Weftigii Wasiirka Ganacsiga oo la Kulmay Shirkadda Shiidaalka Taiwan

[Deeq A.]

Weftigii Wasiirka Ganacsiga oo la Kulmay Shirkadda Shiidaalka Taiwan

Hargeysa(Qaran news)-Weftigii Somaliland ee safarka ugu maqnaa Dalka Taiwan ee uu hoggaaminayey Wasiirka Ganacsiga Maxamuud Xasan Sacad (Saajin),ayaa la kulmey madaxda shirkadda CPC Corporation oo ah shirkada Shidaalka ee dalka Taiwan, kuwaas oo warbixin ka siiyey hawlaha shidaalka ee ay CPC ka waddo Somaliland.

Badhtamaha 2024-ka, CPC waxa ay qodaysaa ceel kii ugu horeeyey ee shidaal ee Somaliland laga qodo, waxaanay dekedda Berbera u isticmaali doontaa in ay khayraadkaasi u gudbiso suuqyada caalamka.

Shirkadda CPC ee dalka Taiwan waxay ka mid tahay shirkadaha dalka Taiwan ee Somaliland maal-gashiga ka bilaabay.

Qaran News