Aqriso: Wararkii u dambeeyey ee shirka wada-tashiga Muqdisho

[Deeq A.]

Magaalada Muqdisho ee caasimadda Soomaaliya waxaa weli ka socda shirka wada-tashiga ee u dhexeeya dowladda dhexe, dowlad goboleedyada iyo gobolka Banaadir.

Shirka ayaa xalay dib u billowday, maadaama labadii maalin ee la soo dhaafay ay wada-tashiyo ku kala maqnaayeen madaxda, sida ay shaaciyeen ilo lagu kalsoon yahay.

Sidoo kale waxaa xalay shirka ku biiray guddoomiyaha golaha shacabka, Maxamed Mursal Sheekh C/raxmaan iyo sii hayaha Ra’iisul wasaaraha Mahdi Maxamed Guuleed.

Intiisa badan waxaa shirkan diirada lagu saarayaa arrimaha doorashooyinka ee 2020 illaa 2021-ka, waxaana qodobada la’isku hayo ka mid ah:-

1-In aanay doorashadan maamulin Guddiga Madaxa bannaan ee doorashooyinka qaran, taas bedelkeed la sameeyo Guddi heer federaal iyo heer dowlad goboleed,

2-In doorashada aanan xisbi lagu gelin.

3-In deegaanada doorashada aanay ka badan 2 deegaan, tirada ergada laga dhigo 101 illaa 150 ergo.

Xaaladda siyaasadeed ee dalka ayaa ah mid cakiran, waxaana Muqdisho ka socda shirar gooni-gooni ah oo looga hadlayo marxaladda kala guurka ah ee uu ku jiro dalka.

View the full article