargeysa. Ugu dambayn Taliyaha ciidanka dab-demisku wuxuu halkan fariin uga dirayaa bulshada inay sameeyaan taxadar dheeraad ah xilliyada Roobabka, sidoo kalena ka fogaadaan Dooxyada, laagaha, biyo mareenada iyo xadhkaha Korontada. Cabdiwahaab Toox Media Section Info@fire.govsomaliland.org 990 Emergency Service Source

Dhuusamareeb (Caasimada Online) – Xog ay Caasimadda Online ka heshay ilo-wareedyo ku dhow madaxweynaha Galmudug Axmed Cabdi Kaariye Qoorqoor ayaa xaqiijineysa in Qoorqoor uu labadii todobaad ee la soo dhaafay ku mashquulsanaa sidii uu meesha uga saari lahaa kurisiga Aqalka Sare ee uu ku fadhiyo Abshir Bukhaari. Arrintan oo qeyb ka ah heshiis hoose oo ay galeen Madaxweyne Farmaajo iyo Qoorqoor ayuu Farmaajo ku adkeeyay muhiimadda ay u leedahay in Abshir Bukhaari oo uu eedo badan ka tirsanayo meesha laga saaro. Guddoomiye ku-xigeenka labaad ee Aqalka Sare Abshir Bukhaari ayaa la aaminsan yahay in uu ahaa caqabad weyn oo maamulka Farmaajo ka hortaagnayd wax ka bedelka nidaamka federaalka dalka muddadii afarta sano ahayd ee la soo dhaafay. Sida ay ogaatay Caasimada Online, Farmaajo ayaa sidoo kale arrintan ku tijaabinaya daacadnimada Qoorqoor iyo sida uu uga soo dhalaali karo fulinta dib-u-doorashada madaxweyne Farmaajo. Xogta ay heshay Caasimada Online ayaa sheegeysa in durbaba uu Qoorqoor billaabay isku dayga ah kursigan loo wareejiyo Golaha Shacabka, si Abshir meesha looga saaro. Waxaa sidoo kale suurta-gal ah in kursigan uu Qoorqoor siiyo qof jufo hoose la ah Abshir Bukhaari, si uu xitaa uga rajo tiro Golaha Shacabka. Dhanka kale, heshiiska Qoorqoor iyo Farmaajo waxaa ka mid ah in dhammaan kuraasta Aqalka Sare ee Galmudug lagu qoro taageerayaasha Farmaajo, maadaama ay yartahay fursadda uu Farmaajo ka heli karo kuraasta Golaha Shacabka oo qabaa’ilku ay leeyihiin go’aankooda. Waxaa la xaqiijiyay in Senetor Samsam oo ka mid ah kooxda Farmaajo dib loo qorayo, halka xildhibaan Cabdixakiin Macallin Axmed oo ku dhow Farmaajo kursigiisa loo soo wareejinayo Aqalka Sare, si loo damaanad qaado in uu dib u soo laabto, taas oo muujineysa dadaalka uu Qoorqoor ku bixinayo dib-u-soo laabashada Farmaajo. Si uu u fuliyo qorshahan, Qoorqoor ayaa malaayiin dollar loo ballan-qaaday, hase yeeshee waxaa laga cabsi qabaa inay tan horseedo dagaal ka dhacao Dhuusomareeb ama ay Galmudug burburto. Toddobaadyadii dhowaa waxaa magaalada caasimadda u ah Galmudug ku qulqulayey ciidamo badan oo taabacsan siyaasiyiinta beesha Habargidir ee xil doonka ah, waxaana magaalada uu dagaal ka qarxi karaa marka Qoorqoor uu shaaciyo liiska musharaxiinta. The post Xog: Waa maxay sababta uu QOOR QOOR meesha uga saarayo Abshir Bukhaari? appeared first on Caasimada Online.

PRESS RELEASE Sudan: Ethiopian refugees face increasingly difficult conditions as more people flee their homes Ethiopian refugees in the camps in south-east Sudan face increasingly dire living conditions ADDIS ABABA, Ethiopia, August 9, 2021/ — As fighting in Ethiopia’s Tigray region and other areas in the north of the country forces more people to flee their homes, Ethiopian refugees in the camps in south-east Sudan face increasingly dire living conditions. Food, clean water, shelter and sanitation are desperately insufficient, and an increasing number of people suffer from malnutrition and diseases like malaria and hepatitis E. The onset of the rainy season worsened the situation and some refugees are choosing to undertake dangerous migration routes or move to other areas of the country. “Everyone is just trying to make their life better, but youth are in a bad situation and they’re turning to drugs and alcohol. They’re starting to have psychological problems. There are also all the children separated from their families who are here alone,” said Daniel, a 23-year-old student living in Um Rakouba camp. Besides the harsh living conditions, thousands of refugees are unable to contact their family members with telecommunication networks in many areas of the Tigray region down. Many people suffer trauma and emotional distress, following months of not knowing if they will be reunited with their spouses and children. Since the beginning of the Tigray crisis, the International Committee of the Red Cross (ICRC) facilitated nearly 22,200 successful phone calls between refugees and their families. However, it registered over 20,000 unsuccessful phone calls in the same period, meaning that thousands of people could not receive news from home. “Months go by without any news from family members for far too many people,” said Maria Carolina Aissa, the head of the ICRC sub-delegation in Kassala. “It is heartbreaking to see how people struggle to maintain dignity and hope in these circumstances.” About ICRC’s work for refugees in Sudan: • The ICRC supports the Sudan Red Crescent Society (SRCS) in Gedaref and Kassala to help refugees maintain contact with their families. The SRCS works in Um Rakouba and Tunaydba Ethiopian refugee camps, in Shargrab camp for Ertirean refugees, as well as in two transit sites, where the SRCS and the ICRC trained 38 host community and refugee community volunteers. • The ICRC collected 228 tracing requests for family members inside the camps and received 20 cases from abroad through national Red Cross and Red Crescent societies. It resolved 6 cases and registered 58 unaccompanied minors. In total, approximately 60 – 70% of the total Tigrayan refugee population in eastern Sudan has benefitted from phone calls or tracing services. • The ICRC has been supporting Doka Rural Hospital, rehabilitating infrastructure, providing medical supplies, personal protection equipment and training for the staff. It donated more than four tons of medical supplies to the hospital, that provides services to more than 40,000 members of the host community and to over 18,000 refugees in Um Rakouba camp. Distributed by APO Group on behalf of International Committee of the Red Cross (ICRC). Access Multimedia Content SOURCE International Committee of the Red Cross (ICRC) Qaran News

Maalinta berri Ra’iisul Wasaare Rooble ayaa socdaal rasmi ah ku tagaya magaalada Nairobi ee dalka Kenya, si ay u wada hadlaan Madaxweynaha Kenya Uhuru Kenyatta. Xiriirka Soomaaliya iyo Kenya ayaa xumaa labadii sano ee la soo dhaafay. Sanadkii hore Soomaaliya ayaa xiriirka u jartay Kenya kaddib markii ay ku eedeysay in ay faragelin ku hayso arrimaheeda gudaha, waxaase xiriirka diblomaasiyadeed la soo celiyay laba bil ka hor markii ay dhexdhexaadisay dowladda Qadar. Dowladda Soomaaliya waxa ay hakisay qaadkii ka imaan jiray Kenya, sidoo kale labada dal ayaa adkeeyay dal ku galka ay muwaadiniinta labada dal ugu safraan Muqdisho iyo Nairobi, waxaa adkeyntaas socdaalka ka mid ah in Kenya ay hakisay in masuuliyiinta Soomaaliya ay dal ku galka ka qaataan garoomada Kenya marka ay yimaadaan, waxaa kaloo ay canaaddaa dadka wata baasaboorrada Service-ka iyo kuwa diblomaasiga ah oo qaarkood ay soo celisay iyagoo wata dal ku gal. Haddaba maxaa muhiim u leh Soomaaliya? Soomaaliya waxa ay kenya kala hadli kartaa saddex arrin oo hortabin u leh, kuwaasoo dhammaantood horay looga heshiiyay, laakin ay Kenya fulin waysay. 1- Joojinta fara gelinta arrimaha gudaha Soomaaliya Dowladda Soomaaliya waa in ay ku adkeysayaa oo ay shuruud wayn ka dhigtaa in Kenya ay joojiso fara gelinta arrimaha gudaha Soomaaliya. Arrintan oo qeyb wayn ka ahayd khilaafka labada dal waa mid lama taabtaan u ah Soomaaliya. Inkasta oo ay inkirsan tahay dowladda Kenya jiritaanka arrintan, haddana waxaa lagama maarmaan ah in ay ballan qaaddo in ay ilaalinayso madax bannaanida daleed, dhuleed, siyaasadeed iyo siyaadada dalka Soomaliya. 2- Socdaalka iyo dal ku galka (Visa) Kenya iyo Soomaaliya waxa ay saddex mar (2016, 2017 iyo 2019) ku heshiiyeen in dadka wata baasaboorrada Service-ka iyo kuwa diblomaasiga ah laga dhaafo dal ku galka (visa) ama ay garoomada labada dal ka qaataan dal ku galka (fiisaha). Arrintaan oo December 2016-dii lagu beddeshay in Kenya qaadka ay usoo dhoofiso Soomaaliya, marna lama fulin, waxaa diidday dowladda Kenya oo marba keeneysay marmarsiyo hor leh. Sanadihii la soo dhaafay Kenya waxa ay garoomadeeda ka soo celisay mas’uuliyiin Soomaaliyeed oo wata baasaboorro diblomaasi ah iyo kuwa Service-ka oo qaarkood haystay dal ku galka Kenya, iyagoo joojiyay in ay xildhibaannada iyo wasiirrada Soomaaliya ay Dal ku galka ka qaataan garoomada Kenya, taas oo loo oggolaa muddo dheer. Ra’iisul Wasaare Rooble waa in uu ku adkaystaa wax ka qabashada arrintan, oo waliba uu hubiyaa in aysan Kenya ballan qaad afka ah kaliya bixin halka dhinaca Soomaaliya ay ka gaarayso danaheeda, marka laga soo tago dadka ku safraya baasaboorrada diblomaasiga ah iyo kuwa Service-ka, waxaa kale oo muhiim ah in lagala hadlo in ay fududeeyaan dal ku galka baasaboorka caadiga ee shacabka ama ay ka dhigaan in garoomadooda laga qaato. 3- Isu-dheeli tirka ganacsiga labada dal Kenya waxa ay Soomaliya u soo dhoofisaa badeeco badan, Qaadka, caleenta shaaha, cunto iyo dhar ayaa ka mid ah, waxaa huban in ay ajandaha ku darsan doonto in dib loogu oggolaado in ay qaadka u soo dhoofiso Soomaliya. Dhinaca kale Soomaaliya waxba uma dhoofiso Kenya, waxaana Ra’iisul Wasaare Rooble iyo wafdigiisa laga sugayaa in ay kala hadlaan Kenya in ay oggolaato in loo soo dhoofiyo badeecadaha laga helo Soomaaliya sida qudaarta, kalluunka iyo kuwa kale ee loo baahdo. Kenya dhowr jeer ayay ka baxday heshiisyo ay la gashay Soomaaliya ama ay ku guul darraysatay in ay dhaqan geliso. Heshiisyadaas waxaa ka mid ah qodobbada kore oo dhowr jeer laga heshiiyay laakin aanan fulin, waxaa Ra’iisul Waaaaraha iyo wafdigiisa laga doonayaa in ay arrintaan u sheegaan Kenya, lana sameeyo qaab lagu kormeeri karo waxa ka fula heshiisyada ay gaaraan labada dhinac oo ka tarjumaya danaha labada dal. W/Q: Abdiaziz Golfyare The post Saddex arrin oo Soomaaliya ay ka doonayso Kenya marka ROOBLE uu tago Nairobi? appeared first on Caasimada Online.

Guddoomiyaha Mudug oo la dabaal-degaya ciyaartoyda Mudug Xulka kubbadda cagta gobolka Mudug ayaa u soo baxay wareega afar dhamaadka tartanka ciyaaraha gobolada Puntland, markii uu galabta saddex iyo waxba (3:0) ugu awood sheegtay xulka Karkaar. Labo ka mid ah goolasha waxaa Mudug ka caawiyay ciyaaryhanka Axmed Cabdiqaadir (Darwiish), halka goolka kale uu ilbiriqsiyadii ugu horreeyay ciyaarta uu dhaliyay Cabullaahi Jaamac (Jufo). Xulka Mudug ayaa ah xulka weli shabaqiisu nadiifka yahay ee kaalinta kowaad uga soo baxay guruubka ‘B’, waxaana soo raaaci doona midkooda xulalka Ceyn iyo Karkaar oo 11 bishan Agoosto wada ciyaari doona, kuwaas oo midkiiba leeyahay 3 dhibcood. Xulka Mudug waxaa u harsan kulan aan macne sameyn doonin oo ay la leeyihiin Arbacada xulka Gardafuu oo isagu ka haray tartanka. Mudug waa xulkii labaad ee u soo baxa wareega afar dhammaadka tartankan, Nugaal oo ku jirta guruubka ‘A’ ayaa shalay u soo baxday wareega afar dhamaaadka. PUNTLAND POST The post Tartanka Ciyaaraha Puntland: Xulka Mudug oo u soo baxay wareega afar dhamaadka appeared first on Puntland Post.

Muqdisho (Caasimada Online) – Dr. Xasan Sheekh Cali Nuur oo ka faalooda arrimaha Siyaasadda gaar ahaan midda Soomaaliya ayaa ka hadlay khilaafka soo kala dhex galay madaxweynaha watigiisa dhammaaday ee Maxamed Cabdullaahi Farmaajo iyo Ra’iisul Wasaaraha xukuumadda xil-gaarsiinta, Maxamed Xuseen Rooble. Dr. Xasan Sheekh oo wareysi siiyey telefishinka Unviersal TV ayaa sheegay in madaxtooyada Villa Somalia lagu joogi karo laba arrin oo kaliya, oo kala ah; heshiis siyaasadeed iyo Dastuurka. Waxa uu sheegay in madaxweyne Farmaajo uusan midna labadaas ku joogin madaxtooyada Soomaaliya, midaasi oo ka dhigan inuusan haysan dood Dastuuri ah, sida uu hadalka u dhigay. “Qofka madaxweynaha ka noqonayo Soomaaliya laba qodob midkood ayuu ku joogi karaa Villada, mid waa heshiis siyaasadeed iyo midna waa Dastuur, Farmaajo labadaba midna ma heysto, sidaas darteed ma heysto dood dastuuri, fursadda dastuuriga ah waxaa heysto Rooble,” ayuu yiri Dr. Xasan Sheekh. Dr. Xasan Sheekh ayaa sidoo kale waxa uu sheegay in warqadda uu soo saaray Ra’iisul Wasaare Maxamed Xuseen Rooble ay tahay mid lagu saxayo siyaasadda Soomaaliya. “Warqadahaan iska soo daba dhacay waxaan ku magacaabi karnaa sixitaan siyaasadda Soomaaliya la saxayo, xaqiiq ahaantii warqadda uu soo saaray Ra’isulwasaaraha Xkuumadda Xil-gaarsiinta waxay aheyd inuu soo saaro 9-kii bishii February oo aheyd maalin kadib markii uu dhammaaday waqtigii dastuuriga ahaa ee Farmaajo,” ayuu yiri Dr. Xasan. Dr. Xasan oo wax laga waydiiyey saameynta ka dhallan karta khilaafka madaxweynaha iyo Ra’iisul Wasaaraha ayaa sheegay in arrintaan ay ku xiran tahay sida uu u dhaqmo madaxweyne Farmaajo, wuxuuna xusay inay suuragal tahay in khilaafkaan uu sababo gacan ka hadal haddii uu Farmaajo isku dayo inuu faragelin ku sameeyo hey’adaha amniga. Ra’iisul Wasaare Rooble ayaa shalay qaaday tallaabo lama filaan ah oo ku saabsan mas’uuliyadda ka saaran hagidda maamulka dowladnimo ee xilliga kala guurka, kadib markii uu Madaxweynaha waqtigiisu dhamaaday ee Farmaajo uu soo saaray Xeer Madaxweyne oo uu uga joojinayo xukuumada inay gasho heshiisyo. The post Dr. Xasan Sheekh: “Farmaajo laba qodob oo kaliya ayuu ku joogi karaa Villa Somalia” appeared first on Caasimada Online.

Source

(SLT-Muqdisho)-Dawladda Soomaaliya iyo Xafiiska Siyaasadda Qaramada Midoobay ayaa maanta ku kala saxeexday magaalada Muqdisho qayb kamid ah misaaniyadda doorashooyooyinka oo gaadhaysa toddobo malyan iyo laba boqol oo kun oo doollar ($7.2 Million). Lacagtan oo ay bixinayaan deeq bixiyayaasha caawiya Soomaaliya ayaa lagu wadaa inay fududeyn doonto dardargalinta doorashooyinka ka billaamaya Soomaaliya. Dhinaca kale isla maanta waxa magaalada Muqdisho dib loo furay safaaradda dalkan Kenya ku leeyahay Soomaaliya oo xidhneyd dhawrkii bilood ee la soo dhaafay sababbo la xidhiidha khilaafka ka dhaxeeyay labada wadan oo hadda u muuqda inay meelo badan isaga soo dhawaanayaan. Source

Soomaaliya iyo Qaramada Midoobay ayaa maanta kala saxiixday lacag dhan $7.2 Milyan oo qeyb ka ah dhaqaalaha ku baxaya doorashada Soomaaliya. Qoraal ka soo baxay xafiiska Ra’iisul Wasaare Rooble ayaa lagu yiri “Xafiiska Ra’iisul Wasaaraha XFS ayaa maanta la saxiixday Xafiiska Qaramada Midoobay ee Soomaaliya $7.2 M (Todobo Milyan iyo Labo Boqol Kun oo Doolar ) oo qeyb ka ah Miisaaniyadda doorashooyinka dalka. “Yaboohan ayaa fududeyn doono dardargalinta doorashooyinka bilowday” ayaa la sii raaciyay qoraalka. Dhawaan ayaa sidaan oo kale loo filayaa in Beesha Caalamka ay dhaqaale kale ugu yaboohdo doorashada Soomaaliya oo dhaqaaluhu ka mid yahay caqabadaha dib u dhigay. Beesha Caalamka ayaa horay u ballanqaaday in ay taageero dhaqaale siin doonto haddii ay noqoto mid daahfuran oo xor ah. PUNTLAND POST The post Qaramada Midoobay oo $7.2 Milyan ku bixinaysa doorashada Soomaaliya appeared first on Puntland Post.

Muqdisho (Caasimada Online) – Ra’iisul Wasaaraha xukuumadda xil-gaarsiinta, Maxamed Xuseen Rooble ayaa maanta hoygiisa uu ka degan yahay magaalada Muqdisho kulan kula qaatay madaxweynayaashii hore ee dalka, Sheekh Shariif iyo Xasan Sheekh Maxamuud. Qoraal kasoo baxay xafiiska Ra’iisul Wasaaraha ayaa waxaa lagu sheegay in kulankaasi uu ahaa is xog wareysi ku aadan xaaladda dalka iyo doorashooyinka oo qeybo kamid ah dalka ka qabsoomay. Kulanka Rooble uu la yeeshay Sheekh Shariif iyo Xasan Sheekh ayaa waxa uu qeyb ka yahay kulamo gaar gaar ah oo uu Ra’iisul wasaaraha la yeelanayo Musharaxiinta Mucaaridka iyo siyaasiyiinta Soomaaliyeed. Rooble ayaa mas’uuliyiintaas kala hadlaya arrimaha doorashooyinka, asaga oo uga warbixin doona hanaanka doorashada, taasi oo dhabaha u xaareysa in doorashooyinka ku qabsoomaan jawi xasiloon. Sidoo kale Ra’iisul wasaaraha ayaa xalay xafiiskiisa kula kulmay Siyaasiga Cabdiraxmaan Cabdishakuur Warsame, kaasi oo looga hadlay arrimaha taagan iyo xaaladda guud ee dalka, waxaana lagu soo hadal qaaday dhiiro-gelinta dedaallada socda iyo tallaabada uu qaaday Rooble ee ka dhanka ah wareegtadii Farmaajo. Si kastaba, kulamadaan ayaa waxay kusoo aadayaan xili uu ra’iisul wasaaraha wajahayo dagaal siyaasadeed oo uga imaanaya dhanka Villa Somalia, kaasi oo uu hormuud yahay madaxweynaha waqtigiisu dhamaaday ee Farmaajo. The post Sawirro: Rooble oo la kulamo siyaasadeed la billaabay xubno miisaan culus xilli uu wajahayo dagaal appeared first on Caasimada Online.

Qaran News

PRESS RELEASE Coronavirus – Ethiopia: COVID-19 Reported Cases in Ethiopia (08 August 2021) ADDIS ABABA, Ethiopia, August 9, 2021/ — Daily Laboratory Test: 5,791 Cases: 424 Severe Cases: 291 New Deaths: 5 Recovery: 305 Total Laboratory Test: 3,069,384 Active Cases: 15,046 Total Cases: 284,091 Total Deaths: 4,426 Total Recovery: 264,617 Total Vaccinated: 2,270,390 Distributed by APO Group on behalf of Ministry of Health, Ethiopia. Access Multimedia Content SOURCE Ministry of Health, Ethiopia Qaran News

Ra’iisul wasaaraha dalka Maxamed Xuseen Rooble ayaa hoygiisa kulan kula qaatay madaxweynayaashi hore ee dalka Xasan Sheikh Maxamuud iyo Sheikh Shariif Sheikh Axmed. Rooble iyo madaxweynayaasha ayaa kawada hadlay xaaladda guud ee dalka si gaar ah arrimaha doorashooyinka dalka. Kulanka ayaa sidoo kale madaxda ay kaga wada hadleen sidii dalka ay jawi nabdoon kaga qabsoomi laheyd doorashada. Goobjoog News Source: goobjoog.com

Muqdisho (Caasimada Online) – Xafiiska Ra’iisul Wasaaraha xukuumadda Soomaaliya ayaa goordhoweyd heshiis la xiriira arrimaha doorashooyinka la saxiixday xafiiska Qaramada Midoobay ee Soomaaliya. Qoraal kooban oo kasoo baxay xafiiska Ra’iisul Wasaare Rooble ayaa waxaa lagu sheegay in xafiisku uu QM la saxiixday lacag dhan $7.2 Milyan (Toddobada Milyan iyo labo boqol oo kun oo dollar), oo qeyb ka ah qarashka ku baxaya doorashada. “Xafiiska Ra’iisul Wasaaraha XFS ayaa maanta la saxiixday Xafiiska Qaramada Midoobay ee Soomaaliya $7.2 M (Todobo Milyan iyo Labo Boqol Kun oo Doolar ) oo qeyb ka ah Miisaaniyadda doorashooyinka dalka. Yaboohan ayaa fududeyn doono dardargalinta doorashooyinka bilowday,” ayaa lagu yiri qoraalka kasoo baxay xafiiska Rooble. Sidoo kale waxa lagu sheegay qoraalka in lacagta uu maanta xafiiska Rooble la saxiixday xafiiska Qaramada Midoobe ay qeyb ka tahay yabooha fududeyn doona dardar-gelinta doorashooyinka ka bilowday dalka. Rooble iyo xafiiskiisa ayaa dadaal xoogan ugu jira dardar-gelinta hanaanka doorashooyinka dalka oo uu mas’uul ka yahay, taasi oo ka bilaabatay qeybo kamid ah dalka doorashada Aqalka Sare. Heshiiskan ayaa yimid laba maalmood kadib markii Farmaajo uu wareegto uu soo saaray ku sheegay inuu ka joojiyey in hay’adaha dawladdu ay heshiiyo ama is-afgarad la galaan dawldaha, iyo shirkadaha shisheeye ilaa inta doorashada laga soo gabagabaynayo. Rooble ayaa ku gacan seeray wareegtada Farmaajo isaga oo sheegay inuu farayo in dhammaan hay’adaha dawladda federaalka ay si caadi ah u gutaan waajibaadkooda shaqo si waafaqsan dastuurka ku meel-gaarka ah ee dalka, isaga oo sheegay in hay’adaha dawladdu ay joogteeyaan adeegyada loo hayo shacabka Soomaaliyeed iyo ilaalinta hantida iyo danaha guud ee qaranka. The post Xafiiska Rooble oo saxiixay heshiis iyo beesha caalamka oo $7.2 milyan ku bixineysa… appeared first on Caasimada Online.

Madaxweynaha Maamu-goboleedka Puntland oo Liiska Xubnuhu u xushay Aqalka sare ku daray Gacan-ku-dhiigle Morgan Madaxweynaha Puntland Siciid Cabdullaai Deni ayaa soo gudbin doonaa liiska murashaxiinta u taagan Aqalka sare ee Somalia u meteli doona Puntland.Saacadaha soo socda ayaa la filayaa in lasoo bandhigo murashaxiinta u taratameysa doorashada Aqalka sare ee Deni uu soo magacaabay. Wasiiro iyo siyaasiyiin caan ah ayaa raadinaya inay sanadkaan ka mid noqdaan golaha Aqalka Sare Baarlamaanka Soomaaliya,Hase yeeshee Liiska murashaxiinta la qoray waxaa lagu dhex arkay magaca general Maxamed Siciid Xersi (Morgan) oo Dawladii Dhexe Sargaal sare kasoo ahaa. Dadka yaqaana siyaasada Deni waxay ku tilmaameen inuu hore Morgan ugu ballanqaaday Senetor inuu ka dhigi doono,sida muuqatana waxay aad ugu dhawdahay inuu kaga dhabeeyo arintaasi. Qaran News

Muqdisho (Caasimada Online) – Waxaa labadii cisho ee u dambeysey qoraalo isku jawaabaya is-weydaarsadey xafiiska madaxweynaha iyo kan Ra’iisul Wasaaraha Soomaaliya Maxamed Cabdullaahi Farmaajo iyo Maxamed Xuseen Rooble. Qoraaladan ayaa ku soo beegmey xili ay magaalada Muqdisho booqasho ku imaaneysey Wasiirka Arrimaha Dibadda Kenya, waxayna salka ku hayaan haddii xukuumadda ay heshiis gali karto xilliyada doorashada iyo haddii kale. Madaxweynaha muddo xileedkiisa uu dhamaaday ayaa ku amray hay’adaha dowladda inaysan gelin wax heshiisyo ah, hase yeeshee Ra’iisul Wasaaraha ayaa sheegay in awoodaha fulinta ay leedahay xukuumadda. Haddaba saameyn intee le’eg ayey qoraaladan iska soo horjeeda ku yeelan karaan wada-shaqeynta hay’adaha dowladda iyo arrimaha doorashada? Ridwaan Xirsi Maxamed oo kamid ah Musharaxiinta mucaaridka oo la hadlay idaacada VOA-da ayaa sharci darro ku tilmaamay wareegtada kasoo baxday madaxweynaha muddo xileedkiisa uu dhamaaday, oo uu ku wiiqayo awooda xukuumadda. Waxa uu sheegay in Farmaajo uu markale faraha lasoo galay arrimo sharci darro ah, islamarkaana uu ku doonayo inuu ku ciriirsado awood uusan xaq u laheyn, sida uu hadalka u dhigay. “Marka hore sidii 2016-kii uu yeelay madaxweyne Xasan Maxamuud wey aheyd in uu soo saaro qoraal waqtigii uu sharciyada haystay lagu hakinayo arrimaha masiiriga ee dalka aysan faro-gelin hay’adda fulinta laakiin taasi ma dhicin,” ayuu yiri Ridwaan Xirsi. “Maanta in madaxweyne Farmaajo oo muddo xileedkiisa uu dhamaaday uu mar labaad soo fara-geliyo, waxay noola muuqata inuu doonayo in uu ciriirsaday arrimo aan awoodisa aheyn oo xaq u laheyn.” Si kastaba, maalamaha soo socda ayaa laga dhursugayaa sida uu usii socda xiriirka labada xafiis ee Farmaajo iyo Rooble, midaasi oo keeni karta dib u dhac ku yimaada hanaanka doorashada oo hadda ka bilowday dalka. The post Saameynta ka dhalan karta khilaafka Farmaajo iyo Rooble appeared first on Caasimada Online.

5-Arrimood oo ku saabsan Dagaalka Itoobiya ka socda oo uu ka hadlay Hoggaamiyaha Falaagada TPLF Debretsion Gebremichael Hoggaamiyaha TPLF, Debretsion Gabremikael, ayaa sheegay in dagaalka ay kula jiraan dowladda dhexe ee Itoobiya iyo xulafadooda “ay sii wadayaan ilaa ay gaaraan hadafkii ay dagaalka u billaabeen.” Debretsion oo la hadlay warbaahinta Tigray Media oo afka fallaagada ku hadasha, wuxuu si faahfaahsan uga ka hadlay xaaladda dagaalka ka socda deegaanka Tigray ee tan iyo dhammaadkii sannadkii hore soo socday. Debretsion wuxuu sheegay in dagaalka dowladda dhexe ay kula jiran “ay kaga guuleysteen” deegaanka Tigrayga, intiis badanna “ay ka xoreeyeen” waxa uu ugu yeeray cadawga deegaanka Tigraay weerarka qaawan ku soo qaaday. Wuxuu qirtay in malleeshiyaadka TPLF ay qabsadeen qayba ka mid ah deegaannada Amxaarada iyo Canfarta. Haddaba wareysiga hoggaamiyaha TPLF lala yeeshay oo dheeraa waxaan ka soo qaadaneynaa shanta qodob ee wareysigiisa ugu muhiimsan: 1. Aaya ka tashiga shacabka Tigray Hoggaamiyaha TPLF wuxuu sheegay in dagaalka ay bilooyinka kula jireen dowladda Itoobiya iyo xulafadooda ee Eritrea, inay ugu dhigeen “casharro lama illaawaan ah”. Isagoo faanaya wuxuu sheegay in “aysan mar dambe u soo hanqal taagi doonin inay guumeystaan ama sandulleeyaan shacabka Tigray.” “Dagaalka waxaan u qaadnay seddex arrimood oo kala ah; kow inaan cadowga soo weeraray Tigray aan jabinno, laba in aan talada deegaanka Tigray aan ku soo celinno maamulki ay shacabka deegaankaas codkooda ku doorteen iyo tan seddexaad oo ah inuu shacabka Tigray aayahiisa uu ka tashto,” ayuu yiri. “Hadafki koobaad iyo kan labaad waan ku guuleysannay marka laga reebo arrimo kooban oo inoo harsan oo aan dhawaan dhammeystireyno.” “Balse qodobka seddexaad ee ugu muhiimsan hadda lagama hadlayo maadaama aan dagaal ku jirno. Dagaalka ka dib ayaan tan seddexaad hirgelinteeda guda galeynaa,” ayuu yiri Hoggaamiyaha TPLF Debretsion Gebresillase. “Dagaalkii cadawga isu kaaya baheystay aan kula jirnay ee deegaanka Tigray wuu ka gudbay oo hadda, waxaan mareynaa in aan qaybaha ugu badan deegaanka Tigray dhul badan oo deegaannada Amxaarada iyo Canfarta ka mid ah aan qabsanno”. Debretsion waxaa kale uu sheegay in dagaalka marka uu soo dhammaado ay wax weliba kala caddaanayaan, go’aanka ugu dambeeyna ee mustaqbalka deegaanka Tigray ay iyagu go’aamin doonaan.” 2. Shacabka Tigray oo dhan waa ciidan Debretsion wuxuu ku faanay in dowladda dhexe ee Itoobiya iyo waxa uu ugu yeeray “cadowga”, aysan aqoon durugsan u lahayn shacabka Tigray iyo xorriyaddiisa inuu cidna u daba fadhiisaneyn. “Shacabka deegaanka ku nool oo dhan waa ciidan aan u baahneen tababar maadaama ay u dagaallamayaan xorriyaddooda iyo madax bananaidooda, waxayna u shahiidayaan sidi ay hadafka ay leeyihiin ay u gaari lahaayeen”, ayuu yiri. Balse deegaanka Tigray waxaa ka qaxay dad aad u badan oo qaarkoodna ay ku jiraan xeryo barakac oo ku yaalla gudaha gobolka, halka kuwana ay u baxsadeen dhanka Sudan oo xeryo qaxooti looga furay. Balse hoggaamiyaha TPLF wuxuu sheegay in dagaalka “sida uu ku billaawday iyo degdegga ay ciidmada dowladda iyo xulafadooda ay ku qabsadeen deegaanka ay u maleynayeen in dagaalka uu sidaa ku gabagaboobay oo TPLF-na sidaa looga guuleystay balse xaalku uu sidaa ka beddelnaa.” Wuxuu ku faanay in ay jebiyeen “Ciidamadi qaranka Itoobiya ee aadka u hubeysnaa”. “Muddo gaaban ayay deegaanka Tigray intiisa badan kaga carareen. Ma aha mid iska timid balse wuxuu ku yimid dagaalka faraha looga gubtay oo shacabka Tigraay aysan u kala harin”, ayuu yiri Debretsion Gebre Mikael. 3. Maleeshiyaad nagama guuleysan karaan Wuxuu dowladda Ra’iisul Wasaare Abiy Axmed ku eedeeyay in ay “soo abaabushay malleeshiyaad la dagaallama TPLF”. Wuxuu tilmaamay in arrintaas aan looga adkaan karin. “Ciidamada qalabka siday ee dalka ayaa hadafka aan u dagaallameyno hor istaagi waayey, marka malleeshiyaad maalmo tababarro degdeg ah la siiyey oo qowmiyad naceyb lagu soo kiciyey, kama guleysan karaan ciidamadayada haysta tababar iyo hub ku filan oo ay codawgooda kula xisaabtamaan,” ayuu yiri. Wuxuu ku goodiyay: “Waxaan u sheegi lahaa maleeshiyaadka iyo shacabka ay xukumadda Abiy soo khaldeyso inay naftooda badbaadsadaan oo aysan is halligin. Haddii Talooyiinka aan u soo jeedineyno ay qaadan waayaan, haddaba ciidamadeena waxay diyaar u yihiin inay ka hor tagaan cid kasta oo dagaal nala gasha”. 4. Xalka nabadeed Debretsion wuxuu ku andacooday in ay ka hortagayaan dagaal kulul oo uu ku tirmaamay “ka hortagga isir sifeyn”, haddana in iyaga ay marweliba nabad doonayaan, ayna aaminsaneen in wax weliba lagu dhammeyn karo si nabad ah. “Waxaan dowladda u soo bandhignay shuruudo dhowr ah oo aan xukumadda Abiy ugu sheegnay in haddii ay dhab ka tahay oo ay doonayaan in dagaalka ay joojiyaan ama xabbad joojinta halka dhinac ah ay sheegeen inay dhab ka tahay, waa in ay fuliyaan 7 shuruudood oo aan markii hore soo gudbinay, ka dibna aan 6 shuruudood ku soo koobnay,” ayuu yiri. “Wadahadal nabadeed iyo in dagaalka la joojiya haddii la doonayo waa in marka hore la billaabaa adeegyada aasaasiga ah oo aan wax xiriir ah la lahayn in la sii daayo adeegyadaas oo ay ka mid yihiin Isgaarsiinta, Bangiyada, iyo isu socodka gaadiddka.” Wadahadal nabadeed kasta oo ay labada dhinac yeelanayaan waa inuu ahaadaa mid aan qarsoodi ahayn oo dunida oo dhanna ay arkeyso.” “Runtii nabad miyey rabaan? Wadahadal miyey rabaan? Haddey rabaan si cad ha u sheegaan, haddey rabinna oo dagaal ay rabaanna, annagana dagaalka waan sii wadeynaa, haddii dagaalka uu sii socdana iyaga ayaa cagta la marinayaa”, ayuu ugu hanjabay dhinaca iyaga ka soo horjeeda. 5. Guddi caalami ah oo loo saaro dambiyada dagaal ee dhacay Gaboodfallada ka dhacay deegaanka Tigray, inti uu socday dagaalka u dhexeeyey TPLF iyo Ciidamada dowladda dhexe ee garabsanaya kuwa Eritrea, waxay ahaayeen wax lala yaabo. Hay’ado caalami ah ayaa labada dhinacba ku eedeeyay in dembiyo ay geysteen. Ciidamada Eritrea ayaa lagu eedeeyay in ay weerarro la eegteen dadka Tigrayga ah iyo kuwii horey uga soo qaxay Eritrea ee qaxootiga ku ahaa gobolkaas. Hoggaamiyaha TPLF wuxuu sheegay: “Anigu waxaan isleeyahay tacaddiyada ka dhacay deegaanka Tigray, inti aan noolaa, horey uma arkin. Anigu ma aqaanno wax la mid ah ama wax ka sii xun iney waddamakala ka dhaceen.” “Marka dhibka dhacay ciddi ka dambeysay waa in wax laga weydiiyaa,” ayuu yiri. Qaraabada dadkii ay waxyeelada soo gaartay oo barooranaya “Waa in loo saaraa guddi caalami ah oo baara dambiyada dagaal ee deegaanka Tigray ka dhacay,” ayuu ku adkeystay hoggaamiyaha TPLF. “Annagu wixii dhacay waan diiwaan gelineynaa. Hay’adaha garsoorka ee aan leennahayna dhankooda kaalintooda ayey ka qaadaayaan, balse waa in cidwalba oo dhibkaas ka dambeysay ama geysatay caddaaladda la horkeeno si ay u noqoto mid ay wax ka bartaan jiilalka dambe”. Dagaalka Tigray oo billaawday 4-tii bisha November, sannadkii 2020-ka oo socda in ka badan 8 bilood, ayaan weli soo afjarmin. Dowladda Itoobiya aya bil ka hor ku dhawaaqday xabad-joojin hal dhinac ah, waxayna ciidamada ka saartay caasimadda gobolka Tigray ee Maqale iyo qayba badan oo deegaankaasi ka mid ah. Dowladda Mareykankana waxay xoogagga TPLF ugu baaqday inay joojiyaan dagaalka ay dhul hor leh uga qabsaneyso deegaannada Amxaarada iyo Canfarta. Balse TPLF ayaan dhag u dhigin baaqa Mareykanka uu u soo jeediyey. Qaran News

Addis Ababa (Caasimada Online) – Maamulka Oramada ayaa war ka soo saaray xaalada dagaalada TPLF ee ka socda deegano ka tirsan gobalkada Oramada. Shemelis Abdisa, oo ah madaxweynaha Oromia ayaa sheegay in aysan fiirsan doonin colaadda dadkiisa ay ku haayan xoogagga Tigrayga. Shemlis ayaa sidoo kale xusay in ay dhawaan qaadi doonaan dagaalka ka dhan ah Jabhadda dib u soo laba kacleysay ee TPLF. “TPLF ma u ogolaan doonno in ay sii waddo xadgudubyada ay ku heyso dadkeena,” ayuu yiri madaxweynaha maamulka Oromia. Abdisa ayaa hadalkaan ka sheegay isku soo bax balaaran oo shalay galinkii dambe ka dhacay Meskel, halkaas oo ay shacabka Oromia ku sheegen in ay ka banaanbaxayaan dagaalka socda. Madaxweynaha Oromia ayaa sidoo kale intaas hadalkiisa ku sii daray “Kooxda argagaxisada ah ee TPLF waxa ay toogasho ku dishay dhallinyaradii dalka,waxa ay sidoo kale boobeen hantidii dadka”. Dagaalka TPLF iyo xukuumadda Abiy ayaa soo laba kacleyay bishii May kadib markii ay jabhadda dib ula wareegtay caasimadda Tigray ee Make’lle. The post Wararkii ugu dambeeyey ee dagaalka Itoobiya iyo go’aan kasoo baxay Oromada appeared first on Caasimada Online.

Qaran News

Golaha Amniga oo Maanta ka doodaya Amniga badda Somalia Golaha Ammaanka ee Qaramada Midoobey ayaa maanta lagu wadaa in uu qabto dood furan oo looga hadlayo amniga badda Soomaaliya. Wakiilka gaarka ah ee xoghayaha guud ee Qaramada Midoobey ee arrimaha Soomaaliya James Swan ayaa Golaha Amniga warbixin ka siin doonaa arrimaha amniga ee xeebaha Soomaaliya, sida lagu soo qoray barta Twitter-ka ee xafiiska Qaramada Midoobey ee qaabilsan nabadda iyo siyaasadda. The Security Council will hold an open debate to discuss maritime security on Monday, 9 August. @UNSomalia Special Representative James Swan will update the Council on the situation in #Somalia on Thursday, 12 August. pic.twitter.com/440JOUeqK9 — UN Political and Peacebuilding Affairs (@UNDPPA) August 8, 2021 Qaran News

Warbixin Xasaasiya:Sheeko laga qoray nin Soomaaliya oo lagu daldalay Britain Maxamuud Mataan, oo si caddaaalad daro ah loo daldalay Bishii September 1952, qofkii ugu dambeeyay ee lagu daldalay Cardif, Britain, ayaa meeshii lagi dilayay la saaray. Maxamuud Mataan ayaa si khalad ah loogu hlay dembi ahaa in uu dilay qof dukaan iibinayay oo lagu magacaabay Lily Volpert, oo ku sugnayd Tiger Bay ee Cardiff. Nadifa Maxamed oo buug ka qortay sheekada ninkan waxay sheegtay in arrinta ay ku dhalisay ka dib markii qeyb ka mid ah buuggeeda mala-awaalka ah ee The Fortune Men, ay kaga hadashay sheekada Maxamuud Mataan. Balse, Nadifa Maxamed, ayaa la yaabtay markii ay ogaatay in qofkii ugu danbeeyey ee lagu daldalo gobolka Wales, ee dalka Britain, uu ahaa Soomaali. Inta badan Soomaalida Britain u safartay waxay halkaas gaareen wixii ka dambeeyay 1990-kii, Nadifa-na ma aysan qiyaasi karin in Soomaalida ay halkaasi ku sugnayeen muddo ka badan boqol sano. “Horay way u jireen sheekooyiin la xiriiray dhibbaneyaal ay booliska ku xadgudbeen, balse sheekadiisa way ka sii fogey arrimahaas, shaqsi ahaan,” ayey tiri. “Dadka yaqaana waxay sheegaan in uu ahaa qof adag oo dhiiran, kuna faraxsanaa in uu difaaco xuquuqdiida iyo xaqa dadka ku hareereysan”, ayey tiri Nadiifo. “Waxaan aaminsanahay in taas ay qeyb ka ahayd sababta booliska ay isaga u bartilmaameedsadeen in ay ahayd in dusha loo saaro dembiga ugu dambeeya ee ugu wayn ee halkaas ka dhaca.” Labadaba, Nadifo aabeheed, Maxamed iyo Maxamuud waxay ku dhasheen Somaliland, waxayna isla kulmeen markii ay u safrayeen Hull oo UK ah. “Labadoodaba waxay la socdeen Ciidanka Badda, balse nolol ahaan waxay kala qaadeen laba dhabbo. Aabahey wuxuu dhahay in Maxamuud oo ahaa qof iska caadi ah oo keli-ahaanshaha jecel,” ayey tiri. Guddiga qiimeeya buugaagta ee The Booker Committee, ayaa la filayaa in buugga ay qortay Nadiifa ee The Fortune Men, ay ku soo daraan kuwa la xushay ee Bisha September ee sannadkan, abaalmarintana waxaa la bixin doonaa bisha November. Qoraa Nadiifa Maxamed aabeheed wuxuu garanayay Maxamuud Mataan. Balse, sheekada Maxamuud Mataan, ayaa markaad u fiirsataba, waxay ku tusineysaa arrin weyn oo midab takoor iyo caddaalad darro maxkamadeed ah, taasoo ahayd noolasha Soomaalidii badmaaxiinta aheyd ee u talaabtay Britain. Sheekada ayaa bilawgeedu waxey aheyd wada sheekeysi kulan casho ah. Ma garan karo sida uu mawdhuucu u bilawday, ha yeeshee innagoo kasii baxeyna goobtii maqaayadda, saaxiibadeey ayaa soo hadal qaadey magaca Maxamuud Mataan, kaas oo la daldaley sanadkii 1952-dii, markaa – anigu indhaheyga waxey ku dheegageen saaxiibadey, halkaas ayeynu ka amba qaadnay sheekadan qotada dheer, ee aadka u qalafsan – maxaa xiga markaa. Aad baan uga argagaxay, haddana way i soo jiidatey sheekada. Saacadihii ka dhinnaa habeenkaa waxey sheekadan ka dhex baarney wixii laga hayo aaladda wax lagu baadi goobo ee Internet-ka ee Google, innagoo isku dayeyna inaan ogaano xogta iyo warbixinada ku saabsan sheekadan murugada leh. Markaan sii aqriyaba sheekada Mataan, waxaan ogaanay taariikhda dheer ee ay leeyihiin dadkayga ku nool Britain. Markii aan ku soo dhex barbaarayey, qoysaska Soomaaliyeed dhexdooda, kuwaas oo xooggoodu yimid halkan sanadihii sagaashameeyadii “1990-kii” illaa iyo labaddii kun “2000”, ma maqal qof soo hadal qaadayo in Soomaalidu joogeen in ka badan qarni, oo arrintaasi waxba kama ogayn. Sheekada Mataan ayaa ku bilaabatey fiidka maalintii ay ku beegneyd 6-da March, 1952-dii, markii la dilay haweeney ka shaqeysata dukaankeeda oo la yiraahdo, Lily Volpert, kaasoo ku yaaley Butetown, Cardiff. Ciidanka booliiska ayaa durbadiiba markii uu falka dhacay joojiyey dhammaan maraakiibtii ka baxeysay dekedda, waxey bilaabeen iney ugaarsadaan gacan ku dhiiglihii. Butetown, waxaa sidoo kale loo yaqaanay Tiger Bay ama The Docks. Waxey aheyd goob ay ku nool yihiin dad kala dhaqamo ah, taas oo mahadeeda ay lahaayeen badmaxiintii, kuwaasoo halkaasi u tagey iney ka xoogsadaan, kana kala yimid qeybo kala duwan oo ah goobihii ay ka talineysay boqortooyadii Britain – oo ay kamid ahayd Somaliland. Soomaaligii ugu horeeyey ee yimid Cardiff waxaa la diiwaan galiyey inta la og yahay qarnigii labaatanaad, ka gadaal markii la furey Kanaalka Suez. Ha yeeshee way yaraayeen illaa iyo intii laga soo gaarayey 1914-kii, markii uu bilawday dagaalkii koowaad ee dunida, waxaa kordhay baahida loo qabo dadka xoogga leh, si loogga faa’iideysto xooggooda shaqooyinka adeegga ku saleysan. Ragga ayaa ka shaqeyn jirey maraakiibta ganacsiga kala daabusha, kuwaas oo matoorradooda ay isticmaali jireen dhuxusha. Waxey awood u heleen raggani iney shaqeystaan, oo lacagihii ay heleen dib ugu diraan dalkoodii, adduunyadana goobo kala duwan oo badan ay arkaan. Raggani waxey ahaayeen dad reer guuraa ah, wax dhib ah kuma aysan qabin safarka ku saleysan guur guuridda. Waxaa jirta maah maah Soomaaliyeed oo oraneysa “Nimaan dhul marin, dhaayo ma leh,”. Ma jirin caddeyn lagu hayay Maxamuud Mataan. Intii lagu guda jirey sanadihii dagaalka koobaad ee dunida, 1914 illaa iyo 1918-kii, Warsame aabihii iyo Soomaalidii kale ee ay badmaaxiinta isla ahaayeen way hodmeen, sida ay sameeyeen kuwii kale ee tegay Yemen, iyo qeybaha kale ee dunida ee hoos tegi jiray boqortooyada Britain. Si kastaba ha ahaatee, dhamaadkii dagaalka, waxaa dib u soo noqday badmaaxiin badan oo Britain u dhashay, waxey sidoo kale u baahdeen shaqo. Taasina waxay sababtay in markii ugu horreysay ay billawdaan dibedbaxyo midib takoor ku salaysan oo ka dhacay Cardiff iyo Liverpool. Raggii caddaanka ee shaqo doonka ahaa waxay weerar ku ekeeyeen dadkii madoobaa iyo guryihii ay ku noolaayeen, ayey tiri Nadifa Maxamed, oo ah qoraa asal ahaan Soomaaliya ka soo jeeddo balse British ah, taas oo ka shaqeyneysa sidii ay usoo saari laheyd buug ka hadlaya Maxamuud Mataan, “halka Soomaalidii, iyo madowgii kale ee ku dhaqnaa goobtii uu weerarka ka dhacay ay iska caabiyeen kuwii soo weerarey”. Waxaa muuqatey in weerarka kadib dadkii qaarkood ay isaga tagaan goobtaasi, laakiin kuwa kale ayaa ku harey goobtii, kuna adkeystay iney sidoodii usii noolaadaan, waloow shaqooyinkii la heli jirey ay hoos u dhaceen. “Noolaanshaha Cardiff, waxey badey badmaaxiintii ajnebiga ahayd iney ku ekaadaan guryo ay lahaayeen shirkadihii maraakiibta, kuna hoos noolaadaan nidaam kudhisan faquuq, kaasoo xadiday fursadaha shaqo ee ay heli karayeen, goobaha ay tagi kari lahaayeen,” sida ay sheegtay Nadifa Maxamed. “Inkastoo ay noolashu adkayd, waxey halkaasi ka abuurteen noolol hor leh, taas oo ka dhalatay goobaha ay degganaayeen dadka dhaqamada kala duwan leh. Waxey sameysteen maqaayada, masaajido, iskuullo ku dhisan nidaamka Islaamiga ah, iyo hanaan ay isku garab qabtaan. Maxamuud Mataan, ayaa Butetown gaaray sannadkii 1940-kii. Wuxuu ku dhashey maammulkii Somaliland ee Britain hoostegi jiray ee sanadkii 1922-kii, isagoo raacayay raadka dadka kale ee bulashadiisa, ayuu helay shaqo markab. Sannadkii 1945-tii waxey is barteen Laura Williams, oo aheyd gabar 17 sano jir ah oo kasoo jeeda dooxada Rhondda, taas oo ka shaqeyneysay warshad sameysa warqadaha, saddex bilood kadibna wayba is guursadeen. Tacadiyada ka dhanka ah qoyskan ayaa noqday kuwo aad u sarreeya “xitaa waxaa dhibaato noqotay inay waddooyinka wada socdaan, sababtuna waxay ahayd waxaa dhibaateynayay ragga iyo dumarkaba,” ayey intaa raacisay Nadifa. Labadan qof ee is calmadey waxey dhaleen saddex carruur ah, ha yeeshee waxaa aad ugu adkaaday iney helaan goob ay si wadajir ah ugu wada noolaadaan oo bulshaduna u ogoshahay. Markii uu dhacayay fal lagu dilay haweeney lagu magacaabi jiray Lily Volpert, qoysaskani ma wada nooleen. Butetown, oo xilligaas loo garanayay Tiger Bay, waxay ahayd meeshii soo jiidatay shaqaale caalami ahaa oo ku kala sugnaa daafaha caalamka, sida dadkii ku noolaa deeggaannadii Britain ay gumeysatay ee Soomaaliya. Lily Volpert waxey ku jirtay da’da afartameeyada, waxay lahayd dukaan ku yaalla waddada Bute, kaasoo aan ka fogeyn xeebta ay kuxirtaan maraakiibta. Xilli fiid ah 6-dii March, 1952-dii, meydkeeda ayaa laga helay dukaanka, iyadoo dhiig baxday, oo goorta loogga gooyey sakiin. Lacag lagu qiyaasay £100 oo haatan u dhiganta £3,000 – ayaa laga xaday dukaanka. Ciidanka booliiska ayaa su’aalo weeydiiyey dad badan, oo uu ku jirey Mataan. Wuxuu u sheegay inaanu ku sugneyn jidka Bute maalintii uu dilku dhacay, oo uu ku jirey shaneemada illaa iyo 7:30 fiidkii, kadibna uu tagey gurigiisa, ayuu u sheegay booliiska. Laakiin ma jirin qof laga heli karo cadeyn ah halka uu Mataan ku sugnaa 8.15 fiidkii, markii uu dhacay falkii dilka ahaa. Qof u dhashay dalka Jamica, oo la yiraahdo Harold Cover, ayaa siiyey booliiska warbixin aroortii xigtay, isagoo sheegay in uu arkey nin Soomaali ah oo kasii baxaya goobta uu falka dilka ka dhacay ee dukaanka Volpert – kaas oo lahaa ilig dahab ah, koofi iyo jaakatna aan xirneyn. Ha yeeshee Mataan ma uusan laheyn ilig dahab ah, dadkii arkay maalinkaasi, ka hor falka dilka, waxay sheegeen inuu xirnaa koofiyad iyo jaakat. Waxaa dib laga ogaaday in ninka Jamaikan-ka markuu booliiska warbixin siinayey uu sidoo kale sheegay inuu arkey nin kale, kaas oo uu ku sifeeyey Taher Gass. Mataan waxaa la xirey markii Cover uu siiyey booliiska warbixin labaad, taasoo ka hor imaneysa tiisii koobaad – qoyskii ay ka dhalatey Volpert ayaa balan qaadey £200 oo abaalmarin ah ciddii soo gudbiso warka arrintaasi la xiriira. Markii la gaarey maxkamaddii, Cover wuxuu sheegay inuu arkey Mataan oo kasii baxaya dukaanka markii ay saacadu aheyd 8.15 fiidnimo. Booliiska qaarennadii difaacayay Mataan waxay ka qariyeen in afar qof oo goobta ku sugnayd marka uu dilka dhacayay ay dhamaantood sheegeen in Mataan aanay goobta ku arag, iyo weliba in gabar 12 sano jir ah oo meesha joogtay ay sheegtay in Mataan uusan meesha tegin maalintaas. Qoys ku noolaa Tiger Bay, 1939 Waxaa sidoo kale nasiib darro ahayd in xitaa qareenkii difaacayay Mataan T E Rhys-Roberts, hadalkii ugu dambeeyay ee maxkamadda ka jeediyay uu ahaa in Mataan yahay “canug dhiman oo ilbaxnimadiisa aysan kaamil ahayn”. Mataan waxaa lagu helay danbi waxaana lagu xukumay dil,Waxaa laga diiday inuu xukunka ka qaato wax racfaan ah, iyadoo lagu daldalay xabsi ku yaalla Cardiff 3-dii September, 1952-dii. Harold Cover, oo ahaa ninkii ku marqaati furay Mataan, ayaa muddo kadib la xirey, isagoo lagu xukumay xabsi daa’in, ka dib markii lagu soo eedeeyey inuu isku dayey inuu gabadhiisa qoorta ka gooyo isagoo adeegsanaya sakiin, halka Taher Gass, oo ahaa isagana ninkii lagu tilmaamay inuu ku sugnaa dukaanka uu dilka ka dhacay, lagu soo oogay dambi ah inuu qof toorrey ku dilay, balse wax dambi waa lagu waayay. Xaaskii Mataan, Laura, looma sheegin markii la dilayey ninkeedii, waxayna ogaatay mar ay booqatay xabsigii uu ku xirnaa. Markaas kaddibna iyada waxaa u billawday dadaal sanado badan socday oo ahaa sidii ay ku caddeyn lahayd in ninkeeda uusan gelin dembiga loo daldalay. “Wuxuu hubay in la ogaan doono in meel un ay wax iska daba-mareen, afka Ingriiska si wanaagsan kuma hadli Karin, balse waxaa ku celcelinayay “qof dumar ah ma dilin”, sidaasi ayay Laura u sheegtay wargeysaka The Independent sanadkii 1997-dii. “Ilaa maalintii ugu dambeysay waxaan aaminsanaa inay sii deyn doonaan, laakiin ma aaney sameyn, oo wey daldaleen. Markii falkaasi daldalaada ay ku kaceen kaddib, waxaan isku xirey qolkeygii anigoo ay i wehliyaan caruurteedii, muddo dheerna waxaan u maleyn jiray inaan mar un arki doono, wuxuu ahaa nin wanaagsan iyo aabe wacan, badda ayuu ka shaqeysan jiray, si uu noolol u kasbado, markii dambena wuu iska dhaafay, oo wuxuu ii sheegay inuu rabay inuu la joogo carruutiisa intay ka korayaan,” Dukaanka uu dilka ka dhacay Isku daygii ugu horeeyey ee ay qoysku ku doonayeen in xukunkii dhacey la baabi’iyo waa laga diidey, laakiin kiiskani wuxuu noqday kii ugu horeeyey oo loo gudbiyo guddiga dib u eegiska kiisaska ee la dhisay sanadkii 1990-kii. Ugu danbeyntii xukunkii waa la buriyey sanadka markii uu ahaa 1998-dii. Lord Justice Rose ayaa ku tilmaamey kiiskani “mid ay caddahay inuu khaldanaa,” isagoo sheegay in ay meesha ka maqanayd wax cadeyn ah oo Mataan la xiriirinayay inuu isaga dilay Lily Volpert. Qoyskii Maxamuud Mataan ayaa waxaa loo xukumay magdhaw gaaraya 1.4 million oo giniga Ingriiska ah, Waa markii ugu horeysay oo ay wasaaradda arrimaha gudaha Ingiriiska magdhaw siiso qoyska qof si qald ah loo daldalay. Jaldiga buugga The Fortune Men ee Nadiifa ay qortay. Xaaskii Mataan, ee Laura, waxay dhimtay 10 sano kaddib xukunkaasi. dhammaan carruurtiina waxay wada dhinteen balse waxaa weli Cardiff ku nool carruurtii ay sii dhaleen. Sanadkii 1996-dii, labo sano ka hor intaan Mataan la bari yeelin, ayaa meydkiisa laga soo bixiyey qabuuro khaas ah oo ku yaalla xabsiga, waxaa lagu aasey qabuuraha Cardiff. Waxaa qabrigiisa lagu dhejiyay dhegax lagu qoray “caddaalad darro ayaa lagu dilay”. Qaran News

Mogadishu ( PP News Desk) — The Press Statement from the Somali Federal Government has sent the message that incumbent Federal Government’s talks with Kenya Government is confined to exploring ways to improve relations between the countries, says a Mogadishu-based political analyst. On Saturday, Villa Somalia moved to fend off accusations that Somalia was signing secret agreements with Kenya. Villa Somalia Statement stressed that the role of the incumbent government was to ensure continuity of services, and that it had no a mandate to enter into agreements with foreign countries until the Presidential Elections take place in October. The Cabinet Secretary for Foreign Affairs of Kenya, H.E. Ms. Raychelle Omamo with Somalia Foreign Minister Mohamed Abdirizak in Mogadishu yesterday. The joint statement signed by the Somalia Foreign Minister Mohamed Abdirizak and the Kenya Cabinet Secretary for Foreign Affairs Raychelle Omamo emphasises “a framework through which the two counties will undertake comprehensive discussions” under a Joint Commission for Cooperation. Raychelle Omamo held a meeting with the Somalia President Mohamed Abdullahi Mohamed at Villa Somalia. “Both President Mohamed and Prime Minister Roble share a common view on normalizing relations with Kenya without making the government susceptible to accusations for selling out at a time Somalia is heading for elections” said Mohamud Ali, a political journalist in Garowe. © Puntland Post, 2021 The post Statement from the Federal Government “Assures Villa Somalia” appeared first on Puntland Post.

Wasiirada Arrimaha Dibadda Soomaaliya Maxamed Cabdi iyo Wasiirka arrimaha dibadda kenya Raychelle Omamo, ayaa si wadajir ah u furay Safaaradda Kenya ee Muqdisho, kaddib lix bil oo Safaaradda xirneyd, markii uu xumaaday xiriirka labada dal. Omaamo ayaa booqasho ku timid magaalada Muqdisho kadib markii ay casuumaad ka heshay xukuumadda Muqdisho. Haweneydaan ayaa sidoo kale kulama la qadatay mas’uuliyiin uu ka mid yahay ra’iisul wasaaraha dalka Maxamed Xuseen Rooble. Omaamo ayaa Soomaaliya la furtay wadaxaajood la xiriira in dib loo soo celiyo cilaaqaadka labada dowladood oo muddo xumaa. Goobjoog News Source: goobjoog.com