Finland oo Ergeygeeda Nabadda Geeska Afrika usoo Magacowday Suldaan Saciid

[Deeq A.]

Dowladda Findland ayaa Suldaan Saciid Axmed u magacowday Ergayga gaarka ah ee arrimaha nabadda iyo dhexdhexaadinta geeska Africa, kadib war rasmi ah oo ka soo baxay wasaaradda arrimaha dibadda dowladda Finland.

Mudane Suldaan Saciid Axmed ayaa horay u soo noqday xildhibaan ka tirsan baarlamaanka Finland iyo ergayga gaarka ah ee wasiirka arrimaha dibedda Finland u qaabbilsan nabadda iyo dhexdhexaadinta geeska Afrika.

Suldaan oo asal ahaan ka soo jeeda geeska Afrika ayaa isagoo kaashanaya aqoontiisa duruqsan ee uu u leeyahay dhaqanka iyo qaab-dhismeedka bulshooyinka gobolka horay u kasbaday kalsoonida hoggaanka siyaasadda, diinta, dhaqanka iyo dhallinyarada bulshada gobolka, isagoo sare u qaaday xiriirka togan ee u dhexeeya dalalka dhaca geeska Afrika iyo dowladda Finland.

Magacaabistiisa ayaa waxa ay kusoo aadaysaa xilli dowladaha Soomaaliya iyo Itoobiya ay ka taagan tahay xaalad kacsanaan ah oo siweyn looga dareemay gobolka geeska Afrika iyo Qaaradda, waxaana xudid mudan in golaha nabadgalyada iyo midowga Afrika ay hore ugu soo magacaabeen ergay, Soomaaliya ayaa shuruud ku xirtay wadahad kasta oo dhexmara.

Source: goobjoog.com