Sawirro: Madaxweyne Qoor-Qoor oo la kulmay xisbiyada mucaaradka

Deeq A. · September 11, 2020

Madaxweynaha maamulka Galmuudg, Axmed Cabdi Kaariye (Qoor-Qoor) ayaa maanta kulan gaar ah la qaatay hoggaanka xisbiyada dalka iyo siyaasiyiinta mucaaradka.

Kulanka oo ahaa mid xasaasi ah ayaa waxa uu ka dhacay hoyga uu Muqdisho ka dagan yahay Madaxweynihii hore ee Soomaaliya, Mudane Xasan Sheekh Maxamuud.

Sidoo kale waxaa kulanka ka qeyb galay Madaxweynihii hore ee Koonfur Galbeed, Shariif Xasan Sheekh Aadan, siyaasiga Cabdiraxmaan Cabdishakuur, xildhibaano iyo siyaasiyiin.

Intiisa badan waxaa kulanka diirada lagu saaray xaaladda siyaasadeed ee dalka, gaar ahaan arrimaha doorashooyinka ee 2020-ka illaa 2021.

Waxaa sidoo kale lagu soo qaaday sidii loo dhameystiri lahaa heshiiskii lagu gaaray magaalada Dhuusamareeb ee caasimadda Galmudug.

Xaaladda siyaasadeed ee dalka ayaa ah mid cakiran, waxaana Muqdisho ku wada sugan madaxda dowladda & kuwa dowlad goboleedyada oo ka arrinsanaya doorashada.

Halkan hoose ka daawo sawirrada:-