Golaha wakiilada maamulka Puntland oo ansixiyey xeer muhiim ah

[Deeq A.]

Magaalada Garoowe waxaa maanta kulankoodii caadiga ahaa ku yeeshay xildhibaanada golaha wakiilada maamulkaasi, kaas oo looga hadlay arrimo muhiim ah.

Ajandaha kulan ayaa u ahaa aqrinta 3-aad ee xeerka isgaarsiinta & khidmadaha ee dowlad goboleedka Puntland.

Kulankan ayaa waxaa shir guddoomiyey Cabdirashiid Yuusuf Jibriil oo ah guddoomiyaha golaha wakiilada Puntland, waxaana sidoo kale fadhiga xaadir ahaa ku xigeenkiisa 1-aad Cabdicasiis Cabdullahi Cismaan & ku xigeenka 2-aad Ismaaciil Maxamed Warsame.

Ugu dambeyn Guddoomiye Cabdirashiid ayaa sheegay in xeerka ay ansixiyeen ay dood ka yeesheen fadhiyadii ugu dambeeyay,, 36-Xildhibaan ayaa qaab gacan-taag ah ku ogalaatay xeerka isgaarsiinta, hal xildhibaan ayaa diiday, halka mudane kalena uu ka aamusay.

View the full article