Sign in to follow this  
Deeq A.

Sawirro: Dab xoog leh oo ka kacay Dhuusamareeb

Recommended Posts

Deeq A.   

Dhuusamareeb (Caasimada Online) – Faah faahino dheeraad ah ayaa waxaa laga helayaa dab xoogan oo saaka ka kacay dhisme ku yaalla bartamaha magaalada Dhuusamareeb ee caasimada dowlad goboleedka Soomaaliyeed ee Galmudug.

Dabka ayaa waxaa lagu soo warramayaa inuu qabsaday kaalin shidaal oo ku taalla gudaha magaaladaasi, sida ay innoo sheegeen ilo deegaanka ah.

Sidoo kale dabka oo ah mid xoog leh ayaa ku sii fiiday goobo kale oo ganacsiga oo ka agdhow kaalinta shidaalka ee uu dabku ka kacay.

Wararka ayaa sheegaya in gurmad xoogan ay haatan wadaan shacabka deegaanka iyo laamaha amniga Dhuusamareeb oo is kaashanaya, si loo damiyo dabkaasi.

Illaa hadda lama soo warin wax khasaare nafeed ah, balse waxaa jira mid maaliyadeed oo xoog leh.

Dadka deegaanka ayaa sidoo kale cabsi ka muujinayo in dabka uu sii fido, maadaama magaalada Dhuusamareeb aysan laheyn wax dab-damis ah.

Xaaladda ayaa haatan kacsan, waxaana si aad looga mashquulsan yahay, sidii looga hortagi lahaa dabkaasi, loona yareyn lahaa khasaaraha uu geysanayo.

120366651_632315050990040_23913364599670 120419787_2933665870193908_6296231644870 120356982_1434937000038847_8876553735897

 

The post Sawirro: Dab xoog leh oo ka kacay Dhuusamareeb first appeared on Caasimada Online.

Share this post


Link to post
Share on other sites
Sign in to follow this