Milateriga Itoobiya oo sheegay in ay kaabiga u saaran yihiin xarunta Tigray ee Mekelle

[Deeq A.]

Ciidamada Milateriga Itoobiya, ayaa sheegay in ay dhowr jiho weerar culus kaga qaadeen magaalada Mekelle ee xarunta Tigray.

Sarkaal ka tirsan Milateriga Itoobiya, ayaa warbaahinta dowladda Itoobiya u  sheegay in ciidanku gacanta ku dhigeen magaalada Wukro oo 50km dhanka waqooyi kaga beegan Mekelle .

Waxa uu sheegay in ciidankii ka dhaqaaqay dhanka Adwa ay qabsadeen magaalooyinka Hawzen, Abraha Weatsbeha ilaa Wukro .

Dhanka Adigrat, ayaa waxaa uu sheegay in ciidankii ka dhaqaaqay ay qabsadeen magaalooyinka Senkata iyo Al-Najashi.

Aaga Raya ayaa sarkaalku tilmaamay in ciidankii ka tegay ay hantiyeen magaalooyinka Adikeyeh  iyo Hewane.

Sidoo kale, wuxuu xusay in ay kaabiga u saaran yihiin magaalada Mekelle ee caasimadda u aha Gobolka Tigreega islamarkaana ay qabsan doonaan saacadaha soo socda.

PUNTLAND POST

The post Milateriga Itoobiya oo sheegay in ay kaabiga u saaran yihiin xarunta Tigray ee Mekelle appeared first on Puntland Post.