Holac

Guys, why aren't we talking about the Coronavirus?

Recommended Posts

Wasiirka Wasaaradda Caafimaadka ayaa maanta u baahisay bulshada xaaladaha ku soo kordhay dalka ee caabuqa COVID-19.

Wasiirka ayaa ku dhawaaqday tirada xaaladaha cusub ee maanta in ay tahay 81 xaaladood oo lagasoo xaqiijiyay 5 maamul goboleed oo kala duwan.

Gobolka Banaadir ayaa laga xaqiijiyay 44 xaaladood, Maamulka Jubbaland 24 xaaladood, Mamulka Puntland 6 xaaladood, Maamulka Somaliland 5 xaaladood iyo Maamulka Hirshabelle 2 xaaladood.

Wadarta guud ee xaaladaha la xaqiijiyey ayaa noqoneyso 1,170 xaaladood iyadoo ay bogsootay 5 bukaan. Majirin wax dhimasho ah 24kii saac ee lasoo dhaafay.

Wasiirka ayaa la wadaagtay fariimo waciyigelineed dhammaan bulshada gaar ahaan dhalinyarada maadaama ay yihiin da’da uu aad u saameeyay caabuqa, in laga rabo inay muujiyaan taxadar aad u farabadan, ayna si ficil ah u dhaqangeliyaan siyaabaha looga hortago caabuqa.

 

Share this post


Link to post
Share on other sites

Istustus, laakiin we will take anything that helps our people:

Amiirka Dubai oo amray in si degdeg ah Soomaaliya loogu diro kaalmo ka caawisa covid19 iyo fatahaadaha

 Sheikh Mohammed bin Rashid Al Maktoum, Madaxweyne kuxigeenka, raiisel wasaaraha iyo amiirka Dubia, ayaa amar ku bixiyay duulimaad gargaar ah oo lagu taageerayo gaarsiinta qalabka hawo-mareenka iyo alaabada kale ee muhiimka ah oo lasiinayo Soomaaliya.

Qalabkaan gargaar ayaa qayb ka ah ka jawaabida dagaalka COVID-19 iyo dadaallada gurmadka fatahaadda.

Hay’adda International Humanitarian City (IHC) oo loo wakiishay inay gargaarkaan gaarsiiso Soomaaliya ayaa lagu wadaa inay magaalada Muqdisho ka dejiso in ka badan 35 tan oo ah qalabka badbaadinta nolosha iyada oo la raacayo tilmaamaha Sheikh Mohammed bin Rashiid si loogu caawiyo kuwa ugu baahi badan xilligan adag.

“Ilaa bilowgii sanadkan, in kabadan 200,000 oo Soomaali ah ayaa ku bara kacay gudaha ama ha ahaadeen musiibooyin la xiriira cimilada iyo iskahorimaadka. Waxaan ka baqeynaa in xaaladaha degdegga ah oo ay weheliso faafitaanka COVID-19 ay u horseedi doonto cawaaqib xumo, ilaa aysan jirin jawaab adag oo isku duuban oo ka socota bulshada caalamka iyo kuwa ka shaqeeya arrimaha bina-aadamnimada, ayuu yidhi, Nadia Jbor, Madaxa Xafiiska UNHCR ee UAE.

UNHCR ayaa loo wakiishay inay dirto diyaarado iyo shixnado badda ah oo gargaar deg deg ah oo ay ka mid yihiin qalabka nadaafada iyo agabka hoyga si loogu caawiyo kumanaanka barakacayaasha ah ee Soomaaliyeed ee ay saameeyeen fatahaaduhu.

Share this post


Link to post
Share on other sites

Soomaaliya oo laga diiwaan-geliyay kiisaskii ugu badnaa oo ah COVID-19, maalin qura

Wasaaradda caafimaadka ee Soomaaliya ayaa waxay maanta shaacisay in dalka laga helay kiisaskii ugu badnaa ee maalin qura la diiwaan-geliyo oo ah bukaanno cusub oo qaaday xanuunka COVID-19, sida lagu sheegay war kasoo baxay wasaaradda caafimaadka.

Warbixin maalinlale  ah oo ay sii daayso wasaaradda ayaa lagu shaaciyay in laga helay waddanka maanta oo keliya 81 xaalad oo cusub oo lagasoo weriyay dhowr maamul oo hoostaga dowladda faderaalka ah iyo Somaliland.

Wasiirka wasaaradda caafimaadka Dr. Fowsiya Abiikar Nuur ayaa xaqiijisay in kiisaskaan cusub laga helay Muqdisho, Hirshabeelle, Jubaland , Puntalnd iyo Somaliland.

Gobolka Banaadir ayaa waxaa laga diiwaan-geliyay 44 xaalad oo cusub, halka Jubaland laga xaqiijiyay 24 kiis,  Puntland ayaa lagasoo sheegay 6 qof oo ah bukaan cusub, Hirshabeelle ayaa lagu arkay 2 xaalad , iyadoo Somaliland-na lagasoo weriyay 5 kiis .

Xanuunkan ayaa aad hadda ugu fidayo Soomaaliya, waxaana wadarta guud ee dadka qaaday ay gaarayaan 1170 ruux, sida ku cad diiwaanka wasaaradda caafimaadka Soomaaliya.

Share this post


Link to post
Share on other sites

Maanta oo ay tariikhdu tahay 14 May 2020, Wasiir Fawziya Abikar Nur ayaa ku dhawaaqday tirada xaaladaha cusub ee caabuqa #COVID19 in ay tahay 65 xaaladood oo lagasoo xaqiijiyay 5 Maamul Goboleed oo kala duwan.

Maamulka Koonfur Galbeed ayaa laga xaqiijiyay 24 xaaladood, Maamulka Somaliland 14 xaaladood, Gobolka Banaadir 13 xaaladood, Mamulka Puntland 13 xaaladood iyo Maamulka Jubaland 1 xaalad.

Wadarta guud ee xaaladaha cusub ayaa noqoneyso 1,284 xaaladood, waxaana geeriyooday 1 bukaan, halka ay bogsootay 5 bukaan.

Wasiirka ayaa aad u adkeysay ahmiyada ay leedahay ka hortagga iyo feejignaanta si bulshada ay uga badqabto caabuqa waxyeelada weyn leh, waxaana ay ku boorisay bulshada in ay u midoobaan la dagaalankiisa ayna hal meel uga soo wada jeestaan ayagoo ku dadaalayo dhaqan gelinta siyaabaha looga hortaggo caabuqa oo ay Wasaaradda Caafimaadka iyo quburada caafimaadka ay ugu baaqaan.

 

Share this post


Link to post
Share on other sites

Ra’iisul Wasaare Khayre ayaa guddoomiyay shirka Guddiga Qaran ee xakameynta #COVID19 oo lagu bogaadiyay horumarka laga gaaray fulinta qorshaha ballaaran ee guddigu u dejiyay hannaanka dalka looga badbaadinayo khattarta safmarka #COVID19.

 

Share this post


Link to post
Share on other sites

Tirada wasiiradda Puntland ee laga helay cudurka COVID-19 oo gaaray 4 xubnood

Tirada wasiiradda Puntland ee laga helay cudurka Corpnavirus ayaa gaartay 4 xubnood oo dhammaantood kamid ah guddigii loo xilsaaray gurmadka dadkii ku waxyeeloobay daadadkii kusoo rogmaday magaalada Qardho.

Labo kamid ah wasiiraddaan ayaa si rasmi ah u shaaciyay in cudurka laga helay halka labo kalena aysan weli xogtooda usoo gudbin bulshada. Waxaa sidoo kale jira xildhibaano iyagana laga helay cudurka oo aan magacyadooda la helin.

Wasiir ku xigeenka warfaafinta Puntland Cabdisalaan Xaaji Siciid, ayaa noqday wasiirka labaad ee shaaciyay in laga helay covdi19, isagoo wareysi lala yeeshay ku sheegay in ay jiraan illaa  afar wasiir oo isagu kamid yahay oo cudurka laga helay.

Cabdisalaan Xaaji Siciid, wuxuu tilmaamay inuu kasoo qaaday magaalada Qardho halkaas oo ay badi ku sugnaayeen xubnaha guddiga gurmadka, balse wuxuu sheegay markii uu isku arkay calaamadaha xanuunka inuu si degeg ah kusoo aaday Garowe.

Waxaa uu sheegay inuu haatan ku karantiilan yahay gurigiisa, islamarkaaan xaaladiisa caafimaad ay wanaagsan tahay. Waxaa kale oo uu sheegay in dhammaan dadkii ugu dhawaa laga qaaday baaritaanka cudurka.

Puntland, cudurka covid19 ayaa gaaray 111 kiisas, afar dhimasho ah iyo 3 bogsasho.

Share this post


Link to post
Share on other sites

Guddoomiye Filish oo ku dhawaaqay qorsho looga hortagayo faafida Covid-19

Guddoomiyaha Maamulka gobolka Banaadir Cumar Maxamuud Maxamed (Filsih) ayaa sheegay in maamulka gobolka uu wado qorsho lagula dagaalamayo Cudurka Safmareeka ah ee COVID-9,kaas oo kiisas kamid ah laga helay Soomaaliya.

Waxaa uu sheegay in Magaalada muqdisho ay ka bilaabeen howlgallo lagu buufinayo Xaafadaha iyo wadooyinka qaar si looga hortago faafitaanka Cudurka Coronavirus,dadkana looga badbaadiyo.

“Qorshaha lagula dagaalamayo waa in si hagar la’aan ah la isaga kaashado, gaadiidka waa weyn ee Dowladda Hoose waxa ay buufinayaan Degmooyinka, meelaha aan Gaadiidka geli Karin waxaa buufinaya dhalinyaro haamaha suntan xambaarsan si loosoo afjaro faafidda fayruska” ayuu yiri Duqa Muqdisho.

Waxa uu rajo wanaagsan ka muujiyay laga guuleysto cudurka Coronavirus oo saameyn taban ku yeeshay Guud ahaan Caalamka, Duqa Muqdisho ayaa soo jeediyay in la qaato tallaabooyinka loo arko in uusan ku gudbi Karin xannuunka.

Hadalkaan ayaa Guddoomiyaha Maamulka gobolka Banaadir Cumar Maxamuud Maxamed (Filsih) ayaa waxaa uu sheegay xilli xalay uu kormeeray Xaafada Suuq Bacaad oo Maamulka gobolka uu ka waday howlo buufin ah oo looga hortagayo Cudurka.

Share this post


Link to post
Share on other sites

Wasiirka Wasaaradda Caafimaadka, Dr. @Fawziya Abikar Nur ayaa ka warbixiyay xaaladaha cusub ee ka soo kordhay caabuqa #COVID19. Wasiirka waxay xaqiijisay maanta 73 xaaladood oo COVID-19 ah.

Maamulka Puntland ayaa laga xaqiijiyay 25 xaaladood, Maamulka Somaliland 19 xaaladood, Maamulka Gobolka Banaadir 17 xaaladood, iyo Maamulka Koonfur Galbeed oo laga xaqiijiyay 12 xaaladood.

Wadarta guud ee xaaladaha cusub ayaa noqoneyso 1,357 xaaladood, waxaana geeriyooday 2 bukaan halka ay bogsootay 13 bukaan.

Wasiirka ayaa bulshada u cadeysay in ay lagama maarmaan tahay in lagu dadaalo xakameenta caabuqaan sii baahayo loona baahanyahay in la raaco talooyinka cafimaadka lagama maarmaanka ah ee looga hortagi karo caabuqa #COVID19, waxeyna ku boorisay in dhammaan bulshada ay isticmaalaan af-xir iyo gacmaha oo si joogta ah loo dhaqdo.

 

Share this post


Link to post
Share on other sites

Mogadishu, Somalia, 15 May 2020 - Today, the Federal Ministry of Health Somalia has launched its new webpage with integrated new COVID-19 data-monitoring dashboard.

The integrated dashboard will allow the public to get access of the latest updates on the covid-19 situation in the country. The dashboard has the capability to track in real-time data about confirmed cases and deaths by Federal Government of Somalia and Federal Member States. It features the breakdown of the confirmed cases by gender and age group while monitoring patient recoveries.

The new data monitoring dashboard augments MoH to report accurate, knowledge-based data that informs life-saving decisions and community intervention efforts at a time of unprecedented need.

Nomad Innovation Lab has been tremendous partner in rebuilding our website and providing us with data-monitoring dashboard which will help us facilitate highly coordinated and effective response to the pandemic.

“We are very proud to partner with the Federal Ministry of Health Somalia 

and support their national efforts to combat COVID19.” Mohammed Omer, Nomad Innovation Lab.

"We are proud to partner with Nomad Innovation Lab, a Somali-led organization, to bring you this website and its integrated COVID-19 data monitoring dashboard. This timely partnership will provide the public with a dashboard that displays real-time information and data on COVID-19 in Somalia” Minister of Health, H.E. Dr. Fawziya Abikar Nur, said.

For more resource materials and real-time updates on COVID-19 in Somalia, visit www.moh.gov.so or www.moh.gov.so/en/covid19

96769451_2774544216002079_59267532973513

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Restore formatting

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.