Aqriso: Qaar ka mid ah wadooyinka magaalada Muqdisho oo saaka xiran

[Deeq A.]

Waxaa saaka xiran qaar ka mid ah waddooyinka muhiimka ah ee ku yaalla magaalada Muqdisho ee caasimadda Soomaaliya.

Ciidamada Booliiska ee dowladda federaalka ayaa xiray qaar ka mid ah jidadka caasimadda oo muhiim u ah isticmaalka dadweynaha.

Meelaha la xiray waxaa ka mid ah isgoysyo badan oo ku teedsan wadada Maka Al-Mukarrama sida, Banaadir, Soobe, Taleex, Tarabuunka iyo kuwa kale.

Askarta Booliiska ayaa ka celinaya jidadkaasi gaadiidka dadweynaha iyo kuwa gaarka loo leeyahay, iyadoona ay dadku isticmaalayaan cagahooda.

Lama oga ilaa iyo hadda sababaha rasmiga ah ee loo xiray wadooyinkan, mana jiro wax ogeysiis ah ama war-gelin ah oo ay bixiyeen laamaha ammaanka Soomaaliya.

Inta badan ciidamada dowladda ayaa xira jidadka marka ay shirar muhiim ah ka dhacayaan Muqdisho ama caasimadda ay imaanayaan wufuud culus.

View the full article