Shirka arrimaha doorashooyinka oo maanta ka furmayo Afisyooni

[Deeq A.]

Magaalada Muqdisho waxaa lagu wadaa in saacadaha soo socda uu si rasmi ah uga furmo shirka wada-tashiga ee dowladda federaalka, dowlad goboleedyada & gobolka Banaadir.

Shirkan oo ah mid xasaasi ah ayaa waxaa looga hadlayaa xaaladda dalka, gaar ahaan arrimaha doorashooyinka ee sanadkan 2021-ka.

Wararka ayaa sheegaya in sidoo kale shirkani ay ka qeyb-geli doonaan madaxdii hore ee dalka, Xasan Sheekh Maxamuud iyo Sheekh Shariif oo ka mid ah musharraxiinta.

Beesha caalamka ayaa garwadeen ka ah wada-hadallada u dhexeeya dhinacyadan oo la doonayo in xal looga gaaro is mari-waaga weli ka taagan hannaanka doorashooyinka.

Soomaaliya ayaa haatan wajaheyso xaalad adag oo kala guur ah, waxaana dib u dhacay qabsoomida doorashooyinka, sababo la xiriira khilaafka siyaasadeed ee ka jira dalka.

View the full article