Madaxweyne Laftagreen oo Ka Hadlay Geerida Guddoomiyihii Degmada Qoryooleey

[Deeq A.]

Madaxweynaha Dowladda Koonfur Galbeed Mudane Cabdicasiis Xasan Maxamed Laftagareen ayaa tacsi tiiraanyo leh u diray qoyska, ehelada, iyo dhammaan ummadda Soomaaliyeed ee uu ka baxay Alle ha u naxariistee Gudoomiyihii Degmada Qoryooley Siid Cali Ibraahim Xasan oo ku geeriyooday Qarax ay Al-sgabaab ay kula beegsadeen Degmada Qoryooleey.

Madaxweyne Laftagareen ayaa tilmaamay in  Alshabaab mar waliba ay Bartilmaameed uyihiin Haldoorada u adeegaya Bulshada iyo Qaranka Soomaaliyeed sida uu hadalka u dhigay, waxaana uu xusay in Marxuumku uu muddo dheer u soo adeegay Qaranka Soomaaliyeed, laguna Xasuusto Doorkii uu ku lahaa Nabadaynta Bulshada Degmada Qoryooley.

“Innaa lillaahi wa innaa ilayhi raajicuun. Waa geeri xanuun badan Alle ha u naxariistee marxuum Siid Cali Ibraahim Xasan Qaraabada iyo Guud ahaan Shacabka Soomaaliyeed waxaan uga tacsiyeynayaa geerida naxdinta leh ee ku Timid Marxuumka” ayaa lagu qoraal lagu daabacay barta Facebook ee madaxtooyada Koonfur Galbeed.

Madaxweynaha Koonfur Galbeed Cabdicasiis Laftafareen ayaa Alle uga baryey Marxuumka in uu hoygiisa ka dhigo Jannatul Fardowsa, samir iyo iimaanna uu ka siiyo qoyska, qaraabada iyo dhammaan Ummadda Soomaaliyeed ee uu ka baxay, maanta ayuu waxaa uu ku geeriyooday qarax ka dhacay duleedka degmada Qoryooley ee gobolka Shabeellaha hoose.

Goobjoog News

Source: goobjoog.com