Deeq A. Posted November 21, 2020 Faah faahino dheeraad ah ayaa waxaa laga helayaa weerar lagu dilay askar ka tirsanaa ciidamada dowladda Soomaaliya oo maanta ka dhacay duleedka magaalada Muqdisho. Weerarka oo ahaa mid qorsheysan ayaa waxaa lagu dilay labo askari oo saarnaa mooto, xilli ay marayeen deegaanka Ceelasha Biyaha ee gobolka Shabeelaha Hoose. Sidoo kale wararka ayaa sheegaya in askartaasi ay ka mid ahaayeen ilaalada guddoomiyaha Lafoole, waxaana toogasho ku dilay rag hubeysan oo baxsaday. Wararka ayaa sidoo kale intaasi ku daraya in dhacdada kadib ay goobta gaareen ciidamo ka tirsan kuwa ammaanka Soomaaliya oo baaritaano kooban ka sameeyey halkaasi. Inta badan waxaa wadada xiriirisa magaalooyinka Muqdisho iyo Afgooye ka dhaca weeraro iyo dilal qorsheysan oo ay halkaasi ka fuliso Xarakada Al-Shabaab. View the full article Share this post Link to post Share on other sites