Wasaaradda Caafimaadka Soomaaliya ayaa dhowaan warqad u qortay Qaramada Midoobay iyo hey’adaha iyo deeq bixiyaasha kale in aysan Nairobi ku qaban shirarka iyo tababarada quseeya Soomaaliya, gaar ahaan Wasaaradda Caafimaadka Soomaaliya. Warqad ka soo baxday Wasaaradda Caafimaadka ayaa lagu sheegay in siyaasiinta iyo shaqaalaha dowladda Soomaaliya ay ku aadkaatay gelista Kenya sidaas darteedna loogu baaqayo Qaramada Midoobay iyo hey’adaha kale in shirarka iyo siminaarada Soomaaliya ku saabsan ku qabtaan dalalka Itoobiya, Yugaanda iyo Ruwaanda. Soomaaliya oo ah dal sabool ah oo sakabasho ku jiro islamarkaana ay bur bursan yihiin dhamaan ilahiisa dhaqaalaha ayaa dad badan waxay u arkaan in aysan laheyn doorasho iyo jiheyn lagu sameeyo Qaramada Midoobay. Dad badan ayaa u arka in arintaan ay sababi karto in Soomaaliya ay ku wayso taageeradii ay heli jirtay hadii ay isku day’ado in ay Kenya ka weeciso barnaamijyada quseeya Soomaaliya sababtuna waxaana lagu sheegay in aysan Qaramada Midoobay iyo deeq bixiyaasha kalaba ay ribtaankooda tahay joogista Kenya islamarkaana ay ku qabaan dano kale oo badan. Deeq bixiyaasha iyo hey’adaha Qaramada Midoobay waxay aragti qaldan ka qaataan in la jiheeyo ama la amro waxayna inta la xasuusto ay laaleen dalabyo badan oo uga yimid wadamo badan oo la biilo ama la caawiyo sida Soomaaliya oo kale. Falanqeeyaasha arimaha siyaasadda Soomaaliya iyo diblomaasiyiinta Soomaalida ee la soo shaqeeyay Qaramada Midoobay waxay sheegeen in aysan Soomaaliya laheyn doorasho oo ay tahay kaliya in ay qaadato wixii loo keeno ama loo yeeriyo, sidii lagu soo waday ku dhawaad 20-kii sano ee la soo dhaafay. Hadii ay Soomaaliya ku adkaysato in Kenya laga wareejiyo barnaamijyada quseeya Soomaaliya waxay noqon doontaa in aysan helin dhamaan shirarkii iyo tababaradii loo qaban jiray, iyagoo sabab uga dhigay in Soomaaliya aysan doorasho laheyn iyo Kenya ay dano kale oo waa-wayn ku qabaan hey’adaha la doonayo in laga wareejiyo Nairobi. W/Q: Istar Cali Mataan Toronto, Canada Afeef: Aragtida qoraalkan waxa ay ku gaar tahay qofka ku saxiixan, kamana tarjumeyso tan Caasimada Online. Caasimada Online, waa mareeg u furan qof kasta inuu ku gudbiyo ra’yigiisa saliimka ah. Kusoo dir qoraaladaada caasimada@live.com Mahadsanid

Qaran News

Hargeysa (Caasimada Online) ― Yuusuf Cismaan Cabdule Shaacir oo kamida Abwaanada Somaliland, ayaa waxa uu dhaliilay xus ay qabatay Xarunta dhaqanka ee Hargeysa, kaasi oo loogu magac daray “Maalinta caalamiga ah ee Fayo-dhowrka caadada”. Yuusuf Shaacir oo maanta warbaahinta kula hadlayey gudaha magaalada Hargeysa ayaa waxa uu sheegay in Xarunta dhaqanka ee Hargeysa ay ku gaftay dhaqanka Somalida, isagoona ka dhawaajiyey inuu dacwad ka dhan ah ka gudbiyey Xaruntan. Abwaan Shaacir ayaa sidoo kale waxa uu Madaxweyne Muuse Biixi ugu baaqay inuu arrintaasi ka qaado talaabo adag, isagoona sheegay inay tahay arrin wax u dhimeysa Diinta, wuxuuna yiri: “Kulankaa waxa loogu Magac-daray ‘Maalinta Caalamiga ah ee Fayo-dhowrka Caadada haweenka’ arrinkaasi wuxuu ahaa arrin ku cusub Dadka, dhaqanka iyo Diintaba. Facebook-gooda markaa gasho waxa ku sii qoran aynu jabino deyrka ka hadal la’aanta Caadada Dumarka”. “Caadadu waynu ognahay waa wax Caafimaadka Dumarka la xiriira oo Diinteedu si wanaagsan oo asturan uga hadashay, laakiin in Xaflad loo sameeyo oo la yiraahdo maalin baa lagu xusayaa gaar ah, waa wax aad u cajaa’ib ah oo innagu soo kordhay”. Wuxuuna intaas kusii daray “Meelo badan baan u gudbiyey Dacwadda, waxaan u gudbiyey Wasaaradda Warfaafinta oo kale, Wasaaradda Diinta iyo Awqaafta, Labada Gole ee Baarlamaanka Guddiyadooda anshaxa waanu u gudbinay, Ciddii kale ee ay khusaysana waanu u gudbinaynaa, sida Guddida wanaag-farista”. “Madaxweynahana halkan farriin baan uga gudbinayaa ah, wuxuu ku dhaartay inuu ilaalinayo Diinta, Dalka iyo Dadkaba, markaa inuu arrintaa Tallaabo ka qaado ayaan farriin ugu dirayaa”. Caasimada Online Xafiiska Hargeysa Caasimada@live.com

Qaran News

Qaran News

(SLT-London)-Boqortooyada Ingiriiska ayaan laba toddobaad ah isticmaalin Shidaalka lagu kiciyo Warshadaha iyo Mishiinnada Laydhka, muddadaasi ayaa noqonaysa tii ugu dheerayd tan iyo 1880-kii. Qofka Hawshan Maamulay ayaa sheegay in dab dhalileyaal shidaal loo adeegsaday ay markii ugu dambaysey ee ay isticmaaleen ahayd 17-kii bishan dhamaanaysa ee May. Fintan Slye oo ah Agaasimaha Qaranka Uk ee Korontada (ESO), ayaa sheegay in Britain ay bishan tijaabisay Adeegsiga Tamarta laga dhaliyo Cadceedda iyo Hawada, kaasina waa sababta aan muddo 2 toddobaad ah loo isticmaalin Warshadaha Shidaalka lagu kiciyo. Mr Slye wuxuu sheegay in Dawladdu qorshaysay in marka Wejigan Tijaabada ah laga baxo in la waajaho in wixii ka dambeeya 2025-ka laga gudbo Isticmaalka Shidaalka, loona gudbo laydhka laga dhaliyo awoodaha kale, laakiin wuxuu xusay in loo baahan yahay in shaqo badan la qabto “Weli waxa taalla hawl ay tahay in la qabto..”ayuu Slye oo sheegaya inaan Tamarta Cadceedda isticmaalkeedu dhamaystir u baahan yahay. Masuulkani wuxuu sheegay April illaa 14-kii bishan May ay kaydinayeen Tamarta Cadceedda. Wasiirka Tamarta ee Ingiriiska Chris Skidmore ayaa sheegay in Cadceedda oo keliya aan Tamarta laga dhalilayn, balse Hawaduna tahay waxa ugu badan ee Laydhka laga samaynayo. Warbaahinta Ingiriisku waxay sheegtay in 4.5 Milyan Guri ay ku filan tahay Laydhka Hawada laga dhaliyo. 35% Hawada ah iyo 21 cadceedda ah ayaa laydh laga dhaliyey, sida ay Warbaahinta Ingiriisku sheegtay, taasi oo ah ta muddada 2-da Toddobaad ah lagaga maarmay Laydhkii Shidaalka laga dhalinayey. Source

Fatahaadda ay sameeyeen roobabka Qoyska reer Maxamed Bile oo ku noolaa miyiga tuulada Xaaji Khayr ee gobolka Nugaal, kana koobnaa 8 ruux, ayaa xalay waxaa qaatay diiqalyo xooggan oo ku rogmatay dooxada reerku yaallay. 3 xubnood oo kamid ah qoyska ayaa ku dhintay daadadka, halka 5-tii xubnood oo kale ayaa la soo badbaadiyay, kadib markii saaka laga soo helay geed dhaladiisa haatana waxa lagu dabiibaya isbitaalka guud ee magaalada Qardho. Haddaba, Saynab Maxamed Bile oo reerka uga shaqeyn jiray magaalada Garoowe, ayaa saaka la soo gaarsiiyay warka sheegaya in qoyskoodii biya la tageen, waxaana ay orod kaga baxday magaalada Garoowe, si ay bal raq iyo ruux u raadiso qoyskeedii, balse mowjadaha daadadka ayaa ku xannibay tuulada Sinujiif. Saynab oo aad u murugaysan ayaa telefishinka Puntland kula hadashay duleedka magaalada Garoowe, markii ay soo laabatay, iyadoo ka warbixisay xogta ay ka heshay musiibada dhacday. Halkaan hoose ka daawo hadalkeeda PUNTLAND POST The post Daadadku waxay qaateen qoyskaygii oo dhan appeared first on Puntland Post.

Xafiiska Qaramada Midoobay ee Soomaaliya ayaa warbixin ka soo saaray dilkii Maxamed Cabdi Khayre oo ka mid ahaa shaqaalaha Qaramada Midoobey ee Gobolka Mudug. War saxaafadeed ay soo saartay Qaramada Midoobay ayey ku cambaareysay dilka Maxamed oo ka mid ahaa shaqaalaha ammaanka ee Qaramada Midoobey ee fadhigoodu yahay Gaalkacyo. Siihayaha ahna ku xigeenka Ergeyga Qaramada Midoobay ee Soomaaliya Raisedon Zenenga, ayaa Maamulka Galmudug ka dalbaday in ay gacanta ku soo dhigaan dadkii dilkaas geystay. Waxaa uu tacsi u diray qoyskii uu ka baxay Maxamed Cabdi Kheyre oo xalay lagu dilay Koofurta Magaalada Gaalkacyo xilli uu ka soo baxay Masaajid. Raisedon Zenenga, ayaa sheegay in dhamaan shaqaalaha Qaramada Midoobay ee Soomaaliya ay ka xun yihiin geerida Maxamed kana tacsiyadeynayaan. Dabley hubeysnayd ayaa xalay dilay Maxamed Cabdi Kheyre ma jirto illaa hadda cid sheegatay mas’uuliyadda weerarkaas. Goobjoog News Source: goobjoog.com

Xoghayaha guud ee xisbiga Mucaaridka ah ee WADDANI Khadar Xusen Cabdi ayaa waxaa uu si adag u cambaareyey xadhiga ay xukuumadu muddo bil ka badan ay wali xabsiga ugu sii hayso guddoomiyihii garabka dhalinyarada ee xisbigaasi Maxamed Sadiiq Dhamme, waxaana uu sheegay in guddoomiyuhu ku xidhan yahay sharci-darro. Sidoo kale xoghayaha ayaa waxaa uu ka Hadley isla markaana uu nasiib daro ku tilmaamay in ciidamo Somaliland ka goostaan isla markaana ay ku biiran maamulka Puntland, waxaana uu xukuumada ugu baaqay inay faahfaahin dadka qanciya ay ka bixiso arimaha sababtey arintaasi, Halkan hoose ka DAAWO Source

The United Nations mission in Somalia on Saturday condemned the murder of one of its security staff in the central town of Galkayo on Friday evening. Mohamed Abdi Khayre, a UN local security assistant, was killed as he was leaving a mosque in the city of Galkayo, said Raisedon Zenenga, officer-in-charge of UN Assistance Mission in Somalia (UNSOM) and the deputy special representative of the UN secretary-general in Somalia. “We mourn the passing of Khayre, who served with distinction in the UN Department of Safety and Security during his tenure with the organization,” Zenenga said in a statement issued in Mogadishu. No individual or group has thus far claimed responsibility for the killing of Khayre, who was rushed to a local hospital but later died of his wounds. “We urge the authorities to spare no effort in tracking down the gunmen responsible for this heinous murder of a courageous colleague who put himself in harm’s way to protect UN personnel based in the city of Galkayo,” Zenenga said. “The entire UN family in Somalia extends their heartfelt condolences to the family and friends of Mr. Khayre,” he added. View the full article

The Prime Minister of Somalia Hassan Ali Kheyre has on Saturday left the country’s capital for Qatar, his office has confirmed. During his stay, the PM will meet senior Qatari official during his visit in Doha aimed at strengthening cooperation between the two Arab league member states. Mogadishu and Doha developed close diplomatic cooperation since Saudi Arabia, Bahrain, UAE, and Egypt announced blockade on Qatar a year ago. Qatar financed ambitious development projects in Somalia, including the upgrading Mogadishu-Jowhar and Mogadishu-Afgoye which was launched in February. View the full article

Muqdisho (Caasimada Online) – Cabdiraxmaan Cabdishakuur Warsame oo kamid ah Siyaasiyiinta sida weyn uga soo horjeedo Siyaasadda ay Dowladda Soomaaliya ku maamusho dalka isla markaasna ka tirsan Xisbiga Wadajir ayaa sheegay in Dowladda Soomaaliya ay dowladaha Qadar kala kaashaneyso burburinta Maamulada Galmudug iyo Jubbaland sida uu hadalka u dhigay. Cabdiraxmaan Cabdishakuur ayaa sheegay in Madaxweynaha Soomaaliya Maxamed Ca Cabdullaahi Farmaajo uu Ra’isulwasaaraha Qadar saakay kula kulmay Makka Al-Mukarama, isla markaasna wuxuu sheegay inuu dalka Qadar u diray Ra’isul wasaaraha Kheyre iyo Taliye xigeenka NISA taasina ay qeyb ka tahay qorshe la doonayo in meesha looga saarayo Galmudug iyo Jubbaland. Sidoo kale wuxuu sheegay in qorshahaan uu Taliye ku xigeenka NISA Fahad Yaasiin u tagay dalka Itoobiya si loo helo awood ciidan iyo mid dhaqaale oo lagula dagaalamo Galmudug Jubbaland. Ugu dambeyntii Cabdiraxmaan ayaa ugu baaqay dadka uu ugu yeeray kuwa Samaha jecel inay ka hor tagaan Shirqool uu sheegay in loo maleegayo Labadaas Maamul. Haddaba halkaan hoose ka akhriso hadalka uu Cabdiraxmaan soo dhigay bartiisa Facebook: Madaxweynaha Sacuudiga ayuu kulan kula qaatay Ra’iisul Wasaaraha Qatar, saakayna Ra’iisul Wasaaraha iyo Taliye xiggeenkii Nabadsugidda ayuu dalka Qatar u diray. Maalmahan waxaa Addis Ababa isaga daba noqonayey Taliye xiggeenka Nabadsugidda. Waxaan kaloo maqashiisanahay in Madaxweynuhu uu Addis Ababa tegayo. Wax kala maaha dagaal Galmudug iyo Jubaland ka dhan ah ayaa awood ciidan iyo mid dhaqaale loo raadsaday. N&N waxay masiirkooda siyaasadeed ku lareen guusha iyo guuldarrida ay ka soo hooyaan labadaa Dowlad Gobol. Waxaan haddaba ugu baaqaynaa inta samaha Soomaaliyeed jecel in ay shirqoolkaas ka hortagaan oo ay garabsiiyaan labada Dowlad Gobol. Caasimada Online Xafiiska Muqdisho caasimada@live.com

(SLT-Hargeysa)-Guddoomiyaha Golaha degaanka degmada Laascaanood Cabdicasiis Xuseen Taarwale ayaa ka warbixiyey roobab waaweyn oo ka da’ay magaalada Laascaanood ee xarunta gobolka Sool, isaga oo sidoo kalena kormeeray qaybaha kala duwan ee magaalada Laascaanood. Maayarka ayaa sheegay in roobabkani ay ahaayeen kuwo xoogan, kuwaas oo sababay in ay korantadu magaalada ka tagto, laakiin ay saaka dib u soo noqotay korontadii, waxaanu maayarku caddeeyey in sababo amni dartood loo damiyey korontada, iyada oo xadhkaha magaalada dhexdeeda mara qaarkood ay soo dhaceen. Ilaa hadda ma jiro wax khasaare ah oo uu roobkaasi geystay sida uu Maayarku u sheegay Weriyaha Wakaaladda Wararka Somaliland ee SOLNA uga soo warama gobolka Sool Barkhad Cumar Axmed. Shacabka ku dhaqan degmooyinka magaalada Laascaanood ee uu maayarku la kulmay ayaa iyaguna warbixinno ka siiyey roobabkaasi ka da’ay magaalada iyo sida ay xaaladda degmooyinkaasi tahay, iyaga oo soo dhoweeyey kormeerkan maayarku ku maray magaalada Laascaanood. Source

(SLT-Muqdisho)Ra’iisul Wasaaraha Dalkaasi Soomaaliya Xasan Cali Khayre ayaa ka ambabaxay Garoonka diyaaradaha Aadan Cadde ee Magaalada Muqdisho,isagoo kusii jeeda dalka Qatar. Ra’iisul Wasaare Kheyre iyo wafdi uu hogaaminayay ayaa waxaa Garoonka kusii sagootiyay qaar kamid ah Golihiisa Wasiirada iyo xubno kale oo ka tirsan dowladda Soomaaliya. Wasaaraha Dalka ayaa inta uu joogo Qatar sida la Sheegay wuxuu kulamo looga hadlayo xoojinta xidhiidhka labada dal la yeelan doonaa mas’uuliyiinta dalkaasi. Source

(SLT-London)Kooxda kubada cagta saville ee ka dhisan wadanka Spain ayaa shaacisay inuu shil gaadhi ku dhintay ciyaaryahankeedii Jose Antionia Reyes oo 35 jir ahaa. Way soo saartay kooxda Saviile ayaa lagu sheegay in ciyaaryahankani uu ku dhintay shil gaadhi ” xidigii ay jeclayd kooxda Saville ee Jose Antonia Reyes waxa uu ku dhintay shil gaadhi, nabad ayaan u rajaynaynaa” ayaa lagu yidhi fariin lagu baahiyey boga Twitter-ka ee kooxda Saville. Ciyaaryahankan geeriyooday ee Jose Antonia Reyes ayaa sideedii sanadood ee ugu dambeeyey u ciyaarayey kooxda Saville isaga oo ka soo mid noqday kooxdaha Athletic Madrid iyo Real Madrid ee dalka Spain isla markaana ka mid ahaa kooxdii Arsenal ee sanadkii 2003-2004 ku qaadday horyaalka Ingiriiska iyada oo aan laga badin. Sidoo kale dalka Spian oo uu u dhashay ayuu u saftay 21 tartan oo caalami ah. Hoos ka DAAWO siduu shilku u dhacay.. Source

Wasiiro ka tirsan xukuumadda Puntland, maamulka gobolka Nugaal iyo laamaha amniga gobolka ayaa maanta booqday dooxooyinka dhanka bari ka xiga magaalada Garoowe oo ay fataxaad ka sameeyeen roobabka gu’ga. Wasiirada wasaaradaha Degaanka iyo Gaadiidka Puntland oo ay weheliyaan guddoomiye ku xigeenka gobolka Nugaal, taliyaha qeybta Booliiska iyo mas’uuliyiin kale ayaa booqday dooxooyinka loo yaqaan “Ayaxda” oo gebi ahaanba qarsoomay kadib markii roobab mahiiggaana oo ka da’ay mowjado fatahaada ka sameeyeen. Mas’uuliyiinta ayaa ku xannibay oo shishay u dhaafi waayay, tuulada Sinujiif oo 60 km dhinaca bari ka xigta caasimadda Puntland, halkaasi oo wadada laamiga laba meelood ka go’day, islamarkaana isu-socodkii gaadiidka ku xayirmay. Wasiirada iyo mas’uuliyiinta kale oo doonayay in ay u gudbaan tuulada Xaaji Khayr oo daadadku aaseen ayaa dib ugu soo laabtay Garoowe, kadib markii ay u suurta-geli wayday. Sidoo kale, wararka laga helayo tuulooyin badan oo ku yaalla bariga gobolka Nugaal, ayaa sheegay in ay go’doon yihiin tuuloyinkaasi oo ku haftay mowjado daadad ah oo roobabku fataheen halka qaar ay aasmeen. Isgaarsiinta ayaa guud ahaan ka go’an degaannada fatahaaddu ka dhacday, waxaana yar in xog sugan laga helo khasaaraha naf iyo maalba leh ee roobabku geysteen. Dhinaca kale, Kusimaha madaxweynaha, ahna madaxweyne ku xigeenka dowladda Puntland ayaa galabta faafin deg deg ah ku magacaabay guddi la tacaala fatahaadda oo ka kooban golayaasha dowladda. Halkaan ka eeg sawirada fatahaadda PUNTLAND POST The post Qeybo kamid ah gobolka Nugaal oo qarsoomay kadib markii fatahaado ku dhufteen appeared first on Puntland Post.

Kusimaha Madaxweynaha Puntland oo Magacaabay Guddiga Gurmadka Fatahaadaha Roobka. Guddiga gurmadka fatahaadaha Roobka ayaa loo xilsaaray in ay soo qiimeeyaan, isla markaasna warbixino ka soo [...] Source

Muqdisho (SMN) – Illaa 82 caruur ah oo isugu jira gabdho iyo wiilal agoon ah ayaa maanta la guddoonsiiyay deeq lacageed, kuwaas oo ay ka dhinteen Wariyeyaal siyaabo kala duwan ugu dhintay gudaha dalka. Munaasabad kooban oo lagu qabtay magaalada Muqdisho ayaa caruurtaasi mid mid waxaa loogu guddoonsiiyay lacag dhan 50 Dollar. Abaabulka barnaamjikan waxaa lahaa Wariyeyaasha Muqdisho, balse waxaa fuliyay waaxda Warfaafinta Madaxtooyada Soomaaliya. C/risaaq Cilmi Jaamac Black oo ka mid ah bahda Warfaafinaha ee xafiiska Madaxweynaha ayaa ka warbixiyay deeqdan, waxaana uu sheegay in caruurtaasi ay ka tageen Wariyeyaashii dhinta ay ka war heyn doonto dowladda Soomaaliya. Waa sanadkii labaad oo deeq lacageed la gaarsiinayo Agoontan, si ay ugu dabaal dagaan maalmaha Ciidul Fidriga. Halkan hoose ka daawo Sawirrada:- View the full article

Ku simaha ahna madaxweyne ku xigeenka Axmed Cilmi Cismaan Garoowe, Juun, 01 2019: Madaxweyne Kuxigeenka Dowladda Puntland, Ahna kusimaha Madaxweynaha Mudane Axmed Cilmi Cismaan Karaash ayaa magacaabay Guddiga Gurmadka Fatahaadaha Rooobka. Guddiga gurmadka fatahaadaha Roobka ayaa loo xilsaaray in ay soo qiimeeyaan, isla markaasna warbixino ka soo diyaariyaan baaxadda waxyeelo ee fatahaadaha roobka, ayna wax ka qabtaan waxyeelada ay u geysteen daadadku dadka, xoolaha, wadooyinka, deegaanka iyo saamaynta ay ku reebeen roobabkii ka da’ayey guud ahaan deegaanada Puntland. Sidoo kale Guddiga gurmadka fatahaadaha Roobka ayaa ka kooban Wasaarado, Hay’addo dowliya, Guddoomiyayaal Gobol iyo Taliska ciidanka Booliska Puntland, waxaana ay leeyihiin Guddoomiye, Guddoomiye Ku-xigeen iyo Xoghayn. Guddiga ayaa kala ah: – 1. Wasaaradda Arrimaha Gudaha Guddoomiye 2. Wasaaradda Hawlaha Guud G/Ku Xigeen 3. Wasaaradda Tamarta, Macdanta iyo Biyaha Xubin 4. Wasaaradda Maaliyadda Xubin 5. Wasaaradda Ganacsiga Xubin 6. Wasaaradda Xanaanada Xoolaha Xubin 7. Wasaaradda Deegaanka Xubin 8. Wasaaradda Caafimaadka Xubin 9. Wasaaradda Qorshaynta Xubin 10. Madaxtooyada Xubin 11. Taliska Ciidanka Booliska Xubin 12. Hay’adda HADMA Xoghayn 13. Hay’adda PHA Xubin 14. Guddoomiyayaasha Gobolada Xubin Ugu dambayn, Madaxweyne Kuxigeenka Dowladda Puntland, Ahna kusimaha Madaxweynaha Mudane Axmed Cilmi Cismaan Karaash ayaa ku wargeliyey cid kasta oo hawshani khuseyso inay kala shaqeeyaan guriga, isla markaasna u fududeeyaan guddigan wixii hawl ah ee ay u baahdaan, si ay ugu fududaato hawsha loo igmaday. _DHAMMAAD_ The post Faafin Deg deg ah: Kusimaha Madaxweynaha Puntland oo Magacaabay Guddiga Gurmadka Fatahaadaha Roobka appeared first on Puntland Post.

Maamulka gobolka Karkaar ayaa si hagar la’aana ugu gurmaday, tuulada Xaaji Khayre ee gobolka Nugaal oo go’doontay, kadib markii roobabka gu’ga ay maayado xiis ah ku soo rogeen. Guddoomiyaha gobolka Karkaar, Cabdullaahi Maxamed Barre caato, duqa degmada Qardho Cabdi Siciid Cismaan Dheere iyo mas’uuliyiin kale oo ka tirsan gobolka Karkaar ayaa gurmad ballaaran u fidiyay shacabka ku dhaqan tuulada Xaaji Khayr ee gobolka Nugaal oo daadadka soo rogmaday go’doomiyeen. Daadadka oo si xawliya ku socda, ayaa la soo sheegayaa in ay qaateen qoys reer miyi ah oo ku noolaa nawaaxiga tuulada Xaaji Khayre kana koobnaa 8 ruux , balse laga soo badbaadiyay 5 xubnood oo qoyska kamid ah, halka 3 kale ay ku dhinteen. Sidoo kale, daadadka ayaa aasay xaafado ka tirsan tuuladaasi, waxaana maamulka gobolka karkaar oo gurmad u sameeyay soo badbaadiyay dad ku noolaa xaafadaha buuxsamay ee tuulada. Mowjadaha daadadka ah, waxa kaloo ay qaateen gaadiid yaryar iyo kuwa xamuula oo marayay laamiga, waxaana ay meelo kala duwan ka gooyeen laamiga. Roobabka ayaa tuulada Xaaji Khayre ka go’doomiyay gobolka Nugaal intiisa kale, markii ay gooyeen laamiga, sidoo kale waxaa hawada ka baxday isgaarsiinta degaanka. Gurmadka uu fidinayo maamulka gobolka Karkaar ayaa weli socda lamina oga khasaaraha dhabta ah ee daadadka ay dhaliyeen. Hoos ka eeg sawirada PUNTLAND POST The post Gurmad loo fidinayo tuulada Xaaji Khayr ee gobolka Nugaal oo aasantay appeared first on Puntland Post.

Baydhaba (Caasimada Online) – Khilaaf xoogan ayaa soo kala dhexgalay Madaxweynaha iyo Gudoomiyaha Baarlamaanka Koonfur Galbeed, waxaana billowday isku day xilka looga qaadayo madaxweyne Lafta-gareen. Madaxweyne Cabdicasiis Xasan Maxamed (Lafta-gareen) iyo Gudoomiye Shariif Sheekhunaa ayaa Khilaafkoodu waxaa uu salka ku yahaa xariga Mukhtaar Roobow oo ay gacanta ku heyso Hay’adda nabadd sugida Soomaaliya. Gudoomiyaha Baarlamaanka Koonfur Galbeed ayaa ku eedeeyey madaxweynaha inuu kaalin ku lahaa xariga Roobow, wuxuuna amray in uu si deg deg ah usoo daayo, isaga oo sheegay in xarigiisa ay iska kaashadeen Madaxweyne Lafta-gareen iyo Wasaaradda Amniga Soomaaliya. Lafta-gareen ku gacansayrey codsiga Gudoomiyaha Baarlamaanka Koonfur Galbeed, waxa uuna iska fogeeyey eedeemaha loo soo jeediyey, isaga oo ku adkeystay inuusan wax kaalin ah ku lahayn xariga Roobow. Shariif Shiikhunaa ayaa waxaa la safan Xildhibaano iyo Odayaasha Dhaqanka Koonfur galbeed ee taageersan Mukhtaar Rooboow, waxaana wararku ay sheegayaan in laga Cabsi qabo Mooshin laga keeno madaxweyne Lafta-gareen. Xubnahan ayaa rumeysan in Lafta-gareen uu awood u leeyahay inuu madaxda dowladda ku qasbo inay soo daayaan Mukhtaar Roobow, ayaga oo sheegay in haddii lafta-gareen uu xiriirka u jaro dowladda ay ku qasban tahay inay warkiisa maqasho, maadaama aysan dooneyn maamul goboleed kale oo kasoo horjeesta. Suldaan Shariif Cali Xasan oo kamid ah waxgaradka Koonfur Galbeed Soomaaliya oo la hadley Idaacadda Simba ee Muqdisho ayaa walaac ka muujiyey Khilaafka oo laga cabsi qabo inuu meel xun gaaro, islamarkaana galaafto madaxweyne Lafta-gareen. Caasimada Online Xafiiska Muqdisho caasimada@live.com

Somali Journalists Syndicate (SJS) welcomes the release of Goobjoog media journalist Ali Adan Mumin who was released from police custody late on Friday 31 May, 2019. He spent four days in jail. Source: Hiiraan Online

Deegaanka Xaaji kheyr ee gobolka Karkaar Gabar 17 sano jir ah iyo laba carruur ah ayaa daadkii ka soo rogmaday togaasi ay kula tageen. Roobka [...] Source

Marxalado iyo xaalado kala duwan ayaa SNM halgankeedu soo maray min abaabulkii hore ee ballaysinka ahaa, ku dhawaaqii rasmiga ahaa, u banbixii goobaha naf-hurka iyo bilowgii dagaalka hubaysan, dhammaystirkii hawlaha dib u xoraynta, illaa wareejintii talada iyo dhalashadii Somaliland. Taariikhdaasi si dhab ah oo garashaysan oo ka baxsan soohdimaha caaddifadda iyo qiirada ama jibbada ogaalkayga loo ma qiimayn, si mug leh na wax ba looga ma qorin marka laga reebo in kooban oo hal-karaanle ah. Muqdisho ayaa la tilmaamaa abaabulkii hore ee SNM in uu ka bilaabmay nuskii dambe ee tobanlihii 1970-aadkii. Madaxdii sare xukuumaddii Soomaaliya rag ka mid ah oo kaashanaya qaar ka mid ah saraakiishii ciidamada qalabka sida iyo amniga iyo waxgarad kale ayaa ku dhaqaaqay abaabul qarsoodi ahaa oo dareenkiisu daarranaa in laga horyimaaddo oo lagu kaco siyaasaddii ka sii daraysey ee xukuumadda. Madaxdaas iyo kooxaha ay abaabulkaas la wadeen waxa ay ka soo jeedeen Gobolladii Waqooyi, waxa aanay u badnaayeen reer keliya (Isaaq). Ismaaciil Cali Abokor iyo Cumar Carte Qaalib ayaa madaxda sare ka mid ahaa hormoodkooda. Dhanka saraakiisha waxa foolaad u ahaa Maxamed Xaashi Diiriye (Lixle) iyo Axmed Maxamed Halac labadooda ba AHN. Kelitalisnimadii waddanka ka jirtey cabsi iyo baqdin la xidhiidha, iyo kalsooni-darradii iyo kala shakigii dadka lagu dhex beeray ayaa keenaysey in si qarsoodi ah wax lagu wado, hab-raac qabali ahna la isugu xidhmo oo loo wada xidhiidho, waayo talisku isagaa inta uu qabyaaladdii dadka ku yidhi “ha la aaso”, haddana iilka iyo luxudkii la jiifiyey dadkii u daba maray oo ka soo qufay oo dibedda ula soo baxay, madaxtooyadiisana la yimi oo ku rabbaystay iyada oo miciyo libaax yeelatay. Goobta labaad ee abaabulka hore ee SNM ka socdey waxa ay ahayd Sucuudiga oo ay ku noolaayeen waxgarad gobolladaas ka soo jeedey oo waa’ hore badankoodu dalka ka haajirey. Labadaas qolo ee gudaha iyo dibedda abaabulkaas kaga foognaa waxa la tibaaxaa in ay is ogaayeen, hadda na aanay lahayn himilo guud mooyaane hadafyo hoose oo ku salaysan sida wax loo yagleelayo iyo sida himilada iyo higsiyada gaadhitaankooda la isku waafajinayo. Waxa kale oo jirtey in labada qolo hawluhu u kala fududaayeen. Qolyaha guduhu waxa ay ku jireen af libaax oo way ka halis badnaayeen dhiggoodii kale ee Sucuudiga hawsha ka wadey oo haystey xorriyad ta qolyaha gudaha ka roon iyo u madaxbannaan hawsha ay qabanayeen abaabulkeeda. Si kasta ba ha ahaato’e, qolyihii dibedda ayaa magacii yeeshay oo London kaga dhawaaqay SNM 6-dii April 1981. Suurta gal ma ahayn in Sacuudiga urur dabeecaddaas leh laga dhisaa ama lagaga dhawaaqaa. Sidaas darteed ayay kooxdaasi inta ay dhigeen wixii ay gacanta ku hayeen ugu hulleeleen waddanka Boqortooyada Ingriiska, iyaga iyo koox kale oo halkaas sii joogteyna sannadkaas SNM ugaga dhawaaqeen. Qolyaha Sucuudigu waxa ay soo direen rag ay ka mid ahaayeen Sh. Yuusuf Sh. Cali Sh. Madar, Axmed Ismaaciil Cabdi (Duqsi) iyo Xasan Aadan Wadaad-diid saddexda ba AHN oo noqday horseedkii halganka hubaysan, waxa weheliyey ragga ay ka mid ahaayeen Prof Cabdisalaan Yaasiin Maxamed, Maxamed Xaashi Cilmi, Axmed Maxamed Jaamac Dable iyo Axmed Maxmed (Seyidi). London waxa kaga biiray qolyahaas Sacuudiga ka yimi rag ay ka mid ahaayeen Axmed Jimcaale (AHN), Xasan Ciise Jaamac, Cali Cabdilqaadir, Axmed Saylici iyo Siciid Cabdillaahi Cigaal oo xilli dambe taliskii Maxamed Siyaad dib ugu laabtay. Ku dhawaaqaas SNM wax weyn ayuu ka beddelay siyaasaddii dalka, waxaana abuurmay xiisad iyo jawi tuhunno siyaasadeed iyo qaar qabali ah huwanaa oo kala gurasho iyo xeelado dahsoonba lahaa. Waxa kordhay oo baallaha fidsaday cadaadiskii maamulayaasha talisku dadka ku hayeen. Sidii aynu soo xusnay waxa Hargeysa lagu xidhxidhay dhallinyaradii UFFO, waxa gadoodkii ardayda 20-kii Feb 1082. 1-dii May 1982 waxa magaalada Burco ka dhacay muddaharaadyo ka dabqaadanayey kuwaas Hargeysa ka qarxaday. Muddo ka dibna waxa la xidhxidhay xubno ka mid ah dawladdii MS Barre, ayna ka mid ahaayeen Ismaciil Cali Abokor, Cumar Carte Qaalib, Maxamed Sh. Aadan iyo dad kale oo badan oo isugu jira saraakiil ciidammo iyo sibilba leh, iyo waxgarad kala duwan oo ka soo jeeda gobolladii Waqooyi. Tuulada Dharkayn-geeye ee Degmada Buuhoodle waxa maxkamad milateri badhka taagtey oo si foolxun loogu toogtey Col. Cabdillaahi X. Siciid Cabdi (AHN) oo ka mid ahaa saraakiishii ugu qiimaha badnayd XDS, taas oo dareen weyn ku dhalisay oo dhiillo gelisey saraakiil badan oo ka soo jeeddey gobolladii waqooyi. Saraakiishii ugu horreysey ayaa ka gudubtey xuduudda oo u tallowday dhanka Itoobiya. Maxamed Cali Faarax (AHN) iyo Jabhaddii Afraad ayaa ka xidhiidh furtay ciidamadii Soomaaliya. Aadan Sh. Maxamed (Aadan Shiine, AHN), Aadan Saleebaan (Ma gubte), AHN, Axmed Dhagax (AHN) iyo Maxamed Kaahin Axmed, ayaa ka goostay saraakiishii ciidamada. Dawladdii Itoobiya ayaa saraakiishaas u soo jeedisey in ay ku biiraan SSDF oo saldhigyadeeda ciidameed daadsanaayeen soohdinta u dhaxaysa labada waddan min Goraya-cawl oo galbeedka Hargeysa ku qumman ilaa koonfurta shishe ee Soomaaliya. Saraakiishaasi waxa ay diidmo ku qaaddeceen codsigii Itoobiyaanka, waxanay u sheegeen in ay ka mid yihiin ururka SNM oo markaas fadhigiisu ahaa London. Halkaas waxa ka bilaabmay digorogashadii maamulka ee SNM uu Itoobiya ugu soo guurey iyo bilowgii halgankii hubaysnaa. La soco qaybta 8aad, hadduu Alle idmo, oo ku saabsan caqabadihii SNM ay Itoobiya kala kulantay iyo sidii ay uga gudubtey. Qaran News

The Officer-in-Charge of the United Nations Assistance Mission in Somalia (UNSOM) and the Deputy Special Representative of the UN Secretary-General in Somalia, Raisedon Zenenga, condemned in the strongest possible terms the murder of the UN local security assistant Mohamed Abdi Khayre as he was leaving a mosque in the city of Galkayo yesterday evening. Source: Hiiraan Online