Mareykanka oo sheegay in aanu ka qeyb qaadan doonin weerar ka dhan ah Iran,

[Deeq A.]

Maraykanku kama qayb qaadan doono tallaabo kasta oo Israa’iil aargoosi ah oo ka dhan ah Iran

Madaxweyne Joe Biden ayaa uga digay Ra’iisul Wasaare Benjamin Netanyahu in Mareykanku uusan ka qeyb qaadan doonin weerar ka dhan ah Iran, taas oo ah ikhtiyaar uu golaha wasiirrada dagaalka Netanyahu ay door bidayaan ka dib markii diyaarad aan duuliye lahayn iyo gantaal lagu weeraray dhulka Israa’iil, sida ay sheegeen saraakiisha.
Khatarta dagaal badheedh ah oo ka dhex qarxa cadawga bariga dhexe iyo is jiid jiidka Maraykanka ayaa gobolka galiyay meel xun, taas oo dhalisay baaqyo ah in la xakameeyo quwadaha caalamka iyo wadamada Carabta si looga fogaado in ay sii xumaato.

Maraykanku waxa uu sii wadi doonaa in uu Israa’iil ka caawiyo in ay is difaacdo balse ma rabo dagaal, sidaas waxa yidhi John Kirby, oo ah af-hayeenka ugu sarreeya amniga qaranka ee Aqalka Cad, ayaa u sheegay barnaamijka “Toddobaadkan” ee ABC Axaddii.
Boqorka Jordan Boqor Cabdallah ayaa khadka taleefoonka ugu sheegay Biden Axadii in hadii xiisad kale oo ka timaada Israel ay sii balaarin doonto colaada gobolka, sida ay sheegtay warbaahinta dowladda Urdun.
Saraakiisha Israa’iil ayaa sheegay in golaha wasiirrada dagaalka ee Netanyahu oo ka kooban shan xubnood ay door bideen aargudasho kulan ay yeesheen Axaddii, inkastoo guddiga ay ku kala qeybsameen waqtiga iyo cabbirka jawaab kasta oo noocaas ah.

Ruushka, Shiinaha, Faransiiska, Jarmalka iyo Turkiga, iyo sidoo kale dalalka Carabta Masar, Qatar iyo Imaaraadka Carabta, ayaa ku baaqay in la xakameeyo.
Hogaamiyayaasha kooxda 7-da wadan ayaa dhaleeceeyay weerarka Iran, waxayna sheegeen inay ka shaqayn doonaan sidii xaalada loo dejin lahaa, iyagoo bayaan ay soo saareen kaga digay in Tehran ay halis ugu jirto “xaalad gobol oo aan la xakamayn karin”.

Qaran News