AFRICOM oo baahisay muuqaal laga duubay duqeyntii Jilib

[Deeq A.]

Taliska AFRICOM ee Mareykanka ayaa baahiyey muuqaalka duqeyn ay 10-kii December ee sanadkjan 2020-ka  ku fuliyeen degmada Jilib ee gobolka Jubada Dhexe.

Duqeynta oo lala beegsaday goob ay ku sugnaayeen dagaalyahanada Al-Shabaab ayaa waxa ay geysatay khasaare isugu jira dhimasho iyo dhaawac.

AFRICOM ayaa sheegtay in weerarkaas lagu dilay 8 xubnood oo Al-Shabaab ka tirsan, una qaabilsan qeybta qaraxyada, halka lagu dhaawacay labo kale, sida ay hadalka u dhigtay.

Muuqaalka la baahiyey ayaa waxaa sidoo kale la arkayey bur-bur xoogan oo gaaray goobta la bartilmaameedsaday oo sidoo kale uu qabsaday olol meel dheer ah.

Inta badan Mareykanka ayaa duqeymo culus oo ka dhan ah Al-Shabaab ka fuliyo koonfurta iyo bartamaha Soomaaliya.

 

View the full article