Ganacsiga Garoowe oo Xiran iyo Mudaharaad Ka Dhacay Magaalada

Deeq A. · December 6, 2020

Waxaa maanta gabi ahaan xiran ganacsiyada kala duwan ee magaalada Garowe ee caasimadda maamulka Puntland, kadib markii ganacsatadu ka cabteen sicir barar ku yimid lagaha Shilinka Soomaaliga iyo Dollarka.

Boqolaal dadweyne ah oo ka cabanayo sare kaca ku yimid sarifka ayaa waxaa ay dhigeen dibadbax ay kaga cabanayaan, waxaana ay socod ku mareen wadada halbowlaha u ah magaalada, iyagoo gaaray xarunta Baarlamaanka.

Qaar kamid ah mudahaaradayaasha oo la hadlay warbaahinta ayaa waxaa ay sheegeen in ay ka cabanayaan sarifka lagcagaha oo sare u kacay, waxaana ay maamulka ugu baaqeen inuu waka qabto sarifka “ Dowladda waxaan ka codsanaynaa tallaabadii ugu horaysay waa ay qaaday, waxaan dooneynaa in la jaan gooyo lacagta sarifka ah, lacagta Soomaaliga cid diidan majirto waxaa la isku hayaa sarifkii lacagaha ayuu yiri”.

Mudaharaadkaan ayaa waxaa uu dabajoogaa kadib markii wasaaradda maaliyadda Puntland ay ku amartay shirkadaha Golis iyo Dahabshiil inaan shacabka loo ogolaan in la isku diro 1$ lacag ka yar si lacata shilinka kor loogu soo qaado sida lagu sheegay qoraal ka soobaxay.