Source

Source

Garoowe (Caasimada Online) – Madaxweynaha maamulka Puntland Saciid Cabdullahi Deni ayaa liiska musharaxiinta Aqalka Sare ka reebay Senator Maxamuud Mashruuc, oo afartii sano ee lasoo dhaafay ka tirsanaa Aqalka Saree e Soomaaliya. Mashruuc, oo kasoo jeeda gobolka Bari, ayaa ka mid ahaa xubnaha Aqalka Sare ee sida weyn u mucaaradsanaa siyaasadda madaxweyne Farmaajo afartii sano ee uu ka tirsanaa Aqalka, waxayna isku qabteen arrimo badan oo ay ugu weyn tahay difaaca danta Puntland, taasi oo ay ka sinnaayeen Deni. Mashruuc ayaa caan ku ahaa mowqifyadiisa difaaca doodaha siyaasadda Puntland sida; sharciga shidaalka iyo khilaafkii arrimihi waxbarashada, oo uu dagaal xooggan u galay markii ardayda Puntland loo diiday shahaadada dugsiga sare ee wasaaradda waxbarashada Soomaaliya. Hase yeeshee, Deni iyo Mashruuc ayaa siyaasad ahaan ku kala aragti duwanaa siyaasdaha gudaha Puntland, sida mashruucii qandaraaska PDG, oo Deni uu meesha ka saaray kuna wareejiyay xubno ka tirsan qoyskiisa. Ka sokow siyaasadaha federaalka iyo kuwa Puntland, Mashruuc iyo madaxweyne Deni ayaa ahaa saaxiibo aad isugu dhow, wuxuuna Mashruuc wax ka dheliyey guushii Saciid Deni ee 8-dii Janaayo 2019 loogu doortay madaxweynaha maamulka Puntland. Dad badan oo siyaasadda Puntland aad ula socda ayaa sheegay in Deni uusan aheyn nin ku wanaagsan abaal-gudka, oo aysan la yaab laheyn inuu ka tegay Mashruuc. Dhinaca kale, Ilo xog-ogaal ayaa Caasimada Online u sheegay in Senator Mashruuc uu uu muddo ku mashquulsanaa u diyaar garowga inuu isku sharraxo Golaha Shacabka, waxaana suurta-gal ah inuu dareemay in Deni uu liiska ka reebi doono. Mashruuc ayaa qoraal uu soo saaray maanta ugu hambalyeeyey xubno liiska lagu soo daray. “Waxaan u hambalyeynayaa Puntland oo maantay shaacisay dhammaan xubnaha liiska tartamayaasha Aqalka Sare ee Baarlamaanka 11-aad, taasoo ka dhigan dar dar gelinta geeddi socodka doorashada. Hambalyo dhammaan liiska tartamyaasha Aqalka Sare ku matali doona Puntland Baarlamaanka 11-aad ee JFS. Sharaf ayay ii ahayd inaan u soo adeegay danta qaranka Soomaaliyeed iyo danaha gaarka ah ee PUNTLAND afartii sano ee la soo dhaafay. Kuraasto waa meerto,” ayuu yiri. Lama oga in xukuumadda Saciid Deni dagaal hor leh ay kala geli doonto in Mashruuc ay ka hor-istaago in loo soo doorto Golaha Shacabka iyo in kale, inkasta oo awooddaas badankeed ay gacanta ugu jirto qabaa’ilka. Dhanka kale, Senator Cabdiraxmaan Faroole iyo Senator Farxaan kaliya ayaa noqday labada Senator ee kaliya ee 11-kii xubnood ee Puntland uga mid ahaa Aqalka Sare ee dib loogu soo daro liiska. The post Xog: Muxuu Saciid Deni liiska musharaxiinta Aqalka Sare uga reebay Senator Mashruuc? appeared first on Caasimada Online.

Source

MOGADISHU (HOL) - Somalia’s international partners have approved a $7.7 million funding to support the country in conducting parliamentary and presidential elections. Source: Hiiraan Online

Somalia has established a national payments system as part of a plan to develop the financial industry in one of the world’s most fragile states, after decades of political and economic instability. Source: Hiiraan Online

Muqdisho (Caaasimada Online) – Ra’iisul wasaaraha xukuumada Soomaaliya iyo wafdi uu hoggaaminayo ayaa maanta u ambabaxay magaalada Nairobi ee caasimada Kenya, isaga oo lagu sii sagootiyey garoonka diyaaradaha Aadan Cadde ee magaalada Muqdisho. Safarka ra’iisul wasaaraha ayaa daaran wada-hadallo ku saabsan hagaajinta xiriirka dalalka Soomaaliya iyo Kenya oo xumaaday bilihii lasoo dhaafay. Sidoo kale Rooble ayaa kulan gaar ah la qaadan doono madaxweyne Uhuru Kenyatta oo isagu u fidiyey casuumadda booqashada uga bilaabatay magaalada Nairobi. Dhinaca kale safarkan oo kusoo aaday xilli xasaasi ah ayaa bannaanka keenay arrin qarsooneed oo ku aadan dhinaca duulimaadka, gaar ahaan safarada madaxda dalka. Afhayeenka xukuumadda Soomaaliya, Maxamed Ibraahim Macalimu oo ka hadlayey arrintan ayaa shaaca ka qaaday in dowladda federaalkaSoomaaliya ay buuxisay shuruucdii duulista hawada sidaa awgeedna uu maanta Ra’iisul Wasaare Rooble duulimaadkiisu yahay SOM-001, taas oo ka dhigan in xittaa duulimaadyada kale ee caalamiga ah ay la socdaan in duulimaadkaas uu la socdo Ra’iisul Wasaare Maxamed Xuseen Rooble. Sidoo kale wuxuu tilmaamay in aduunka marka la’eego duulimaadyada madaxweynayaasha ay qaataan 001, ra’iisul wasaareyaashana ay qaataan lambarka 002, balse duulimaadka maanta ra’iisul wasaaraha ee lambarkiisu yahay 001, ayaa muujinaya heerka uu gaarsiisan yahay khilaafka kala dhexeeya isaga iyo madaxweynaha uu muddo xileedkiisu dhamaaday. “Duulista Hawada sharciyan madaxweynayaasha adduunka waxa ay qaataan duulimaadyada 001, Ra’iisul Wasaarayaashana 002. Soddan sano kadib, waxa DF Soomaaliya ay buuxisay Shuruucdii duulista hawada sidaa awgeed maanta Ra’iisul Wasaare Rooble waxa uu duulimaadkiisu yahay SOM-001 taas ah ka dhigan in xitaa duulimaadyada kale ee caalamiga ah in ay la socdaan in duulimaadkaas uu la socdo Ra’iisul Wasaare Maxamed Xuseen Rooble,” ayuu yiri afhayeenka xukuumadda federaalka Soomaaliya. Si kastaba Villa Soomaaliya ayaa gashay marxalad cusub, kadib markii uu khilaaf dhinac awooda iyo maamulka uu soo kala dhex-galay madaxweynaha iyo ra’iisul wasaaraha. The post Safarka R/W Rooble ee dalka Kenya oo arrin kale banaanka keenay – maxaa soo kordhay? appeared first on Caasimada Online.

Afgooye (Caasimada Online) – Wararka laga helaya gobolka Shabeelaha Hoose ayaa sheegaya in maanta ciidamo ka tirsan kuwa AMISOM ay dad shacab ahaa ku rasaaseeyeen qeybo ka mid ah gobolkaas, kadib markii qarax miino lagula eegtay agagaarka Shalanbood. Qaraxa oo ahaa nooca miinada dhulka lagu aaso ayaa waxaa lala bartilmaameedsaday ciidamadaasi, xilli ay marayeen inta u dhexeysa Golweyn iyo Danow ee gobolka Sh/Hoose. Guddoomiyaha deegaanka Shalanbood Nuur Cismaan Raage oo ka hadlay dhacdadaasi ayaa ku eedeeyey ciidanka AMISOM inay si bareer ah u laayeey shacab beeraley ah. Nuur Cismaan ayaa xusay in qaraxa kadib ciidanka AMISOM ay galeen beer ay ku sugnaayeen 4 shaqaale ah iyo ninkii iska lahaa, sidoo kalena ay wadada qabteen labo darawal, kadibna ay hal goob isugu geeyeen, ayna rasaas ku laayeen, sida uu hadalka u dhigay. “Nin yahoy dhib ayaa dhacay waxaa la dilay dad 7 qofood gaaraya oo shacab ahaa waxaa lagu laayey Golweyn iyo inta u dhexeysa Danow. Saaka ciidamada AMISOM ah oo soo gudbinayey gawaari raashin geysay ayaa soo baxay Shabaab ayaa wadada u gashay oo miino u dhigtay, markii miinadii la qarxiyana waxay sameeyeen ciidankii AMISOM waxay dhex-galeen dad beer joogay u shaqaale u badan, ninkii iska lahaa iyo laba darawal ayey isugu keeneen hal meel, kadibna way laayeen,” ayuu yiri gudoomiyaha Shalanbood. Sidoo kale wuxuu ugu baaqay Koonfur Galbeed iyo dowladd federaalka ah inay soo fara-geliyaan arrintaas, si wax looga weydiiyo taliska guud ee ciidamada AMISOM. Inta badan ciidamada AMISOM ayaa dilal iyo tacadiya kale u geysta dadka shacabka ah, xilliyada ay weerarada dhaba-galka ah kala kulmaan dagaalyahanada Al-Shabaab. The post Ciidamada Amisomoo dad shacab ku laayey Sh/Hoose appeared first on Caasimada Online.

Madaxweynaha Puntland Saciid Deni ayaa maanta soo saaray liiska aqalka saree e BF u matali doona maamulkiisa, liiskann oo aaney kasoo dhex muuqan Sanatarro waa waaweyn sida Cumar Cabdirashiid, Cabdirisaaq Jurille iyo Maxamuud Mashruuc, waxaa kale oo xusid mudan in kursiga beesha Jambeel Koobe ku laheyd aqalka sare loo wareejiyey beesha Maxamuud Ibraahim ee Majeerteen, teeda kale kuraasta haweenka loo xiray hal kursi ayaa Majeerteen ah halka labada kale ay yihiin East Sanaag Clan iyo Sool clan. Labo Senator keliya ayuu kasoo celiyey baarlamaankii 10-aad isaga oo badalay sagaalka kale, labada uu soo celiyey waa Cabdiraxmaan Maxamed Maxamuud ( Faroole) iyo Farxaan Cali Xuseen. Haddaba, Waa Kuwan Faah-faahinta Kuraasta Aqalka Sare iyo Liiska Cusub: Cabdiraxmaan Maxamed Maxamuud ( Faroole), oo ah Senator ku fadhiya kusriga sumadiisu tahay UH52, oo ay leedahay beesha Ciise Maxamuud oo ka tirsan Majeerteen ayaa mar kale kusoo baxay liiska musharaxiinta aqalka sare ee federaalka ah ee laga soo dooranayo Puntland, waxaa la tartami doona Maxamed Cismaan Colaad. Farxaan Cali Xuseen, oo ah Senator ku fadhiya kursiga sumaddiisu tahay UH11, oo ay leedahay beesha Leelkase ayaa sidoo kale ka mid noqday liiska musharaxiinta ee uu Puntland kasoo saaray madaxweyne Deni, waxaa hadda la tartameyso Hodan Isxaaq Maxamed. Senator Cumar Cabdirashiid Cali Sharma’arke oo ku fadhiyey kursiga sumaddiisu ahaa UH41, oo aheyd laheyd beesha Cusmaan Maxamuud ayaa inkasta oo isla beesha la siiyey hadana isaga laga reebay, kursiga hadda waxaa ku tartami doona Daahir Ayaanle Siciid iyo Maxamed Cumar Maxamed. Senator Cabdirisaaq Cismaan Jurile oo ku fadhiyey kursiga sumaddiisu ahaa UH27, oo ay laheyd Dashiishe ayaa isla beesha lagu celiyey, laakin isaga ayaa laga reebay liiska, waxaa hadda ku tartamaya kusriga Maxamed Cabdi Cismaan (Majiino) iyo Maxamed Geedi Maxamuud. Senator Maxamuud Axmed Maxamuud Mashruuc oo ku fadhiyey kursiga sumaddiisu aheyd UH39, ee Beesha Cali Saleebaan, Majeerteen ayaa isla beesha lagu celiyey laakin isaga ayaa laga reebay liiska, waxaa hadda ku tartamaya Cabdisamad Yuusuf Maxamed (Abwaan ) iyo Ismaaciil Mire Muumin. Senator Siciido Xasan Cismaan oo ku fadhisay kursiga sumadiisu aheyd UH23 ee beesha East Sanaag Clan ayaa laga reebay liiska aqalka sare, waxaana kusoo baxay gabdho ay isku beel yihiin sida Seynab Ismaaciil Maxamed iyo Aamina Jaamac Ibraahim. Senator Hodan Maxamuud Cismaan oo ku fadhisay kursiga summadiisu tahay UH40, oo ay laheyd beesha Sool clan ayaa inkasta oo isla beesha la siiyey hadana iyada laga reebay liiska aqalka sare, waxaa hadda ku tartami doona Samiiro Maxamuud Xaaji Cawad iyo Naciimo Axmed Bakar. Bootaan Barre Samatar oo isna ku fadhiyey kursiga summadiisu aheyd UH42, oo ay laheyd Jambeel Koombe ayaa laga reebay liiska aqalka sare, waxaa hadda tartami-doona Sareedo Maxamed Xasan iyo Fartuun Yuusuf Jaamac, oo u dhashay beesha Maxamuud Ibraahim ee Majeerteen. Senator Shukri Aadan Maxamed oo ku fadhisay kusriga sumaddiisu ahaa UH28 ee ay leedahay beesha Cumar Maxamuud, Majeerteen ayaa beesha lagu celiyey balse iyada laga reebay, waxaa hadda ku tartamaya Maxamed Cali Yuusuf (Gaagaab) iyo Kowsar Cabdullaahi Xirsi. Senator Cabdisalaan Xaaji Maxamuud oo ku fadhiyey kursiga sumaddiisu tahay UH25, ee Sool clan ayaa isla beesha kusriga lagu celiyey balse isaga ayaa laga reebay liiska, waxaa hadda ku tartamaya Cabdullaahi Cali Xirsi (Timacade) iyo Cabdullaahi Maxamed Xaashi Nuur. Senator Mahdi Daahir SH. Nuur oo ku fadhiyey kursiga sumaddiisu tahay UH 36, ee ay leedahay Awrtable ayaa isla beesha la siiyey, laakin isaga ayaa laga reebay liiska, waxaa hadda ku tartamaya Cabdiqani Geelle Maxamed iyo Cabdiqaadir Maxamed Yuusuf. Waxaa xusid mudan in madaxweyne Deni uu liiska aqalka sare ku daray siddeed gabar, oo saddex kursi si gaar ah loogu xiray, oo ay ku iyaga uun ku tartamayaan, halka labo kursi ay rag kula tartami doonaan. Dhanka kale, Cabdirashiid Yuusuf Jibriil Gudoomiyaha golaha wakiilada dowlad gobaleedka Puntland ayaa soo saaray ilaa 5 xubin oo ka tirsan golihiisa, kuwaas oo hoggaamin doona doorashada aqalka sare, waxaana guddoomiye u ah guddiga Xildhibaan Axmed Jaamac Cabdulle Waxaa sidoo kale xubno ka ah Xildhibaan Sharma’arke Cilmi, Xildhibaan Cabdiraxmaan Jaabiri, Xildibaan Cabdirisaq Sahal, Xildhibaan Cabdiqani Faarax. Murasharaxiinta aqalka sare ayaa lagu wadaa in berri oo arbaco ah ay hortagaan golaha wakiillada Puntland, iyaga oo khudabadaha jeedin doona, waxaana la filayaa in doorashada isla berri ay dhacdo. W/Q: Cabdicaziz Gurbiye iyo Yaxye Soocadde Goobjoog News Source: goobjoog.com

Waxaa goordhaw magaalada Muqdisho ka ambabaxay wafdi uu hogaaminayo ra’iisul wasaaraha dalka Maxamed Xuseen Rooble. Rooble ayaa wafdigiisa waxaa qeyb ka ah xubna ka tirsan golahiisa wasiirada iyo mas’uuliyiin kale. Dowladda Soomaaliya ayaa sheegtay sidoo kale in duulimaadka Ra’iisul wasaaraha maanta uu ku baxay uu ahaa dulimaad heer madaxweyne ah. Afhayeenka Xukuumadda Soomaaliya Maxamed Ibraahim Mocalimuu ayaa qoraal uu soo dhigay bartiisa Facebook-ga ku sheegay in ay tahay markii ugu horeysay uu ra’iisul wasaaraha uu duulimaadkan ku baxo. “Duulista Hawada sharciyan Madaxweynayaasha Adduunka waxa ay qaataan duulimaadyada 001 Ra’iisul Wasaarayaashana 002. Soddan sano kadib. waxa DF Soomaaliya ay buuxisay Shuruucdii duulista hawada sidaa awgeed maanta Ra’iisul Wasaare Rooble waxa uu duulimaadkiisu yahay SOM-001 taas ah ka dhigan in xitaa duulimaadyada kale ee caalamiga ah in ay la socdaan in duulimaadkaas uu la socdo Ra’iisul Wasaare Maxamed Xuseen Rooble”, ayaa yiri Afhayeenka Xukuumadda Soomaaliya Maxamed Ibraahim Mocalimuu. Goobjoog News Source: goobjoog.com

The scenes of Bashir Abdi being encouraged on by his best friend and training buddy, the Dutch athlete Abdi Nageeye, as they both reached the finishing line will be one of the enduring memories of this summer’s Tokyo Olympics. Source: Hiiraan Online

The scenes of Bashir Abdi being encouraged on by his best friend and training buddy, the Dutch athlete Abdi Nageeye, as they both reached the finishing line will be one of the enduring memories of this summer’s Tokyo Olympics. Source: Hiiraan Online

Muqdisho (Caasimada Online) – Ra’iisul wasaaraha xukuumadda Soomaaliya, Mudane Maxamed Xuseen Rooble ayaa maanta kulan gaar ah garoonka Aadan Cadde kula qaatay saraakiisha laamaha ammaanka, xilli uu kusii jeeday magaalada Nairobi ee dalka Kenya. Kulanka oo ahaa mid xasaasi ah ayaa waxaa ka qeyb-galay taliyaha Booliska Soomaaliya Janaraal Cabdi Xasan Maxamed (Xijaar), ku xiigeenkiisa Jenaraal Cismaan Cabdullaahi Maxamed (Kaniif), taliyaha qeybta Booliska Gobolka Banaadir Farxaan Maxamuud (Qaroole , taliyaha qeybta Booliska Garoonka Aadan-Cadde iyo saraakiil kale oo ka tirsan Booliska. Rooble ayaa amar culus siiyey saraakiishan, wuxuuna faray xoojinta amniga guud ee dadlka, gaar ahaan kan magaalada Muqdisho ee caasimada Soomaaliya. Sidoo kale ra’iisul wasaaraha ayaa taliyeyaasha uu la kulmay kula dar-daarmay in ay xil gaar ah iska saaraan sugidda amniga doorashooyinka ka dhacaya dalka. Dhankooda saraakiisha kulanka ku sugnaa oo madasha ka hadlay ayaa ballan-qaaday inay laba jibaari doonaan waajibaadka saaran ee amniga, ayna dardargelinayaan howl-gallada lagu sugayo amniga caasimada, si looga hortego wax kasta oo liddi ku ah amniga qaranka. Kulankan wuxuu kusoo aadaya, xilii haatan xiisad siyaasadeed ay ka taagan tahay xarunta Villa Soomaaliya, isla-markaana ra’iisul wasaaraha uu kusii jeedo magaalada Nairobi ee caasimada dalka Kenya, halkaas oo kulan kula leeyahay madaxweyne Uhuru Kenyatta. Xaaladda siyaasadeed ee dalka ayaa haatan yeelatay weji cusub, waxaana dhinaca mucaaradka ay dhankooda taageero u muujinayaan ra’iisul wasaaraha dalka. The post R/W ROOBLE oo amar culus siiyey saraakiisha amniga, ka hor safarkiisa dalka KENYA appeared first on Caasimada Online.

Madaxda Dunida ugu ilaalada adag Madaxda dalalka, hay’adaha iyo laamaha kala duwan ee dowliga si gaar ah ayaa loo ilaaliyaa maadaamaa dal kasta uu aaminsan yahay qofka madaxweynaha ama hoggaamiyaha u ah inuu yahay kan dalka isku haya oo astaanta u ah midnimada qaranka. Haddana madaxda dunida ka jira qaarkood ayaa ilaala aad u adag oo ka duwan madaxda kale loo sameeyaa, ilaaladaasi oo weliba aad loo adkeeyo marka ay meel ka baxsan dalkooda safar ku tagaan. Haddaba warbixinteennan waxaan ku eegeynaa qar ka mid ah madaxda dunida ugu ilaalada adag. Vladimir Putin Madaxweyne Viladmir Putin si la mid ah hoggaanka siyaasadeed ee dalka Ruushka waxaa ilaaliya ciidamo si gaar ah u tababaran balse ilaalada Putin ayaa ka duwan ilalada madaxda kale. Ilaalada Putin xog badan lagama hayo balse waxaa la ogyahay ilaalada Putin iney yihiin kuwa ay tayadooda aad u sarreyso si aad ahna uga duwan ilaalada madaxda caalamka kale. Waxayna ilaaliyaan dhamman xogaha madaxweynaha ku gadaaman iyo dhaqdhaqaaq kasta uu sameynayo. Dadkuna waxay aad u daneeyaan iney wax ka ogaadaan ilaaladaasi howlaha ay sida gaarka ah u qabtaan. Viladmir laftiisa oo ah madaxweyne dabeecado u gaar ah leh oo warbaahintana si aad u soo jiito haddana aragtidiisa siyaasadeed iyo mowqifka uu iska taago arrimaha qaar ayaa ka dhigaya madaxweynaha khatarta ugu badan ugu jiro cadow inuu soo weeraro balse 24 saac ay la socdaan ilaalo aan loo geli karin. Putin oo isaga laftiisa naftisa u baqanaya, khatarta ama cabsida ugu weyn wuxuu ka baqayaa iney uga timaaddo waddamada reer galbeedka. Kim Jong-un Dunida waxay si aad ula yaabtaa ilaalada gaarka ah ee madaxweynaha Kuuriyada Waqooyi Kim Jong-un, kaddib marki la arkay ilaaladi la socotay ee ku wehlisay safarkii uu Singapore ku tagay. Waxaana Kim looga cabsadaa in la khaarijiyo ama iney khatar kale uga timaaddo dadka isaga ku hareereysan. Waxaana la ogaaday ilaalada madaxweyne Kim inaan tayo keli ah lagu tilmaamin balse ciidamo ilaaliya oo 100,000 ay tiradoodu gaarayo iney isaga oo keli ah ka amar qaataan. Kim Jong-un ayaa la sheegay inuu had iyo jeer uu ka shaqeeyo iney muwaaddiniinta dalkiisa u arkaan inuu yahay hoggaamiye ruuxi ah oo aan la hollin kareyn. Joe Biden Iyada oo ay ku koobneen madaxweynaha hadda jooga ee Joe Biden madaxda kale ee soo maray dalka Mareykanka sida adag ee loo ilaaliyo waa la wada ogyahay. Dunidana waxay ka dharagsan tahay madaxweyne kasta oo Mareykanka ka soo jeeda marka uu booqasho uu dal kale ku tagayo ilaalada uu sii kaxeysto sida gaadiidka iyo isgaarsiinta uu isticmaalo. Madaxweynaha waddan kale marka uu booqasho ku tagayana xataa waxaaba gabi ahanba la damiyaa ama meesha laga saaraa isgaarsiinta si loo sugo ammaanka madaxweynaha Mareykanka. Gawaarida uu socdaalka dalalka kale uu ku tago uu adeegsado, ciidamada ammaanka ee safarka ku wehliyo iyo sida loo adkeeyo amniga aagga uu booqanaya intaba dalka uu booqanayo madaxweynaha wuxuu kala soo laabtaa taageero aad u badan iyada oo dad badanna ay aad ula dhacaan. Boqorad Elizabeth II Boqorad Elizabeth II ayaa ah boqoradda muddadii ugu dheereyd xilka boqortooyada dalka Britain soo haysay. Waxayna boqoraddu sanadki 2017-kii ay u dabbaal degtay sanad guuradii 65-aad ee ka soo wareegtay xilligi ay boqornimada Britain la wareegtay. Ilaa iyo 2022-ka haddii boqoradda cimriga uu ku simo waxay u dabbaaldegi doontaa sanad guurada 70-aad. Boqoraddana waxaa ilaaliyaa ilaalo gaar ah oo ay boqortooyada leedahay oo wata fardo iyo gaadiid waxaana astaan gaar ah u ah labbiska ilaalada boqoradda oo ka duwan ciidamada kale ee madaxda dalkaasi ilaaiya. Inta ay gurigeeda ama boqortooyadeeda ku sugan tahay waxaa ilaalinaya ciidamada ilaalada qaarka ee boqoradda oo farda iyo gaadiid kooban wata balse haddii ay u safreyso meel dalkeeda ka baxsan ama ay galeyso safar dheer waxaa howsha ilaalada ku soo biiraya ciidamada qalabka sida oo gudanaya waajib kasta oo la xiriira ilaalinta amniga boqoradda. Papa Francis Pop Francis oo baadariga ugu sarreeyo Roma ayaa loo yaqaannaa hoggaamiyaha aan si toos ah ugu jirin madaxda caalamka balse awooddiisu ay dhaafsiisan tahay hoggaamiye diimeed. Wuxuuna madax u yahay kaniisadda Cathloc ee caalamka oo dhan wuxuuna Pop-ku leeyahay ialaalo aad u adag oo la mid ah ama u dhigma madaxda caamalka. Waxaana Pop-ka ilaaliya ciidama qarsoon balse tababarkoodu adag yahay haddii loo baahdana hub casri ah adeegsado. Hoggaanka diimeed ee qofka ugu sarreeya Pop loogu yeero sanadki 1505 waxaa soo billaabay Pope Juliuis II kaddib marki uu ku guuleystay dagaal ka socday agagaaraha magaalada Rome. Mark Zuckerberg Mulkiilaha shirkadda weyn ee Facebook Mark Zuckerbergwuxuu ka mid yahay madaxda shirkadaha ee sida aadka loo ilaaliyo, ilaaladiisana miisaaniyad aad u badan ku bixiyo. Laga soo billaabo 2015-tii mark Zuckerberg sanad walba ku dhawaad 20 malyan oo doolar oo amnigiisa guud ku baxaya iyo 7.3 malyan oo doolar oo ilaaladiisa gaarka ah ku baxeysa ayuu ku bixinayey xilliyada uu gurigiisa jooga ama uu meela kale u safrayo. Ilaaladiisana waxaa mararka qaar loogu yeeraa ‘booliska qarsoon ee Zuckerberg’, warar aan la xaqiijininna waxay sheegayaan halki mar iney la socdan ilaala gaareysa 16 qof. Mulkiilaha shirkadda teknooloojiyadda ee Oracle Larry Ellison oo ilaaladiisa ku bixin jiray 1.8 malyan oo doolar waxaa haatan ka sare maray maamulaha shirkada Facebook oo ilaalada amnigiisa sanad walba ku bixiyo 20 malyan oo doolar. Qaran News

Qaran News

Cabdirashiid Yuusuf Jibriil Gudoomiyaha golaha wakiilada dowlad gobaleedka Puntland, ayaa goordhaw shaaciyayay waqtiga ay qabsoomeyso doorashada xubnaha Aqalka sare ka soo galaya Puntland. War qoraal ah oo ka soo baxay xafiiska guddoomiyaha golaha wakiilada Puntland ayaa lagu sheegay in Musharixiinta iyo dhamaan daneeyayaasha doorashooyinka beri oo arbaca ah ay bilaabaneyso doorashada Aqalka sare. “Guddoomiyaha Golaha Wakiillada Dawladda Puntland Mudane, Cabdirashid Yuusuf Jibriil wuxuu ku wargelinayaa Guddiga Hirgelinta Doorashooyinka Heer Federaal (FEIT), Guddiga Maamulka Doorashooyinka Heer Puntland (SEIT), Musharixiinta Xubnaha Aqalka Sare ee Puntland, iyo Dhammaan daneeyayaasha Doorashooyinka Heer Federaal in Doorashada Xubnaha Aqalka Sare ee Baarlamaanka Federaalka Soomaaliya ee Puntland la qaban doono 11/08/2021, kuna beegan maalinta Arbaca, Haddii Eebbe Idmo”, ayaa lagu yiri qoraal ka soo baxay xafiiska guddoomiyaha golaha wakiilada Puntland Cabdirashiid Yuusuf Jibriil . Goobjoog News Source: goobjoog.com

Mohamed Abdirizak (right) held a meeting with Kenya Foreign Minister Raychelle Omamo in Mogadishu on Sunday Mogadishu (PP News Desk) — In what appears to be a political twist in the plot, reports have emerged that, contrary to what the Somali Federal Government stated in the communique on the meeting between Somalia and Kenya Foreign Ministers in Mogadishu on Sunday, the President of Somalia Mohamed Abdullahi Farmaajo had not held a meeting with the Kenya’s Cabinet Secretary for Foreign Affairs Raychelle Omamo. A communique co-signed by the Somali Foreign Minister Mohamed Abdirizak stated the “the Cabinet Secretary was granted audience with His Excellency Mohamed Abdullahi Farmajo, President of the Federal Republic of Somalia.” Has the Somali Foreign Ministry misrepresented the talks with Kenya’s Foreign Minister? Villa Somalia has not commented on the communique which, if it turns out to be economical with truth, boosts the Somali President’s stance on the caretaking status of the incumbent federal government until presidential elections are held in October. The Prime Minister of Somalia Mohamed Hussein Roble is slated to visit Nairobi to hold a meeting with the President of Kenya Uhuru Kenyatta. © Puntland Post, 2021 The post Kenya Foreign Minister “Didn’t Pay A Courtesy Visit” to Somalia President appeared first on Puntland Post.

Gudoomiyaha golaha wakiilada dowlad gobaleedka Puntland ayaa goordhaw magacabaay guddiga qabanayo doorashada Aqalka sare. Cabdirashiid Yuusuf Jibriil Gudoomiyaha golaha wakiilada dowlad gobaleedka Puntland ayaa guddigan oo ka kooban shan xubnood oo ka mid ah xildhibaanada golaha wakiilada Puntland u magacabaay in ay qabtaan doorashada Aqalka sare. Saaka ayeey aheyd markii madaxweynaha dowlad gobaleedka Puntland Saciid Cabdullaahi Deni uu soo saaray liiska musharixiinta Aqalka sare. Hoos ka akhriso Liiska magacyada Guddigaan Source: goobjoog.com

Guddoomiyaha Baarlamanka Puntland ayaa maanta oo Talaado ah shaaciyay guddiga qabanaya doorashada Aqalka sare. Guddooomiye Cabdirashiid Yuusuf Jibriil ayaa magacaabay guddigan oo ka kooban shan xildhibaan oo ka tirsan Baarlamanka Puntland. Madaxweyne Deni ayaa xalay soo saaray liiska xubnaha u sharraxan Aqalka sare ee laga soo doorto Puntland. Doorashada xubnaha Aqalka sare ayaa lagu wadaa in ay maalinta berri ah ka qabsoonto Puntland. PUNTLAND POST The post Puntland: Guddiga qabanaya doorashada Aqalka sare oo la magacaabay appeared first on Puntland Post.

Ra’iisul wasaaraha dalka Maxamed Xuseen Rooble ayaa kulan kula qaatay garoonka diyaaradaha Magaalada Muqdisho saraakiisha ciidamada Booliiska. Rooble ayaa ciidamada faray sugidda amniga dalka iyo xaqiijinta si gaar ah Ammaanka caasimadda inta lagu guda jiro doorashooyinka. Afhayeenka Xukuumadda Maxamed Ibraahim Mocalimuu ayaa sheegay in Ra’iisul wasaaraha uu sidoo kale kula dardaarmay saraakiisha in ay xil iska saaraan amniga. “Ra’iisul Wasaaraha X FS Mohamed Hussein Roble ayaa kulan la qaatay laamaha amniga isaga oo faray xoojinta amniga guud ee waddanka gaar ahaan caasimadda Muqdisho . Ra’iisul Wasaaraha ayaa kula dar dardaarmay saraakiisha in ay xil gaar ah iska saaraan sugidda amniga doorashooyinka dalka ka bilowday”ayuu yiri Mocalimuu. Source: goobjoog.com

Garoowe (Caasimada Online) – Madaxweynaha maamulka Puntland, Saciid Cabdullahi Maxamed (Deni) ayaa ugu dambeyn xalay shaaciyey liiska xubnaha musharraxiinta Golaha Aqalka Sare ee u tartamaya kuraasta taal magaalada Garoowe ee xarunta gobolka Nugaal. Kadib shaacinta liiskan ayaa waxaa kuraastoodii waayey illaa 9 musharrax oo ka mid ah xildhibaanadii horey Aqal Sare ugu metalayey dowlad goboleedka Puntland, kuwaas oo aan ka soo muuqan liiska 22-ka musharrax ee u tartami doono 11-ka kursi ee taalla Puntland. Xubnaha waayey kuraastooda ee liiska laga reebay ayaa kala ah ra’iisul wasaarihii hore ee dalka, Mudane Cumar Cabdirashiid Cali (Sharmaarke), Shukri Aadan Maxamed, Maxamed Daahir Sheekh Nuur, Cabdisalaan Xaaji Maxamuud Dheere, Hodan Maxamuud Cismaan, Cabdirisaaq Xasan Cismaan Jurile, Saciido Xasan Cismaan & Maxamuud Axmed Mashruuc. Sidoo kale waxaa liiska kasoo muuqday siyaasiyiin haatan xilal ka haya Puntland, waxaana ka mid ah wasiirka warfaafinta Puntland Cabdullaahi Cali Xirsi (Timacadde), wasiirka dekedaha Maxamed Cabdi Cismaan (Majiino) iyo guddoomiyaha Bari Cabdisamed Abwaan. Dhinaca kale waxaa kuraastoodii markale dib u difaacanaya oo liiska ka soo muuqday madaxweynihii hore ee Puntland, Mudane Cabdiraxmaan Faroole iyo Farxaan Cali Xuseen oo horey uga tirsanaa Golaha Aqalka Sare ee uu haatan muddo xileedkiisu dhammaaday. Guddiga doorashooyinka Puntland ayaa laga sugayaa inuu ku dhowaaqo xilliga rasmiga ah ee ay dhaceyso doorashada Aqalka Sare, si loo soo xulo Senatorada maamulkaasi. Jubbaland iyo Koonfur Galbeed ayaa horey u qabtay doorashada Aqalka Sare, waxaana Senatoradii ugu horreeyey lagu soo dooratay magaalooyinka Kismaayo iyo Baydhabo. The post Senatoradii ugu badnaa oo waayey kuraastoodii Aqalka Sare kadib liiskii Saciid Deni appeared first on Caasimada Online.

Ra’iisul Wasaaraha xukuumadda Federaalka Soomaaliya Mohamed Hussein Roble ayaa saaka kulan la qaatay laamaha amniga dalka. Ra’iisul wasaare Rooble ayaa faray hay’adaha Amniga xoojinta amniga guud ee waddanka gaar ahaan magaalada Muqdisho . Ra’iisul Wasaaraha ayaa kula dar dardaarmay saraakiisha in ay xil gaar ah iska saaraan sugidda amniga doorashooyinka dalka ka bilowday. PUNTLAND POST The post Ra’iisul wasaare Rooble oo kulan la qaatay Laamaha Amniga appeared first on Puntland Post.

Muqdisho (Caasimada Online) – Ra’iisul wasaaraha xukuumadda federaalka Soomaaliya, Mudane Maxamed Xuseen Rooble ayaa maanta ku sii jeeda gudaha magaalada Nairobi ee caasimada Kenya, halkaas oo uu kulamo kula qaadan doono madaxda sare ee wadankaasi. Wararka ayaa sheegaya in haatan wafdi horudhac u ah safarka Rooble inay gaareen magaalada Niarobi, si ay u agaasimaan soo dhoweynta ra’iisul wasaaraha. Ra’iisul wasaaraha oo uu casuumaddan u fidiyey madaxweynaha Uhuru Kenyatta oo soo wakiishay wasiirkiisa arrimaha dibadda Raychelle Omamo ayaa kala hadli doono arrimo ay ka mid yihiin in si buuxda uu dib ugu soo noqdo xiriirka labada dal, ka gudubka mad-madowga siyaasadeed ee labada dhinac iyo ka shaqeynta labada dan ee Somalia & Kenya. Afhayeenka xukuumadda Maxamed Ibraahim Macalimu oo la hadlay BBC-da ayaa faah faahin dheeraad ah ka bixiyey socdaalka Rooble ee Nairobi, wuxuuna shaaca ka qaaday inuu daaran-yahay ib u hagaajinta xiriirka diblumaasi ee wadamada Soomaaliya & Kenya. “Safarka Ra’iisul Wasaaraha waxa ay la xiriirta dib u hagaajinta xiriirka diblumaasi ee Soomaaliya & Kenya, in ay ka wada shaqeeyaan sidii ay uwada shaqeyn lahaayeen maadaama horay madmadow siyaasadeed uu soo kala dhexgalay,” ayuu yiri Macalimu. Sidoo kale waxa uu intaasi sii raaciyey “Dano badan ayaa ka dhaxeeya Labada Dal sida Qaxootiga Soomaalida, Ciidamada Midowga Afrika iyo deris wanaagga waana waxyaabaha ay kawada hadlayaan Ra’iisul Wasaasre Maxamed Xuseen Rooble & Madaxweyne Kenyatta”. Socdaalkan ayaa daba socday booqashadii wasiirka arrimaha dibadda Kenya ay maalin ka hor ku timid magaalada Muqdisho, taas oo wada-hadallo la yeelatay ra’iisul wasaaraha. Si kastaba safarka Rooble ee uu ku aadayo dalka Kenya ayaa ku soo aadayo, xilli xasaasi ah, isla-markaana ay si weyn isku hayaan madaxweynaha uu mudda xileedkiisu idlaaday. The post Wararkii ugu dambeeyey safarka R/W Rooble ee NAIROBI appeared first on Caasimada Online.

Ra’iisul wasaaraha dalka Maxamed Xuseen Rooble ayaa lagu wadaa in saacadaha soo socde ee saaka uu safar ugu amba baxo caasimadda dalka Kenya ee Nairobi, kadib casuumaad uu ka helaya madaxweynaha dalkaas Uhuru Kenyata. Rooble ayaa kulan la qaadan doona Uhuru, xilli la filayo in si rasmi ah losoo celiyo xiriirka Xukuumadda Nairobi ay la leedahay dalkeenna. Ilo xog-ogaal ah oo la hadlay Goobjoog News ayaa sheegaya in ajendeyaasha kale ee safarka Rooble ee Nairobi ay ka mid yihiin xoojinta xiriirka labada dal, arrimaha Socdaalka dhulka iyo cirka, amniga, ganacsiga, Fiisaha iyo arrimaha kale. Qoraal axaddii kasoo baxay xafiiska ra’isul wasaare Rooble kadib kulan dhex maray isaga iyo Raychelle Omamo ayaa lagu yiri sidan: Xukuumadda Soomaaliya waxa ay adkeyneysaa in dacwada muranka badda ee u dhaxeysa Soomaaliya iyo Kenya go’aankeeda laga sugayo Maxkamadda Caalamiga ee Caddaalada. Safarka ayaa waxaa uu dhaliyey khilaaf xooggan oo u dhaxeeya madaxweynaha waqtigiisu dhammaaday Maxamed Cabdullahi Farmaajo iyo ra’isul wasaarihiisa, iyada oo labada nin is qabsadeen. Goobjoog News Source: goobjoog.com

Garoowe (Caasimada Online) – Guddoomiyaha baarlamaanka maamulka Puntland, Cabdirashiid Yuusuf Jibriil ayaa maanta shaaciyey guddiga golaha wakiilada maamulkaasi u qaabilsan qabashada doorashada kuraasta Aqalka Sare ee taalla magaalada Garoowe. Guddiga uu ku dhowaaqay guddoomiyaha ayaa ka kooban illaa shan xabnood oo ka tirsan baarlamaanka, waxaana ay kala yihiin: Xil. Axmed Jaamac Cabdulle Guddoomiye Xil. Sharmaarke Cali Cilmi Xubin Xil. Cabdiraxmaan Jaabiri Samata Xubin Xil. Cabdirisaaq Maxamed Saha Xubin Xil. Cabdiqani Nuur Faarax Xubin. Cabdirashid Yuusuf Jibriil guddoomiyaha baarlamaanka dowlad goboleedka Soomaaliyeed ee Puntland ayaa dhinaca kale shaaciyey xilliga la qabanayo doorashada Aqalka Sare, wuxuuna sheegay inay dhaceyso maalinta Arbacada ah oo ku beegan 11-08-2021-ka. Sidoo kale guddoomiyaha ayaa go’aankan ku wargeliyay guddiga doorashooyinka ee heer federaal iyo kan heer dowlad goboleed ee Puntland, si ay u qaataan doorkooda. “Guddoomiyaha Golaha Wakiillada Dawladda Puntland Mudane, Cabdirashid Yuusuf Jibriil wuxuu ku wargelinayaa Guddiga Hirgelinta Doorashooyinka Heer Federaal (FEIT), Guddiga Maamulka Doorashooyinka Heer Puntland (SEIT), Musharixiinta Xubnaha Aqalka Sare ee Puntland, iyo Dhammaan daneeyayaasha Doorashooyinka Heer Federaal in Doorashada Xubnaha Aqalka Sare ee Baarlamaanka Federaalka Soomaaliya ee Puntland la qaban doono 11/08/2021, kuna beegan maalinta Arbaca, Haddii Eebbe Idmo,” ayaa lagu yiri qoraalka. Tallaabada uu qaaday guddoomiye Jibriil ayaa daba socota tii Deni oo xalay shaaciyey liiska 22 musharrax oo ku tartamaya 11-ka kursi ee ay Puntland ku leedahay Aqalka Sare. Puntland ayaa noqoneyso maamulkii saddexaad ee bilaaba doorashooyinka, waxaana ka horreeyey Jubbaland iyo K/Galbeed oo qabtay doorashada kuraas ka mid ah Aqalka Sare. The post Puntland oo shaacisay xilliga ay qabaneyso doorashada Aqalka Sare ee Soomaaliya appeared first on Caasimada Online.