K/ Galbeed oo ka arrinsatay fatahaadaha Afgooye

[Deeq A.]

Shir ay ka qeyb galeen wasiiro ka tirsan maamulka Koonfur Galbeed iyo xubno ka mid ah maamulka gobolka Shabeelaha Hoose ayaa maanta lagu qabtay M/Muqdisho.

Kulanka ayaa waxaa shir guddoomiyey wasiirka boostada isgaarsiinta iyo Teknoolajiyada maamulka Koonfur Galbeed Soomaaliya.

Sidoo kale waxaa shirka warbixin looga dhageystay guddoomiyaha gobolka Shabeelaha Hoose, Ibraahim Aadan Najax oo ka warbixiyey xaaladda adag ee degmada Afgooye.

Guddoomiyaha ayaa sheegay in dhibaatada ka taagan degmadaasi ay tahay mid daran, islamarkaana dadka ay saameeyeen fatahaaduhu u baahan yihiin gurmad degdeg ah.

Ugu dambeyn mas’uuliyiintii ka qeyb gashay kulanka ayaa isla gartay in isbuucaan gudihiisa deeq gaar gaar ah la gaarsiiyo degmada Afgooye ee gobolka Sh/Hoose.

Dhowaan ayey aheyd markii wabiga Shabelle uu fatahaad hor leh ka geystay deegaano ka tirsan gobolkaasi Shabeelaha Hoose.

 

 

 

 

 

View the full article