-
Content Count
212,135 -
Joined
-
Last visited
-
Days Won
13
Posts posted by Deeq A.
-
-
Muqdisho (Caasimada Online) – Siyaasiyiin waaweyn ayaa ka soo hadlay geerida Allaha u naxariistee Xildhibaan Aamino Maxamed Cabdi oo caawa lagu dilay Beledweyne, waxayna ka mideysan yihiin tuhunka ay gelinayaan in dilka Aamino ay soo maleegtay kooxda Farmaajo.
Madaxweynihii hore ee HirShabeelle Maxamed Cabdi Waare ayaa si toos ah Villa Somalia farta ugu fiiqay, sidoo xildhibaanada kala ah, Cabdiraxmaan Cabdishakuur, Mahad Salaad, Axmed Macalin Fiqi, Macalimuu iyo bulsho kale oo aad u badan ayaa qoraalo ka soo saaray geerida Marxuum Aamino.
Ugu horeyn Madaxweynihii hore ee HirShabeelle Maxamed Cabdi Waare ayaa qoraal uu soo saaray wuxuu ku yiri, “Waxaa caadi ah miyaa in dadka dhaliila Villa Somalia ay dilaan Al-Shabaab. Miyaan aqbalnaa oo horey u soconaa? Hadda yaa ah Al-Shabaab. Khaarijintaan waxaa fuliyey Villa Somalia, wax kale ma jiraan. Allah ha u naxariisto xildhibaan Aamina.”
Cabdiraxmaan Cabdishakuur ayaa yiri, “Aamino waxay aheyd shakhsi dulmiga diiday, caddaaladda u hiilliyay una taagnaa difaaca xuquuqda muwaadinka, taasina waxay ka dhigtay geesiyad ku nool damiirka shacabka Soomaaliyeed. Maanta ayaan ka digay weerarrada abaabulan ee lagu beegsanayo dadka dulmiga diiday ee difaacayay xuquuqda muwaadiniinta, si loo cabsi geliyo inta aamusan, ama ku fekeraysa in doorashada soo socota ay isbeddel ka u hiiliyaan.”
Qoraalka Cabdiraxmaan ayaa intaas ku sii daray, “Mar kale ayaan ku celinayaa, Raysalwasaare Rooble iyo xukuumaddiisa waa in ay qaadaan tallaabooyin masuuliyadda amniga looga saarayo gacanta kuwa argagexisada la shaqaynaya ama ku hawlan fulinta ajandayaasha shakhsiga ah. Haddii aydaan qaadi karin, fadlan dadka yaan la hoosaasin oo u caddeeya in aadan awoodin.”
Xildhibaan Mahad Salaad ayaa yiri, “Ikraan Tahliil way marjiyeen, Aamino way isku miidaamiyeen, shaki maleh inay laba Shabaab wada shaqeeyaan.”
Xildhibaan Maxamed Ibraahim Macalimuu ayaa isna yiri, “Aamina ka sokow in ay aheyd haweeney aqoonyahan ah , dhiirran, u taagneyd Difaaca iyo u qareemidda gabdhaha hadane waxa ay aheyd Macalin iyo barbaariso. 10 sano ka hor wareysi aan ka qaaday waxa ay dhiirrigalineysay waxbarashada gabdhaha. Waa in si dhab ah loo baaraa ,loona soo helaa dhagar qabayaashii ka danbeeyay dilka Xildhibaanadda.”
Xildhibaan Aamino oo qof naftiisa haligay uu isku qarxiyey ayaa mar kale lagu beegsaday gaari laga soo buuxiyey waxyaabaha qarxa, kaas oo lagu dhuftay gaari lagu siday meydadka iyo dhaawacyada Xildhibaan Aamino iyo askartii ilaalineysay, halkaas waxaa ku dhintay dad uu ku jiro Xildhibaan hore Cali Cabdi Dhuxul oo hadda ahaa musharax xildhibaan, sidoo kale waxaa la xaqiijiyey dhaawaca wasiirkii hore ee waxbarashada Soomaaliya Cabdiraxmaan Daahir Cismaan.
The post Dilka Xildhibaan Aamino Maxamed oo lagu eedeeyey Villa Somalia appeared first on Caasimada Online.
-
MOGADISHU (HOL) - At least three people were killed, more than three others injured when two simultaneous explosions rocked Beledweyne, the capital of Hiiraan region tonight.
-
Ra’iisalwasaaraha xukuumadda federalka Maxamed Xuseen Rooble ayaa ka tacsiyeeyey geerida allah unaxariistee Xildhibaan Amina Maxamed Cabdi oo lagu dilay magaalada Baladweyne ee xarunta gobolka Hiiraan, waxaana qoraal kooban uu soo dhigay baraha bulshada uu ku yiri.Halkaan Ka AkhrisoWaxaan erayada ugu adag ku cambaareynayaa falkii argagixiso ee caawa lala beegsaday Allaha u naxariistee xildhibaan Aamina Maxamed Cabdi oo lagu dilay Baladweyne.Waxaan murugada la qeybsanayaa ugana tacsiyeynayaa qoyskeedii iyo guud ahaan Ummadda Soomaaliyeed geerida Xildhibaan Aamina.Waxaan farayaa hay’adaha amniga ee ku shaqada leh in ay baaritaan waafi ah ku sameeyaan sidii uu u dhacay falkan waxshinimo ee lagu dilay xildhibaanadda.Xildhibaan Aamina oo tusaale u ahayd matalaadda shacabka iyo baadi doonka caddaaladda, waxay dadkeeda iyo dalkeeda ugu soo shaqeysay sida ugu wanaagsan ee karaankeeda ah.Waxaan Eebbe uga baryayaa in uu jannadii Firdows ugu deeqo, ehelkeeda iyo ummadda Soomaaliyeedna samir iyo iimaan ka siiyo.Goobjoog News -
Muqdisho (Caasimada Online) – Ra’iisul Wasaaraha Soomaaliya Maxamed Xuseen Rooble oo war ka soo saaray geerida Xildhibaan Aamino Maxamed Cabdi ayaa amray in baaritaan deg deg ah lagu sameeyo qaabkii loo dilay Xildhibaanka.
Rooble ayaa qoraal uu soo saaray waxuu ku sheegay in Xildhibaan Aamino ay tusaale u ahayd matalaadda shacabka iyo baadi doonka caddaaladda.
“Waxaan farayaa hay’adaha amniga ee ku shaqada leh in ay baaritaan waafi ah ku sameeyaan sidii uu u dhacay falkan waxshinimo ee lagu dilay xildhibaanadda. Xildhibaan Aamina oo tusaale u ahayd matalaadda shacabka iyo baadi doonka caddaaladda, waxay dadkeeda iyo dalkeeda ugu soo shaqeysay sida ugu wanaagsan ee karaankeeda ah,” ayuu yiri Rooble.
Qoraalka Rooble ayaa intaas ku sii daray, “Waxaan erayada ugu adag ku cambaareynayaa falkii argagixiso ee caawa lala beegsaday Allaha u naxariistee xildhibaan Aamina Maxamed Cabdi oo lagu dilay Baladweyne. Waxaan murugada la qeybsanayaa ugana tacsiyeynayaa qoyskeedii iyo guud ahaan Ummadda Soomaaliyeed geerida Xildhibaan Aamina.”
Dhankiisa Farmaajo ayaa qoraal uu ka soo saaray geerida Xildhibaan Aamino waxuu ku yiri, “Innaa Lillaahi Wa Innaa Ilayhi Raajicuun. Waxaan ka tacsiyaynayaa geerida Alle ha u naxariistee Xildhibaan Aamina Maxamed Cabdi oo ay caawa argagixisadu cadowga ku ah nolosha iyo jiritaanka ummadda ay ku dishay magaalada Beledweyne. Qoyskeeda, Qaranka iyo dhammaan ummadda Soomaaliyeed waxa aan uga tacsiyeynayaa geeridaa tiiraanyada badan leh.”
Xildhibaan Aamino oo qof naftiisa haligay uu isku qarxiyey ayaa mar kale lagu beegsaday gaari laga soo buuxiyey waxyaabaha qarxa, kaas oo lagu dhuftay gaari lagu siday meydadka iyo dhaawacyada Xildhibaan Aamino iyo askartii ilaalineysa, halkaas waxaa ku dhintay dad uu ku jiro Xildhibaan hore Cali Cabdi Dhuxul oo hadda ahaa musharax xildhibaan, sidoo kale waxaa la xaqiijiyey dhaawaca wasiirkii hore ee waxbarashada Soomaaliya Cabdiraxmaan Daahir Cismaan.
The post Rooble iyo Farmaajo oo ka hadlay dilka Xildhibaan Aamino iyo amar ka soo baxay … appeared first on Caasimada Online.
-
MOGADISHU (HOL) - Outgoing MP Amina Abdi was this evening killed in a bomb attack in Beletweyne.
-
Qaraxyo is-xigxiga ayaa caawa ka dhacay magaalada Beledweyne, kuwaas oo sababay khasaare isugu jira dhimasho iyo dhaawac oo soo gaaray dad ay ka mid yihiin musharaxiin xildhibaano raadinayay.
Qaraxa koowaad oo ahaa mid uu fuliyay qof isku soo xiray walxaha qarxaya ayaa ka dhacay afaafka hore ee maadxtooyada Beledweyne, waxaana lagu dilay xildhibaan Aamina Maxamed Cabdi oo ka mid ah ahayd Baarlamaanka 10-aad ee muddo xiloodkood dhammaaday, hadana u sharaxnayd kursiga ay ku fadhiday.
Sidoo kale labo qarax oo kale iyo rasaas xoogan ayaa laga maqlay gudaha magaaalda Beledweyne, waxayna xaaladda magaaladu tahay mid kacsan.
Isbitaalada magaalada ayaa la gaarsiiyay dhaawac kala duwan, welina lama oga khasaaraha rasmiga ah ee dhashay qaraxyadaas.
PUNTLAND POST
The post Qaraxyo ka dhacay Beledweyne iyo xildhibaan hore oo ku dhintay appeared first on Puntland Post.
-
Allah unaxariistee waxaa caawa magaalada Baladweyne ku geeriyootay Xildhibaan Aamino Maxamed Cabdi oo ka tirsaneyd Baarlamaankii 10-aad ee Jamhuuriyadda federal Soomaaliya , kadib qaraxyo kadhacay magaalada.
Xildhibaanadda ayaa geeriyootay, kadib markii ruux naftii hure ah oo watay walxaha qarxa uu isku qarxiyey iyada iyo ilaalo la socotay, meel aan ka fogeyn xerada Lamagalaay oo ay ka socotay doorashada golaha shacabka.
Xildhibaan Aamina ayaa waxaa ay maalmihii tagay kamid aheyd dad u dooday sidii ay cadaalad u heli laheyd marxuumad Ikraan Tahliil Faarax oo ku maqan gacanta Hey’adda sirdoonka NISA sida ay sheegeen ehelkeeda.
Geerida xildhibaannadda ayaa waxaa ka tacsiyeey xildhibaanno kala tirsanaa Baarlamaankii 10-aad, xildhibaan Aamina ayaa waxaa ay maalmahaan ku sugneyd magaalada Baladweyne oo ay deegaan dooshadeedy ay tahay.
Goobjoog News
-
-
-
Magaalada Baladweyne ee axarunta gobolka Hiiraan ayaa waxaa lagu soo gabagabeeyey doorashada kursi ka tirsan golaha shacabka Baarlamaanka 11-aad ee federalka Soomaaliya, kaas oo tirsigiisu yahay HOP#063, kaas oo Baarlamaankii hore ee ku fadhiyey Cabdullaahi Goodax Bare, wasiirkii hore ee waxbarashada Soomaaliya.
Kursigaan ayaa waxaa uu ahaa mid furan waxaana ku tartamay dhowr musharrax, kuwaas oo gaaray , waxaana dhacday in Cabdullahi Goodax uu kamid ahaa tiro musharraxiin ah, kuwaas oo ku ray wareega hore, waxaana u gudbay labaad musharrax ee ugu dodka badanaa Abdirizak abdullahi maclin ciid iyo Maxamed Daahir Aadan.
1. ABDULLAHI Goodax Baree Waxuu helay 10 cod.2. Cabdi Afrax Guure waxa uu helay Waxuu helay 2 cod.3. Cabdirisak moalim Ciid waxa uu helay 20 cod.4. Daahir xaaji Aaden wada uu helay 32 cod5. Ibraahim habeeb NUUR waxa uu helay 5 cod6. Hiireey Ahmed Rooble waxa uu helay 8 cod7. Maxamed Idle sabriye waxa uu helay 10 cod8. Nadar Tabaax Maalin waxa ay heshay 9 cod.9. Yoonis Khaliif xasan waxa uu helay 1 cod.Waxaa loo baahday in la aado wareegii labaad waxaana guddigu uu sheegay in labada musharrax lagu kala saarayo codka hal dheerida ah, waxaana dhacday in wareegii labaad labada musharrax ay kala heleen Murashax Cabdirisak Ciid ayaa helay 56 cod oo ku guulaystay kursiga HOP#063,halka Daahir xaaji Axmed uu helay 44 cod, waxaa halaabay 1 cod.Goobjoog News -
Beledweyne (Caasimada Online) – Allaha u naxariistee waxaa caawa magaalada Beledweyne lagu dilay Xildhibaan Aamino Maxamed Cabdi oo si weyn ugu doodi jirtay cadaalad u helidda kiiska Ikraan Tahliil.
Qof naftiisa haligay ayaa la sheegay inuu isku qarxiyey Xildhibaan Aamino oo isla goobta ku geeriyootay. Waxaana gudaha magaalada goordhaw laga maqlay qaraxii 3-aad.
Qaraxa labaad waxaa la xaqiijiyey in loo adeegsaday gaari laga soo buuxiyey waxyaabaha qarxa oo lagu dhuftay gaadiid lagu siday dhaawacyada iyo meydadka Xildhibaan Aamino iyo askarteedii.
Xildhibaan hore Cali Cabdi Dhuxul oo ka mid ahaa musharaxiinta kursiga HOP#058 ayaa ka mid ahaa dadka waxaa lagu dilay qaraxa labaad, sidoo kale waxaa la xaqiijiyey dhaawaca wasiirkii hore ee waxbarashada Soomaaliya Cabdiraxmaan Daahir Cismaan.
Jawiga magaalada ayaa mar qura is bedelay, waxaana wahada laga saaray guud ahaan korontadii magaalada, khasaaraha qaraxyadaan ayaan la ogaa karin, waxaana hakad gashay doorashada kursiga HOP#011 oo xerada Lamagalaay ka socotay.
Xildhibaan Aamino oo caawa la dilay ayaa Beledweyne u tagtay inay u tartanto kursiga beesheeda oo horay ay ugu fadhisay, waxaana dilkeeda hareeyey shaki badan, maadaama ay u dakanowday kiiska Ikraan Tahliil oo si hagar la’aan ah ay ugu doodi jirtay.
Wixii ka soo kordha kala soco Caasimada Online
The post Xildhibaan Aamina Maxamed Cabdi oo caawa lagu dilay qarax ka dhacay Beledweyne appeared first on Caasimada Online.
-
Muqdisho (Caasimada Online) – Afhayeenka ciidanka booliska Soomaaliya Cabdifitaax Aadan Xasan oo warbaahinta la hadlay ayaa faahfaahin dheeraad ah ka bixiyey weerarkii ay maanta xubno ka tirsan Al-Shabaab ku qaadeen garoonka diyaaradaha Aadan Cadde ee magaalada Muqdisho.
Afhayeenka ayaa xaqiijiyey geerida laba qof iyo dhaawacyada lix kale oo isugu jira askartii weerarka ka hortagtay ee isugu jiray AMISOM iyo booliska Soomaaliya iyo sidoo kale dad shacab ah.
Dhanka kale Safaaradda Mareykanka ee Muqdisho ayaa qoraal ay soo dhigtay twitter-keeda waxay ku tiri, “Mareykanka wuxuu cambaareynayaa kuwa doonaya inay dilaan oo burburiyaan. Waxaan taageereynaa kuwa doonaya inay dhistaan Soomaaliya ammaan, barwaaqo iyo nabad ah. aan si wadajir ah u hormarino soo noolaynta Soomaaliya.”
Weerarka ayaa ka bilaawday irida hore ee Marina Gate, halkaas oo ay ku yaallaan goobo ganacsi, waxaana fuliyey laba nin oo ka tirsanaa kooxda Al-Shabaab., kuwaas oo mar dambe la toogtay.
“Goobta uu weerarku ka bilaawday ciidan kuma sugneyn, waxaa ku yaalla goobo ganacsi, oo hooyooyin Soomaaliyeed ay u soo shaqo tagaan subax kasta, hadda shaqada garoonka si caadi ah ayey u socotaa, wax hakad ahna kuma imaan oo goobta weerarkaas lagu fashiliyey dhowr KM ayey u jirtay,” ayuu yiri Afhayeenka booliska.
Siyaasiyiin badan ayaa ka falceliyey weerarkaan oo maanta ka dhacay banaanka ee hoolkii Farmaajo lagu doortay shan sano ka hor, taas oo waji gabax badan ku abuureysa damaca Farmaajo oo mar kale doonaya inuu noqdo madaxweynaha Soomaaliya. Xildhibaan Mahad Salaad iyo Cabdiraxmaan Cabdishakuur ayaa ka mid ah siyaasiyiinta qoraallada ka soo saaray weerarkaas.
Cabdiraxmaan Cabdishakuur oo fariin u diray xukuumadda ayaa yiri, “Waa in Xukuumaddu qaaddo tallaabooyin muuqda oo dib u habayn lagu sameeyo hoggaanka hay’adda amniga, xilkoodana loo dhiibo shakhsiyaad lagu aamino karo amniga dalka, farahana kula jirin siyaasadda iyo doorashooyinka. Haddii aysan taasi degdeg u dhicin, waxaa ka dhalanaya in shacabku idinka iyo dawladnimada oo idilba uu ka aamin baxo.”
Dhankiisa Xildhibaan Mahad Salaad ayaa yiri, “5 sano kahor Hangarkii Afisyoone lagu doortay xukunka dalkana lagula wareejiyay ayaa maanta xabadi ka dhex socotaa. Duulimaadyadii gudaha iyo dibeda ayaana mar qur ah istaagay, dhowr iyo toban sano meel Shabaab waligood aysan imaanin ayay maanta ka dhex dagaalamayaan. Farmaajo dal iyo dad midna lagama dhaxli doono ee hanbada hartay halaga badbaadiyo!.”
Hoos ka daawo afhayeenka Booliska
The post Booliska DF iyo safaarada Mareykanka oo war cusub ka soo saaray weerarkii Xalane appeared first on Caasimada Online.
-
Beledweyne (Caasimada Online) – Waxaa lasoo gabagabeeyey doorashada kursiga #HOP063 oo ahaa kursigii ugu adkaa ee doorashadiisa ka dhacdo magaalada Beledweyne ee xarunta gobolka Hiiraan, taasi oo socotay saacado badan
Kursigaan oo ay u tartameen illaa 9 musharax oo uu ku jiray xildhibaankii ku fadhiyey kursigaas afartii sano ee lasoo dhaafay Cabdullaahi Goodax Barre ayaa waxaa ugu dambeyn wareega ugu dambeeyey tartamay Cabdirisaaq Cabdillaahi Ciid iyo Maxamed Daahir.
Wareegii ugu dambeeyey ayuu Ciid waxa uu helay codad gaarayo illaa 56 cod, halka musharaxii la tartamayey ee Maxamed Daahir uu helay 44 cod, wuxuuna guddiga sheegay inuu halaabay 1 cod.
Musharax laga guuleystay ee Maxamed Daahir ayaa waxay walaalo isku hooyo ah yihiin madaxweynaha Koonfur Galbeed Cabdicasiis Laftagareen, kaasi oo lacag badan ku bixiyey doorashada walaalkiis.
Maxamed Daahir ayaa wuxuu sidoo kale taageero weyn ka heystay Villa Somalia oo waqti badan gelisay inuu kursigaan kusoo baxo, balse ugu dambeyn waa laga adkaaday.
Dhanka kale, musharax ku guuleystay tartanka kursigaan ayaa wuxuu ka tirsan yahay xisbiga Himilo Qaran ee uu hoggaamiyo Sheekh Shariif Sheekh Axmed, kaasi oo u dabaa-ldegay guushiisa.
Kursigaan oo tartankiisa uu qaatay saacado badan ayaa kamid ahaa kuraasta Beesha Xawaadle ee taalay magaalada Beledweyne kuwaas oo muddo badan la isku heystay in shaqsiyaad gaar ah loo xiro iyo in si cadaalad ah loogu tartamo.
Madaxweynaha HirShabelle Cali Guudlaawe ayaa go’aan ku gaaray in kuraastaas Beeshaas ay noqdaan kuwa furan oo si caddaalad ah loogu tartamo, maadaama uu jiray khilaaf muddo badan u dhaxeeyey isaga iyo Beesha Kuraastaas leh.
The post Lafta-gareen iyo Villa Somalia oo guul-darro ay ka raacday doorashada kursigii Goodax appeared first on Caasimada Online.
-
Xildhibaan Cabdirisaaq Ciid
Cabdirisaaq Cabdullaahi Ciid ayaa ku soo baxay doorashada kursiga Hop#063 ee Beledweyne oo noqotay doorashadii ugu adkayd Golaha Shacabka ee ilaa hadda dhacda, taas oo gaadhay wareega saddexaad.
Kursiga waxaa ku tartamay 9 musharax oo 7 ka mid ah ay ku hareen wareegii koowaad, kuwaas oo ka mid ahaa Cabdullaahi Goodax Barre oo kursigan horay ugu fadhiyay.
Cabdirisaaq Cabdullaahi Ciid iyo Maxamed Daahir Xaaji Aadan oo wareegii labaad u gudbay ayaa isku cod noqday, kadib markii ay min 50 cod heleen, 1 codna xumaaday, waxayna taasi sababtay in loo gudbo wareega saddexaad.
Labada musharax ayaa markale wareega saddexaad ku tartamay, waxaana ugu dambeyn 56 cod ku guuleystay Cabdirisaaq Ciid oo ka tirsan xisbiga Himilo Qaran ee hoggaamiyo Sheekh Shariif.
Musharaxa laga guuleystay Maxamed Daahir Aadan oo ay isku hooyo yihiin Madaxweynaha Koonfur Galbeed Cabdicasiis Laftagareen ayaa taageero ka haysay Villa Somalia.
PUNTLAND POST
The post Yaa ku guuleystay kursigii uu ku fadhiyay Cabdullaahi Goodax Barre ee tartanka adag ka dhacay? appeared first on Puntland Post.
-
Police in Somalia say at least six people are dead after two gunmen attacked Mogadishu’s heavily guarded international airport Wednesday.
-
-
-
Muqdisho (Caasimada Online) – Siyaasiga Cabdiraxmaan Cabdishakuur Warsame oo ka hadlay weerarkii barqanimadii maanta lagu qaaday xerada Xalane ee magaalada Muqdisho, ayaa waxa uu la xiriiriyay hirdanka siyaasadeed ee dalka ka taagan.
Cabdiraxmaan Cabdishakuur ayaa waxa uu sheegay in weerarka Xalane uu bilow u yahay howl-galo maalmihii u dambeeyay si weyn looga digayay, isaga oo xusay in weerarkaas uu jawaab u ahaa in doorashada guddoonka Baarlamaanka lagu qabto teendhada Afisyoone.
“Al-Shabaab xoog kuma soo gelin gudaha, wayna cadahay in lala shaqeeyey, loona fududeeyey hawlgalka. Waxaa kaloo iyana muuqata in weerarkii maanta uu jawaab u ahaa farriintii ahayd in doorashada guddoonka Baarlamaanka lagu qabto teendhada Afisyoone,” ayuu Cabdiraxmaan ku yiri qoraal uu soo dhigay bartiisa Facebook.
“”Maalmahaan oo idil waxaa ina soo gaarayey digniino isi soo tarayey oo ku aaddan amnigeenna shakhsiga ah iyo in la qorsheynayo weeraro lagu qalqal gelinayo amniga, laguna abuurayo cabsi gelin. Weerarka maanta ka dhacay xerada Xalane waa billowgii hawlgalladaas.”
Waxa uu sheegay in dalka uu ku jira xilli xasaasi ah oo kala guur ah, isaga oo ku eedeyay in hay’adihii amnigana ay gacanta ugu jiraan koox aan sariig lahayn oo waddo kasta u maraya xaqiijinta dantooda shakhsiga ah, sida uu hadalka u dhigay.
Sidoo kale wuxuu ugu baaqay Ra’iisul Wasaare Rooble in uu tallaabo qaado, islamarkaana uu intaan ka badan indhaha ka laaban karin masuuliyada ka saaran dalka, gaar ahaan amniga iyo howlaha xil-wareejinta xiliga kala guurka ah.
“Waa in Xukuumaddu qaaddo tallaabooyin muuqda oo dib u habayn lagu sameeyo hoggaanka hay’adda amniga, xilkoodana loo dhiibo shakhsiyaad lagu aamino karo amniga dalka, farahana kula jirin siyaasadda iyo doorashooyinka. Haddii aysan taasi degdeg u dhicin, waxaa ka dhalanaya in shacabku idinka iyo dawladnimada oo idilba uu ka aamin baxo,” ayuu ugu dambeyntiina ku yiri qoraalkiisa Cabdiraxmaan Cabdishakuur.
Dhinaca kale, Xildhibaan Mahad Salaad oo kamid ah baarlamaanka Soomaaliya ayaa asaguna goor sii horeysay qoraal uu soo saaray ayaa sheegay in weerarka maanta lagu eekeeyay qeybo kamid ah xerada Xalane uu saameeyey duulimaayada gudaha iyo dibadda oo istaagay.
“5 sano kahor Hangarkii Afisyoone lagu doortay xukunka dalkana lagula wareejiyay ayaa maanta xabadi ka dhex socotaa. Duulimaadyadii gudaha iyo dibeda ayaana mar qur ah istaagay,” ayuu qoraalkiisa ku yiri xildhibaan Mahad Salaad.
Sidoo kale waxa uu Mahad weerar ku qaaday maamulka Farmaajo, isaga oo sheegay inay ayaan darro tahay in hoolkii lagu doortay 5 sano, ka hor ay maanta ka dhaceyso rasaas.
“Dhowr iyo toban sano meel Shabaab waligood aysan imaanin ayay maanta ka dhex dagaalamayaan. Farmaajo dal iyo dad midna lagama dhaxli doono ee hanbada hartay halaga badbaadiyo!.”
The post CC SHAKUUR oo weerarka Xalane la xiriiriyay qorshe siyaasadeed – Muxuu yahay? appeared first on Caasimada Online.
-
-
Ukraine oo war cusub ka soo saartay warshadda tamarta Nukliyeerka ee Chernobyl
Sida ay sheegeen saraakiisha Ukraine.Ciidamada Ruushka ee qabsaday warshadda tamarta Nukliyeerka ee Chernobyl ayaa “dhacay aadna u burburiyay” shaybaadh goobtaasi kuyaalay.
Wakaaladda dowladda Ukraine ee Maareynta Aagaasi ayaa sheegtay in Ruushku ay waxyeello u geysteen Shaybaadhka warshadda Nukliyeerka.
-
Muqdisho (Caasimada Online) – Ugu yaraan lix qof ayaa la xaqiijiyey inay ku dhinteen weerar ay Al-Shabaab ku qaadeen xerada Xalane ee magaalada Muqdisho, sida ay xaqiijiyeen booliska.
Afhayeenka booliiska Gaashaanle Cabdifataax Aadan Xasan ayaa sheegay in lixda qof ay shan ka mid ah yihiin ajaanib, islamarkaana uu ku jiro askari ka tirsan ciidamada AMISOM. Qofka lixaad ayaa ah Soomaali.
Waxa uu intaas ku daray in dadka dhintay ay sidoo kale ku jireen tababarayaal ka caawiya dawladda dhinaca tababarka qaraxyada, balse ma uusan shaacin dalalka ay kasoo jeedaan.
Afhayeenka ayaa sheegay in weerarka ay qaadeen laba ka mid ah kooxda Al-Shabaab, islamarkaana iminka la dilay. Warar aan la xaqiijin ayaa sheegaya inay suurta-gal tahay in ragga weerarka fuliyey ay gaarayaan afar.
Khasaaraha ayaa laga cabsi qabaa inuu intaas ka bato, waxaana weerarkan, oo ay sheegatay Al-Shabaab uu noqonayaa kii ugu khasaaraha badnaa ee y ku qaado xerada Xalane, oo ah halka la sheego inay ugu amni badan tahay Muqdisho.
Weerarkan ayaa dhaliyey hadal heyn iyo shaki xoogan oo ku aadan sida loo soo abaabulay, maadaama lagu beegsaday xero si weyn amnigeed loo ilaaliyo.
Xaaladda ayaa weli aad u kacsan, waxaan rasaas laga maqlayaa gudaha Xerada Xalane oo ay dagan yihiin ciidamada AMISOM, sidoo kalena ay ku yaallaan safaarado waa weyn.
Xildhibaan Mahad Salaad oo ka mid ah baarlamaanka Soomaaliya oo qoraal soo saaray ayaa sheegay in weerarkan uu saameeyey duulimaayada gudaha iyo dibadda oo istaagay.
“5 sano kahor Hangarkii Afisyoone lagu doortay xukunka dalkana lagula wareejiyay ayaa maanta xabadi ka dhex socotaa. Duulimaadyadii gudaha iyo dibeda ayaana mar qur ah istaagay,” ayuu qoraalkiisa ku yiri xildhibaan Mahad Salaad.
Waxa kale oo uu weerar afka ku qaaday maamulka Farmaajo, isaga oo shaaciyey inay ayaan darro tahay in hoolkii lagu doortay 5 sano, kahor ay maanta ka dhaceyso rasaas.
“Dhowr iyo toban sano meel Shabaab waligood aysan imaanin ayay maanta ka dhex dagaalamayaan. Farmaajo dal iyo dad midna lagama dhaxli doono ee hanbada hartay halaga badbaadiyo!,” ayuu sii raaciyey.
The post Shan qof oo ajaaniib ah oo lagu dilay weerarka Xalane appeared first on Caasimada Online.
-
-
Magaalo ku taalla Dal Carbeed oo dadka Muslimiinta ah aan loo ogoleyn inay guryo ka kireystaan
Dowladda Hoose ayaa soo saartay sharciga dadka muslimiinta ah looga mamnuucay inay guryo ka iibsadaan xaafaddanQoys Muslimiin Shiico ah oo ku sugan dalka Lubnaan ayaa laga dalbaday inay ka baxaan guriga ay daganaayeen, maadaama guud ahaan xaafaddaas ay tahay mid ay ku nool yihiin dadka Masiixiyiinta ah.
Maxamed, oo ah ninka lagu amray inuu raro qoyskiisa, wuxuu ku dhawaad labo sano ku noolaa guri ku yaalla xaafad ka tirsan magaalada Hadath, balse markii uu isku dayay inuu diiwaan galiyo sharciga guriga, oo uu iibsado, waa laga diiday.
“Waxaan u sheegay inaan ahay muwaadin reer Lubnaan ah. Qof walba oo Lubnaan u dhashayna wuxuu xaq u leeyahay inuu dago meel kasta oo ka mid ah dalka Lubnaan, hantina wuu ku yeelan karaa”, ayuu yiri Maxamed.
Maxamed wuu ka guuray guriga, maadaama uu muslim yahayUgu dambeyn, Maxamed wuxuu ku khasbanaaday inuu ka guuro gurigaas, maadaama uu Muslim yahay, wuxuuna dagay guri kale oo uu wali dhisme ku socdo.
Magaaladan, oo ku taalla meel u dhow caasimadda dalka Lubnaan ee Beyruut, ayaa muddo sanado ah waxaa ka dhaqan galay xeer dadka masiixiyiinta ah ka mamnuucaya inay hanti ka iibiyaan ama ka kireeyaan dadka Muslimiinta ah.
Duqa magaalada ayaa soo saaray xeerkan, waxaana ku raacsan qaar badan oo ka mid ah bulshada magaalada.
Duqa magaalada ayaa sheegay in go’aankan uu yahay mid ay cid walba dan ugu jirtoGeorge Aoun, waa Duqa magaalada Hadat, wuxuuna yiri: “Go’aankan waxaan qaadannay annagoo eegeyna danaha dadka oo dhan, waxaana ka qeyb qaatay dhammaan shacabka, siyaasiyiinta iyo hoggaamiyeyaasha diimaha, Masiixiyiinta iyo Muslimiintaba”.
Laakiin kiiskan ugu dambeeyay ayaa dib usoo cusbooneysiiyay doodda la xiriirta in waddanka Lubnaan si aan kala sooc lahayn looga dhaqmo diimaha kala duwan.
30 sano kahor, magaalada Hadat waxaa si buuxda u daganaa Masiixiyiinta, laakiin hadda dad badan oo muslimiin ah ayaa ku noolMilkiilaha guriga uu dagganaa Maxamed, ayaa raalligalin ka bixiyay arrintan, wuxuuna sheegay inuusan shakhsi ahaan kala jecleyn dadka uu gurigiisa ka iibinayo ama ka kireynayo, laakiin saraakiisha dowladda ay amar ku siiyeen arrintaas.
Xaaska Maxamed ayaa xiriir la sameysay mas’uuliyiinta dowladda hoose, waxaana loo sheegay in mamnuucista hantida laga iibiyo dadka muslimiinta ah ee magaaladaas iyo amarka lagu joojiyay kirada guryahaba ay soo socotay muddo sanado ah.
Hadat waa magaalo yar oo tusaale u noqon karta in dalka Lubnaan uu wali ka jiro hannaanka kala soocista diimaha, arrintaas oo horay sabab ugu ahayd dagaal sokeeye oo waddankaas ka socday muddo 15 sano ah.
Dad ka badan 100,000 oo qof ayaa la dilay intii ay socdeen dagaallada sokeeye ee salka ku hayay arrintaas.
Muslimiin badan ayaa hadda ku nool magaaladanBulshada masiixiyiinta ah ayaa go’doon ku dhex noqda muslimiinta, maadaama qoysaska muslimiinta ah ay jecel yihiin inay carruur badan dhalaan, sida ay ku doodeen dadka u ol’oleeya xeerkan.
Laakiin dad kale oo aad u dhaliilasanna way ka dhiidhiyeen.
“Waxaa jira dad cabsi ku nool oo halis dareemaya, mamnuucistannna waxaa meesha looga saari karaa oo kaliya amar kasoo baxa dowladda, si muwaadiniinta xuquuqdooda loo simo”, sidaas waxaa yiri Pierre Abi Saab, oo ah wariye u dhashay Lubnaan, isla markaana kasoo horjeeda xeerkan.
30 sano ka hor, magaalada Hadat waxay ahayd meel ay dagan yihiin dad masiixiyiin ah oo kaliya, balse maanta waxaa ku nool dad badan oo muslimiin ah, kuwaasoo halkaas gaaray wixii ka dambeeyay sanadkii 1990-kii, markaasoo uu soo afjarmay dagaalkii sokeeye.
Magaaladan waa meesha kaliya ee mamnuucista noocan ah ay caan ka tahay.
-
Weeraro ay Reer Galbeedku ka cabsi qabaan in Ruushku ku soo qaado
Calanka internet-ka ee RuushkaMadaxweynaha Mareykanka Joe Biden ayaa ugu baaqay shirkadaha iyo ururada gaarka ah ee Mareykanka inay “adkeeyaan amaankoda dhanka Internet-ka”, isagoo sheegay in sirdoonku ay muujinayaan in Ruushka uu qorsheynayo weerar dhanka internetka ah oo lagu qaado Mareykanka.
Maamulka dhanka internetka ee UK ayaa sidoo kale taageeraya baaqyada Aqalka Cad ee ah “kordhinta taxadarka amniga internetka”, inkastoo midkoodna uusan bixin wax caddeyn ah oo muujinaya in Ruushka uu qorsheynayo weerar dhanka internetka ah.
Ruushka ayaa horey u sheegay in eedeymahan oo kale ay yihiin kuwa ku dhisan”Ruush nacayb”.
Si kastaba ha ahaatee, Ruushku waa awood internet-ka ah oo leh hub culus oo ka mid ah qalabka internetka, iyo in dadka jabsada Internet-ka oo awood u leh inay carqaladeeyaan.
Ukraine ayaa weli ah mid aan dhib badan ku qabin weerarada dhanka Internetka ee Ruushka balse khubarada ayaa hadda ka cabsi qaba in Ruushka uu weeraro dhanka Internetka ah ku qaado xulafada Ukraine.
“Digniinada Biden waxay u muuqdaan kuwo macquul ah, gaar ahaan markii reer galbeedku ay soo rogeen cunaqabatayn dheeraad ah, kuwa wax jabsada waxay sii wadaan inay ku biiraan dagaalka, iyo dhinacyada dhaqdhaqaaqa ee duullaanku waxay u muuqdaan kuwo aan qorsheyneynin,” ayuu yiri Jen Ellis oo ka tirsan shirkadda amniga internetka ee Rapid7.
Burcadda internet-ka ee ay khubaradu ka baqaan.
BlackEnergy – oo weeraro la bartilmaameedsatay kaabayaasha muhiimka ah
Ukraine ayaa inta badan lagu tilmaamaa inay tahay goobta Ruushka uu ku qaadayo weerarada internet-ka lagu jabsado, halkaasi oo uu ka geystay weeraro u muuqda in lagu tijaabinayo farsamooyin iyo qalabka.
Sannadkii 2015-kii Korontada Ukraine ayaa waxaa carqaladeeyay weerar dhanka Internetka ah oo lagu magacaabo BlackEnergy, kaasoo sababay in muddo gaaban ay ay adeega korantada ka go’do 80,000 oo macaamiisha shirkad koronto ah oo ku taal galbeedka Ukraine.
Shabakadda tamarta ee Ukraine ayaa laba jeer ay weerareen burcadda internet-kaKu dhawaad hal sano ka dib weerar kale oo dhanka internetka ah oo loo yaqaan ‘Industroyer’ ayaa koronta la wareegay ku dhawaad saacad ilaa shan meelood meel caasimada Ukraine ee Kyiv.
Maraykanka iyo iyo Yurub ayaa ku eedayay weerarradan burcad-internet-ka ee milatariga Ruushka.
“Ruushka gabi ahaanba waxa uu isku dayi karaa in uu fuliyo weerar sidan oo kale ah oo ka dhan ah reer galbeedka si uu tusaale ugu noqdo awoodaha una gudbiyo fariin,” ayay tiri Marina Krotofil oo dhanka amniga internetka u qaabilsan Ukraine, oo gacan ka geysatay baaritaanka jabsiga awoodda.
Khubarada sida Marina ayaa sidoo kale qiyaasaya in tani ay sidoo kale khasaaraha dib ugu soo celin karto Ruushka, maadaama ay u badan tahay Galbeedka inay sidoo kale galaagal ku leeyihiin shabakadaha Ruushka.
NotPetya – burburin aan la xakamayn karin
NotPetya ayaa la rumeysan yahay inuu yahay weerarkii ugu qasaaraha badnaa ee dhanka Internetka taariikhda, waxaana mas’uuliyiinta Mareykanka, UK iyo Midowga Yurub ay ku eedeeyay koox burcad ah oo militariga Ruushka ah .
Software-ka wax burburiya waxaa lagu qariyay cusboonaysiinta software xisaabaadka caanka ah ee laga isticmaalo Ukraine, laakiin wuxuu ku faafay adduunka oo dhan isagoo burburiyay nidaamyada kombuyuutarrada kumanaan shirkadood wuxuuna sababay khasaaraha ku dhawaad $10 bilyan oo doolar.
Burcadda jabsata Internet-ka ee Kuuriyada Waqooyi ayaa lagu eedeeyaa inay khalkhal weyn ku geysteen weerar kaas la mid ah bil ka hor.
WannaCryWannaCry “worm” (nooc ka mid ah fayraska) ayaa xogta ka ururiyay ku dhawaad 300,000 oo kombiyuutar 150 waddan. Adeegga Caafimaadka Qaranka ee Britain ayaa lagu qasbay inay baajiso balamo caafimaad oo badan.
“Weerarada noocaan ah waxay keeni doonaan fursadda ugu weyn ee fowdo ballaaran, xasillooni darro dhaqaale, iyo xitaa nolol lumin,” ayuu yiri Jen Ellis.
“Waxay u muuqan kartaa mid fog, laakiin kaabayaasha muhiimka ah waxay inta badan ku xiran yihiin teknoolojiyadda isku xiran si la mid ah qayb kasta oo kale oo nolosheenna casriga ah, waxaanan aragnay suurtagalnimada taas oo leh saameynta WannaCry ee isbitaallada UK.”
Si kastaba ha ahaatee, saynisyahanka kombuyuutarrada Prof Alan Woodward ayaa sheegay in weerarradan oo kale ay sidoo kale khataro ku yihiin Ruushka .
“Noocyadan jabsiga ee aan la xakamayn karin waxay aad uga badan yihiin dagaalka bayoolojiga taas oo ay aad u adag tahay in la beegsado kaabayaasha muhiimka ah ee meelo gaar ah. WannaCry iyo NotPetya waxay sidoo kale arkeen dhibanayaasha Ruushka sidoo kale.”
Colonial Pipeline – Weerarrada dambiyada internetka ayaa sii kordhaya
Bishii Maajo 2021 xaalad degdeg ah oo ka dhacday gobollo badan oo Maraykan ah ka dib markii tuugada internet-ka ay sababeen in dhuumaha shidaalka ee muhiimka ah la xiro.
Macaamiisha safka ugu jira inay shidaal ku shubtaan gawaaridooda 11-kii May.Dhuumaha Colonial Pipeline waxa ay qaadaan 45% saadka naaftada, baatroolka iyo shidaalka diyaaradaha ee Xeebta Bari waxana dhuumahani qeybiya shidaalka ku yimid qalqal.
Weerarkan ma aysan fulin burcadda internet-ka ee dowladda Ruushka, balse waxaa geystay kooxda DarkSide ransomware, oo loo maleynayo in ay saldhig ku leedahay Ruushka.
Shirkadda dhuumaha qaada shidaalka ayaa qiratay in ay siisay dambiilayaashan $4.4 milyan .
Shirkadda hilibka ee JBS,Dhawr toddobaad ka dib shirkadaha hilibka ayaa saameyn kale la so gudboonaatay ka dib markii ay weerareen koox la yiraahdo REvil ay weerareen shirkadda JBS, oo ah shirkadda ugu wayn caalamka ee soo saarta hilibka lo’da .
Mid ka mid ah cabsida ugu weyn ee khubarada ka qabaan awoodda internetka ee Ruushka ayaa ah in Kremlin-ka laga yaabo inay ku amraan kooxaha dambiyada internetka inay abaabulaan weerarrada lala bartilmaameedsanayo Mareykanka, si loo kordhiyo carqaladeynta.
“Fa’iidada ku jirta in lagu amro dambiilayaasha internetka inay fuliyaan weerarrada madaxfurasho lagu dalbado waa fowdada guud ee ay keeni karaan. Tiro badan oo ka mid ah waxay sababi karaan dhaawac halis ah oo dhaqaale,” ayuu yiri Prof Woodward.
Sidee buu Maraykanku uga jawaabi karaa?
Xaaladda kasta oo ah in waddan ka tirsan Nato uu la kulmi karo weerar internet-ka oo sababa khasaare nafeed ama dhaawac weyn oo aan laga soo kaban karin, waxay tani mar kasta dhalin kartaa adeegsiga xeerka lambarkiisu yahay 5, kaasi oo ah qodobka difaaca guud ee isbahaysiga.
Laakiin khubarada ayaa sheegaya in tani ay Nato u jiidi doonto dagaal aysan dooneyn in ay qeyb ka noqoto, sidaa darteed jawaab kasta oo laga bixinayo ayay u badan tahay inay ka timaado Mareykanka iyo xulafada dhow.
Madaxweyne Biden ayaa horay u sheegay “waxaanu diyaar u nahay inaan ka jawaabno” haddii Ruushku uu weerar ballaaran ku qaado Maraykanka.
Si kastaba ha ahaatee, qulqulutooyiinka internetka ee aan horay loo arag ee lagu arkay Ukraine toddobaadyadii la soo dhaafay ayaa muujinaya sida sahlan ee ay xaaladda u sii murgi karto. Markaa tallaabo kasta waxay u badan tahay in si aad ah looga fiirsado
Xildhibaan Cabdirisaaq Ciid
DEG DEG: Rooble oo shaaciyey in xildhibaan Aamina loo dilay kiiska Ikraan Tahliil dartiis
in News - Wararka
Posted
Muqdisho (Caasimada Online) – Ra’iisul Wasaaraha Soomaaliya Maxamed Xuseen Rooble ayaa shaaca ka qaaday in xildhibaan Aamina Maxamed Cabdi loo dilay inaanu guuleysan cadaaladda loo raadinayo kiiska Ikraan Tahliil.
Rooble oo soo saaray war-saxaafadeed uu soo saaray ku sheegay in sidoo kale dilka xildhibaan Aamina iyo weerarkii xerada Xalane iyo garoonka Aadan Cadde ay wada xiriiraan
Hoos ka aqriso qoraalka Rooble
Ra’iisul Wasaaraha XFS Mudane Maxamed Xuseen Rooble waxa uu si adag u cambaareynayaa kana xun yahay falalkii argagixiso ee maanta ka dhacay Muqdisho iyo Baladweyne oo ah kuwo looga gol leeyahay in lagu carqaladeeyo doorashada laguna cabsi geliyo shacabka Soomaaliyeed iyo saaxiibbada caalamka.
Ra’iisul Wasaaruhu waxa uu u arkaa in weerarkii maanta lagu qaaday aagga xerada Afisyooni ee u dhow garoonka diyaaradaha Aadan Cadde ee Muqdisho iyo qaraxii Baladweyne ee caawa lagu dilay Allaha u naxariistee xildhibaan Aamino Maxamed Cabdi iyo muwaadiniin kale oo Soomaaliyeed ay yihiin kuwo isku xiran oo abaabulan, marka la eego goobaha la beegsaday, shakhsiyaadka la bartilmaameedsaday iyo xilliga lagu soo aaddiyay.
Ra’iisul Wasaare Maxamed Xuseen Rooble waxa uu tacsi tiiraanyo leh u dirayaa ehelada iyo Ummadda Soomaaliyeed ee ay ka baxday xildhibaan Aamino Maxamed Cabdi oo tusaale u ahayd matalaadda shacabka iyo u doodista caddaaladda iyo xuquuqda muwaadiniinta.
“Xildhibaan Aamino oo la wada ogyahay doorkeedii caddaalad u raadinta marxuumad Ikraan Tahaliil, maalmo ka horna la isku dayay in kursigii ay u tartameysay la boobo, waxaa caawa loo dilay si aan caddaaladdu u guuleysan iyo in la niyad jabiyo cid kasta oo xaqa ku fara adeygta”.
Ra’iisul Wasaaraha XFS waxa uu shacabka Soomaaliyeed u xaqiijinayaa in falalka fulaynimo ee noocan ahi aysan marnaba ka horjoogsan doonin xaqiijinta in ay dalka ka dhacdo doorasho sida ugu dhaqsiyaha badan, waxa uuna shacabka Soomaaliyeed ku boorrinayaa feejignaan dheeri ah iyo in ay gacan ku siiyaan hirgelinta doorashada iyo in dalku yeesho hoggaan cusub oo ka samata bixiya xaaladda adag ee amni, siyaasad, dhaqaale iyo bani’aadminimo.
Ugu dambeyn, Ra’iisul Wasaare Maxamed Xuseen Rooble waxa uu shacabka Soomaaliyeed u xaqiijinayaa in xukuumaddiisa ay ka go’an tahay in doorashada dalku ku soo gabagebowda sida ugu dhaqsaha badan, isla markaana lala xisaabtamo oo caddaaladda la horkeeno dambiileyaasha nooc kasta oo ay yihiin goor ay noqotaba, waxa uuna shacabka Soomaaliyeed uga mahadcelinayaa sida ay u garab taagan yihiin caddaaladda iyo dowladnimada.
The post DEG DEG: Rooble oo shaaciyey in xildhibaan Aamina loo dilay kiiska Ikraan Tahliil dartiis appeared first on Caasimada Online.