Ra’iisulwasaaraha ku-xigeenka dalka oo kulan la qaatay Madaxweynaha Niger

[Deeq A.]

Ra’iisul Wasaare ku xigeenka Xukuumadda Mudane Salah Jama ayaa intuu ku sugnaa dalka Niger wuxuu kulan la qaatay Madaxweynaha dalka Niger Mohamed Bazoum isagoo kala hadlay qodobo ay kamid yihiin in labada dal oo kujira duruufo isku dhaw ay u yeeshaan xidhiidh dhaw, kana wada shaqeeyaan horumarka labada dal.

Ra’iisul wasaare ku xigeenka ayaa u gudbiyay Madaxweynaha Niger in lasoo daayo 5 dhallinyaro Soomaaliyeed ah oo muddo sannad ku dhaw ku xidhnaa dalkaas. Madaxweyne Bazoum ayaa dhankiisa sheegay in uu u kuur-gali doono xaaladda dhallinyaradaas kadibna wax ka qaban doono si degdeg ah.

Ra’iisul wasaare ku xigeenka ayaa u mahad celiyay Madaxweynaha dalkaas marti gelinta shirka Warshadaynta iyo isu-dheelli tirka dhaqaalaha oo muhiimad gaar ah u lahaa dalalka Afrika, Saalax ayaa dalkaas kaga qeyb galay shirka ay isugu yimideen Afrika oo looga hadlayay hormarinta iyo dfhanka Warshadaha.

Goobjoog News

Source: goobjoog.com