Showqi Posted April 2, 2010 Nin ayaa u yimid Dhakhtar, markaasu weeydiistay in uu caawiyo xaaskiisa oo xanuunsan. Dhakhtarkii ayaa ku yidhi "Xaaskaaga xagee baa laga hayaa". Ninkii ayaa ku jawaabay "Waxaan u maleeynayaa in ay waalantahay". Dhakhtarkii ayaa weeydiiyey "Sideed ku ogaatay inay xaaskaagu waalantahay?" Ninkii ayaa yidhi "Waxay doonaysaa inay soo iibsato neef adhi ah" Dhakhtarkii oo yaaban ayaa yidhi "oo maxaa ku jaban haddey soo iibsato". Ninkii aad ayuu uga xanaaqay hadalka Dhakhtarka. Wuxuuna u qaatay in Dhakhtarku ku cariiksanayo(Ku jees jeesteeynaayo). Markaasu yidhi "Waxay doonaysaa inay neefka adhiga ah ku xanaanayso qolka jiifka :mad: " Dhakhtarkii ayaa isna yidhi "iska dhaaf ha ku xanaanaysee". Ninkii ayaa yidhi hawada qolka ayaa xumaanaysa :mad: " Dhakhtarkii ayaa yidhi "Daaqadaha iska fur". Ninkii ayaa ugu jawaabay, hadaan daaqadaha furo waxaan ka baqanayaa in uu Xamaamku iga baxsado (Qooleeyda iga fakato). Dhakhtarkii ayaa yidhi "Xageey ka imanayaan Xamaamka aad sheegaysaa?" Ninkii ayaa yidhi "Sariirta hoosteeda ayay ku jiraan, oo aan in muddo ahba ku barbaarinayay "! Dhakhtarkii ayaa yidhi hadaba labadiina kee baa waalan :confused: ? Quote Share this post Link to post Share on other sites
