Ciidamada Xoogga dalka oo howlgal ku dilay xubno ka tirsan Al-Shabaab

[Deeq A.]

Taliska ciidamada Xoogga dalka Soomaaliyeed ayaa faah faahin ka bixisay howl-gallo ciidamada milatariga ay ka sameeyeen qeybo badan oo ka mid ah gobolka Sh/Hoose.

Axmed Xasan Siyaad oo ka mid ah saraakiisha ciidamada milatariga dowladda federaalka Soomaaliya oo la hadlay warbaahinta ayaa sheegay in toban ka tirsan dagaalyahanada Xarakada Al-Shabaab ay ku dileen tuulooyin hoos yimaada deegaanka Bariire ee gobolkaas.

Sidoo kale wuxuu intaasi ku daray in xubnaha la dilay ay ku jiraan labo sarkaal oo sar-sare, sida uu hadalka u dhigay.

Dhanka kale ma jiro weli wax hadal ah oo ka soo baxay dhinaca Al-Shabaab oo ku aadan howl-galladaasi.

Maalmihii u dambeeyey ciidamada huwanta ayaa kordhiyey howl-gallada milatari ee ay ka wadaan gobolka Shabeelaha Hoose ee koonfurta Soomaaliya.

View the full article