Ethiopian troops set to leave Somalia by end April:AU

[Che -Guevara]

Nassir....The AU and International Community had years to properly train and equip a robust Somali force.Instead, millions are being poured into AMISOM and neighboring countries while Somali forces are left in the wildernesses with no pay or proper hardware. This shows the TFG is being undermined by denied the building of Somali army and police forces.

[Che -Guevara]

Madaxweyne Sheekh Shariif oo kulan looga hadlayo ammaanka Soomaaliya ugu ambabaxay Addis Ababa

 

Talaado, Maarso 13, 2012 (HOL) — Madaxweynaha Soomaaliya, Shariif Sheekh Axmed iyo wafdi uu hoggaaminayo ayaa maanta gaaray magaalada Addis Ababa ee dalka Itoobiya, halkaasoo ay ku tageen booqasho hal maalin qaadanaysa.

 

Wasiir u dowlaha madaxtooyada Soomaaliya, Cabdiraxiim Cabdi Abiikar oo safarkan ka warbixinayay ayaa sheegay in madaxweynaha Soomaaliya uu casuumaad rasmi ah ka helay ra'iisul wasaaraha Itoobiya.

 

"Madaxda Soomaaliya iyo Itoobiya waxay kawada hadli doonaan xaaladda ammaan ee dalka iyo sidii loo xaqiijin lahaa in ciidamada AMISOM ay ka howlgalaan gobollada dalka ee laga saaray Al-shabaab," ayuu yiri wasiir u dowlaha oo warbaahinta la hadlay.

 

Shariif Sheekh Axmed iyo wafdigiisa ayaa waxay ka dhoofeen garoonka diyaaradaha Muqdisho baqonimadii maanta iyagoo saacad kaddibna tagay Addis Ababa, balse ma jirto madaxweynaha hadal uu siiyay saxaafadda markii uu ka dhoofayay Muqdisho iyo markii uu gaaray Addis Ababa.

 

Gobollada dalka Soomaaliya qaarkood ayaa waxaa ku sugan ciidamada Itoobiya oo gacan ku siinaya kuwa DKMG ah dagaal lagula jiro Al-shabaab, waxaana ciidamadan ay qabsadeen degmooyinka Baydhabo iyo Baladweyne oo ahaa goobo ay gacanta ku haysay Al-shabaab.

 

Madaxweynaha Soomaaliya ayaa marar badan safarro ku tagay dalka Itoobiya tan iyo markii xilkan loo doortay horraantii sannadkii 2009, waxaana xilligaas ka hor uu hoggaaminayay xoogaggii maxkamadaha oo dagaal kula jiray ciidamadii Itoobiya ee ku sugnaa Muqdisho.

 

Maxamed Xaaji Xuseen, Hiiraan Onilne

maxuseen@hiiraan.com

Muqdisho, Soomaaliya