10 sano oo uu socday iyo $70 milyan oo doolar, mashruuca biyo balaadhinta Hargeysa, ma ka jawaabayaa suaalahan?

[Deeq A.]

10 sano oo uu socday iyo $70 milyan oo doolar, mashruuca biyo balaadhinta Hargeysa, ma ka jawaabayaa suaalahan?

0. Xisbiga Kulmiye wuxuu yimid Hargeysa oo bilaa biyo ah ma ka tegayaa Hargeysa oo biyo ku filan oo nadiif ah haysata..

1. 64% biyo qasabad ah ma helaan reer Hargeysa, intee baa hoos loo dhigay tiradan oo maanta helay biyo qasabadeed ah oo nadiif ah kuna filan?

2. Imisa degmo oo aan hore biyaha wakaalada u helin jirin baa hadda biyaha la gaadhsiiyay?( iyada oo aanay waayin xaafadihii hore u heli jiray biyihu)

3.Dhuuntii biyaha ka keenaysay Geedeeble ee cusbayd ma hawl gashay?

4. Shan (5) Kayd oo cusub oo biyaha ah oo laga dhisayay qaybaha kala duwan ee Hargeysa maxaa dhamaaday?

5 Laba iyo toban (12) Ceel oo cusub oo lagu kordhinayay biyaha Horahaadley iyo Geed-deeble imisaa lagu guulaystay oo hadda shaqaynaya?

6. Muxuu maanta madaxwaynuhu xadhiga ka jarayaa? Waa markii imisaad ee halkaa uu maanta xadhiga ka jarayo hore looga jaray?

7. Natiijadii tijaabaddii biya balaadhinta ma lala wadaagi kartaa dadka, ma se la ogolaan karaa wariyayaal madax-banaan oo ka soo warbixiya mashruuca min Geedeeble ilaa Hargeysa?

Jawaabaha suaalahan toddobada ah ayaa sheegaya guusha iyo guuldarrada biyo balaadhinta Hargeysa.

Waxa Qoray

Hamse Khaire

Qaran News