Canada Oo Ku Dhawaaqday Inay Qaadanayso In Ka Badan 400,000 Muhaajiriin Ah Sannadkiiba Laga Billaabo 2021

[Deeq A.]

(SLT-Ottawa)-Dowladda Canada ayaa ku dhawaaqday qorshaheeda ku aadan qaabilaada qaxootiga (2021-2023), waxayna sheegtay inay bartilmaameedsan doonto heerka ugu sarraysa ee qaadashada soogalootiga.

Saddexda sanno ee soo socota, Canada waxay shaacisay inay hiigsaneyso inay soo dhaweyso oo ay deganaasho cusub oo joogto ah siiso boqolaal kun oo qaxooti ah.

Qorshahan oo ka billaabanaya Sannadka soo socda ee 2021, ayay Canada ku qaadan doontaa 401,000 qaxooti ah. Sannadka ku xigana (2022), waxay qaadandoontaa 411,000 halka sannadka 2023 ay qaadandoonto 421,000.

Qaxootigii ugu badnaa ee ay Canada soo dhaweyso oo gaadhayay in ka badan 400,000 oo muhaajiriin ah ayaa ahayd sannadkii 1913.

Tan iyo waqtigaas kadib, ma jirin tiro intaas le’eg ama u dhow oo ay Canada dalkeeda kusoo dhoweysay.

Horaantii sannadkaan, bishii March 12-keedii, dowladda Canada waxay ku dhawaaqday inay soo dhaweynayso in ka badan hal milyan oo cusub oo qaxooti ah oo helaya deganaansho rasmi ah inta u dhaxeysa 2020 iyo 2022.

Maalmo kadib, Canada waxay ku qasbaneyd inay xidho xuduudaheeda sababa la xidhiidha cudurka faafa ee COVID-19.

Source