9 Dal oo soo bandhigay Liiska Hubka ay Ukraine siin doonaan,Noocyadiisa & Tiradiisa si ay Ruushka isaga difaacdo

[Deeq A.]

9 Dal oo soo bandhigay Liiska Hubka ay Ukraine siin doonaan,Noocyadiisa & Tiradiisa si ay Ruushka isaga difaacdo

Baaqii madaxweynaha Ukraine Volodymyr Zelenskiy ee ahaa in dalkiisa la siiyo hub fara badan ayaa jawaab celin wanaagsan ka helay Mareykanka iyo qaar ka mid ah dalalka Yurub. Mareykanka ayaa ku dhawaaqay in gargaar ku kacaya 2.5 bilyan oo doolar oo ay ku jiraan gawaarida gaashaaman iyo nidaamka difaaca hawada uu siinayo Ukraine.

Tiro dalal ah oo ay ku jiraan Uk iyo Holland ayaa iyaguna ballan qaaday kaalmo hub oo cusub isla markaana ay siin doonaa  Ukraine.

Hadalkan ayaana imaanaya  ka hor kulanka maanta ka dhacaya dalka Jarmalka, oo 50 wadan ay isku dubaridi doonaan gargaarkooda hubka.

Kulan khamiistii dhacay oo ay ka qayb galeen wakiilo ka kala socday 11 dowladood ayaa waxaa la isugu tagay saldhig ciidan oo ku yaal Estonia si ay uga wada hadlaan xirmooyin badan oo cusub ugana caawiyaan Ukraine dib u qabsashada dhul ayna iska caabiso horumar kasta oo Ruushku ka sameeyo dagaalka.

Sagaal wadan oo kala ah  – UK, Poland, Latvia, Lithuania, Denmark, Czech Republic, Estonia, Netherlands iyo Slovakia – ayaa ballan qaaday taageero dheeri ah.

Gaegaarka hubka ah ee lagu dhawaaqay ayaa lagu sheegay bayaan wadajir ah waxaana ka mid ah.

• UK – 600 oo gantaal oo Brimstone ah
• Danmark – 19 Kaysar oo Faransiisku sameeyay
• Estonia –howitzers, rasaas, baabuur nidamakadifaaca iyo kuwa ka hortagga bam-gacmeedyada
• Latvia – Nidaamyada difaaca hawada ee Stinger, laba helikobtar, iyo diyaaradaha aan duuliyaha lahayn
• Lithuania – qoryaha lidka diyaaradaha iyo laba helikobtar
• Poland – Qoryaha lidka diyaaradaha ee S-60 oo wata 70,000 oo rasaas ah
• Czech Republic – Saanad hub ah ayay ballan qaaday.

 Nederlaan waxay ku dhawaaqi doontaa xirmokeeda taageerada Jimcaha.

 Isagoo ka hadlayay booqashadiisa Estonia, Xoghayaha Difaaca UK Ben Wallace wuxuu yiri: “2023, waa waqtigii la bedeli lahaa dardargelinta ay reer Ukraine ku guuleysteen inay dib ugu riixaan Ruushka oo ay dib u soo celiyaan Ukraine iyo in dib loo soo celiyo Ukraine Qaranimada, taas oo ah xuquuq ay ku leeyihiin sharciga caalamiga ah.”

 Ku dhawaaqidda taageerada cusub ee Maraykanka ayaa timid galinkii dambe ee Khamiista. Inkasta Mareykanku aanu ku darin kaalmadaan dalabka Ukraine ee taangiyada.

Laakiin Pentagon-ka ayaa Kyiv u ballan qaaday 59 baabuur oo gaashaaman oo Bradley ah, 90 askari oo Stryker ah iyo nidaamyada difaaca hawada ee Avenger, iyo rasaas kale oo waaweyn iyo kuwa yaryar.

Waxa ay sheegtay in weeraradii cirka ahaa ee u dambeeyay ay muujinayaan “saamaynta xun ee dagaalka bahalnimada ah ee Ruushku ka wado Ukraine” – laakiin waxay sheegtay in hubka cusub ee la ballan qaaday uu gacan ka geysan doono sidii looga hortagi lahaa.

Warka qoraalka ah ayaa waxa uu intaa ku daray in Maraykanku uu hadda in ka badan 26.7bilyan uu u ballan qaaday dhinaca ammaanka ee Ukraine tan iyo duullaankii ballaarnaa ee Moscow 24kii Febraayo 2022.

Shir ay yeellanayaan kooxda difaaca Ukraine, oo ka kooban xulafada muhiimka ah oo uu ku jiro Mareykanka, ayaa  dhici doona saldhigga cirka ee Ramstein ee Jarmalka Jimcaha si ay uga wada hadlaan taageero militari oo dheeraad ah.

 Madaxweyne Zelensky wuxuu sheegay inuu filayo “go’aamo adag” oo ku saabsan dhoofinta hubka dheeraadka ah in lagu gaaro kulankaas, oo ay ku jiraan “agab taageero milatari oo awood leh” oo ka socoda Maraykanka.

 Wadahadalladan ayaa u muuqda kuwo diiradda lagu saarayo su’aasha ah in la diri karo dabaabaadka culculus iyo in kale, iyo in ay muhiim tahay cidda keeni doonta. In kasta oo balaayiin doollar ay ku yabooheen Khamiistii xulafada reer galbeedka, haddana su’aashan ayaa ah mid aan jawaab loo helin.

Ukraine waxay codsanaysaa in taangiyada Leopard-ka ee Jarmalku sameeyo loo diro jiidda hore.

Hoggaamiyaha Jarmalka Olaf Scholz wuxuu la kulmayaa cadaadis caalami ah iyo mid gudaha ah oo sii kordhaya si uu kaalin uga qaato arrimaha socda ee Ukraine lagu caawinayo.

 Poland iyo Finland labaduba waxay ballan qaadeen inay diri karaan Leopard-kooda – laakiin waxay u baahan yihiin ogolaanshaha Jarmalka.

Raysal wasaaraha Poland, Mateusz Morawiecki, ayaa sheegay inuu ” inuu ka niyad jabay” in Jarmalku uu siinayo ogolaanshaha uu Ukraine ugu dhoofiyo Leopards.

Madaxweyne Zelensky ayaa sidoo kale ka hadlay diidmada Jarmalka.

 “Hadda waxaan sugeynaa go’aan ka yimaada mid ka mid ah caasimaddaha Yurub oo dhaqaajin doona silsiladaha diyaarsan ee iskaashiga taangiyada,” ayuu yiri habeenkii Khamiista.

Ilo-wareed ka tirsan dowladda oo ku sugan magaalada Berlin ayaa u sheegay wakaaladda wararka ee Reuters in aysan weli ka helin dal kasta codsi ah in dib loo dhoofiyo taangiyada.

Dalka Ingiriiska wuxuu ahaa waddankii ugu horreeyay ee taangiyada siiya Ukraine.

Qaran News