Masar, Itoobiya iyo Suudaan oo Is afgarad ka gaadhay biyo-xidheenka muranka badan dhaliyay

[Deeq A.]

Wadahadalladii ugu dambeeyay ee ku saabsanaa biyo-xidheenka muranka badan dhaliyay ee Itoobiya ayaa kusoo dhamaaday guul.

Wadahadalka oo Addis Ababa ka socday muddo laba maalmood ah, ayaa waxaa isugu yimid wakiillo ka socda Itoobiya, iyo labada dal ee – Masar iyo Suudaan – kuwaas oo muddo dheer ka walaacsanaa in biyo-xidheenka uu khatar gelin karo sahaydooda muhiimka ah ee biyaha.

Biyo-xidheenka Grand Ethiopian Renaissance Dam (GERD) oo ku kacaya $4.6 bilyan ayaa noqon doona mid ka mid ah warshadaha korontadda ee ugu weyn Afrika marka ay si buuxda u shaqeyso taas oo awood u yeelan karta in ay dhaliso 5000 megawatts oo koronto ah; Addis Ababa waxay rajaynaysaa inay gacan ka gaysan doonto dadaalkeeda ku saabsan bixinta koronto malaayiin qoys.

Dhismaha biyo-xidheenka GERD wuxuu bilaabmay 2011-kii, wada-xaajoodyo badan oo tan iyo xilligaasi ka dambeeyayna waa lagu guul-darreystay inay horseedaan heshiis dhab ah.

Bishii Luulyo Ra’iisul Wasaaraha Itoobiya Abiy Axmed iyo Madaxweynaha Masar Abdel Fattah al-Sisi ayaa ballan qaaday inay dhameystirayaan heshiiska. Ka dib afar wareeg oo wadahadalo ah ayaa lagu qabtay Qaahira iyo Addis Ababa laakiin midkoodna ma noqon mid midha-dhala.

Biyo-xidheenka ayaa gabagabo ku dhow, Itoobiya ayaa billowday inay koronto dhaliso sannadkii hore balse si buuxda uma shaqeyn.

Source