Jadwalka doorashada madaxweynaha HirShabelle oo la shaaciyey

[Deeq A.]

Guddiga doorashada madaxweynaha HirShabelle iyo ku xigeenkiisa ayaa maanta soo saaray jadwalka doorashada iyo waqtiga ay dhaceyso.

Warqad ka soo baxday xafiiska guddiga D ayaa waxaa lagu sheegay in diiwaan-gelinta musharixiinta ay bilaabaneyso 8-da illaa iyo 9 bishaan November, sidoo kalena khudbadaha musharraxiinta la dhageysan doono 10-ka bisha November ee sanadkan.

Sidoo kale guddiga ayaa qoraalkiisa ku sheegay in doorashada madaxweynaha iyo ku xigeenkiisa ay dhici doonto 11-ka bishaan oo ku beegan Arbacada soo socota.

View the full article